This document is an excerpt from the EUR-Lex website
Document 32024D1698
Council Decision (EU) 2024/1698 of 14 December 2015 on the signing, on behalf of the Union, and provisional application of the Agreement between the European Union and the People’s Republic of Bangladesh on certain aspects of air services
Cinneadh (AE) 2024/1698 ón gComhairle an 14 Nollaig 2015 maidir le síniú, thar ceann an Aontais agus cur i bhfeidhm sealadach an Chomhaontaithe idir an tAontas Eorpach agus Daon-Phoblacht na Banglaidéise maidir le gnéithe áirithe d’aersheirbhísí
Cinneadh (AE) 2024/1698 ón gComhairle an 14 Nollaig 2015 maidir le síniú, thar ceann an Aontais agus cur i bhfeidhm sealadach an Chomhaontaithe idir an tAontas Eorpach agus Daon-Phoblacht na Banglaidéise maidir le gnéithe áirithe d’aersheirbhísí
ST/12911/2015/INIT
IO L, 2024/1698, 26.6.2024, ELI: http://data.europa.eu/eli/dec/2024/1698/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2024/1698/oj
Iris Oifigiúil |
GA Sraith L |
2024/1698 |
26.6.2024 |
CINNEADH (AE) 2024/1698 ÓN gCOMHAIRLE
an 14 Nollaig 2015
maidir le síniú, thar ceann an Aontais agus cur i bhfeidhm sealadach an Chomhaontaithe idir an tAontas Eorpach agus Daon-Phoblacht na Banglaidéise maidir le gnéithe áirithe d’aersheirbhísí
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 100(2) de, i gcomhar le hAirteagal 218(5) de,
Ag féachaint don togra ón gCoimisiún Eorpach,
De bharr an mhéid seo a leanas:
(1) |
Le Cinneadh uaithi an 5 Meitheamh 2003, thug an Chomhairle údarú don Choimisiún tús a chur le caibidlíocht le tríú tíortha maidir le comhaontú ar leibhéal an Aontais a chur in ionad forálacha áirithe i gcomhaontuithe déthaobhacha atá ann cheana. |
(2) |
Dá réir sin, rinne an Coimisiún, thar ceann an Aontais, Comhaontú a chaibidil idir an tAontas Eorpach agus Daon-Phoblacht na Banglaidéise maidir le gnéithe áirithe d’aersheirbhísí (‘an Comhaontú’). Tugadh an idirbheartaíocht i gcrích go rathúil trí inisealacha a chur leis an gComhaontú an 27 Feabhra 2015. |
(3) |
Is é is cuspóir leis an gComhaontú comhaontuithe déthaobhacha maidir le haersheirbhísí idir ocht mBallstát agus Daon-Phoblacht na Banglaidéise a chur i gcomhréir le dlí an Aontais. |
(4) |
Ba cheart, dá bhrí sin, an Comhaontú a shíniú thar ceann an Aontais, faoi réir a thabhairt i gcrích. |
(5) |
Chun sochair an Chomhaontaithe a thabhairt i gcrích a luaithe is féidir, ba cheart é a chur i bhfeidhm ar bhonn sealadach, |
TAR ÉIS AN CINNEADH SEO A GHLACADH:
Airteagal 1
Leis seo, údaraítear an Comhaontú idir an tAontas Eorpach agus Daon-Phoblacht na Banglaidéise maidir le gnéithe áirithe d’aersheirbhísí a shíniú thar ceann an Aontais, faoi réir an Comhaontú sin a thabhairt i gcrích.
Tá téacs an Chomhaontaithe i gceangal leis an gCinneadh seo.
Airteagal 2
Leis seo, údaraítear d’Uachtarán na Comhairle an duine (na daoine) a ainmniú a mbeidh sé de chumhacht aige/acu an Comhaontú a shíniú, thar ceann an Aontais, faoi réir a thabhairt i gcrích.
Airteagal 3
Go dtí go dtiocfaidh sé i bhfeidhm, cuirfear an Comhaontú i bhfeidhm ar bhonn sealadach amhail ón gcéad lá den mhí tar éis an dáta ar a dtabharfaidh na Páirtithe fógra dá chéile gur comhlíonadh na nósanna imeachta is gá chun na críche sin (1).
Airteagal 4
Tabharfaidh Uachtarán na Comhairle, thar ceann an Aontais, an fógra dá bhforáiltear in Airteagal 8(2) den Chomhaontú.
Airteagal 5
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 14 Nollaig 2015.
Thar ceann na Comhairle
An tUachtarán
J. BORRELL FONTELLES
(1) Déanfaidh Ardrúnaíocht na Comhairle an dáta óna gcuirfear an Comhaontú i bhfeidhm go sealadach a fhoilsiú in Iris Oifigiúil an Aontais Eorpaigh.
ELI: http://data.europa.eu/eli/dec/2024/1698/oj
ISSN 1977-0839 (electronic edition)