EUR-Lex Access to European Union law
This document is an excerpt from the EUR-Lex website
Document 32007D0090R(01)
2007/90/KE: Rettifika għad-Deċiżjoni tal-Kummissjoni tat- 12 ta' Frar 2007 li temenda d-Deċiżjoni tal-Kummissjoni 2005/513/KE tal- 11 ta' Lulju 2005 dwar l-użu armonizzat tal-ispettru tar-radju fil-medda ta' frekwenza tal-5 GHz għall-implimentazzjoni tas-Sistemi ta' Aċċess Bla Wajers inklużi n-Netwerks tar-Radju għaż-Żona Lokali (WAS/RLANs) ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
2007/90/KE: Rettifika għad-Deċiżjoni tal-Kummissjoni tat- 12 ta' Frar 2007 li temenda d-Deċiżjoni tal-Kummissjoni 2005/513/KE tal- 11 ta' Lulju 2005 dwar l-użu armonizzat tal-ispettru tar-radju fil-medda ta' frekwenza tal-5 GHz għall-implimentazzjoni tas-Sistemi ta' Aċċess Bla Wajers inklużi n-Netwerks tar-Radju għaż-Żona Lokali (WAS/RLANs) ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
OJ L 71M, 17.3.2009, p. 534–534
(MT)
ELI: http://data.europa.eu/eli/dec/2007/90(1)/corrigendum/2009-03-17/oj
|
17.3.2009 |
MT |
Il-Ġurnal Uffiċjali tal-Unjoni Ewropea |
L NaN/534 |
Rettifika għad-Deċiżjoni tal-Kummissjoni tat-12 ta' Frar 2007 li temenda d-Deċiżjoni tal-Kummissjoni 2005/513/KE tal-11 ta' Lulju 2005 dwar l-użu armonizzat tal-ispettru tar-radju fil-medda ta' frekwenza tal-5 GHz għall-implimentazzjoni tas-Sistemi ta' Aċċess Bla Wajers inklużi n-Netwerks tar-Radju għaż-Żona Lokali (WAS/RLANs)
( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
Id-Deċiżjoni tal-Kummissjoni 2007/90/KE għandha taqra:
DEĊIŻJONI TAL-KUMMISSJONI
tat-12 ta' Frar 2007
li temenda d-Deċiżjoni tal-Kummissjoni 2005/513/KE tal-11 ta' Lulju 2005 dwar l-użu armonizzat tal-ispettru tar-radju fil-medda ta' frekwenza tal-5 GHz għall-implimentazzjoni tas-Sistemi ta' Aċċess Bla Wajers inklużi n-Netwerks tar-Radju għaż-Żona Lokali (WAS/RLANs)
(notifikata bid-dokument C(2007) 269)
(Test b'rilevanza għaż-ŻEE)
(2007/90/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Parlament Ewropew u tal-Kunsill Nru 676/2002/KE tas-7 ta’ Marzu 2002 dwar qafas regolatorju għall-politika dwar l-ispettru tar-radju fil-Komunità Ewropea (id-Deċiżjoni dwar l-Ispettru tar-Radju) (1), u partikolarment l-Artikolu 4(3) tagħha,
Billi:
|
(1) |
Wara l-adozzjoni tad-Deċiżjoni tal-Kummissjoni 2005/513/KE tal-11 ta' Lulju 2005 dwar l-użu armonizzat tal-ispettru tar-radju fil-medda ta' frekwenza tal-5 GHz għall-implimentazzjoni tas-Sistemi ta' Aċċess Bla Wajers inklużi n-Netwerks tar-Radju għaż-Żona Lokali (WAS/RLANs) (2) investigazzjonijiet ulterjuri tal-parametri tekniċi ddefiniti f'din id-Deċiżjoni wrew li l-medja massima e.i.r.p. tal-limiti tad-densità fil-meded 5 150-5 250 MHz u 5 250-5 350 MHz tista' tiġi espressa b'mod li jiffaċilita sostanzjalment l-ittestjar tat-tagħmir skont l-ispeċifikazzjonijiet tad-Deċiżjoni tal-11 ta' Lulju 2005. Il-formula l-ġdida tal-parametri tekniċi għalhekk għandha tħaffef l-addozzjoni ta' dawn is-sistemi fl-UE. |
|
(2) |
Kemm l-ETSI u kemm is-CEPT ikkonfermaw li l-emenda ta' dawn il-parametri tekniċi ma tbiddilx il-protezzjoni vis à vis is-servizzi l-oħra li għandha l-istess spettru bħal WAS/RLANs u li żżomm b'mod partikulari l-interferenza sħiħa mill-RLANs li topera fil-medda tal-frekwenza 5 150-5 350 MHz għal livell baxx biżżejjed sabiex l-interferenza fil-komunikazzjoni satellitari tiġi evitata. |
|
(3) |
L-Istandard Armonizzat għat-tagħmir RLAN bl-użu ta' meded 5 GHz li ġie adottat mill-Istitut Ewropew tal-Istandards tat-Telekommunikazzjoni (ETSI) bin-numru EN 301 893 jikkunsidra din is-simplifikazzjoni tal-parametri tekniċi. |
|
(4) |
Il-miżuri pprovduti f'din id-Deċiżjoni huma skont l-opinjoni tal-Kumitat dwar l-Ispettru tar-Radju. |
ADOTTAT DIN ID-DEĊIŻJONI:
Artikolu 1
L-Artikolu 4(1) tad-Deċiżjoni 2005/513/KE għandu jinbidel b'dan li ġej:
“Artikolu 4
1. Fil-medda tal-frekwenza 5 150-5 350 MHz, WAS/RLANs għandu jkun limitat għall-użu ta' ġewwa biss b'medja massima e.i.r.p. ta' 200 Mw. Barra minn hekk, fil-medda ta' 5 150-5 350 MHz il-medja massima tad-densità e.i.r.p. għandha tkun limitata għal 10 mW/MHz fi kwalunkwe medda ta' 1 MHz.”
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, 12 ta' Frar 2007.
Għall-Kummissjoni
Viviane REDING
Membru tal-Kummissjoni
(1) ĠU L 108, 24.4.2002, p. 1.
(2) ĠU L 187, 19.7.2005, p. 22.