(1)

Tá iarrachtaí ar dhul i ngleic le dúshláin a bhaineann leis an aeráid agus leis an gcomhshaol agus ar chuspóirí Chomhaontú Pháras (3) a bhaint amach, ar comhaontú é a glacadh an 12 Nollaig 2015 faoi Chreat-Choinbhinsiún na Náisiún Aontaithe ar an Athrú Aeráide (UNFCCC), i gcroílár na teachtaireachta ón gCoimisiún an 11 Nollaig 2019 maidir leis an ‘Comhaontú Glas don Eoraip’. Níl ach méadú tagtha ar riachtanas agus luach an Chomhaontaithe Ghlais don Eoraip i bhfianaise thionchair fhíor-thromchúiseacha phaindéim COVID-19 ar shláinte agus ar dhea-bhail eacnamaíoch shaoránaigh an Aontais agus i bhfianaise chogadh foghach na Rúise i gcoinne na hÚcráine.

(2)

Leis an gComhaontú Glas don Eoraip, nasctar tacar cuimsitheach beart agus tionscnamh a threisíonn a chéile go frithpháirteach agus arb é is aidhm dóibh an aeráidneodracht a bhaint amach san Aontas faoi 2050, agus leagtar amach ann straitéis nua fáis arb é is aidhm di sochaí chothrom rathúil a dhéanamh den Aontas, ina mbeidh geilleagar nua-aimseartha iomaíoch, a bheidh tíosach ar acmhainní, agus ina mbeidh an fás eacnamaíoch díchúpláilte ó úsáid acmhainní. Tá sé d’aidhm aici freisin caipiteal nádúrtha an Aontais a chosaint, a chaomhnú agus a mhéadú, agus sláinte agus dea-bhail na saoránach a chosaint ar rioscaí agus ar na tionchair a bhaineann leis an gcomhshaol. An tráth céanna, déantar difear leis an aistriú sin do mhná agus d’fhir ar bhealaí difriúla agus tá tionchar ar leith aige ar roinnt grúpaí atá faoi mhíbhuntáiste agus atá leochaileach, amhail teaghlaigh agus daoine ar ioncam íseal, daoine scothaosta, daoine atá faoi mhíchumas agus daoine le cúlra cine mionlaigh nó mionlaigh eitnigh. Ní mór a áirithiú, dá bhrí sin, go mbeidh an t-aistriú cóir agus ionchuimsitheach, agus nach bhfágfar aon duine chun deiridh.

(3)

Tar éis do Pharlaimint na hEorpa agus don Chomhairle eilimintí riachtanacha an phacáiste reachtaigh ‘Oiriúnach do 55’mar a mhol an Coimisiún i mí Iúil 2021 a ghlacadh, chuir an tAontas, i mí Dheireadh Fómhair 2023, rannchuidiú nuashonraithe arna chinneadh go náisiúnta (NDC) de chuid an Aontais agus a Bhallstát faoi bhráid UNFCCC, lena ndeimhnítear go ndéanfaidh an tAontas a ghlanastaíochtaí gáis ceaptha teasa a laghdú 55 % ar a laghad faoi 2030 i gcomparáid le leibhéil 1990.

(4)

Trí Rialachán (AE) 2021/1119 ó Pharlaimint na hEorpa agus ón gComhairle (4) a ghlacadh, chumhdaigh an tAontas i ngníomh reachtach de chuid an Aontais an cuspóir maidir le haeráidneodracht a bhaint amach ar fud an gheilleagair laistigh den Aontas faoi 2050 ar a dhéanaí, agus an aidhm i dtaobh astaíochtaí diúltacha a bhaint amach ina dhiaidh sin. Thairis sin, leis an Rialachán sin bunaítear sprioc cheangailteach de chuid an Aontais maidir le laghdú intíre 55 % ar a laghad a dhéanamh ar ghlanastaíochtaí gás ceaptha teasa (an líon astaíochtaí tar éis aistrithe a asbhaint) i gcomparáid le leibhéil 1990 faoi 2030. Leagtar síos ann freisin an creat chun spriocanna aeráide idirmheánacha an Aontais a bhunú agus chun buiséad táscach réamh-mheasta an Aontais maidir le gás ceaptha teasa a fhoilsiú don tréimhse 2030-2050.

(5)

Táthar ag dréim leis go rannchuideoidh earnálacha uile an gheilleagair leis na laghduithe sin ar astaíochtaí a bhaint amach, lena n-áirítear an earnáil iompair de bhóthar. Sa teachtaireacht uaidh an 9 Nollaig 2020 maidir le ‘Sustainable and Smart Mobility Strategy – putting European transport on track for the future’ [Straitéis um an tSoghluaisteachta Inbhuanaithe agus Chliste – iompar Eorpach a sheoladh ar bhealach a leasa don todhchaí], leagann an Coimisiún treochlár amach do thodhchaí inbhuanaithe agus chliste don iompar Eorpach, ina bhfuil plean gníomhaíochta ag a bhfuil an cuspóir laghdú 90 % ar astaíochtaí ón earnáil iompair a bhaint amach faoi 2050. Faoi láthair, tá feithiclí tromshaothair freagrach as níos mó ná aon cheathrú cuid d’astaíochtaí gás ceaptha teasa ón iompar de bhóthar san Aontas agus as os cionn 6 % d’astaíochtaí gás ceaptha teasa iomlána an Aontais.

(6)

Is é is aidhm don phacáiste reachtach ‘Oiriúnach do 55’, sprioc 2030 maidir le laghdú ar astaíochtaí gás ceaptha teasa a chur chun feidhme. Cumhdaítear leis raon réimsí beartais. Cuid lárnach den phacáiste reachtach sin is ea an t-athbhreithniú ar Rialachán (AE) 2019/1242 ó Pharlaimint na hEorpa agus ón gComhairle (5).

(7)

Sa Teachtaireacht uaidh an 18 Bealtaine 2022, maidir le ‘REPowerEU Plan [an Plean REPowerEU]’, leag an Coimisiún amach plean chun go mbeidh an tAontas neamhspleách ar bhreoslaí iontaise na Rúise i bhfad roimh dheireadh na tréimhse 10 mbliana seo. Tugtar chun suntais sa Teachtaireacht sin, inter alia, a thábhachtaí atá sé éifeachtúlacht breosla iontaise a mhéadú agus tomhaltas breosla iontaise a laghdú in earnáil an iompair, i gcás inar féidir leictriú a chomhcheangal le húsáid hidrigine atá saor ó iontaise chun ionadú a dhéanamh ar bhreoslaí iontaise.

(8)

Chun rannchuidiú le laghdú 55 % ar a laghad i gcomparáid le leibhéil 1990 a dhéanamh ar ghlanastaíochtaí gás ceaptha teasa faoi 2030 agus i gcomhréir le céadphrionsabal na héifeachtúlachta fuinnimh, is den riachtanas é na ceanglais maidir le laghdú ar astaíochtaí CO2 i gcás feithiclí tromshaothair, a leagtar amach i Rialachán (AE) 2019/1242, a neartú. Is gá conair shoiléir a shocrú freisin le haghaidh laghduithe sa bhreis a dhéanamh ar astaíochtaí ó 2030 ar aghaidh i gcás na hearnála feithiclí tromshaothair chun rannchuidiú le cuspóir na haeráidneodrachta a ghnóthú faoi 2050.

(9)

Leis na ceanglais neartaithe i dtaobh laghdú ar astaíochtaí CO2, ba cheart spreagadh a thabhairt do mhéadú a dhéanamh ar sciar na bhfeithiclí tromshaothair astaíochtaí nialasacha atá á gcur in úsáid ar mhargadh an Aontais agus tairbhí ó thaobh cháilíocht an aeir agus coigilteas fuinnimh de á soláthar d’úsáideoirí agus do shaoránaigh an tráth céanna, mar aon lena áirithiú gur féidir nuálaíocht i slabhra luacha thionscal na mótarfheithiclí agus na poist ardcháilíochta ghaolmhara a choinneáil ar bun. Maidir le feithiclí tromshaothair astaíochtaí nialasacha, áirítear leo faoi láthair feithiclí ceallra-leictreacha, feithiclí breosla-chille agus feithiclí eile faoi thiomáint hidrigine, agus leantar den nuálaíocht teicneolaíochta.

(10)

Ba cheart spriocanna neartaithe nua maidir le laghdú ar astaíochtaí CO2 a shocrú d’fheithiclí nua tromshaothair ó 2030 ar aghaidh. Ba cheart na spriocanna sin a shocrú ar leibhéal lena dtabharfar comhartha láidir chun dlús a chur le glacadh na bhfeithiclí tromshaothair astaíochtaí nialasacha ar mhargadh an Aontais, an nuálaíocht sa teicneolaíocht astaíochtaí nialasacha a spreagadh ar bhealach costéifeachtach, an comhartha is gá a thabhairt chun dlús a chur le himscaradh bonneagair luchtaithe agus athbhreoslaithe ar fud an Aontais, iomaíochas fadtéarmach thionscal an Aontais ar mhargadh domhanda a áirithiú, agus rannchuidiú leis na costais oibriúcháin do chuideachtaí iompair a laghdú, agus á áirithiú ag an am céanna go bhfuil a chuspóirí ó thaobh na haeráide agus a chuspóir chun truailliú an aeir a mhaolú á gcomhlíonadh ag an Aontas.

(11)

Fadhb thar a bheith millteanach is ea é truailliú an aeir i gcathracha, lena ndéantar difear do shláinte na milliún saoránach Eorpach. Tá an t-iompar ar cheann de na príomhfhoinsí truaillithe aeir uirbigh. Agus dlús á chur le feidhmiú céimneach feithiclí tromshaothair astaíochtaí nialasacha, trí cheanglais neartaithe maidir le laghdú ar astaíochtaí CO2, rannchuideofar le laghdú ar fhadhb thruailliú an aeir uirbigh.

(12)

Is é is aidhm don teachtaireacht ón gCoimisiún an 5 Bealtaine 2021 maidir le ‘Updating the 2020 New Industrial Strategy: Building a stronger Single Market for Europe’s recovery’ [Straitéis Nua Thionsclaíoch 2020 a Thabhairt Cothrom le Dáta: Margadh Aonair níos láidre a thógáil le haghaidh théarnamh na hEorpa], conairí an aistrithe ghlais agus an aistrithe dhigitigh a chomhchruthú i gcomhpháirtíocht leis an earnáil tionsclaíochta, údaráis phoiblí, comhpháirtithe sóisialta agus páirtithe leasmhara eile. Sa chomhthéacs sin, tá conair aistrithe á forbairt chun go mbeidh éiceachóras na soghluaisteachta mar thionlacan le haistriú an tslabhra luacha i dtionscal na mótarfheithiclí. Tugtar aird ar leith i gconair an aistrithe ar fhiontair bheaga agus mheánmhéide i slabhra soláthair thionscal na mótarfheithiclí, agus ar an gcomhairliúchán, lena n-áirítear comhairliúchán a dhéanann na Ballstáit, le páirtithe sóisialta. Déantar forbairt freisin leis an gconair ar an gClár Oibre Eorpach um Scileanna le tionscnaimh amhail an Comhshocrú um Scileanna, chun spreagadh a thabhairt don earnáil phríobháideach agus do pháirtithe leasmhara eile chun lucht oibre na hEorpa a uas-sciliú agus a athsciliú i bhfianaise an aistrithe ghlais agus an aistrithe dhigitigh, agus déantar forbairt léi ar an ‘Sásra Chun Cur leis an Tallann’ faoi chuimsiú an tionscnaimh ‘Leas a bhaint as Buanna i Réigiúin an Aontais’. Dírítear freisin i gconair an aistrithe ar na gníomhaíochtaí agus na dreasachtaí iomchuí ar an leibhéal Eorpach agus ar an leibhéal náisiúnta chun borradh a chur faoi inacmhainneacht na bhfeithiclí astaíochtaí nialasacha. D’fhéadfaí a áireamh leis sin, mar shampla, an deis atá ann do na Ballstáit úsáid a bhaint as an gCiste Aeráide Sóisialta a bhunaítear le Rialachán (AE) 2023/955 ó Pharlaimint na hEorpa agus ón gComhairle (6) (an ‘Ciste Aeráide Sóisialta’) chun cabhrú le micrifhiontair feithiclí tromshaothair astaíochtaí nialasacha a cheannach. Ba cheart aird ar leith a thabhairt ar an tionchar a bheidh ag an aistriú sin ar FBManna feadh an tslabhra soláthair. Is é is aidhm don Teachtaireacht ón gCoimisiún an 1 Feabhra 2023, maidir le ‘Plean Tionsclaíoch an Chomhaontaithe Ghlais don Ré Ghlan-Nialasach’ iomaíochas thionscal glan-nialasach na hEorpa a fheabhsú agus chun tacú leis an aistriú mear chuig an aeráidneodracht. Is é is aidhm don phlean sin timpeallacht níos tacúla a chur ar fáil chun uas-scálú a dhéanamh ar acmhainneacht mhonaraíochta an Aontais le haghaidh na dteicneolaíochtaí agus na dtáirgí glan-nialasacha a bhfuil gá leo chun spriocanna uaillmhianacha aeráide an Aontais a ghnóthú. Tá ríthábhacht le rochtain ar oiliúint agus ar athsciliú in go leor earnálacha a bheith ann, ar earnálacha iad ar gá athruithe bunúsacha a dhéanamh orthu, lena n-áirítear earnáil na bhfeithiclí tromshaothair agus earnáil an athbhreoslaithe agus an athluchtaithe, chun aistriú éifeachtach atá cóir ar bhonn sóisialta a chur i gcrích. Is freagracht chomhchoiteann iad infheistíochtaí sna scileanna is gá le haghaidh aistriú éifeachtach a chur i gcrích. Ba cheart rochtain a bheith ag fostaithe agus ag cuardaitheoirí poist ar dheiseanna athscilithe agus uas-scilithe, agus ba cheart tacú leo chun bheith rannpháirteach sna gníomhaíochtaí foghlama sin. Moltar do na Ballstáit dlús a chur le hinfheistíochtaí in athsciliú agus in uas-sciliú agus chun na hathruithe réamh-mheasta i margadh an tsaothair a leagan amach agus a anailísiú.

(13)

In éineacht le tionscnaimh chun dlús a chur le haistriú módach i dtreo modhanna iompair atá níos inbhuanaithe, beidh ról lárnach ag neartú na gceanglas chun laghdú a dhéanamh ar astaíochtaí CO2 i gcás feithiclí tromshaothair agus ag feidhmiú céimneach an bhonneagair athluchtaithe agus athbhreoslaithe a bhfuil gá leis chun laghdú a dhéanamh ar astaíochtaí CO2 earnáil na bhfeithiclí tromshaothair. Tá na spriocanna maidir le laghdú ar astaíochtaí CO2 i bhflít uile an Aontais a leagtar síos sa Rialachán seo á gcomhlánú ag ceanglais an bhonneagair athluchtaithe agus athbhreoslaithe a leagtar amach i Rialachán (AE) 2023/1804 ó Pharlaimint na hEorpa agus ón gComhairle (7). Tá ról tábhachtach ag maoiniú ón Aontas i bhfeidhmiú céimneach an bhonneagair ar an leibhéal náisiúnta. Tá imscaradh bonneagair athluchtaithe le haghaidh feithiclí leictreacha tromshaothair chomh tábhachtach céanna i suíomhanna príobháideacha nach bhfuil rochtain ag an bpobal orthu, amhail in iostaí príobháideacha agus ag lárionaid lóistíochta chun luchtú thar oíche agus luchtú cinn scríbe a sholáthar. Ba cheart d’údaráis phoiblí breithniú a dhéanamh ar bhearta a ghlacadh i gcomhthéacs a gcreataí beartais náisiúnta athbhreithnithe a chur ar bun chun a áirithiú go soláthraítear an bonneagar iomchuí le haghaidh an luchtaithe thar oíche agus an luchtaithe cinn scríbe i gcás feithiclí leictreacha tromshaothair. Is iomchuí freisin breithniú a dhéanamh, i bhfianaise sriantaí bonneagair a d’fhéadfadh a bheith ann i dtríú tíortha, ar an tionchar atá ag an Rialacháin seo ar an bhféidearthacht atá ann d’fheithiclí nua tromshaothair atá cláraithe i mBallstát oibriú lasmuigh den Aontas.

(14)

Rinne an Coimisiún Eorpach an Fóram um Iompar Inbhuanaithe a chur ar bun in 2015, tar éis ghlacadh Threoir 2014/94/AE ó Pharlaimint na hEorpa agus ón gComhairle (8). Cabhraíonn an Fóram leis an gCoimisiún gníomhaíochtaí agus cláir an Aontais a chur chun feidhme arb é is aidhm dóibh cothabháil a dhéanamh ar imscaradh an bhonneagair breoslaí malartacha inbhuanaithe. Tar éis an Rialachán seo a ghlacadh, déanfaidh an Choimisiún a áirithiú go dtacóidh an Fóram le feidhmiú céimneach éifeachtach agus costéifeachtúil an bhonneagair athluchtaithe agus athbhreoslaithe a bhfuil gá leis chun na ceanglais neartaithe maidir le laghdú ar astaíochtaí CO2 le haghaidh feithiclí tromshaothair a chomhlíonadh, agus go n-imríonn sé tionchar ar an athbhreithniú dá dtagraítear in Airteagal 24(2) de Rialachán (AE) 2023/1804, ionas go mbeidh na spriocanna a leagtar amach sa Rialachán sin ailínithe le huaillmhian an Rialacháin seo.

(15)

Éilítear leis an aistriú chuig an aeráidneodracht infheistíocht mhór a dhéanamh san eangach leictreachais, lena n-áirítear toilleadh feabhsaithe, athléimneacht fheabhsaithe agus stóráil fheabhsaithe, chomh maith le naisc bhreise. I bhfianaise na spriocanna maidir le laghdú ar astaíochtaí CO2 i gcás feithiclí tromshaothair don bhliain 2030 a bhunaítear faoin Rialachán seo, maidir le sciar na bhfeithiclí tromshaothair astaíochtaí nialasacha i bhflít iomlán na bhfeithiclí tromshaothair atá ar na bóithre agus le hídiú leictreachais san earnáil beidh siad teoranta go ceann i bhfad. Dá bhrí sin, beidh an tionchar gaolmhar ar an eangach leictreachais teoranta go ceann i bhfad freisin.

(16)

Cé go bhfágfaidh na spriocanna neartaithe maidir le laghdú ar astaíochtaí CO2 go gcuirfear dlús le glacadh feithiclí tromshaothair astaíochtaí nialasacha, beidh cuid shuntasach de fhlít iomlán na bhfeithiclí tromshaothair ar na bóithre ina bhfeithiclí innill dócháin inmheánaigh go ceann i bhfad. Chun go ndéanann an chuid sin den fhlít rannchuidiú le spriocanna aeráide an Aontais a ghnóthú, tá sé bunriachtanach go ndéantar tuilleadh nuálaíochta agus go gcuirtear dlús le glacadh breoslaí in-athnuaite inbhuanaithe. Déanfaidh beartais agus ionstraimí dlí de chuid an Aontais atá ann cheana, go háirithe Treoir (AE) 2018/2001 ó Pharlaimint na hEorpa agus ón gComhairle (9) agus córas trádála astaíochtaí an Aontais arna bhunú le Treoir 2003/87/CE ó Pharlaimint na hEorpa agus ón gComhairle (10), dícharbónú breoslaí iompair a chur chun cinn, agus é mar aidhm leo deireadh a chur le breoslaí iontaise de réir a chéile. Ba cheart don Choimisiún tuilleadh forbartha a dhéanamh ar chreat comhleanúnach dreasachtaí le haghaidh bithbhreoslaí ardfhorbartha agus bithghás ardfhorbartha agus breoslaí in-athnuaite de thionscnamh neamh-bhitheolaíoch. Leis an gcreat sin, ba cheart aghaidh a thabhairt ar bhacainní atá ar an nglacadh agus ar an soláthar ar bhealach cuimsitheach, agus an t-éileamh ar fud na n-earnálacha eacnamaíocha á chur i gcuntas, i gcomhthéacs na n-iarrachtaí foriomlána ar spriocanna aeráide an Aontais a bhaint amach. Ar bhonn na gcuspóirí maidir le bithmheatán sa phlean REPowerEU, ba cheart don Choimisiún aghaidh a thabhairt freisin ar conas is féidir, trí tháirgeadh an bhithmheatáin san Aontas a mhéadú, rannchuidiú le dícharbónú an gheilleagair, lena n-áirítear dícharbónú na hearnála iompair.

(17)

Tar éis dul i gcomhairle le páirtithe leasmhara, déanfaidh an Coimisiún measúnú, laistigh de 1 bhliain amháin tar éis theacht i bhfeidhm an Rialacháin seo, ar mhodheolaíocht chun feithiclí tromshaothair a fheidhmíonn go heisiach ar bhreoslaí atá neodrach ó thaobh CO2 de a chlárú, i gcomhréir le dlí an Aontais agus le cuspóir aeráidneodrachta an Aontais.

(18)

Ba cheart solúbthacht leordhóthanach a sholáthar do mhonaróirí i gcónaí nuair atá a bhflíteanna feithiclí tromshaothair á gcur in oiriúint acu le himeacht aimsire ar mhaithe leis an aistriú i dtreo feithiclí tromshaothair astaíochtaí nialasacha a bhainistiú ar bhealach costéifeachtúil. Is iomchuí, dá bhrí sin, an cur chuige i dtaobh neartú a dhéanamh ar spriocleibhéil a choinneáil i gcéimeanna dar tréimhse 5 bliana.

(19)

Mar gheall ar struchtúr ilchineálach an fhlít feithiclí tromshaothair ina iomláine, ní féidir a thuar go hiomlán an mbeidh forbairtí teicneolaíochtaí tapa go leor chun a áirithiú go mbeidh teicneolaíocht sceithphíopa astaíochtaí nialasacha ina rogha inmharthana le haghaidh gach úsáide nideoige. D’fhéadfaí a áireamh leis sin feithiclí tromshaothair a úsáidtear le haghaidh feidhmeanna ríthábhachtacha slándála agus sábháilteachta, ar feidhmeanna iad nach féidir le teicneolaíochtaí sceithphíopa astaíochtaí nialasacha a chomhlíonadh. Ba cheart feithiclí den sórt sin a bheith ina sciar teoranta den fhlít feithiclí tromshaothair ina iomláine. Ina athbhreithniú ar Rialachán (AE) 2019/1242, ba cheart don Choimisiún measúnú a dhéanamh ar an bhféidearthacht atá ann bearta a chur i bhfeidhm chun laghdú a dhéanamh ar astaíochtaí CO2 a thagann ó na feithiclí sin.

(20)

I gcás a nósanna imeachta soláthair phoiblí a chumhdaítear leis an Rialachán seo, moltar go láidir d’údaráis chonarthacha agus d’eintitis chonarthacha úsáid a bhaint as critéar dámhachtana nó sonraíocht theicniúil a bhaineann leis an gcion de tháirgí na dtairiscintí de thionscnamh tíortha nach páirtithe i gComhaontú na hEagraíochta Trádála Domhanda maidir le Soláthar Rialtais (‘GPA’) iad agus nach bhfuil comhaontú saorthrádála ina bhfuil rialacha maidir le soláthar poiblí, tugtha i gcrích acu leis an Aontas. Beidh ról tábhachtach ag na critéir sin i dtaobh cothú a dhéanamh ar sholáthar busanna uirbeacha astaíochtaí nialasacha ag tionscal na hEorpa, slabhraí soláthair inbhuanaithe agus athléimneacha a áirithiú i gcás busanna uirbeacha agus slándáil an tsoláthair laistigh den Aontas a threisiú.

(21)

Moltar d’údaráis chonarthacha agus d’eintitis chonarthacha úsáid a bhaint as critéar inbhuanaitheachta comhshaoil mar chritéar dámhachtana nó mar shonraíocht theicniúil le haghaidh a nósanna imeachta soláthair phoiblí a chumhdaítear leis an Rialachán seo. Gan dochar do ghníomhartha reachtacha de chuid an Aontais is infheidhme i leith teicneolaíocht shonrach, lena n-áirítear Rialachán (AE) 2023/1542 ó Pharlaimint na hEorpa agus ón gComhairle (11) agus Rialachán ó Pharlaimint na hEorpa agus ón gComhairle lena mbunaítear creat chun na ceanglais éicidhearthóireachta le haghaidh táirgí inbhuanaithe a shocrú, agus meastóireacht á déanamh ar inbhuanaitheacht comhshaoil na mbusanna uirbeacha a sholáthraítear ar bhonn an Rialacháin seo, ba cheart é a bheith indéanta d’údaráis chonarthacha agus eintitis chonarthacha gnéithe éagsúla a bhfuil tionchar acu ar an aeráid agus ar an gcomhshaol a chur i gcuntas. Féadfar a áireamh ar na gnéithe sin, mar shampla: marthanacht agus iontaofacht an réitigh, an éascaíocht maidir le deisiúchán agus cothabháil, éascaíocht agus cáilíocht na hathchúrsála, an úsáid a bhaintear as substaintí, ídiú fuinnimh, uisce agus acmhainní eile ag céim amháin nó níos mó de shaolré an táirge; ionchorprú comhpháirteanna úsáidte; lorg comhshaoil an táirge agus a thionchair ar an gcomhshaol ar feadh a shaolré; méideanna na dramhaíola a ghintear.

(22)

I ngeall ar na spriocanna níos déine maidir le laghdú ar astaíochtaí CO2 i bhflít uile an Aontais ó 2030 ar aghaidh, tá monaróirí chun i bhfad níos mó feithiclí tromshaothair astaíochtaí nialasacha a chur in úsáid ar mhargadh an Aontais. Sa chomhthéacs sin, ní bheadh an sásra dreasachta le haghaidh feithiclí tromshaothair astaíochtaí nialasacha agus ísle ag fónamh dá chuspóir bunaidh a thuilleadh agus bheadh an riosca ann leis go mbainfí an bonn ó éifeachtacht Rialachán (AE) 2019/1242. Ba cheart, dá bhrí sin, deireadh a chur leis an sásra dreasachta sin ó 2030 ar aghaidh.

(23)

Tá meastóireacht déanta ar an bhféidearthacht atá ann an t-ioncam ó na préimheanna astaíochtaí iomarcacha CO2 a shannadh do chiste sonrach nó do chlár ábhartha mar a cheanglaítear de bhun Airteagal 15(4) de Rialachán (AE) 2019/1242, leis an gconclúid go ndéanfaí an t-ualach riaracháin a mhéadú go mór leis sin, agus nach dtairbheodh an earnáil mótarfheithiclí go díreach mar thoradh air sin le linn a haistrithe. Ba cheart, dá bhrí sin, go leanfaí den ioncam ó na préimheanna astaíochtaí iomarcacha CO2 a bhreithniú mar ioncam le haghaidh bhuiséad ginearálta an Aontais Eorpaigh i gcomhréir le hAirteagal 8(4) de Rialachán (AE) 2019/1242.

(24)

Ba cheart ábhar Rialachán (AE) 2019/1242 a leathnú chun go gcumhdófaí leis freisin na hoibleagáidí faireacháin agus tuairiscithe a chomhtháthaítear i Rialachán (AE) 2019/1242 trí bhíthin an Rialacháin seo.

(25)

Ba cheart Rialachán (AE) 2019/1242 a leasú chun an raon feidhme céanna a chumhdach agus a chumhdaítear le Rialachán (AE) 2018/956 ó Pharlaimint na hEorpa agus ón gComhairle (12).

(26)

I gcás feithiclí tromshaothair nach dtagann faoi raon feidhme reachtaíocht an Aontais maidir le cineálcheadú feithiclí, amhail tarracóirí talmhaíochta agus foraoiseachta, feithiclí a dheartar agus a dhéantar lena n-úsáid ag fórsaí cosanta náisiúnta, lena n-áirítear seirbhísí armtha, agus feithiclí snámhaíola, ní chinntear na hastaíochtaí CO2 sin. Dá bhrí sin, ní chuirtear de cheangal ar na feithiclí sin na spriocanna maidir le laghdú ar astaíochtaí CO2 a leagtar amach sa Rialachán seo a ghnóthú.

(27)

Chun nach ndíspreagfaí cineálcheadú deonach feithiclí tromshaothair atá deartha agus déanta nó oiriúnaithe lena n-úsáid ag seirbhísí cosanta sibhialta, ag seirbhísí dóiteáin agus ag fórsaí atá freagrach as an ord poiblí a choinneáil ar bun nó seirbhísí cúraim leighis phráinnigh, rud a mbeadh impleachtaí diúltacha sábháilteachta agus comhshaoil aige, ba cheart feithiclí den sórt sin atá cineálcheadaithe dá ndeoin féin a dhíolmhú freisin ón oibleagáid i leith na spriocanna maidir le laghdú ar astaíochtaí CO2 a leagtar síos leis an Rialachán seo a ghnóthú, mura n-iarrfadh an monaróir a mhalairt. Ba cheart do na Ballstáit a bheith i dteideal feithiclí tromshaothair a dhíolmhú freisin ón oibleagáid atá ann na spriocanna maidir le laghdú ar astaíochtaí CO2, a leagtar amach sa Rialachán seo a ghnóthú i gcás nach bhfuil na feithiclí tromshaothair sin deartha go sonrach, ach atá cláraithe, lena n-úsáid ag seirbhísí cosanta sibhialta, ag seirbhísí dóiteáin, ag fórsaí atá freagrach as an ord poiblí a choinneáil ar bun nó seirbhísí cúraim leighis phráinnigh, amhail cóistí a úsáidtear chun póilíní nó seirbhísí armtha a iompar, trína dheimhniú gur chun leasa an phobail a bheadh an díolúine sin. Ba cheart do na Ballstáit a bheith i dteideal freisin feithiclí atá cláraithe le haghaidh na seirbhísí armtha a dhíolmhú ón Rialachán seo ina iomláine.

(28)

Maidir le foghrúpaí feithiclí tromshaothair áirithe atá cineálcheadaithe, ach nach bhfuil laghdú ar astaíochtaí CO2 cinnte ina leith go fóill ar chúiseanna teicniúla, ní cheanglaítear ar na feithiclí tromshaothair sin na spriocanna maidir le laghdú ar astaíochtaí CO2 a leagtar amach sa Rialachán seo a ghnóthú. Is samplaí d’fheithiclí den sórt sin feithiclí sainchuspóireacha, amhail craenacha soghluaiste, iompróirí iltrealaimh hiodrálaigh nó feithiclí iompair le haghaidh ualach eisceachtúil, feithiclí easbhóthair, amhail feithiclí tromshaothair áirithe a úsáidtear chun críoch mianadóireachta, foraoiseachta agus talmhaíochta, chomh maith le feithiclí tromshaothair eile ag a bhfuil cumraíochtaí acastóra neamhchaighdeánacha amhail feithiclí tromshaothair ag a bhfuil níos mó ná ceithre acastóir nó níos mó ná dhá acastóir tiomána, agus busanna beaga ag a bhfuil uasmhais ualaithe atá incheadaithe go teicniúil (TPMLM) atá níos lú ná nó cothrom le 7,5 tona, agus leoraithe beaga ag a bhfuil TPMLM atá níos lú ná nó cothrom le 5 thona. Ba cheart don Choimisiún imscrúdú a dhéanamh ar oiriúnacht chinneadh na n-astaíochtaí CO2 ó leoraithe beaga ag a bhfuil TPMLM atá níos lú ná nó cothrom le 5 thona i gcomhréir le Rialachán (AE) 2017/2400 ón gCoimisiún (13) (ionsamhlúcháin ar uirlis ríofa ídithe fuinnimh feithicle nó ionsamhlúcháin VECTO), agus Rialachán (AE) 2017/1151 ón gCoimisiún (14) á chur san áireamh.

(29)

Ba cheart sainmhínithe áirithe a thabhairt isteach chun an téarmaíocht atá i Rialachán (AE) 2019/1242 a chomhchuibhiú leis an téarmaíocht sin atá i reachtaíocht an Aontais maidir le cineálcheadú feithiclí, go háirithe Rialachán (AE) 2018/858 ó Pharlaimint na hEorpa agus ón gComhairle (15) agus Rialachán (AE) 2017/2400.

(30)

Chun críoch aistriú feithiclí tromshaothair idir monaróirí, a tugadh isteach leis an Rialachán seo, agus chun díolúine a bhunú le haghaidh monaróirí nach dtáirgeann ach líon beag feithiclí tromshaothair, ba cheart sainmhíniú ar an téarma ‘grúpa monaróirí bainteacha’ a chur le Rialachán (AE) 2019/1242, de réir na téarmaíochta a úsáidtear i Rialachán (AE) 2019/631 ó Pharlaimint na hEorpa agus ón gComhairle (16) le haghaidh feithiclí saothair éadroim.

(31)

A mhéid a bhaineann leis na hoibleagáidí atá ar mhonaróirí aonair a leagan síos, ba cheart spriocanna an Aontais i leith astaíochtaí CO2 a laghdú i gcás flíteanna feithiclí nua tromshaothair a bheith déanta as spriocanna sonracha maidir le laghdú ar astaíochtaí i gcás foghrúpaí feithiclí, ar foghrúpaí iad ba cheart a chinneadh de réir shaintréithe teicniúla na bhfeithiclí tromshaothair a chuimsítear iontu.

(32)

Ós rud é go bhfuil tionchar mór ag na hastaíochtaí CO2 a bhaineann le leantóirí ar astaíochtaí foriomlána CO2 agus ar ídiú fuinnimh foriomlán mótarfheithiclí tromshaothair, ba cheart spriocanna maidir le laghdú ar astaíochtaí CO2 a shocrú le haghaidh leantóirí freisin.

(33)

Tá astaíochtaí CO2 ó fheithiclí seirbhíse, amhail feithiclí bailithe dramhaíola, feithiclí dumpála nó meascthóirí coincréite, deimhnithe cheana féin faoi VECTO agus a ndéanann monaróirí feithiclí agus na Ballstáit faireachán agus tuairisciú orthu. Is é atá in astaíochtaí CO2 ó fheithiclí seirbhíse thart ar 2 % d’astaíochtaí CO2 feithiclí tromshaothair agus thart ar 4 % de dhíolacháin. Ós rud é go n-oibríonn siad i gcathracha den chuid is mó, bíonn tionchar ag feithiclí seirbhíse ar cháilíocht an aeir uirbigh freisin. Ba cheart, dá bhrí sin, feithiclí seirbhíse a dhíolmhú ó ríomh mheánastaíochtaí sonracha CO2 na monaróirí go dtí 2029. Don tréimhse 2030 go 2034, níor cheart ach feithiclí seirbhíse astaíochtaí nialasacha a chur san áireamh sa ríomh sin. Ó 2035, ba cheart na feithiclí seirbhíse uile a áireamh sa ríomh sin.

(34)

Chun an fhorbairt ar leantóirí atá feistithe le teicneolaíocht laghdaithe astaíochtaí CO2 a éascú, agus chun úsáid fhorleathan na leantóirí sin a chumasú, is den ríthábhachtach é an creat formheasa le haghaidh teicneolaíocht den sórt sin a thabhairt cothrom le dáta agus a leathnú go mear, go háirithe i gcás leantóirí leictrithe, trí Rialachán (AE) 2018/858 a leasú.

(35)

In 2022, busanna uirbeacha astaíochtaí nialasacha a bhí i thart ar an gceathrú cuid de na busanna uirbeacha uile a díoladh san Aontas, agus sciartha i bhfad níos airde ná sin bainte amach ag roinnt Ballstát. Mar gheall ar ullmhacht theicniúil busanna uirbeacha agus mar gheall ar an ngá atá le cáilíocht an aeir uirbigh a fheabhsú, ba cheart sciar íosta sainordaitheach de bhusanna uirbeacha astaíochtaí nialasacha nua a shocrú.

(36)

Le sciar sainordaitheach de bhusanna uirbeacha astaíochtaí nialasacha, ba cheart go léireofaí an gá atá le hiompar poiblí inacmhainne sa tsochaí, lena n-áirítear i gceantair thuaithe. Ba cheart tionchar dearfach ar chostas ceannaigh a bheith ag an méadú ar sholáthar busanna uirbeacha astaíochtaí nialasacha de thoradh an sciar íosta shainordaithigh sin, ó thaobh praghas ceannaigh tosaigh agus costas iomlán úinéireachta na mbusanna uirbeacha astaíochtaí nialasacha de, lena léirítear coigilteas breosla iontaise de thoradh oibriú na mbusanna uirbeacha sin. Le soláthar comhpháirteach busanna uirbeacha, ag tógáil ar an Ardán um Busanna Glana don Eoraip, is féidir costas ceannaigh na mbusanna sin a laghdú tuilleadh, agus d’fhéadfadh na Ballstáit úsáid a bhaint as an gCiste Aeráide Sóisialta chun tacú le saoránaigh leochaileacha le ticéid nó síntiúis iompair phoiblí ar phraghas laghdaithe nó saor in aisce. Ar deireadh, tá busanna agus cóistí réigiúnacha agus cianaistir, lena n-áirítear i gcás iompar i gceantair thuaithe, fós faoi réir na spriocanna maidir le laghdú ar astaíochtaí CO2 i gcás feithiclí tromshaothair. Le tacaíocht ón gCiste Aeráide Sóisialta, d’fhéadfaí aghaidh a thabhairt ar riachtanais shonracha na gceantar tuaithe agus bochtaineacht iompair a chosc, mar a shainmhínítear in Airteagal 2, pointe (2) de Rialachán (AE) 2023/955, trí rochtain ar iompar poiblí inacmhainne a áirithiú. Ba cheart don Choimisiún breithniú a dhéanamh freisin ar bhearta iomchuí breise chun éileamh na n-údarás poiblí ar fheithiclí tromshaothair astaíochtaí nialasacha a mhéadú, chun tacú le cuspóir aeráidneodrachta an Aontais a ghnóthú.

(37)

Ós rud é gur cheart eintitis tráchtála, seachas eintitis dhlíthiúla, a mheas ó thaobh comhlíonta de, ba cheart cead a bheith ag monaróirí atá nasctha go heacnamaíoch, laistigh de theorainneacha áirithe, feithiclí tromshaothair a aistriú eatarthu chun cuntas a thabhairt ar na feithiclí tromshaothair sin faoi Rialachán (AE) 2019/1242.

(38)

Thairis sin, chun forbairt teicneolaíochtaí astaíochtaí nialasacha nua a neartú i gcuideachtaí speisialaithe beaga agus meánmhéide, ba cheart é a bheith indéanta freisin feithiclí tromshaothair astaíochtaí nialasacha a aistriú idir eintitis nach bhfuil nasctha.

(39)

Is é atá i gceist le hiarfheistiú feithiclí astaíochtaí nialasacha inneall nó feithicil dócháin inmheánaigh a thiontú ina inneall nó feithicil astaíochtaí nialasacha. Baineann tairbhí comhshaoil leis a eascraíonn as páirteanna nua nach gá a tháirgeadh agus ábhar gaolmhar nach gá a úsáid a sheachaint. Tá tairbhí eacnamaíocha ag baint leis freisin, tairbhí a bhaineann le hinacmhainneacht feithiclí fheabhsaithe agus leis an bhféidearthacht poist a chruthú. Mar sin féin, cuirtear bac ar fheithiclí tromshaothair a iarfheistítear chun bheith ina bhfeithiclí tromshaothair astaíochtaí nialasacha a ghlacadh sa mhargadh mar gheall ar an easpa rialacha teicniúla agus riaracháin comhchuibhithe maidir lena bhformheas. Ba cheart don Choimisiún, dá bhrí sin, breithniú a dhéanamh ar an ngá atá le tionscnaimh ionchasacha a bheith ann chun an fhorbairt ar na rialacha comhchuibhithe sin a chur chun cinn.

(40)

Chabhródh bearta chun sciar na bhfeithiclí tromshaothair astaíochtaí nialasacha atá faoi úinéireacht nó ar léas ag oibreoirí flíteanna móra a mhéadú le díolacháin feithiclí tromshaothair astaíochtaí nialasacha a mhéadú agus chuirfí dlús leis an aistriú i dtreo iompar de bhóthar atá saor ó astaíochtaí. Dá bhrí sin, ba cheart don Choimisiún anailís a dhéanamh ar an ngá ionchasach atá le tionscnaimh a bheith ann chun méadú a dhéanamh ar sciar na bhfeithiclí tromshaothair astaíochtaí nialasacha atá faoi úinéireacht nó ar léas ag oibreoirí flíteanna móra agus ar thionchar na dtionscnamh sin.

(41)

Chun costais arda chomhlíontachta atá díréireach a sheachaint agus chun an t-ualach riaracháin a laghdú, ba cheart monaróirí a tháirgeann líon beag feithiclí tromshaothair, faoi réir ceanglais dhlíthiúla áirithe a chomhlíonadh, a dhíolmhú ón oibleagáid i leith spriocanna maidir le laghdú ar astaíochtaí CO2 a chomhlíonadh. Ós rud é go gceanglaítear orthu fós oibleagáidí tuairiscithe Rialachán (AE) 2019/1242 a chomhlíonadh, tá sásra rialaithe iomchuí ann le haghaidh na monaróirí sin.

(42)

Ba cheart síneadh a chur le córas reatha na gcreidmheasanna astaíochta ilbhliantúla agus na bhfiacha astaíochta go dtí 2039, ós rud é go leantar de na spriocanna maidir le laghdú ar astaíochtaí CO2 a neartú tar éis 2030 go dtí 2040 agus go bhfuil gá le forbairtí teicniúla réamhbhreathnaitheacha ó mhonaróirí le linn na tréimhse sin. Mar sin féin, ba cheart do mhonaróirí na fiacha astaíochta uile atá fágtha a ghlanadh le linn na mblianta 2029, 2034 agus 2039. Ba cheart go rachadh creidmheasanna astaíochta nach n-úsáidtear laistigh de 7 mbliana tar éis iad a fháil in éag go huathoibríoch.

(43)

Ba cheart a leagan síos go soiléir i Rialachán (AE) 2019/1242, i gcás gach catagóire feithicle, céannacht an mhonaróra ar cheart feithicil tromshaothair a shannadh dó, lena gcuirtear i gcuntas go sonrach, dá bhrí sin, na cnuasaigh éagsúla i gcás feithiclí tromshaothair de chatagóir M.

(44)

Ba cheart do na rialacha maidir le fíorú na sonraí faireacháin arna dtuairisciú na ceartúcháin ex post a d’fhéadfaí a dhéanamh ar earráidí i sonraí den sórt sin agus an chaoi ar cheart don Choimisiún na ceartúcháin sin a láimhseáil a chumhdach freisin chun na spriocanna maidir le laghdú ar astaíochtaí CO2 i bhflít uile an Aontais a chur chun feidhme.

(45)

Ba cheart an measúnú ar astaíochtaí CO2 tagartha a leasú chun na foghrúpaí feithiclí a áiríodh le déanaí i raon feidhme Rialachán (AE) 2019/1242 a chumhdach freisin.

(46)

Is réamhchoinníoll riachtanach é faireachán agus tuairisciú a dhéanann monaróirí agus na Ballstáit chun Rialachán (AE) 2019/1242 a chur chun feidhme. Trí Rialachán (AE) 2018/956 a ionchorprú i Rialachán (AE) 2019/1242, ba cheart sineirgí a bheith mar thoradh air sin agus a fhágáil go mbeifí in ann léirmhíniú a dhéanamh ar na forálacha agus cuspóirí an dá Rialachán á gcur san áireamh.

(47)

Agus forálacha faireacháin agus tuairiscithe Rialachán (AE) 2018/956 á n-ionchorprú i Rialachán (AE) 2019/1242, ba cheart an deis a thapú na forálacha sin a leasú de bheagán i bhfianaise na taithí a fuarthas ón gcéad dá thimthriall tuairiscithe faoi Rialachán (AE) 2018/956.

(48)

Agus an fíoras á chur san áireamh nach iad monaróirí amháin a dhéanfaidh astaíochtaí CO2 a chinneadh as seo amach, ba cheart an oibleagáid i leith tuairisciú a dhéanamh ar astaíochtaí CO2 agus ar shonraí teicniúla eile na bhfeithiclí tromshaothair a leathnú thar mhonaróirí chuig na heintitis sin a dhéanann an cinneadh sin faoi Rialachán (AE) 2017/2400 agus faoi Rialachán Cur Chun Feidhme (AE) 2022/1362 ón gCoimisiún (17). Ba cheart comhad taifid an mhonaróra a bheith cuimsithe sna sonraí atá le tuairisciú.

(49)

Ba cheart a cheadú don Choimisiún an dul chun cinn teicniúil, an éabhlóid ar lóistíocht iompair lastais, amhail cónaisc feithiclí atá thar a bheith trom a úsáidtear i roinnt Ballstát, na coigeartuithe is gá atá bunaithe ar chur i bhfeidhm an Rialacháin seo agus leasuithe ar na gníomhartha dlí cineálcheadaithe bunúsacha a chur i gcuntas, chun a áirithiú go leanfaidh na ceanglais sonraí agus an nós imeachta faireacháin agus tuairiscithe de bheith ábhartha le himeacht aimsire chun measúnú a dhéanamh ar rannchuidiú an fhlít feithiclí tromshaothair leis na spriocanna maidir le laghdú ar astaíochtaí CO2, chun infhaighteacht na sonraí ar theicneolaíochtaí nua agus ardteicneolaíochtaí lena laghdaítear astaíochtaí CO2 agus ar thorthaí na dtástálacha fíoraithe ar bhóithre a áirithiú, chun a áirithiú go leanfaidh na raonta luacha cúltarraingthe aeir de bheith ábhartha chun críoch faisnéise agus inchomparáideachta, agus chun na forálacha maidir le fíneálacha riaracháin a fhorlíonadh.

(50)

Ar na cúiseanna sin, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i leith leasú a dhéanamh ar na critéir lena sainítear foghrúpaí feithiclí lena n-áirítear trí fhoghrúpaí a chur leo i gcás leoraithe cónaisc thar a bheith trom (EHC), agus lena sainítear feithiclí seirbhíse, agus na critéir le haghaidh raonta oibríochtúla na dteicneolaíochtaí éagsúla gléasra cumhachta, liosta agus meáchan na bpróifílí misin, na pálastaí, líon na bpaisinéirí, maiseanna na bpaisinéirí, pálastaí uasta atá incheadaithe go teicniúil, uaslíon paisinéirí atá incheadaithe go teicniúil agus méideanna lasta na bhfoghrúpaí feithiclí agus na luachanna míleáistí bliantúla, lena leasaítear na ceanglais sonraí agus an nós imeachta faireacháin agus tuairiscithe a leagtar síos sna hIarscríbhinní a ghabhann leis an Rialachán seo, i leith sonrú a dhéanamh ar na sonraí atá le tuairisciú ag na Ballstáit chun faireachán a dhéanamh ar thorthaí na tástálacha fíoraithe ar bhóithre, leasú a dhéanamh ar na raonta luacha cúltarraingthe aeir, agus sainiú a dhéanamh ar na critéir, ar ríomh agus ar mhodh bailithe na bhfíneálacha riaracháin a fhorchuirtear ar mhonaróirí. Tá sé tábhachtach, go háirithe, go dtéann an Coimisiún i mbun comhairliúcháin iomchuí le linn a chuid oibre ullmhúcháin, lena n-áirítear ar leibhéal na saineolaithe, agus go ndéantar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(51)

Chun coinníollacha aonfhoirmeacha a áirithiú maidir le Rialachán (AE) 2019/1242 a chur chun feidhme, ba cheart cumhachtaí cur chun feidhme a thabhairt don Choimisiún i ndáil leis na nósanna imeachta cineálcheadaithe agus i ndáil le sonraíochtaí teicniúla coiteanna, maidir leis an idir-inoibritheacht theicniúil agus oscailte atá idir an bonneagar athluchtaithe agus athbhreoslaithe agus busanna uirbeacha, ó thaobh naisc fhisiceacha agus malartú cumarsáide de. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (18).

(52)

Ba cheart Rialachán (AE) 2018/956 a aisghairm le forálacha idirthréimhseacha lena lamháiltear don tréimhse thuairiscithe atá ar siúl tráth theacht i bhfeidhm an Rialacháin seo a thabhairt i gcrích faoi na rialacha is infheidhme ag tús na tréimhse tuairiscithe sin, lena n-áirítear an phróiseáil uile a dhéanfar ar na sonraí a bhailítear. Dá réir sin, ba cheart feidhm a bheith ag an Rialachán seo ó thús na tréimhse tuairiscithe ina dhiaidh sin.

(53)

Ós rud é nach féidir leis na Ballstáit cuspóirí an Rialacháin seo, eadhon laghduithe ar astaíochtaí CO2 a chur chun cinn ar bhealach costéifeachtach agus éifeachtúil go heacnamaíoch agus ar bhealach atá i gcomhréir leis an sprioc maidir le laghdú ar ghlanastaíochtaí gás ceaptha teasa ar fud an gheilleagair faoi 2030, trí spriocanna leasaithe maidir le laghdú ar astaíochtaí CO2 ar fud fhlít an Aontais i gcás feithiclí tromshaothair, a ghnóthú go leordhóthanach agus, de bharr a scála agus a éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(54)

Ba cheart, dá bhrí sin, Rialacháin (AE) 2018/858 agus (AE) 2019/1242 a leasú dá réir sin,

(1)

cuirtear an méid seo a leanas in ionad Airteagal 1:

(*1)  Rialachán (AE) 2021/1119 ó Pharlaimint na hEorpa agus ón gComhairle an 30 Meitheamh 2021 lena mbunaítear an creat chun aeráidneodracht a bhaint amach agus lena leasaítear Rialacháin (CE) Uimh. 401/2009 agus (AE) 2018/1999 (“An Dlí Aeráide Eorpach”) (IO L 243, 9.7.2021, lch. 1)."

(*2)  Rialachán (AE) 2023/857 ó Pharlaimint na hEorpa agus ón gComhairle an 19 Aibreán 2023 lena leasaítear Rialachán (AE) 2018/842 maidir le laghduithe bliantúla ceangailteacha ar astaíochtaí gás ceaptha teasa ag na Ballstáit ó 2021 go 2030 lena rannchuidítear leis an ngníomhú ar son na haeráide agus chun na gealltanais a tugadh faoi Chomhaontú Pháras a chomhlíonadh, agus Rialachán (AE) 2018/1999 (IO L 111, 26.4.2023, lch. 1).’;"

(2)

leasaítear Airteagal 2 mar a leanas:

(3)

leasaítear Airteagal 3 mar a leanas:

(4)

cuirtear isteach na hAirteagail seo a leanas:

(*7)  Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custam an Aontais (IO L 269, 10.10.2013, lch. 1).’;"

(5)

in Airteagal 4, cuirtear an méid seo a leanas in ionad na chéad mhíre:

‘Cinnfidh an Coimisiún, ón 1 Iúil 2020 den chéad uair, agus gach tréimhse tuairiscithe ina dhiaidh sin, meánastaíochtaí sonracha CO2 gach monaróra in g/tkm don tréimhse tuairiscithe roimhe sin, trí na nithe seo a leanas a chur san áireamh:

(6)

leasaítear Airteagal 5 mar a leanas:

(7)

cuirtear an méid seo a leanas in ionad Airteagal 6:

(8)

cuirtear na hAirteagail seo a leanas isteach:

(9)

leasaítear Airteagal 7 mar a leanas:

(10)

cuirtear na hAirteagail seo a leanas isteach:

(*8)  Rialachán Cur Chun Feidhme (AE) 2022/1362 ón gCoimisiún an 1 Lúnasa 2022 lena gcuirtear chun feidhme Rialachán (CE) Uimh. 595/2009 ó Pharlaimint na hEorpa agus ón gComhairle a mhéid a bhaineann le feidhmíocht leantóirí tromshaothair maidir leis an tionchar atá acu ar astaíochtaí CO2, ídiú breosla, ídiú fuinnimh agus raon tiomána astaíochtaí nialasacha mótarfheithiclí agus lena leasaítear Rialachán Cur Chun Feidhme (AE) 2020/683 (IO L 205, 5.8.2022, lch. 145)."

(11)

leasaítear Airteagal 8 mar a leanas:

(12)

leasaítear Airteagal 9 mar a leanas:

(13)

cuirtear an méid seo a leanas in ionad Airteagal 10:

(14)

leasaítear Airteagal 11 mar a leanas:

(15)

in Airteagal 13, cuirtear an méid seo a leanas in ionad mhír 3:

(16)

cuirtear na hAirteagail seo a leanas isteach:

(17)

cuirtear an méid seo a leanas in ionad Airteagal 14:

(18)

cuirtear an méid seo a leanas in ionad Airteagal 15:

(19)

leasaítear Airteagal 17 mar a leanas:

(20)

cuirtear an téacs a leagtar amach in Iarscríbhinní I a ghabhann leis an Rialachán seo in ionad Iarscríbhinní I agus II a ghabhann le Rialachán (AE) 2019/1242;

(21)

cuirtear an téacs a leagtar amach in Iarscríbhinn II a ghabhann leis an Rialachán seo le Rialachán (AE) 2019/1242 mar Iarscríbhinní III, IV, V agus VI a ghabhann leis an Rialachán sin.

(1)

leasaítear Airteagal 3 mar a leanas:

(2)

in Iarscríbhinn I, Cuid B, pointe 6.1.1(d), cuirtear an fophointe seo a leanas leis: