(1)

I gcomhréir le Rialachán (CE) Uimh. 470/2009, tá an Coimisiún, trí bhíthin Rialacháin, le huasteorainneacha iarmhar (‘MRLanna’) a bhunú le haghaidh substaintí atá gníomhach ó thaobh na cógaseolaíochta de a bhfuil sé beartaithe iad a úsáid san Aontas i dtáirgí íocshláinte tréidliachta le haghaidh bia-ainmhithe, nó i dtáirgí bithicídeacha a úsáidtear i bhfeirmeoireacht ainmhithe.

(2)

Le Tábla 1 den Iarscríbhinn a ghabhann le Rialachán (AE) Uimh. 37/2010 ón gCoimisiún (2) leagtar amach na substaintí atá gníomhach ó thaobh na cógaseolaíochta agus a n-aicmiú i ndáil le MRLanna i mbia-ábhair de thionscnamh ainmhíoch.

(3)

Áirítear rafocsainíd sa tábla sin cheana féin mar shubstaint atá ceadaithe le haghaidh speicis de chineál buaibheach agus caorach, is infheidhme maidir le matán, saill, an t-ae agus an duán. An MRL sealadach don tsubstaint sin a leagtar amach le haghaidh ainmhithe de chineál buaibheach agus caorach, is infheidhme maidir le bainne, chuaigh sé in éag an 31 Nollaig 2017.

(4)

I gcomhréir le hAirteagal 27(2) de Rialachán (CE) Uimh. 470/2009, an 21 Feabhra 2023 chuir Éire iarraidh faoi bhráid na Gníomhaireachta Leigheasra Eorpaí (‘an Ghníomhaireacht’) maidir leis an iontráil atá ann cheana maidir le rafocsainíd a eachtarshuí chun bainne bó-ainmhithe agus bainne caorach a chumhdach.

(5)

An 20 Aibreán 2023, trí thuairim an Choiste um Tháirgí Íocshláinte d’Úsáid Tréidliachta, mhol an Ghníomhaireacht MRL críochnaitheach a bhunú le haghaidh rafocsainíde i mbainne bó-ainmhithe agus caorach.

(6)

I gcomhréir le hAirteagal 5 de Rialachán (CE) Uimh. 470/2009, tá an Ghníomhaireacht chun breithniú a dhéanamh maidir le MRLanna a bunaíodh i leith substaint atá gníomhach ó thaobh na cógaseolaíochta de in mbia-ábhar áirithe a úsáid le haghaidh bia-ábhar eile a dhíorthaítear ón speiceas céanna, nó MRLanna a bunaíodh i leith substaint atá gníomhach ó thaobh na cógaseolaíochta de i speiceas amháin nó i níos mó ná speiceas amháin a úsáid le haghaidh speicis eile.

(7)

Tháinig an Ghníomhaireacht ar an gconclúid gurb iomchuí an iontrála atá ann cheana maidir le rafocsainíd a eachtarshuí chuig na hathchogantach uile seachas ainmhithe de chineál caorach.

(8)

I bhfianaise na tuairime ón nGníomhaireacht, measann an Coimisiún gurb iomchuí MRL a bhunú le haghaidh rafocsaníde in ainmhithe de chineál buaibheach agus caorach, i ndáil le bainne agus an MRL le haghaidh rafocsainíde a eachtarshuí chuig na hathchogantaigh uile seachas ainmhithe de chineál caorach.

(9)

Dá bhrí sin, ba cheart Rialachán (AE) Uimh. 37/2010 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Tháirgí Íocshláinte Tréidliachta,