—

tá glacadh na hintleachta saorga ag MFBManna ag brath go príomha ar cé acu an bhfuil an-scil ag bainisteoirí agus fostaithe san intleacht shaorga nó nach bhfuil, lena n-áirítear i ndáil le rioscaí, sula gcuirfear an teicneolaíocht seo in úsáid;

—

is trí mhaoiniú iomchuí, agus sin amháin, a dhéanfar cúiteamh ar mhíbhuntáistí ó thaobh méide agus aibíochta de, nithe a chuireann bac, de facto, ar úsáid na hintleachta saorga in MFBManna. I ndáil leis an méid sin, is díol sásaimh do CESE gur fhógair an Coimisiún go gcuirfí EUR 1,98 billiún ar fáil don Chlár don Eoraip Dhigiteach (6). Leis na moil nuálaíochta, tugtar an rochtain is fearr ar na hacmhainní digiteacha is déanaí agus ar oiliúint do na geallsealbhóirí;

—

teastaíonn bunachair shonraí sheachtracha ardcháilíochta ó MFBManna. Tá béim leagtha ag CESE cheana ar a thábhachtaí atá sé a áirithiú go mbeidh rochtain ag cách ar mhórshonraí na hearnála poiblí. Is gá freisin comhéadain láidre feidhmchláir a chur ar bun, nó ardáin Eorpacha le haghaidh comhroinnt shlán sonraí, fiú (7), amhail an tionscadal Gaia-X. Mhol sé freisin cur chuige cómhalartach a ghlacadh maidir le bainistíocht agus malartú sonraí agus chuir sé i bhfáth go bhfuil sé tábhachtach sonraí a chur ar fáil chun críoch altrúchais (8);

—

má tá MFBManna chun teicneolaíochtaí intleachta saorga, rochtain ar shonraí, caighdeánú agus rochtain ar mhaoiniú a chur ar fáil, tá gá le rialacha soiléire aonchineálacha fud fad mhargadh na hEorpa lena gcruthófar na dálaí le haghaidh iomaíocht shláintiúil, rud a ghineann fás agus poist. Ar a mhuin sin, ní mór dóibh a bheith rannpháirteach sna céimeanna is luaithe is féidir den phróiseas ceaptha caighdeán agus rialachán ar an leibhéal Eorpach. A bhuí le réitigh shoiléire thrédhearcacha ar shaincheisteanna eiticiúla agus cuntasachta, cothófar muinín i measc na saoránach agus na dtomhaltóirí, rud a spreagfaidh MFBManna chun teicneolaíochtaí intleachta saorga a ghlacadh.

—

scileanna intleachta saorga a chur chun cinn i measc na saoránach tríd an oideachas agus an oiliúint i dtreo gur féidir le grúpaí uile na sochaí sibhialta, lena n-áirítear MFBManna, leas a bhaint as an teicneolaíocht nua seo gan dua agus í a úsáid ar dhóigh inniúil fhreagrach. Is den ríthábhacht an oiliúint acadúil a chomhlánú le sásraí praiticiúla agus oiliúint leanúnach atá oiriúnach agus inacmhainne a chur ar fáil d’oibrithe féinfhostaithe, do bhainisteoirí MFBManna agus dá bhfostaithe (9). I dtaca le bainisteoirí, ba cheart rochtain ar shaineolas seachtrach a éascú dóibh trí chomhpháirtíochtaí gnólacht le gnólacht (B2B), trí intleacht shaorga a bhfuil rochtain ag cách uirthi agus tríd an intleacht shaorga a chur ar fáil mar sheirbhís;

—

féachaint chuige go mbeidh rochtain éasca ag MFBManna ar mhaoiniú poiblí agus príobháideach araon agus go gcuirfear sineirgí idir cistí AE ar bun dóibh;

—

an bonneagar agus na naisc is gá a áirithiú i ngach limistéar, lena n-áirítear limistéir thuaithe, d’fhonn deighilt dhigiteach a sheachaint agus rochtain ar shonraí ábhartha agus idir-inoibritheacha a chur ar fáil, sonraí a úsáidtear in earnáil na talmhaíochta go háirithe;

—

comhordú rianúil a áirithiú idir na gníomhaithe agus na leibhéil uile;

—

feasacht ghinearálta a chur chun cinn faoi dhúshláin chibearshlándála (10), faoin damáiste eacnamaíoch agus sochaíoch a eascraíonn as sonraí claonta agus faoi rioscaí eile a d’fhéadfadh teacht chun cinn. Is den riachtanas an éagsúlacht dhaonna a chur san áireamh agus uirlisí intleachta saorga á gceapadh chun cáilíocht sonraí a fheabhsú;

—

dea-chleachtais agus scéalta ratha a scaipeadh go forleathan ar an leibhéal áitiúil, mar aon le comhroinnt aiseolais a éascú chun tús a chur le glacadh forleathan na hintleachta saorga in MFBManna.

—

tosú go mall ar mhaithe le beartais iomchuí agus chomhréireacha a spreagadh, fiú má fhágann sé sin gur gá iad a chur in oiriúint do chuideachtaí móra ag céim níos déanaí;

—

deimhneacht dhlíthiúil agus tuiscint mhaith ar na rialacha a chur chun cinn d’fhonn úsáid na hintleachta saorga i ngnólachtaí a éascú agus chun tacú lena gcuid infheistíochtaí chun an nuálaíocht agus an intleacht shaorga a fhorbairt;

—

tuiscint an uile dhuine ar an intleacht shaorga a éascú trí chomhordú níos fearr agus trí shineirgí níos mó idir ionstraimí beartais agus tionscnaimh, trí bhíthin ardán tiomnaithe do MFBManna;

—

trialacha luatha ar mhórscála a chur chun cinn trí rannpháirtíocht oibríochtúil, i measc nithe eile. Athdhearbhaíonn CESE a thábhachtaí atá suíomhanna tástála rialála agus boscaí gainimh rialála chun smaointe nua a thriail agus a thástáil (11) agus an gá atá le meastóireacht a dhéanamh ar na huirlisí sin d’fhonn iad a oiriúnú ar an mbealach is fearr is féidir (12). Ba cheart go n-oibreodh na moil nuálaíochta digití, an Líonra Fiontar Eorpach (EEN) agus ardáin ar éileamh i ndlúthchomhar chun tacú le hiarrachtaí cur chun feidhme FBManna;

—

cur chuige uile-Eorpach a chur chun cinn tríd an Margadh Aonair Eorpach a thabhairt chun críche agus beartais a chur in oiriúint do riachtanais na mBallstát, ó chéim forbartha na hintleachta saorga go dtí a glacadh;

—

rochtain ar shonraí oscailte a cheadú agus, san am céanna, cosaint sonraí agus úinéireacht sonraí á n-urramú agus sreabha sonraí á méadú chun córais atá bunaithe ar an intleacht shaorga a chur ar fáil;

—

margadh aonair Eorpach atá trédhearcach a ráthú chun rioscaí a laghdú agus chun cur le hinaistritheacht réitigh intleachta saorga chuig MFBManna. Réamhriachtanas is ea idir-inoibritheacht na mbonneagar digiteach riachtanach chuige sin.