REGOLAMENT TAL-KUMMISSJONI (KE) Nru 1039/2006

tas-7 ta’ Lulju 2006

li jiftaħ sejħa permanenti għall-offerti għall-bejgħ mill-ġdid fis-suq Komunitarju ta' zokkor miżmum mill-aġenziji tal-intervent tal-Belġju, ir-Repubblika Ċeka, il-Ġermanja, Spanja, l-Irlanda, l-Italja, l-Ungerija, il-Polonja, is-Slovenja, is-Slovakkja u l-Iżvezja

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kummissjoni (KE) Nru 318/2006 tal-20 ta' Frar 2006 dwar l-organizzazzjoni komuni tas-suq fis-settur taz-zokkor (1), u b'mod partikolari l-Artikolu 40(2)(d) tiegħu,

Billi:

(1)	L-Artikolu 39(1) tar-Regolament tal-Kummissjoni (KE) Nru 952/2006 tad-29 ta' Ġunju 2006 dwar il-ġestjoni tas-suq intern taz-zokkor u s-sistema tal-kwota (2), jipprovdi li l-aġenziji ta' intervent jistgħu jbigħu z-zokkor biss wara deċiżjoni f'dak ir-rigward tkun ġiet adottata mill-Kummissjoni.

(2)	Il-Belġju, ir-Repubblika Ċeka, il-Ġermanja, Spanja, l-Irlanda, l-Italja, l-Ungerija, il-Polonja, is-Slovenja, is-Slovakka u l-Iżvezja għandhom ħażniet ta' intervent taz-zokkor. Sabiex jiġu indirizzati l-ħtiġijiet tas-suq, huwa xieraq li dawn il-ħażniet ikunu disponibbli fis-suq intern.

(3)	Sabiex titqies is-sitwazzjoni tas-suq tal-Komunità, il-Kummissjoni għandha tiffissa prezz minimu għall-bejgħ għal kull sejħa parzjali għall-offerti.

(4)	L-aġenziji ta' intervent tal-Belġju, ir-Repubblika Ċeka, il-Ġermanja, Spanja, l-Irlanda, l-Italja, l-Ungerija, il-Polonja, is-Slovenja, is-Slovakkja u l-Iżvezja għandhom jikkomunikaw l-offerti lill-Kummissjoni. L-offerenti għandhom jibqgħu anonimi.

(5)

It-tieni paragrafu tal-Artikolu 59 tar-Regolament (KE) Nru 952/2006 jipprovdi li r-Regolament tal-Kummissjoni (KE) Nru 1262/2001 tas-27 ta' Ġunju 2001 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1260/2001 xiri u bejgħ ta' zokkor mill-aġenziji ta' intervent (3) ikompli japplika għaz-zokkor aċċettat għall-intervent qabel l-10 ta' Frar 2006. Madanakollu, għall-bejgħ mill-ġdid taz-zokkor tal-intervent, din id-distinzjoni mhijiex neċessarja u jekk tiġi implimentata toħloq diffikultajiet amministrattivi għall-Istati Membri. Għaldaqstant, jixraq li l-applikazzjoni tar-Regolament (KE) Nru 1262/2001 tiġi eskluża mill-bejgħ mill-ġdid taz-zokkor ta’ intervent.

(6)	Il-miżuri stipulati f’dan ir-Regolament huma f’konformità mal-opinjoni tal-Kumitat ta’ Ġestjoni għaz-Zokkor,

ADOTTAT DAN IR-REGOLAMENT:

Artikolu 1

L-aġenziji ta' intervent tal-Belġju, ir-Repubblika Ċeka, il-Ġermanja, Spanja, l-Irlanda, l-Italja, l-Ungerija, il-Polonja, is-Slovenja, is-Slovakkja u l-Iżvezja għandhom joffru għall-bejgħ, permezz ta' sejħa permanenti għall-offerti fis-suq intern Komunitarju, kwantità totali ta' 1 370 636,672 tunnellata zokkor li ġie aċċettat għall-intervent u huwa disponibbli għall-bejgħ fis-suq intern. Il-kwantitajiet allokati lil kull Stat Membru huma stipulati fl-Anness I.

Artikolu 2

1.   Il-perjodu li fih jistgħu jitressqu s-sejħiet għall-offerti bħala tweġiba għall-ewwel sejħa għall-offerti parzjali għandu jibda fid-19 ta' Lulju 2006 u jintemm fis-26 ta’ Lulju 2006 fit-15.00, ħin ta’ Brussell.

Il-perjodi li fihom jistgħu jitressqu s-sejħiet għall-offerti bi tweġiba għat-tieni sejħa parzjali u għas-sejħiet parzjali sussegwenti għandhom jibdew fl-ewwel jum ta’ xogħol wara tmiem il-perjodu preċedenti. Dawn għandhom jintemmu fit-15.00, ħin ta’ Brussell:

—	fid-9 u t-30 ta' Awwissu 2006,

—	fit-13 u s-27 ta' Settembru 2006,

—	fl-4 u t-18 ta' Ottubru 2006,

—	fit-8 u t-22 ta' Novembru 2006,

—	fis-6 u l-20 ta' Diċembru 2006,

—	fl-10 u l-24 ta' Jannar2007,

—	fis-7 u fil-21 ta' Frar 2007,

—	fis-7 u t-28 ta' Marzu 2007,

—	fit-18 u l-25 ta' April 2007,

—	fid-9 u t-23 ta' Mejju 2007,

—	fit-13 u s-27 ta' Ġunju 2007,

—	fil-11 u t-18 ta' Lulju 2007,

—	fit-8 u d-29 ta' Awwissu 2007,

—	fit-12 u s-26 ta' Settembru 2007.

2.   L-offerti se jitressqu mal-aġenziji ta’ intervent li għandhom iz-zokkor kif stabbilit fl-Anness I.

Artikolu 3

L-aġenziji ta’ intervent ikkonċernati għandhom jikkomunikaw lill-Kummissjoni l-offerti li jkunu tressqu sa sagħtejn wara l-iskadenza għat-tressiq tal-offerti stipulata fl-Artikolu 2(1).

L-offerenti ma għandhomx ikunu identifikati.

L-offerti li ġew sottomessi għandhom jiġu kkomunikati b’ mezzi elettroniċi skont il-mudell stipolat fl-Anness II.

Jekk ma tintefa’ l-ebda offerta, l-Istat Membru għandu jikkomunika dwar dan lill-Kummissjoni fl-istess limitu ta’ żmien.

Artikolu 4

1.   Il-Kummissjoni għandha tiffissa l-prezz tal-bejgħ minimu għal kull Stat Membru kkonċernat, jew tiddeċiedi jekk għandhiex taċċetta l-offerti skont il-proċedura li tissemma fl-Artikolu 39(2) tar-Regolament (KE) Nru 318/2006.

2.   Meta jirriżulta li aġġudikazzjoni bi prezz minimu skont il-paragrafu 1 twassal li l-kwantità disponibbli tinqabeż għall-Istat Membru kkonċernat, dik l-aġġudikazzjoni għandha tkun illimitata għal kwantità bħal din li għadha disponibbli.

Meta l-aġġudikazzjonijiet għal Stat Membru tas-sejħiet kollha li joffru l-istess prezz jirriżultaw f’li l-kwantità tinqabeż, il-kwantità disponibbli għal dak l-Istat Membru għandha tiġi aġġudikata kif ġej:

(a)	permezz ta’ qsim fost l-offerenti kkonċernati proporzjonalment għall-kwantitajiet totali f’kull waħda mill-offerti tagħhom; jew

(b)	permezz ta’ tqassim fost l-offerenti kkonċernati b’referenza għat-tunnellaġġ massimu ffissat għal kull wieħed minnhom; jew

(ċ)	billi jittellgħu bix-xorti.

Artikolu 5

B'deroga mit-tieni paragrafu tal-Artikolu 59 tar-Regolament (KE) Nru 952/2006, dak ir-Regolament għandu japplika għall-bejgħ mill-ġdid, kif imsemmi fl-Artikolu 1 ta' dan ir-Regolament, taz-zokkor aċċettat għall-intervent qabel l-10 ta' Frar 2006.

Artikolu 6

Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

ANNESS I

L-Istati Membri li jżommu zokkor ta' intervent

L-Istat Membru	L-Aġenzija ta’ Intervent	Il-kwantitajiet miżmuma mill-aġenzija ta' intervent u li huma disponibbli għall-bejgħ fis-suq intern (f'tunnellati)
Il-Belġju	Bureau d’intervention et de restitution belge Rue de Trèves, 82 B-1040 Brussell Tel. (32-2) 287 24 11 Faks (32-2) 287 25 24	30 648,00
Ir-Repubblika Ċeka	Státní zemědělský intervenční fond Oddělení pro cukr a škrob Ve Smečkách 33 CZ-11000 Praha 1 Tel. (420) 222 87 14 27 Faks (420) 222 87 18 75	48 937,72
Il-Ġermanja	Bundesanstalt für Landwirtschaft und Ernährung Deichmanns Aue 29 D-53179 Bonn Tel. (49-228) 68 45-35 12/38 50 Faks (49-228) 68 45 36 24	17 500,00
Spanja	Fondo Español de Garantia Agraria C/Beneficencia, 8 E-28004 Madrid Tel. (34) 913 47 64 66 Fax (34) 913 47 63 97	110 800,00
L-Irlanda	Intervention Section On Farm Investment Subsidies & storage Division Department of Agriculture & Food Johnstown Castle Estate Wexford Tel. (353) 536 34 37 Faks (353) 914 28 43	12 000,00
L-Italja	AGEA — Agenzia per le erogazioni in Agricoltura Ufficio ammassi pubblici e privati e alcool Via Torino, 45 00184 Roma Tel. (39) 06 49 499 558 Faks (39) 06 49 499 761	636 648,70
L-Ungerija	Mezőgazdasági és Vidékfejlesztési Hivatal (MVH) (L-Aġenzija għall-Agrikoltura u l-Izvilupp Rurali) Soroksári út 22-24 HU-1095 Budapest Tel. 36/1/219-6213 Faks 36/1/219-8905 jew 36/1/219-6259	224 037,90
Il-Polonja	Agencja Rynku Rolnego Biuro Cukru Dział Dopłat i Interwencji Nowy Świat 6/12 00-400 Warszawa Tel +48 22 661 71 30 Faks +48 22 661 72 77	172 326,26
Is-Slovenja	Agencija RS za kmetijske trge in razvoj podeželja; Dunajska 160 1000 Ljubljana telefon: +386 1 580 77 92 Faks +386 1 478 920	9 700,00
Is-Slovakkja	Podohospodarska platobna agentura Oddelenie cukru a ostatných komodit Dobrovičova, 12 SK-815 26 Bratislava Tel. (421-2) 58 24 32 55 Faks: (421-2) 53 41 26 65	49 000,00
L-Iżvezja	Statens jordbruksverk Vallgatan 8 S-55182 Jönköping Tel. (46-36) 15 50 00 Faks (46-36) 19 05 46	59 038,00

ANNESS II

Mudell għall-komunikazzjoni lill-Kummissjoni kif imsemmi fl-Artikolu 3

Formola (4)

Sejħa permanenti għall-offerti għall-bejgħ mill-ġdid taz-zokkor miżmum mill-aġenziji ta' intervent

Ir-Regolament (KE) Nru 1039/2006

1	2	3	4	5
L-Istat Membru li qed ibigħ iz-zokkor ta' intervent	In-numerazzjoni tal-offerenti	In-Nru tal-lott	Il-kwantità (t)	Il-prezz tal-offerta EUR/100 kg
	1
	2
	3
	eċċ.