(1)

Le Cinneadh Cur Chun Feidhme (AE) 2021/512 ón gComhairle (2), údaraítear Ríocht Aontaithe, i ndáil le Tuaisceart Éireann, beart speisialta a chur i bhfeidhm, go dtí an 31 Nollaig 2023, de mhaolú ar Airteagail 16 agus 168 de Threoir 2006/112/CE chun cion den cháin bhreisluacha (CBL) a bhaineann le caiteachas ar bhreosla a úsáidtear chun críocha príobháideacha i gcarranna gnó a shocrú ar bhonn ráta comhréidh (‘an beart speisialta’).

(2)

Le hAirteagal 168 de Threoir 2006/112/CE foráiltear go bhfuil duine inchánach i dteideal asbhaint a dhéanamh ar CBL a mhuirearaítear ar cheannacháin a dhéantar chun críocha idirbhearta cáinmhuirearaithe. Mar sin féin, le hAirteagal 16 den Treoir sin, ceanglaítear go gcaithfear le cur i bhfeidhm earraí ag daoine inchánach, ar earraí iad atá mar chuid dá sócmhainní gnó dá n-úsáid phríobháideach nó d’úsáid a bhfoirne, mar sholáthar earraí ar chomaoin, i gcás ina raibh CBL ar na hearraí sin nó ar na comhpháirteanna díobh in-asbhainte go hiomlán nó go páirteach. Leis an gcóras sin is féidir CBL a asbhaineadh ar dtús a aisghabháil i ndáil leis an úsáid phríobháideach.

(3)

Le litir a cláraíodh leis an gCoimisiún an 13 Iúil 2023, d’iarr an Ríocht Aontaithe údarú chun leanúint den bheart speisialta a chur i bhfeidhm, i ndáil le Tuaisceart Éireann, tar éis an 31 Nollaig 2023.

(4)

De bhun Airteagal 395(2), an dara fomhír, de Threoir 2006/112/CE, le litreacha dar dáta an 7 Lúnasa 2023, tharchuir an Coimisiún an iarraidh a chuir an Ríocht Aontaithe isteach chuig na Ballstáit seachas an Chipir, a cuireadh ar an eolas le litir dar dáta an 8 Lúnasa 2023. Le litir dar dáta an 8 Lúnasa 2023, thug an Coimisiún fógra don Ríocht Aontaithe go raibh an fhaisnéis uile ba ghá aige chun an iarraidh a bhreithniú.

(5)

De réir na faisnéise a chuir an Ríocht Aontaithe ina hiarraidh, níor tháinig aon athrú ar an staid fhíorasach a thug údar leis an mbeart speisialta a chur i bhfeidhm. Thairis sin, léirítear le míniú ar fheidhmiú an bhirt speisialta a áirítear san iarraidh go bhfuil an beart speisialta éifeachtach ó thaobh simpliú a dhéanamh, le haghaidh daoine inchánach agus an riaracháin cánach araon, ar an nós imeachta chun CBL a bhailiú i ndáil le caiteachas ar bhreosla ar charranna gnó a úsáidtear go páirteach chun críoch príobháideach.

(6)

Is iomchuí, dá bhrí sin, síneadh a chur le cur i bhfeidhm an bhirt speisialta. Ba cheart teorainn ama a chur leis an síneadh sin ionas go bhféadfaidh an Ríocht Aontaithe faireachán cuí a dhéanamh ar cé acu atá nó nach bhfuil an cion de CBL, arna shocrú ar bhonn ráta comhréidh, fós ag teacht leis an gcaiteachas ar bhreosla ar charranna gnó a úsáidtear chun críoch príobháideach. Ba cheart, dá bhrí sin, go rachadh údarú an bhirt speisialta in éag an 31 Nollaig 2026.

(7)

I gcás ina n-iarrann an Ríocht Aontaithe síneadh breise a chur leis an mbeart speisialta tar éis an 31 Nollaig 2026, ba cheart di iarratas a chur faoi bhráid an Choimisiúin, agus tuarascáil ag gabháil leis, faoin 31 Márta 2026.

(8)

I gcomhréir le hAirteagal 8, an dara mír, den Phrótacal maidir le hÉirinn/Tuaisceart Éireann a ghabhann leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (3), níl ioncaim a eascraíonn as idirbhearta atá inchánach i dTuaisceart Éireann le híoc leis an Aontas. Dá bhrí sin, ní bheidh aon drochthionchar ag an mbeart speisialta ar acmhainní dílse an Aontais a fhabhraíonn ó CBL.

(9)

Ba cheart, dá bhrí sin, Cinneadh Cur Chun Feidhme (AE) 2021/512 ón gComhairle a leasú dá réir,