This document is an excerpt from the EUR-Lex website
Document 32006R1805R(01)
1805/2006/KE: Rettifika għar-Regolament tal-Kummissjoni (KE) Nru 1805/2006 tas- 7 ta' Diċembru 2006 li jemenda l-Anness I tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tat-thiamphenicol, tal-fenvalerate u tal-meloxicam ( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
1805/2006/KE: Rettifika għar-Regolament tal-Kummissjoni (KE) Nru 1805/2006 tas- 7 ta' Diċembru 2006 li jemenda l-Anness I tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tat-thiamphenicol, tal-fenvalerate u tal-meloxicam ( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
OJ L 76M, 24.3.2009, p. 442–444
(MT)
ELI: http://data.europa.eu/eli/reg/2006/1805/corrigendum/2009-03-24/oj
|
24.3.2009 |
MT |
Il-Ġurnal Uffiċjali tal-Unjoni Ewropea |
L NaN/442 |
Rettifika għar-Regolament tal-Kummissjoni (KE) Nru 1805/2006 tas-7 ta' Diċembru 2006 li jemenda l-Anness I tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tat-thiamphenicol, tal-fenvalerate u tal-meloxicam
( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
Ir-Regolament tal-Kummissjoni (KE) Nru 1805/2006 għandu jaqra:
REGOLAMENT TAL-KUMMISSJONI (KE) Nru 1805/2006
tas-7 ta' Diċembru 2006
li jemenda l-Anness I tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għal iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali, fir-rigward tat-thiamphenicol, tal-fenvalerate u tal-meloxicam
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2377/90 tas-26 ta' Ġunju 1990 li jistabbilixxi proċedura tal-Komunità għall-iffissar ta’ limiti massimi ta’ residwi ta’ prodotti mediċinali veterinarji fi prodotti tal-ikel ta’ oriġini mill-annimali (1) u b'mod partikulari l-Artikolu 2 tiegħu.
Wara li kkunsidrat l-opinjonijiet tal-Aġenzija Ewropea tal-Mediċini fformulati mill-Kumitat għall-Prodotti Mediċinali għall-Użu Veterinarju,
Billi:
|
(1) |
Is-sustanzi farmakoloġikament attivi kollha użati fil-Komunità fil-prodotti mediċinali veterinarji maħsuba għall-annimali mrobbija għall-ikel għandhom ikunu vvalutati skont ir-Regolament (KEE) Nru 2377/90. |
|
(2) |
Is-sustanza thiamphenicol hija inkluza fl-Anness I tar-Regolament (KEE) Nru 2377/90 għall-ispeċi bovina għall-muskoli, ix-xaħam, il-fwied, il-kliewi u l-ħalib kif ukoll għat-tiġieġ għall-muskoli, il-ġilda u x-xaħam, il-fwied u l-kliewi, minbarra annimali li jipproduċu l-bajd għall-konsum mill-bniedem. It-thiamphenicol huwa inkluż ukoll fl-Anness III ta' dak ir-Regolament għall-ispeċi tal-porċini għall-muskoli, il-ġilda u x-xaħam, il-fwied u l-kliewi. Wara l-eżaminazzjoni tal-informazzjoni provduta mill-applikant għat-twaqqif ta' limiti massimi ta residwu finali għall-thiamphenicol fl-ispeċi tal-porċini, huwa kkunsidrat xieraq li tinbidel l-entrata għat-thiamphenicol fl-Anness I tar-Regolament (KEE) Nru 2377/90 għall-ispeċi kollha mrobbija għall-ikel għall-muskoli, ix-xaħam, il-fwied, il-kliewi u l-ħalib, minbarra l-annimali li jipproduċu l-bajd għall-konsum mill-bniedem. Il-limitu massimu ta' residwu għax-xaħam, il-fwied u l-kliewi m'għandux japplika għall-ħut bil-ġewnaħ. |
|
(3) |
Is-sustanza fenvalerate hija inkluża fl-Anness III tar-Regolament (KEE) Nru 2377/90 għall-bovini għall-muskoli, ix-xaħam, il-fwied u l-kliewi. Dawk il-limiti massimi ta' residwu provviżorji jiskadu fl-1 ta' Lulju 2006. Wara l-eżaminazzjoni tal-informazzjoni provduta mill-applikant għall-istabbiliment ta' limiti massimi ta residwu finali għall-fenvalerate fl-ispeċi tal-bovini, huwa kkunsidrat xieraq li l-fenvalerate ikun inkluż fl-Anness I tar-Regolament (KEE) Nru 2377/90 għall-ispeċi bovini għall-muskoli, xaħam, fwied, kliewi u ħalib. |
|
(4) |
Is-sustanza meloxican hija inkluża fl-Anness I tar-Regolament (KEE) Nru 2377/90 għall-ispeċi tal-bovini, tal-majjal u tal-ekwidi għall-muskoli, fwied u kliewi kif ukoll għall-ispeċi tal-bovini għall-ħalib. Wara l-eżaminazzjoni ta' applikazzjoni għat-twaqqif ta' limiti massimi ta residwu għall-meloxicam fl-ispeċi tal-fniek u tal-kaprini għall-ħalib, huwa kkunsidrat xieraq li tinbidel l-entrata tal-meloxicam f'dak l-Anness għall-ispeċi tal-fniek u tal-kaprini għall-muskoli, il-fwied u l-kliewi kif ukoll għall-ispeċi tal-kaprini għall-ħalib. |
|
(5) |
Ir-Regolament (KEE) Nru 2377/90 għandu għaldaqstant jiġi emendat skont dan. |
|
(6) |
Qabel ma jidħol fis-seħħ dan ir-Regolament għandu jingħata perjodu adegwat sabiex jippermetti lill-Istati Membri jagħmlu kwalunkwe aġġustament li jista' jkun neċessarju fid-dawl ta' dan ir-Regolament, fl-awtorizzazzjonijiet li ngħataw għat-tqegħid tal-prodotti mediċinali veterinarji kkonċernati fis-suq skont id-Direttiva 2001/82/KE tal-Parlament Ewropew u tal-Kunsill tas-6 ta' Novembru 2001 dwar il-kodiċi tal-Komunità rigward il-prodotti mediċinali veterinarji (2), biex jitqiesu d-dispożizzjonijiet ta' dan ir-Regolament. |
|
(7) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Prodotti Mediċinali Veterinarji, |
ADOTTAT DAN IR-REGOLAMENT:
Artikolu 1
L-Anness I tar-Regolament (KEE) Nru 2377/90 huwa emendat skont l-Anness ta' dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan għandu japplika mit-8 ta' Frar 2007.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 7 ta' Diċembru 2006.
Għall-Kummissjoni
Günter VERHEUGEN
Viċi-President
ANNESS
Is-sustanza li ġejja hi mdaħħla fl-Anness I tar-Regolament (KEE) Nru. 2377/90 (Lista ta' sustanzi farmakoloġikament attivi li għalihom ġew stabbiliti limiti massimi ta' residwu)
1. Aġenti ta' kontra l-infezzjoni
1.2. Antibijotiċi
1.2.5. Florfenicol u komposti relatati
|
Sustanza/sustanzi farmakoloġikament attivi |
Residwu markatur |
L-ispeċi tal-annimali |
MRLs |
Tessuti kkonċernati |
|
“Thiamphenicol |
Thiamphenicol |
Kull speċi mrobbija għall-ikel (3) |
50 μg/kg |
Muskoli (4) |
|
50 μg/kg |
Xaħam (5) |
|||
|
50 μg/kg |
Fwied |
|||
|
50 μg/kg |
Kliewi |
|||
|
50 μg/kg |
Ħalib’ |
2. Aġenti ta' kontra l-parassiti
2.2. Aġenti li jaġixxu kontra l-ektoparassiti
2.2.3. Pyrethroids
|
Sustanza/sustanzi farmakoloġikament attivi |
Residwu markatur |
L-ispeċi tal-annimali |
MRLs |
Tessuti kkonċernati |
|
“Fenvalerate |
Fenvalerate (is-somma tal-isomeri RR, SS, RS u SR) |
Bovini |
25 μg/kg |
Muskoli |
|
250 μg/kg |
Xaħam |
|||
|
25 μg/kg |
Fwied |
|||
|
25 μg/kg |
Kliewi |
|||
|
40 μg/kg |
Ħalib” |
4. Aġenti ta' kontra l-infjammazzjoni
4.1. Aġenti anti-infjammatorji mhux sterojdi
4.1.4. Derivattivi tal-oximcam
|
Sustanza/sustanzi farmakoloġikament attivi |
Residwu markatur |
L-ispeċi tal-annimali |
MRLs |
Tessuti kkonċernati |
|
“Meloxicam |
Meloxicam |
Porċini, ekwidi, fniek |
20 μg/kg |
Muskoli |
|
65 μg/kg |
Fwied |
|||
|
65 μg/kg |
Kliewi |
|||
|
Bovini, kaprini |
20 μg/kg |
Muskoli |
||
|
65 μg/kg |
Fwied |
|||
|
65 μg/kg |
Kliewi |
|||
|
15 μg/kg |
Ħalib” |
(1) ĠU L 224, 18.8.1990, p. 1. Ir-Regolament kif emendat l-aħħar mir-Regolament tal-Kummissjoni (KE) Nru 1729/2006 (ĠU L 325, 24.11.2006, p. 6).
(2) ĠU L 311, 28.11.2001, p. 1. Id-Direttiva kif emendata bid-Direttiva 2004/28/KE (ĠU L 136, 30.4.2004, p. 58).
(3) Mhux għall-użu f'annimali li minnhom jiġi prodott il-bajd għall-konsum mill-bniedem, MRLs għax-xaħam, fwied u kliewi ma japplikawx għall-ħut bil-ġewnaħ.
(4) Għall-ħut bil-ġewnaħ muskolu jirreferi għall-muskolu u l-ġilda fi proporzjonijiet naturali.
(5) Għall-ispeċi tal-majjali u tat-tjur din l-MRL għandha x’taqsam mal-ġilda u x-xaħam fi proporzjonijiet naturali.”