(1)

Ir-Regolament tal-Kummissjoni (KE) Nru 1301/2006 tal-31 ta’ Awissu 2006 li jistabbilixxi regoli komuni għall-amministrazzjoni tal-kwoti tariffarji ta’ importazzjoni għall-prodotti agrikoli ġestiti minn sistema ta’ liċenzji ta’ importazzjoni (3) japplika għal-liċenzji ta’ importazzjoni għall-perjodi tal-kwota tariffarja ta’ importazzjoni li jibdew mill-1 ta’ Jannar 2007.

(2)

Fis-settur taċ-ċereali u tar-ross, ir-Regolament tal-Kummissjoni (KE) Nru 1342/2003 (4) jistabbilixxi iktar regoli jew jidderoga mir-Regolament tal-Kummissjoni (KE) Nru 1291/2000 tad-9 ta' Ġunju 2000 li jistabbilixxi regoli dettaljati komuni għall-applikazzjoni tas-sistema tal-liċenzji tal-importazzjoni u tal-esportazzjoni u ta' ċertifikati ta' ffissar bil-quddiem għal prodotti agrikoli (5), li huma differenti mir-regoli stabbiliti bir-Regolament (KE) Nru 1301/2006. Fl-interess ta' leġibilità aħjar u ta' simplifikazzjoni għall-operaturi ekonomiċi, huwa xieraq li jiġi adattat ir-Regolament (KE) Nru 1342/2003 biex jitqiesu d-dispożizzjonijiet tar-Regolament (KE) Nru 1301/2006 u biex jiġi ppreċiżat li r-Regolamenti (KE) Nru 1291/2000 u (KE) Nru 1301/2006 japplikaw għall-kwota tariffarja ta' importazzjoni msemmija fir-Regolament (KE) Nru 1342/2003, ħlief jekk dan ir-Regolament preżenti jipprovdi mod ieħor.

(3)

Għandu jiġi indikat ukoll liema dispożizzjonijiet jew derogi speċifiċi japplikaw fil-każ tal-kwoti tariffarji ta' importazzjoni ġestiti taħt sistema ta' liċenzja ta' importazzjoni, u liema proċeduri ta' ġestjoni u amministrazzjoni japplikaw. Ikun xieraq ukoll li jiġu ddeterminati l-kundizzjonijijiet speċifiċi applikabbli għat-trażmissjoni tal-applikazzjonijiet mill-operaturi lill-Kummissjoni, il-perjodu tal-validità tal-liċenzji ta' importazzjoni maħruġa, in-natura mhux trasferibbli tal-liċenzji u d-data tal-ħruġ għal-liċenzji ta' importazzjoni, li għandhom jikkorrispondu għad-data stipulata fl-Artikolu 23(2) tar-Regolament (KE) Nru 1291/2000.

(4)

Dawn ir-regoli għandhom japplikaw mill-1 ta' Jannar 2007, id-data li fiha jibdew japplikaw il-miżuri stipulati fir-Regolament (KE) Nru 1301/2006.

(5)

Il-miżuri pprovduti f’dan ir-Regolament huma skont l-opinjoni tal-Kumitat għall-Ġestjoni taċ-Ċereali,

1)

Fl-Artikolu 1, għandu jiġi miżjud is-sottoparagrafu li ġej:

“Id-dispożizzjonijiet tar-Regolamenti tal-Kummissjoni (KE) Nru 1291/2000 u Nru 1301/2006 (6) għandhom japplikaw, ħlief meta dan ir-Regolament jipprovdi mod ieħor.

2)

L-Artikolu 6 huwa emendat kif ġej:

3)

Fl-Artikolu 16 il-paragrafu 2 għandu jinbidel b'dan li ġej:

“2.   Rigward il-liċenzji ta' importazzjoni minbarra dwak intiżi għall-amministrazzjoni tal-kwoti tariffarji ta' importazzjoni u rregolati bir-Regolament (KE) Nru 1301/2006, l-Istati Membri għandhom jikkomunikaw kull jum lill-Kummissjoni, permezz tal-email biss, b'formoli imqiegħda għad-disponibbiltà tagħhom mill-Kummissjoni u taħt il-kundizzjonijiet imniżżla fis-sistema tal-informatika implimentata mill-Kummissjoni, il-kwantitajiet totali koperti mil-liċenzji, skont l-oriġini u l-kodiċi tal-prodott, u għall-qamħ komuni, skont il-kategorija ta' kwalità. L-oriġini għandha tiġi indikata wkoll fil-komunikazzjonijiet dwar il-liċenzji ta' importazzjoni tar-ross.”

4)

Fl-Anness I, il-kolonna “Perjodu ta' validità” hija emendata kif ġej: