This document is an excerpt from the EUR-Lex website
Document 32020D1532
Council Decision (EU) 2020/1532 of 12 October 2020 on the position to be taken, on behalf of the European Union, in the 66th session of the Harmonized System Committee of the World Customs Organization in relation to the envisaged adoption of Classification Opinions, classification decisions, amendments to the Harmonized System Explanatory Notes or other advice on the interpretation of the Harmonized System, and of recommendations to secure uniformity in the interpretation of the Harmonized System under the Harmonized System Convention
Cinneadh (AE) 2020/1532 ón gComhairle an 12 Deireadh Fómhair 2020 maidir leis an seasamh atá le glacadh thar ceann an Aontais Eorpaigh, le linn an 66ú seisiún den Choiste um an gCóras Comhchuibhithe san Eagraíocht Dhomhanda Chustaim i ndáil le glacadh beartaithe Thuairimí maidir le Rangú, cinntí maidir le Rangú, leasuithe ar Nótaí Míniúcháin an Chórais Chomhchuibhithe nó comhairle eile maidir le léiriú an Chórais Chomhchuibhithe agus maidir le moltaí chun aonfhoirmeacht a áirithiú maidir le léiriú an Chórais Chomhchuibhithe faoin gCoinbhinsiún ar an gCóras Comhchuibhithe
Cinneadh (AE) 2020/1532 ón gComhairle an 12 Deireadh Fómhair 2020 maidir leis an seasamh atá le glacadh thar ceann an Aontais Eorpaigh, le linn an 66ú seisiún den Choiste um an gCóras Comhchuibhithe san Eagraíocht Dhomhanda Chustaim i ndáil le glacadh beartaithe Thuairimí maidir le Rangú, cinntí maidir le Rangú, leasuithe ar Nótaí Míniúcháin an Chórais Chomhchuibhithe nó comhairle eile maidir le léiriú an Chórais Chomhchuibhithe agus maidir le moltaí chun aonfhoirmeacht a áirithiú maidir le léiriú an Chórais Chomhchuibhithe faoin gCoinbhinsiún ar an gCóras Comhchuibhithe
IO L 352, 22.10.2020, p. 7–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO L 352, 22.10.2020, p. 7–9
(GA)
In force
- Date of document:
- 12/10/2020; Dáta ar glacadh
- Date of effect:
- 12/10/2020; Teacht i bhfeidhm Dáta an doiciméid Féach Airt. 3
- Date of end of validity:
- No end date
- Author:
- Comhairle an Aontais Eorpaigh
- Form:
- Cinneadh
- Procedure number:
- Link
- European Parliament - Legislative observatory
- Treaty:
- An Conradh ar Fheidhmiú an Aontais Eorpaigh
- Legal basis:
- Proposal:
-
- 52020PC0585 Adopted on: 12/10/2020
- Link
- Link
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Completion 32020D1410 12/10/2020
No data available in the table
- Modified by:
-
Relation Act Comment Subdivision concerned From To Corrected by 32020D1532R(01) Corrected by 32020D1532R(02) Corrected by 32020D1532R(03) Corrected by 32020D1532R(04) (PL) - Instruments cited:
- Link
- EUROVOC descriptor:
- Subject matter:
- Directory code:
|
22.10.2020 |
GA |
Iris Oifigiúil an Aontais Eorpaigh |
L 352/7 |
CINNEADH (AE) 2020/1532 ÓN gCOMHAIRLE
an 12 Deireadh Fómhair 2020
maidir leis an seasamh atá le glacadh thar ceann an Aontais Eorpaigh, le linn an 66ú seisiún den Choiste um an gCóras Comhchuibhithe san Eagraíocht Dhomhanda Chustaim i ndáil le glacadh beartaithe Thuairimí maidir le Rangú, cinntí maidir le Rangú, leasuithe ar Nótaí Míniúcháin an Chórais Chomhchuibhithe nó comhairle eile maidir le léiriú an Chórais Chomhchuibhithe agus maidir le moltaí chun aonfhoirmeacht a áirithiú maidir le léiriú an Chórais Chomhchuibhithe faoin gCoinbhinsiún ar an gCóras Comhchuibhithe
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 31, Airteagal 43(2) agus Airteagal 207(4), an chéad fhomhír de, i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Le Cinneadh 87/369/CEE ón gComhairle (1) d’fhormheas an tAontas an Coinbhinsiún Idirnáisiúnta ar an gCóras Comhchuibhithe um Thuairisciú agus um Chódú Tráchtearraí (2), agus an Prótacal lena ndéantar leasú air (Coinbhinsiún CC) (3), rud a bhunaigh an Coiste um an gCóras Comhchuibhithe (CCC). |
|
(2) |
De bhun phointí (b) agus (c) d’Airteagal 7(1) de Choinbhinsiún CC, tá CCC freagrach, inter alia, as Nótaí Míniúcháin, Tuairimí maidir le Rangú, comhairle eile faoi léiriú an Chórais Chomhchuibhithe a ullmhú agus as moltaí chun aonfhoirmeacht a áirithiú maidir le léiriú agus cur i bhfeidhm an Chórais Chomhchuibhithe a ullmhú. |
|
(3) |
Táthar ag súil go bhfuil CCC chun cinneadh a dhéanamh i ndáil le Tuairimí maidir le Rangú, cinntí maidir le rangú, leasuithe ar na Nótaí Míniúcháin nó comhairle eile maidir le léiriú an Chórais Chomhchuibhithe agus moltaí a chinneadh chun aonfhoirmeacht a áirithiú maidir le léiriú an Chórais Chomhchuibhithe faoi Choinbhinsiún CC le linn a sheisiún i mí Mheán Fómhair 2020. |
|
(4) |
Tá sé tábhachtach a mheabhrú go bhfuiltear chun an critéar cinntitheach maidir le rangú earraí, chun críche custaim, a lorg, i gcoitinne, ina ngnéithe agus a sainghnéithe oibiachtúla mar a shainítear i bhfoclaíocht na gceannteideal ábhartha san ainmníocht chustaim agus i nótaí na roinne agus na caibidle ábhartha, de réir cásdlí socair Chúirt Bhreithiúnais an Aontais Eorpaigh, ar mhaithe le deimhneacht dhlíthiúil agus fíorú réidh. |
|
(5) |
I bhfianaise na dTuairimí maidir le Rangú, na gcinntí maidir le rangú, na leasuithe ar na Nótaí Míniúcháin nó na comhairle eile maidir le léiriú an Chórais Chomhchuibhithe, agus moltaí chun aonfhoirmeacht a áirithiú maidir le léiriú an Chórais Chomhchuibhithe faoin gCoinbhinsiún ar CC, is iomchuí an seasamh atá le glacadh thar ceann an Aontais a bhunú, mar, a luaithe a ghlacfar leo, foilseofar na Tuairimí maidir le Rangú agus cuid áirithe de na cinntí sin agus de na leasuithe sin maidir le rangú ar na Nótaí Míniúcháin i dTeachtaireacht ón gCoimisiún faoi phointe (a)(iii) d’Airteagal 34 de Rialachán (AE) 952/2013 ó Pharlaimint na hEorpa agus ón gComhairle (4), agus tiocfaidh siad chun bheith infheidhme maidir le Ballstáit. Cuirfear an seasamh in iúl sa CCC. |
|
(6) |
Déantar Cinneadh (AE) 2020/1410 (5) a fhorlíonadh leis an gCinneadh seo, |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh, thar ceann an Aontais, le linn an 66ú seisiún den Choiste um an gCóras Comhchuibhithe den Eagraíocht Dhomhanda Chustaim i ndáil le Nótaí Míniúcháin, Tuairimí maidir le Rangú nó comhairle eile faoi léiriú an Chórais Chomhchuibhithe agus moltaí chun aonfhoirmeacht a áirithiú maidir le léiriú CC faoin gCoinbhinsiún ar CC a fhormheas leagtar amach é san Iarscríbhinn.
Airteagal 2
Féadfaidh ionadaithe an Aontais teacht ar chomhaontú maidir le mionathruithe teicniúla ar an seasamh dá dtagraítear in Airteagal 1 gan an Chomhairle cinneadh eile a dhéanamh.
Airteagal 3
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Lucsamburg, an 12 Deireadh Fómhair 2020.
Thar ceann na Comhairle
An tUachtarán
J. BORRELL FONTELLES
(1) Cinneadh 87/369/CEE ón gComhairle an 7 Aibreán 1987 maidir leis an gCoinbhinsiún Idirnáisiúnta ar an gCóras Comhchuibhithe um Thuairisciú agus um Chódú Tráchtearraí, agus an Prótacal lena ndéantar leasú air, a thabhairt i gcrích (IO L 198, 20.7.1987, lch. 1).
(2) IO L 198, 20.7.1987, lch. 3.
(3) Prótacal lena ndéantar Leasú ar an gCóras Comhchuibhithe um Thuairisciú agus um Chódú Tráchtearraí (O L 198, 20.7.1987, lch. 11).
(4) Rialachán (AE) uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais (IO L 269, 10.10.2013, lch. 1).
(5) Cinneadh (AE) 2020/1410 ón gComhairle an 25 Meán Fómhair 2020 maidir leis an seasamh atá le glacadh thar ceann an Aontais, le linn an 66ú seisiún den Choiste um an gCóras Comhchuibhithe san Eagraíocht Dhomhanda Chustaim i ndáil le glacadh beartaithe Thuairimí maidir le Rangú, cinntí maidir le Rangú, leasuithe ar Nótaí Míniúcháin an Chórais Chomhchuibhithe nó comhairle eile maidir le léiriú an Chórais Chomhchuibhithe agus maidir le moltaí chun aonfhoirmeacht a áirithiú maidir le léiriú an Chórais Chomhchuibhithe faoin gCoinbhinsiún ar an gCóras Comhchuibhithe (IO L 327, 8.10.2020, lth. 1)
IARSCRÍBHINN
Níl ann do théacs na hIarscríbhinne sa Ghaeilge.
