This document is an excerpt from the EUR-Lex website
Document 32007L0020R(01)
2007/20/KE: Rettifika għad-Direttiva tal-Kummissjoni (KE) Nru 2007/20 tat- 3 ta’ April 2007 li temenda d-Direttiva 98/8/KE tal-Parlament Ewropew u tal-Kunsill biex tinkludi d-dichlofluanid bħala sustanza attiva fl-Anness I għaliha ( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )
2007/20/KE: Rettifika għad-Direttiva tal-Kummissjoni (KE) Nru 2007/20 tat- 3 ta’ April 2007 li temenda d-Direttiva 98/8/KE tal-Parlament Ewropew u tal-Kunsill biex tinkludi d-dichlofluanid bħala sustanza attiva fl-Anness I għaliha ( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )
OJ L 84M, 31.3.2009, p. 626–628
(MT)
ELI: http://data.europa.eu/eli/dir/2007/20/corrigendum/2009-03-31/oj
|
31.3.2009 |
MT |
Il-Ġurnal Uffiċjali tal-Unjoni Ewropea |
L NaN/626 |
Rettifika għad-Direttiva tal-Kummissjoni (KE) Nru 2007/20 tat-3 ta’ April 2007 li temenda d-Direttiva 98/8/KE tal-Parlament Ewropew u tal-Kunsill biex tinkludi d- dichlofluanid bħala sustanza attiva fl-Anness I għaliha
( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )
Id-Direttiva tal-Kummissjoni (KE) Nru 2007/20 għandha taqra:
DIRETTIVA TAL-KUMMISSJONI (KE) Nru 2007/20
tat-3 ta’ April 2007
li temenda d-Direttiva 98/8/KE tal-Parlament Ewropew u tal-Kunsill biex tinkludi d- dichlofluanid bħala sustanza attiva fl-Anness I għaliha
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva 98/8/KE tal-Parlament Ewropew u tal-Kunsill tas-16 ta’ Frar 1998 dwar it-tqegħid fis-suq ta’ prodotti bijoċidali (1), u b’mod partikolari it-tieni paragrafu tal-Artikolu 16(2) tagħha,
Billi:
|
(1) |
Ir-Regolament tal-Kummissjoni (KE) Nru 2032/2003 tal-4 ta’ Novembru 2003 dwar it-tieni fażi tal-programm ta’ ħidma ta’ għaxar snin imsemmi fl-Artikolu 16(2) tad-Direttiva 98/8/KE tal-Parlament Ewropew u tal-Kunsill dwar it-tqegħid fis-suq ta' prodotti bijoċidiali, u li jemenda r-Regolament (KE) Nru 1896/2000 (2) jistabbilixxi lista ta’ sustanzi attivi li għandhom jiġu evalwati bil-għan li possibbilment ikunu inklużi fl-Annessi I, IA jew IB tad-Direttiva 98/8/KE. Din il-lista tinkludi d-dichlofluanid. |
|
(2) |
Skont ir-Regolament (KE) Nru 2032/2003, il-dichlofluanid ġie evalwat skont l-Artikolu 11(2) tad-Direttiva 98/8/KE għall-użu fil-prodott tat-tip 8, preservattivi tal-injam, kif iddefinit fl-Anness V għad-Direttiva 98/8/KE. |
|
(3) |
Skont l-Artikolu 5(2) tar-Regolament (KE) Nru 2032/2003, ir-Renju Unit ġie nnominat bħala l-Istat Membru Rapporteur. Ir-Renju Unit ressaq ir-rapport tal-awtorità kompetenti, flimkien ma’ rakkomandazzjoni, lill-Kummissjoni fid-13 ta’ Settembru 2005 skont l-Artikolu 10(5) u (7) ta’ dak ir-Regolament. |
|
(4) |
Ir-rapport tal-awtorità kompetenti ġie analizzat mill-Istati Membri u l-Kummissjoni. Skont l-Artikolu 11(4) tar-Regolament (KE) Nru 2032/2003, ir-riżultati tal-analiżi ġew inkorporati, fi ħdan il-Kumitat Permanenti dwar il-Prodotti Bijoċidali fit-28 ta' Novembru 2006, f’rapport ta’ evalwazzjoni. |
|
(5) |
L-analiżi tad-dichlofluanid ma kixfet l-ebda kwistjoni jew tħassib mhux solvuti li għandhom jiġu indirizzati mill-Kumitat Xjentifiku dwar ir-Riskji għas-Saħħa u l-Ambjent (SCHER). |
|
(6) |
Mill-eżaminazzjonijiet varji li twettqu jidher li wieħed jista’ jistenna li l-prodotti bijoċidali użati bħala preservattivi tal-injam u li fihom id-dichlofluanid jissodisfaw ir-rekwiżiti stipolati fl-Artikolu 5 tad-Direttiva 98/8/KE, b’mod partikolari fir-rigward tal-użi li kienu eżaminati u ddetaljati fir-rapport ta’ evalwazzjoni. Għalhekk huwa xieraq li d-dichlofluanid jiġi inkluż fl-Anness I tad-Direttiva 98/8/KE, sabiex ikun żgurat li fl-Istati Membri kollha l-awtorizzazzjonijiet għall-prodotti bijoċidali użati bħala preservattivi tal-injam u li fihom id-dichlofluanid jistgħu jingħataw, jiġu mmodifikati jew ikkanċellati skont l-Artikolu 16(3) tad-Direttiva 98/8/KE. |
|
(7) |
Huwa importanti li d-dispożizzjonijiet ta’ din id-Direttiva għandhom ikunu applikati b’mod simultanju fl-Istati Membri kollha sabiex jiġi żgurat trattament ugwali tal-prodotti bijoċidali fis-suq li fihom is-sustanza attiva dichlofluanid u wkoll biex jiffaċilitaw l-operat kif suppost tas-suq tal-prodotti bijoċidali b'mod ġenerali. |
|
(8) |
Fid-dawl tar-riżultati tar-rapport ta’ evalwazzjoni, huwa f'loku li, l-prodotti li huma awtorizzati għall-użu industrijali jridu jintużaw b'tagħmir ta' protezzjoni personali adatt u li jiġu provduti struzzjonijiet biex jindikaw li injam trattat, wara t-trattament irid jinħażen f'post b'bażi impermeabbli biex il-prodott ma jispiċċax fil-ħamrija u dak li jaqa' żejjed irid jinġabar u jerġa' jintużaw jew jintrema, skont l-Artikolu 10(2)(i)(d) tad-Direttiva 98/8/KE. |
|
(9) |
Għandu jitħalla jgħaddi perjodu raġonevoli qabel ma sustanza attiva tiġi inkluża fl-Anness I tad-Direttiva 98/8/KE sabiex jippermetti lill-Istati Membri u lill-partijiet interessati jippreparaw ruħhom biex jissodisfaw ir-rekwiżiti l-ġodda involuti u jiżgura li l-applikanti li ppreparaw id-dokumentazzjoni jistgħu jibbenefikaw bis-sħiħ mill-perjodu ta’ għaxar snin ta’ protezzjoni tad-data, li skont l-Artikolu 12(1)(c)(ii) tad-Direttiva 98/8/KE jibda mid-data tal-inklużjoni. |
|
(10) |
Wara l-inklużjoni, l-Istati Membri għandhom jingħataw perjodu raġonevoli biex jimplimentaw l-Artikolu 16(3) tad-Direttiva 98/8/KE u b’mod partikolari, biex jagħtu, jimmodifikaw jew jikkanċellaw l-awtorizzazzjonijiet tal-prodotti bijoċidali fil-prodotti tat-tip 8 li fihom id-dichlofluanid biex jiżguraw li dawn jikkonformaw mad-Direttiva 98/8/KE. |
|
(11) |
Id-Direttiva 98/8/KE għalhekk għandha tiġi emendata skont dan. |
|
(12) |
Il-miżuri stipulati f’din id-Direttiva huma f’konformità mal-opinjoni tal-Kumitat Permanenti dwar il-Prodotti Bijoċidali, |
ADOTTAT DIN ID-DIRETTIVA:
Artikolu 1
L-Anness I għad-Direttiva 98/8/KE huwa emendat skont l-Anness għal din id-Direttiva.
Artikolu 2
1. L-Istati Membri għandhom jadottaw u jippubblikaw mhux iktar tard mid-29 ta' Frar 2008 il-liġijiet, ir-regolamenti u d-disposizzjonijiet amministrattivi meħtieġa sabiex jikkonformaw ma' din id-Direttiva. Huma għandhom jikkomunikaw minnufih lill-Kummissjoni t-test ta’ dawk id-dispożizzjonijiet u t-tabella ta’ korrelazzjoni bejn dawk id-dispożizzjonijiet u din id-Direttiva.
Huma għandhom japplikaw dawn id-dispożizzjonijiet mill-1 ta' Marzu 2009.
Meta l-Istati Membri jadottaw dawk id-dispożizzjonijiet, dawn għandhom jinkludu referenza għal din id-Direttiva jew jinkludu din ir-referenza meta jippubblikawhom b'mod uffiċjali. L-Istati Membri għandhom jistabbilixxu kif għandha ssir din ir-referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, 3 ta’ April 2007.
Għall-Kummissjoni
Stavros DIMAS
Membru tal-Kummissjoni
ANNESS
Ir-reġistrazzjoni [it-tabella diġà teżisti fl-Anness] “Nru 2” għandha tiżdied fit-tabella fl-ANNESS II għad-Direttiva 98/8/KE
|
No |
Isem Komuni |
Isem IUPAC Numri ta’ Identifikazzjoni |
Purezza minima tas-sustanza attiva fil-prodott bijoċidali kif imqiegħed fis-suq |
Data tal-inklużjoni |
Skadenza sa meta għandu jkun hemm konformità mal-Artikolu 16(3) (ħlief għall-prodotti li fihom iktar minn sustanza attiva waħda, li għalihom l-iskadenza sa meta għandhom jikkonformaw mal-Artikolu 16(3) għandha tkun dik stipulata fl-aħħar deċiżjoni minn dawk dwar l-inklużjoni marbuta mas-sustanzi attivi tagħha) |
Data ta’ skadenza tal-inklużjoni |
Tip ta’ prodott |
Dispożizzjonijiet speċifiċi (3) |
||||||
|
“2 |
dichlofluanid |
N-(Dichlorofluoromethylthio)-N',N'-dimethyl-N-phenylsulfamide Nru tal-KE: 214-118-7 Nru CAS: 1085-98-9 |
> 96 % w/w |
l-1 ta' Marzu 2009 |
28 ta' Frar 2011 |
28 ta' Frar 2019 |
8 |
L-Istati Membri għandhom jiżguraw li l-awtorizzazzjonijiet ikunu suġġetti għall-kundizzjonijiet li ġejjin:
|
(1) ĠU L 123, 24.4.1998, p. 1. Id-Direttiva kif l-aħħar emendata bid-Direttiva tal-Kummissjoni 2006/50/KE (ĠU L 142, 30.5.2006, p. 6).
(2) ĠU L 307, 24.11.2003, p. 1. Ir-Regolament kif emendat l-aħħar bir-Regolament (KE) Nru 1849/2006 (ĠU L 355, 15.12.2006, p. 63).
(3) For the implementation of the common principles of Annex VI, the content and conclusions of assessment reports are available on the Commission website: http://ec.europa.eu/comm/environment/biocides/index.htm”