This document is an excerpt from the EUR-Lex website
Document 32007R0146R(01)
146/2007/KE: Rettifika għar-Regolament tal-Kummissjoni (KE) Nru 146/2007 tal- 15 ta' Frar 2007 li jemenda r-Regolament tal-Kummissjoni (KEE) Nru 3440/84 fir-rigward tal-kundizzjonijiet għal ċerti xbieki tat-tkarkir għal bastimenti li jħaddmu sistemi ta’ ppumpjar abbord ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
146/2007/KE: Rettifika għar-Regolament tal-Kummissjoni (KE) Nru 146/2007 tal- 15 ta' Frar 2007 li jemenda r-Regolament tal-Kummissjoni (KEE) Nru 3440/84 fir-rigward tal-kundizzjonijiet għal ċerti xbieki tat-tkarkir għal bastimenti li jħaddmu sistemi ta’ ppumpjar abbord ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
OJ L 71M, 17.3.2009, p. 537–537
(MT)
ELI: http://data.europa.eu/eli/reg/2007/146/corrigendum/2009-03-17/oj
|
17.3.2009 |
MT |
Il-Ġurnal Uffiċjali tal-Unjoni Ewropea |
L NaN/537 |
Rettifika għar-Regolament tal-Kummissjoni (KE) Nru 146/2007 tal-15 ta' Frar 2007 li jemenda r-Regolament tal-Kummissjoni (KEE) Nru 3440/84 fir-rigward tal-kundizzjonijiet għal ċerti xbieki tat-tkarkir għal bastimenti li jħaddmu sistemi ta’ ppumpjar abbord
( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
Ir-Regolament tal-Kummissjoni (KE) Nru 146/2007 għandu jaqra:
REGOLAMENT TAL-KUMMISSJONI (KE) Nru 146/2007
tal-15 ta' Frar 2007
li jemenda r-Regolament tal-Kummissjoni (KEE) Nru 3440/84 fir-rigward tal-kundizzjonijiet għal ċerti xbieki tat-tkarkir għal bastimenti li jħaddmu sistemi ta’ ppumpjar abbord
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 850/98 tat-30 ta' Marzu 1998 dwar il-konservazzjoni ta’ riżorsi tas-sajd permezz ta’ miżuri tekniċi għall-protezzjoni ta’ żgħar ta’ organiżmi tal-baħar (1), u b'mod partikolari l-Artikolu 48 tiegħu,
Billi:
|
(1) |
Ir-Regolament tal-Kummissjoni (KEE) Nru 3440/84 (2), jistabbilixxi regoli ddettaljati dwar it-twaħħil ta' mekkaniżmu ma' gangmi, xbieki Daniżi u xbieki simili. |
|
(2) |
Sabiex tiġi żgurata s-sikurezza tal-ekwipaġġi, fl-2007 għandhom jiġu implimentati miżuri supplimentari, li ma jaffettwawx is-selettività, fuq il-kundizzjonjiet tekniċi fir-rigward ta' bastimenti li jħaddmu sistemi ta' ppumpjar abbord. |
|
(3) |
Għaldaqstant, ir-Regolament (KEE) Nru 3440/84 għandu jiġi emendat skont dan. |
|
(4) |
Il-miżuri pprovduti f'dan ir-Regolament huma skont l-opinjoni tal-Kumitat għas-Sajd u l-Akkwakultura, |
ADOTTAT DAN IR-REGOLAMENT:
Artikolu 1
Fl-Artikolu 8 tar-Regolament tal-Kummissjoni (KEE) Nru 3440/84 għandu jiżdied il-paragrafu 4 li ġej:
“4. B'deroga mid-dispożizzjonijiet stabbiliti fil-paragrafu 2, il-bastimenti li jħaddmu sistemi ta' ppumpjar abbord għandhom jitħallew iwaħħlu kalament f'distanza ta' mhux iktar minn 10 m. mill-malji ta' wara tal-manka, meta s-sajd isir bix-xbieki tat-tkarkir fejn id-daqs tal-malji jkun inqas minn 70 mm.”
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 15 ta' Frar 2007.
Għall-Kummissjoni
Joe BORG
Membru tal-Kummissjoni
(1) ĠU L 125, 27.4.1998, p. 1. Ir-Regolament kif emendat l-aħħar bir-Regolament (KE) Nru 2166/2005 (ĠU L 345, 28.12.2005, p. 5).
(2) ĠU L 318, 7.12.1984, p. 23, kif emendat l-aħħar bir-Regolament (KEE) Nru 2122/89 ĠU L 203, 15.7.1989, p. 21.