(1)

L-Artikolu 2(7) tad-Deċiżjoni tal-Kunsill 2000/597/KE, Euratom tad-29 ta’ Settembru 2000 dwar is-sistema tar-riżorsi proprji tal-Komunità (2) jistipula li l-prodott gross nazzjonali skond il-prezzijiet tas-suq (GNP) għandu jitqies bħala daqs id-dħul gross nazzjonali skond il-prezzijiet tas-suq (GNI) kif ipprovdut mill-Kummissjoni fl-applikazzjoni tas-Sistema Ewropea tal-Kontijiet (ESA). L-ESA ta’ l-1995 (ESA95), li ħadet post żewġ sistemi ta’ qabel ta’ l-1970 u l-1979 rispettivament, twaqqfet bir-Regolament tal-Kunsill (KE) 2223/96 tal-25 ta’ Ġunju 1996 dwar is-sistema Ewropea tal-kontijiet nazzjonali u reġjonali fil-Komunità (3), u kienet mniżżla fl-Anness tiegħu. Il-GNI, kif użat fl-ESA95, issostitwixxa l-GNP bħala kriterju għall-għanijiet ta' riżorsi proprji, b’effett mis-sena tal-baġit 2002.

(2)

Ir-Regolament tal-Kunsill (KE, Euratom) 1287/2003 jistipula l-proċeduri sabiex tintbagħat id-data tal-GNI mill-Istati Membri kif ukoll il-proċeduri u l-kontrolli fuq il-kalkolu tal-GNI, u jwaqqaf il-Kumitat tal-GNI.

(3)

Għall-għan tat-tifsira tad-dħul gross nazzjonali skond il-prezzijiet tas-suq (GNI) skond l-Artikolu 1 tar-Regolament (KE, Euratom) Nru 1287/2003, huwa meħtieġ li tiġi ċċarata d-definizzjoni ESA95 tat-territorju ekonomiku.

(4)

Għall-għan ta' implimentazzjoni ta’ l-Artikolu 1 tad-Direttiva tal-Kunsill 89/130/KEE, Euratom dwar l-armonizzazzjoni tal-kumpilazzjoni tal-prodott gross nazzjonali skond il-prezzijiet tas-suq (4), it-territorju ekonomiku ta’ l-Istati Membri huwa mfisser bid-Deċiżjoni tal-Kummissjoni 91/450/KEE, Euratom (5). It-tifsira ekwivalenti għandha issa tiġi pprovduta fir-rigward tal- GNI.

(5)

Il-miżuri previst f’dan ir-Regolament huma skond l-opinjoni tal-Kumitat tal-GNI.

—

it-territorju tar-Renju tal-Belġju,

—

it-territorju tar-Repubblika Ċeka,

—

it-territorju tar-Renju tad-Danimarka, għajr il-Gżejjer Faroe u Greenland,

—

it-territorju tar-Repubblika Federali tal-Ġermanja,

—

it-territorju tar-Repubblika ta’ l-Estonja,

—

it-territorju tar-Repubblika Ellenika,

—

it-territorju tar-Renju ta’ Spanja,

—

it-territorju tar-Repubblika Franċiża, bl-eċċezzjoni tal-pajjiżi u t-territorji barranin li fuqhom teżerċita s-sovranità, kif imfisser fl-Anness II għat-Trattat li jwaqqaf il-Komunità Ewropea,

—

it-territorju ta’ l-Irlanda,

—

it-territorju tar-Repubblika Taljana,

—

it-territorju tar-Repubblika ta’ Ċipru,

—

it-territorju tar-Repubblika tal-Latvja,

—

it-territorju tar-Repubblika tal-Litwanja,

—

it-territorju tal-Gran Dukat tal-Lussemburgu,

—

it-territorju tar-Repubblika ta’ l-Ungerija,

—

it-territorju tar-Repubblika ta’ Malta,

—

it-territorju tar-Renju ta’ l-Olanda, bl-eċċezzjoni tal-pajjiżi u t-territorji barranin li fuqhom jeżerċita s-sovranità, kif imfisser fl-Anness II għat-Trattat li jwaqqaf il-Komunità Ewropea,

—

it-territorju tar-Repubblika ta’ l-Awstrija,

—

it-territorju tar-Repubblika tal-Polonja,

—

it-territorju tar-Repubblika Portugiża,

—

it-territorju tar-Repubblika tas-Slovenja,

—

it-territorju tar-Repubblika Slovakka,

—

it-territorju tar-Repubblika tal-Finlandja,

—

it-territorju tar-Renju ta’ l-Isvezja,

—

it-territorju tar-Renju Unit tal-Gran Brittanja u ta’ l-Irlanda ta’ Fuq.