23.11.2016   

GA

Iris Oifigiúil an Aontais Eorpaigh

1

(1)

I gcomhréir le hAirteagal 15(1) de Rialachán (AE, Euratom) Uimh. 883/2013 ó Pharlaimint na hEorpa agus ón gComhairle (3), tá sé de chúram ar Choiste Maoirseachta na hOifige Eorpaí Frith-Chalaoise (“an Oifig”) faireachán rialta a dhéanamh ar an Oifig agus a feidhm imscrúdaitheach á cur chun feidhme aici, chun go ndéanfar neamhspleáchas na hOifige a threisiú.

(2)

An creat maidir le cur chun feidhme na leithreasaí buiséadacha a bhaineann le comhaltaí an Choiste Maoirseachta, ba cheart é a bhunú sa chaoi nach mbeidh aon dealramh ann go bhféadfadh an Oifig a bheith ag cur isteach ar dhualgais na gComhaltaí. Ba cheart Rialachán (AE, Euratom) Uimh. 883/2013 a oiriúnú chun go bhféadfaidh creat den sórt sin a bheith ann, agus fós trédhearcacht chéanna na leithreasaí a ráthú d'oibriú an Choiste Maoirseachta, mar a rinneadh roimhe seo.

(3)

Chun feidhmiú éifeachtach agus éifeachtúil an Choiste Maoirseachta a áirithiú, ba cheart don Choimisiún a rúnaíocht a sholáthar go díreach, neamhspleách ar an Oifig, agus ba cheart don Choimisiún na bealaí iomchuí a sholáthar don rúnaíocht chun a feidhm a chomhlíonadh. Ba cheart don Choimisiún staonadh ó chur isteach ar fheidhmeanna faireacháin an Choiste Maoirseachta ionas go gcosnófar neamhspleáchas an Choiste Maoirseachta.

(4)

I gcás ina gceapfaidh an Oifig Oifigeach Cosanta Sonraí i gcomhréir le hAirteagal 10(4) de Rialachán (AE, Euratom) Uimh. 883/2013, ba cheart go leanfadh an tOifigeach Cosanta Sonraí sin de bheith inniúil as sonraí arna bpróiseáil ag rúnaíocht an Choiste Maoirseachta.

(5)

Ba cheart go leanfadh oibleagáidí rúndachta d'fhoireann rúnaíocht an Choiste Maoirseachta de bheith i bhfeidhm.

(6)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 28(2) de Rialachán (CE) Uimh. 45/2001 ó Pharlaimint na hEorpa agus ón gComhairle (4), agus chinn sé gan aon tuairim a eisiúint an 18 Márta 2016.

(1)

Leasaítear Airteagal 10 mar a leanas:

(2)

In Airteagal 15, cuirtear an méid seo a leanas in ionad mhír 8:

“8.   Ceapfaidh an Coiste Maoirseachta a chathaoirleach. Glacfaidh sé a rialacha nós imeachta féin, a chuirfear mar fhaisnéis faoi bhráid Pharlaimint na hEorpa, na Comhairle, an Choimisiúin agus an Mhaoirseora Eorpaigh ar Chosaint Sonraí sula nglacfar iad. Comórfar cruinnithe an Choiste Maoirseachta ar thionscnamh an chathaoirligh nó ar thionscnamh an Ard-Stiúrthóra. Beidh ar a laghad 10 gcruinniú aige in aghaidh na bliana. Déanfaidh an Coiste Maoirseachta a chinntí trí thromlach a chomhaltaí. Is é an Coimisiún a sholáthróidh a rúnaíocht, go neamhspleách ar an Oifig agus i ndlúthchomhar leis an gCoiste Maoirseachta. Sula gceapfar aon duine den fhoireann chuig an rúnaíocht, rachfar i gcomhairle leis an gCoiste Maoirseachta agus cuirfear a thuairimí san áireamh. Gníomhóidh an rúnaíocht de réir threoracha an Choiste Maoirseachta agus go neamhspleách ón gCoimisiún. Gan dochar dá rialú ar bhuiséad an Choiste Maoirseachta agus ar a rúnaíocht, ní chuirfidh an Coimisiún isteach ar fheidhmeanna faireacháin an Choiste Maoirseachta.

Ní iarrfaidh nó ní ghlacfaidh oifigigh arna sannadh chuig rúnaíocht an Choiste Maoirseachta aon treoir ó aon rialtas ná ó aon institiúid, comhlacht, oifig ná gníomhaireacht a bhaineann le feidhmeanna faireacháin an Choiste Maoirseachta.”.

(3)

Cuirtear an méid seo a leanas in ionad Airteagal 18:

“Airteagal 18

Maoiniú

Iontrálfar iomlán na leithreasaí don Oifig faoi líne shonrach buiséid laistigh den roinn de bhuiséad ginearálta an Aontais Eorpaigh a bhaineann leis an gCoimisiún, agus leagfar amach go mionsonraithe iad in Iarscríbhinn a bheidh ag gabháil leis an roinn sin. Iontrálfar na leithreasaí don Choiste Maoirseachta agus dá rúnaíocht faoin roinn de bhuiséad ginearálta an Aontais Eorpaigh a bhaineann leis an gCoimisiún.

Cuirfear plean bunaíochta na hOifige i gceangal le plean bunaíochta an Choimisiúin. Beidh rúnaíocht an Choiste Maoirseachta san áireamh i bplean bunaíochta an Choimisiúin.”