This document is an excerpt from the EUR-Lex website
Document 32006R2037R(01)
2037/2006/KE: Rettifika għar-Regolament tal-Kummissjoni (KE) Nru 2037/2006 tal- 21 ta' Diċembru 2006 li jiffissa l-valuri standard li għandhom jintużaw għall-kalkolu tal-kumpens finanzjarju u l-ħlas bil-quddiem li għandu x'jaqsam miegħu fir-rigward tal-prodotti tas-sajd irtirati mis-suq tul is-sena tas-sajd 2007 ( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )
2037/2006/KE: Rettifika għar-Regolament tal-Kummissjoni (KE) Nru 2037/2006 tal- 21 ta' Diċembru 2006 li jiffissa l-valuri standard li għandhom jintużaw għall-kalkolu tal-kumpens finanzjarju u l-ħlas bil-quddiem li għandu x'jaqsam miegħu fir-rigward tal-prodotti tas-sajd irtirati mis-suq tul is-sena tas-sajd 2007 ( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )
DO L 84M de 31.3.2009, p. 613–615
(MT)
ELI: http://data.europa.eu/eli/reg/2006/2037/corrigendum/2009-03-31/oj
|
31.3.2009 |
MT |
Il-Ġurnal Uffiċjali tal-Unjoni Ewropea |
L NaN/613 |
Rettifika għar-Regolament tal-Kummissjoni (KE) Nru 2037/2006 tal-21 ta' Diċembru 2006 li jiffissa l-valuri standard li għandhom jintużaw għall-kalkolu tal-kumpens finanzjarju u l-ħlas bil-quddiem li għandu x'jaqsam miegħu fir-rigward tal-prodotti tas-sajd irtirati mis-suq tul is-sena tas-sajd 2007
( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )
Ir-Regolament tal-Kummissjoni (KE) Nru 2037/2006 għandu jaqra:
REGOLAMENT TAL-KUMMISSJONI (KE) Nru 2037/2006
tal-21 ta' Diċembru 2006
li jiffissa l-valuri standard li għandhom jintużaw għall-kalkolu tal-kumpens finanzjarju u l-ħlas bil-quddiem li għandu x'jaqsam miegħu fir-rigward tal-prodotti tas-sajd irtirati mis-suq tul is-sena tas-sajd 2007
IL-KUMMISSJONI TAL-KOMUNITAJIET EWROPEJ,
Wara li kkunsidrat t-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 104/2000 tas-17 ta' Diċembru 1999 dwar l-organizzazzjoni komuni tas-swieq fil-prodotti tas-sajd u l-akkwakultura (1), u b'mod partikolari l-Artikolu 21(5) u (8) tiegħu,
Billi:
|
(1) |
Ir-Regolament (KE) Nru 104/2000 jipprovdi biex jitħallas kumpens finanzjarju lill-organizzazzjonijiet ta' produtturi li jirtiraw taħt ċerti kondizzjonijiet, il-prodotti elenkati fl-Anness I punti (A) u (B) ta' dak ir-Regolament. L-ammont ta' kumpens finanzjarju bħal dan għandu jkun imnaqqas bil-valuri standard fil-każ tal-prodotti maħsuba għal skopijiet għajr dak tal-konsum mill-bniedem. |
|
(2) |
Ir-Regolament tal-Kummissjoni (KE) Nru 2493/2001 tad-19 ta' Diċembru 2001 dwar it-tneħħija ta' ċerti prodotti tas-sajd li jkunu ġew irtirati mis-suq (2) jispeċifika l-modi ta' tneħħija tal-prodotti rtirati mis-suq. Il-valur ta’ dawn il-prodotti għandu jkun iffissat fuq livell standard għal kull wieħed minn dawn il-modi ta’ tneħħija, billi jitqies id-dħul medju li jista’ jinkiseb minn din it-tneħħija fl-Istati Membri varji. |
|
(3) |
Skont l-Artikolu 7 tar-Regolament tal-Kummissjoni (KE) Nru 2509/2000 tal-15 ta' Novembru 2000 li jippreskrivi regoli dettaljati għall-applikazzjoni tar-Regolament tal-Kunsill (KE) Nru 104/2000 dwar kumpens finanzjarju għall-irtirar ta' ċerti prodotti tas-sajd (3), ir-regoli speċjali jipprovdu illi, meta organizzazzjoni ta' produtturi jew wieħed mill-membri tagħha tqiegħed il-prodotti tagħha għall-bejgħ fi Stat Membru li ma jkunx il-pajjiż li fih tkun irrikonoxxuta, dak il-korp responsabbli għall-għoti tal-kumpens finanzjarju jrid ikun infurmat. Dan il-korp huwa dak fl-Istat Membru li fih l-organizzazzjoni ta' produtturi tkun irrikonoxxuta. Il-valur standard li jista' jitnaqqas għandu għalhekk ikun il-valur applikat f'dak l-Istat Membru. |
|
(4) |
L-istess metodu ta' kalkolu għandu jkun applikat għall-ħlasijiet bil-quddiem fuq kumpens finanzjarju kif jipprovdi għalih l-Artiklu 6 tar-Regolament (KE) Nru 2509/2000. |
|
(5) |
Il-miżuri li hemm provvediment dwarhom f'dan ir-Regolament huma konformi mal-opinjoni tal-Kumitat ta' Ġestjoni għall-Prodotti tas-Sajd. |
ADOTTAT DAN IR-REGOLAMENT:
Artikolu 1
Għas-sena tas-sajd 2007, il-valuri standard li jridu jintużaw biex jiġu kkalkulati l-kumpens finanzjarju u l-ħlasijiet bil-quddiem marbuta miegħu fuq il-prodotti tas-sajd irtirati mis-suq minn organizzazzjonijiet ta' produtturi u maħsuba għal skopijiet għajr dak tal-konsum mill-bniedem, kif jirreferi għalihom l-Artikolu 21(5) tar-Regolament (KE) Nru 104/2000 huma mniżżla fl-Anness ta' dan ir-Regolament.
Artikolu 2
Il-valur standard li jrid jitnaqqas mill-kumpens finanzjarju u l-ħlasijiet bil-quddiem marbuta miegħu għandu jkun dak applikat fl-Istat Membru li fih l-organizzazzjoni ta' produtturi tkun irrikonoxxuta.
Artikolu 3
Dan ir-Regolament għandu jidħol fis-seħħ l-għada tal-pubblikazzjoni tiegħu f’Il-Ġurnal Ufficjali tal-Unjoni Ewropea.
Dan għandu japplika mill-1 ta' Jannar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 21 ta' Diċembru 2006.
Għall-Kummissjoni
Joe BORG
Membru tal-Kummissjoni
ANNESS
Valuri standard
|
L-użu ta' prodotti rtirati mis-suq |
euro/t |
||
| 1. Użu wara l-ipproċessar f’għalf tal-annimali. |
|||
| (a) Aringi tal-ispeċi Clupea harengus u kavalli tal-ispeċi Scomber scombrus u Scomber japonicus: |
|||
|
60 |
||
|
50 |
||
|
17 |
||
|
2 |
||
| (b) Gambli tal-ispeċi Crangon crangon u gambli tal-fond (Pandalus borealis) |
|||
|
0 |
||
|
10 |
||
| (c) Prodotti oħrajn: |
|||
|
40 |
||
|
17 |
||
|
28 |
||
|
1 |
||
| 2. Użu frisk jew preżervat (għalf tal-annimali). |
|||
| (a) Sardin tal-ispeċi Sardina pilchardus u inċova (Engraulis spp.): |
|||
|
8 |
||
| (b) Prodotti oħrajn: |
|||
|
0 |
||
|
30 |
||
|
30 |
||
| 3. Użu bħala lixka: |
|||
|
45 |
||
|
20 |
||
|
0 |
||
(1) ĠU L 17, 21.1.2000, p. 22. Ir-Regolament kif emendat l-aħħar bl-Att tal-Adeżjoni tal-2003.
(2) ĠU L 337, 20.12.2001, p. 20.
(3) ĠU L 289, 16.11.2000, p. 11.