(1)

Le Cinneadh 2013/471/AE ón gComhairle (1), leagadh síos rialacha maidir le liúntais laethúla a dheonú dá chomhaltaí agus comhaltaí malartacha Choiste Eacnamaíoch agus Sóisialta na hEorpa (‘an Coiste’) agus maidir lena speansais taistil a aisíoc leo.

(2)

Le Cinneadh (AE) 2023/1013 ón gComhairle (2), tugadh isteach maolú ar Airteagail 2, 3 agus 4 de Chinneadh 2013/471/AE a mhéid a bhaineann le liúntais laethúla a dheonú agus speansais taistil a aisíoc le comhaltaí an Choiste agus lena gcomhaltaí malartacha (dá ngairtear le chéile ‘na tairbhithe’), lena dtugtar teidlíocht do thairbhithe a chianfhreastalaíonn ar chruinnithe trí mhéan leictreonach ar liúntas laethúil. Ina theannta sin, measadh gurbh iomchuí liúntais laethúla den sórt sin a bheith mar chuid d’athbhreithniú cuimsitheach arna dhéanamh amach anseo ar Chinneadh 2013/471/AE, roimh dheireadh théarma oifige reatha an Choiste.

(3)

Le Cinneadh (AE) 2023/1013 ón gComhairle, déantar foráil do liúntas laethúil a do thairbhithe a chianfhreastalaíonn trí mheán leictreonach ar chruinnithe áirithe den Choiste. Go sonrach, leis an gcinneadh sin rinneadh foráil do liúntais laethúla do chruinnithe arna n-údarú i gcomhréir le rialacha inmheánacha an Choiste, cé is moite de chruinnithe den Bhiúró, seisiúin iomlánacha an Tionóil, cruinnithe de rannóga agus den Choimisiúin Chomhairleach um Athruithe Tionsclaíocha agus. cruinnithe eile arna n-údarú go cuí nach féidir a eagrú go hiomlán agus na comhaltaí a bheith i láthair go fisiciúil atá riachtanach chun leanúnachas institiúideach agus gnó an Choiste a ráthú. Ar mhaithe le soiléireacht agus trédhearcacht, is iomchuí na coinníollacha céanna atá i bhfeidhm ó 2023 i leith a ionchorprú sa Chinneadh seo freisin.

(4)

An 25 Lúnasa 2023, d’iarr an Coiste ar an gComhairle cinneadh nua a ghlacadh maidir le liúntais laethúla chomhaltaí an Choiste agus a gcomhaltaí malartacha a dheonú agus a speansais taistil a aisíoc leo, lena gcoigeartaítear méid na liúntas laethúil a leagtar síos in Airteagal 2 de Chinneadh 2013/471/AE chun na hathruithe sa chumhacht cheannaigh idir 2013 agus 2023 a chur san áireamh de réir shonraí Eurostat. Sa chomhthéacs sin, tá sé tábhachtach freisin an chothromaíocht iomchuí a choinneáil idir institiúidí agus comhlachtaí comhairleacha éagsúla an Aontais, agus go háirithe i ndáil le Coiste Eorpach na Réigiún.

(5)

Níor coigeartaíodh méideanna na liúntas laethúil a íoctar le comhaltaí an Choiste agus lena gcomhaltaí malartacha ó 2013 i leith agus ba cheart iad a oiriúnú. Ba cheart athbhreithniú a dhéanamh ar na méideanna ar bhonn rialta freisin. Dá réir sin, ba cheart athbhreithniú a dhéanamh laistigh den 12 mhí roimh thús théarma oifige 5 bliana an Choiste. Ina theannta sin, ba cheart go bhféadfaí athbhreithniú a dhéanamh i gcás ina sáraíonn na leibhéil bhoilscithe céatadán ar leith de réir shonraí Eurostat. Ba cheart foráil a dhéanamh freisin do chóras chun speansais taistil a aisíoc ar bhonn costais iarbhír, agus do liúntais lena gcúitítear an t-am a chaitheann comhaltaí an Choiste agus a gcomhaltaí malartacha ar chomhlíonadh a ndualgas agus do chostais riaracháin ghaolmhara.

(6)

I gcás inarb iomchuí, ba cheart rialacha mionsonraithe a bhunú ar leibhéal an Choiste maidir le liúntais a dheonú, speansais taistil a aisíoc agus uasteorainneacha aisíocaíochta a shocrú le haghaidh speansais taistil. Anuas ar sin, ba cheart é a bheith d’aidhm ag rialacha mionsonraithe maidir leis na liúntais an leas is fearr is féidir a bhaint as na tairbhí a eascraíonn as cianfhreastal agus a áirithiú ag an am céanna nach dtiocfaidh méadú gan údar ar líon na gcruinnithe a eagraíonn an Coiste. Leis na rialacha cur chun feidhme, ba cheart tús áite a thabhairt do mhodhanna iompair níos glaise, go háirithe taisteal traenach le haghaidh achair níos giorra, agus do shocruithe taistil lena laghdaítear lorg carbóin na dtairbhithe i gcomhréir le spriocanna aeráide 2050 an Aontais. Ag tosú ón gcéad lá den chéad téarma oifige eile de chuid an Choiste, mar riail ghinearálta, ba cheart go socrófaí leis na rialacha cur chun feidhme méideanna tagartha don aisíocaíocht uasta ar aerthaisteal, rud ba cheart a bheith inchomparáide le táille den ghrád barainne.

(7)

Ba cheart don Choiste tuarascálacha rialta a chur faoi bhráid Pharlaimint na hEorpa agus na Comhairle maidir le maidir le haisíocaíocht speansas taistil agus liúntas a íocadh le tairbhithe sa bhliain roimhe sin. Ba cheart a léiriú sna tuarascálacha sin go háirithe an tionchar buiséadach agus na costais taistil a tabhaíodh agus a aisíocadh, na liúntais a íocadh as freastal ar chruinnithe idir ar an láthair agus go cianda agus treocht líon na gcruinnithe den Choiste ar ar freastalaíodh go cianda trí mheán leictreonach agus fad cruinnithe den sórt sin, lena n-áirítear aon choigilteas buiséadach agus comhshaoil a bhaineann le cianfhreastal.

(8)

Ba cheart don Choiste tuarascáil mheastóireachta a chur faoi bhráid na Comhairle maidir le cur i bhfeidhm an Chinnidh seo, agus go háirithe maidir lena thionchar buiséadach. Ba cheart na heilimintí a chuirfidh ar chumas na Comhairle liúntais na dtairbhithe a chinneadh, de réir mar is gá, a bheith san áireamh sa tuarascáil mheastóireachta sin.

(9)

Ba cheart, dá bhrí sin, Cinntí 2013/471/AE agus (AE) 2023/1013 a aisghairm,

(a)

don chuid den turas idir 0 agus 50 km: EUR 18,98;

(b)

don chuid den turas idir 51 agus 500 km: EUR 0,10/km;

(c)

don chuid den turas idir 501 agus 1 000 km: EUR 0,05/km;

(d)

don chuid den turas idir 1 001 agus 3 000 km: EUR 0,03/km;

(e)

don chuid den turas os cionn 3 000 km: gan liúntas.

(a)

do thuras atá idir 2 uair agus 4 huaire an chloig ar fhad ar an iomlán: méid atá coibhéiseach le haon ochtú den liúntas lae dá bhforáiltear in Airteagal 2;

(b)

do thuras atá idir 4 agus 6 huaire an chloig ar fhad ar an iomlán: méid atá coibhéiseach le haon cheathrú den liúntas lae dá bhforáiltear in Airteagal 2;

(c)

do thuras atá níos faide ná 6 huaire an chloig ar an iomlán agus nach gá fanacht thar oíche ina leith: méid atá coibhéiseach le leath an liúntais laethúil dá bhforáiltear in Airteagal 2;

(d)

do thuras a mhaireann níos faide ná 6 huaire an chloig san iomlán agus ar gá fanacht thar oíche ina leith: méid atá coibhéiseach leis an liúntas laethúil dá bhforáiltear in Airteagal 2, faoi réir doiciméid tacaíochta a thabhairt ar aird.