1.   Cuirfidh na Ballstáit chuig an gCoimisiún, faoin 10 Eanáir gach bliain, liosta de na soithí iascaireachta uile a bheidh údaraithe iascaireacht a dhéanamh i mbliain ar leith, ar na speicis a liostaítear in Airteagal 13 agus atá i mbun iascaireacht ghníomhach i leith na speiceas sin. Tarchuirfidh an Coimisiún an liosta sin chuig Rúnaíocht CGIM faoin 31 Eanáir gach bliain. Áireofar sa liosta sin, i gcás gach soithigh, an fhaisnéis dá dtagraítear in Iarscríbhinn VIII.

2.   Ní bheidh cead ag aon soitheach iascaireachta nach n-áirítear sa liosta a bhunaítear faoi mhír 1 in aon turas iascaireachta ar leith iascaireacht a dhéanamh ar níos mó ná 3 % de bheomheáchan iomlán ghabháil na speiceas a liostaítear in Airteagal 13, ná ní bheidh cead aige níos má ná an méid sin a choinneáil ar bord ná a thabhairt i dtír ach an oiread.

3.   Maidir le liosta na soithí iascaireachta údaraithe, tabharfaidh na Ballstáit fógra don Choimisiún go pras maidir le haon ábhar a chuirtear leis an liosta, nó a scriostar uaidh nó aon athrú ar an liosta, aon tráth a tharlaíonn na hathruithe sin. Tarchuirfidh an Coimisiún na hathruithe sin chuig Rúnaíocht CGIM gan mhoill.

1.   Féadfaidh na Ballstáit srianta spásúla nó ama a ainmniú sa bhreis ar na srianta atá ann lena bhféadfar toirmeasc nó srianta a chur ar ghníomhaireachtaí iascaireachta chun limistéir chomhthiomsaithe d’éisc óga a chosaint.

2.   Cuirfidh na Ballstáit an Coimisiún ar an eolas faoi na srianta spásúla nó ama breise sin nuair a bhunófar iad. Tabharfaidh an Coimisiún fógra faoi sin do Rúnaíocht CGIM gan mhoill.

1.   Ainmneoidh na Ballstáit láithreacha tabhairt i dtír ina ndéanfaidh na soithí a bheidh i mbun iascaireacht ghníomhach laistigh de raon feidhme na roinne seo tabhairt i dtír agus trasloingsiú. I gcás gach láithrigh tabhairt i dtír ainmnithe, sonróidh na Ballstáit na hamanna agus na láithreacha ina gceadófar tabhairt i dtír agus trasloingsiú.

2.   Cuirfear toirmeasc ar aon chainníocht speiceas a áirítear laistigh de raon feidhme na roinne seo a thabhairt i dtír nó a thrasloingsiú ó shoithí iascaireachta in aon áit eile cé is moite de na láithreacha tabhairt i dtír a ainmníonn na Ballstáit i gcomhréir le mír 1.

3.   Cuirfidh na Ballstáit in iúl don Choimisiún aon athrú ar liosta na láithreacha tabhairt i dtír a ainmnítear faoin 15 Samhain gach bliain. Tarchuirfidh an Coimisiún an liosta sin chuig Rúnaíocht CGIM faoin 30 Samhain gach bliain.

1.   Cuirfidh na Ballstáit liosta de na soithí iascaireachta uile a bhfuil a mbratach ar foluain acu a údaraítear na speicis a liostaítear in Airteagal 22 a iascach agus atá i mbun iascaireacht ghníomhach ar na speicis sin do bhliain ar leith faoi bhráid an Choimisiúin faoin 10 Eanáir gach bliain. Tarchuirfidh an Coimisiún an liosta sin chuig Rúnaíocht CGIM faoin 31 Eanáir gach bliain. Áireofar sa liosta sin, i gcás gach soithigh, an fhaisnéis dá dtagraítear in Iarscríbhinn VIII.

2.   Aon soitheach iascaireachta nach n-áirítear sa liosta dá dtagraítear i mír 1, ní bheidh cead aici in aon turas iascaireachta ar leith iascaireacht a dhéanamh ar níos mó ná 3 % de bheomheáchan iomlán ghabháil na speiceas a liostaítear in Airteagal 22, ná ní bheidh aici níos mó má ná an méid sin a choinneáil ar bord ná a thabhairt i dtír ach an oiread.

3.   Maidir le liosta na soithí iascaireachta údaraithe, tabharfaidh na Ballstáit fógra don Choimisiún go pras maidir le haon ábhar a chuirtear leis an liosta, nó a scriostar uaidh agus/nó aon athrú ar an liosta, aon tráth a tharlaíonn na hathruithe sin. Tarchuirfidh an Coimisiún na hathruithe sin chuig Rúnaíocht CGIM gan mhoill.

1.   Féadfaidh na Ballstáit srianta spásúla nó ama a ainmniú sa bhreis ar na srianta atá ann lena bhféadfar toirmeasc nó srianta a chur ar ghníomhaireachtaí iascaireachta chun limistéir comhthiomsaithe éisc óga a chosaint.

2.   Cuirfidh na Ballstáit an Coimisiún ar an eolas faoi na srianta spásúla nó ama breise sin nuair a bhunófar iad. Tabharfaidh an Coimisiún fógra faoi sin do Rúnaíocht CGIM gan mhoill.

1.   Ainmneoidh na Ballstáit láithreacha tabhairt i dtír ina ndéanfaidh na soithí a bheidh i mbun iascaireacht ghníomhach laistigh de raon feidhme na roinne seo tabhairt i dtír agus trasloingsiú. I gcás gach láithrigh tabhairt i dtír ainmnithe, sonróidh na Ballstáit na hamanna agus na láithreacha ina gceadófar tabhairt i dtír agus trasloingsiú.

2.   Cuirfear toirmeasc ar aon chainníocht speiceas a áirítear laistigh de raon feidhme na roinne seo a thabhairt i dtír nó a thrasloingsiú ó shoithí iascaireachta in aon áit eile cé is moite de na láithreacha tabhairt i dtír a ainmníonn na Ballstáit i gcomhréir le mír 1.

3.   Cuirfidh na Ballstáit in iúl don Choimisiún aon athrú ar liosta na láithreacha tabhairt i dtír a ainmnítear faoin 31 Deireadh Fómhair gach bliain. Tarchuirfidh an Coimisiún an liosta sin chuig Rúnaíocht CGIM faoin 30 Samhain gach bliain.

1.   Cuirfidh na Ballstáit liosta de na soithí iascaireachta uile a bhfuil a mbratach ar foluain acu arna n-údarú leis na speicis a liostaítear in Airteagal 31 do bhliain ar leith a iascach agus atá i mbun iascaireachta ghníomhaí ar an speiceas sin don Choimisiún faoin 10 Meitheamh gach bliain. Tarchuirfidh an Coimisiún an liosta sin chuig Rúnaíocht CGIM faoin 30 Meitheamh gach bliain. Áireofar sa liosta sin, i gcás gach soithigh, an fhaisnéis dá dtagraítear in Iarscríbhinn VIII.

2.   Maidir le liosta na soithí iascaireachta údaraithe, tabharfaidh na Ballstáit fógra don Choimisiún go pras maidir le haon ábhar a chuirtear leis an liosta, nó a scriostar uaidh nó aon athrú ar an liosta, aon tráth a tharlaíonn na hathruithe sin. Tarchuirfidh an Coimisiún na hathruithe sin chuig Rúnaíocht CGIM gan mhoill.

1.   Féadfaidh na Ballstáit srianta spásúla nó ama a ainmniú sa bhreis ar na srianta atá ann lena bhféadfar toirmeasc nó srianta a chur ar ghníomhaireachtaí iascaireachta chun limistéir comhthiomsaithe éisc óga a chosaint.

2.   Cuirfidh na Ballstáit an Coimisiún ar an eolas faoi na srianta spásúla nó ama breise sin nuair a bhunófar iad. Tabharfaidh an Coimisiún fógra faoi sin do Rúnaíocht CGIM gan mhoill.

1.   Ainmneoidh na Ballstáit láithreacha tabhairt i dtír ina ndéanfaidh na soithí a bheidh i mbun iascaireacht ghníomhach laistigh de raon feidhme na roinne seo tabhairt i dtír.

2.   Cuirfear toirmeasc ar aon chainníocht speiceas a liostaítear in Airteagal 31 a thabhairt i dtír nó a thrasloingsiú ó shoithí iascaireachta in aon áit eile cé is moite de na láithreacha tabhairt i dtír a d’ainmnigh na Ballstáit i gcomhréir le mír 1.

3.   Dearbhóidh iascairí nó máistrí na soithí iascaireachta údaraithe atá i mbun iascaireacht ghníomhach laistigh de raon feidhme na roinne seo gabhálacha na speiceas a liostaítear in Airteagal 31, beag beann ar bheomheáchan na gabhála.

1.   Déanfaidh na Ballstáit bearta bainistíochta iascach nó pleananna bainistíochta náisiúnta faoi raon feidhme na roinne seo chun a áirithiú go ndéanfaidh leibhéil saothraithe na stoc grinnill, go háirithe an colmóir Eorpach agus an rós-séacla domhainmhara an uastáirgeacht inbhuanaithe a bhaint amach agus a choinneáil ar bun.

2.   Cuirfidh na Ballstáit a mbearta bainistithe nó a bpleananna bainistithe náisiúnta a glacadh agus aon mhodhnuithe a dhéanfar ar na bearta nó na pleananna sin faoi bhráid an Choimisiúin faoin 15 Eanáir gach bliain. Tarchuirfidh an Coimisiún na bearta nó na pleananna sin chuig Rúnaíocht CGIM faoin 31 Eanáir gach bliain.

1.   Féadfaidh na Ballstáit srianta spásúla nó ama a ainmniú sa bhreis ar na srianta atá ann cheana lena bhféadfar toirmeasc nó srianta a chur ar ghníomhaireachtaí iascaireachta chun limistéir sceite agus iasclainne a chosaint.

2.   Cuirfidh na Ballstáit in iúl don Choimisiún faoin 15 Meitheamh gach bliain na srianta spásúla/ama sna huiscí faoina gceannasacht nó faoina ndlínse. Tarchuirfidh an Coimisiún an liosta sin chuig Rúnaíocht CGIM faoin 30 Meitheamh gach bliain.

1.   Ní cheadófar do shoithí trálaeireachta grinnill atá ag díriú go gníomhach ar na speicis a liostaítear in Airteagal 57, ach gníomhaíochtaí iascaireachta sonracha a dhéanamh mar a shonrófar in údarú iascaireachta bailí a eiseoidh na húdaráis inniúla agus ina sonrófar na coinníollacha teicniúla faoina ndéanfar na gníomhaíochtaí sin. Beidh na soithí sin feistithe le VMS.

2.   Cuimseofar san údarú iascaireachta dá dtagraítear i mír 1, maille leis na sonraí a shainítear in Iarscríbhinn I a ghabhann le Rialachán Cur Chun Feidhme (AE) 2017/218, na sonraí seo a leanas:

3.   Seolfaidh na Ballstáit chuig an gCoimisiún faoin 31 Deireadh Fómhair gach bliain liosta na soithí ar eisigh siad an t-údarú dá dtagraítear i mír 1 ina leith. Cuirfidh an Coimisiún an liosta sin in iúl don chomhlacht arna ainmniú aige agus do Rúnaíocht CGIM tráth nach déanaí ná an 30 Samhain gach bliain.

4.   Cuirfidh na Ballstáit in iúl don Choimisiún faoin 31 Iúil gach bliain agus tarchuirfidh an Coimisiún do Rúnaíocht CGIM tráth nach déanaí ná an 31 Lúnasa gach bliain, i bhformáid chomhiomlánaithe, tuarascáil ar na gníomhaíochtaí iascaireachta a dhéanann na soithí dá dtagraítear i mír 1, lena n-áirítear an fhaisnéis íosta seo a leanas:

1.   Ainmneoidh gach Ballstát láithreacha tabhairt i dtír ina bhféadfar colmóirí agus rós-séaclaí domhainmhara a ghabhtar i gCaolas na Sicile a thabhairt i dtír, i gcomhréir le hAirteagal 43(5) de Rialachán (CE) Uimh. 1224/2009. Aon athrú a dhéanfar ar an liosta sin, cuirfear fógra ina leith go pras chuig an gCoimisiún agus chuig Rúnaíocht CGIM.

2.   Cuirfear toirmeasc ar aon chainníocht colmóra agus rós-séacla domhainmhara a ghabhtar i gCaolas na Sicile a thabhairt i dtír nó a thrasloingsiú ó shoithí iascaireachta in aon áit seachas sna láithreacha tabhairt i dtír arna n-ainmniú ag na Ballstáit.

3.   I gcás gach láithrigh tabhairt i dtír a ainmnítear, sonróidh na Ballstáit na hamanna tabhairt i dtír agus trasloingsithe atá ceadaithe. Áiritheoidh na Ballstáit chomh maith clúdach cigireachta ar na gníomhaíochtaí sin uile le linn na n-amanna tabhairt i dtír agus trasloingsithe uile ag gach láthair tabhairt i dtír a ainmnítear.

1.   Féadfaidh na Ballstáit gníomhaíochtaí cigireachta agus faireachais a dhéanamh faoi réir Scéim Cigireachta agus Faireachais Chomhpháirteach Idirnáisiúnta (‘an Scéim’) lena gcumhdaítear uiscí atá lasmuigh de dhlínse náisiúnta in FLGanna 12, 13, 14, 15 agus 16, mar a shainmhínítear in Iarscríbhinn I (‘an limistéar cigireachta agus faireachais’).

2.   Féadfaidh na Ballstáit cigirí agus modhanna cigireachta a shannadh agus féadfaidh siad cigireachtaí a dhéanamh faoin Scéim. Féadfaidh an Coimisiún nó comhlacht arna ainmniú aige cigirí de chuid an Aontais a shannadh freisin don Scéim.

3.   Comhordóidh an Coimisiún nó comhlacht arna ainmniú aige na gníomhaíochtaí faireachais agus cigireachta don Aontas agus féadfaidh sé, i gcomhar leis na Ballstáit lena mbaineann, plean comhpháirteach imscartha a tharraingt suas chun a chur ar chumas an Aontais a oibleagáid faoin Scéim a chomhlíonadh. Glacfaidh na Ballstáit na bearta is gá chun cur i bhfeidhm na bpleananna sin a éascú, go háirithe maidir leis na hacmhainní daonna agus ábhartha is gá agus maidir leis na tréimhsí agus na limistéir gheografacha ina n-úsáidfear na hacmhainní sin.

4.   Tabharfaidh gach Ballstát, tráth nach déanaí ná an 31 Deireadh Fómhair gach bliain, fógra don Choimisiún nó do chomhlacht arna ainmniú aige faoi liosta ainmneacha na gcigirí atá údaraithe cigireacht agus faireachas a dhéanamh sa limistéar dá dtagraítear i mír 1, mar aon le hainmneacha na soithí agus na n-aerárthaí a úsáidtear le haghaidh cigireachta agus faireachais a bhfuil sé beartaithe acu iad a shannadh don Scéim don bhliain dár gcionn. Seolfaidh an Coimisiún nó comhlacht arna ainmniú aige an fhaisnéis sin ar aghaidh chuig Rúnaíocht CGIM faoin 1 Nollaig gach bliain nó a luaithe is féidir sula gcuirfear tús le gníomhaíochtaí cigireachta.

5.   Beidh i seilbh cigirí atá sannta don Scéim cárta aitheantais CGIM arna eisiúint ag na húdaráis inniúla, a bheidh san fhoirm a leagtar amach in Iarscríbhinn IV.

6.   Beidh bratach nó bratainn speisialta, mar a thuairiscítear in Iarscríbhinn V, ar foluain ar shoithí agus dualgais bhordála agus chigireachta á ndéanamh acu.

7.   Áiritheoidh gach Ballstát go ndéanfaidh gach ardán cigireachta atá i dteideal a bhratach a chur ar foluain agus atá ag oibriú sa limistéar dá dtagraítear i mír 1 teagmháil shábháilte, go laethúil nuair is féidir, le gach ardán cigireachta eile atá ag feidhmiú sa limistéar sin chun an fhaisnéis is gá le haghaidh comhordú gníomhaíochtaí a mhalartú.

8.   Tabharfaidh gach Ballstát, a bhfuil láithreacht aige sa limistéar chun cigireacht nó faireachas a dhéanamh dá dtagraítear i mír 1, liosta amharc a bhunaítear i gcomhréir le hIarscríbhinn VII, liosta bordála agus liosta cigireachtaí a rinne sé sa tréimhse 10 lá roimhe sin, lena n-áirítear dátaí, comhordanáidí agus aon fhaisnéis ábhartha eile, do gach ardán cigireachta ar theacht isteach sa limistéar sin dó.

1.   Déanfaidh cigirí atá sannta don Scéim an méid seo a leanas:

2.   Ag dul ar bord an tsoithigh dóibh, taispeánfaidh na cigirí an cárta aitheantais a bhfuil tuairisc air in Iarscríbhinn IV do mháistir an tsoithigh iascaireachta. Déanfar cigireachtaí i gceann de theangacha oifigiúla CGIM agus, i gcás inar féidir, sa teanga a labhraíonn máistir an tsoithigh iascaireachta.

3.   Tarraingeoidh cigirí suas tuarascáil ar an gcigireacht san fhormáid a leagtar amach in Iarscríbhinn VI.

4.   Síneoidh cigirí an tuarascáil i láthair mháistir an tsoithigh agus beidh an máistir sin i dteideal aon bharúlacha a chur leis an tuarascáil a mheasann sé a bheith oiriúnach agus ní mór dó na barúlacha sin a shíniú freisin.

5.   Tabharfar cóipeanna den tuarascáil do mháistir an tsoithigh agus d’údaráis na buíne cigireachta, agus seolfaidh siad cóipeanna chuig údaráis Stát brataí an tsoithigh ar a ndearnadh cigireacht agus chuig an gCoimisiún agus/nó chuig comhlacht arna ainmniú aige. Cuirfidh an Coimisiún an chóip ar aghaidh chuig Rúnaíocht CGIM.

6.   Déanfaidh oifigeach ceannais an tsoithigh cigireachta méid na buíne cigireachta agus tréimhse na cigireachta a shocrú agus na cúinsí ábhartha uile á gcur san áireamh aige.

1.   Chun críocha an Airteagail seo, measfar gur sáruithe iad na gníomhaíochtaí seo a leanas:

2.   I gcás ina ndéantar aon bhordáil nó cigireacht ar shoitheach iascaireachta agus ina mbraitheann na cigirí sárú lena linn sin, cuirfidh údaráis Bhallstát brataí an tsoithigh cigireachta an Coimisiún nó comhlacht arna ainmniú aige ar an eolas faoi láithreach, agus tabharfaidh sé fógra do Bhallstát brataí an tsoithigh iascaireachta ar a ndearnadh cigireacht go díreach agus trí bhíthin Rúnaíocht CGIM. Cuirfidh siad aon long chigireachta ó Bhallstát brataí an tsoithigh iascaireachta a thuigtear a bheith sa cheantar ar an eolas freisin.

3.   Tar éis cigireacht ina mbraitear sárú lena linn, áiritheoidh Ballstát brataí an tsoithigh go gcuirfidh an soitheach iascaireachta ábhartha stop le gach gníomhaíocht iascaireachta. Ceanglóidh an Ballstát brataí ar an soitheach iascaireachta dul chuig láithreach tabhairt i dtír arna ainmniú aige laistigh de 72 uair an chloig, áit a gcuirfear tús le himscrúdú.

4.   I gcás ina mbeidh sárú braite le linn cigireachta, déanfar na bearta agus an obair leantach a dhéanann an Ballstát brataí a fhógairt don Choimisiún nó don chomhlacht arna ainmniú aige. Cuirfidh an Coimisiún nó comhlacht arna ainmniú aige an beart agus an obair leantach a dhéanfar ar aghaidh chuig Rúnaíocht CGIM.

5.   Gníomhóidh údaráis na mBallstát ar bhonn tuarascálacha cigireachta, dá dtagraítear in Airteagal 64(3), agus, ar an gcaoi chéanna, ar bhonn ráiteas a thagann as cigireachtaí doiciméadacha ó chigirí agus iad ag déanamh beart ar bhonn tuarascálacha agus ráiteas ó chigirí náisiúnta.

1.   Déanfaidh na Ballstáit an méid seo a leanas:

2.   Cuirfidh na Ballstáit in iúl don Choimisiún, faoin 15 Bealtaine gach bliain, na srianta spásúla dá dtagraítear i mír 1, sna huiscí faoina ndlínse a chuireann siad i bhfeidhm d’fhonn limistéir sceite agus iasclainne le haghaidh stoic ghrinnill dá dtagraítear in Airteagal 66 a chosaint.

3.   Tarchuirfidh an Coimisiún an fhaisnéis a gheobhaidh sé i gcomhréir le mír 2 chuig Rúnaíocht CGIM faoin 30 Meitheamh gach bliain.

1.   Glacfaidh na Ballstáit bearta bainistíochta iascaigh nó pleananna bainistíochta náisiúnta a thagann faoi raon feidhme na roinne seo chun a áirithiú go ndéanfar stoic ghrinnill a chaomhnú go leormhaith, go háirithe an colmóir Eorpach, gliomach na hIorua, an sól, an rós-séacla domhainmhara agus an milléad dearg, i gcomhréir leis na cuspóirí ginearálta a leagtar amach sa Phlean bainistíochta ilbhliantúil d’iascaigh ghrinnill inbhuanaithe i Muir Aidriad (FLGanna 17 agus 18).

2.   Má athraítear na bearta dá dtagraítear i mír 1, tabharfaidh na Ballstáit fógra don Choimisiún faoi sin gan mhoill agus cuirfidh an Coimisiún na hathruithe sin in iúl do Rúnaíocht CGIM faoin 31 Eanáir den bhliain ina dhiaidh sin.

1.   Áiritheoidh na Ballstáit nach rachaidh acmhainneacht iomlán cabhlaigh na gcabhlach a oibríonn faoi raon feidhme na roinne seo, i dtéarmaí olltonnáiste (OT) agus/nó olltonáiste cláraithe (OTC), cumhacht innill (kW) agus líon na soithí, mar a thaifeadtar i gcláir an Aontais agus CGIM araon, thar acmhainneacht an chabhlaigh le haghaidh iascach grinnill in 2015 ná a meán idir 2015 agus 2017.

2.   Ní bheidh feidhm ag mír 1 maidir le cabhlaigh náisiúnta a oibríonn le trál dobharchú agus a dhéanann iascaireacht ar feadh níos lú ná 1 000 lá le linn na tréimhse tagartha dá dtagraítear i mír 1. Ní thiocfaidh méadú níos mó ná 50 % ar acmhainneacht iascaireachta na gcabhlach sin i leith na tréimhse tagartha sin.

1.   Bunóidh na Ballstáit liosta de shoithí a bhfuil a mbratach ar foluain acu agus atá údaraithe chun iascaireacht a dhéanamh ar speicis a liostaítear in Airteagal 66.

2.   Cuirfidh na Ballstáit liosta de na soithí arna n-údarú a bhfuil a mbratach ar foluain acu agus atá i mbun iascaireacht ghníomhach faoi raon feidhme na roinne seo faoi bhráid an Choimisiúin faoin 10 Eanáir gach bliain. Áireofar sa liosta sin, i gcás gach soithigh, an fhaisnéis dá dtagraítear in Iarscríbhinn VIII. Tarchuirfidh an Coimisiún an liosta sin chuig Rúnaíocht CGIM faoin 31 Eanáir gach bliain.

3.   Ní cheadófar do shoithí a oibríonn laistigh de raon feidhme na roinne seo gníomhaíochtaí iascaireachta sonracha a dhéanamh ach amháin má bhíonn údarú iascaireachta bailí arna eisiúint ag na húdaráis inniúla acu. Beidh soithí údaraithe ar mó ná 12 mhéadar a bhfad iomlán feistithe le VMS ón 1 Eanáir 2021 agus le logleabhar leictreonach ón 1 Eanáir 2022.

4.   Áiritheoidh gach Ballstát go gcuirfear sásraí leormhaithe ar bun chun gach soitheach iascaireachta a thaifeadadh i gclár cabhlaigh náisiúnta, chun gabhálacha an tsoithigh agus a iarracht iascaireachta a thaifeadadh tríd an logleabhar agus chomh maith faireachán a dhéanamh ar ghníomhaíochtaí agus tabhairt i dtír an tsoithigh iascaireachta trí shuirbhéanna samplála gabhálacha agus iarrachta, i gcomhréir le rialacha an Aontais nó le rialacha náisiúnta.

5.   Amhail ón 1 Eanáir 2021, chun sonraí iarrachta iascaireachta a bhailiú chun córas iarrachta iascaireachta a bhunú amach anseo, tuairisceoidh na Ballstáit sonraí don Choimisiún faoin 10 Meitheamh gach bliain le haghaidh na bliana roimhe sin faoi kW × laethanta iascaireachta agus laethanta iascaireachta de réir trealaimh agus fad foriomlán soithigh gan aon chumasc d’aicmí faid soithigh, dá bhforáiltear in Iarscríbhinn XIII. Tarchuirfidh an Coimisiún na sonraí sin chuig Rúnaíocht CGIM faoin 30 Meitheamh gach bliain.

1.   Dearbhóidh iascairí nó máistrí na soithí iascaireachta uile arna n-údarú atá i mbun iascaireacht ghníomhach i Muir Aidriad gabhálacha agus foghabhálacha uile na stoc a liostaítear in Airteagal 66. Beidh feidhm ag an oibleagáid chun gabháil a dhearbhú go leictreonach ón 1 Eanáir 2022 ar aghaidh, beag beann ar bheomheáchan na gabhála, maidir le soithí ar mó ná 12 mhéadar a bhfad foriomlán.

2.   Ainmneoidh na Ballstáit pointí tabhairt i dtír ina ndéanfaidh soithí atá i mbun iascaireacht ghníomhach na speicis a liostaítear in Airteagal 66 tabhairt i dtír. I gcás gach láithrigh tabhairt i dtír ainmnithe, sonróidh na Ballstáit na hamanna agus na láithreacha ina gceadófar tabhairt i dtír agus trasloingsiú. Áiritheoidh na Ballstáit chomh maith clúdach cigireachta ar na gníomhaíochtaí sin le linn na n-amanna tabhairt i dtír agus trasloingsithe uile ag gach láthair tabhairt i dtír a ainmnítear ar bhonn anailís riosca.

3.   Toirmiscfear ar aon chainníocht gabhálacha a theacht i dtír nó a thrasloingsiú, ar gabhálacha iad a áirítear laistigh de raon feidhme na roinne seo, a dhéantar iascaireacht orthu le trál dobharchú, le trál bíoma, le trál grinnill dhá bhád agus trál otair dúbailte i Muir Aidriad nó in aon áit seachas sna láithreacha tabhairt i dtír a ainmníonn na Ballstáit i gcomhréir le mír 2.

4.   Faoin 15 Samhain gach bliain, cuirfidh na Ballstáit in iúl don Choimisiún aon athrú ar liosta na láithreacha tabhairt i dtír a ainmnítear inar féidir stoic éisc a thabhairt i dtír dá dtagraítear i mír 2. Faoin 30 Samhain gach bliain, tarchuirfidh an Coimisiún na hathruithe sin chuig Rúnaíocht CGIM.

1.   Feisteofar soithí tráil údaraithe, a dhéanann iascaireacht laistigh de raon feidhme na roinne seo, le córas iomchuí geoshuite. Beidh soithí tráil údaraithe ar mó ná 12 mhéadar a bhfad foriomlán feistithe le VMS. I gcás soithí tráil údaraithe ar lú ná 12 mhéadar a bhfad foriomlán, cuirfidh na Ballstáit an córas geoshuite roghnaithe in iúl don Choimisiún.

2.   Gach gabháil de phríomhstoic, mar a liostaítear in Airteagal 66, is cuma cad é beomheáchan na gabhála, chomh maith le gabhálacha speiceas nach spriocspeicis iad de bhreis ar 50 kg, tuairisceofar sa logleabhar iad.

1.   Chun críche an Airteagail seo, is í an acmhainneacht iascaireachta tagartha le haghaidh stoc peiligeach beag an acmhainneacht a bhunaítear ar bhonn na liostaí de shoithí iascaireachta na mBallstát lena mbaineann. Áirítear ar an liosta sin gach soitheach iascaireachta atá feistithe le tráil, peaslíonta saighne nó cineálacha eile eangacha timpeallúcháin gan braighdín íochtair, atá i mbun iascaireacht ghníomhach faoi raon feidhme na roinne seo in 2014.

2.   Déantar soithí iascaireachta atá feistithe le tráil agus peaslíonta saighne, beag beann ar fhad foriomlán an tsoithigh lena mbaineann, a aicmiú mar shoithí atá i mbun iascaireacht ghníomhach ar stoic pheiligeacha bheaga i gcás gur sairdíní agus ainseabhaithe 50 % ar a laghad den ghabháil i mbeomheáchan.

3.   Maidir le hacmhainneacht iomlán an chabhlaigh i dtaca le soithí iascaireachta atá feistithe le tráil nó peaslíonta saighne atá i mbun iascaireacht ghníomhach laistigh de raon feidhme na roinne seo mar atá taifeadta sa chlár cabhlaigh náisiúnta agus in CFR, ní sháróidh sí ag am ar bith an acmhainneacht iascaireachta tagartha dá bhforáiltear i dTábla B d’Iarscríbhinn XII.

4.   Ní bheidh feidhm ag mír 3 maidir le cabhlaigh náisiúnta ina bhfuil níos lú ná deich soitheach idir shoithí peas-saighne agus trálaeir pheiligeacha a bhíonn ag iascaireacht go gníomhach do pheiligigh bheaga. Sna cásanna sin, ní fhéadfaidh acmhainneacht an chabhlaigh ghníomhaigh méadú níos mó ná 50 % i líon na soithí agus i dtéarmaí GT agus kW.

5.   Áiritheoidh na Ballstáit nach mbíonn soithí iascaireachta atá feistithe le tráil nó peaslíonta saighne le haghaidh stoic pheiligeacha bheaga amhail dá dtagraítear i mír 2 i mbun iascaireachta ar feadh níos mó ná 20 lá iascaireachta in aghaidh na míosa agus nach dtéann siad thar 180 lá iascaireachta in aghaidh na bliana.

6.   Ní cheadófar d’aon soitheach iascaireachta nach bhfuil ar áireamh ar an liosta de na soithí iascaireachta údaraithe dá dtagraítear i mír 1 den Airteagal seo iascaireacht a dhéanamh nó de mhaolú ar Airteagal 15(1) de Rialachán (AE) Uimh. 1380/2013, ní cheadófar dó aon chainníocht atá níos mó ná 20 % ainseabhaithe nó sairdíní nó 20 % ainseabhaithe agus sairdíní araon a choinneáil ar bord nó a thabhairt i dtír i gcás ina bhfuil an soitheach ar thuras iascaireachta in FLGanna 17 agus/nó 18.

7.   Déanfaidh na Ballstáit aon ábhar a cuireadh le liosta na soithí iascaireachta údaraithe dá dtagraítear i mír 1, nó a scriosadh uaidh nó aon athrú ar an liosta sin, a chur in iúl don Choimisiún a luaithe a tharlóidh siad. Beidh na hathruithe sin gan dochar don acmhainneacht iascaireachta tagartha dá dtagraítear i mír 1. Cuirfidh an Coimisiún an fhaisnéis sin ar aghaidh chuig Rúnaíocht CGIM faoin 31 Eanáir gach bliain.

1.   Faoin 1 Deireadh Fómhair gach bliain, cuirfidh na Ballstáit in iúl don Choimisiún a bpleananna agus a gcláir chun comhlíonadh Airteagal 74 a áirithiú trí fhaireachán agus trí thuairisciú leormhaith, go háirithe maidir leis na gabhálacha míosúla agus leis an iarracht iascaireachta a rinneadh.

2.   Cuirfidh an Coimisiún an fhaisnéis dá dtagraítear i mír 1 faoi bhráid Rúnaíocht CGIM faoin 30 Deireadh Fómhair gach bliain.

1.   Faoin 30 Samhain gach bliain cuirfidh na Ballstáit chuig an gCoimisiún, tríd an ngnáthmheán próiseála sonraí, liosta nuashonraithe de na soithí ar mó ná 15 mhéadar a bhfad foriomlán, ar soithí iad a bhfuil bratach an Bhallstáit sin ar foluain acu agus ar soithí iad atá cláraithe ina chríoch agus atá údaraithe ag an mBallstát sin chun iascaireacht a dhéanamh i limistéar Chomhaontú CGIM, trí údarú iascaireachta a eisiúint.

2.   Áireofar sa liosta a léirítear i mír 1 an fhaisnéis seo a leanas:

3.   Cuirfidh an Coimisiún an liosta nuashonraithe chuig Rúnaíocht CGIM faoin 31 Nollaig gach bliain ionas gur féidir na soithí lena mbaineann a chur ar chlár CGIM na soithí ar mó ná 15 mhéadar a bhfad foriomlán agus atá údaraithe chun iascaireacht a dhéanamh i limistéar Chomhaontú CGIM (clár CGIM).

4.   Aon athrú atá le déanamh ar an liosta dá dtagraítear i mír 1, cuirfear in iúl don Choimisiún é chun é a tharchur chuig Rúnaíocht CGIM, tríd an ngnáthmheán próiseála sonraí, 10 lá oibre ar a laghad sula gcuireann an soitheach tús le gníomhaíocht iascaireachta i limistéar Chomhaontú CGIM.

5.   Maidir le soithí iascaireachta an Aontais ar mó ná 15 mhéadar a bhfad foriomlán nach bhfuil curtha ar an liosta dá dtagraítear i mír 1, ní dhéanfaidh siad aon chineál éisc ná sliogéisc a ghabháil, ní choimeádfaidh siad aon chineál éisc ná sliogéisc ar bord, ná ní dhéanfaidh siad aon chineál éisc ná sliogéisc a thrasloingsiú ná a thabhairt i dtír laistigh de limistéar Chomhaontú CGIM.

6.   Glacfaidh na Ballstáit na bearta is gá chun a áirithiú:

7.   Déanfaidh na Ballstáit na bearta is gá chun toirmeasc a chur iasc nó sliogiasc a iascach, a choimeád ar bord, a thrasloingsiú nó a thabhairt i dtír a dhéanann soithí ar mó ná 15 mhéadar a bhfad foriomlán a ghabháil i limistéar Chomhaontú CGIM agus nach bhfuil ar chlár CGIM.

8.   Maidir le haon fhaisnéis lena léirítear go bhfuil cúiseanna láidre ann chun bheith in amhras go bhfuil soithí, ar mó ná 15 mhéadar a bhfad foriomlán agus ar soithí iad nach bhfuil ar chlár CGIM, i mbun iascaireachta ar éisc nó sliogéisc nó go bhfuil éisc nó sliogéisc á dtrasloingsiú acu i limistéar Chomhaontú CGIM, cuirfidh na Ballstáit, gan mhoill, an fhaisnéis sin in iúl don Choimisiún nó don chomhlacht atá ainmnithe ag an gCoimisiún nuair is ábhartha.

1.   D’ainneoin Airteagal 9(1) de Rialachán (CE) Uimh. 1005/2008, déanfaidh na Ballstáit cigireachtaí a chur i gcrích ina láithreacha tabhairt i dtír ainmnithe ar 15 % ar a laghad d’oibríochtaí tabhartha i dtír agus trasloingsithe gach bliain.

2.   D’ainneoin Airteagal 9(2) de Rialachán (CE) Uimh. 1005/2008, déanfar cigireacht i ngach cás ar shoithí iascaireachta a thagann isteach gan réamhúdarú i gcalafort Ballstáit.

1.   Ní cheadóidh na Ballstáit do shoitheach tríú tír a gcalafoirt a úsáid chun táirgí iascaigh a ghabhtar i limistéar Chomhaontú CGIM a thabhairt i dtír, a thrasloingsiú ná a phróiseáil agus diúltóidh siad rochtain ar sheirbhísí calafoirt, lena n-áirítear, inter alia, seirbhísí athbhreoslaithe agus athsholáthair, a thabhairt dó más rud é:

De mhaolú ar an gcéad fhomhír, ní bheidh cosc ar bith ar na Ballstáit, i gcásanna force majeure nó i gcásanna guaise de réir bhrí Airteagal 18 de Choinbhinsiún na Náisiún Aontaithe maidir le Dlí na Farraige, ó ligean do shoitheach tríú tír a gcuid calafort a úsáid le haghaidh seirbhísí a bhfuil fíorghá leo chun na staideanna sin a leigheas.

2.   Beidh feidhm ag mír 1 sa bhreis ar na forálacha maidir le diúltú do chalafort a úsáid, dá bhforáiltear le hAirteagal 4(2) agus le hAirteagal 37(5) agus (6) de Rialachán (CE) Uimh. 1005/2008.

3.   I gcás ina bhfuil sé diúltaithe ag Ballstát do shoitheach tríú tír úsáid a bhaint as a chalafoirt i gcomhréir le mír 1 nó 2, tabharfaidh sé fógra faoi sin go mear do mháistir an tsoithigh, don Stát brataí, don Choimisiún agus do Rúnaíocht CGIM faoi ghníomhaíocht den sórt sin.

4.   Más rud é nach bhfuil feidhm a thuilleadh ag na forais diúltaithe, dá dtagraítear i mír 1 nó i mír 2, déanfaidh an Ballstát a dhiúltú a tharraingt siar agus tabharfaidh sé fógra, do na seolaithe dá dtagraítear i mír 3, maidir leis an tarraingt siar sin.

1.   Gan dochar d’Airteagal 48(3) de Rialachán (CE) Uimh. 1005/2008, cuirfidh na Ballstáit an fhaisnéis seo a leanas faoi bhráid an Choimisiúin agus an chomhlachta arna ainmniú aige i gcás inarb ábhartha, ar a laghad 140 lá roimh sheisiún bliantúil CGIM:

Tarchuirfidh an Coimisiún an fhaisnéis sin chuig Rúnaíocht CGIM, ar a laghad 120 lá roimh sheisiún bliantúil CGIM.

2.   I gcás inarb iomchuí, déanfaidh an Coimisiún aon fhaisnéis bhreise a fhaightear ó na Ballstáit agus a d’fhéadfadh a bheith ábhartha chun liosta de shoithí NNN a bhunú a chur ar aghaidh chuig Rúnaíocht CGIM ar a laghad 120 lá roimh sheisiún bliantúil CGIM.

3.   Gan dochar don chineál faisnéise atá le háireamh ar liosta an Aontais de shoithí NNN i gcomhréir le hAirteagal 29 (1) de Rialachán (CE) Uimh. 1005/2008, beidh san fhaisnéis dá dtagraítear i míreanna 1 agus 2 na mionsonraí seo a leanas, i gcás ina bhfuil fáil orthu:

1.   Má fhaigheann an Coimisiún aon fhianaise ó Rúnaíocht CGIM a thacaíonn le toimhde ghníomhaíochtaí iascaireachta NNN ag soitheach iascaireachta a bhfuil bratach Ballstáit ar foluain aige, tarchuirfidh an Coimisiún an fhaisnéis sin don Bhallstát lena mbaineann gan mhoill.

2.   Féadfaidh an Ballstát lena mbaineann fianaise a chur ar fáil don Choimisiún, ar a laghad 45 lá roimh sheisiún bliantúil CGIM, lena n-áirítear fianaise lena léirítear nach bhfuil an iascaireacht atá déanta ag na soithí liostaithe de shárú ar bhearta caomhnaithe agus bainistithe CGIM nó nach raibh an deis acu iascaireacht a dhéanamh i limistéar chur i bhfeidhm CGIM. Déanfaidh an Coimisiún an fhaisnéis sin a chur ar aghaidh chuig Rúnaíocht CGIM 30 lá ar a laghad roimh sheisiún bliantúil CGIM.