(1)

Skond l-Artikolu 3(1)(b) tar-Regolament tal-Kunsill (KE) Nru 1290/2005 tal-21 ta' Ġunju 2005 dwar l-iffinanzjar tal-politika agrikola komuni (2), l-interventi maħsuba għar-regolament tas-swieq agrikoli huma ffinanzjati mill-Fond Agrikolu Ewropew għall-Garanzija (FAEG).

(2)

L-Artikolu 4(1)(b) tar-Regolament tal-Kummissjoni (KE) Nru 884/2006 tal-21 ta' Ġunju 2006 li jistipula regoli dettaljati għall-applikazzjoni tar-Regolament tal-Kunsill Nru 1290/2005, għall-finanzjament mill-Fond Agrikolu Ewropew għall-Garanzija (FAEG) ta' miżuri ta' intervent fil-forma ta' ħażna pubblika u l-kontabbiltà tat-tranżazzjonijiet ta' ħażna pubblika mill-entitajiet ta' pagament ta' l-Istati Membri (3), jistipula li l-ispejjeż korrispondenti għall-fondi maħruġin mill-Istati Membri għax-xiri tal-prodotti għandhom jiġu ddeterminati skond il-metodi ta' kalkolu stabbiliti fl-Anness IV ta' dak ir-Regolament, abbażi ta' rata ta' l-imgħax uniformi għall-Komunità kollha.

(3)

Ir-rata ta' l-imgħax uniformi għall-Komunità tikkorrispondi għall-medja tar-rati Euribor fit-tul, fuq tliet xhur u fuq tnax-il xahar, irreġistrati matul is-sitt xhur ta' qabel in-notifika mill-Istati Membri pprovduta fil-punt I.2 ta' l-Anness IV tar-Regolament (KE) Nru 884/2006, b'koeffiċjent ta' terz u żewġ terzi rispettivament. Din ir-rata għandha tkun iffissata fil-bidu ta' kull sena tal-kontijiet tal-Fond Agrikolu Ewropew għall-Garanzija (FAEG).

(4)

Madankollu, jekk ir-rata ta' l-imgħax innotifikata minn Stat Membru tkun inqas mir-rata ta' l-imgħax uniformi ffissata għall-Komunità, għandha tiġi stipulata rata ta' l-imgħax speċifika għal dak l-Istat Membru, skond it-tieni subparagrafu tal-punt I.2 ta' l-Anness IV tar-Regolament (KE) Nru 884/2006. Barra minn hekk, fin-nuqqas ta' notifika, sa l-aħħar tas-sena tal-kontijiet, mingħand Stat Membru tar-rata medja ta' l-ispejjeż ta' l-imgħax tiegħu, il-Kummissjoni għandha tiffissa r-rata ta' l-imgħax għal dak l-Istat Membru fil-livell tar-rata uniformi stabbilita mill-Komunità.

(5)

Fid-dawl tan-notifiki ta' l-Istati Membri lill-Kummissjoni, ir-rati ta' l-imgħax applikabbli għas-sena tal-kontijiet 2007 tal-FAEG għandha tiġi ffissata b'qies għal dawn il-fatturi varji.

(6)

Il-miżuri pprovduti f'dan ir-Regolament huma skond l-opinjoni tal-Kumitat għall-Fondi Agrikoli,

(a)

2,1 % għar-rata ta' l-imgħax speċifika applikabbli fl-Iżvezja;

(b)

2,3 % għar-rata ta' l-imgħax speċifika applikabbli fir-Repubblika Ċeka;

(c)

2,7 % għar-rata ta' l-imgħax speċifika applikabbli fl-Irlanda;

(d)

2,8 % għar-rata ta' l-imgħax speċifika applikabbli fl-Awstrija, il-Finlandja u l-Portugall;

(e)

2,9 % għar-rata ta' l-imgħax speċifika applikabbli fil-Greċja u l-Italja;

(f)

3,0 % għar-rata ta' l-imgħax speċifika applikabbli fil-Litwanja;

(g)

3,2 % għar-rata ta' l-imgħax uniformi għall-Komunità, applikabbli f'dawn l-Istati Membri li għalihom ma ġietx iffissata rata ta' l-imgħax speċifika.