This document is an excerpt from the EUR-Lex website
Document 32004R2256R(02)
2256/2004/KE: Rettifika għar-Regolament tal-Kummissjoni (KE) Nru 2256/2004 tal- 14 ta' Ottubru 2004 li jemenda r-Regolament tal-Kunsill (KE) Nru 747/2001 fir-rigward tal-kwoti tarrifarji Komunitarji għal ċerti prodotti li joriġinaw fl-Eġittu, f'Malta u f'Ċipru u fir-rigward tal-kwantitajiet ta' referenza għal ċerti prodotti li joriġinaw f'Malta u f'Ċipru ( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
2256/2004/KE: Rettifika għar-Regolament tal-Kummissjoni (KE) Nru 2256/2004 tal- 14 ta' Ottubru 2004 li jemenda r-Regolament tal-Kunsill (KE) Nru 747/2001 fir-rigward tal-kwoti tarrifarji Komunitarji għal ċerti prodotti li joriġinaw fl-Eġittu, f'Malta u f'Ċipru u fir-rigward tal-kwantitajiet ta' referenza għal ċerti prodotti li joriġinaw f'Malta u f'Ċipru ( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
OJ L 76M, 24.3.2009, p. 49–52
(MT)
ELI: http://data.europa.eu/eli/reg/2004/2256/corrigendum/2009-03-24/oj
24.3.2009 |
MT |
Il-Ġurnal Uffiċjali tal-Unjoni Ewropea |
L NaN/49 |
Rettifika għar-Regolament tal-Kummissjoni (KE) Nru 2256/2004 tal-14 ta' Ottubru 2004 li jemenda r-Regolament tal-Kunsill (KE) Nru 747/2001 fir-rigward tal-kwoti tarrifarji Komunitarji għal ċerti prodotti li joriġinaw fl-Eġittu, f'Malta u f'Ċipru u fir-rigward tal-kwantitajiet ta' referenza għal ċerti prodotti li joriġinaw f'Malta u f'Ċipru
( Il-Ġurnal Uffiċjali tal-Unjoni Ewropea L 338 M, tal-17 ta' Diċembru 2008 )
Ir-Regolament tal-Kummissjoni (KE) Nru 2256/2004 għandu jaqra:
REGOLAMENT TAL-KUMMISSJONI (KE) Nru 2256/2004
tal-14 ta' Ottubru 2004
li jemenda r-Regolament tal-Kunsill (KE) Nru 747/2001 fir-rigward tal-kwoti tarrifarji Komunitarji għal ċerti prodotti li joriġinaw fl-Eġittu, f'Malta u f'Ċipru u fir-rigward tal-kwantitajiet ta' referenza għal ċerti prodotti li joriġinaw f'Malta u f'Ċipru
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat l-Att li jikkonċerna l-kundizzjonijiet għall-adeżjoni tar-Repubblika Ċeka, ir-Repubblika tal-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovejna u r-Repubblika Slovakka u l-aġġustamenti għat-Trattati li fuqhom hija stabbilita l-Unjoni Ewropea (1), u partikolarment l-Artikolu 57(2) tiegħu,
Wara li kkunsidrat ir-Regolament tal-Kunsill (KE) Nru 747/2001 tad-9 ta' April 2001 li jipprovdi għall-amministrazzjoni ta' tariffa ta' kwoti [kwota tariffarja] tal-Komunità u ta' kwantitajiet ta' referenza għall-prodotti eliġibbli għal preferenzi bis-saħħa ta' ftehim ma' ċerti pajjiżi tal-Mediterran u li jħassar ir-Regolamenti (KE) Nru 1981/04 u (KE) Nru 934/95 (2), u partikolarment l-Artikolu 5(1)(b) tiegħu,
Billi:
(1) |
Permezz tad-Deċiżjoni tiegħu 2004/664/KE (3) tal-24 ta’ Settembru 2004, il-Kunsill tal-awtorizzazzjoni għall-iffirmar u pprovda għall-applikazzjoni proviżorja mill-1 ta' Mejju 2004 ta’ Protokoll għall-Ftehim Ewro-Mediterranju bejn il-Komunitajiet Ewropej u l-Istati Membri tagħhom min-naħa l-waħda u r-Repubblika Għarbija tal-Eġittu min-naħa l-oħra, biex titqies l-adeżjoni tar-Repubblika Ċeka, ir-Repubblika tal-Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja, u r-Repubblika Slovakka mal-Unjoni Ewropea |
(2) |
Dan il-Protokoll jipprevedi kwota tariffarja ġdida għal bidliet fil-kwoti tariffarji eżistenti stipulati fir-Regolament (KE) Nru 747/2001. |
(3) |
Sabiex tiġi implimentata l-kwota tariffarja l-ġdida u l-bidliet għall-kwoti tariffarji eżistenti, jeħtieġ li jiġi emendat ir-Regolament (KE) Nru 747/2001. |
(4) |
Għas-sena 2004, il-volumi tal-kwota l-ġdida tariffarja u ż-żidiet fil-volumi tal-kwoti tariffarji eżistenti għandhom ikunu kkalkulati prorata tal-volumi bażiċi speċifikati fil-Protokoll, billi titqies il-parti tal-perjodu li għadda qabel l-1 ta’ Mejju 2004. |
(5) |
Sabiex ikun iffaċilitat l-immaniġjar ta' ċerti kwoti tariffarji eżistenti provduti fir-Regolament (KE) Nru 747/2001, il-kwantitajiet importati fil-qafas ta' dawk il-kwoti għandhom jiġu kkunsidrati għall-ħlas fuq il-kwoti tariffarji miftuħa skont ir-Regolament (KE) Nru 747/2001, kif emendat b'dan ir-Regolament. |
(6) |
Wara l-adeżjoni ta' Malta u Ċipru fl-Unjoni Ewropea, il-kwoti tariffarji u l-kwantitajiet ta' referenza għall-prodotti li joriġinaw f'dawk l-Istati Membri kif previst fir-Regolament (KE) Nru 747/2001 għandhom jiskadu. Ir-referenzi għal dawk il-kwoti u l-kwantitajiet ta' referenza għandhom għalhekk jitħassru. |
(7) |
Billi l-Protokoll għall-Ftehim Ewro-Mediterranju UE-Eġittu japplika fuq bażi proviżorja mill-1 ta' Mejju 2004, dan ir-Regolament għandu japplika mill-istess data u għandu jidħol fis-seħħ kemm jista' jkun malajr. |
(8) |
Il-miżuri pprovduti f'dan ir-Regolament huma skont l-opinjoni tal-Kumitat tal-Kodiċi Doganali, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 747/2001 huwa emendat kif ġej:
1. |
L-Artikolu 1 jitbiddel b’dan li ġej: “Artikolu 1 Konċessjonijiet tariffarji fi ħdan il-kwoti tariffarji tal-Komunità jew fi ħdan kwantitajiet ta' referenza Meta prodotti li joriġinaw fl-Alġerija, fil-Marokk, fit-Tunisija, fl-Eġittu, fil-Ġordan, fis-Sirja, fil-Libanu, fl-Iżrael, fix-Xatta tal-Punent u fl-Istrippa ta' Gaża u fit-Turkija, elenkati fl-Annessi I sa IX jitqiegħdu f'ċirkolazzjoni ħielsa fil-Komunità, dawn għandhom ikunu eliġibbli għal rati mnaqqsa tad-dazju doganali fil-limiti tal-kwoti tariffarji Komunitarji jew fil-qafas tal-kwanitajiet ta' referenza, matul il-perjodi u b'konformità mad-dispożizzjonijiet stabbiliti f'dan ir-Regolament.” |
2. |
L-Artikolu 3(2) jitħassar. |
3. |
L-Anness IV hu emendat kif stipulat fl-Anness għal dan ir-Regolament. |
4. |
L-Annessi X u XI jitħassru. |
Artikolu 2
Il-kwantitajiet li, skont ir-Regolament (KE) Nru 747/2001, tqiegħdu f'ċirkolazzjoni ħielsa fil-Komunità mill-bidu tal-perjodi tal-kwoti li jkunu għadhom miftuħa sal-1 ta' Mejju 2004 fil-kwoti tariffarji bin-numri tal-ordni 09.1707, 09.1710, 09.1711, 09.1719, 09.1721 u 09.1772, fid-dħul tas-seħħ ta' dan ir-Regolament għandhom jittieħdu inkonsiderazzjoni għall-ħlasijiet fuq il-kwoti tariffarji rispettivi stabbiliti fl-Anness IV tar-Regolament (KE) Nru 747/2001, kif emendat b'dan ir-Regolament.
Artikolu 3
Dan ir-Regolament għandu jidħol fis-seħħ dakinhar tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu jibda japplika mill-1 ta' Mejju 2004.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar l-14 ta’ Ottubru 2004.
Għall-Kummissjoni
Frederik BOLKESTEIN
Membru tal-Kummissjoni
ANNESS
It-tabella fl-Anness IV hija emendata kif ġej:
(a) |
tiddaħħal ir-ringiela ġdida segwenti:
|
(b) |
il-ringieli għall-kwoti tariffarji bin-numri tal-ordni 09.1710, 09.1719, 09.1707, 09.1711, 09.1721, 09.1725 u 09.1772 jinbidlu, rispettivament, b'li ġej:
|
(1) ĠU L 236, 23.9.2003, p. 33.
(2) ĠU L 109, 19.4.2001, p. 2. Ir-Regolament kif emendat l-aħħar bir-Regolament tal-Kummissjoni (KE) Nru 54/2004 (ĠU L 7, 13.1.2004, p. 30).
(3) ĠU L 303, 30.9.2004, p. 28.
(4) Mill-1 ta' Jannar 2005, dan il-volum tal-kwota għandu jiżdied kull sena bi 3 % tal-volum tas-sena preċedenti. L-ewwel żieda għandha sseħħ fuq il-volum ta' 16 150 tunnellata ta' piż nett.
(5) Mill-1 ta' Jannar 2005, dan il-volum tal-kwota għandu jiżdied kull sena bi 3 % tal-volum tas-sena preċedenti. L-ewwel żieda għandha sseħħ fuq il-volum ta' 16 150 tunnellata ta' piż nett.
(6) Mill-1 ta' Jannar 2005, dan il-volum tal-kwota għandu jiżdied kull sena bi 3 % tal-volum tas-sena preċedenti. L-ewwel żieda għandha sseħħ fuq il-volum ta' 1 050 tunnellata ta' piż nett.
(7) Mill-15 ta’ Ottubru 2004, dan il-volum tal-kwota għandu jiżdied kull sena bi 3 % tal-volum tas-sena preċedenti. L-ewwel żieda għandha sseħħ fuq il-volum ta' 1 175 tunnellata ta' piż nett.”