(1)

Ikun tajjeb li ċ-ċittadini tal-Istati Membri, inklużi l-vjaġġaturi u l-utenti b'diżabbiltà, ikunu jistgħu jilħqu ċerti servizzi li għandhom valur soċjali billi fl-Istati Membri kollha jużaw l-istess numri li jintgħarfu. Fil-preżent, fl-Istati Membri hemm għadd ta’ skemi diverġenti ta’ numri u ta’ kif tikkomponi n-numri tat-telefown, u l-ebda skema komuni tan-numri mhija qed titħaddem biex tirriserva l-istess numri tat-telefown għal dawn is-servizzi fil-Komunità. Għaldaqstant jeħtieġ li jkun hemm azzjoni Komunitarja għal dak il-għan.

(2)

L-armonizzazzjni tar-riżorsi tan-numri tat-telefown hija meħtieġa biex l-utenti aħħarin ikun jistgħu jaċċessaw dawn is-servizzi, mogħtija fi Stati Membri differenti, bl-użu tal-istess numru. Il-kombinazzjoni “l-istess numru — l-istess servizz” sejra tiżgura li servizz speċifiku, jingħata f'liema Stat Membru jingħata, dejjem ikun assoċjat ma' numru speċifiku fil-Komunità. Lis-servizz dan sejjer jagħtih identità pan-Ewropea, għall-benefiċċju taċ-ċittadini Ewropej, li se jkunu jafu li jekk jikkomponu l-istess numru tat-telefown ikollhom aċċess għall-istess tip ta’ servizz fl-Istati Membri differenti. Din il-miżura sejra tinkoraġġixxi l-iżvilupp tas-servizzi pan-Ewropej.

(3)

Biex jirriflettu l-funzjoni soċjali tan-numri kkonċernati, in-numri armonizzati għandhom ikun numri tat-telefown bla ħlas, mingħajr ma dan ifisser li l-operaturi jkunu obbligati joperaw telefonati għan-numri 116 bi spiża tagħhom. In-natura bla ħlas tan-numri tat-telefown għaldaqstant hija parti essenzjali mill-armonizzazzjoni li qed titwettaq.

(4)

Jeħtieġ li jsiru kundizzjonijiet, marbuta mill-qrib mal-kontroll tan-natura tas-servizz li jingħata, biex jiżguraw li n-numri armonizzati jintużaw għall-provvista tat-tip partikolari ta’ servizz kopert bid-Deċiżjoni.

(5)

Jista’ jkun neċessarju li kundizzjonijiet speċifiċi jkunu stipulati dwar id-dritt tal-użu għal numru armonizzat speċifiku, pereżempju li s-servizz assoċjat għandu jingħata 24 siegħa kuljum u sebat ijiem fil-ġimgħa.

(6)

Skont id-Direttiva Kwadru, l-awtoritajiet regolatorji nazzjonali huma responsabbli għall-ġestjoni tal-pjanijiet nazzjonali dwar in-numri tat-telefown kif ukoll għall-kontroll tal-allokazzjoni ta’ riżorsi nazzjonali tan-numri tat-telefown għal impriżi speċifiċi. Skont l-Artikolu 6 u l-Artikolu 10 tad-Direttiva 2002/20/KE tal-Parlament Ewropew u tal-Kunsill tas-7 ta’ Marzu 2002 dwar l-awtorizzazzjoni ta' netwerks u servizzi ta' komunikazzjonijiet elettroniċi (“Direttiva ta' Awtorizzazzjoni”) (2), l-użu ta’ numri jista’ jkun assoċjat ma’ kundizzjonijiet u jistgħu jkunu applikati penalitajiet jekk dawn il-kundizzjonijiet ma jitħarsux.

(7)

Il-lista ta’ numri speċifiċi fil-firxa ta’ numri li jibdew b’“116” għandha tkun aġġornata regolarment skont il-proċedura fl-Artikolu 22(3) tad-Direttiva Kwadru. L-Istati Membri jippubblikaw l-eżistenza ta’ numri ta’ dan it-tip b’mod li jkun aċċessibbli għall-partijiet intressati kollha, pereżempju permezz tas-siti tal-internet tagħhom.

(8)

Il-Kummissjoni sejra tikkunsidra rieżami jew aktar adattament ta’ din id-Deċiżjoni fid-dawl tal-esperjenza miksuba, abbażi tar-rapporti pprovduti lill-Kummissjoni mill-Istati Membri, b’mod partikolari dwar jekk servizz speċifiku li għalih ikun ġie rriservat numru jkun żviluppa fuq bażi pan-Ewropea.

(9)

Il-miżuri provduti f'din id-Deċiżjoni huma skont l-opinjoni tal-Kumitat dwar il-Komunikazzjoni,

a)

in-numri elenkati fl-Anness jintużaw biss għal servizzi li għalihom ikunu ġew irriservati;

b)

ma jintużawx n-numri fi ħdan il-firxa ta’ numri “116” li mhumiex elenkati fl-Anness;

c)

in-numru 116112la jkun allokat u lanqas jintuża għal kwalunkwe servizz.

a)

Il-fornituri tas-servizz jipprovdi liċ-ċittadini informazzjoni, jew assistenza, jew għodda ta' rappurtar, jew xi kombinazzjoni ta' dawn;

b)

Is-servizz ikun miftuħ għaċ-ċittadini kollha bla ebda rekwiżit ta' reġistrazzjoni minn qabel;

c)

Is-servizz ma jkunx limitat biż-żmien;

d)

Ma jkun hemm l-ebda ħlas, jew impenn ta' ħlas, bħala prerekwiżit għall-użu tas-servizz;

e)

L-attivitajiet li ġejjin huma esklużi waqt telefonata: reklamar, divertiment, kumerċjalizzazzjoni u bejgħ, l-użu tat-telefonata għall-bejgħ ta' servizzi kummerċjali fil-futur.