This document is an excerpt from the EUR-Lex website
Document 32006R0242R(01)
242/2006/KE: Rettifika għar-Regolament tal-Kummissjoni (KE) Nru 242/2006 tal- 10 ta' Frar 2006 li jikkonċerna l-klassifikazzjoni ta’ ċerti oġġetti fin-Nomenklatura Magħquda ( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
242/2006/KE: Rettifika għar-Regolament tal-Kummissjoni (KE) Nru 242/2006 tal- 10 ta' Frar 2006 li jikkonċerna l-klassifikazzjoni ta’ ċerti oġġetti fin-Nomenklatura Magħquda ( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
OJ L 76M, 24.3.2009, p. 162–163
(MT)
ELI: http://data.europa.eu/eli/reg/2006/242/corrigendum/2009-03-24/oj
|
24.3.2009 |
MT |
Il-Ġurnal Uffiċjali tal-Unjoni Ewropea |
L NaN/162 |
Rettifika għar-Regolament tal-Kummissjoni (KE) Nru 242/2006 tal-10 ta' Frar 2006 li jikkonċerna l-klassifikazzjoni ta’ ċerti oġġetti fin-Nomenklatura Magħquda
( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
Ir-Regolament tal-Kummissjoni (KE) Nru 242/2006 għandu jaqra:
REGOLAMENT TAL-KUMMISSJONI (KE) Nru 242/2006
tal-10 ta' Frar 2006
li jikkonċerna l-klassifikazzjoni ta’ ċerti oġġetti fin-Nomenklatura Magħquda
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta' Dwana (1), u partikularment l-Artikolu 9(1)(a) tiegħu,
Billi:
|
(1) |
Sabiex tiġi żgurata l-applikazzjoni uniformi tan-Nomenklatura Magħquda mehmuża mar-Regolament (KEE) Nru 2658/87, jeħtieġ li jiġu adottati miżuri li jikkonċernaw il-klassifikazzjoni tal-merkanzija msemmija fl-Anness għal dan ir-Regolament. |
|
(2) |
Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kull nomenklatura oħra li hija bbażata, totalment jew parzjalment fuq in-Nomenklatura Magħquda jew li żżid magħha kwalunkwe suddiviżjoni addizzjonali u li hija stabbilita permezz ta’ dispożizzjonijiet Komunitarji speċifiċi, bil-għan li jiġu applikati tariffi u miżuri oħrajn li għandhom x'jaqsmu mal-kummerċ tal-oġġetti. |
|
(3) |
B'konformità ma' dawk ir-regoli ġenerali, il-prodotti deskritti fil-kolonna 1 tat-tabella stabbilita fl-Anness għandha tiġi kklassifikata taħt il-kodiċi NM indikata fil-kolonna 2, minħabba r-raġunijiet stabbiliti fil-kolonna 3. |
|
(4) |
Huwa xieraq li jiġi stipulat li t-tagħrif tariffarju li jorbot u li jkun inħareġ mill-awtoritajiet doganali tal-Istati Membri fir-rigward tal-klassifikazzjoni tal-prodotti fin-Nomenklatura Magħquda imma li mhuwiex konformi mar-Regolament jista', għal perjodu ta' tliet xhur, ikompli jiġi invokat mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jwaqqaf il-Kodiċi Doganali tal-Komunità (2). |
|
(5) |
Il-miżuri pprovduti f'dan ir-Regolament huma f’konformità mal-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Il-prodotti deskritti fil-kolonna 1 tat-tabella stabbilita fl-Anness għandhom jiġu kklassifikati fi ħdan in-Nomenklatura Magħquda taħt il-kodiċi NM indikat fil-kolonna 2.
Artikolu 2
L-informazzjoni vinkolanti dwar it-tariffa maħruġa mill-awtoritajiet doganali tal-Istati Membri, li mhijiex skont dan ir-Regolament, tista' tibqa tiġi invokata għall-perjodu ta' tlett xhur skont l-Artikolu 12(6) tar-Regolament (KEE) Nru 2913/92.
Artikolu 3
Dan ir-Regolament għandu jidħol fis-seħħ fl-20 jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, fl-10 ta' Frar 2006.
Għall-Kummissjoni
László KOVÁCS
Membru tal-Kummissjoni
ANNESS
|
Id-deskrizzjoni tal-merkanzija |
Il-klassifikazzjoni (Il-kodiċi tan-NM) |
Ir-raġunijiet |
||||
|
(1) |
(2) |
(3) |
||||
|
Taħlita tal-ikel magħmula minn trab tal-kawkaw u zokkor (% bl-użin):
Il-prodott hu f’forma ta' kristalli li jagħtu fil-kannella. Jintuża u jinbiegħ bħala zokkor. |
1806 10 90 |
Il-klassifikazzjoni hija determinata mir-Regoli Ġenerali 1 sa 6 għall-interpretazzjoni tan-Nomenklatura Magħquda bin-Nota 2 tal-Kapitolu 18 kif ukoll bil-kliem tal-kodiċijiet tan-NM 1806, 1806 10 u 1806 10 90. Il-prodott ma jistax jiġi kklassifikat fil-Kapitolu 17 minħabba li l-kontenut tat-trab tal-kawkaw jista' jiġi skopert permezz ta' analiżi kimika. Il-prodott hu preparazzjoni tal-ikel li fih il-kawkaw (Nota 2 tal-Kapitolu 18). |
(1) ĠU L 256, 7.9.1987, p. 1. Ir-Regolament kif emendat l-aħħar bir-Regolament (KE) Nru 2175/2005 (ĠU L 347, 30.12.2005, p. 9).
(2) ĠU L 302, 19.10.1992, p. 1. Regolament kif emendat l-aħħar mir-Regolament (KE) Nru 648/2005 tal-Parlament Ewropew u tal-Kunsill (ĠU L 117, 4.5.2005, p. 13).