1.   Beidh an fhaisnéis seo a leanas uile sa tuairisc ar an modh a úsáidtear chun scóir chreidmheasa na dtionscadal sluachistiúcháin a ríomh:

2.   I dteannta na faisnéise dá dtagraítear i mír 1, beidh an fhaisnéis seo a leanas uile sa tuairisc ar an modh a úsáidtear chun scóir chreidmheasa na dtionscadal sluachistiúcháin a ríomh:

3.   Cuirfidh soláthraithe seirbhísí sluachistiúcháin infheisteoirí ar an eolas i gcás ina mbeidh athruithe ábhartha ar thorthaí an mhodha a úsáidtear chun na scóir chreidmheasa a chinneadh ann mar thoradh ar athrú ar an modh sin.

4.   Chun críocha mhír 2, pointe (a)(i), i gcás ina mbeidh an fhaisnéis dá dtagraítear sa phointe sin bunaithe ar chuntais neamhiniúchta, nochtfaidh soláthraithe seirbhísí sluachistiúcháin faisnéis leordhóthanach d’infheisteoirí maidir le hiontaofacht na faisnéise sin.

1.   Míneofar sa tuairisc ar an modh a úsáidtear chun an praghas ar thairiscintí sluachistiúcháin a ríomh conas a dhéantar na heilimintí seo a leanas uile den iasacht a chur san áireamh sa straitéis phraghsála:

2.   Léireofar sa tuairisc ar an modh dá dtagraítear i mír 1 conas a chuirtear na heilimintí seo a leanas uile san áireamh ag túsphointe na hiasachta:

3.   I dteannta na n-eilimintí dá dtagraítear i míreanna 1 agus 2, léireofar sa tuairisc ar an modh dá dtagraítear i mír 1 freisin conas a chuirtear na heilimintí seo a leanas uile san áireamh tar éis thúsphointe na hiasachta:

1.   Nuair a bheidh measúnú á dhéanamh ar riosca creidmheasa na dtionscadal sluachistiúcháin nó na n-úinéirí tionscadail déanfaidh soláthraithe seirbhísí sluachistiúcháin measúnú ar chumas an úinéara tionscadail faoi láthair agus amach anseo na hoibleagáidí airgeadais a leagtar amach sa chomhaontú iasachta a chomhlíonadh.

2.   Déanfaidh soláthraithe seirbhísí sluachistiúcháin cinntí ar an measúnú dá dtagraítear i mír 1 a dhoiciméadú go maith agus coimeádfaidh siad an doiciméadacht sin ar feadh 5 bliana ar a laghad tar éis tráthchuid deiridh na hiasachta a aisíoc.

3.   Chun críoch mhír 2, sonraí pearsanta ar bith mar a shainmhínítear in Airteagal 4(1) de Rialachán (AE) 2016/679, coimeádfar iad ar feadh tréimhse nach faide ná 5 bliana tar éis tráthchuid deiridh na hiasachta a aisíoc.

1.   Nuair a bheidh measúnú á dhéanamh ar riosca creidmheasa na dtionscadal sluachistiúcháin nó na n-úinéirí tionscadail breithneoidh soláthraithe seirbhísí sluachistiúcháin na tosca seo a leanas uile i ndáil le staid airgeadais an úinéara tionscadail nó an tionscadail sluachistiúcháin:

2.   Chun críocha mhír 1, pointe (c), cuirfidh soláthraithe seirbhísí sluachistiúcháin na tosca seo a leanas san áireamh nuair a bheidh measúnú á dhéanamh ar iasachtaí agus dliteanais eile a d’fhéadfadh a bheith i bhfeidhm ag an úinéir tionscadail tráth na hiarrata ar an iasacht:

3.   Nuair a bheidh an measúnú dá dtagraítear i míreanna 1 agus 2 á dhéanamh, déanfaidh na soláthraithe seirbhísí sluachistiúcháin na táscairí ábhartha airgeadais agus táscairí ábhartha a bhaineann go sonrach le haicme sócmhainní nó le cineál táirge, a chur san áireamh le haghaidh na 3 bliana airgeadais is déanaí, i gcás ina mbeidh fáil orthu, i gcomhréir leis na beartais a leagtar amach i gCaibidil IV. Ríomhfar na táscairí sin i gcomhréir leis na Caighdeáin Idirnáisiúnta um Thuairisciú Airgeadais (IFRS) nó leis na Prionsabail Chuntasaíochta áitiúla a bhfuil Glactha Leo go Ginearálta (GAAP), i gcomhréir leis na beartais a leagtar amach i gCaibidil IV.

4.   D’fhéadfaí na míreanna a liostaítear san Iarscríbhinn a áireamh leis na táscairí airgeadais ábhartha, ach níl siad teoranta dóibh.

5.   Agus réamh-mheastacháin airgeadais á n-úsáid chun measúnú a dhéanamh ar an riosca creidmheasa, áiritheoidh soláthraithe seirbhísí sluachistiúcháin go mbeidh na réamh-mheastacháin sin bunaithe ar thoimhdí láidre agus stuama agus go mbeidh siad i gcomhréir le sonraí stairiúla agus ionchais mhargaidh réasúnta.

1.   I gcás ina n-urraítear iasacht arna deonú d’úinéir tionscadail le socruithe cosanta creidmheasa, déanfaidh soláthraithe seirbhísí sluachistiúcháin na bearta réasúnacha uile is gá chun faisnéis a bhailiú maidir leis na nithe seo a leanas:

2.   Déanfaidh soláthraithe seirbhísí sluachistiúcháin measúnú agus faireachán tráthrialta ar luach na comhthaobhachta agus na ráthaíochtaí, agus déanfaidh siad bearta iomchuí má thagann laghdú ábhartha ar luach na comhthaobhachta.

1.   I gcás ina mbeidh an iasacht faoi ráthaíocht comhthaobhachta, áiritheoidh soláthraithe seirbhísí sluachistiúcháin go gcuirfear san áireamh i luacháil na comhthaobhachta an fhaisnéis seo a leanas uile:

2.   In éagmais margaidh chun praghas nó margadhluach a shuíomh don chomhthaobhacht ar bhonn oibiachtúil, breithneoidh soláthraithe seirbhísí sluachistiúcháin an fhaisnéis seo a leanas uile:

3.   Chun críocha mhíreanna 1 agus 2, beidh beartais agus nósanna imeachta i bhfeidhm ag soláthraithe seirbhísí sluachistiúcháin chun faireachán a dhéanamh ar luach na comhthaobhachta.

1.   Le linn dóibh gach iasacht dá dtagraítear in Airteagal 4(4), pointe (e)(i), de Rialachán (AE) 2020/1503 a luacháil, déanfaidh soláthraithe seirbhísí sluachistiúcháin na nithe seo a leanas:

2.   Chun críocha mhír 1, ag túsphointe na hiasachta, cuirfidh soláthraithe seirbhísí sluachistiúcháin gach ceann de na tosca seo a leanas san áireamh:

3.   Chun críocha mhír 1, tar éis thúsphointe na hiasachta, cuirfidh an soláthraí seirbhísí sluachistiúcháin, anuas ar na tosca dá dtagraítear i mír 2, gach ceann de na tosca seo a leanas san áireamh:

4.   I gcás ina ndéanfaidh soláthraithe seirbhísí sluachistiúcháin, i gcomhréir le hAirteagal 4(4), pointe (e)(iii), de Rialachán (AE) 2020/1503, an luacháil ar iasacht tar éis mainneachtana, déanfaidh siad an luacháil ar chomhthaobhacht agus ar ráthaíochtaí ar bhealach coimeádach agus cuirfidh siad táillí agus costais eile a bhaineann le bailiú fiach san áireamh.

1.   Le linn do sholáthraithe seirbhísí sluachistiúcháin an praghas ar iasacht a éascaíonn siad a chinneadh, cuirfidh siad gach ceann de na tosca seo a leanas san áireamh:

2.   Le linn dóibh an glanluach láithreach dá dtagraítear i mír 1, pointe (b) a ríomh, cuirfidh soláthraithe seirbhísí sluachistiúcháin gach ceann de na tosca seo a leanas san áireamh:

1.   Maidir leis an bhfaisnéis do chliaint dá dtagraítear in Airteagal 19 de Rialachán (AE) 2020/1503, beidh creat rialachais leordhóthanach i bhfeidhm ag soláthraithe seirbhísí sluachistiúcháin agus beidh tuairisc i scríbhinn ar an gcreat sin acu.

2.   Chun críocha mhír 1, áiritheoidh soláthraithe seirbhísí sluachistiúcháin gach ceann de na nithe seo a leanas:

3.   Áiritheoidh soláthraithe seirbhísí sluachistiúcháin go mbeidh insint cháilíochtúil agus faisnéis fhorlíontach eile a d’fhéadfadh gá a bheith léi chun go mbeadh lántuiscint ag cliaint ar an nochtadh cáilíochtúil ag gabháil le gach nochtadh cainníochtúil do chliaint.

1.   Leis na beartais maidir le faisnéis a nochtadh do chliaint dá dtagraítear in Airteagal 19 de Rialachán (AE) 2020/1503, áiritheofar go ndéanfar an fhaisnéis uile do chliaint a chur i láthair ar bhealach atá éasca le léamh agus go gcuirfear in iúl í ar bhealach a éascaíonn tuiscint a bhaint aisti, go háirithe le haghaidh infheisteoirí neamhshofaisticiúla ionchasacha.

2.   Áiritheoidh soláthraithe seirbhísí sluachistiúcháin go mbeidh na heilimintí seo a leanas uile sna beartais chun faisnéis leordhóthanach a sholáthar do chliaint:

3.   Formheasfaidh comhlacht bainistíochta an tsoláthraí seirbhísí sluachistiúcháin na beartais, na nósanna imeachta agus na socruithe eagraíochtúla a bhaineann le faisnéis a nochtadh do chliaint, agus beidh na beartais sin i scríbhinn, tabharfar cothrom le dáta go tráthrialta iad agus doiciméadófar go maith iad.

1.   Beidh an méid seo a leanas i gceist maidir leis an gcreat bainistithe riosca dá dtagraítear in Airteagal 4(4)(f) de Rialachán (AE) 2020/1503:

2.   Laistigh dá gcreat bainistithe riosca, sonróidh soláthraithe seirbhísí sluachistiúcháin na róil nó na feidhmeanna a bheidh freagrach as an measúnú ar riosca creidmheasa agus cúraimí faireacháin, as an bpróiseas chun tionscadail sluachistiúcháin a bheidh le moladh d’infheisteoirí a fhormheas, agus as luacháil iasachtaí.

3.   Bunóidh soláthraithe seirbhísí sluachistiúcháin creataí tuairiscithe trédhearcacha. Leis na creataí tuairiscithe sin, áiritheofar go soláthrófar faisnéis leordhóthanach do chomhlacht bainistíochta na soláthraithe seirbhísí sluachistiúcháin agus do na róil agus na feidhmeanna lena gcuirfear ar a gcumas dóibh an riosca creidmheasa a thomhas agus measúnú agus faireachán a dhéanamh air. Déanfar an creat tuairiscithe a mhionsonrú agus a dhoiciméadú go leordhóthanach.

4.   Déanfaidh comhlacht bainistíochta an tsoláthraí seirbhísí sluachistiúcháin formhaoirseacht ar chur chun feidhme na socruithe rialachais agus eagraíochtúla a bhaineann leis an gcreat bainistithe riosca, lena n-áirítear na beartais agus na nósanna imeachta faoi seach a bhunú, a choinneáil ar bun agus a fhoilsiú.

1.   Beidh na róil agus na feidhmeanna a bhunaítear sa chreat bainistithe riosca freagrach as na nithe seo a leanas:

2.   I gcás ina ndéanfaidh soláthraithe seirbhísí sluachistiúcháin cúraimí bainistithe punainne aonair i leith iasachtaí i gcomhréir le hAirteagal 6 de Rialachán (AE) 2020/1503, beidh próiseas mionsonraithe doiciméadaithe i bhfeidhm acu chun cistí na n-infheisteoirí a leithdháileadh ar thionscadail sluachistiúcháin.

3.   Beidh creat praghsála leordhóthanach i bhfeidhm ag soláthraithe seirbhísí sluachistiúcháin a mholann praghsáil na dtairiscintí sluachistiúcháin, agus tacófar leis an gcreat sin le doiciméadacht iomchuí agus struchtúir rialachais a bheidh freagrach as cinntí praghsála a dhéanamh.

1.   Áiritheoidh soláthraithe seirbhísí sluachistiúcháin go léirítear na nithe seo a leanas le sannadh na n-iasachtaí do chatagóirí riosca i gcomhréir le hAirteagal 18(1)(b):

2.   Áiritheoidh soláthraithe seirbhísí sluachistiúcháin an méid seo a leanas:

1.   Laistigh den chreat bainistithe riosca, bunóidh soláthraithe seirbhísí sluachistiúcháin próisis a bheidh soiléir agus a dhoiciméadófar go maith chun tionscadail sluachistiúcháin a bheidh le moladh d’infheisteoirí a fhormheas.

2.   Sna próisis a bhunófar i gcomhréir le mír 1, leagfar amach freagrachtaí an róil agus na bhfeidhmeanna ábhartha laistigh de struchtúr eagraíochtúil an tsoláthraí seirbhísí sluachistiúcháin.

3.   Áiritheoidh soláthraithe seirbhísí sluachistiúcháin, maidir leis na baill foirne a bheidh in ann tionscadail a bheidh le moladh d’infheisteoirí a fhormheas, go gcuirfear oiliúint leormhaith orthu agus go mbeidh saineolas ábhartha agus sinsearacht acu i ndáil leis na cumhachtaí sonracha a tharmligfear chucu.

1.   I gcás ina n-úsáidfear samhlacha uathoibrithe chun measúnú a dhéanamh ar riosca creidmheasa na dtionscadal sluachistiúcháin nó na n-úinéirí tionscadal agus chun tionscadail sluachistiúcháin a bheidh le moladh d’infheisteoirí a fhormheas, áiritheoidh soláthraithe seirbhísí sluachistiúcháin an méid seo a leanas:

2.   Chun críocha mhír 1, beidh beartais agus nósanna imeachta i bhfeidhm ag soláthraithe seirbhísí sluachistiúcháin agus leagfaidh siad amach socruithe rialachais iomchuí maidir le dearadh agus úsáid na samhlacha uathoibrithe sin.

3.   Beidh an méid seo a leanas i gceist leis na beartais agus na nósanna imeachta dá dtagraítear i mír 2:

4.   Beidh doiciméadacht leordhóthanach i bhfeidhm ag soláthraithe seirbhísí sluachistiúcháin lena gcumhdófar an mhodheolaíocht, an t-ionchur sonraí agus na critéir a úsáidtear i samhlacha uathoibrithe chun measúnú a dhéanamh ar riosca creidmheasa, chun faireachán a dhéanamh ar riosca creidmheasa agus chun tionscadail sluachistiúcháin a bheidh le moladh d’infheisteoirí a fhormheas.

1.   Laistigh dá gcreat bainistithe riosca creidmheasa, déanfaidh soláthraithe seirbhísí sluachistiúcháin beartais agus nósanna imeachta iomchuí um riosca creidmheasa a leagan amach chun na critéir chun measúnú agus faireachán a dhéanamh ar riosca creidmheasa a chinneadh.

2.   Beidh beartais agus nósanna imeachta um bainistiú riosca creidmheasa i bhfeidhm ag soláthraithe seirbhísí sluachistiúcháin lena sonrófar gach ceann de na nithe seo a leanas:

3.   Beidh an méid seo a leanas i gceist leis na beartais agus na nósanna imeachta um riosca creidmheasa dá dtagraítear i mír 1:

4.   Sonrófar sna beartais um riosca creidmheasa dá dtagraítear i mír 1 cé acu a áiríonn nó nach n-áiríonn soláthraithe seirbhísí sluachistiúcháin rioscaí comhshaoil, sóisialta agus rialachais i measúnú riosca creidmheasa na dtionscadal sluachistiúcháin agus conas a dhéanann siad amhlaidh.