AN COIMISIÚN EORPACH

An Bhruiséil,12.9.2018

COM(2018) 633 final

2016/0131(COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le Gníomhaireacht an Aontais Eorpaigh um Thearmann agus lena leasaítear Rialachán (AE) Uimh. 439/2010




FMT:ItalicTuairim ón gCoimisiún Eorpach le haghaidh chruinniú na gceannairí in
FMT:ItalicSalzburg an 19-20 Meán Fómhair 2018

MEABHRÁN MÍNIÚCHÁIN

1.COMHTHÉACS AN TOGRA LEASAITHE

•Forais agus cuspóirí an togra leasaithe

Is cuid de shraith beart é an togra seo, sraith is obair leantach ar chonclúidí ón gComhairle Eorpach an 28 Meitheamh 2018, 1 agus ina bhfuil an Coimisiún ag moladh an Ghníomhaireacht Eorpach um an nGarda Teorann agus Cósta a dhaingniú trí athbhreithniú a dhéanamh ar an Treoir um Fhilleadh agus trína thogra bunaidh le haghaidh Rialachán maidir le Gníomhaireacht de chuid an Aontais Eorpaigh um Thearmann a leasú. Tá na tograí sin bunaithe ar phrionsabail na dlúthpháirtíochta agus na freagrachta agus cuirfidh siad ar chumas na mBallstát brath go hiomlán ar thacaíocht an Aontais chun sreabha imirce measctha a bhainistiú trí phróiseáil a dhéanamh go tapa, lena náirítear in ionaid rialaithe, ar chásanna náisiúnach tríú tír a bhfuil iarratas á dhéanamh acu ar chosaint idirnáisiúnta nó atá i gcríocha na mBallstát go mídhleathach.

Ina conclúidí, d’athdhearbhaigh an Chomhairle Eorpach a thábhachtaí atá sé go mbeidh cur chuige cuimsitheach ann i leith na himirce agus mheas sí gur dhúshlán í an imirce ní hamháin do Bhallstát amháin ach don Eoraip ina hiomláine. I ndáil leis an méid sin, leagadh béim ar a thábhachtaí atá sé go dtabharfadh an tAontas tacaíocht iomlán chun bainistiú ordúil sreabh imirce a áirithiú. Tá tuilleadh tacaíochta tugtha freisin ag na Ballstáit i bhfóraim éagsúla 2 do na príomhphrionsabail arna gcomhaontú i gconclúidí na Comhairle Eorpaí, agus cuireadh béim ar an ngá atá le hionstraimí dlúthpháirtíochta na hEorpa a dhaingniú. Ba cheart Gníomhaireacht an Aontais Eorpaigh um Thearmann a bheith ina sampla nithiúil de dhlúthpháirtíocht na hEorpa agus ní mór di bheith in ann an leibhéal uaillmhéine a bhaint amach atá de dhíth chun go mbeidh Comhchóras Eorpach Tearmainn ('CEAS') an Aontais Eorpaigh éifeachtúil éifeachtach.

Ní mór do Ghníomhaireacht an Aontais Eorpaigh um Thearmann a bheith in ann tacaíocht oibríochtúil iomlán a chur ar fáil do na Ballstáit nuair is gá agus cumas na mBallstát a dhaingniú i ndáil leis an riar cásanna tearmainn a bhainistiú ag céim riaracháin na nósanna imeachta chomh maith le hachomhairc i leith cásanna tearmainn a láimhseáil. Dírítear sa togra leasaithe seo le haghaidh Rialachán maidir le Gníomhaireacht an Aontais Eorpaigh um Thearmann ar na forálacha a bhaineann leis an gcúnamh oibríochtúil agus teicniúil lena áirithiú go mbeidh an Ghníomhaireacht, arna iarraidh sin ag an mBallstát, in ann tacaíocht a chur ar fáil a oiread agus is féidir tríd an nós imeachta riaracháin iomlán le haghaidh cosaint idirnáisiúnta, nó codanna de, a chomhlíonadh, chun a dhéanamh amach cé acu Ballstát atá freagrach as iarratas ar chosaint idirnáisiúnta a scrúdú, nó an nós imeachta sin a chur i gcrích, agus trí chúnamh a thabhairt do na cúirteanna nó do bhinsí achomhairc a láimhseáil, gan dochar d’inniúlacht na mBallstát cinntí a dhéanamh maidir le hiarratais aonair agus i gcomhréir iomlán le heagrú na mbreithiúna i ngach Ballstát, chomh maith le neamhspleáchas agus neamhchlaontacht na mbreithiúna. 

Mar obair leantach ar chonclúidí na Comhairle Eorpaí, rinne an Coimisiún forbairt ar choincheapa na socruithe réigiúnacha díbhordála chomh maith leis na hionaid rialaithe agus tá sé ag obair leis na Ballstáit, le gníomhaireachtaí ábhartha de chuid an Aontais agus le páirtithe leasmhara eile chun na coincheapa sin a chur chun feidhme bunaithe ar iarracht chomhroinnte ag a bhfuil tacaíocht iomlán an Aontais. Sa chomhthéacs sin, agus i bhfianaise na nathruithe atá á moladh ar an Rialachán maidir leis an nGníomhaireacht Eorpach um an nGarda Teorann agus Cósta, is é is aidhm leis an togra leasaithe seo freisin na gnéithe comhair idir Gníomhaireacht an Aontais Eorpaigh um Thearmann agus an Ghníomhaireacht Eorpach um an nGarda Teorann agus Cósta a dhaingniú chun togra an Choimisiúin lena leasaítear an Rialachán maidir leis an nGníomhaireacht Eorpach um an nGarda Teorann agus Cósta a léiriú, go háirithe i dtaca le foirne tacaíochta don bhainistiú imirce a imscaradh i láithreacha práinne agus in ionaid rialaithe. I ndáil leis an méid sin, tugann an Coimisiún aghaidh ar an ngá le sineirgíochtaí a áirithiú idir na nósanna imeachta maidir le cosaint idirnáisiúnta agus filleadh trí chomhordú idir na húdaráis inniúla náisiúnta agus gníomhaireachtaí ábhartha an Aontais.

Ní mór aghaidh a thabhairt ar an togra leasaithe seo i gcomhthéacs na caibidlíochta idirinstitiúideach faoin togra le haghaidh Rialachán maidir le Gníomhaireacht an Aontais Eorpaigh um Thearmann agus lena naisghairtear Rialachán (AE) Uimh. 439/2010 arna chur i láthair ag an gCoimisiún an 4 Bealtaine 2016 3 . Mar thoradh ar an gcaibidlíocht sin thángthas ar chomhaontú sealadach idir Parlaimint na hEorpa agus an Chomhairle an 28 Meitheamh 2017, a mheasann an Coimisiún a threiseoidh sainordú Ghníomhaireacht an Aontais Eorpaigh um Thearmann (‘an Ghníomhaireacht’) go suntasach i gcomparáid le sainordú reatha na hOifige Tacaíochta Eorpaí do Chúrsaí Tearmainn. Tá glacadh an Rialacháin maidir le Gníomhaireacht an Aontais Eorpaigh um Thearmann ar feitheamh fad atá na pléití leanúnacha ar athchóiriú iomlán CEAS ar siúl. Urramaíonn an Coimisiún an comhaontú sealadach ar thángthas air idir Parlaimint na hEorpa agus an Chomhairle an 28 Meitheamh 2017 agus aithníonn sé breisluach an chomhréitigh sin i gcomparáid leis an rialachán reatha. Measann an Coimisiún gur cheart an togra leasaithe seo a phlé i gcomhthéacs na caibidlíochta leanúnach ar athchóiriú CEAS agus gur cheart féachaint air mar chomhlánú ar na pléití sin. Níor cheart an togra leasaithe seo aon mhoill bhreise a chur, ar aon slí, ar ghlacadh an Rialacháin maidir le Gníomhaireacht an Aontais Eorpaigh um Thearmann.

Chuir an Chomhairle Eorpach tuilleadh béime ar an ngá réiteach gasta a aimsiú ar phacáiste iomlán CEAS agus mheas sí gur cheart leanúint den obair d’fhonn an pacáiste a thabhairt chun críche a luaithe agus is féidir. Tá leasuithe spriocdhírithe an togra seo, nuair a fhéachtar orthu in éineacht leis na tograí maidir leis an nGníomhaireacht Eorpach um an nGarda Teorann agus Cósta agus maidir leis an Treoir um Fhilleadh, tá siad fréamhaithe i gcur chuige cuimsitheach atá riachtanach chun comhaontú a éascú lena mbainfear an chothromaíocht iomchuí amach idir an dlúthpháirtíocht agus an fhreagracht.

•Comhsheasmhacht le forálacha beartais atá sa réimse beartais cheana

In Aibreán 2016, ar iarratas ón gComhairle Eorpach, 4 d’fhógair an Coimisiún go ndéanfadh sé dul chun cinn i dtreo creat reatha an Aontais a athchóiriú chun beartas daonna éifeachtach tearmainn a áirithiú agus i mí na Bealtaine agus i mí Iúil na bliana sin chuir an Coimisiún sraith tograí i láthair maidir le CEAS a athchóiriú. San áireamh sna beartais sin bhí togra le haghaidh Rialachán maidir le Gníomhaireacht an Aontais Eorpaigh um Thearmann. Leis an togra leasaitheach seo comhlánaítear togra bunaidh an Choimisiúin agus tá sé comhleanúnach leis an gcuspóir beartas inmheánach a thógáil ar bhonn cothromaíocht idir an dlúthpháirtíocht agus an fhreagracht i bhfianaise Chonclúidí na Comhairle Eorpaí ó Mheitheamh 2018. Is dlúthchuid den dlúthpháirtíocht í tacaíocht dhaingnithe Ghníomhaireacht an Aontais Eorpaigh um Thearmann.

•Comhsheasmhacht le beartais eile de chuid an Aontais

Tá an togra seo i gcomhréir leis an mbeartas cuimsitheach fadtéarmach maidir le bainistiú níos fearr a dhéanamh ar an imirce atá leagtha amach sa Chlár Oibre Eorpach maidir leis an Imirce ón gCoimisiún, clár oibre ina ndearnadh de Threoirlínte Polaitiúla an Uachtaráin Juncker sraith de thionscnaimh chomhleanúnacha, a dhaingníonn a chéile, bunaithe ar cheithre cholún. Is iad na ceithre cholún sin: an spreagadh le himirce neamhrialta a laghdú, teorainneacha seachtracha a dhaingniú agus beatha daoine a shábháil, beartas láidir maidir le tearmann agus beartas nua maidir le himirce dhlíthiúil. Leis an togra cuirtear an Clár Oibre Eorpach maidir leis an Imirce chun feidhme a thuilleadh, go háirithe i dtaca leis an gcuspóir beartas tearmainn an Aontais a neartú de bhrí go náiritheoidh Gníomhaireacht an Aontais Eorpaigh um Thearmann go gcuirfear CEAS chun feidhme go hiomlán agus go comhleanúnach. Mar fhreagairt ar mholtaí ón gComhairle Eorpach i mí an Mheithimh 2018 cur chuige cuimsitheach a bheith ann i leith na himirce, cur chuige a chuimsíonn rialú níos éifeachtaí ar theorainneacha seachtracha an Aontais agus a neartaíonn an ghníomhaíocht sheachtrach, maille leis na gnéithe inmheánacha a bhaineann leis an gceist, go háirithe na gnéithe sin a bhaineann le hathchóiriú CEAS.

Leis an gcreat-Rialachán Airgeadais athbhreithnithe 5 maidir le gníomhaireachtaí díláraithe, lena náirítear rialacha daingnithe maidir le rialachas na ngníomhaireachtaí sin i réimse na calaoise, na neamhrialtachtaí, na rialacha maidir le coinbhleacht leasa agus na rialála inmheánaí, forlíonfar na rialacha atá sa togra seo

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Is ar Airteagal 78(1) agus (2) den Chonradh ar Fheidhmiú an Aontais Eorpaigh atá an togra reachtach bunaithe.

•Coimhdeacht

Is iad cuspóirí an togra seo (i) a áirithiú gur féidir leis na Ballstáit tacaíocht bhreise a fháil ón nGníomhaireacht lena náirítear trí iad a bheith páirteach sa nós imeachta maidir le cosaint idirnáisiúnta ag céim an riaracháin agus sa nós imeachta is infheidhme faoi Rialachán (AE) Uimh. XXX/XXXX [Rialachán Bhaile Átha Cliath] chun gur féidir leo iarratais ar chosaint idirnáisiúnta a phróiseáil go tapa agus ar bhealach luath lenar féidir leis na córais tearmainn agus ghlactha feidhmiú go héifeachtúil ordúil; (ii) na gnéithe comhair idir Gníomhaireacht an Aontais Eorpaigh um Thearmann agus an Ghníomhaireacht Eorpach um an nGarda Teorann agus Cósta a dhaingniú agus (iii) an fhreagracht a shannadh ar an gCoimisiún as liosta na niarrthóirí ar phost an Leas-Stiúrthóra Feidhmiúcháin a mholadh. 

•Comhréireacht

•An rogha ionstraime

Is le rialachán amháin a fhéadtar an leibhéal éifeachtúlachta agus aonfhoirmeachta is gá a chur ar fáil chun dlí an Aontais maidir le tearmann a chur i bhfeidhm. Ina theannta sin, ós rud é gur le haghaidh rialachán maidir le Gníomhaireacht an Aontais Eorpaigh um Thearmann a bhí togra bunaidh an Choimisiúin, is iomchuí an ionstraim dlí chéanna a úsáid don togra leasaithe seo.

3. TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Cearta bunúsacha

Leis an togra seo, urramaítear na cearta bunúsacha agus na prionsabail a aithnítear go háirithe i gCairt um Chearta Bunúsacha an Aontais Eorpaigh. Déanfar gníomhaíochtaí uile Ghníomhaireacht an Aontais Eorpaigh um Thearmann agus na cearta bunúsacha faoi mar atá cumhdaithe sa Chairt a urramú ina niomláine, lena náirítear an ceart chun tearmainn (Airteagal 18 den Chairt), cosaint ar refoulement (Airteagal 19 den Chairt), an ceart go dtabharfar meas ar an saol príobháideach agus ar shaol an teaghlaigh (Airteagal 7 den Chairt), an ceart chun sonraí pearsanta a chosaint (Airteagal 8 den Chairt), agus an ceart chun leigheas éifeachtach (Airteagal 47 den Chairt). Sa togra cuirtear san áireamh go hiomlán cearta an linbh agus riachtanais speisialta daoine atá soghonta sa chás ina bhfuil siad.

4.IMPLEACHTAÍ BUISÉADACHA

Leis an togra seo leasaítear togra bunaidh an Choimisiúin le haghaidh Rialachán maidir le cúnamh feabhsaithe oibríochtúil agus teicniúil ó Ghníomhaireacht an Aontais Eorpaigh do na Ballstáit, go háirithe trí thacaíocht fheabhsaithe a chur ar fáil i dtaca leis an nós imeachta maidir le cosaint idirnáisiúnta agus i dtaca le cur chun feidhme Rialachán Bhaile Átha Cliath. Ina theannta sin, tugtar isteach leis an togra an deis úsáid níos leithne a bhaint as na foirne tacaíochta don bhainistiú imirce. Tá gá, dá bhrí sin, le hacmhainní breise airgeadais, lena gcuirfear ar chumas na Gníomhaireachta na foirne tacaíochta do chúrsaí tearmainn is gá a imscaradh (idir shaineolaithe tearmainn, bhaill foirne eatramhacha agus ateangairí), chomh maith le trealamh teicniúil agus bonneagar teicniúil (trealamh Eurodac, mar shampla) le haghaidh na ngníomhaíochtaí sin.

Tá na hacmhainní breise airgeadais arna iarraidh cothrom le EUR 55 milliún le haghaidh gach bliain idir 2019 – 2027. Tá na hacmhainní airgeadais iomlána is gá chun a chur ar chumas na Gníomhaireachta a misean a chomhlíonadh faoin sainordú leathnaithe beartaithe cothrom le EUR 320.8 milliún le haghaidh na tréimhse 2019-2020 agus EUR 1,25 billiún le haghaidh na tréimhse 2021-2027.

Ní fhoráiltear maidir le haon phost nua chun go mbeidh an Ghníomhaireacht in ann a thascanna nua a chur i gcrích go héifeachtúil, ní hionann agus togra bunaidh an Choimisiúin, ina ndearnadh foráil maidir le méadú de réir a chéile ar fhoireann na Gníomhaireachta go 500 ball foirne i gcoibhéis lánaimseartha in 2020, mar go gclúdófar mórchuid na ngníomhaíochtaí nua arna mbeartú le himscaradh foirne breise tacaíochta do chúrsaí tearmainn.

Tá na riachtanais airgeadais comhoiriúnach don chreat airgeadais ilbhliantúil reatha agus d’fhéadfadh sé go mbeadh úsáid ionstraimí speisialta mar a shainmhínítear i Rialachán (AE, Euratom) Uimh. 1311/2013 ón gComhairle i gceist. Is féidir an ranníocaíocht arna iarraidh ón Aontas le haghaidh na tréimhse 2021-2027 a mhaoiniú faoi na huasteorainneacha a leagtar amach i dtogra CAI an 2 Bealtaine 2018.

5.EILIMINTÍ EILE

•Míniúchán mionsonraithe ar fhorálacha sonracha an togra

Sa togra seo lena leasaítear togra bunaidh an Choimisiúin le haghaidh Rialachán maidir le Gníomhaireacht an Aontais Eorpaigh um Thearmann cuirtear san áireamh an chaibidlíocht idirinstitiúideach agus an comhaontú sealadach a tugadh i gcrích idir Parlaimint na hEorpa agus an Chomhairle an 28 Meitheamh 2017. Bunaithe ar an gcomhaontú sin beidh an Ghníomhaireacht in ann cúnamh oibríochtúil agus teicniúil méadaithe a thabhairt do na Ballstáit, go háirithe na Ballstáit sin atá faoi bhrú díréireach, lena náirítear tríd an díorma tearmainn a bhunú ina mbeidh 500 saineolaí as na Ballstáit chun imscaradh tapa a éascú. Mar chuid den chúnamh oibríochtúil agus teicniúil is féidir leis an nGníomhaireacht a thabhairt, éascófar scrúdú na niarratas ar chosaint idirnáisiúnta agus tabharfar cúnamh do na Ballstáit leis an nós imeachta le haghaidh cosaint idirnáisiúnta. Beidh an Ghníomhaireacht in ann idirghabháil a dhéanamh freisin i mBallstát bunaithe ar chinneadh cur chun feidhme ón gComhairle i gcás ina mbeidh brú díréireach ag cur éilimh atá thar a bheith trom agus práinneach ar chórais tearmainn agus ghlactha Ballstáit agus i gcás nach mbeidh aon ghníomhaíocht déanta nó ina mbeidh gníomhaíocht neamhleordhóthanach déanta nó nach mbeidh moltaí an Choimisiúin á gcomhlíonadh ag an mBallstát lena mbaineann tar éis cleachtadh faireacháin. Cuirfidh an Ghníomhaireacht feabhas ar fheidhmiú CEAS trí faireachán a dhéanamh go tráthrialta ar chur chun feidhme oibríochtúil agus teicniúil CEAS sna Ballstáit chun aon easnaimh fhéideartha a chosc nó a shainaithint agus chun tacaíocht ábhartha a chur ar fáil.

Sa togra leasaithe seo tá leasuithe spriocdhírithe ina molann an Coimisiún airteagal nua a chur in ionad dhá airteagal dá thogra bunaidh, eadhon Airteagal 16 maidir le cúnamh oibríochtúil agus teicniúil agus Airteagal 21 maidir le foirne tacaíochta don bhainistiú imirce. Moltar ann freisin airteagal nua a thabhairt isteach, eadhon Airteagal 16a maidir le cúnamh feabhsaithe leis an nós imeachta maidir le cosaint idirnáisiúnta agus le nós imeachta Bhaile Átha Cliath. Thairis sin, tá athruithe á moladh ar Airteagal 47 maidir le ceapadh an Leas-Stiúrthóra Feidhmiúcháin.

I ndáil le hAirteagal 16 a bhaineann leis an gcúnamh oibríochtúil agus teicniúil is féidir leis an nGníomhaireacht a thabhairt do na Ballstáit, tá téacs an chomhaontaithe shealadaigh ar a tugadh i gcrích idir Parlaimint na hEorpa agus an Chomhairle curtha san áireamh ag an gCoimisiún ina thogra leasaitheach. Ar an mbealach sin, leagtar amach sa togra leasaithe na cásanna agus na dálaí uile faoinar féidir leis an nGníomhaireacht cúnamh oibríochtúil agus teicniúil a chur ar fáil, eadhon ar iarratas ón mBallstát lena mbaineann, ar thionscnamh na Gníomhaireachta le comhaontú an Bhallstáit lena mbaineann nó bunaithe ar chinneadh cur chun feidhme ón gComhairle. Sonraítear sa togra leasaithe seo freisin na cúraimí is féidir leis an nGníomhaireacht a dhéanamh nuair a bheidh cúnamh oibríochtúil agus teicniúil á chur ar fáil aici trí na cúraimí arna sainiú sa chomhaontú sealadach in Airteagal 16 agus in Airteagal 21 den chomhaontú sin a ghlacadh chuici féin. Ina theannta sin, déantar oiriúnú breise ar na tascanna in Airteagal 16 chun aghaidh a thabhairt ar thabhairt isteach Airteagal 16a maidir le cúnamh feabhsaithe leis an nós imeachta le haghaidh cosaint idirnáisiúnta agus le nós imeachta Bhaile Átha Cliath chomh maith leis na hathruithe ar Airteagal 21 maidir le foirne tacaíochta don bhainistiú imirce.

Is ar an Airteagal 16a nua atá an togra leasaithe seo dírithe agus déantar foráil ann maidir leis an deis a bheith ag Ballstát, ar iarratas uaidh, tacaíocht bhreise a fháil ón nGníomhaireacht, lena náirítear é a bheith páirteach sa nós imeachta maidir le cosaint idirnáisiúnta, nó codanna de, ag céim an riaracháin agus sa nós imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath]. Chuirfeadh sin ar chumas na mBallstát iarratais ar chosaint idirnáisiúnta a phróiseáil go tapa agus ar bhealach luath lenarbh fhéidir leis na córais tearmainn agus ghlactha feidhmiú go héifeachtúil ordúil. Ina leith sin, bheadh an Ghníomhaireacht in ann cinntí a ullmhú, ar iarratas ón údarás inniúil náisiúnta, maidir le hiarratais ar chosaint idirnáisiúnta agus na cinntí sin a sholáthar do na húdaráis inniúla náisiúnta a dhéanfaidh an cinneadh ansin maidir leis na hiarratais aonair agus a bheidh freagrach go hiomlán as na hiarratais sin a phróiseáil. Bheadh an Ghníomhaireacht in ann tacaíocht a thabhairt do na Ballstáit freisin lena nachomhairc i gcásanna tearmainn trí thaighde dhlíthiúil a dhéanamh, tuarascálacha agus anailísiú a tháirgeadh agus tacaíocht dhlíthiúil eile a chur ar fáil ar iarratas ó na cúirteanna nó ó na binsí agus lánurraim á tabhairt do neamhspleáchas agus neamhclaontacht na mbreithiúna.

I dtaca leis na hathruithe ar Airteagal 21 maidir le foirne tacaíochta don bhainistiú imirce, tá airteagal nua á chur i láthair ag an gCoimisiún in ionad an airteagail ina thogra bunaidh chun comhleanúnachas a áirithiú lena thogra le haghaidh Rialachán maidir leis an nGníomhaireacht Eorpach um an nGarda Teorann agus Cósta atá á chur i láthair in éineacht leis an togra leasaithe seo. Molann an Coimisiún an raon feidhme a leathnú lena gcuirtear úsáid na foirne tacaíochta don bhainistiú imirce ar siúl – tá a nimscaradh faoi réir iarratas ón mBallstát ach níl sé teoranta níos mó do dhúshláin dhíréireacha imirce. De réir an togra leasaithe, tá an Coimisiún i gceannas ar chomhordú ar an talamh, mar atá léirithe cheana sa chomhaontú sealadach idir Parlaimint na hEorpa agus an Chomhairle, chomh maith le comhordú na niarratas ó na Ballstáit agus leis an measúnú ar riachtanais. D’áiritheodh sin comhleanúnachas idir gníomhaíochtaí éagsúla ghníomhaireachtaí ábhartha an Aontais chomh maith le barainneacht acmhainní na nGníomhaireachtaí agus na mBallstát.

Maidir le hAirteagal 47, molann an Coimisiún go mbeadh sé de fhreagracht ar an gCoimisiún seachas ar an Stiúrthóir Feidhmiúcháin liosta na niarrthóirí ar phost an Leas-Stiúrthóra Feidhmiúcháin a mholadh do Bhord Bainistíochta na Gníomhaireachta. Tá an tathrú sin, lena dtugtar isteach arís an méid a moladh i dtogra bunaidh an Choimisiúin, tá sé á thabhairt isteach chun comhsheasmhacht a sholáthar leis an nós imeachta maidir le ceapadh an Stiúrthóra Feidhmiúcháin agus, ar an mbealach sin, creat rialachais na Gníomhaireachta a ailíniú níos fearr le prionsabail an chur chuige chomhchoiteann i leith gníomhaireachtaí díláraithe an Aontais arna ghlacadh an 12 Iúil 2012 ag Parlaimint na hEorpa, ag an gComhairle agus ag an gCoimisiún. Tá sin ag teacht freisin le cur chuige an Choimisiúin sa togra le haghaidh Rialachán maidir leis an nGníomhaireacht Eorpach um an nGarda Teorann agus Cósta.

I gcás ina gcomhaontóidh na comhreachtóirí na hathruithe arna gcur i láthair ag an gCoimisiún sa togra leasaithe seo agus ina ndéanfaidh siad na hathruithe sin a ionchorprú, is gá comhleanúnachas le hairteagail eile an togra le haghaidh Rialachán maidir le Gníomhaireacht an Aontais Eorpaigh um Thearmann a bhaineann leis an nós imeachta chun cúnamh oibríochtúil agus teicniúil a chur ar fáil, an plean oibríochtúil agus úsáid na bhfoirne tacaíochta do chúrsaí tearmainn, agus forálacha cosanta sonraí, chomh maith le hionstraimí bainteacha eile, go háirithe na tograí i dtaca leis an Rialachán maidir leis an Nós Imeachta Tearmainn, is gá iad a áirithiú, agus is gá airteagail agus aithrisí a athuimhriú.

2016/0131 (COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le Gníomhaireacht an Aontais Eorpaigh um Thearmann agus lena leasaítear Rialachán (AE) Uimh. 439/2010




Tuairim ón gCoimisiún Eorpach le haghaidh chruinniú na gceannairí in
Salzburg an 19-20 Meán Fómhair 2018

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 78(1) agus (2) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)    Cuirtear na haithrisí seo a leanas isteach i ndiaidh aithris (20):

“(1)I Meitheamh 2018, d’athdhearbhaigh an Chomhairle Eorpach a thábhachtaí a bhí sé brath ar chur chuige cuimsitheach i leith na himirce agus dúirt sí gur dúshlán í an imirce ní hamháin do Bhallstát amháin ach don Eoraip ina hiomláine. Ina leith sin, chuir sí béim ar a thábhachtaí a bhí sé don Aontas tacaíocht iomlán a thabhairt chun a áirithiú go mbainisteofar sreabha imirce go hordúil, go háirithe le próiseáil tapa chun a áirithiú go mbeidh rochtain ar chosaint ag na daoine a bhfuil sí de dhíth orthu, agus, san am céanna, go gcuirfear ar ais go tapa na daoine nach bhfuil an chosaint sin de dhíth orthu, lena náirítear trí ionaid rialaithe. Dá bhrí sin, ba cheart an tAontas a bheith in ann tacaíocht iomlán airgeadais agus oibríochtúil a thabhairt trí na gníomhaireachtaí ábhartha de chuid an Aontais, lena náirítear Gníomhaireacht an Aontais Eorpaigh um Thearmann.

(2)Ina leith sin, ar iarratas ó Bhallstát, ba cheart an Ghníomhaireacht a bheith in ann cúnamh oibríochtúil agus teicniúil níos daingne arís a thabhairt tríd an nós imeachta uile maidir le cosaint idirnáisiúnta nó codanna di a chur i gcrích ag céim an riaracháin agus cúnamh a thabhairt i leith an nós imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath] gan dochar d'inniúlacht na mBallstát cinntí a dhéanamh faoi iarratais aonair.

(3)Dá nglacfadh an Ghníomhaireacht páirt sa nós imeachta maidir le cosaint idirnáisiúnta agus sa nós imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath], d'áiritheodh sin go bhfaigheadh na Ballstáit an cúnamh uile is gá chun iarratais ar chosaint idirnáisiúnta a phróiseáil go tapa agus ar bhealach luath chun go bhféadfadh na córais tearmainn agus ghlactha feidhmiú go héifeachtúil ordúil. Chuige sin, ba cheart an Ghníomhaireacht a bheith in ann cúnamh a thabhairt d'údaráis inniúla náisiúnta ag céim riaracháin an nós imeachta cinntí a ullmhú faoi iarratais ar chosaint idirnáisiúnta. Ba cheart na húdaráis inniúla náisiúnta a bheith in ann na dréachtchinntí a d'ullmhaigh an Ghníomhaireacht a chur san áireamh gan dochar dá ninniúlacht cinntí a dhéanamh faoi iarratais aonair.

(4)Ba cheart don Ghníomhaireacht agus don Ghníomhaireacht Eorpach um an nGarda Teorann agus Cósta oibriú i ndlúthchomhar le chéile chun dul i ngleic go héifeachtach leis na dúshláin imirce, go háirithe ag na teorainneacha seachtracha ag a mbíonn sreabha imirce móra measctha isteach. Go háirithe, ba cheart don dá Ghníomhaireacht a ngníomhaíochtaí a chomhordú agus cuidiú leis na Ballstáit an nós imeachta maidir le cosaint idirnáisiúnta agus an nós imeachta maidir le filleadh i leith náisiúnaigh tríú tír ar diúltaíodh a niarratais ar chosaint idirnáisiúnta nó atá i mBallstát go mídhleathach ar dhóigh eile, na nósanna imeachta sin a éascú. Lena chois sin, ba cheart don Ghníomhaireacht Eorpach um an nGarda Teorann agus Cósta comhoibriú freisin i leith gníomhaíochtaí oibríochtúla coitianta eile amhail anailísiú riosca comhroinnte, bailiú sonraí staidrimh, oiliúint agus tacaíocht do na Ballstáit ó thaobh pleanáil theagmhasach de.

(5)Ba cheart na Ballstáit a bheith in ann brath ar mhéadú ar an daingniú oibríochtúil agus teicniúil a dhéanfadh na foirne tacaíochta don bhainistiú imirce, go háirithe i limistéir ina bhfuil teophointe nó in ionad rialaithe. Ba cheart na foirne tacaíochta don bhainistiú imirce a bheith comhdhéanta d'fhoirne saineolaithe as na Ballstáit a d'imscar an Ghníomhaireacht, an Ghníomhaireacht Eorpach um an nGarda Teorann agus Cósta agus Europol nó gníomhaireachtaí ábhartha eile de chuid an Aontais, chomh maith le saineolaithe as foireann na Gníomhaireachta agus as an nGníomhaireacht Eorpach um an nGarda Teorann agus Cósta. Ba cheart don Choimisiún an comhordú is gá a dhéanamh ar mheasúnú na riachtanas agus ar na hoibríochtaí ar an talamh, go háirithe ós rud é go mbeidh roinnt gníomhaireachtaí de chuid an Aontais páirteach san obair, agus go bhféadfadh páirtithe leasmhara eile a bheith páirteach inti freisin.

(6)Maidir leis sin, ba cheart an Ghníomhaireacht a bheith in ann an bonneagar leordhóthanach agus an trealamh teicniúil leordhóthanach a chur ar fáil a theastaíonn ó na foirne tacaíochta do chúrsaí tearmainn agus a bheith in ann cúnamh a thabhairt do na húdaráis inniúla náisiúnta, lena náirítear na breithiúna.

(7)I limistéir ina bhfuil teophointe nó in ionaid rialaithe, ba cheart do na Ballstáit comhoibriú leis na gníomhaireachtaí ábhartha de chuid an Aontas, agus ba cheart do na gníomhaireachtaí sin gníomhú laistigh dá gcuid sainorduithe agus cumhachtaí féin, agus faoi chomhordú an Choimisiúin.

(8)Sna cásanna sin, ba cheart do ghníomhaireachtaí an Aontais, ar iarratas ón mBallstát agus faoi chomhordú an Choimisiúin, gníomhú chun cuidiú leis an mBallstát ósta nósanna imeachta tapa a fheidhmiú maidir le cosaint idirnáisiúnta agus/nó filleadh. Ba cheart é a bheith indéanta idirdhealú a dhéanamh go tapa idir náisiúnaigh tríú tír a bhfuil cosaint idirnáisiúnta de dhíth orthu agus náisiúnaigh nach bhfuil, seiceálacha slándála a dhéanamh agus an nós imeachta uile maidir le cosaint idirnáisiúnta agus/nó filleadh, nó cuid de, a chur i gcrích.

(9)Ba cheart na Ballstáit a bheith in ann cúnamh ón nGníomhaireacht a iarraidh ní hamháin chun a riarachán náisiúnta a dhaingniú ach, chomh maith leis sin, chun cúnamh a thabhairt do na cúirteanna agus do na binsí a phléann le cásanna tearmainn, gan dochar don neamhspleáchas breithiúnach agus i gcomhréir iomlán le heagrú na mbreithiúna i ngach Ballstát. Chuige sin, nuair a bheidh sí ag sainiú phróifílí na saineolaithe, ba cheart don Ghníomhaireacht foráil maidir le próifílí le haghaidh saineolaithe atá neamhspleách ar na húdaráis riaracháin náisiúnta agus ar féidir leo cúnamh a thabhairt do na cúirteanna nó do na binsí, ar iarratas uathu, trí thaighde agus anailísiú dlí a dhéanamh agus tacaíocht eile a thabhairt dóibh.

(2) Cuirtear na haithrisí seo a leanas isteach i ndiaidh aithris (42):

“(1)Cuspóir eile de chuid an Rialachán seo is ea a áirithiú gur féidir leis na Ballstáit, ar iarratas uathu agus de réir a riachtanas, tacaíocht bhreise a fháil ón nGníomhaireacht, lena náirítear í a bheith páirteach sa nós imeachta maidir le cosaint idirnáisiúnta agus sa nós imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath], chun gur féidir leo iarratais ar chosaint idirnáisiúnta a phróiseáil go tapa agus ar bhealach luath chun go bhféadfaidh siad na córais tearmainn agus ghlactha feidhmiú go héifeachtúil ordúil agus chun na gnéithe comhair idir Gníomhaireacht an Aontais Eorpaigh um Thearmann agus an Ghníomhaireacht Eorpach um an nGarda Teorann agus Cósta a dhaingniú.

(2)Ós rud é nach féidir leis na Ballstáit an cuspóir sin a ghnóthú go leordhóthanach agus, dá bharr sin, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 CAE. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.”

TAR ÉIS AN RIALACHÁN SEO A GHLACADH:

(3) Cuirtear an méid seo a leanas in ionad Airteagal 16:

“Airteagal 16

Cúnamh oibríochtúil agus teicniúil ón nGníomhaireacht

1. Tabharfaidh an Ghníomhaireacht cúnamh oibríochtúil agus teicniúil do na Ballstáit i gcomhréir leis an gCaibidil seo:

(a) ar iarratas ón mBallstát lena mbaineann chuig an nGníomhaireacht i leith chur chun feidhme a oibleagáidí faoi CEAS;

(b) ar iarratas ón mBallstát lena mbaineann chuig an nGníomhaireacht i gcomhréir le hAirteagal 16a;

(c) ar iarratas ón mBallstát lena mbaineann chuig an nGníomhaireacht i gcás ina mbeidh a chórais tearmainn nó ghlactha faoi bhrú neamhréireach;

(d) ar iarratas ón mBallstát lena mbaineann chuig an nGníomhaireacht i gcomhréir le hAirteagal 21;

(e) ar thionscnamh na Gníomhaireachta i gcás ina mbeidh córais tearmainn nó ghlactha Ballstáit faoi bhrú neamhréireach, agus ina bhfuarthas toiliú an Bhallstáit lena mbaineann;

(f) i gcás ina dtabharfaidh an Ghníomhaireacht cúnamh oibríochtúil agus teicniúil i gcomhréir le hAirteagal 22.

2. Eagróidh agus comhordóidh an Ghníomhaireacht ar feadh tréimshe teoranta an cúnamh oibríochtúil agus teicniúil iomchuí, agus is féidir gur gá chuige sin ceann de na bearta oibríochtúla agus teicniúla seo a leanas a dhéanamh agus lánurraim á tabhairt do na cearta bunúsacha:

(a) náisiúnaigh tríú tír a shainaithint agus a chlárú , a sonraí bithmhéadracha a thógáil agus iad a chur ar an eolas faoi na nósanna imeachta sin, de réir mar is iomchuí, i ndlúthchomhar le gníomhaireachtaí eile de chuid an Aontais;

(b) cúnamh a thabhairt i leith clárú iarratas ar chosaint idirnáisiúnta agus an clárú sin a dhéanamh;

(c)faisnéis tosaigh a thabhairt do náisiúnaigh tríú tír ar mian leo iarratas a dhéanamh ar chosaint idirnáisiúnta agus iad a chur ar aghaidh chuig na húdaráis inniúla náisiúnta;

(d) cúnamh a thabhairt an scrúdú ar iarratais ar chosaint idirnáisiúnta atá faoi scrúdú ag na húdaráis inniúla náisiúnta a dhéanamh a éascú nó cúnamh riachtanach eile a thabhairt dóibh i leith an nós imeachta maidir le cosaint idirnáisiúnta, go háirithe mar seo a leanas;

(i)    trí chúnamh a thabhairt an tagallamh inghlacthachta agus an tagallamh substainteach a dhéanamh nó tríd na hagallaimh sin a dhéanamh, de réir mar is infheidhme, mar aon leis an agallamh chun a dhéanamh amach cén Ballstát atá freagrach;

(ii)    tríd an iarratas ar chosaint idirnáisiúnta a chlárú sa chóras uathoibrithe dá dtagraítear i Rialachán (AE) Uimh. XXX/XXX [Rialachán Bhaile Átha Cliath];

(c)    cúnamh a thabhairt do na húdaráis inniúla náisiúnta atá freagrach as iarratais ar chosaint idirnáisiúnta a scrúdú;

(iii)    cúnamh a thabhairt faisnéis a chur ar fáil d'iarratasóirí faoin nós imeachta maidir le cosaint idirnáisiúnta agus cúnamh a thabhairt i leith dálaí glactha de réir mar is iomchuí; 

(iv)    cúnamh a thabhairt faisnéis a sholáthar faoi leithdháileadh agus an cúnamh riachtanach a thabhairt d'iarrthóirí ar féidir go leithdháilfí iad;

(e)    tionscnaimh na mBallstát chomhpháirteacha Ballstát i dtaca le comhar teicniúil a éascú agus na hiarratais ar chosaint idirnáisiúnta á bpróiseáil;

(f)    comhairle a thabhairt do na Ballstáit faoi shaoráidí glactha a chur ar bun nó a chur ar fáil agus an méid sin a chomhordú nó cúnamh a thabhairt sin a dhéanamh, go háirithe cóiríocht éigeandála, modhanna iompair agus cúnamh liachta;

(g)    cúnamh a thabhairt i leith na gcúraimí agus na noibleagáidí a leagtar síos i Rialachán (AE) Uimh. XXX/XXX [Rialachán Bhaile Átha Cliath], lena náirítear trí leithdháileadh nó aistriú iarratasóirí nó tairbhithe de chosaint idirnáisiúnta a dhéanamh nó a chomhordú laistigh den Aontas;

(h)    cúnamh a thabhairt i leith na nósanna imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath];

   (i)    seirbhísí ateangaireachta a sholáthar;

(j)    cúnamh a thabhairt do na Ballstáit a áirithiú go bhfuil na cosaintí ar fad is gá do chearta leanaí agus cosaint leanaí i bhfeidhm, go háirithe maidir le mionaoisigh neamhthionlactha; 

(k)    cúnamh a thabhairt do na Ballstáit na hiarratasóirí a bhfuil ráthaíochtaí speisialta nós imeachta de dhíth orthu nó na hiarratasóirí a bhfuil riachtanais speisialta ghlactha acu nó daoine eile atá soghonta sa chás ina bhfuil siad a shainaithint, lena náirítear mionaoisigh, le cois na daoine sin a chur ar aghaidh chuig na húdaráis inniúla náisiúnta le haghaidh cúnamh iomchuí ar bhonn bearta náisiúnta, agus cúnamh a thabhairt do na Ballstáit a áirithiú go mbeidh na coimircí riachtanacha uile ar bun do na hiarratasóirí sin;

(l)    cúnamh nó tacaíocht a thabhairt i leith an chomhair idir na húdaráis náisiúnta ábhartha chun obair leantach a dhéanamh ar an nós imeachta maidir le cosaint idirnáisiúnta i gcás nósanna imeachta maidir le filleadh is féidir a bheidh ann i gcás ina ndéanfar cinneadh diúltach cinntitheach;

(m)    cinntí a ullmhú faoi iarratais ar chosaint idirnáisiúnta gan dochar d'inniúlacht an údaráis inniúil náisiúnta cinneadh a dhéanamh maidir le hiarratais aonair;

(n)    cúnamh a thabhairt achomhairc a láimhseáil trí thaighde agus anailísiú dlí a dhéanamh agus tacaíocht dlí eile a thabhairt, le cois nithe eile;

(o)    páirt a ghlacadh sna foirne tacaíochta don bhainistiú imirce ag na láithreacha práinne dá dtagraítear i Rialachán 2016/1624 in Airteagal 21, i ndlúthchomhar le gníomhaireachtaí eile de chuid an Aontais;

(p)    foirne tacaíochta do chúrsaí tearmainn a imscaradh

(q)    comhairle a thabhairt, de réir mar is iomchuí, agus an bonneagar leordhóthanach agus an trealamh teicniúil leordhóthanach a chur ar fáil atá de dhíth ar na foirne tacaíochta do chúrsaí tearmainn agus chun cúnamh a thabhairt do na húdaráis inniúla náisiúnta, lena náirítear na breithiúna.

3.    Déanfaidh an Ghníomhaireacht na gníomhaíochtaí atá leagtha amach i mír 1 2 a mhaoiniú nó a chómhaoiniú óna buiséad i gcomhréir leis na rialacha airgeadais is infheidhme maidir leis an nGníomhaireacht.

4.    Déanfaidh an Stiúrthóir Feidhmiúchán toradh na mbeart oibríochtúil agus teicniúil a mheas agus tuarascálacha meastóireachta mionsonraithe a tharchur i gcomhréir leis an scéim tuairiscithe agus meastóireachta dá bhforáiltear sa phlean oibríochtúil chuig an mBord Bainistíochta faoi cheann 60 lá ón uair a thiocfaidh deireadh leis soláthar na mbearta sin maille le barúlacha Oifigeach na gCeart Bunúsach. Déanfaidh an Ghníomhaireacht anailís chomparáideach chuimsitheach ar na torthaí sin agus cuirfear isteach í sa tuarascáil gníomhaíochtaí bhliantúil dá dtagraítear in Airteagal 65.”

(4) Cuirtear isteach an tAirteagal 16a seo a leanas:

“Airteagal 16a

Cúnamh feabhsaithe i leith an nós imeachta maidir le cosaint idirnáisiúnta agus nós imeachta Bhaile Átha Cliath

1. Féadfaidh Ballstát a iarraidh ar an nGníomhaireacht cúnamh feabhsaithe a thabhairt dó chun cúnamh a thabhairt dó a bheartas maidir le tearmann a chur chun feidhme, lena náirítear a oibleagáidí faoi CEAS. Chuige sin, imscarfaidh an Ghníomhaireacht foirne tacaíochta do chúrsaí tearmainn, lena náirítear as an díorma cúltaca um thearmann, de réir mar is iomchuí, chun:

(a)an nós imeachta uile maidir le cosaint idirnáisiúnta nó codanna di a chur i gcrích ag céim an riaracháin i gcomhréir le Rialacháin (AE) Uimh. XXX/XXX [Rialachán an Nós Imeachta maidir le Tearmann] gan dochar d'inniúlacht na mBallstát cinntí a dhéanamh faoi iarratais aonair agus/nó;

(b)cúnamh a thabhairt na nósanna imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath] a chur chun feidhme go tapa nó iad a chur chun feidhme, agus/nó;

(c)cúnamh a thabhairt achomhairc a láimhseáil maidir leis na nósanna imeachta dá dtagraítear i bpointe (a) agus pointe (b).

2.Chun críocha phointe (a) de mhír 1, déanfaidh na saineolaithe sna foirne tacaíochta do chúrsaí tearmainn, de réir mar is iomchuí:

(a)faisnéis a thabhairt d'iarratasóirí faoin nós imeachta maidir le cosaint idirnáisiúnta agus i dtaca le dálaí glactha, de réir mar is infheidhme;

(b)iarratais ar chosaint idirnáisiúnta a chlárú;

(c)sonraí bithmhéadracha a thógáil agus na sonraí sin a tharchur i gcomhréir le hAirteagal 10 de Rialachán (AE) Uimh. XXX/XXX [Rialachán Eurodac];

(d)cúnamh a thabhairt d'iarratasóirí a niarratas ar chosaint idirnáisiúnta a thaisceadh;

(e)aon riachtanais i leith ráthaíochtaí speisialta nós imeachta nó aon riachtanais speisialta ghlactha a shainaithint agus a mheas;

(f)an tagallamh inghlacthachta agus an tagallamh substainteach a dhéanamh, de réir mar is infheidhme;

(g)an fhianaise a mheas a bhaineann le hiarratais ar chosaint idirnáisiúnta;

(h)cinntí a ullmhú faoi iarratasóirí ar chosaint idirnáisiúnta agus na cinntí sin a chur ar fáil do na húdaráis inniúla náisiúnta, údaráis a mbeadh sé de chúram orthu cinntí a dhéanamh faoi iarratais aonair i gcomhréir leis na prionsabail bhunúsacha agus na ráthaíochtaí bunúsacha dá bhforáiltear i Rialachán (AE) Uimh. XXX/XXX [Rialachán an Nós Imeachta maidir le Tearmann];

(i)cúnamh nó tacaíocht a thabhairt i leith an chomhair idir na húdaráis inniúla náisiúnta ábhartha chun obair leantach a dhéanamh ar an nós imeachta maidir le cosaint idirnáisiúnta i gcás nósanna imeachta maidir le filleadh is féidir a bheidh ann i gcás ina ndéanfar cinneadh cinntitheach diúltach.

3.Chun críocha phointe (b) de mhír 1, déanfaidh na saineolaithe sna foirne tacaíochta do chúrsaí tearmainn, de réir mar is iomchuí:

(a)an tiarratas ar chosaint idirnáisiúnta a chlárú sa chóras uathoibrithe dá dtagraítear i Rialachán (AE) Uimh. XXX/XXX [Rialachán Bhaile Átha Cliath];

(b)faisnéis a thabhairt do na hiarratasóirí faoi na nósanna imeachta is infheidhme faoi Rialachán (AE) Uimh. XXX/XXX [Rialachán Bhaile Átha Cliath];

(c)an tagallamh a dhéanamh chun a dhéanamh amach cé acu Ballstát atá freagrach as iarratas ar chosaint idirnáisiúnta a scrúdú;

(d)an rianú agus an mheaitseáil teaghlaigh a dhéanamh i gcomhar leis an mBallstát atá freagrach as iarratas ar chosaint idirnáisiúnta a scrúdú;

(e)a dhéanamh amach cé na hiarratasóirí atá incháilithe do leithdháileadh nó aistriú;

(f)cúnamh a thabhairt iarratasóirí ar chosaint idirnáisiúnta nó tairbhithe de chosaint idirnáisiúnta a leithdháileadh nó a aistriú, sin a dhéanamh nó sin a chomhordú;

(g)cúnamh a thabhairt i leith an nós imeachta chun a dhéanamh amach cé acu Ballstát atá freagrach as iarratas ar chosaint idirnáisiúnta a scrúdú, nó an nós imeachta sin a chur i gcrích;

(h)cúnamh a thabhairt nósanna imeachta um ghabháil ar láimh nó iad a thabhairt i gcrích agus fógraí a aistarraingt i gcomhréir le Rialachán (AE) Uimh. XXX/XXX [Rialachán Bhaile Átha Cliath].

4. Chun críocha phointe (c) de mhír 1, tabharfaidh na saineolaithe as na foirne tacaíochta do chúrsaí tearmainn, de réir mar is iomchuí, cúnamh do na cúirteanna nó na binsí ar iarratas uathu, agus neamhspleáchas agus neamhchlaontacht na mbreithiúna á-urramú ina niomláine, achomhairc a dhéanamh trí thaighde agus anailísiú dlí a dhéanamh, le cois nithe eile, agus tacaíocht dlí eile a thabhairt.

5.Áiritheoidh an Ghníomhaireacht go mbeidh aistriúchán ar na doiciméid ábhartha agus na seirbhísí ateangaireachta is gá ar fáil.”

(5) Cuirtear an méid seo a leanas in ionad Airteagal 21:

“Airteagal 21

Foirne tacaíochta don bhainistiú imirce

1.I gcás ina niarrfaidh Ballstát an tacaíocht bhreise oibríochtúil agus theicniúil ó fhoirne tacaíochta don bhainistiú imirce mar atá luaite in Airteagal 17 de Rialachán Uimh. XXX/XXX nó i gcás ina nimscarfar foirne tacaíochta don bhainistiú imirce chuig láithreacha práinne mar atá luaite in Airteagal 18 de Rialachán Uimh. XXX/XXX, áiritheoidh an Stiúrthóir Feidhmiúcháin go ndéanfar gníomhaíochtaí na Gníomhaireachta sna foirne tacaíochta don bhainistiú imirce a chomhordú leis an gCoimisiún agus le gníomhaireachtaí ábhartha eile de chuid an Choimisiúin, go háirithe an Ghníomhaireacht Eorpach chun Comhar Oibríochtúil a Bhainistiú ag Teorainneacha Seachtracha an Aontais Eorpaigh. 2.

2.Seolfaidh an Stiúrthóir Feidhmiúcháin, de réir mar is iomchuí, an nós imeachta chun foirne tacaíochta don bhainistiú imirce nó saineolaithe ón díorma um idirghabháil teorainn a imscaradh i gcomhréir le hAirteagal 17 agus Airteagal 18. Féadfar an méid seo a leanas a áireamh sa tacaíocht bhreise oibríochtúil agus theicniúil a chuirfidh na foirne tacaíochta do chúrsaí tearmainn nó na saineolaithe ón díorma um idirghabháil teorainn ar fáil faoi chuimsiú na bhfoirne tacaíochta don bhainistiú imirce:

(a) scagadh ar náisiúnaigh tríú tír, lena náirítear iad a shainaithint, a chlárú agus, i gcás ina niarrfaidh na Ballstáit amhlaidh, a méarloirg a thógáil;

iarratais ar chosaint idirnáisiúnta a chlárú agus, i gcás ina niarrfaidh na Ballstáit sin, na hiarratais sin a scrúdú;

faisnéis faoi nósanna imeachta tearmainn a chur ar fáil, lena náirítear eolas faoi athlonnú agus cúnamh sonrach a chuirfear ar fáil d'iarratais nó d'iarratasóirí féideartha a d'fhéadfadh a bheith faoi réir athshuíomh.

1.Féadfar foirne tacaíochta don bhainistiú imirce a imscaradh ar iarratas ó Bhallstát, nó ar thionscnamh na Gníomhaireachta agus má fuarthas toiliú an Bhallstáit lena mbaineann, chun daingniú teicniúil agus oibríochtúil a sholáthar don Bhallstát sin.

2.Beidh na foirne tacaíochta don bhainistiú imirce comhdhéanta d'fhoirne tacaíochta do chúrsaí tearmainn, baill foirne as cór buan na Gníomhaireachta Eorpaí um an nGarda Teorann agus Cósta, chomh maith le saineolaithe as Europol nó as gníomhaireachtaí ábhartha eile de chuid an Aontais.

3.Cuirfidh an Ballstát dá dtagraítear i mír 1 iarratas chuig an gCoimisiún ar dhaingniú ó na foirne tacaíochta don bhainistiú imirce agus ar mheasúnú ar a riachtanais. Déanfaidh an Coimisiún, ar bhonn measúnú riachtanas an Bhallstáit sin, an tiarratas a tharchur chuig an nGníomhaireacht, chuig an nGníomhaireacht Eorpach um an nGarda Teorann agus Cósta, chuig Europol agus chuig gníomhaireachtaí ábhartha eile de chuid an Aontais, de réir mar is iomchuí, agus déanfaidh sé an comhordú foriomlán ar an measúnú sin.

4.Déanfaidh na gníomhaireachtaí ábhartha de chuid an Aontais, faoi chomhordú an Choimisiúin, measúnú ar an iarratas ó Bhallstát ar dhaingniú agus ar a riachtanais chun na bearta riachtanacha, lena náirítear trealamh teicniúil a thabhairt amach, a shainiú lena gcomhaontú leis an mBallstát lena mbaineann.

5.Déanfaidh an Coimisiún, i gcomhar leis an mBallstát ósta agus leis na gníomhaireachtaí ábhartha de chuid an Aontais, na téarmaí comhair a leagan síos maidir le himscaradh na bhfoirne tacaíochta don bhainistiú imirce chomh maith le tabhairt amach an trealaimh theicniúil, agus beidh sé freagrach as comhordú ghníomhaíochtaí na bhfoirne sin.

6. Féadfaidh na foirne tacaíochta do chúrsaí tearmainn a imscarfaidh an Ghníomhaireacht faoi chuimsiú na bhfoirne tacaíochta don bhainistiú imirce na cúraimí dá dtagraítear in Airteagal 16(2) agus Airteagal 16a a dhéanamh.

7.Beidh san áireamh sna foirne tacaíochta don bhainistiú imirce, más gá, baill foirne ag a bhfuil saineolas ar chosaint leanaí, gáinneáil daoine, cearta bunúsacha, comhionannas inscne agus cosaint ar fhoréigean ar bhonn inscne.”

(6) Cuirtear an méid seo a leanas in ionad Airteagal 47:

Airteagal 47
Leas-Stiúrthóir Feidhmiúcháin

1. Beidh Leas-Stiúrthóir Feidhmiúcháin de chúnamh ag an Stiúrthóir Feidhmiúcháin agus é ag bainistiú na Gníomhaireachta agus ag déanamh a chúraimí dá dtagraítear in Airteagal 46(5). Má bhíonn an Stiúrthóir Feidhmiúcháin as láthair nó mura mbeidh sé ar fáil, glacfaidh an Leas-Stiúrthóir Feidhmiúcháin a ionad.

2. Ceapfaidh an Bord Bainistíochta Leas-Stiúrthóir Feidhmiúcháin ar thogra ón Stiúrthóir Feidhmiúcháin as liosta iarrthóirí a mholfaidh an Coimisiún, tar éis nós imeachta roghnúcháin oscailte agus trédhearcach. Ceapfar an Leas-Stiúrthóir Feidhmiúcháin ar bhonn tuillteanais agus scileanna riaracháin agus bainistíochta iomchuí i réimsí an riaracháin agus na bainistíochta, lena náirítear taithí ghairmiúil ábhartha ar bhainistiú i réimse na himirce agus an tearmainn. Molfaidh Coimisiún an Stiúrthóra Feidhmiúcháin trí iarrthóir ar a laghad le haghaidh phost an Leas-Stiúrthóra Feidhmiúcháin. Beidh sé de chumhacht ag an mBord Bainistíochta síneadh a chur leis an téarma oifige nó an Leas-Stiúrthóir Feidhmiúcháin a chur as oifig ar thogra ó Coimisiún an Stiúrthóra Feidhmiúcháin. Beidh feidhm ag forálacha (1), (4), (5), (7), (8) agus (9) d'Airteagal 45 maidir leis an Leas-Stiúrthóir Feidhmiúcháin.

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.

Arna dhéanamh sa Bhruiséil,

RÁITEAS AIRGEADAIS REACHTACH

1.LEAGAN AMACH AN TOGRA

1.1.Teideal an togra

1.2.Réimsí beartais lena mbaineann i gcreat ABM/ABB

1.3.An cineál togra

1.4.Cuspóirí

1.5.Foras an togra

1.6.Fad agus tionchar airgeadais

1.7.Modhanna bainistíochta atá beartaithe

2.BEARTA BAINISTÍOCHTA

2.1.Rialacha faireacháin agus tuairiscithe

2.2.Córas bainistíochta agus rialaithe

2.3.Bearta chun calaois agus neamhrialtachtaí a chosc

3.AN TIONCHAR AIRGEADAIS A MHEASTAR A BHEIDH AG AN TOGRA

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar

3.2.An tionchar a mheastar a bheidh ag an togra/tionscnamh ar chaiteachas 

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

3.2.2.An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

3.2.3.An tionchar a mheastar a bheidh ag an togra/tionscnamh ar leithreasuithe de chineál riaracháin

3.2.4.Comhoiriúnacht don chreat airgeadais ilbhliantúil reatha

3.2.5.Ranníocaíochtaí ó thríú páirtithe

3.3.An tionchar a mheastar a bheidh ar ioncam

RÁITEAS AIRGEADAIS REACHTACH

1.LEAGAN AMACH AN TOGRA

1.1.Teideal an togra

1.2.Réimsí beartais lena mbaineann i gcreat ABM/ABB 6  

1.3.An cineál togra

◻ Baineann an togra le beart nua 

◻ Baineann an togra le beart nua a leanann treoirthionscadal/réamhbheart 7  

☑ Baineann an togra le síneadh ar bheart atá ann cheana 

◻ Baineann an togra le beart a atreoraíodh i dtreo beart nua 

1.4.Cuspóir

1.4.1.Cuspóirí straitéiseacha ilbhliantúla an Choimisiúin ar a bhfuil an togra dírithe

1.4.2.Cuspóirí sonracha agus na gníomhaíochtaí ABM/ABB lena mbaineann

1.4.3.An toradh agus an tionchar a bhfuil súil leo

Sonraigh an tionchar a bheadh ag an togra ar na tairbhithe/grúpaí ar a bhfuil sé dírithe.

1.4.4.Táscairí lena léireofar toradh agus tionchar

Sonraigh na táscairí lena léireofar an faireachán ar chur chun feidhme an togra.

1.5.Foras an togra

1.5.1.Na ceanglais is gá a chomhlíonadh sa ghearrthéarma nó san fhadtéarma

1.5.2.Luach breise a bhaineann le rannpháirteachas AE

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht d'ionstraimí iomchuí eile agus sineirgíocht a d'fhéadfadh a bheith ann

1.6.Fad agus tionchar airgeadais

◻ Togra a bheidh i bhfeidhm ar feadh tréimhse theoranta

–◻    Togra a bheidh i bhfeidhm ón [LL/MM]BBBB go dtí an [LL/MM]BBBB

–◻    Tionchar airgeadais ó BBBB go BBBB

☑ Togra a bheidh i bhfeidhm ar feadh tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.7.Modhanna bainistíochta atá beartaithe 8  

◻ Bainistíocht dhíreach a dhéanann an Coimisiún

–◻ ina ranna, lena náirítear an chuid sin den fhoireann atá i dtoscaireachtaí an Aontais;

–◻    trí na gníomhaireachtaí feidhmiúcháin;

◻ Bainistíocht atá comhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas::

–◻ tríú tíortha nó na comhlachtaí a d'ainmnigh siad;

–◻ eagraíochtaí idirnáisiúnta agus a ngníomhaireachtaí (tabhair sonraí);

–◻ BEI agus an Ciste Eorpach Infheistíochta;

–☑ comhlachtaí dá dtagraítear in Airteagal 208 agus Airteagal 209 den Rialachán Airgeadais;;

–◻ comhlachtaí dlí poiblí;

–◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

–◻ comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

–◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

–I gcás ina sonraítear níos mó ná modh bainistíochta amháin, tabhair sonraí sa roinn "Nótaí" le do thoil.

Nótaí

2.BEARTA BAINISTÍOCHTA

2.1.Rialacha faireacháin agus tuairiscithe

Sonraigh minicíocht na mbeart agus na coinníollacha atá leo

2.2.Córas bainistíochta agus rialaithe

2.2.1.Na rioscaí a aithníodh

2.2.2.Modhanna rialaithe atá beartaithe

2.3.Bearta chun calaois agus neamhrialtachtaí a chosc

Sonraigh bearta coisctheacha agus cosanta atá ann cheana nó atá beartaithe.

3.AN TIONCHAR AIRGEADAIS A MHEASTAR A BHEIDH AG AN TOGRA

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

* Faigheann EASO ranníocaíochtaí ó thíortha atá comhlachaithe le Schengen

·Línte buiséid nua iarrtha le haghaidh CAI 2021-2027

·Ní gá líne bhuiséid nua in CAI 2014-2020 a iarraidh ach ba cheart líne bhuiséid 18 03 02 a athainmniú dá réir

In ord cheannteidil agus línte buiséid an chreata airgeadais ilbhliantúil.

3.2.An tionchar a mheastar a bheidh ag an togra/tionscnamh ar chaiteachas

Méadú EUR 55 mhilliún ó 2019 go 2027 i gcomparáid le leagan an Ráitis Airgeadais Reachtaigh a bhí ag gabháil le Togra an Choimisiúin COM(2016) 271 final an 4.5.2016.

Is é críoch an mhéadaithe na cistí atá ar fáil do chaiteachas a bhaineann le tacaíocht oibríochtúil (líne bhuiséid 33 i mbuiséad na Gníomhaireachta) a dhúbailt le haghaidh na ngníomhaíochtaí seo a leanas:

(1) Cúnamh breise teicniúil agus oibríochtúil do na Ballstáit leis na córais tearmainn agus ghlactha a bhainistiú, lena náirítear tacaíocht fheabhsaithe i réimse an nós imeachta cosanta chun próiseáil tapa tráthúil a áirithiú le go bhfeidhmeoidh na córais tearmainn agus ghlactha go héifeachtach agus go hordúil agus chun cabhrú leis na Ballstáit i dtaca le nós imeachta Bhaile Átha Cliath.

2) Gníomhaíochtaí feabhsaithe mar thacaíocht don Bhallstát óstach chun próiseáil tapa a áirithiú tríd an nós imeachta riaracháin iomlán le haghaidh cosaint idirnáisiúnta, nó cuid de, a chomhlíonadh lena náirítear sna hionaid rialaithe agus chun cabhrú leis na breithiúna achomhairc a láimhseáil.

Meastar go mbeidh tuairim agus 500.000 cás (iarrthóirí tearmainn) in aghaidh na bliana ann sna deich mbliana atá romhainn, lena gcumhdófar na tíortha go léir san Aontas (san am i láthair tá 382.000 cás de chuid iarrthóirí tearmainn faighte in AE tar éis ocht mí in 2018). Meastar go mbeidh tuairim agus 120.000 cás in aghaidh na bliana sa Ghréig agus san Iodáil, 60.000 díobh sin sa Ghréig agus 60.000 díobh san Iodáil. Sa Ghréig tá 15.000 cás ar an meán le próiseáil ar na hoileáin. Níl EASO ag déileáil faoi láthair ach le cuid de chásanna na noileán sin agus níl tacaíocht den chineál céanna, mar atá iarrtha ag an nGréig, á cur ar fáil aige ar an mórthír fós. Ar leibhéal níos ginearálta, tá tionchar an chuidithe a thugann EASO do na Ballstáit i leith chóireáil na gcásanna go léir teoranta faoi láthair. Is é is cuspóir don rialachán arna leasú acmhainneacht agus réimsí EASO a leathnú chun tuilleadh tacaíochta a thabhairt do na Ballstáit, go háirithe na Ballstáit atá sa líne thosaigh (e.g. an Ghréig agus an Iodáil), lena náirítear trí choincheap na nIonad Rialaithe, mar a iarradh i gConclúidí na Comhairle Eorpaí an 28 Meitheamh.

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

EUR milliúin (go dtí an tríú deachúil)

EUR milliúin (go dtí an tríú deachúil)

EUR milliúin (go dtí an tríú deachúil)

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An tionchar a mheastar a bheidh ag an togra ar leithreasuithe Ghníomhaireacht an Aontais Eorpaigh um Thearmann

–◻    Ní éilíonn an togra go núsáidfear leithreasuithe faoi chomhair oibríochtaí

–☑    Éilíonn an togra go núsáidfear leithreasuithe faoi chomhair oibríochtaí mar a mhínítear thíos:

CAI 2014-2020* (Leithreasuithe faoi chomhair oibleagáidí in EUR)

*Níl ar taispeáint sa tábla seo ach caiteachas oibríochtúil de réir Theideal 3    

CAI 2021-2027

Leithreasuithe faoi chomhair oibleagáidí in EUR 

* Níl ar taispeáint sa tábla seo ach caiteachas oibríochtúil de réir Theideal 3    

3.2.3.An tionchar a mheastar a bheidh ag an togra/tionscnamh ar leithreasuithe de chineál riaracháin

3.2.3.1.Achoimre

–◻    Ní éilíonn an togra go núsáidfear leithreasuithe de chineál riaracháin

–☑    Éilíonn an togra go núsáidfear leithreasuithe de chineál riaracháin mar a mhínítear thíos:

Is ionann an líon foirne a iarradh don Ghníomhaireacht agus an líon a iarradh i dtogra bunaidh an Choimisiúin an 4 Bealtaine 2016, i.e. méadú de réir a chéile ar 500 FTE in 2020.

EUR milliúin (go dtí an tríú deachúil)

* Léirítear sa tábla seo na baill foirne a iarradh cheana i dTogra an Choimisiúin COM(2016) 271 final an 4.5.2016. Ó 2021 i leith, níl aon bhall foirne breise iarrtha.

3.2.3.2.Na hacmhainní daonna a mheastar a bheidh riachtanach

–◻    Ní éilíonn an togra go núsáidfear acmhainní daonna.

–☑    Éilíonn an togra go núsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha

Is é XX an réimse beartais nó an teideal buiséid lena mbaineann.

Soláthrófar na hacmhainní daonna is gá le baill foirne ón Ard-Stiúrthóireacht a bhfuil bainistíocht an bhirt faoina gcúram cheana agus/nó a ath-imlonnófar laistigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

3.2.4.Comhoiriúnacht don chreat airgeadais ilbhliantúil reatha

–☑    Tá an togra comhoiriúnach leis an gcreat airgeadais ilbhliantúil reatha ach d'fhéadfadh sé go mbeidh úsáid ionstraimí speisialta mar atá sainmhínithe sa Rialachán CAI i gceist.

–◻    Beidh athchlárú an cheannteidil ábhartha sa chreat airgeadais ilbhliantúil ag gabháil leis an togra.

–◻    Éilíonn an togra go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil 12 .

3.2.5.Ranníocaíochtaí ó thríú páirtithe

–◻Ní dhéantar foráil sa togra maidir le cómhaoiniú le tríú páirtithe.

–☑ Déantar foráil sa togra maidir le cómhaoiniú atá réamh-mheasta thíos:

Leithreasuithe in EUR milliúin (go dtí an tríú deachúil)

An tionchar a mheastar a bheidh ar ioncam

–☑    Ní bheidh tionchar airgeadais ar bith ag an togra ar ioncam.

–◻    Beidh an tionchar airgeadais seo a leanas ag an togra:

–◻    ar acmhainní dílse

–◻    ar ioncam ilghnéitheach

EUR milliúin (go dtí an tríú deachúil)

I gcás ioncam ilghnéitheach atá 'sannta', sonraigh na línte buiséid a nimrítear tionchar orthu.

Sonraigh an modh chun an tionchar ar ioncam a ríomh.

(1)    EUCO 28.06.2018.

(2)    Dearbhú Meseberg ón nGearmáin agus ón bhFrainc "Renewing Europe’s promises of security and prosperity [Gealltanais na hEorpa a Athnuachan maidir le slándáil agus rathúnas]", 19 Meitheamh 2018.

(3)    COM(2016) 271 final.

(4)    EUCO 19.02.2016.

(5)    [tagairtí le cur isteach nuair a ghlacfar an creat-Rialachán Airgeadais nua (gníomh tarmligthe); coinne lena ghlacadh faoi dheireadh na bliana]

(6)    ABM: Bainistiú de réir gníomhaíochtaí; ABB: Buiséadú de réir gníomhaíochtaí.

(7)    Mar a thagraítear dó in Airteagal 54(2)(a) nó (b) den Rialachán Airgeadais.

(8)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard-Stiúrthóireacht an Bhuiséid: http://www.cc.cec/budg/man/budgmanag/budgmanag_en.html

(9)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid AE (seanlínte "BA") a chur chun feidhme, taighde indíreach, taighde díreach.

(10)    CA = Ball foirne ar conradh; LA= Ball foirne áitiúil; SNE= Saineolaí náisiúnta ar iasacht; INT= Ball foirne gníomhaireachta; JED = Saineolaí sóisearach i dtoscaireacht.

(11)    Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte "BA").

(12)    Féach Airteagal 11 agus Airteagal 17 de Rialachán (AE, Euratom) Uimh. 1311/2013 ón gComhairle an 2 Nollaig 2013 lena leagtar síos an creat airgeadais ilbhliantúil do na blianta 2014 go 2020.

(13)    A fhad a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 25 % de na costais bhailiúcháin a bheith bainte astu.