This document is an excerpt from the EUR-Lex website
Document 32005D0064R(01)
2005/64/KE: Rettifika għad-Deċiżjoni tal-Kummissjoni tas- 26 ta’ Jannar 2005 li timplimenta d-Direttiva tal-Kunsill 92/65/KEE fir-rigward tal- kondizzjonijiet ta’ l-importazzjoni ghal qtates, klieb u inmsa ghal korpi, istituti jew ċentri approvati ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
2005/64/KE: Rettifika għad-Deċiżjoni tal-Kummissjoni tas- 26 ta’ Jannar 2005 li timplimenta d-Direttiva tal-Kunsill 92/65/KEE fir-rigward tal- kondizzjonijiet ta’ l-importazzjoni ghal qtates, klieb u inmsa ghal korpi, istituti jew ċentri approvati ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
OJ L 71M, 17.3.2009, p. 179–182
(MT)
ELI: http://data.europa.eu/eli/dec/2005/64(1)/corrigendum/2009-03-17/oj
|
17.3.2009 |
MT |
Il-Ġurnal Uffiċjali tal-Unjoni Ewropea |
L NaN/179 |
Rettifika għad-Deċiżjoni tal-Kummissjoni tas-26 ta’ Jannar 2005 li timplimenta d-Direttiva tal-Kunsill 92/65/KEE fir-rigward tal- kondizzjonijiet ta’ l-importazzjoni ghal qtates, klieb u inmsa ghal korpi, istituti jew ċentri approvati
( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
Id-Deċiżjoni tal-Kummissjoni 2005/64/KE għandha taqra:
DEĊIŻJONI TAL-KUMMISSJONI
tas-26 ta’ Jannar 2005
li timplimenta d-Direttiva tal-Kunsill 92/65/KEE fir-rigward tal- kondizzjonijiet ta’ l-importazzjoni ghal qtates, klieb u inmsa ghal korpi, istituti jew ċentri approvati
(notifikata bid-dokument Numru C(2005) 118)
(Test b’rilevanza ghaż-ŻEE)
(2005/64/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi il-Komunità Ewropea,
Wara li kkunsidrat id-Direttiva tal-Kunsill 92/65/KEE tat-13 ta’ Lulju 1992 li tistipula r-rekwiżiti tas-saħħa ta’ l-annimali li jikkontrollaw il-kummerċ fil-Komunità u l-importazzjonijiet lejha ta’ annimali, semen, ova u embrijoni li mhumiex suġġetti għall-kondizzjonijiet tas-saħħa ta’ l-annimali stipulati f’regoli speċifiċi tal-Komunità msemmija fl-Anness A (I) tad-Direttiva 90/425/KEE (1), u b’mod partikolari l-Artikolu 19 tagħha,
Billi:
|
(1) |
Id-Direttiva 92/65/KEE tistipula l-kondizzjonijiet tas-saħħa ta’ l-annimali li jikkontrollaw il-kummerċ fil-Komunità u l-importazzjonijiet lejha ta’ annimali, semen, ova u embrijoni. Dik id-Direttiva tistipula li l-kondizzjonijiet ta’ l-importazzjoni għal qtates, klieb u inmsa għandhom ikunu mill-anqas ekwivalenti għall-kondizzjonijiet imfassla fir-Regolament (KE) Nru 998/2003 tal-Parlament Ewropew u tal-Kunsill tas-26 ta’ Mejju 2003 dwar il-kondizzjonijiet applikabbli għall-moviment mhux kummerċjali ta' annimali domestiċi u li jemenda d-Direttiva tal-Kunsill 92/65/KEE (2). L-intenzjoni ta’ din l-ekwivalenza bejn il-kondizzjonijiet li japplikaw għal-moviment kummerċjali u dak mhux kummerċjali ta’ dawn l-ispeċi kienet li tevita l-frodi fil-kummerċ fl-annimali domestiċi. |
|
(2) |
Ir-riskju ta’ frodi hu negliġibbli fir-rigward ta’ dawn l-ispeċi bejn korpi, istituti jew ċentri approvati skond id-Direttiva 92/65/KEE. |
|
(3) |
Hu xieraq li jiġu stipulati kondizzjonijiet speċifiċi għall-importazzjoni ta’ qtates, klieb u inmsa maħsuba għal korpi, istituti jew ċentri approvati skond id-Direttiva 92/65/KEE. |
|
(4) |
Hu neċċessarju li jiġi mfassal mudell ta’ ċertifikat tas-saħħa għall-importazzjoni ta’ qtates, klieb u inmsa maħsuba għal korpi, istituti jew ċentri. |
|
(5) |
Il-miżuri stipulati f’din id-Deċiżjoni huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-importazzjoni ta’ qtates, klieb u inmsa maħsuba għal korpi, istituti jew ċentri approvati skond id-Direttiva 92/65/KEE għandha tkun konformi mal-kondizzjonijiet li ġejjin:
|
(a) |
għandhom jiġu minn pajjiż jew territorju terz elenkat fis-Sezzjoni 2 tal-Parti B jew f’Parti C ta’ l-Anness II għar-Regolament (KE) Nru 998/2003, u |
|
(b) |
għandhom ikunu akkumpanjati minn ċertifikat veterinarju li jikkorrispondi mal-mudell taċ-ċertifikat tas-saħħa li jinsab fl-Anness għal din id-Deċiżjoni. |
Artikolu 2
Din id-Deċiżjoni għandha tapplika mill-1 ta’ Frar 2005.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, 26 ta’ Jannar 2005.
Għall-Kummissjoni
Markos KYPRIANOU
Membru tal-Kummissjoni
ANNESS
(1) ĠU L 268, 14.9.1992, p. 54. Direttiva kif emendata l-aħħar bid-Direttiva 2004/68/KE (ĠU L 139, 30.4.2004, p. 320).
(2) ĠU L 146, 13.6.2003, p. 1. Regolament kif l-aħħar emendat bir-Regolament tal-Kummissjoni (KE) Nru 2054/2004 (ĠU L 355, 1.12.2004, p. 14).