1.   Beidh feidhm ag an bPrótacal maidir leis na nithe seo a leanas:

2.   Ní fhéadfar aon cheann d'fhorálacha an Phrótacail seo a léirmhíniú mar fhoráil lena bhféadfadh oibreoirí atá bunaithe i bPáirtí Conarthach eile (cabatáiste) seirbhísí tráthrialta idirnáisiúnta agus seirbhísí tráthrialta speisialta a oibriú, seirbhísí a bhfuil an áit tionscnaimh agus an ceann scríbe sa Pháirtí Conarthach céanna.

3.   I gcomhréir le mír 1 agus faoi réir mhír 2, i gcás ina bhfuil an t-iompar ina chuid de sheirbhís chuig an gcríoch nó ón gcríoch ina bhfuil an t-oibreoir iompair bunaithe, féadfar paisinéirí a bhailiú nó a scaoileadh amach i gcríoch aon Pháirtí Chonarthaigh ar an mbealach a údaróidh stad ina gcríoch.

4.   Níl feidhm ag an bPrótacal maidir leis na nithe seo a leanas:

1.   Chun críocha an Phrótacail seo, beidh feidhm ag na sainmhínithe in Airteagal 3 de Chomhaontú Interbus.

2.   Gan dochar do mhír 1, chun críocha an Phrótacail seo, beidh feidhm ag na sainmhínithe breise seo a leanas:

1.   Beidh seirbhísí tráthrialta ar oscailt do chách ach faoi réir forchoimeádta i gcás inarb iomchuí.

2.   Beidh seirbhísí tráthrialta agus seirbhísí tráthrialta speisialta faoi réir údarú i gcomhréir le Roinn VI.

3.   Coigeartú ar bith a dhéantar ar dálaí oibríochta na seirbhíse, ní dhéanfaidh sé aon difear do chineál tráthrialta na seirbhíse.

4.   Eagrúchán seirbhísí comhthreomhara nó sealadacha a dhéanfaidh freastal ar an bpobal céanna agus a dhéanann na seirbhísí tráthrialta atá ann, an neamhfhreastal ar stadanna áirithe agus an freastal ar stadanna breise ar sheirbhísí tráthrialta atá ann, rialófar an t-eagrúchán sin de réir na rialacha céanna leis na rialacha is infheidhme maidir leis na seirbhísí tráthrialta atá ann.

5.   I gcomhréir leis na rialacha is infheidhme maidir le hiomaíocht, féadfaidh Páirtí Conarthach nó Ballstát de chuid an Aontais Eorpaigh a chinneadh, ar bhonn cás ar chás, gan idirdhealú, go mbeidh seirbhísí tráthrialta idirnáisiúnta agus seirbhísí tráthrialta speisialta do phaisinéirí de bhóthar a bhfuil áit tionscnaimh agus ceann scríbe na seirbhíse sin ar a gcríoch, go mbeidh na seirbhísí sin faoi réir socruithe comhpháirtíochta idir oibreoirí atá bunaithe sa Pháirtí Conarthach nó i mBallstát de chuid an Aontais Eorpaigh ina mbeidh tionscnamh agus ceann scríbe na seirbhíse sin.

Maidir le hoibreoirí atá bunaithe sna Páirtithe Conarthacha nó i mBallstáit an Aontais Eorpaigh a dtrasnaíonn an tseirbhís iad ar bhealach na seirbhíse agus i gcás ina mbailítear paisinéirí agus a scaoiltear amach iad, beidh sé de cheart ag na hoibreoirí sin páirt a ghlacadh sna comhpháirtíochtaí sin, má chinneann siad amhlaidh.

Na Páirtithe Conarthacha agus na Ballstáit den Aontas Eorpach lena mbaineann, cuirfidh siad ar an eolas an Comhchoiste a bunaíodh in Airteagal 18 den Phrótacal seo faoi aon chinneadh den chineál sin a rinneadh agus na réasúnuithe a bhaineann leo.

6.   I gcomhréir leis na rialacha is infheidhme maidir le hiomaíocht, féadfaidh oibreoirí, ar bhonn deonach, teacht le chéile i gcomhpháirtíochtaí chun seirbhísí tráthrialta nó seirbhísí tráthrialta speisialta a chur i gcrích. Féadfaidh na hoibreoirí seo a leanas a bheith rannpháirteach sna comhpháirtíochtaí sin:

1.   Is é údarás inniúil an Pháirtí Conarthaigh a eiseoidh údaruithe le haghaidh seirbhísí tráthrialta idirnáisiúnta agus seirbhísí tráthrialta speisialta do phaisinéirí, an Páirtí Conarthach a bhfuil an t-oibreoir iompair bunaithe ina gcríoch (dá ngairtear ‘údarás um údarú’ anseo feasta).

2.   I gcás oibreora atá bunaithe san Aontas Eorpach, is é an t-údarás um údarú a bheidh ina údarás inniúil sa Bhallstát tionscnaimh nó sa cheann scríbe.

3.   I gcás grúpa oibreoirí a bhfuil sé beartaithe acu seirbhísí tráthrialta idirnáisiúnta nó seirbhísí tráthrialta speisialta a oibriú agus i gcás comhpháirtíochta idir gnóthais (oibreoirí) ó dhá Pháirtí Chonarthacha ar a laghad a mbailítear paisinéirí agus a scaoiltear amach iad ar a gcríoch, is é an t-údarás um údarú a bheidh ina údarás inniúil a bhfuil an t-iarratas dírithe air i gcomhréir leis an dara fomhír d'Airteagal 9(1).

4.   Is in ainm an iompróra a eiseofar na húdaruithe agus beidh siad neamh-inaistrithe. Féadfaidh oibreoir a bhfuil údarú faighte aige, áfach, le toiliú an údaráis um údarú, an tseirbhís a oibriú trí fhochonraitheoir, má tá a leithéid i gcomhréir le dlí an Pháirtí Chonarthaigh. Sa chás sin déanfar ainm an fhochonraitheora sin agus a ról a chur in iúl san údarú. Comhlíonfaidh an fochonraitheoir na coinníollacha dá dtagraítear in Airteagail 1, 4, 5 agus, maidir le forálacha sóisialta, in Airteagal 7, agus in Iarscríbhinní 1 agus 2 freisin.

I gcás grúpa oibreoirí a bhfuil sé beartaithe acu seirbhísí tráthrialta idirnáisiúnta nó seirbhísí tráthrialta speisialta a oibriú, eiseofar an t-údarú in ainmneacha na ngnóthas uile sa ghrúpa agus luafar leis ainmneacha uile na n-oibreoirí. Tabharfar é don ghnóthas a d'iarr é, gnóthas a bhfuil na hoibreoirí eile curtha ar a iontaoibh chun na gcríoch sin, agus tabharfar cóipeanna dílse deimhnithe do na gnóthais eile.

I gcás comhpháirtíochta, eiseofar bunchóipeanna an údaraithe do gach gnóthas comhpháirtíochta, agus luafar ainm gach gnóthas san údarú.

I gcásanna ina bhfuil seirbhísí tráthrialta idirnáisiúnta nó seirbhísí tráthrialta speisialta curtha i gcrích ag grúpa nó comhpháirtíocht, mar a thagraítear sa dara agus sa tríú fomhír, fágfar faoi rogha na n-oibreoirí iad féin an cinneadh maidir leis an bhforoinnt iarbhír ar fheidhmíocht tráchta idir na hoibreoirí rannpháirteacha.

5.   Ní rachaidh tréimhse bhailíochta an údaraithe thar 5 bliana. Féadfar é a shocrú le haghaidh téarma níos giorra ar iarratas a fháil ón iarratasóir nó le toiliú frithpháirteach údaráis inniúla stáit na bPáirtithe Conarthacha a mbailítear paisinéirí agus a scaoiltear amach iad ar a gcríocha.

6.   Sonrófar an méid a leanas leis na húdaruithe:

7.   Beidh na húdaruithe i gcomhréir leis an tsamhail a leagtar amach in Iarscríbhinn 4.

8.   Faoi réir Airteagal 1(2), tabharfaidh údaruithe teideal dá sealbhóir nó dá sealbhóirí seirbhísí tráthrialta idirnáisiúnta agus/nó seirbhísí tráthrialta speisialta a oibriú i gcríocha na bPáirtithe Conarthacha uile a rachaidh bealaí na seirbhíse tríothu.

9.   Féadfaidh oibreoir seirbhíse tráthrialta nó seirbhíse tráthrialta speisialta feithiclí breise a úsáid chun déileáil le himthosca sealadacha agus eisceachtúla. Ní fhéadfar na feithiclí breise sin a úsáid ach faoi na coinníollacha céanna arna leagan amach san údarú dá dtagraítear i mír 6.

Sa chás sin, chomh maith leis na doiciméid dá dtagraítear in Airteagal 15, áiritheoidh an t-oibreoir go n-iomprófar san fheithicil cóip den chonradh idir oibreoir na seirbhíse tráthrialta idirnáisiúnta nó na seirbhísí tráthrialta speisialta agus an gnóthas a sholáthraíonn na feithiclí breise nó doiciméad coibhéiseach, agus go dtabharfar é don oifigeach cigireachta údaraithe arna iarraidh sin dó.

1.   Cuirfidh an t-oibreoir iarratais ar údarú do sheirbhísí tráthrialta idirnáisiúnta agus seirbhísí tráthrialta speisialta faoi bhráid a údaráis inniúil um údarú.

Ní chuirfear isteach ach aon iarratas amháin le haghaidh gach seirbhís. Sna cásanna dá dtagraítear in Airteagal 8(3), is é an t-oibreoir ar cuireadh na hoibreoirí eile ar a iontaoibh chun na gcríoch sin a chuirfidh isteach é.

Díreofar an t-iarratas ar an údarás um údarú de chuid an Pháirtí Chonarthaigh ina bhfuil an t-oibreoir atá á chur isteach bunaithe.

2.   Cuirfear isteach iarratais ar údarú ar bhonn na samhla a leagtar amach in Iarscríbhinn 3.

3.   Cuirfidh na daoine atá ag déanamh iarratais ar údarú aon fhaisnéis bhreise a mheasann siad a bheith ábhartha nó aon fhaisnéis a iarrfaidh an t-údarás um údarú orthu, go háirithe na doiciméid a liostaítear in Iarscríbhinn 3.

1.   Eiseofar údaruithe le comhaontú na n-údarás inniúla sna Páirtithe Conarthacha uile a mbailítear paisinéirí agus a scaoiltear amach iad ina gcríocha. Cuirfidh an t-údarás um údarú ar aghaidh chuig na húdaráis inniúla sin, agus chuig údaráis inniúla na bPáirtithe Conarthacha a dtrasnaítear a gcríocha gan paisinéirí a bhailiú ná scaoileadh amach, cóip den iarratas maille le cóipeanna d'aon doiciméadacht ábhartha eile agus an measúnú a rinneadh.

Maidir leis an Aontas Eorpach, is iad na húdaráis inniúla dá dtagraítear sa chéad fhomhír údaráis inniúla na mBallstát ina mbailítear paisinéirí nó ina scaoiltear amach iad ina gcríocha agus a dtrasnaítear a gcríocha gan paisinéirí a bhailiú ná a scaoileadh amach.

2.   Cuirfidh údaráis inniúla na bPáirtithe Conarthacha ar iarradh orthu teacht ar chomhaontú a gcinneadh maidir leis an iarratas in iúl don údarás um údarú laistigh de 4 mhí. Ríomhfar an teorainn ama sin ó dháta fhála an iarratais ar chomhaontú, dáta atá ar taispeáint san admháil go bhfuarthas an t-iarratas. Más cinneadh diúltach an cinneadh a gheofar ó údaráis inniúla an Pháirtí Chonarthaigh ar iarradh a gcomhaontú orthu, beidh ráiteas cuí ar na cúiseanna ann. Mura mbeidh freagra faighte ag an údarás um údarú laistigh de 4 mhí, measfar comhaontú a bheith faighte ó na húdaráis inniúla a ndeachthas i gcomhairle leo agus féadfaidh an t-údarás um údarú an t-údarú a dheonú.

Údaráis inniúla na bPáirtithe Conarthacha a dtrasnaítear a gcríocha gan paisinéirí a bhailiú ná a scaoileadh amach, féadfaidh siad an t-údarás um údarú a chur ar an eolas maidir lena mbarúlacha laistigh den teorainn ama a leagfar síos sa chéad fhomhír.

3.   Déanfaidh an t-údarás um údarú cinneadh maidir leis an iarratas tráth nach déanaí ná 6 mhí ón dáta a gcuirfidh an t-iompróir an t-iarratas faoina bhráid (5).

4.   Deonófar údarú ach amháin sna cásanna seo a leanas:

Má tá seirbhís idirnáisiúnta cóiste agus bus atá ann cheana ag déanamh difear tromchúiseach d'inmharthanacht seirbhíse inchomparáide a chumhdaítear le conradh seirbhíse poiblí amháin nó níos mó ná sin a chomhlíonann dlí an Pháirtí Chonarthaigh maidir leis na stiallacha díreacha de bhóthar lena mbaineann, de bharr cúiseanna eisceachtúla nach bhféadfaí coinne a bheith leo nuair a deonaíodh an t-údarú, féadfaidh Páirtí Conarthach, le comhaontú na bPáirtithe Conarthacha eile dá dtagraítear in Airteagal 10(1), an t-údarú chun seirbhís idirnáisiúnta cóiste agus bus a reáchtáil a chur ar fionraí nó a tharraingt siar i ndiaidh fógra 6 mhí a thabhairt don iompróir.

Má tá na praghsanna a bheidh á dtairiscint ag iompróir níos ísle ná na praghsanna a mbeidh á dtairiscint ag iompróirí eile de bhóthar nó má tá an nasc atá i gceist á oibriú cheana ag iompróirí eile de bhóthar, ní údar an méid sin ann féin leis an iarratas a dhiúltú.

5.   Ní fhéadfaidh an t-údarás um údarú agus na húdaráis inniúla sna Páirtithe Conarthacha uile a bhaineann leis an nós imeachta chun teacht ar chomhaontú dá bhforáiltear i mír 1 iarratais a dhiúltú ach amháin ar bhonn na gcúiseanna dá bhforáiltear sa Phrótacal seo.

6.   Tar éis an nós imeachta a leagtar síos i míreanna 1 go 5 a chur i gcrích, deonóidh an t-údarás um údarú an t-údarú nó diúltóidh sé an t-iarratas go foirmiúil.

I gcinntí lena ndiúltaítear d'iarratas, luafar na cúiseanna ar a bhfuil siad bunaithe. Áiritheoidh na Páirtithe Conarthacha go dtabharfar an deis do ghnóthais iompair uiríll a dhéanamh i gcás go ndiúltófar dá n-iarratas.

Cuirfidh an t-údarás um údarú a chinneadh in iúl do na húdaráis inniúla uile dá dtagraítear i mír 1, trí chóip d'aon údarú a sheoladh chucu.

1.   Beidh feidhm ag Airteagal 10, mutatis mutandis, maidir le hiarratas ar athnuachan nó ar athrú ar na coinníollacha faoina gcaithfear na seirbhísí atá faoi réir údaraithe a chur i gcrích.

2.   I gcás ina ndéanfar mionathrú ar na dálaí oibríochta, go háirithe coigeartú ar eatraimh, ar tháillí agus ar thráthchláir, ní bheidh ar an údarás um údarú ach faisnéis maidir leis an athrú a thabhairt do na Páirtithe Conarthacha eile lena mbaineann. Ní mheasfar gur mionathrú é na tráthchláir nó na heatraimh a athrú ar bhealach a dhéanfaidh difear d'uainiú rialuithe ag na teorainneacha idir na Páirtithe Conarthacha nó ag teorainneacha tríú tír.

3.   Féadfaidh na Páirtithe Conarthacha lena mbaineann a chomhaontú gurb é an t-údarás um údarú amháin a chinnfidh athruithe ar na coinníollacha faoina mbeidh seirbhís á hoibriú.

1.   Rachaidh údarú le haghaidh seirbhíse tráthrialta idirnáisiúnta agus seirbhíse tráthrialta speisialta i léig ag deireadh a thréimhse bailíochta nó 3 mhí tar éis don údarás um údarú fógra a fháil ón sealbhóir go bhfuil sé beartaithe aige nó aici an tseirbhís a tharraingt siar. Áireofar ráiteas cuí ar chúiseanna i bhfógra den chineál sin.

2.   Nuair nach bhfuil éileamh ann níos mó ar sheirbhís, beidh tréimhse aon mhí amháin i gceist leis an bhfógra dá bhforáiltear i mír 1.

3.   Cuirfidh an t-údarás um údarú in iúl do na húdaráis inniúla sna Páirtithe Conarthacha eile lena mbaineann go bhfuil an t-údarú imithe i léig.

4.   Tabharfaidh sealbhóir an údaraithe fógra d'úsáideoirí na seirbhíse lena mbaineann faoina tarraingt siar aon mhí amháin roimh ré trí mheán poiblíochta iomchuí.

1.   Ach amháin i gcás force majeure, seolfaidh oibreoir seirbhíse tráthrialta idirnáisiúnta nó seirbhíse tráthrialta speisialta an tseirbhís gan mhoill agus, go dtí go dtéann an t-údarú in éag, glacfaidh an t-oibreoir na bearta uile is gá lena ráthú go mbeidh seirbhís iompair ann a chomhlíonfaidh na caighdeáin a bhaineann le leanúnachas, le tráthrialtacht agus le hacmhainn agus go gcomhlíonfaidh an tseirbhís na coinníollacha a leagtar síos in Airteagal 8(6).

2.   Cuirfidh an t-iompróir ar taispeáint bealach na seirbhíse, na stadanna bus, an tráthchlár, na táillí agus na coinníollacha iompair ar bhealach a áiritheoidh go mbeidh an fhaisnéis sin ar fáil go héasca do na húsáideoirí uile.

3.   Beidh na Páirtithe Conarthacha lena mbaineann in ann athruithe a dhéanamh ar na dálaí oibríochta lena rialaítear seirbhís tráthrialta idirnáisiúnta nó seirbhís tráthrialta speisialta, trí chomhaontú comhchoiteann agus i gcomhaontú le sealbhóir an údaraithe.

1.   Gan dochar d'Airteagal 8(9), coinneofar ar an gcóiste nó ar an mbus an t-údarú nó cóip dhílis dheimhnithe de chun seirbhísí tráthrialta idirnáisiúnta nó seirbhísí tráthrialta speisialta a chur i gcrích maille le ceadúnas oibreora an oibreora nó cóip dhílis dheimhnithe de le haghaidh iompar idirnáisiúnta paisinéirí de bhóthar dá bhforáiltear i gcomhréir le reachtaíocht náisiúnta nó reachtaíocht an Aontais Eorpaigh agus tabharfar na doiciméid sin don oifigeach cigireachta údaraithe arna n-iarraidh sin dó.

2.   Gan dochar do mhír 1 agus d’Airteagal 8(9), i gcás seirbhíse tráthrialta speisialta, an conradh idir an t-eagraí agus an t-oibreoir iompair nó cóip de chomh maith le doiciméad lena bhfianaítear gur catagóir shonrach atá sna paisinéirí, d'eisiamh paisinéirí eile chun críocha seirbhíse tráthrialta speisialta, feidhmeoidh na doiciméid sin mar dhoiciméid rialuithe, coinneofar san fheithicil iad agus tabharfar iad don oifigeach cigireachta údaraithe arna n-iarraidh sin dó.

1.   Tabharfar an Prótacal seo i gcrích go ceann tréimhse 5 bliana ón dáta a dtiocfaidh sé i bhfeidhm.

2.   Déanfar ré an Phrótacail seo a fhadú go huathoibríoch go ceann tréimhsí comhleanúnacha 5 bliana le haghaidh na bPáirtithe Conarthacha sin nach gcuireann a mian in iúl gan déanamh amhlaidh. Sa chás sin, tabharfaidh an Páirtí Conarthach lena mbaineann fógra d’Ardrúnaíocht Chomhairle an Aontais Eorpaigh, a ghníomhóidh mar Thaiscí an Phrótacail seo (an ‘Taiscí’), go bhfuil sé ar intinn aige é a shéanadh i gcomhréir le hAirteagal 31 de Chomhaontú Interbus.

3.   Roimh dheireadh gach tréimhse 5 bliana, déanfaidh an Comhchoiste dá dtagraítear in Airteagal 18 den Phrótacal seo meastóireacht ar fheidhmiú an Phrótacail seo, maille le meastóireacht ar Chomhaontú Interbus é féin, más féidir.

1.   Beidh feidhm ag forálacha Airteagail 25, 27, 28, 31 agus 34 de Chomhaontú Interbus mutatis mutandis maidir leis an bPrótacal seo, faoi réir na gcoigeartuithe seo a leanas:

2.   Cuirfear forálacha an Phrótacail seo in ionad forálacha ábhartha sin na gcomhaontuithe déthaobhacha a tugadh i gcrích idir na Páirtithe Conarthacha agus idir Páirtithe Conarthacha agus Ballstáit an Aontais Eorpaigh.

D'ainneoin Airteagal 25 de Chomhaontú Interbus, féadfaidh forálacha ábhartha comhaontuithe déthaobhacha atá ann cheana idir na Páirtithe Conarthacha agus idir na Páirtithe Conarthacha agus Ballstáit an Aontas Eorpaigh a choinneáil ar bun ar feadh tréimhse 5 bliana dá dtagraítear in Airteagal 8(5) den Phrótacal seo arna ríomh ó theacht i bhfeidhm an Phrótacail le haghaidh na bPáirtithe Conarthacha lena mbaineann.

1.   Chun bainistiú an Phrótacail seo a éascú, leis seo bunófar Comhchoiste. Beidh an Coiste sin comhdhéanta d'ionaduithe na bPáirtithe Conarthacha.

2.   Beidh feidhm mutatis mutandis ag Airteagail 23 agus 24 de Chomhaontú Interbus.

1.   Cuirfear an Comhchoiste dá dtagraítear in Airteagal 18 ar an eolas faoi aon iarraidh a dhéanfaidh Páirtí Conarthach nó aon tríú Stát chun bheith ina chomhalta den Aontas Eorpach.

2.   Cuirfidh an tAontas Eorpach na Páirtithe Conarthacha ar an eolas faoi aon aontachas Páirtí Chonarthaigh don Aontas.

3.   Páirtí Conarthach sa Phrótacal seo a d'aontaigh don Aontas Eorpach, caithfear leis mar Bhallstát den Aontas Eorpach seachas mar Pháirtí Conarthach ar leith sa Phrótacal seo ó dháta an aontachais sin.

4.   Scrúdóidh na Páirtithe Conarthacha tionchar aontachais den chineál sin ar an bPrótacal seo i gcomhthéacs an Chomhchoiste. Cinnfidh an Comhchoiste aon choigeartú is gá nó beartais idirthréimhseacha ina leith sin.

1.   Beidh an Prótacal seo ar oscailt lena shíniú sa Bhruiséil ag an Taiscí, ar feadh tréimhse 2 bhliain ag tosú ón dáta a ghlacfar Cinneadh (AE) 2020/1705 (6) ón gComhairle maidir le síniú an Phrótacail seo thar ceann an Aontais Eorpaigh. Cuirfidh an Taiscí an dáta sin in iúl do na Páirtithe Conarthacha uile in am trátha.

2.   Ní féidir ach Páirtithe Conarthacha i gComhaontú Interbus an Prótacal seo a shíniú agus a dhaingniú. Taiscfear ionstraimí formheasa nó daingniúcháin leis an Taiscí agus cuirfidh an Taiscí in iúl do na Páirtithe Conarthacha i gcás ina ndéanfar sin.