1.   Cuirfear tacar bunsonraí ar ais tríd an ródaire laistigh de 48 uair an chloig tar éis gach ceann de na coinníollacha seo a leanas a bheith comhlíonta:

2.   Más rud é, faoina dhlí náisiúnta, nach féidir le Ballstát tacar áirithe bunsonraí a sholáthar ach amháin tar éis údarú breithiúnach a fháil, féadfaidh an Ballstát sin imeacht ón teorainn ama a leagtar amach i mír 1 a mhéid is gá chun an t-údarú sin a fháil.

3.   Cuirfidh an Ballstát iarrtha nó, i gcás próifílí DNA dá dtagraítear in Airteagal 6(7), an Ballstát iarrthach, an tacar bunsonraí dá dtagraítear i mír 1 den Airteagal seo ar ais.

4.   I gcás ina mbaineann an meaits deimhnithe le sonraí sainaitheanta duine, beidh na sonraí seo a leanas sa tacar bunsonraí dá dtagraítear i mír 1, a mhéid a bheidh siad ar fáil:

5.   I gcás ina mbaineann an meaits deimhnithe le sonraí nó rianta gan sainaithint, beidh na sonraí seo a leanas sa tacar bunsonraí dá dtagraítear i mír 1, a mhéid a bheidh siad ar fáil:

6.   Tabhairt ar ais na mbunsonraí ag an mBallstát iarrtha nó, i gcás próifílí DNA dá dtagraítear in Airteagal 6(7), ag an mBallstát iarrthach, beidh sé faoi réir cinneadh ó dhuine.

1.   I gcomhréir le Rialachán (AE) 2016/794, beidh rochtain ag na Ballstáit ar shonraí bithmhéadracha arna soláthar ag tríú tíortha do Europol chun críocha Airteagal 18(2), pointí (a), (b) agus (c), de Rialachán (AE) 2016/794, agus beidh siad in ann na sonraí sin a chuardach tríd an ródaire.

2.   I gcás ina mbíonn meaits idir na sonraí arna n-úsáid le haghaidh an chuardaigh agus na sonraí arna soláthar ag tríú tír agus a stórálann Europol mar thoradh ar chuardach dá dtagraítear i mír 1, déanfar an obair leantach i gcomhréir le Rialachán (AE) 2016/794.

1.   I gcás inar gá chun na cuspóirí a leagtar amach in Airteagal 3 de Rialachán (AE) 2016/794 a bhaint amach, beidh rochtain ag Europol, i gcomhréir leis an Rialachán sin agus leis an Rialachán seo, ar shonraí a stórálann na Ballstáit ina mbunachair sonraí náisiúnta agus ina n-innéacsanna de thaifid phóilíneachta.

2.   Is trí úsáid a bhaint as an ródaire a dhéanfar cuardaigh Europol a dhéanfar le sonraí bithmhéadracha mar chritéar cuardaigh.

3.   Is trí úsáid a bhaint as Eucaris a dhéanfar cuardaigh Europol a dhéanfar le sonraí clárúcháin feithicle mar chritéar cuardaigh.

4.   Is trí úsáid a bhaint as EPRIS a dhéanfar cuardaigh Europol a dhéanfar le sonraí beathaisnéiseacha daoine atá faoi dhrochamhras agus daoine ciontaithe dá dtagraítear in Airteagal 25 mar chritéar cuardaigh.

5.   Ní dhéanfaidh Europol na cuardaigh le sonraí arna soláthar ag tríú tíortha i gcomhréir le míreanna 1 go 4 den Airteagal seo ach amháin i gcás inar gá sin chun a chúraimí a dhéanamh chun críocha Airteagal 18(2), pointí (a) agus (c), de Rialachán (AE) 2016/794.

6.   I gcás ina léiríonn na nósanna imeachta dá dtagraítear in Airteagail 6, 11 nó 20 meaits idir na sonraí a úsáideadh chun cuardach a dhéanamh agus na sonraí atá i mbunachar sonraí náisiúnta an Bhallstáit iarrtha nó na mBallstát iarrtha, ní chuirfidh Europol ach an Ballstát nó na Ballstáit lena mbaineann, agus é sin nó iad sin amháin, ar an eolas.

Cinnfidh an Ballstát iarrtha an gcuirfidh sé tacar bunsonraí ar ais tríd an ródaire laistigh de 48 uair an chloig tar éis na coinníollacha uile seo a leanas a bheith comhlíonta:

I gcás, faoina dhlí náisiúnta, nach féidir le Ballstát tacar áirithe bunsonraí a sholáthar ach amháin tar éis údarú breithiúnach a fháil, féadfaidh an Ballstát sin imeacht ón teorainn ama a leagtar amach sa dara fomhír a mhéid is gá chun aon údarú den sórt sin a fháil.

I gcás ina mbaineann an meaits deimhnithe le sonraí sainaitheanta duine, beidh na sonraí seo a leanas sa tacar bunsonraí dá dtagraítear sa dara fomhír, a mhéid a bheidh siad ar fáil:

I gcás ina mbaineann an meaits deimhnithe le sonraí nó rianta gan sainaithint, beidh na sonraí seo a leanas sa tacar bunsonraí dá dtagraítear sa dara fomhír, a mhéid a bheidh siad ar fáil:

Beidh tabhairt ar ais na mbunsonraí ag an mBallstát iarrtha faoi réir cinneadh ó dhuine.

7.   Maidir leis an úsáid a bhaineann Europol as faisnéis arna fáil ó chuardach arna dhéanamh i gcomhréir leis an Airteagal seo, agus ó mhalartú tacair bunsonraí i gcomhréir le mír 6, beidh sí faoi réir toiliú a fháil ón mBallstát ar ina bhunachar sonraí a tharla an meaits. I gcás ina gceadaíonn an Ballstát an fhaisnéis sin a úsáid, déanfar láimhseáil na faisnéise sin ag Europol a rialú le Rialachán (AE) 2016/794.

1.   Ní cheadófar sonraí pearsanta arna bhfáil ag Ballstát nó ag Europol a phróiseáil ach chun na gcríoch ar ina leith a sholáthair an Ballstát na sonraí, agus ar Ballstát é a sholáthair na sonraí i gcomhréir leis an Rialachán seo. Ní cheadófar próiseáil chun críoch eile ach amháin le réamhúdarú an Bhallstáit a sholáthair na sonraí.

2.   Ní cheadófar próiseáil sonraí arna soláthar ag Ballstát nó ag Europol de bhun Airteagal 6, 11, 16, 20 nó 26 ach amháin nuair is gá chun na gcríoch seo a leanas:

3.   Déanfar na sonraí arna bhfáil ag Ballstát nó ag Europol a scriosadh láithreach tar éis freagraí uathoibrithe a fháil ar chuardaigh ach amháin má bhíonn tuilleadh próiseála riachtanach chun na gcríoch dá dtagraítear i mír 2 nó a údaraítear i gcomhréir le mír 1.

4.   Sula ndéanfar a mbunachair sonraí náisiúnta a nascadh leis an ródaire nó le EPRIS, déanfaidh na Ballstáit measúnú tionchair ar chosaint sonraí dá dtagraítear in Airteagal 27 de Threoir (AE) 2016/680 agus, i gcás inarb iomchuí, rachaidh siad i gcomhairle leis an údarás maoirseachta dá bhforáiltear in Airteagal 28 den Treoir sin. Féadfaidh an t-údarás maoirseachta aon cheann de na cumhachtaí atá aige faoi Airteagal 47 den Treoir sin a úsáid, i gcomhréir le hAirteagal 28(5) den Treoir sin.

1.   Áiritheoidh na Ballstáit agus Europol cruinneas agus ábharthacht na sonraí pearsanta a phróiseáiltear de bhun an Rialacháin seo. I gcás ina dtagann Ballstát nó Europol ar an eolas gur soláthraíodh sonraí atá mícheart nó nach bhfuil cothrom le dáta a thuilleadh nó gur soláthraíodh sonraí nár cheart a bheith soláthartha, tabharfaidh sé fógra faoin bhfíoras sin gan moill mhíchuí don Bhallstát a fuair na sonraí nó do Europol. Déanfaidh gach Ballstát lena mbaineann nó Europol na sonraí a cheartú nó a scriosadh dá réir sin gan moill mhíchuí. I gcás ina bhfuil cúis ag an mBallstát a fuair na sonraí nó ag Europol lena chreidiúint go bhfuil na sonraí a soláthraíodh mícheart nó gur cheart iad a scriosadh, cuirfidh sé an Ballstát a sholáthair na sonraí ar an eolas faoi sin gan moill mhíchuí.

2.   Cuirfidh na Ballstáit agus Europol bearta iomchuí i bhfeidhm chun na sonraí atá ábhartha chun críocha an Rialacháin seo a thabhairt cothrom le dáta.

3.   I gcás ina gcuireann ábhar sonraí i gcoinne chruinneas na sonraí atá i seilbh Ballstáit nó Europol, i gcás nach féidir leis an mBallstát lena mbaineann ná Europol cruinneas na sonraí sin a shuí go hiontaofa agus i gcás ina n-iarrfaidh an t-ábhar sonraí é, marcálfar bratach ar na sonraí lena mbaineann. I gcás ina bhfuil bratach den sórt sin ann, ní fhéadfaidh na Ballstáit ná Europol í a bhaint ach amháin le cead ón ábhar sonraí nó bunaithe ar chinneadh ón gcúirt inniúil, ón údarás maoirseachta nó ón Maoirseoir Eorpach ar Chosaint Sonraí, de réir mar is ábhartha.

4.   Scriosfar sonraí nár cheart a bheith soláthartha ná faighte. Scriosfar sonraí arna soláthar agus arna bhfáil go dleathach:

I gcás ina bhfuil cúis lena chreidiúint go ndéanfadh scriosadh sonraí dochar do leasanna an ábhair sonraí, déanfar próiseáil na sonraí a shrianadh in ionad iad a scriosadh. I gcás inar srianadh próiseáil sonraí, ní dhéanfar iad a phróiseáil ach amháin chun na críche sin a chuir cosc ar scriosadh na sonraí sin.

1.   Is é eu-LISA a bheidh sa phróiseálaí de réir bhrí Airteagal 3, pointe (12), de Rialachán (AE) 2018/1725 chun sonraí pearsanta a phróiseáil tríd an ródaire.

2.   Is é Europol a bheidh sa phróiseálaí de réir bhrí Airteagal 3, pointe (12), de Rialachán (AE) 2018/1725 chun sonraí pearsanta a phróiseáil trí EPRIS.

1.   Áiritheoidh údaráis inniúla na mBallstát, eu-LISA agus Europol slándáil na próiseála a dhéanfar ar shonraí pearsanta faoin Rialachán seo. Comhoibreoidh údaráis inniúla na mBallstát, eu-LISA agus Europol i dtaca le cúraimí a bhaineann le slándáil.

2.   Gan dochar d’Airteagal 33 de Rialachán (AE) 2018/1725 agus Airteagal 32 de Rialachán (AE) 2016/794, déanfaidh eu-LISA agus Europol na bearta is gá chun slándáil an ródaire agus EPRIS faoi seach, agus slándáil a mbonneagair cumarsáide ghaolmhair, a áirithiú.

3.   Glacfaidh eu-LISA na bearta is gá maidir leis an ródaire agus glacfaidh Europol na bearta is gá maidir le EPRIS, chun an méid seo a leanas a dhéanamh:

Áireofar sna bearta is gá dá dtagraítear sa chéad fhomhír plean slándála, plean leanúnachais gnó agus plean athshlánaithe ó thubaiste.

1.   Maidir le haon imeacht a bhfuil tionchar aige, nó a bhféadfadh tionchar a bheith aige, ar shlándáil an ródaire nó EPRIS agus a d’fhéadfadh a bheith ina chúis le damáiste a dhéanamh do shonraí a stóráiltear sa ródaire nó in EPRIS, nó le cailleadh na sonraí sin, measfar gur teagmhas slándála é, go háirithe i gcás ina bhféadfadh sé go bhfuarthas rochtain neamhúdaraithe ar shonraí nó i gcás ina ndearnadh, nó ina bhféadfadh sé go ndearnadh, infhaighteacht, sláine agus rúndacht sonraí a chur i mbaol.

2.   I gcás ina dtarlóidh teagmhas slándála a bhaineann leis an ródaire, comhoibreoidh eu-LISA agus na Ballstáit lena mbaineann nó, i gcás inarb infheidhme, Europol le chéile chun freagairt thapa, éifeachtach agus chuí a áirithiú.

3.   I gcás ina dtarlóidh teagmhas slándála a bhaineann le EPRIS, comhoibreoidh na Ballstáit lena mbaineann agus Europol le chéile chun freagairt thapa, éifeachtach agus chuí a áirithiú.

4.   Tabharfaidh na Ballstáit fógra dá n-údaráis inniúla gan moill mhíchuí faoi aon teagmhas slándála.

Gan dochar d’Airteagal 92 de Rialachán (AE) 2018/1725, i gcás ina dtarlóidh teagmhas slándála maidir le bonneagar lárnach an ródaire, tabharfaidh eu-LISA fógra don tSeirbhís Cibearshlándála d’institiúidí, comhlachtaí, oifigí agus gníomhaireachtaí an Aontais (CERT-EU) faoi chibearbhagairtí suntasacha, leochaileachtaí suntasacha agus teagmhais shuntasacha gan moill mhíchuí agus, in aon chás, tráth nach déanaí ná 24 uair an chloig tar éis dó fáil amach fúthu. Déanfar mionsonraí teicniúla iomchuí inghníomhaithe maidir le cibearbhagairtí, leochaileachtaí agus teagmhais lena gcumasófar brath réamhghníomhach, freagairt ar theagmhais nó bearta maolaitheacha a nochtadh do CERT-EU gan moill mhíchuí.

Gan dochar d’Airteagal 34 de Rialachán (AE) 2016/794 agus d’Airteagal 92 de Rialachán (AE) 2018/1725, i gcás ina dtarlóidh teagmhas slándála maidir le bonneagar lárnach EPRIS, tabharfaidh Europol fógra do CERT-EU faoi chibearbhagairtí suntasacha, leochaileachtaí suntasacha agus teagmhais shuntasacha gan moill mhíchuí agus, in aon chás, tráth nach déanaí ná 24 uair an chloig tar éis dó fáil amach fúthu. Déanfar mionsonraí teicniúla iomchuí inghníomhaithe maidir le cibearbhagairtí, leochaileachtaí agus teagmhais lena gcumasófar brath réamhghníomhach, freagairt ar theagmhais nó bearta maolaitheacha a nochtadh do CERT-EU gan moill mhíchuí.

5.   Déanfaidh na Ballstáit agus gníomhaireachtaí an Aontais lena mbaineann faisnéis maidir le teagmhas slándála a bhfuil tionchar aige, nó a bhféadfadh tionchar a bheith aige, ar oibriú an ródaire nó ar infhaighteacht, sláine agus rúndacht na sonraí, a sholáthar gan mhoill do na Ballstáit agus do Europol agus a thuairisciú de réir an phlean bainistithe teagmhais a sholáthróidh eu-LISA.

6.   Déanfaidh na Ballstáit agus gníomhaireachtaí an Aontais lena mbaineann faisnéis maidir le teagmhas slándála a bhfuil tionchar aige, nó a bhféadfadh tionchar a bheith aige, ar oibriú EPRIS nó ar infhaighteacht, sláine agus rúndacht na sonraí, a sholáthar do na Ballstáit gan mhoill agus déanfar í a thuairisciú de réir an phlean bainistithe teagmhais a sholáthróidh Europol.

1.   Áiritheoidh na Ballstáit go ndéanfaidh gach údarás a bheidh i dteideal úsáid a bhaint as creat Prüm II na bearta is gá chun an Rialachán seo a chomhlíonadh agus go gcomhoibreoidh an t-údarás sin, i gcás inar gá sin, leis an údarás maoirseachta. Glacfaidh Europol na bearta is gá chun faireachán a dhéanamh ar chomhlíonadh an Rialacháin seo agus comhoibreoidh sé, nuair is gá, leis an Maoirseoir Eorpach ar Chosaint Sonraí.

2.   Déanfaidh rialaitheoirí sonraí na bearta is gá a chur chun feidhme chun faireachán éifeachtach a dhéanamh ar chomhlíontacht na próiseála sonraí leis an Rialachán seo, lena n-áirítear trí na logaí dá dtagraítear in Airteagail 18, 40 agus 45 a fhíorú go rialta. Comhoibreoidh siad, i gcás inar gá agus de réir mar is iomchuí, leis na húdaráis mhaoirseachta nó leis an Maoirseoir Eorpach ar Chosaint Sonraí.

1.   Áiritheoidh an Maoirseoir Eorpach ar Chosaint Sonraí go ndéanfaidh eu-LISA agus Europol iniúchadh chun críocha an Rialacháin seo, i gcomhréir leis na caighdeáin iniúchóireachta idirnáisiúnta ábhartha, ar oibríochtaí próiseála sonraí pearsanta gach ceithre bliana ar a laghad. Seolfar tuarascáil ar an iniúchadh sin chuig Parlaimint na hEorpa, chuig an gComhairle, chuig an gCoimisiún, chuig na Ballstáit agus chuig gníomhaireacht an Aontais lena mbaineann. Tabharfar deis do eu-LISA agus Europol barúlacha a thabhairt sula nglacfar na tuarascálacha.

2.   Soláthróidh eu-LISA agus Europol faisnéis don Mhaoirseoir Eorpach ar Chosaint Sonraí arna iarraidh sin aige, tabharfaidh siad rochtain dó ar na doiciméid ar fad agus ar a logaí amhail dá dtagraítear in Airteagail 40 agus 45, agus ceadóidh siad dó rochtain a fháil aon tráth ar a n-áitribh ar fad. Tá an mhír seo gan dochar do chumhachtaí an Mhaoirseora Eorpaigh ar Chosaint Sonraí faoi Airteagal 58 de Rialachán (AE) 2018/1725 agus, maidir le Europol, faoi Airteagal 43(3) de Rialachán (AE) 2016/794.

1.   Na húdaráis mhaoirseachta agus an Maoirseoir Eorpach ar Chosaint Sonraí, agus iad araon ag gníomhú laistigh de raon feidhme a n-inniúlachtaí faoi seach, comhoibreoidh siad go gníomhach faoi chuimsiú a bhfreagrachtaí faoi seach chun go n-áiritheofar maoirseacht chomhordaithe ar chur i bhfeidhm an Rialacháin seo, go háirithe má fhaigheann an Maoirseoir Eorpach ar Chosaint Sonraí nó údarás maoirseachta neamhréitigh mhóra idir cleachtais na mBallstát nó má aimsíonn sé aistrithe a d’fhéadfadh a bheith neamhdhleathach a úsáideann bealaí cumarsáide chreat Prüm II.

2.   Sna cásanna dá dtagraítear i mír 1 den Airteagal seo, déanfar maoirseacht chomhordaithe a áirithiú i gcomhréir le hAirteagal 62 de Rialachán (AE) 2018/1725.

3.   2 bhliain tar éis thús oibríochtaí an ródaire agus EPRIS agus gach 2 bhliain ina dhiaidh sin, cuirfidh an Bord Eorpach um Chosaint Sonraí tuarascáil ar a ghníomhaíochtaí faoin Airteagal seo chuig Parlaimint na hEorpa, chuig an gComhairle, chuig an gCoimisiún, chuig eu-LISA agus chuig Europol. Sa tuarascáil sin, beidh caibidil ar gach Ballstát arna hullmhú ag údarás maoirseachta an Bhallstáit lena mbaineann.

1.   Beidh gach Ballstát freagrach as an méid seo a leanas:

2.   Beidh gach Ballstát freagrach as a údaráis inniúla a nascadh leis an ródaire, le EPRIS agus le Eucaris.

1.   Beidh Europol freagrach as bainistiú a dhéanamh ar an rochtain a bheidh ag a fhoireann chuí-údaraithe ar an ródaire, ar EPRIS agus ar Eucaris, agus socruithe a dhéanamh maidir leis an rochtain sin, i gcomhréir leis an Rialachán seo.

2.   Beidh Europol freagrach as cuardaigh ar shonraí Europol ag an ródaire a phróiseáil. Déanfaidh Europol a chórais faisnéise a oiriúnú dá réir.

3.   Beidh Europol freagrach as aon oiriúnuithe teicniúla ar bhonneagar Europol a theastaíonn chun nasc a bhunú leis an ródaire agus le Eucaris.

4.   Gan dochar do chuardaigh arna ndéanamh ag Europol de bhun Airteagal 49, ní bheidh rochtain ag Europol ar aon cheann de na sonraí pearsanta arna bpróiseáil trí EPRIS.

5.   Beidh Europol freagrach as forbairt EPRIS i gcomhar leis na Ballstáit. Soláthróidh EPRIS na feidhmiúlachtaí a leagtar síos in Airteagail 42 go 46.

Beidh Europol freagrach as bainistiú teicniúil EPRIS. Is éard a bheidh i mbainistiú teicniúil EPRIS na cúraimí agus na réitigh theicniúla uile is gá chun bonneagar lárnach EPRIS a choinneáil ag feidhmiú agus chun seirbhísí gan bhriseadh a sholáthar do na Ballstáit 24 uair an chloig in aghaidh an lae, 7 lá na seachtaine i gcomhréir leis an Rialachán seo. Áireofar leis an obair chothabhála agus na forbairtí teicniúla is gá lena áirithiú go mbeidh EPRIS ag feidhmiú ar leibhéal atá sásúil ó thaobh na cáilíochta teicniúla de, go háirithe a mhéid a bhaineann le ham freagartha i ndáil le hiarrataí a chur isteach chuig na bunachair sonraí náisiúnta i gcomhréir leis na sonraíochtaí teicniúla.

6.   Soláthróidh Europol oiliúint maidir le húsáid theicniúil EPRIS.

7.   Beidh Europol freagrach as na nósanna imeachta dá bhforáiltear in Airteagail 48 agus 49.

1.   Áiritheoidh eu-LISA go n-oibreofar bonneagar lárnach an ródaire i gcomhréir leis an Rialachán seo.

2.   Beidh an ródaire á óstáil ag eu-LISA ar a chuid suíomhanna teicniúla agus soláthróidh sé na feidhmiúlachtaí a leagtar síos sa Rialachán seo i gcomhréir leis na coinníollacha a bhaineann le slándáil, infhaighteacht, cáilíocht agus feidhmíocht dá dtagraítear in Airteagal 67(1).

3.   Beidh eu-LISA freagrach as an ródaire a fhorbairt agus as aon oiriúnuithe teicniúla is gá d’oibríochtaí an ródaire.

4.   Ní bheidh rochtain ag eu-LISA ar aon cheann de na sonraí pearsanta a phróiseálfar tríd an ródaire.

5.   Is é eu-LISA a chinnfidh dearadh ollstruchtúr fisiceach an ródaire, lena n-áirítear a bhonneagar cumarsáide slán agus na sonraíochtaí teicniúla, agus an éabhlóid a thiocfaidh uirthi i dtaca leis an mbonneagar lárnach agus leis an mbonneagar cumarsáide slán. Déanfaidh Bord Bainistíochta eu-LISA an dearadh a fhormheas, faoi réir tuairim dhearfach ón gCoimisiún. Is é eu-LISA freisin a chuirfidh chun feidhme aon oiriúnuithe is gá ar na comhpháirteanna idir-inoibritheachta a éiríonn as an ródaire a bhunú dá bhforáiltear sa Rialachán seo.

6.   Déanfaidh eu-LISA an ródaire a fhorbairt agus a chur chun feidhme a luaithe is féidir tar éis don Choimisiún na bearta dá bhforáiltear in Airteagal 37(6) a ghlacadh. Is é a bheidh san fhorbairt sin mionsaothrú agus cur chun feidhme na sonraíochtaí teicniúla, tástáil agus bainistiú agus comhordú foriomlán an tionscadail.

7.   Le linn chéim an deartha agus na forbartha, tiocfaidh Bord Bainistíochta an Chláir dá dtagraítear in Airteagal 54 de Rialachán (AE) 2019/817 agus in Airteagal 54 de Rialachán (AE) 2019/818 le chéile go tráthrialta. Áiritheoidh sé go ndéanfar bainistiú iomchuí ar chéim deartha agus forbartha an ródaire.

Gach mí, cuirfidh Bord Bainistíochta an Chláir tuarascálacha i scríbhinn maidir le dul chun cinn an tionscadail faoi bhráid Bhord Bainistíochta eu-LISA. Ní bheidh aon chumhacht chinnteoireachta ná aon sainordú ag Bord Bainistíochta an Chláir chun ionadaíocht a dhéanamh thar ceann chomhaltaí Bhord Bainistíochta eu-LISA.

Tiocfaidh an Grúpa Comhairleach um Idir-inoibritheacht dá dtagraítear in Airteagal 78 le chéile go tráthrialta go dtí go gcuirfear tús le hoibríochtaí an ródaire. Tuairisceoidh sé do Bhord Bainistíochta an Chláir tar éis gach cruinnithe. Soláthróidh sé saineolas teicniúil chun tacú le cúraimí Bhord Bainistíochta an Chláir agus déanfaidh sé an iarobair a bhaineann le hullmhacht na mBallstát.

1.   Tar éis thús oibríochtaí an ródaire, beidh eu-LISA freagrach as bainistiú teicniúil bhonneagar lárnach an ródaire, lena n-áirítear é a chothabháil agus forbairtí teicneolaíocha a dhéanamh. I gcomhar leis na Ballstáit, áiritheoidh sé go n-úsáidfear an teicneolaíocht is fearr dá bhfuil ar fáil, faoi réir anailís costais agus tairbhe. Beidh eu-LISA freagrach freisin as bainistiú teicniúil an bhonneagair cumarsáide is gá.

Cuimseoidh bainistiú teicniúil an ródaire na cúraimí agus na réitigh theicniúla uile is gá chun an ródaire a choinneáil ag feidhmiú agus ag soláthar seirbhísí gan bhriseadh do na Ballstáit agus do Europol 24 uair an chloig in aghaidh an lae, 7 lá na seachtaine i gcomhréir leis an Rialachán seo. Áireofar ann an obair chothabhála agus na forbairtí teicniúla is gá chun a áirithiú go bhfeidhmeoidh an ródaire ar leibhéal sásúil cáilíochta teicniúla, go háirithe maidir le hinfhaighteacht agus maidir leis an am freagartha chun iarrataí a chur isteach chuig na bunachair sonraí náisiúnta agus chuig sonraí Europol i gcomhréir leis na sonraíochtaí teicniúla.

Forbrófar agus bainisteofar an ródaire sa chaoi go n-áiritheofar rochtain thapa, éifeachtúil agus rialaithe, infhaighteacht iomlán agus gan bhriseadh, agus go mbeidh an t-am freagartha i gcomhréir le riachtanais oibríochtúla údaráis inniúla na mBallstát agus Europol.

2.   Gan dochar d’Airteagal 17 de Rialacháin Foirne Oifigigh an Aontais Eorpaigh, a leagtar síos i Rialachán (CEE, Euratom, CEGC) Uimh. 259/68 ón gComhairle (18), cuirfidh eu-LISA rialacha iomchuí rúndachta gairmiúla nó oibleagáidí coibhéiseacha eile rúndachta i bhfeidhm maidir lena chuid ball foirne ar fad ar gá dóibh a bheith ag obair le sonraí a stóráiltear sa ródaire. Beidh feidhm ag an oibleagáid sin chomh maith tar éis do na baill foirne sin an oifig nó an fhostaíocht a fhágáil nó tar éis dóibh a gcuid gníomhaíochtaí a fhoirceannadh.

Ní bheidh rochtain ag eu-LISA ar aon cheann de na sonraí pearsanta a phróiseáiltear tríd an ródaire.

3.   Déanfaidh eu-LISA cúraimí maidir le hoiliúint ar úsáid theicniúil an ródaire a sholáthar.

1.   I gCinneadh 2008/615/CGB, cuirtear an Rialachán seo in ionad Airteagal 1, pointe (a), Airteagail 2 go 6 agus Rannta 2 agus 3 de Chaibidil 2 maidir leis na Ballstáit atá faoi cheangal ag an Rialachán seo ó dháta chur i bhfeidhm fhorálacha an Rialacháin seo a bhaineann leis an ródaire a leagtar amach in Airteagal 75(1). Dá bhrí sin, scriostar Airteagal 1, pointe (a), Airteagail 2 go 6 agus Rannta 2 agus 3 de Chaibidil 2 de Chinneadh 2008/615/CGB ón dáta a chuirfear i bhfeidhm forálacha an Rialacháin seo a bhaineann leis an ródaire a leagtar amach in Airteagal 75(1).

2.   I gCinneadh 2008/616/CGB, cuirtear an Rialachán seo in ionad Chaibidlí 2 go 5 agus Airteagail 18, 20 agus 21 maidir leis na Ballstáit atá faoi cheangal ag an Rialachán seo ó dháta chur i bhfeidhm fhorálacha an Rialacháin seo a bhaineann leis an ródaire a leagtar amach in Airteagal 75(1). Dá bhrí sin, scriostar Caibidlí 2 go 5 agus Airteagail 18, 20 agus 21 de Chinneadh 2008/616/CGB ón dáta a chuirfear i bhfeidhm forálacha an Rialacháin seo a bhaineann leis an ródaire a leagtar amach in Airteagal 75(1).

1.   I gcás inar gá, chun críocha tuairiscithe agus staidrimh agus chun na gcríoch sin amháin, beidh rochtain ag foireann chuí-údaraithe údaráis inniúla na mBallstát, an Choimisiúin, eu-LISA agus Europol ar na sonraí seo a leanas a bhaineann leis an ródaire;

Ní bheifear in ann daoine aonair a shainaithint ó na sonraí a leagtar amach sa chéad fhomhír.

2.   Beidh rochtain ag foireann chuí-údaraithe údaráis inniúla na mBallstát, an Choimisiúin agus Europol ar na sonraí seo a leanas a bhaineann le Eucaris chun críocha tuairiscithe agus staidrimh agus chun na gcríoch sin amháin:

Ní bheifear in ann daoine aonair a shainaithint ó na sonraí a leagtar amach sa chéad fhomhír.

3.   Beidh rochtain ag foireann chuí-údaraithe údaráis inniúla na mBallstát, an Choimisiúin, agus Europol ar na sonraí seo a leanas a bhaineann le EPRIS chun críocha tuairiscithe agus staidrimh agus chun na gcríoch sin amháin:

Ní bheifear in ann daoine aonair a shainaithint ó na sonraí a leagtar amach sa chéad fhomhír.

4.   Déanfaidh eu-LISA na sonraí a leagtar amach i mír 1 den Airteagal seo a stóráil sa lárstóras um thuairisciú agus staidreamh arna bhunú le hAirteagal 39 de Rialachán (AE) 2019/818. Stórálfaidh Europol na sonraí a leagtar amach i mír 3. Leis na sonraí sin cuirfear ar chumas údaráis inniúla na mBallstát, an Choimisiúin, eu-LISA agus Europol tuarascálacha agus staidreamh inoiriúnaithe a fháil chun éifeachtúlacht an chomhair i bhforfheidhmiú an dlí a fheabhsú.

1.   Is ar bhuiséad ginearálta an Aontais a thitfidh na costais arna dtabhú i dtaca le bunú agus oibriú an ródaire agus EPRIS.

2.   Is ar bhuiséad ginearálta an Aontais a thitfidh na costais a thabhófar i dtaca leis an mbonneagar náisiúnta atá ann cheana a lánpháirtiú agus lena nascadh leis an ródaire agus le EPRIS mar aon leis na costais a thabhaítear i dtaca le bunachair sonraí náisiúnta d’íomhánna aghaidhe agus innéacsanna náisiúnta de thaifid phóilíneachta a bhunú chun cionta coiriúla a chosc, a bhrath agus a imscrúdú.

Ní chuirfear san áireamh na costais seo a leanas:

3.   Seasfaidh gach Ballstát na costais a thiocfaidh as riar, úsáid agus cothabháil Eucaris.

4.   Seasfaidh gach Ballstát na costais a thiocfaidh as a naisc leis an ródaire agus le EPRIS a riar, a úsáid agus a chothabháil.

1.   Tabharfaidh na Ballstáit fógra do eu-LISA faoi na húdaráis inniúla dá dtagraítear in Airteagal 36. Féadfaidh na húdaráis sin úsáid a bhaint as an ródaire nó rochtain a bheith acu air.

2.   Tabharfaidh eu-LISA fógra don Choimisiún faoi chur i gcrích rathúil na tástála dá dtagraítear in Airteagal 75(1), pointe (b).

3.   Tabharfaidh Europol fógra don Choimisiún faoi chur i gcrích rathúil na tástála dá dtagraítear in Airteagal 75(3), pointe (b).

4.   Tabharfaidh gach Ballstát fógra do na Ballstáit eile, don Choimisiún, do eu-LISA agus do Europol faoi inneachar a bhunachar sonraí DNA náisiúnta agus faoi na coinníollacha le haghaidh cuardaigh uathoibrithe a bhfuil feidhm ag Airteagail 5 agus 6 maidir leo.

5.   Cuirfidh gach Ballstát na Ballstáit eile, an Coimisiún, eu-LISA agus Europol ar an eolas faoi inneachar a bhunachair sonraí dachtalascópacha náisiúnta agus faoi na coinníollacha le haghaidh cuardaigh uathoibrithe a bhfuil feidhm ag Airteagal 10 agus Airteagal 11 ina leith.

6.   Cuirfidh gach Ballstát na Ballstáit eile, an Coimisiún, eu-LISA agus Europol ar an eolas faoi inneachar a bhunachair sonraí náisiúnta d’íomhánna aghaidhe agus faoi na coinníollacha le haghaidh cuardaigh uathoibrithe a bhfuil feidhm ag Airteagail 19 agus 20 ina leith.

7.   Déanfaidh Ballstáit atá rannpháirteach i malartuithe uathoibrithe taifead póilíneachta de bhun Airteagail 25 agus 26 fógra a thabhairt do na Ballstáit eile, don Choimisiún agus do Europol faoi inneachar a n-innéacsanna náisiúnta de thaifid phóilíneachta agus na mbunachar sonraí náisiúnta a úsáidtear chun na hinnéacsanna sin a bhunú agus na coinníollacha le haghaidh cuardaigh uathoibrithe.

8.   Tabharfaidh na Ballstáit fógra don Choimisiún, do eu-LISA agus do Europol faoina bpointe teagmhála náisiúnta arna n-ainmniú de bhun Airteagal 30. Tiomsóidh an Coimisiún liosta de na pointí teagmhála náisiúnta ar tugadh fógra dó ina leith agus cuirfidh sé ar fáil do gach Ballstát é.

1.   Cinnfidh an Coimisiún an dáta óna bhféadfaidh na Ballstáit agus Europol tús a chur le húsáid an ródaire trí bhíthin gníomh cur chun feidhme a luaithe a chomhlíonfar na coinníollacha seo a leanas:

Cinnfidh an Coimisiún, trí bhíthin an ghnímh cur chun feidhme dá dtagraítear sa chéad fhomhír, an dáta óna bhfuil na Ballstáit agus Europol le tosú ag úsáid an ródaire. Bliain amháin tar éis an dáta a chinnfear i gcomhréir leis an gcéad fhomhír a bheidh sa dáta sin.

Féadfaidh an Coimisiún an dáta óna bhfuil na Ballstáit agus Europol le tosú ag úsáid an ródaire aon bhliain amháin ar a mhéad a chur siar i gcás inar léirigh measúnú ar chur chun feidhme an ródaire gur gá an cur siar sin.

2.   Áiritheoidh na Ballstáit, dhá bhliain tar éis thús oibríochtaí an ródaire, go mbeidh fáil ar íomhánna aghaidhe dá dtagraítear in Airteagal 19 chun cuardach uathoibrithe a dhéanamh ar íomhánna aghaidhe dá dtagraítear in Airteagal 20.

3.   Cinnfidh an Coimisiún an dáta óna bhfuil na Ballstáit agus Europol le tosú ag úsáid EPRIS trí bhíthin gníomh cur chun feidhme a luaithe a chomhlíonfar na coinníollacha seo a leanas:

4.   Cinnfidh an Coimisiún an dáta óna mbeidh Europol le sonraí bithmhéadracha arna bhfoinsiú ag tríú tír a chur ar fáil do na Ballstáit i gcomhréir le hAirteagal 48 trí bhíthin gníomh cur chun feidhme a luaithe a chomhlíonfar na coinníollacha seo a leanas:

5.   Cinnfidh an Coimisiún an dáta óna mbeidh rochtain ag Europol ar shonraí atá stóráilte i mbunachair sonraí na mBallstát i gcomhréir le hAirteagal 49 trí bhíthin gníomh cur chun feidhme a luaithe a chomhlíonfar na coinníollacha seo a leanas:

6.   Déanfar na gníomhartha cur chun feidhme dá dtagraítear san Airteagal seo a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

1.   Tosóidh na Ballstáit agus gníomhaireachtaí an Aontais ar Airteagail 19 go 22, Airteagal 47 agus Airteagal 49(6) a chur i bhfeidhm ón dáta a chinnfear i gcomhréir le hAirteagal 75(1), an chéad fhomhír, cé is moite de na Ballstáit nár thosaigh ar an ródaire a úsáid.

2.   Tosóidh na Ballstáit agus gníomhaireachtaí an Aontais ar Airteagail 25 go 28 agus Airteagal 49(4) a chur i bhfeidhm ón dáta a chinnfear i gcomhréir le hAirteagal 75(3).

3.   Tosóidh na Ballstáit agus gníomhaireachtaí an Aontais ag cur Airteagal 48 i bhfeidhm ón dáta a chinnfear i gcomhréir le hAirteagal 75(4).

4.   Cuirfidh na Ballstáit agus gníomhaireachtaí an Aontais tús le hAirteagal 49(1), (2), (3), (5) agus (7) a chur i bhfeidhm ón dáta a chinnfear i gcomhréir le hAirteagal 75(5).

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011. I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

1.   Áiritheoidh eu-LISA go mbeidh nósanna imeachta i bhfeidhm chun faireachán a dhéanamh ar fhorbairt an ródaire i bhfianaise na gcuspóirí a bhaineann le pleanáil agus costais agus chun faireachán a dhéanamh ar a fheidhmiú i bhfianaise na gcuspóirí a bhaineann le haschur teicniúil, costéifeachtúlacht, slándáil agus cáilíocht seirbhíse.

Áiritheoidh Europol go mbeidh nósanna imeachta i bhfeidhm chun faireachán a dhéanamh ar fhorbairt EPRIS i bhfianaise na gcuspóirí a bhaineann le pleanáil agus costais agus chun faireachán a dhéanamh ar a fheidhmiú i bhfianaise na gcuspóirí a bhaineann le haschur teicniúil, costéifeachtúlacht, slándáil agus cáilíocht seirbhíse.

2.   Faoin 26 Aibreán 2025 agus gach bliain ina dhiaidh sin le linn chéim forbartha an ródaire, cuirfidh eu-LISA tuarascáil faoi bhráid Pharlaimint na hEorpa agus na Comhairle faoin dul chun cinn atá déanta i ndáil le forbairt an ródaire. Beidh faisnéis mhionsonraithe sna tuarascálacha sin faoi na costais a tabhaíodh, mar aon le faisnéis faoi aon rioscaí a d’fhéadfadh tionchar a imirt ar na costais fhoriomlána a fhágfar ar bhuiséad ginearálta an Aontais de bhun Airteagal 73.

A luaithe a bheidh forbairt an ródaire curtha i gcrích, cuirfidh eu-LISA tuarascáil faoi bhráid Pharlaimint na hEorpa agus na Comhairle ina ndéanfar a mhíniú go mionsonrach cé mar a baineadh amach na cuspóirí, go háirithe i dtaca le pleanáil agus costas, agus ina dtabharfar údar maith i gcás inar imíodh óna raibh socraithe.

3.   Faoin 26 Aibreán 2025 agus gach bliain ina dhiaidh sin le linn chéim forbartha EPRIS, cuirfidh Europol tuarascáil faoi bhráid Pharlaimint na hEorpa agus na Comhairle maidir le staid na himeartha i ndáil le forbairt EPRIS. Beidh faisnéis mhionsonraithe sna tuarascálacha sin faoi na costais a tabhaíodh agus faisnéis faoi aon rioscaí a d’fhéadfadh tionchar a imirt ar na costais fhoriomlána a bheidh le híoc ag buiséad ginearálta an Aontais de bhun Airteagal 73.

A luaithe a bheidh forbairt EPRIS curtha i gcrích, cuirfidh Europol tuarascáil faoi bhráid Pharlaimint na hEorpa agus na Comhairle ina ndéanfar a mhíniú go mionsonrach cé mar a baineadh amach na cuspóirí, go háirithe i dtaca le pleanáil agus costas, agus ina dtabharfar údar maith i gcás inar imíodh óna raibh socraithe.

4.   Chun críocha na cothabhála teicniúla, beidh rochtain ag eu-LISA ar an bhfaisnéis is gá maidir le hoibríochtaí próiseála sonraí arna ndéanamh sa ródaire. Chun críocha na cothabhála teicniúla, beidh rochtain ag Europol ar an bhfaisnéis is gá maidir le hoibríochtaí próiseála sonraí arna ndéanamh in EPRIS.

5.   Dhá bhliain tar éis thús oibríochtaí an ródaire agus gach 2 bhliain ina dhiaidh sin, cuirfidh eu-LISA tuarascáil ar fheidhmiú teicniúil an ródaire, lena n-áirítear slándáil an ródaire, faoi bhráid Pharlaimint na hEorpa, na Comhairle, agus an Choimisiúin.

6.   Dhá bhliain tar éis thús oibríochtaí EPRIS agus gach 2 bhliain ina dhiaidh sin, cuirfidh Europol tuarascáil ar fheidhmiú teicniúil EPRIS, lena n-áirítear slándáil EPRIS, faoi bhráid Pharlaimint na hEorpa, na Comhairle, agus an Choimisiúin.

7.   Trí bliana tar éis thús oibríochtaí an ródaire agus EPRIS dá dtagraítear in Airteagal 75 agus gach ceithre bliana ina dhiaidh sin, soláthróidh an Coimisiún tuarascáil ar an meastóireacht fhoriomlán ar chreat Prüm II.

Bliain amháin tar éis thús oibríochtaí an ródaire agus gach 2 bhliain ina dhiaidh sin, soláthróidh an Coimisiún tuarascáil ina ndéanfar meastóireacht ar úsáid íomhánna aghaidhe faoin Rialachán seo.

Áireofar an méid seo a leanas sna tuarascálacha dá dtagraítear sa chéad fhomhír agus sa dara fomhír:

Seolfaidh an Coimisiún na tuarascálacha sin chuig Parlaimint na hEorpa, chuig an gComhairle, chuig an Maoirseoir Eorpach ar Chosaint Sonraí agus chuig Gníomhaireacht an Aontais Eorpaigh um Chearta Bunúsacha.

8.   Sna tuarascálacha dá dtagraítear sa chéad fhomhír de mhír 7, tabharfaidh an Coimisiún aird ar leith ar na catagóirí nua sonraí seo a leanas: íomhánna aghaidhe agus taifid phóilíneachta. Áireoidh an Coimisiún sna tuarascálacha sin an úsáid a bhaineann gach Ballstát agus Europol as na catagóirí nua sonraí sin, agus a dtionchar, a n-éifeachtacht agus a n-éifeachtúlacht. Sna tuarascálacha dá dtagraítear sa dara fomhír de mhír 7, tabharfaidh an Coimisiún aird ar leith ar an riosca go mbeidh meaitseanna bréagacha ann agus ar cháilíocht na sonraí.

9.   Soláthróidh na Ballstáit agus Europol do eu-LISA agus don Choimisiún cibé faisnéis is gá chun na tuarascálacha dá dtagraítear i míreanna 2 agus 5 a dhréachtú. Ní chuirfidh an fhaisnéis sin modhanna oibre i gcontúirt ná ní nochtfaidh sí na foinsí, baill foirne ná imscrúduithe údaráis inniúla na mBallstát.

10.   Cuirfidh na Ballstáit an fhaisnéis is gá ar fáil don Choimisiún agus do Europol chun na tuarascálacha dá dtagraítear i míreanna 3 agus 6 a dhréachtú. Ní chuirfidh an fhaisnéis sin modhanna oibre i gcontúirt ná ní nochtfaidh sí na foinsí, baill foirne ná imscrúduithe údaráis inniúla na mBallstát.

11.   Gan dochar do cheanglais rúndachta, soláthróidh na Ballstáit, eu-LISA agus Europol don Choimisiún an fhaisnéis is gá chun na tuarascálacha dá dtagraítear i mír 7 a dhéanamh. Cuirfidh na Ballstáit ar fáil don Choimisiún freisin líon na meaitseanna deimhnithe in aghaidh bhunachar sonraí gach Ballstáit in aghaidh na catagóire agus in aghaidh an chineáil sonraí. Ní chuirfidh an fhaisnéis sin modhanna oibre i gcontúirt ná ní nochtfaidh sí na foinsí, baill foirne ná imscrúduithe údaráis inniúla na mBallstát.