EUR-Lex Access to European Union law
This document is an excerpt from the EUR-Lex website
Document 32004D0864R(01)
2004/864/KE: Rettifika għad-Deċiżjoni tal-Kummissjoni tas- 16 ta' Diċembru 2004 li temenda d-Deċiżjoni tal-Kummissjoni (KE) Nru 478/1999 tal- 14 ta’ Lulju 1999 li ġġedded il-Kumitat ta' Konsulenza dwar is-Sajd u l-Akkwakultura ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
2004/864/KE: Rettifika għad-Deċiżjoni tal-Kummissjoni tas- 16 ta' Diċembru 2004 li temenda d-Deċiżjoni tal-Kummissjoni (KE) Nru 478/1999 tal- 14 ta’ Lulju 1999 li ġġedded il-Kumitat ta' Konsulenza dwar is-Sajd u l-Akkwakultura ( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
ABl. L 71M vom 17.3.2009, p. 133–133
(MT)
ELI: http://data.europa.eu/eli/dec/2004/864/corrigendum/2009-03-17/oj
17.3.2009 |
MT |
Il-Ġurnal Uffiċjali tal-Unjoni Ewropea |
L NaN/133 |
Rettifika għad-Deċiżjoni tal-Kummissjoni tas-16 ta' Diċembru 2004 li temenda d-Deċiżjoni tal-Kummissjoni (KE) Nru 478/1999 tal-14 ta’ Lulju 1999 li ġġedded il-Kumitat ta' Konsulenza dwar is-Sajd u l-Akkwakultura
( Il-Ġurnal Uffiċjali tal-Unjoni Ewropea L 327 M, tal-5 ta' Diċembru 2008 )
Id-Deċiżjoni tal-Kummissjoni 2004/864/KE għandha taqra:
DEĊIŻJONI TAL-KUMMISSJONI
tas-16 ta' Diċembru 2004
li temenda d-Deċiżjoni tal-Kummissjoni (KE) Nru 478/1999 tal-14 ta’ Lulju 1999 li ġġedded il-Kumitat ta' Konsulenza dwar is-Sajd u l-Akkwakultura
(2004/864/KE)
IL-KUMMISSJONI TAL-KOMUNITAJIET EWROPEJ,
Wara li kkonsidrat it-Trattat li jistabbilixxi l-Komunitá Ewropea,
Billi:
(1) |
Huwa importanti għall-Kummissjoni li jkollha r-reazzjonijiet tal-interessi konċernati dwar il-kwistjonijiet imqajma bl-istabbiliment ta' politika komuni tas-sajd (PKS). Inħoloq kumitat ta' konsulenza (ACF) fis-settur tas-sajd bid-Deċiżjoni tal-Kummissjoni (KEE) Nru 71/128 (1), sostitwita bid-Deċiżjoni tal-Kummissjoni Nru 478/1999 tal-14 ta’ Lulju 1999 li ġedded il-Kumitat ta' Konsulenza dwar is-Sajd u l-Akkwakultura (ACFA) (2). Is-sħubija fl-ACFA hija ddefinita fl-Artikolu 3 tad-Deċiżjoni tal-Kummissjoni Nru 478/1999/KE. |
(2) |
Id-Deċiżjoni tal-Kummissjoni Nru 478/1999/KE stabilixxiet erba’ gruppi ta’ ħidma biex iħejju l-opinjonijiet tal-Kumitat; il-grupp ta’ ħidma Nru 2 huwa inkarigat mill-Akkwakultura. |
(3) |
Fid-dawl tat-tkabbir rapidu tal-akkwakultura Ewropea fl-aħħar snin, huwa xieraq li l-interessi f’dan is-settur ikunu rappreżentati b’mod aħjar fi ħdan l-ACFA. Is-sħubija ta’ dan il-Kumitat għalhekk għandha tiġi estiża sabiex il-Viċi President tal-grupp ta’ ħidma Nru 2 ikun inkluż. Id-Deċiżjoni tal-Kummissjoni 478/1999/KE għandha għalhekk tiġi emendata skont dan. |
ADOTTAT DIN ID-DEĊIŻJONI:
Artikolu 1
L-Artikolu 3 tad-Deċiżjoni tal-Kummissjoni (KE) Nru 478/1999 huwa emendat kif ġej:
(a) |
L-ewwel sentenza hija mibdula b'dan li ġej: Il-Kumitat hu magħmul minn 21 membru, minn issa ‘l quddiem “il-membri”. |
(b) |
Il-paragrafu 2 jitbiddel b’dan li ġej: “2. Dawn li ġejjin ukoll għandhom siġġu fuq il-Kumitat: il-president u l-viċi-president tal-Kumitat għad-djalogu settorjali tas-Sajd, il-president u l-viċi president tal-gruppi ta' ħidma 1, 2, 3 u 4 kif jissemma fl-Artikolu 7” |
Artikolu 2
Din id-Deċiżjoni għandha tidħol fis-seħħ fit-tielet jum wara dak tal-pubblikazzjoni tagħha f'Il-Ġurnal Uffiċjali ta' l-Unjoni Ewropea.
Magħmul fi Brussell, 16 ta' Diċembru 2004.
Għall-Kummissjoni
Joe BORG
Membru tal-Kummissjoni
(1) ĠU L 68, 22.3.1971, p. 18.
(2) ĠU L 187, 20.7.1999, p. 70.