1.   Dan it-Titolu jkopri:

Għall-finijiet ta’ dan it-Titolu, it-terminu “prodotti agrikoli” ikopri l-prodotti agrikoli, inkluż l-oġġetti tal-ikel u l-prodotti tas-sajd u tal-akkwakultura, elenkati fil-Kapitoli 1 sa 23 tan-Nomenklatura Magħquda stipulata fil-Parti tnejn tal-Anness I tar-Regolament (KEE) Nru 2658/87, u l-prodotti agrikoli taħt l-intestaturi tan-Nomenklatura Magħquda stipulati fl-Anness I ta’ dan ir-Regolament, ħlief l-inbid u x-xorb spirituż.

2.   Ir-reġistrazzjoni u l-protezzjoni tal-indikazzjonijiet ġeografiċi huma mingħajr preġudizzju għall-obbligu tal-produtturi li jikkonformaw ma’ regoli oħra tal-Unjoni, b’mod partikolari dawk relatati mal-introduzzjoni ta’ prodotti fis-suq, mar-regoli sanitarji u fitosanitarji, mal-organizzazzjoni komuni tas-swieq, ir-regoli tal-kompetizzjoni u l-għoti ta’ informazzjoni dwar l-ikel lill-konsumaturi.

3.   Id-Direttiva (UE) 2015/1535 tal-Parlament Ewropew u tal-Kunsill (27) ma għandhiex tapplika għas-sistema tal-indikazzjonijiet ġeografiċi stabbilita f’dan ir-Regolament.

1.   Il-prodotti identifikati minn indikazzjonijiet ġeografiċi għandhom jiġu kklassifikati f’konformità man-Nomenklatura Magħquda fil-livell ta’ żewġ, erba’, sitt jew fejn Stat Membru jiddeċiedi hekk, tmien ċifri. Meta indikazzjoni ġeografika tkopri prodotti ta’ aktar minn kategorija waħda, kull entrata għandha tiġi speċifikata. Il-klassifikazzjoni tal-prodotti għandha tintuża biss għall-finijiet ta’ reġistrazzjoni, statistika u żamma ta’ rekords, b’mod partikolari għall-awtoritajiet doganali. Dik il-klassifikazzjoni ma għandhiex tintuża biex jiġu ddeterminati prodotti komparabbli għall-finijiet ta’ protezzjoni kontra l-użu kummerċjali dirett u indirett imsemmi fl-Artikolu 26(1), il-punt (a).

2.   Il-Kummissjoni tista’, permezz ta’ atti ta’ implimentazzjoni, tistabbilixxi l-preżentazzjoni teknika tal-klassifikazzjoni msemmija fil-paragrafu 1 ta’ dan l-Artikolu u l-aċċess online għaliha. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Grupp ta’ produtturi, jew grupp ta’ produtturi rikonoxxut fejn jeżisti tali grupp, jista’ jaqbel dwar prattiki sostenibbli li għandhom jiġu osservati fil-produzzjoni tal-prodott identifikat minn indikazzjoni ġeografika jew fit-twettiq ta’ attivitajiet oħra soġġetti għal obbligu wieħed jew aktar previsti fl-ispeċifikazzjoni tal-prodott. Tali prattiki għandu jkollhom l-għan li japplikaw standards ta’ sostenibbiltà ogħla minn dawk stabbiliti mil-liġi tal-Unjoni jew dak nazzjonali f’termini ta’ sostenibbiltà ambjentali, soċjali jew ekonomika jew ta’ trattament xieraq tal-annimali.

2.   Għall-fini tal-paragrafu 1, “prattika sostenibbli” tfisser prattika li tikkontribwixxi għal objettiv soċjali, ambjentali jew ekonomiku wieħed jew aktar, bħal:

3.   Meta l-grupp ta’ produtturi, jew il-grupp ta’ produtturi rikonoxxut fejn jeżisti tali grupp, jiddeċiedi li l-prattiki sostenibbli msemmija fil-paragrafu 1 huma obbligatorji għall-produtturi kollha tal-prodott ikkonċernat, dawk il-prattiki għandhom jiġu inklużi fl-ispeċifikazzjoni tal-prodott f’konformità mal-proċedura ta’ reġistrazzjoni jew ta’ emenda.

1.   Grupp ta’ produtturi, jew grupp ta’ produtturi rikonoxxut fejn tali grupp jeżisti, jistgħu jħejju u jaġġornaw b’mod regolari rapport dwar is-sostenibbiltà bbażat fuq informazzjoni verifikabbli, li jinkludi deskrizzjoni tal-prattiki sostenibbli eżistenti implimentati fil-produzzjoni tal-prodott, deskrizzjoni ta’ kif il-metodu tal-kisba tal-impatti tal-prodott fuq is-sostenibbiltà f’termini ta’ impenji ambjentali, soċjali, ekonomiċi, jew tat-trattament xieraq tal-annimali u informazzjoni meħtieġa biex jinftiehem kif is-sostenibbiltà taffettwa l-iżvilupp, il-prestazzjoni u l-pożizzjoni tal-prodott.

2.   Il-Kummissjoni għandha tippubblika r-rapport dwar is-sostenibbiltà.

1.   L-applikazzjonijiet għar-reġistrazzjoni ta’ indikazzjonijiet ġeografiċi jistgħu jiġu sottomessi biss minn grupp ta’ produtturi applikant. Grupp ta’ produtturi applikant għandu jkun assoċjazzjoni, irrispettivament mill-forma ġuridika tagħha, magħmula minn produtturi tal-istess prodott li l-isem tiegħu jiġi propost għar-reġistrazzjoni. Korpi pubbliċi u partijiet interessati oħrajn jistgħu jgħinu fit-tħejjija tal-applikazzjoni u fil-proċedura relatata.

2.   Għall-finijiet ta’ dan it-Titolu, awtorità maħtura minn Stat Membru tista’ titqies li tkun grupp ta’ produtturi applikant fir-rigward ta’ indikazzjonijiet ġeografiċi ta’ xarba spirituża, jekk ma jkunx fattibbli għall-produtturi kkonċernati li jiffurmaw grupp minħabba l-għadd, il-post ġeografiku jew il-karatteristiċi organizzattivi tagħhom. F’tali każ, l-applikazzjoni msemmija fl-Artikolu 10(2) għandha tiddikjara dawk ir-raġunijiet.

3.   Għall-finijiet ta’ dan it-Titolu, produttur wieħed jista’ jitqies bħala grupp ta’ produtturi applikant, fejn jintwera li l-kundizzjonijiet kollha li ġejjin huma ssodisfati:

4.   Fil-każ ta’ indikazzjoni ġeografika li tindika żona ġeografika transfruntiera, diversi gruppi ta’ produtturi applikanti minn Stati Membri differenti jew minn pajjiżi terzi jistgħu jippreżentaw applikazzjoni konġunta għar-reġistrazzjoni ta’ indikazzjoni ġeografika. Tali applikazzjoni konġunta għandha tiġi indirizzata lill-Istati Membri kollha kkonċernati.

1.   Applikazzjoni għar-reġistrazzjoni ta’ indikazzjoni ġeografika li tikkonċerna prodott li joriġina fl-Unjoni għandha tiġi indirizzata lill-awtoritajiet kompetenti tal-Istat Membru li minnu joriġina l-prodott.

2.   L-applikazzjoni msemmija fil-paragrafu 1 għandha tinkludi:

3.   L-Istat Membru għandu jeżamina l-applikazzjoni għar-reġistrazzjoni sabiex jivverifika li din tissodisfa l-kundizzjonijiet għar-reġistrazzjoni stabbiliti fid-dispożizzjonijiet rispettivi għall-inbid, ix-xorb spirituż jew il-prodotti agrikoli kif xieraq.

4.   Bħala parti mill-eżami msemmi fil-paragrafu 3 ta’ dan l-Artikolu, l-Istat Membru kkonċernat għandu jwettaq proċedura nazzjonali ta’ oppożizzjoni. Il-proċedura nazzjonali ta’ oppożizzjoni għandha tiżgura l-pubblikazzjoni tal-applikazzjoni għar-reġistrazzjoni b’eċċezzjoni tad-dokumenti msemmija fl-Artikolu 12(1), il-punti (b) u (c), u għandha tipprevedi perjodu ta’ mill-inqas xahar mid-data tal-pubblikazzjoni li fih kwalunkwe persuna fiżika jew ġuridika li jkollha interess leġittimu u li tkun stabbilita jew residenti fl-Istat Membru li minnu joriġina l-prodott ikkonċernat, tista’ tippreżenta oppożizzjoni għall-applikazzjoni għar-reġistrazzjoni ma’ dak l-Istat Membru.

5.   L-Istat Membru kkonċernat għandu jistabbilixxi l-modalitajiet tal-proċedura ta’ oppożizzjoni. Dawk il-modalitajiet jistgħu jinkludu kriterji għall-ammissibbiltà ta’ oppożizzjoni, perjodu ta’ konsultazzjoni bejn il-grupp ta’ produtturi applikant u kull opponent, u s-sottomissjoni ta’ rapport mill-grupp ta’ produtturi applikant dwar l-eżitu tal-konsultazzjonijiet, inkluża kwalunkwe bidla li l-grupp ta’ produtturi applikant ikun għamel fl-applikazzjoni għar-reġistrazzjoni.

6.   Jekk, wara l-eżami tal-applikazzjoni għar-reġistrazzjoni u l-valutazzjoni tar-riżultati ta’ kwalunkwe oppożizzjoni riċevuta u kwalunkwe bidla fl-applikazzjoni miftiehma mal-grupp ta’ produtturi applikant, l-Istat Membru kkonċernat iqis li r-rekwiżiti ta’ dan ir-Regolament ikunu ssodisfati, huwa jista’ jieħu deċiżjoni favorevoli u jissottometti applikazzjoni għar-reġistrazzjoni fl-istadju tal-Unjoni kif imsemmi fl-Artikolu 13.

7.   L-Istat Membru kkonċernat għandu jiżgura li kwalunkwe persuna fiżika jew ġuridika li jkollha interess leġittimu jkollha l-opportunità li tippreżenta appell. L-Istat Membru kkonċernat għandu jiżgura wkoll li deċiżjoni favorevoli u l-ispeċifikazzjoni tal-prodott korrispondenti jiġu ppubblikati, u għandu jipprovdi aċċess elettroniku għall-ispeċifikazzjoni tal-prodott.

8.   Fil-każ ta’ applikazzjoni konġunta kif imsemmi fl-Artikolu 9(4), l-applikazzjoni għandha tiġi indirizzata lill-Istati Membri kkonċernati kollha u l-proċeduri nazzjonali relatati, inkluż l-istadju ta’ oppożizzjoni, għandhom jitwettqu f’dawk l-Istati Membri kollha.

1.   Stat Membru jista’, fuq bażi temporanja, jagħti protezzjoni tranżizzjonali lil isem fil-livell nazzjonali, b’effett mid-data li fiha applikazzjoni għar-reġistrazzjoni fl-istadju tal-Unjoni tiġi ppreżentata lill-Kummissjoni.

2.   Tali protezzjoni nazzjonali għandha tieqaf fid-data li fiha jew jidħol fis-seħħ l-att ta’ implimentazzjoni li jiddeċiedi dwar l-applikazzjoni għar-reġistrazzjoni, adottat f’konformità mal-Artikolu 21, jew l-applikazzjoni għar-reġistrazzjoni tiġi rtirata.

3.   Meta isem ma jkunx ġie rreġistrat skont dan ir-Regolament, il-konsegwenzi tal-protezzjoni nazzjonali tranżizzjonali għandhom ikunu r-responsabbiltà unika tal-Istat Membru kkonċernat.

4.   Il-miżuri meħuda mill-Istati Membri f’konformità ma’ dan l-Artikolu għandhom jipproduċu effetti fil-livell nazzjonali biss, u ma għandu jkollhom l-ebda effett fuq is-suq intern jew fil-kummerċ internazzjonali.

1.   Id-dokumentazzjoni li takkumpanja l-applikazzjoni għar-reġistrazzjoni għandha tinkludi:

2.   Il-Kummissjoni għandha, permezz ta’ atti ta’ implimentazzjoni, tistabbilixxi l-format u l-preżentazzjoni online tad-dokumentazzjoni ta’ akkumpanjament prevista fil-paragrafu 1, il-punti (a), (b) u (c), ta’ dan l-Artikolu fl-applikazzjoni għar-reġistrazzjoni fl-istadju tal-Unjoni kif previst fl-Artikolu 13, u tipprovdi għall-esklużjoni jew l-anonimizzazzjoni tad-data personali. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Għall-indikazzjonijiet ġeografiċi li jikkonċernaw prodotti li joriġinaw fl-Unjoni, l-applikazzjoni għar-reġistrazzjoni għandha tinkludi:

2.   Għall-indikazzjonijiet ġeografiċi li jikkonċernaw prodotti li joriġinaw barra mill-Unjoni, l-applikazzjoni għar-reġistrazzjoni fl-istadju tal-Unjoni għandha tinkludi:

3.   L-applikazzjoni konġunta għar-reġistrazzjoni msemmija fl-Artikolu 9(4) għandha tinkludi, minbarra d-dokument uniku, kif rilevanti, id-dokumenti elenkati fil-paragrafu 1, il-punti (b) sa (e), jew 2, il-punti (c), (d) u (e), ta’ dan l-Artikolu mill-Istati Membri kollha jew mill-pajjiżi terzi kkonċernati.

4.   Id-dokumenti msemmija f’dan l-Artikolu għandhom jiġu abbozzati b’waħda mil-lingwi uffiċjali tal-Unjoni.

5.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-proċeduri, il-forma u l-preżentazzjoni tal-applikazzjonijiet għar-reġistrazzjoni fl-istadju tal-Unjoni, inkluż applikazzjonijiet li jikkonċernaw aktar minn territorju nazzjonali wieħed. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Applikazzjoni għar-reġistrazzjoni ta’ indikazzjoni ġeografika fl-istadju tal-Unjoni għandha tiġi sottomessa lill-Kummissjoni permezz ta’ sistema diġitali.

Hekk kif tirċievi talba minn Stat Membru wieħed jew aktar, il-Kummissjoni għandha tadatta s-sistema diġitali biex tagħmilha tajba għall-użu fil-parti nazzjonali tal-proċedura għar-reġistrazzjoni ta’ indikazzjoni ġeografika minn kwalunkwe Stat Membru li jixtieq dan.

2.   Meta l-applikazzjoni għar-reġistrazzjoni tkun tirrigwarda żona ġeografika barra mill-Unjoni, l-applikazzjoni għandha tiġi sottomessa lill-Kummissjoni, jew direttament minn applikant, jiġifieri grupp ta’ produtturi jew produttur wieħed, jew inkella permezz tal-awtoritajiet tal-pajjiż terz ikkonċernat.

Produttur wieħed ta’ pajjiż terz għandu jissodisfa l-kundizzjonijiet stipulati fl-Artikolu 9(3). Grupp ta’ produtturi ta’ pajjiż terz għandu jkun grupp ta’ produtturi li jaħdem bi prodott, li l-isem tiegħu jiġi propost għar-reġistrazzjoni.

3.   Applikazzjoni konġunta għar-reġistrazzjoni msemmija fl-Artikolu 9(4) għandha tiġi sottomessa minn jew:

4.   L-ismijiet li għalihom ġew sottomessi applikazzjonijiet għar-reġistrazzjoni fl-istadju tal-Unjoni għandhom jiġu ppubblikati mill-Kummissjoni permezz tas-sistema diġitali msemmija fil-paragrafu 1.

1.   Il-Kummissjoni għandha teżamina l-applikazzjonijiet għar-reġistrazzjoni li jkunu ġew sottomessi f’konformità mal-Artikolu 14(1), (2) u (3). Għandha tivverifika li l-applikazzjonijiet fihom l-informazzjoni meħtieġa u li ma fihomx żbalji evidenti, b’kont meħud tal-eżitu tal-proċedura nazzjonali ta’ eżami u ta’ oppożizzjoni mwettqa mill-Istat Membru kkonċernat.

2.   L-eżami ma għandux jaqbeż perjodu ta’ sitt xhur mill-jum li fih tasal l-applikazzjoni. Il-Kummissjoni tista’ titlob lill-applikant kwalunkwe informazzjoni addizzjonali jew modifika tal-applikazzjoni. Meta l-Kummissjoni tindirizza tali talbiet lill-applikant, il-perjodu ta’ eżami ma għandux jaqbeż perjodu ta’ ħames xhur mill-jum meta l-Kummissjoni tirċievi t-tweġiba tal-applikant.

3.   Fil-każ li l-Kummissjoni ma tikkonkludix l-eżami msemmi fil-paragrafu 2 fl-iskadenzi preskritti, hija għandha tinforma lill-applikant bil-miktub bir-raġunijiet għad-dewmien filwaqt li tindika ż-żmien stmat meħtieġ biex l-eżami jiġi konkluż, li ma għandux ikun iktar minn xahar.

4.   Meta l-Kummissjoni tqis li l-kundizzjonijiet stabbiliti fl-Artikoli 9, 10, 12, 13, 28, 29, 30, 31, 46 u 47, fl-Artikolu 48(1) u (2) u fl-Artikolu 50 ta’ dan ir-Regolament, fl-Artikoli 93 u 95 u l-Artikolu 100(4) tar-Regolament (UE) Nru 1308/2013, u fl-Artikolu 3(4), fl-Artikolu 23 u l-Artikolu 34(4) tar-Regolament (UE) 2019/787, kif xieraq, huma ssodisfati, hija għandha tippubblika f’Il-Ġurnal Uffiċjali tal-Unjoni Ewropea d-dokument uniku u r-referenza għall-pubblikazzjoni tal-ispeċifikazzjoni tal-prodott.

1.   L-Istati Membri għandhom jinfurmaw lill-Kummissjoni dwar kwalunkwe proċediment nazzjonali amministrattiv jew ġudizzjarju li jista’ jippreġudika r-reġistrazzjoni ta’ indikazzjoni ġeografika.

2.   Il-Kummissjoni għandha tkun eżentata mill-obbligu li tirrispetta l-iskadenzi għat-twettiq tal-eżami msemmi fl-Artikolu 15(2) u li tinforma lill-Istat Membru bir-raġunijiet għad-dewmien meta tirċievi komunikazzjoni minn dak l-Istat Membru, rigward applikazzjoni għar-reġistrazzjoni f’konformità mal-Artikolu 10(6), li:

3.   L-eżenzjoni prevista fil-paragrafu 2 għandu jkollha effett sakemm il-Kummissjoni tiġi infurmata mill-Istat Membru kkonċernat li l-applikazzjoni oriġinali tkun ġiet stabbilita mill-ġdid jew li l-Istat Membru qed jirtira t-talba tiegħu għal sospensjoni.

4.   Jekk id-deċiżjoni favorevoli ta’ Stat Membru msemmija fl-Artikolu 10(6) tkun ġiet invalidata kollha jew parti minnha b’deċiżjoni finali meħuda minn qorti nazzjonali, dak l-Istat Membru għandu jqis azzjoni xierqa bħall-irtirar jew il-modifika tal-applikazzjoni għar-reġistrazzjoni fl-istadju tal-Unjoni, kif meħtieġ.

1.   Fi żmien tliet xhur mid-data tal-pubblikazzjoni tad-dokument uniku u r-referenza għall-pubblikazzjoni tal-ispeċifikazzjoni tal-prodott f’Il-Ġurnal Uffiċjali tal-Unjoni Ewropea f’konformità mal-Artikolu 15(4), l-awtoritajiet ta’ Stat Membru jew ta’ pajjiż terz, jew persuna fiżika jew ġuridika li jkollha interess leġittimu u li tkun stabbilita jew residenti f’pajjiż terz, tista’ tressaq oppożizzjoni mal-Kummissjoni.

2.   Kwalunkwe persuna fiżika jew ġuridika li jkollha interess leġittimu u li tkun stabbilita jew residenti fi Stat Membru differenti minn dak li minnu tkun ġiet sottomessa l-applikazzjoni għar-reġistrazzjoni fl-istadju tal-Unjoni, tista’ tippreżenta oppożizzjoni lill-Istat Membru li fih tkun stabbilita jew residenti, f’limitu ta’ żmien li jippermetti lil dak l-Istat Membru jeżamina dik l-oppożizzjoni u jiddeċiedi jekk jippreżentahiex lill-Kummissjoni f’konformità mal-paragrafu 1. L-Istati Membri jistgħu jispeċifikaw dak il-limitu ta’ żmien fid-dritt nazzjonali tagħhom.

3.   Oppożizzjoni għandha tiddikjara li hija topponi r-reġistrazzjoni ta’ indikazzjoni ġeografika. Oppożizzjoni li ma tkunx tinkludi dik id-dikjarazzjoni għandha tkun nulla.

4.   Il-Kummissjoni għandha teżamina l-ammissibbiltà tal-oppożizzjoni. Jekk il-Kummissjoni tqis li l-oppożizzjoni hija ammissibbli, hija għandha, fi żmien ħames xhur mid-data tal-pubblikazzjoni msemmija fl-Artikolu 15(4), tistieden lill-opponent u lill-applikant biex jidħlu f’konsultazzjonijiet xierqa għal perjodu raġonevoli li ma għandux jaqbeż it-tliet xhur. Il-Kummissjoni għandha tibgħat l-oppożizzjoni u d-dokumenti kollha pprovduti mill-opponent lill-applikant. Fi kwalunkwe waqt matul dak il-perjodu, il-Kummissjoni tista’, fuq talba tal-applikant , testendi l-iskadenza għall-konsultazzjonijiet darba b’massimu ta’ tliet xhur.

5.   L-opponent u l- applikant għandhom jibdew il-konsultazzjonijiet xierqa mingħajr dewmien żejjed. Huma għandhom jipprovdu lil xulxin bl-informazzjoni rilevanti biex jivvalutaw jekk l-applikazzjoni għar-reġistrazzjoni tikkonformax ma’ dan ir-Regolament, mar-Regolament (UE) Nru 1308/2013 jew mar-Regolament (UE) 2019/787, kif xieraq.

6.   Fi żmien xahar minn tmiem il-konsultazzjonijiet imsemmija fil-paragrafu 4, l-applikant għandu jinnotifika lill-Kummissjoni bir-riżultat tal-konsultazzjonijiet, inkluż l-informazzjoni kollha skambjata, jekk intlaħaqx ftehim ma’ wieħed mill-opponenti jew mal-opponenti kollha, u dwar kwalunkwe tibdil konsegwenti fl-applikazzjoni għar-reġistrazzjoni. L-opponent jista’ wkoll jinnotifika lill-Kummissjoni bil-pożizzjoni tiegħu fi tmiem il-konsultazzjonijiet.

7.   Meta, wara t-tmiem tal-konsultazzjonijiet imsemmija fil-paragrafu 4 ta’ dan l-Artikolu, id-data ppubblikata f’konformità mal-Artikolu 15(4) tkun ġiet immodifikata, il-Kummissjoni għandha tirrepeti l-eżami tagħha tal-applikazzjoni għar-reġistrazzjoni kif modifikata. Meta l-applikazzjoni għar-reġistrazzjoni tkun ġiet immodifikata b’mod sostanzjali, u l-Kummissjoni tqis li l-applikazzjoni modifikata tissodisfa l-kundizzjonijiet għar-reġistrazzjoni, hija għandha terġa’ tippubblika d-dokument uniku u r-referenza għall-pubblikazzjoni tal-ispeċifikazzjoni tal-prodott f’konformità mal-Artikolu 15(4).

8.   Id-dokumenti msemmija f’dan l-Artikolu għandhom jiġu abbozzati b’waħda mil-lingwi uffiċjali tal-Unjoni.

9.   l-Kummissjoni għandha tiffinalizza l-valutazzjoni tagħha tal-applikazzjoni għar-reġistrazzjoni fl-istadju tal-Unjoni, filwaqt li tqis kwalunkwe talba għal perjodi ta’ tranżizzjoni, l-eżitu tal-proċedura ta’ oppożizzjoni u kwalunkwe kwistjoni oħra li tirriżulta sussegwentement fir-rigward tal-eżami tagħha li tista’ timplika bidla fid-dokument uniku.

10.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistipulaw proċeduri u skadenzi dettaljati għall-proċedura ta’ oppożizzjoni .

11.   Il-Kummissjoni għandha, permezz ta’ atti ta’ implimentazzjoni, tistabbilixxi l-format u l-preżentazzjoni tal-oppożizzjonijiet u tipprevedi l-esklużjoni jew l-anonimizzazzjoni ta’ data personali. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Fi żmien tliet xhur mid-data tal-pubblikazzjoni tad-dokument uniku u r-referenza għall-pubblikazzjoni tal-ispeċifikazzjoni tal-prodott f’konformità mal-Artikolu 15(4), l-awtoritajiet ta’ Stat Membru jew ta’ pajjiż terz, jew persuna fiżika jew ġuridika li tkun stabbilita jew residenti f’pajjiż terz, tista’ tissottometti avviż ta’ kummenti lill-Kummissjoni.

2.   Avviż ta’ kummenti għandu jindika kwalunkwe żball jew ikun fih informazzjoni addizzjonali fir-rigward tal-applikazzjoni għar-reġistrazzjoni, inkluż ksur possibbli tal-liġi tal-Unjoni. Avviż ta’ kummenti ma għandu jagħti l-ebda dritt lill-awtoritajiet jew lill-persuni msemmija fil-paragrafu 1 u lanqas ma għandu jiskatta proċedura ta’ oppożizzjoni.

3.   Meta, wara s-sottomissjoni ta’ avviż ta’ kummenti, id-data ppubblikata f’konformità mal-Artikolu 15(4) tkun ġiet modifikata b’mod sostanzjali, il-Kummissjoni għandha terġa’ tippubblika d-dokument uniku u r-referenza għall-pubblikazzjoni tal-ispeċifikazzjoni tal-prodott f’konformità ma’ dak il-paragrafu.

4.   Il-Kummissjoni tista’, permezz ta’ atti ta’ implimentazzjoni, tistabbilixxi l-format u l-preżentazzjoni tal-avviżi ta’ kummenti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Oppożizzjoni ppreżentata f’konformità mal-Artikolu 17 għandha tkun ammissibbli biss jekk l-opponent juri li:

2.   L-ammissibbiltà ta’ oppożizzjoni għandha tiġi vvalutata mill-Kummissjoni fir-rigward tat-territorju tal-Unjoni.

1.   Għall-prodotti li joriġinaw fi Stat Membru jew f’pajjiż terz li d-denominazzjoni tagħhom tikkonsisti minn jew tinkludi isem li jikser l-Artikolu 26(1), il-Kummissjoni tista’, permezz ta’ atti ta’ implimentazzjoni, tagħti perjodu ta’ tranżizzjoni sa ħames snin biex tippermetti l-użu kontinwu ta’ dik id-denominazzjoni, li taħtha jkunu ġew ikkummerċjalizzati, dment li oppożizzjoni ammissibbli, skont l-Artikolu 10(4) jew l-Artikolu 17, għall-applikazzjoni għar-reġistrazzjoni tal-indikazzjoni ġeografika li l-protezzjoni tagħha tinkiser turi li:

2.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 88(2) , ħlief dawk fejn tiġi ppreżentata oppożizzjoni ammissibbli f’konformità mal-Artikolu 10(4), li għandhom jiġu adottati mingħajr ma tiġi applikata dik il-proċedura ta’ eżami.

3.   Il-Kummissjoni tista’, permezz ta’ atti ta’ implimentazzjoni, testendi l-perjodu ta’ tranżizzjoni mogħti skont il-paragrafu 1 sa perjodu totali ta’ 15-il sena jew tagħti direttament perjodu tranżizzjonali ta’ mhux aktar minn 15-il sena dment li jintwera wkoll li:

4.   L-atti ta’ implimentazzjoni msemmija fil-paragrafu 3 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 88 (2) , ħlief dawk fejn tiġi ppreżentata oppożizzjoni ammissibbli skont l-Artikolu 10(4), li għandhom jiġu adottati mingħajr ma tiġi applikata dik il-proċedura ta’ eżami.

5.   Meta tintuża denominazzjoni msemmija fil-paragrafi 1 u 3, l-indikazzjoni tal-pajjiż tal-oriġini għandha tidher b’mod ċar u viżibbli fuq it-tikkettar u fejn applikabbli, fuq id-deskrizzjoni tal-prodott meta tiġi kkummerċjalizzata online.

6.   Fir-rigward tal-applikazzjonijiet għar-reġistrazzjoni ta’ indikazzjonijiet ġeografiċi u l-emendi tal-Unjoni, sabiex jingħelbu d-diffikultajiet temporanji bl-objettiv fit-tul li jiġi żgurat li l-operaturi kollha ta’ prodott identifikat taħt indikazzjoni ġeografika fiż-żona kkonċernata jikkonformaw mal-ispeċifikazzjoni tal-prodott relatata, Stat Membru jista’ jagħti perjodu ta’ tranżizzjoni ta’ mhux aktar minn 10 snin għall-konformità, b’effett mid-data li fiha l-applikazzjoni tiġi ppreżentata lill-Kummissjoni, dment li l-operaturi kkonċernati jkunu kkumerċjalizzaw legalment dak il-prodotti, ikunu użaw kontinwament l-isem ikkonċernat għal mill-inqas ħames snin qabel il-preżentazzjoni tal-applikazzjoni lill-awtoritajiet ta’ dak l-Istat Membru u rreferew għal dak il-fatt fil-proċedura nazzjonali ta’ oppożizzjoni msemmija fl-Artikolu 10(4).

7.   Meta ż-żmien bejn l-applikazzjoni għar-reġistrazzjoni fl-istadju tal-Unjoni u r-reġistrazzjoni tal-isem ikkonċernat jaqbeż il-ħames snin, l-Istat Membru jista’ jestendi l-perjodu tranżizzjonali b’mhux aktar minn ħames snin. Id-deċiżjoni li jiġi estiż il-perjodu tranżizzjonali għandha tiġi kkomunikata mingħajr dewmien lill-Kummissjoni, li għandha tippubblikaha f’Il-Ġurnal Uffiċjali tal-Unjoni Ewropea.

8.   Il-paragrafu 6 għandu japplika mutatis mutandis għal indikazzjoni ġeografika li tirreferi għal żona ġeografika li tinsab f’pajjiż terz, bl-eċċezzjoni tal-proċedura ta’ oppożizzjoni.

1.   Meta, abbażi tal-informazzjoni li tkun disponibbli għall-Kummissjoni mill-eżami mwettaq f’konformità mal-Artikolu 15, il-Kummissjoni tqis li kwalunkwe waħda mill-kundizzjonijiet imsemmija f’dak l-Artikolu ma tkunx issodisfata, hija għandha, permezz ta’ atti ta’ implimentazzjoni, tirrifjuta l-applikazzjoni għar-reġistrazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

2.   Fin-nuqqas ta’ oppożizzjoni ammissibbli, il-Kummissjoni għandha, permezz ta’ atti ta’ implimentazzjoni u mingħajr ma tapplika l-proċedura msemmija fl-Artikolu 88(2), tirreġistra l-indikazzjoni ġeografika. Il-Kummissjoni tista’ tqis l-avviżi tal-kummenti riċevuti f’konformità mal-Artikolu 18.

3.   Meta l-Kummissjoni tirċievi oppożizzjoni ammissibbli, hija għandha, skont il-proċedura msemmija fl-Artikolu 17 u filwaqt li tqis ir-riżultati tagħha:

4.   L-atti ta’ implimentazzjoni li jirreġistraw indikazzjoni ġeografika għandhom jipprevedu kwalunkwe kundizzjoni applikabbli għar-reġistrazzjoni u għall-pubblikazzjoni mill-ġdid għall-informazzjoni tad-dokument uniku ippubblikata f’konformità mal-Artikolu 15(4) u modifikata wara l-proċedura ta’ oppożizzjoni fil-każ ta’ modifiki għajr dawk imsemmija fl-Artikolu 17(7) u fl-Artikolu 18(3).

5.   Ir-regolamenti ta’ implimentazzjoni tal-Kummissjoni dwar ir-reġistrazzjoni u d-deċiżjonijiet ta’ implimentazzjoni tal-Kummissjoni dwar ir-rifjut għandhom jiġu ppubblikati f’Il-Ġurnal Uffiċjali tal-Unjoni Ewropea, is-serje L.

1.   Il-Kummissjoni għandha, permezz ta’ atti ta’ implimentazzjoni u mingħajr l-applikazzjoni tal-proċedura msemmija fl-Artikolu 88(2), tistabbilixxi u tmantni reġistru tal-Unjoni aċċessibbli għall-pubbliku tal-indikazzjonijiet ġeografiċi . Dak ir-reġistru għandu jkollu tliet partijiet li jikkorrispondu għall-indikazzjonijiet ġeografiċi tal-inbid, tax-xorb spirituż u tal-prodotti agrikoli rispettivament. Il-fajls li jiddaħħlu f’dak ir-reġistru wara t-13 ta’ Mejju 2024 għandhom ikunu f’format li jinqara mill-magni kif definit fl-Artikolu 2, il-punt (13), tad-Direttiva (UE) 2019/1024 tal-Parlament Ewropew u tal-Kunsill (28).

2.   L-EUIPO għandu jmantni r-reġistru tal-Unjoni u jżommu aġġornat fir-rigward tar-reġistrazzjonijiet, l-emendi u l-kanċellazzjonijiet tal-indikazzjonijiet ġeografiċi.

3.   Kull indikazzjoni ġeografika tal-inbid u tal-prodotti agrikoli għandha tiġi identifikata fir-reġistru tal-Unjoni tal-indikazzjonijiet ġeografiċi bħala “denominazzjoni ta’ oriġini protetta” jew “indikazzjoni ġeografika protetta”, skont il-każ, u kull indikazzjoni ġeografika tax-xorb spirituż għandha tiġi identifikata bħala “indikazzjoni ġeografika”.

4.   L-indikazzjonijiet ġeografiċi li jikkonċernaw prodotti minn pajjiżi terzi li jkunu protetti fl-Unjoni skont ftehim internazzjonali li għalih l-Unjoni hija parti kontraenti jistgħu jiddaħħlu fir-reġistru tal-Unjoni tal-indikazzjonijiet ġeografiċi. F’każijiet bħal dawn, il-Kummissjoni għandha, permezz ta’ atti ta’ implimentazzjoni, tirreġistra tali indikazzjonijiet ġeografiċi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

Fir-rigward tal-inbid u l-prodotti agrikoli, sakemm ma jkunux identifikati b’mod speċifiku fil-ftehimiet msemmija fl-ewwel subparagrafu bħala denominazzjonijiet ta’ oriġini protetti, l-ismijiet ta’ tali prodotti għandhom jiddaħħlu fir-reġistru tal-Unjoni tal-indikazzjonijiet ġeografiċi bħala indikazzjonijiet ġeografiċi protetti.

5.   Kull indikazzjoni ġeografika għandha tiddaħħal fir-reġistru tal-Unjoni tal-indikazzjonijiet ġeografiċi fil-kitba oriġinali tagħha. Fejn il-kitba oriġinali ma tkunx f’karattri Latini, l-indikazzjoni ġeografika għandha tiġi traskritta jew traslitterata f’karattri Latini u ż-żewġ verżjonijiet tal-indikazzjoni ġeografika għandhom jiddaħħlu fir-reġistru tal-Unjoni tal-indikazzjonijiet ġeografiċi u għandu jkollhom status ugwali.

6.   Il-Kummissjoni għandha tippubblika u taġġorna regolarment il-lista ta’ ftehimiet internazzjonali msemmija fil-paragrafu 4 kif ukoll il-lista ta’ indikazzjonijiet ġeografiċi protetti taħt dawk il-ftehimiet.

7.   Il-Kummissjoni għandha żżomm, f’forma diġitali jew stampata, id-dokumentazzjoni relatata mar-reġistrazzjoni ta’ indikazzjoni ġeografika. Fil-każ ta’ kanċellazzjoni tar-reġistrazzjoni, il-Kummissjoni għandha żżomm id-dokumentazzjoni għal 10 snin wara dan.

8.   Il-Kummissjoni għandha, permezz ta’ atti ta’ implimentazzjoni, tispeċifika l-kontenut u l-preżentazzjoni tar-reġistru tal-Unjoni tal-indikazzjonijiet ġeografiċi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Kwalunkwe persuna għandha tkun tista’ tniżżel, b’mod faċli u mingħajr ħlas, estratt uffiċjali mir-reġistru tal-Unjoni tal-indikazzjonijiet ġeografiċi li jipprovdi prova tar-reġistrazzjoni tal-indikazzjoni ġeografika, u d-data rilevanti oħra, inkluż id-data tal-applikazzjoni għar-reġistrazzjoni tal-indikazzjoni ġeografika jew data ta’ prijorità oħra. L-estratt uffiċjali tar-reġistrazzjoni mdaħħal f’dak ir-reġistru wara t-13 ta’ Mejju 2024 għandu jkun f’format li jinqara mill-magni kif definit fl-Artikolu 2, il-punt (13), tad-Direttiva (UE) 2019/1024. Dak l-estratt uffiċjali jista’ jintuża bħala ċertifikat awtentiku fi proċedimenti legali, ġudizzjarji, amministrattivi jew proċedimenti simili.

2.   Fejn grupp ta’ produtturi jkun ġie rikonoxxut mill-awtoritajiet nazzjonali f’konformità mal-Artikolu 33, dak il-grupp għandu jiġi identifikat bħala r- rappreżentant tal-produtturi ta’ prodott identifikat b’ indikazzjoni ġeografika fir-reġistru tal-Unjoni tal-indikazzjonijiet ġeografiċi u fl-estratt uffiċjali msemmi fil-paragrafu 1 ta’ dan l-Artikolu.

3.   Il-Kummissjoni tista’, permezz ta’ atti ta’ implimentazzjoni, tispeċifika l-format u l-preżentazzjoni online ta’ estratti mir-reġistru tal-Unjoni tal-indikazzjonijiet ġeografiċi u tipprevedi l-esklużjoni jew l-anonimizzazzjoni ta’ data personali . Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Grupp ta’ produtturi ta’ prodott li ismu huwa indikazzjoni ġeografika rreġistrata jista’ japplika għall-approvazzjoni ta’ emenda għall-ispeċifikazzjoni tal-prodott. Fejn jeżisti grupp ta’ produtturi rikonoxxut, dak il-grupp għandu jkun l-uniku wieħed intitolat li japplika.

2.   L-emendi għall-ispeċifikazzjoni tal-prodott għandhom ikunu kklassifikati f’żewġ kategoriji:

3.   Emenda għandha titqies bħala emenda tal-Unjoni jekk tinvolvi bidla fid-dokument uniku jew l-ekwivalenti tiegħu u:

Il-kriterji msemmija fil-punti (a), (b) u (c) għandhom jiġu vverifikati mill-Istati Membri.

4.   Kwalunkwe emenda oħra għall-ispeċifikazzjoni tal-prodott ta’ indikazzjoni ġeografika rreġistrata, li ma tkunx emenda tal-Unjoni f’konformità mal-paragrafu 3, għandha titqies bħala emenda standard.

5.   Emenda standard għandha titqies bħala emenda temporanja meta tikkonċerna bidla temporanja fl-ispeċifikazzjoni tal-prodott li tirriżulta mill-impożizzjoni ta’ miżuri sanitarji u fitosanitarji obbligatorji mill-awtoritajiet pubbliċi jew emenda temporanja meħtieġa minħabba diżastru naturali jew kundizzjonijiet ħżiena tat-temp jew disturbi sinifikanti fis-suq minħabba ċirkostanzi eċċezzjonali, inkluż avvenimenti ġeopolitiċi, li jaffettwaw il-provvista ta’ materja prima, dment li d-diżastru naturali, il-kundizzjonijiet ħżiena tat-temp jew id-disturbi sinifikanti fis-suq huma rikonoxxuti formalment mill-awtoritajiet kompetenti.

6.   L-emendi tal-Unjoni għandhom jiġu approvati mill-Kummissjoni. Il-proċedura ta’ approvazzjoni għandha ssegwi, mutatis mutandis, il-proċedura stabbilita fl-Artikoli 9 u 10 u l-Artikoli 12 sa 21.

7.   L-applikazzjonijiet għall-emendi tal-Unjoni li joriġinaw minn barra l-Unjoni għandu jkun fihom prova li l-emenda mitluba tikkonforma ma’ liġijiet dwar il-protezzjoni tal-indikazzjonijiet ġeografiċi fis-seħħ f’dak il-pajjiż terz.

8.   Jekk applikazzjoni għal emenda tal-Unjoni għall-ispeċifikazzjoni tal-prodott ta’ indikazzjoni ġeografika rreġistrata tkun tinkludi wkoll emendi standard jew emendi temporanji, il-Kummissjoni għandha teżamina l-emenda tal-Unjoni biss. Kwalunkwe emenda standard jew emenda temporanja għandha titqies li ma tkunx ġiet sottomessa. L- eżami ta’ tali applikazzjonijiet għandu jiffoka fuq l-emendi tal-Unjoni proposti. Fejn xieraq, il-Kummissjoni jew l-Istat Membru kkonċernat jistgħu jistiednu lill-applikant jimmodifika elementi oħra tal-ispeċifikazzjoni tal-prodott.

9.   L-emendi standard għandhom jiġu vvalutati u approvati mill-Istati Membri jew mill-pajjiżi terzi li fit-territorju tagħhom tinsab iż-żona ġeografika tal-prodott ikkonċernat u jiġu kkomunikati lill-Kummissjoni. Il-Kummissjoni għandha tippubblika dawk l-emendi.

10.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu dispożizzjonijiet dwar emendi tal-Unjoni għall-ispeċifikazzjonijiet tal-prodott tal-indikazzjonijiet ġeografiċi li għalihom ma ġie ppubblikat l-ebda dokument uniku, dwar l-ammissibbiltà tal-applikazzjonijiet għal emendi tal-Unjoni, dwar ir-relazzjoni bejn l-emendi tal-Unjoni u dawk standard, u dwar l-emendi standard, inkluż il-pubblikazzjoni tagħhom.

11.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-proċeduri, il-forma u l-preżentazzjoni ta’ applikazzjoni għal emenda tal-Unjoni u dwar il-proċeduri, il-forma u l-komunikazzjoni ta’ emendi standard lill-Kummissjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Il-Kummissjoni tista’, fuq inizjattiva tagħha stess jew fuq talba debitament sostanzjata minn Stat Membru, pajjiż terz jew kwalunkwe persuna fiżika jew ġuridika li jkollha interess leġittimu u stabbilita jew residenti f’pajjiż terz, permezz ta’ atti ta’ implimentazzjoni, tikkanċella r-reġistrazzjoni ta’ indikazzjoni ġeografika fil-każijiet li ġejjin:

2.   Il-Kummissjoni tista’ tadotta wkoll atti ta’ implimentazzjoni li jħassru r-reġistrazzjoni fuq talba tal-produtturi tal-prodott ikkummerċjalizzat taħt l-isem irreġistrat. Fejn jeżisti grupp ta’ produtturi rikonoxxut, dak il-grupp ta’ produtturi għandu jkun l-uniku wieħed intitolat li jdaħħal tali talba.

3.   Ir-reġistrazzjoni tal-isem bħala dritt ta’ proprjetà intellettwali għajr indikazzjoni ġeografika, b’mod partikolari bħala trademark, għandha tkun ipprojbita għal sena wara l-kanċellazzjoni tar-reġistrazzjoni ta’ indikazzjoni ġeografika, sakemm ma kienx jeżisti tali dritt ta’ proprjetà intellettwali, jew sakemm tali trademark ma kinitx ġiet irreġistrata, qabel ir-reġistrazzjoni tal-indikazzjoni ġeografika.

4.   L-Artikoli 10, 13 sa 17 u 21 għandhom japplikaw mutatis mutandis għall-proċedura ta’ kanċellazzjoni.

L-oppożizzjonijiet għandhom ikunu ammissibbli biss jekk juru l-kontinwazzjoni ta’ dipendenza kummerċjali fuq l-isem irreġistrat minn persuna interessata jew persuna ġuridika.

5.   Qabel ma tadotta l-atti ta’ implimentazzjoni msemmija fil-paragrafi 1 u 2, il-Kummissjoni għandha tikkonsulta lill-awtoritajiet tal-Istat Membru, lill-awtoritajiet tal-pajjiż terz jew, fejn possibbli, lill-produttur tal-pajjiż terz li oriġinarjament kien applika għar-reġistrazzjoni tal-indikazzjoni ġeografika kkonċernata, sakemm il-kanċellazzjoni ma tintalabx direttament minn dawk l-applikanti oriġinali. Il-perjodu ta’ konsultazzjoni għandu jkun ta’ mill-inqas xahar.

6.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-proċeduri, il-forma u l-preżentazzjoni tat-talbiet għall-kanċellazzjoni ta’ reġistrazzjoni.

7.   L-atti ta’ implimentazzjoni msemmija fil-paragrafi 1, 2 u 6 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   L-indikazzjonijiet ġeografiċi mdaħħla fir-reġistru tal-Unjoni tal-indikazzjonijiet ġeografiċi għandhom ikunu protetti kontra:

2.   Il-paragrafu 1 għandu japplika għall-ismijiet kollha tad-dominju aċċessibbli fl-Unjoni.

3.   Ir-regoli nazzjonali dwar l-ismijiet użati għall-prodotti agrikoli, l-inbejjed u x-xorb spirituż ma għandhomx joħolqu konfużjoni mal-indikazzjonijiet ġeografiċi rreġistrati.

4.   Il-protezzjoni msemmija fil-paragrafu 1 għandha tapplika wkoll għal:

5.   L-entitajiet elenkati fl-Artikolu 3(1), il-punt (d), tar-Regolament (UE) Nru 608/2013 tal-Parlament Ewropew u tal-Kunsill (29) għandhom ikunu intitolati li jissottomettu applikazzjoni lill-awtoritajiet doganali biex jipprevjenu lill-partijiet terzi kollha milli jdaħħlu merkanzija fl-Unjoni, waqt il-kummerċ, mingħajr ma tiġi rilaxxata għaċ-ċirkolazzjoni libera hemmhekk, meta tali merkanzija, inkluż l-imballaġġ, tkun ġejja minn pajjiżi terzi u tmur kontra l-paragrafu 1 ta’ dan l-Artikolu.

6.   L-indikazzjonijiet ġeografiċi rreġistrati skont dan ir-Regolament ma għandhomx isiru ġeneriċi fl-Unjoni.

7.   Fejn indikazzjoni ġeografika tkun isem kompost li jkun fih terminu li jitqies li huwa ġeneriku, l-użu ta’ dak it-terminu ma għandux jikkostitwixxi, bħala regola ġenerali, mġiba msemmija fil-paragrafu 1, il-punti (a) u (b).

1.   Mingħajr preġudizzju għall-Artikolu 26 u l-Artikolu 37(7) ta’ dan ir-Regolament u għall-Artikoli 7 u 17 tar-Regolament (UE) Nru 1169/2011, l-indikazzjoni ġeografika li tidentifika prodott użat bħala ingredjent fi prodott ipproċessat tista’ tintuża fl-isem ta’ dak il-prodott ipproċessat, jew fit-tikkettar tiegħu, jew fil-materjal ta’ reklamar tiegħu fejn:

2.   Barra minn hekk, il-produtturi ta’ ikel ippakkjat bil-lest, kif definit fl-Artikolu 2(2), il-punt (e), tar-Regolament (UE) Nru 1169/2011, li fih bħala ingredjent prodott identifikat b’indikazzjoni ġeografika, li jridu jużaw dik l-indikazzjoni ġeografika fl-isem ta’ dak l-ikel ippakkjat bil-lest, inkluż f’materjal ta’ reklamar, għandhom jagħtu notifika bil-miktub minn qabel lill-grupp ta’ produtturi rikonoxxut fejn jeżisti tali grupp għal dik l-indikazzjoni ġeografika. Dawk il-produtturi għandhom jinkludu f’dik in-notifika l-informazzjoni li turi li l-kondizzjonijiet elenkati fil-paragrafu 1 ta’ dan l-Artikolu jew rrispettati u għandhom jaġixxu kif xieraq. Fi żmien erba’ xhur, il-grupp ta’ produtturi rikonoxxut għandu jirrikonoxxi bil-miktub li rċieva dik in-notifika. Il-produttur ta’ ikel ippakkjat bil-lest jista’ jibda juża l-indikazzjoni ġeografika fl-isem tal-ikel ippakkjat bil-lest wara li jirċievi dak ir-rikonoxximent jew wara li jiskadi dak il-perjodu ta’ żmien, skont liema jseħħ l-ewwel. Il-grupp ta’ produtturi rikonoxxut jista’ jehmeż ma’ dak ir-rikonoxximent informazzjoni mhux vinkolanti dwar l-użu tal-indikazzjoni ġeografika kkonċernata.

L-Istati Membri jistgħu jipprevedu, f’konformità mat-Trattati, regoli proċedurali addizzjonali li jikkonċernaw il-produtturi ta’ ikel ippakkjat bil-lest stabbiliti fit-territorju tagħhom.

3.   Mingħajr preġudizzju għall-paragrafu 1, il-grupp ta’ produtturi rikonoxxut u l-produttur tal-ikel ippakkjat bil-lest jistgħu jikkonkludu ftehim kuntrattwali dwar l-aspetti tekniċi u viżivi speċifiċi ta’ kif l-indikazzjoni ġeografika tal-ingredjent tiġi ppreżentata fl-isem tal-ikel ippakkjat bil-lest fit-tikkettar, xi mkien ieħor għajr fil-lista tal-ingredjenti, jew fil-materjal ta’ reklamar.

4.   Dan l-Artikolu ma għandux japplika għal xorb spirituż.

5.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu regoli addizzjonali dwar l-użu ta’ prodotti komparabbli bħala ingredjenti u l-kriterji għall-għoti ta’ karatteristiċi essenzjali lill-prodotti pproċessati msemmija fil-paragrafu 1 ta’ dan l-Artikolu.

1.   It-termini ġeneriċi ma għandhomx jiġu rreġistrati bħala indikazzjonijiet ġeografiċi.

2.   Sabiex jiġi stabbilit jekk terminu jkunx sar ġeneriku jew le, għandhom jitqiesu l-fatturi rilevanti kollha, b’mod partikolari:

1.   Indikazzjoni ġeografika li tkun tressqet applikazzjoni għaliha wara li tkun tressqet applikazzjoni għal indikazzjoni ġeografika kompletament jew parzjalment omonima jew din l-indikazzjoni tkun ġiet protetta fl-Unjoni, ma għandhiex tiġi rreġistrata sakemm ma jkunx hemm biżżejjed distinzjoni fil-prattika bejn il-kundizzjonijiet tal-użu lokali u li jkun ilu stabbilit u l-preżentazzjoni taż-żewġ indikazzjonijiet kompletament jew parzjalment omonimi, filwaqt li titqies il-ħtieġa li jiġi żgurat trattament ekwu tal-produtturi kkonċernati u li l-konsumaturi ma jiġux imqarrqa fir-rigward tal-identità vera jew tal-oriġini ġeografika tal-prodotti.

2.   Indikazzjoni ġeografika kompletament jew parzjalment omonima li tiżgwida lill-konsumatur b’mod li dan jemmen li l-prodotti ġejjin minn territorju ieħor ma għandiex tiġi rreġistrat anke jekk l-isem tat-territorju, tar-reġjun jew tal-post tal-oriġini attwali tal-prodotti kkonċernati jkun preċiż.

3.   Għall-finijiet ta’ dan l-Artikolu, indikazzjoni ġeografika kompletament jew parzjalment omonima li tkun tressqet applikazzjoni għaliha jew li tkun protetta fl-Unjoni tirreferi għal:

4.   Il-Kummissjoni għandha, permezz ta’ att ta’ implimentazzjoni, tneħħi kwalunkwe indikazzjoni ġeografika rreġistrata bi ksur tal-paragrafu 1 jew 2 mir-reġistru tal-Unjoni. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 88(2).

1.   Applikazzjoni għar-reġistrazzjoni ta’ trademark li l-użu tagħha jikser l-Artikolu 26 għandha tiġi rrifjutata jekk l-applikazzjoni għar-reġistrazzjoni tat-trademark tiġi sottomessa wara d-data tas-sottomissjoni lill-Kummissjoni tal-applikazzjoni għar-reġistrazzjoni tal-indikazzjoni ġeografika.

2.   Trademarks tal-Unjoni rreġistrati bi ksur tal-paragrafu 1 għandhom jiġu ddikjarati invalidi mill-EUIPO u trademarks nazzjonali rreġistrati bi ksur tal-paragrafu 1 għandhom jiġu ddikjarati invalidi mill-awtoritajiet nazzjonali kompetenti.

3.   Trademark li l-użu tagħha jikser l-Artikolu 26, iżda li tkun tressqet applikazzjoni għaliha, tkun ġiet irreġistrata jew stabbilita permezz tal-użu in bona fide fit-territorju tal-Unjoni, meta dik il-possibbiltà tkun prevista fil-leġiżlazzjoni rilevanti, qabel id-data tas-sottomissjoni tal-applikazzjoni għar-reġistrazzjoni tal-indikazzjoni ġeografika lill-Kummissjoni, tista’ tkompli tintuża u tiġġedded minkejja r-reġistrazzjoni ta’ indikazzjoni ġeografika, dment li ma tkun teżisti l-ebda raġuni għall-invalidità jew għar-revoka tat-trademark skont id-Direttiva (UE) 2015/2436 jew ir-Regolament (UE) 2017/1001. F’każijiet bħal dawn, l-użu tal-indikazzjoni ġeografika, ladarba tiġi rreġistrata, u dak tat-trademark rilevanti għandu jkun permess.

4.   Għall-finijiet tal-paragrafi 1 u 3, meta l-indikazzjonijiet ġeografiċi jkunu ġew irreġistrati fl-Unjoni mingħajr is-sottomissjoni ta’ applikazzjoni għar-reġistrazzjoni fl-istadju tal-Unjoni, id-data tas-sottomissjoni lill-Kummissjoni tal-applikazzjoni għar-reġistrazzjoni tal-indikazzjoni ġeografika għandha tkun id-data tal-ewwel jum ta’ protezzjoni.

5.   Mingħajr preġudizzju għar-Regolament (UE) Nru 1169/2011, il-marki ta’ garanzija jew ta’ ċertifikazzjoni msemmija fl-Artikolu 28(4) tad-Direttiva (UE) 2015/2436 u l-marki kollettivi msemmija fl-Artikolu 29(3) ta’ dik id-Direttiva, kif ukoll il-marki kollettivi kif imsemmi fil-Kapitolu VIII tar-Regolament (UE) 2017/1001 jistgħu jintużaw fuq it-tikketti flimkien mal-indikazzjoni ġeografika.

1.   Grupp ta’ produtturi għandu jkun assoċjazzjoni ta’ produtturi tal-istess prodott jew prodotti, irrispettivament mill-forma ġuridika tiegħu. Għandu jissodisfa l-kriterji li ġejjin:

Il-gruppi ta’ produtturi applikanti għandhom jissodisfaw dawk il-kriterji mhux aktar tard mid-data tar-reġistrazzjoni tal-indikazzjoni ġeografika kkonċernata.

Produttur ta’ prodott identifikat minn indikazzjoni ġeografika għandu jkollu d-dritt li jingħaqad ma’ grupp ta’ produtturi. L-Istati Membri jistgħu jirrestrinġu s-sħubija għal ċerti kategoriji ta’ produtturi, filwaqt li jqisu n-natura tal-prodott kopert mill-grupp ta’ produtturi kkonċernat.

2.   L-Istati Membri jistgħu jiddeċiedu li l-operaturi u r-rappreżentanti tal-attivitajiet ekonomiċi marbuta ma’ wieħed mill-istadji tal-katina tal-provvista tal-prodotti identifikati minn indikazzjoni ġeografika u l-partijiet ikkonċernati msemmija fl-Artikolu 157 tar-Regolament (UE) Nru 1308/2013 jistgħu jkunu membri ta’ grupp ta’ produtturi, jekk ikollhom interess speċifiku fil-prodotti koperti mill-grupp ta’ produtturi. Dawk il-membri ma għandhomx jikkontrollaw il-grupp ta’ produtturi.

3.   L-Istati Membri jistgħu jipprevedu regoli addizzjonali, b’mod partikolari fir-rigward tal-organizzazzjoni, l-istatuti, il-funzjonament u n-natura tas-sħubija fi gruppi ta’ produtturi u l-kontribuzzjonijiet finanzjarji lilhom.

4.   Grupp ta’ produtturi jista’ jeżerċita b’mod partikolari l-kompiti li ġejjin:

5.   L-Istati Membri jistgħu, fit-territorju tagħhom, jassistu lill-produtturi fil-ħolqien u l-funzjonament ta’ gruppi ta’ produtturi.

6.   Jekk ma jkun jeżisti l-ebda grupp ta’ produtturi għal prodott identifikat minn indikazzjoni ġeografika, l-Istati Membri jistgħu jeżerċitaw il-kompiti msemmija fil-paragrafu 4, il-punti (b), (e) u (f). L-Istati Membri għandhom jinteraġixxu mal-produtturi u għandhom jgħinuhom bl-għan li jistabbilixxu grupp ta’ produtturi.

7.   L-Istati Membri jistgħu jistabbilixxu reġistru pubbliku ta’ gruppi ta’ produtturi għal prodotti identifikati minn indikazzjoni ġeografiċi li joriġinaw fit-territorju tagħhom, inkluż l-awtoritajiet imsemmija fl-Artikolu 9(2) u l-produtturi msemmija fl-Artikolu 9(3). Dak ir-reġistru għandu jkun fih, mill-inqas, l-isem, il-forma ġuridika u l-indirizz ta’ kull grupp ta’ produtturi u l-indikazzjonijiet ġeografiċi kollha koperti mill-grupp ta’ produtturi kkonċernat.

1.   Minbarra l-Artikolu 32, l-Istati Membri jistgħu japplikaw sistema ta’ rikonoxximent ta’ gruppi ta’ produtturi. Is-sistema ta’ rikonoxximent tista’ tiġi applikata għall-gruppi ta’ produtturi kollha li l-membri tagħhom jipproduċu prodott li jkun identifikat minn indikazzjoni ġeografika jew għal gruppi ta’ produtturi li jipproduċu kategoriji speċifikati ta’ prodotti identifikati minn indikazzjonijiet ġeografiċi. Grupp ta’ produtturi jista’ jiġi rikonoxxut biss fuq talba. Fil-qafas tas-sistema ta’ rikonoxximent, l-awtoritajiet imsemmija fl-Artikolu 9(2) u l-produtturi msemmija fl-Artikolu 9(3) għandhom jitqiesu bħala gruppi ta’ produtturi rikonoxxuti.

2.   L-Istati Membri li japplikaw is-sistema msemmija fil-paragrafu 1 għandhom jipprevedu l-kriterji li ġejjin biex grupp ta’ produtturi jiġi rikonoxxut:

L-Istati Membri jistgħu jipprevedu kriterji addizzjonali, bħal:

Jekk grupp ta’ produtturi ma jibqax jissodisfa l-kriterji ta’ rikonoxximent, ir-rikonoxximent għandu jiġi sospiż jew revokat.

3.   Meta grupp ta’ produtturi jkun rikonoxxut skont is-sistema msemmija fil-paragrafu 1 ta’ dan l-Artikolu, il-grupp ta’ produtturi rikonoxxut għandu jkun l-uniku wieħed intitolat biex:

4.   L-Istati Membri jistgħu jipprevedu wkoll li l-grupp ta’ produtturi rikonoxxut ikun l-uniku grupp ta’ produtturi intitolat li jeżerċita l-kompiti:

5.   Grupp ta’ produtturi stabbilit fi Stat Membru li ma japplikax sistema msemmija fil-paragrafu 1 ta’ dan l-Artikolu għandu jkun jista’ jeżerċita l-kompiti msemmija fl-Artikolu 32(4), il-punti (b), (c), (e) u (f) fi Stat Membru li japplika tali sistema.

6.   Meta indikazzjoni ġeografika tindika żona ġeografika transfruntiera, l-awtoritajiet tal-Istati Membri kkonċernati jew, fejn rilevanti, tar-Renju Unit fir-rigward tal-Irlanda ta’ Fuq, għandhom jikkooperaw biex jiġi indikat grupp uniku ta’ produtturi rikonoxxut. Meta l-Istati Membri kkonċernati jew, fejn rilevanti, ir-Renju Unit fir-rigward tal-Irlanda ta’ Fuq, jonqsu milli jilħqu qbil, jew meta wieħed mill-Istati Membri kkonċernati ma japplikax is-sistema msemmija fil-paragrafu 1, l-ebda grupp ta’ produtturi ma għandu jiġi rikonoxxut għal dik l-indikazzjoni ġeografika.

7.   L-Istati Membri jistgħu jiddeċiedu li l-gruppi ta’ produtturi rikonoxxuti skont id-dritt nazzjonali qabel it-13 ta’ Mejju 2024 jiġu rikonoxxuti f’konformità mal-paragrafu 1.

Jekk tali grupp ta’ produtturi rikonoxxut ma jissodisfax il-kriterji stipulati fil-paragrafu 2, huwa għandu jadatta għar-regoli rilevanti sal-14 ta’ Mejju 2026. Jekk il-konformità ma tinkisibx sa dik id-data, l-Istat Membru kkonċernat għandu jew itawwal dik l-iskadenza darba għal massimu ta’ sena, jew jirtira r-rikonoxximent.

8.   Jekk Stat Membru japplika s-sistema ta’ gruppi ta’ produtturi rikonoxxuti msemmija fil-paragrafu 1, huwa għandu jinnotifika lill-Kummissjoni permezz ta’ sistema diġitali bl-isem u l-indirizz tal-grupp ta’ produtturi rikonoxxut għal kull indikazzjoni ġeografika rreġistrata u jaġġorna dik l-informazzjoni meta jkun hemm bidla. Il-Kummissjoni għandha tagħmel dik l-informazzjoni disponibbli għall-pubbliku u taġġorna r-reġistru tal-Unjoni tal-indikazzjonijiet ġeografiċi kif xieraq.

1.   Assoċjazzjoni ta’ gruppi ta’ produtturi tista’ tiġi stabbilita fuq l-inizjattiva ta’ gruppi ta’ produtturi interessati.

2.   Assoċjazzjoni ta’ gruppi ta’ produtturi tista’ teżerċita b’mod partikolari l-kompiti li ġejjin:

1.   Ir-reġistri tal-ismijiet ta’ dominji tal-ogħla livell bil-kodiċi tal-pajjiż stabbiliti fl-Unjoni għandhom jiżguraw li l-proċeduri alternattivi ta’ soluzzjoni tat-tilwim għall-ismijiet ta’ dominji tirrikonoxxi l-indikazzjonijiet ġeografiċi rreġistrati bħala dritt li jista’ jiġi invokat f’dawk il-proċeduri.

2.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi tistabbilixxi d-dispożizzjonijiet li jinkarigaw lill-EUIPO biex jistabbilixxi u jimmaniġġa sistema ta’ informazzjoni u twissija tal-ismijiet ta’ dominju li tipprovdi lill-applikant, mas-sottomissjoni ta’ applikazzjoni għal indikazzjoni ġeografika, b’informazzjoni dwar id-disponibbiltà tal-indikazzjoni ġeografika bħala isem ta’ dominju u, fuq bażi fakultattiva, dwar ir-reġistrazzjoni ta’ isem ta’ dominju identiku għall-indikazzjoni ġeografika tiegħu. Ir-reġistri tal-ismijiet ta’ dominji tal-ogħla livell bil-kodiċi tal-pajjiż, stabbiliti fl-Unjoni, jistgħu jipprovdu lill-EUIPO bl-informazzjoni u d-data rilevanti, fuq bażi volontarja.

3.   Sal-14 ta’ Novembru 2025 il-Kummissjoni għandha twettaq evalwazzjoni tal-ħtieġa u l-fattibbiltà ta’ sistema ta’ informazzjoni u twissija msemmija fil-paragrafu 2, filwaqt li tqis il-funzjonament tal-għoti volontarju ta’ informazzjoni u data msemmija f’dak il-paragrafu, u tippreżenta rapport bis-sejbiet ewlenin tagħha lill-Parlament Ewropew u lill-Kunsill. Dak ir-rapport għandu jkun akkumpanjat minn proposta leġiżlattiva, fejn xieraq.

1.   L-indikazzjonijiet, it-taqsiriet u s-simboli li jirreferu għall-indikazzjonijiet ġeografiċi ma għandhomx jintużaw ħlief b’rabta ma’ prodotti manifatturati f’konformità mal-ispeċifikazzjoni tal-prodott rilevanti. Jistgħu jintużaw ukoll għal skopijiet ta’ informazzjoni u edukattivi, dment li dak l-użu ma jwassalx biex il-konsumatur jitqarraq.

2.   Għandhom jiġu stabbiliti s-simboli tal-Unjoni, imfassla biex jimmarkaw u jippubbliċizzaw Indikazzjonijiet Ġeografiċi, li ġejjin:

3.   Fil-każ ta’ prodotti agrikoli u xorb spirituż li joriġinaw fl-Unjoni li jiġu kkummerċjalizzati taħt indikazzjoni ġeografika, is-simbolu tal-Unjoni assoċjat magħhom għandu jidher fuq it-tikketta u l-materjal tar-reklamar. Fir-rigward tat-tikketta, l-indikazzjoni ġeografika għandha tidher fl-istess kamp viżiv bħas-simbolu tal-Unjoni.

Ir-rekwiżiti tat-tikkettar stabbiliti fl-Artikolu 13(1) tar-Regolament (UE) Nru 1169/2011 għall-preżentazzjoni ta’ dettalji obbligatorji għandhom japplikaw għall-indikazzjoni ġeografika.

4.   B’deroga mill-ewwel subparagrafu tal-paragrafu 3, fil-każ ta’ xorb spirituż , is-simboli tal-Unjoni jistgħu jitħallew barra .

5.   Meta l-prodotti agrikoli jiġu identifikati b’indikazzjoni ġeografika, indikazzjoni tal-isem tal-produttur jew tal-operatur għandha tidher fuq it-tikketta fl-istess kamp viżiv bħall-indikazzjoni ġeografika. F’dak il-każ, l-isem tal-operatur għandu jinftiehem bħala l-isem tal-operatur responsabbli għall-istadju tal-produzzjoni li fih jinkiseb il-prodott li għandu jkun kopert mill-indikazzjoni ġeografika, jew responsabbli għat-twettiq ta’ pproċessar sostanzjali ta’ dak il-prodott.

Fil-każ ta’ xorb spirituż identifikat minn indikazzjoni ġeografika, indikazzjoni tal-isem tal-produttur għandha tidher fuq it-tikketta fl-istess kamp viżiv bħall-indikazzjoni ġeografika.

Meta l-imballaġġ jew il-kontenituri jkollhom bħala l-akbar wiċċ tagħhom dak deskritt fl-Artikolu 16(2) tar-Regolament (UE) Nru 1169/2011, l-indikazzjoni tal-isem tal-produttur jew tal-operatur għandha tkun volontarja.

Il-prodotti agrikoli u x-xorb spirituż li huma kkummerċjalizzati b’indikazzjoni ġeografika, li ġew ittikkettati qabel l-14 ta’ Mejju 2026, jistgħu jibqgħu jiġu introdotti fis-suq mingħajr ma jikkonformaw mal-obbligu li jindikaw l-isem tal-produttur jew tal-operatur fl-istess kamp viżiv bħall-indikazzjoni ġeografika, sakemm jispiċċaw il-ħażniet eżistenti.

6.   Meta l-prodotti agrikoli jew xorb spirituż ikunu identifikati b’indikazzjoni ġeografika, l-indikazzjonijiet “denominazzjoni ta’ oriġini protetta” jew “indikazzjoni ġeografika protetta” jistgħu jidhru fit-tikkettar u fil-materjal ta’ reklamar tal-prodotti agrikoli u l-indikazzjoni “indikazzjoni ġeografika” tista’ tidher fuq it-tikketta u fil-materjal ta’ reklamar tax-xorb spirituż, rispettivament.

It-taqsiriet “DOP” jew “IĠP”, li jikkorrispondu għall-indikazzjonijiet “denominazzjoni ta’ oriġini protetta” jew “indikazzjoni ġeografika protetta”, jistgħu jidhru fuq it-tikketta u fil-materjal ta’ reklamar ta’ prodotti agrikoli identifikati minn indikazzjoni ġeografika.

7.   L-indikazzjonijiet u t-taqsiriet jistgħu jintużaw fuq it-tikketta u fil-materjal ta’ reklamar ta’ prodotti pproċessati meta l-indikazzjoni ġeografika tirreferi għal ingredjent tagħhom. F’dak il-każ, l-indikazzjoni jew it-taqsira għandha titqiegħed ħdejn l-isem tal-ingredjent li huwa identifikat b’mod ċar bħala ingredjent. Is-simbolu tal-Unjoni ma għandux jitqiegħed flimkien mal-isem tal-ikel skont it-tifsira tal-Artikolu 17 tar-Regolament (UE) Nru 1169/2011 .

8.   Simboli tal-Unjoni li jindikaw id-denominazzjoni ta’ oriġini protetta jew l-indikazzjoni ġeografika protetta u l-indikazzjonijiet “denominazzjoni ta’ oriġini protetta”, “indikazzjoni ġeografika protetta” u “indikazzjoni ġeografika” u t-taqsiriet “DOP” jew “IĠP” kif rilevanti, jistgħu jidhru fuq it-tikkettar biss wara l-pubblikazzjoni tal-att ta’ reġistrazzjoni ta’ dik l-indikazzjoni ġeografika.

9.   Dan li ġej jista’ jidher ukoll fuq it-tikketta:

10.   Is-simboli tal-Unjoni assoċjati mal-indikazzjonijiet ġeografiċi mdaħħla fir-reġistru tal-Unjoni tal-indikazzjonijiet ġeografiċi li jidentifikaw prodotti li joriġinaw f’pajjiżi terzi, jistgħu jidhru fit-tikkettar u fuq il-materjal ta’ reklamar tal-prodotti, f’liema każ is-simboli għandhom jintużaw f’konformità mal-paragrafu 3.

11.   Il-Kummissjoni għandha, permezz ta’ atti ta’ implimentazzjoni, tispeċifika l-karatteristiċi tekniċi tas-simboli tal-Unjoni għall-indikazzjonijiet ġeografiċi kif ukoll ir-regoli tekniċi dwar l-użu tagħhom u l-użu tal-indikazzjonijiet u t-taqsiriet dwar il-prodotti kkummerċjalizzati taħt indikazzjoni ġeografika rreġistrata, inkluż verżjonijiet lingwistiċi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Dan il-Kapitolu japplika għall-inbid, ix-xorb spirituż u l-prodotti agrikoli.

Madankollu, il-paragrafu 2, l-ewwel subparagrafu, il-punt (a), il-paragrafu 3 u, fir-rigward tal-verifika tal-konformità mal-ispeċifikazzjoni tal-prodott, il-paragrafu 4 ta’ dan l-Artikolu, u l-Artikoli 39, 41, 40 u 44 japplikaw biss għal xorb spirituż u prodotti agrikoli.

2.   Għall-finijiet ta’ dan il-Kapitolu, il-kontrolli jfissru:

Għall-finijiet ta’ dan il-Kapitolu, l-infurzar jinkludi kwalunkwe azzjoni li għandha l-għan li tiżgura l-konformità mat-Titolu II, il-Kapitolu 3, ta’ dan ir-Regolament.

3.   L-awtoritajiet kompetenti, il-korpi delegati u l-persuni fiżiċi li lilhom ikunu ġew iddelegati ċerti kompiti ta’ kontroll uffiċjali għandhom jikkonformaw mar-rekwiżiti stabbiliti fir-Regolament (UE) 2017/625.

4.   Minkejja l-Artikolu 116(1) tar-Regolament (UE) 2017/625, il-Kummissjoni għandha twettaq il-kontrolli, inkluż awditi, fuq l-indikazzjonijiet ġeografiċi previsti fit-Titolu VI, il-Kapitolu I, tar-Regolament (UE) 2017/625, abbażi ta’ analiżi tar-riskju, skont il-volum relattiv tal-indikazzjonijiet ġeografiċi fl-Istat Membru, l-għadd ta’ verifiki mwettqa jew l-irregolaritajiet marbuta mal-verifika tal-konformità jew tal-użu tal-indikazzjonijiet ġeografiċi stipulati fir-rapport annwali tal-Istat Membru mħejji f’konformità mal-Artikolu 113 tar-Regolament (UE) 2017/625. L-Artikolu 116(2) u l-Artikoli 118 u 120 sa 124 tar-Regolament (UE) 2017/625 ma għandhomx japplikaw għall-kontrolli, inkluż l-awditi, tal-indikazzjonijiet ġeografiċi.

1.   Għall-finijiet ta’ dan il-Kapitolu, kull operatur li jixtieq jipparteċipa fi kwalunkwe attività koperta mill-ispeċifikazzjoni tal-prodott ta’ prodott identifikat minn indikazzjoni ġeografika għandu jinnotifika lill-awtoritajiet kompetenti, lill-korpi delegati jew lill-persuni fiżiċi msemmija fil-paragrafu 3, il-punti (a) u (b). L-Istati Membri għandhom ifasslu u jżommu aġġornata lista tal-operaturi li jwettqu attivitajiet soġġetti għal obbligu wieħed jew aktar previsti fl-ispeċifikazzjoni tal-prodott ta’ prodott identifikat minn indikazzjoni ġeografika mdaħħal fir-reġistru tal-Unjoni tal-indikazzjonijiet ġeografiċi li joriġinaw fit-territorju tagħhom.

2.   Il-produtturi huma responsabbli għall-kontrolli proprji li jiżguraw il-konformità mal-ispeċifikazzjoni tal-prodott ta’ prodotti identifikati minn indikazzjonijiet ġeografiċi qabel ma l-prodott jiġi introdott fis-suq.

3.   Minbarra l-kontrolli proprji msemmija fil-paragrafu 2, qabel l-introduzzjoni fis-suq ta’ prodott identifikat minn indikazzjoni ġeografika u li joriġina fl-Unjoni, il-verifika tal-konformità mal-ispeċifikazzjoni tal-prodott, għandha titwettaq minn:

4.   Fir-rigward tal-indikazzjonijiet ġeografiċi li jidentifikaw prodotti li joriġinaw f’pajjiż terz, il-verifika tal-konformità mal-ispeċifikazzjoni tal-prodott, qabel ma l-prodott ikkonċernat jiġi introdott fis-suq, għandha titwettaq minn:

5.   Jekk attività koperta mill-ispeċifikazzjoni tal-prodott titwettaq minn operatur wieħed jew aktar f’pajjiż li mhuwiex il-pajjiż tal-oriġini tal-indikazzjoni ġeografika, id-dispożizzjonijiet għall-verifika tal-konformità ta’ dawk l-operaturi għandhom jiġu stipulati fl-ispeċifikazzjoni tal-prodott. Jekk l-operazzjoni rilevanti sseħħ fl-Unjoni, l-operaturi għandhom jinnotifikawha lill-awtoritajiet kompetenti tal-Istat Membru fejn isseħħ l-operazzjoni u jkunu soġġetti għal verifika .

6.   Meta Stat Membru japplika l-Artikolu 9(2), il-verifika tal-konformità mal-ispeċifikazzjoni tal-prodott għandha ssir minn awtorità differenti minn dik meqjusa bħala grupp ta’ produtturi skont dak il-paragrafu.

7.   Il-kostijiet tal-verifika tal-konformità mal-ispeċifikazzjoni tal-prodott jistgħu jitħallsu mill-operaturi li jkunu suġġetti għal dawk il-kontrolli. L-Istati Membri jistgħu jiġbru tariffi jew imposti biex ikopru, kompletament jew parzjalment, il-kostijiet tal-kontrolli uffiċjali u ta’ attivitajiet uffiċjali oħra.

8.   Il-Kummissjoni għandha tadotta atti ta’ implimentazzjoni dwar:

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   L-Istati Membri għandhom jippubblikaw l-ismijiet u l-indirizzi tal-awtoritajiet kompetenti, tal-korpi delegati u tal-persuni fiżiċi msemmija fl-Artikolu 39(3) għal kull prodott identifikat minn indikazzjoni ġeografika u għandhom iżommu dik l-informazzjoni aġġornata.

2.   Il-Kummissjoni għandha tippubblika l-ismijiet u l-indirizzi tal-awtoritajiet kompetenti u tal-korpi taċ-ċertifikazzjoni tal-prodotti msemmija fl-Artikolu 39(4) u għandha taġġorna dik l-informazzjoni regolarment.

3.   Il-Kummissjoni tista’ tistabbilixxi portal diġitali fejn l-ismijiet u l-indirizzi tal-awtoritajiet kompetenti, korpi delegati u taċ-ċertifikazzjoni tal-prodotti, u persuni fiżiċi msemmija fil-paragrafi 1 u 2 jiġu ppubblikati.

1.   Il-korpi delegati msemmija fl-Artikolu 39(3), il-punt (b), u l-korpi taċ-ċertifikazzjoni tal-prodotti msemmija fl-Artikolu 39(4), il-punt (b), għandhom jikkonformaw ma’ kwalunkwe wieħed mill-istandards li ġejjin, u jiġu akkreditati f’konformità ma’ dan, kif rilevanti għall-kompiti delegati:

2.   L-akkreditazzjoni msemmija fil-paragrafu 1 għandha ssir minn korp nazzjonali ta’ akkreditazzjoni rikonoxxut f’konformità mar-Regolament (KE) Nru 765/2008, li jkun firmatarju ta’ Ftehim Multilaterali fil-qafas tal-Kooperazzjoni Ewropea għall-Akkreditazzjoni li jkopri l-istandards imsemmija fil-paragrafu 1, jew minn korp ta’ akkreditazzjoni barra l-Unjoni li jkun firmatarju ta’ Arranġament ta’ Rikonoxximent Multilaterali tal-Forum Internazzjonali għall-Akkreditazzjoni jew ta’ Arranġament ta’ Rikonoxximent Reċiproku tal-Kooperazzjoni Internazzjonali għall-Akkreditazzjoni tal-Laboratorji li jkopri l-istandards imsemmija fil-paragrafu 1.

1.   L-Istati Membri għandhom jaħtru awtorità kompetenti waħda jew aktar responsabbli għall-verifika ta’, u għall-azzjonijiet ta’ infurzar fuq, l-użu tal-indikazzjonijiet ġeografiċi wara li l-prodott identifikat minn indikazzjoni ġeografika jkun ġie introdott fis-suq, li jinkludi operazzjonijiet bħall-ħżin, it-tranżitu, id-distribuzzjoni jew l-offerta għall-bejgħ, inkluż fil-kummerċ elettroniku. Dawk l-awtoritajiet jistgħu jkunu l-istess bħall-awtoritajiet kompetenti msemmija fl-Artikolu 39(3), il-punt (a), ta’ dan ir-Regolament u l-Artikolu 116a(2) tar-Regolament (UE) Nru 1308/2013.

2.   L-awtoritajiet imsemmija fil-paragrafu 1 għandhom, regolarment u bi frekwenza xierqa abbażi ta’ analiżi tar-riskju u ta’ notifiki riċevuti, inkluż minn gruppi ta’ produtturi, jaġixxu biex jiżguraw konformità mal-ispeċifikazzjoni tal-prodott jew mad-dokument uniku jew ekwivalenti għad-dokument uniku għall-indikazzjoni ġeografika kkonċernata, inkluż fi preżentazzjonijiet u tikkettar online.

3.   L-Istati Membri għandhom jieħdu passi amministrattivi u ġudizzjarji xierqa biex jipprevjenu jew iwaqqfu l-użu ta’ ismijiet ta’ prodotti jew servizzi, inkluż permezz ta’ interfaċċi online, li jiġu prodotti, ipprovduti jew ikkummerċjalizzati fit-territorju tagħhom, jew maħsuba għall-esportazzjoni lejn pajjiżi terzi, u li jiksru l-Artikoli 26 u 27.

4.   L-Istati Membri għandhom jieħdu passi amministrattivi u ġudizzjarji xierqa biex jiddiżattivaw l-aċċess għall-ismijiet ta’ dominju li jiksru l-Artikolu 26(2) mit-territorju tagħhom.

5.   L-awtorità jew l-awtoritajiet maħtura f’konformità mal-paragrafu 1 għandhom jiffaċilitaw l-iskambju ta’ informazzjoni fost id-dipartimenti, l-aġenziji u l-korpi rilevanti, bħall-pulizija, l-aġenziji kontra l-falsifikazzjoni, id-dwana, l-uffiċċji tal-proprjetà intellettwali, l-awtoritajiet dwar il-liġi tal-ikel u l-ispetturi tal-bejgħ bl-imnut, biex jiġi żgurat infurzar effiċjenti.

1.   Kwalunkwe informazzjoni relatata mar-reklamar, il-promozzjoni u l-bejgħ ta’ prodotti li tkun aċċessibbli għall-persuni stabbiliti fl-Unjoni u li tikser il-protezzjoni tal-indikazzjonijiet ġeografiċi prevista fl-Artikoli 26 u 27 ta’ dan ir-Regolament għandha titqies bħala kontenut illegali kif definit fl-Artikolu 3, il-punt (h), tar-Regolament (UE) 2022/2065.

2.   L-awtoritajiet ġudizzjarji jew amministrattivi nazzjonali rilevanti tal-Istati Membri jistgħu, f’konformità mal-Artikolu 9 tar-Regolament (UE) 2022/2065, joħorġu ordni biex jaġixxu kontra l-kontenut illegali msemmi fil-paragrafu 1 ta’ dan l-Artikolu.

3.   F’konformità mal-Artikolu 16 tar-Regolament (UE) 2022/2065, kwalunkwe individwu jew entità tista’ tinnotifika lill-fornituri ta’ servizzi ta’ hosting bil-preżenza ta’ kontenut speċifiku li jikser l-Artikoli 26 u 27 ta’ dan ir-Regolament.

1.   L-Istati Membri għandhom jassistu lil xulxin għall-fini tat-twettiq tal-kontrolli u l-infurzar previsti f’dan il-Kapitolu f’konformità mat-Titolu IV tar-Regolament (UE) 2017/625.

2.   Il-Kummissjoni tista’, permezz ta’ atti ta’ implimentazzjoni, tistabbilixxi regoli dettaljati dwar in-natura u t-tip tal-informazzjoni li għandha tiġi skambjata fost l-Istati Membri u l-metodi għall-iskambju ta’ dik l- informazzjoni għall-fini ta’ kontrolli u infurzar skont dan il-Kapitolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Operatur li l-prodott tiegħu, wara l-verifika tal-konformità msemmija fl-Artikolu 39 ta’ dan ir-Regolament u l-Artikolu 116a tar-Regolament (UE) Nru 1308/2013, jinstab li jikkonforma mal-ispeċifikazzjoni tal-prodott ta’ indikazzjoni ġeografika protetta f’konformità ma’ dan ir-Regolament għandu, fuq talba, u skont is-sistema applikata fl-Istat Membru kkonċernat, ikun intitolat għal:

2.   L-attestazzjoni tal-konformità u l-entrata fil-lista imsemmija fil-paragrafu 1, il-punti (a) u (b) rispettivament, għandhom ikunu disponibbli fuq talba għall-awtoritajiet tal-infurzar, għad-dwana jew għal awtoritajiet oħra fl-Unjoni involuti fil-verifika tal-użu tal-indikazzjonijiet ġeografiċi fuq merkanzija ddikjarata għaċ-ċirkolazzjoni libera jew introdotti fis-suq intern. L-operatur jista’ jagħmel l-attestazzjoni jew l-entrata fil-lista disponibbli għall-pubbliku jew għal kwalunkwe persuna li tista’ titlob prova ta’ konformità matul in-negozju. Dik l-attestazzjoni u l-entrata fil-lista għandhom jiġu aġġornati perjodikament, abbażi ta’ valutazzjoni tar-riskju.

3.   Operatur li ma jkunx għadu jingħata l-attestazzjoni tal-konformità jew li jkun tneħħa mil-lista, ma għandux jitħalla jkompli juri jew juża l-attestazzjoni tal-konformità jew l-entrata fil-lista.

4.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-forma u l-kontenut tal-attestazzjoni tal-konformità u l-entrata fil-lista, il-formoli li bihom għandhom isiru disponibbli mill-operaturi jew min-negozjanti għall-kontroll jew matul in-negozju, kif ukoll dwar iċ-ċirkostanzi li fihom, u l-formoli li fihom, tkun meħtieġa attestazzjoni ekwivalenti fil-każ ta’ prodotti li joriġinaw minn pajjiżi terzi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.    “denominazzjoni ta’ oriġini” ta’ prodott agrikolu hija isem li jidentifika prodott:

2.    “indikazzjoni ġeografika” ta’ prodott agrikolu hija isem li jidentifika prodott:

3.   Minkejja l-paragrafu 1, ċerti ismijiet għandhom jiġu rreġistrati bħala denominazzjonijiet ta’ oriġini anke jekk il-materja prima għall-prodotti kkonċernati tkun ġejja minn żona ġeografika akbar miż-żona ġeografika ddefinita, jew differenti minnha, dment li:

Għall-finijiet ta’ dan il-paragrafu, annimali ħajjin, laħam u ħalib biss jistgħu jitqiesu bħala materja prima.

1.   Fir-rigward ta’ prodott ta’ oriġini mill-annimali, li l-isem tiegħu huwa rreġistrat bħala denominazzjoni ta’ oriġini, l-għalf għandu jinkiseb kollu kemm hu miż-żona ġeografika ddefinita.

2.   Fejn ma jkunx prattikabbli li l-akkwist tal-għalf isir kollu miż-żona ġeografika ddefinita, jista’ jiġi miżjud għalf akkwistat minn barra dik iż-żona, dment li l-kwalità jew il-karatteristiċi tal-prodott dovuti essenzjalment għall-ambjent ġeografiku ma jiġux affettwati. L-ammont ta’ għalf akkwistat minn barra ż-żona ġeografika ddefinita ma għandux jaqbeż il-50 % tal-materja niexfa fuq bażi annwali.

3.   Emenda temporanja, kif imsemmi fl-Artikolu 24(5), tista’ tidderoga mill-paragrafu 2 ta’ dan l-Artikolu sakemm tkun tista’ tiġi stabbilita mill-ġdid il-possibbiltà tal-akkwist tal-għalf miż-żona ġeografika ddefinita, dment li r-rabta msemmija fl-Artikolu 49(1), il-punt (f)(i), ma tiġix kompletament annullata.

4.   Kwalunkwe restrizzjoni għall-oriġini tal-materja prima pprovduta fl-ispeċifikazzjoni tal-prodott ta’ prodott li ismu jkun irreġistrat bħala indikazzjoni ġeografika għandha tkun iġġustifikata fir-rigward tar-rabta msemmija fl-Artikolu 49(1), il-punt (f)(ii).

5.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu derogi u kundizzjonijiet fir-rigward tal-qtil ta’ annimali ħajjin u fir-rigward tal-akkwist ta’ materja prima. Dawk id-derogi u l-kundizzjonijiet għandhom ikunu bbażati fuq kriterji oġġettivi u għandhom iqisu t-trattament xieraq tal-annimali, il-kwalità jew l-użu ta’ materja prima u fatturi rikonoxxuti ta’ kompetenza esperta jew naturali, inkluż limiti li jaffettwaw il-produzzjoni agrikola f’ċerti żoni.

1.   Isem ma jistax jiġi rreġistrat bħala indikazzjoni ġeografika meta jkun f’kunflitt ma’ denominazzjoni ta’ varjetà ta’ pjanti jew ta’ razza ta’ annimali u x’aktarx li jiżgwida lill-konsumatur dwar l-identità jew l-oriġini vera tal-prodott identifikat mill-indikazzjoni ġeografika jew joħloq konfużjoni bejn prodotti identifikati mill-indikazzjoni ġeografika u l-varjetà ta’ pjanti jew ir-razza ta’ annimali kkonċernati.

2.   Il-kundizzjonijiet imsemmija fil-paragrafu 1 għandhom jiġu vvalutati fir-rigward tal-użu fir-realtà tal-ismijiet f’kunflitt, inkluż l-użu tad-denominazzjoni tal-varjetà ta’ pjanti jew tar-razza ta’ annimali barra miż-żona tal-oriġini tagħha u l-użu tad-denominazzjoni ta’ varjetà ta’ pjanti .

3.   Dan ir-Regolament ma għandux jipprevjeni l-introduzzjoni fis-suq ta’ prodott li ma jikkonformax mal-ispeċifikazzjoni tal-prodott ta’ indikazzjoni ġeografika rreġistrata, li t-tikkettar tiegħu jinkludi l-isem jew parti mill-isem ta’ dik l-indikazzjoni ġeografika, li jkun fih jew jinkludi d-denominazzjoni ta’ varjetà ta’ pjanti jew ta’ razza ta’ annimali, dment li jkunu ssodisfati l-kundizzjonijiet li ġejjin:

4.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistipulaw regoli għad-determinazzjoni tal-użu tad-denominazzjonijiet tal-varjetà ta’ pjanti u tar-razza ta’ annimali.

1.   Speċifikazzjoni ta’ prodott għandha tinkludi mill-inqas:

2.   L-ispeċifikazzjoni tal-prodott tista’ tinkludi wkoll:

3.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu regoli li jillimitaw l-informazzjoni li tinsab fl-ispeċifikazzjoni tal-prodott imsemmija fil-paragrafu 1 ta’ dan l-Artikolu, fejn tali limitazzjoni tkun meħtieġa biex jiġu evitati applikazzjonijiet għar-reġistrazzjoni eċċessivament voluminużi.

4.   Il-Kummissjoni tista’, permezz ta’ atti ta’ implimentazzjoni, tistabbilixxi regoli dwar il-forma tal-ispeċifikazzjoni tal-prodott. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Id-dokument uniku għandu jinkludi:

2.   Il-Kummissjoni tista’, permezz ta’ atti ta’ implimentazzjoni, tistabbilixxi l-format u l-preżentazzjoni online tad-dokument uniku previst fil-paragrafu 1 ta’ dan l-Artikolu u tipprevedi l-esklużjoni jew l-anonimizzazzjoni ta’ data personali . Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Skema għall-ispeċjalitajiet tradizzjonali garantiti (STG) hija stabbilita biex tħares il-metodi tradizzjonali tal-produzzjoni u r-riċetti billi tgħin:

2.   Ir-reġistrazzjoni u l-protezzjoni tal-ispeċjalitajiet tradizzjonali garantiti huma mingħajr preġudizzju għall-obbligu tal-produtturi li jikkonformaw mar-regoli l-oħra tal-Unjoni, b’mod partikolari b’rabta mal-introduzzjoni ta’ prodotti fis-suq, mal-organizzazzjoni komuni tas-suq unika, u mat-tikkettar tal-ikel.

3.   Id-Direttiva (UE) 2015/1535 ma għandhomx japplikaw għall-iskema għall-ispeċjalitajiet tradizzjonali garantiti stipulati f’dan ir-Regolament.

1.   Isem għandu jkun eliġibbli għar-reġistrazzjoni bħala speċjalità tradizzjonali garantita meta dan jiddeskrivi prodott li:

2.   Sabiex isem jiġi rreġistrat bħala speċjalità tradizzjonali garantita, dan għandu:

3.   Meta, fil-proċedura ta’ oppożizzjoni skont l-Artikolu 61, jintwera li l-isem jintuża wkoll fi Stat Membru ieħor jew f’pajjiż terz, sabiex issir distinzjoni bejn prodotti komparabbli jew prodotti li jkollhom isem identiku jew simili, id-deċiżjoni dwar ir-reġistrazzjoni adottata f’konformità mal-Artikolu 64(3), il-punt (b), tista’ tipprevedi li isem l-ispeċjalità tradizzjonali garantita jkun akkumpanjat mid-dikjarazzjoni “magħmul skont it-tradizzjoni ta’” segwita immedjatament mill-isem ta’ pajjiż jew ta’ reġjun tiegħu.

4.   Isem mhux ser jiġi rreġistrat jekk jirreferi biss għal dikjarazzjonijiet ta’ natura ġenerali użati għal sett ta’ prodotti, jew għal dikjarazzjonijiet previsti minn leġiżlazzjoni tal-Unjoni b’mod partikolari.

5.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu regoli addizzjonali li jiċċaraw il-kriterji ta’ eliġibbiltà stabbiliti f’dan l-Artikolu.

1.   Speċifikazzjoni ta’ prodott għandha tinkludi mill-inqas:

L-ispeċifikazzjoni tal-prodott tista’ tinkludi wkoll rekwiżiti ta’ tikkettar.

2.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament b’dispożizzjonijiet dwar regoli li jillimitaw l-informazzjoni li tinsab fl-ispeċifikazzjoni tal-prodott, meta tali limitazzjoni tkun meħtieġa biex jiġu evitati applikazzjonijiet għar-reġistrazzjoni eċċessivament voluminużi.

3.   Il-Kummissjoni tista’, permezz ta’ atti ta’ implimentazzjoni, tistabbilixxi regoli dwar il-forma tal-ispeċifikazzjoni tal-prodott. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Grupp ta’ produtturi għandu jkun assoċjazzjoni, irrispettivament mill-forma ġuridika tagħha, magħmula minn produtturi tal-istess prodott jew prodotti. Għandu jiġi stabbilit fuq l-inizjattiva tal-produtturi skont in-natura tal-prodott jew prodotti kkonċernati. Grupp ta’ produtturi għandu jopera b’mod trasparenti u mhux diskriminatorju. Għandu jkun ukoll organizzat, ikkontrollat u skrutinizzat b’mod demokratiku mill-membri tiegħu.

2.   L-Istati Membri jistgħu jiddeċiedu li l-operaturi, ir-rappreżentanti tal-attivitajiet ekonomiċi marbuta ma’ wieħed mill-istadji tal-katina tal-provvista tal-prodotti identifikati minn speċjalità tradizzjonali garantita u l-partijiet ikkonċernati msemmija fl-Artikolu 157 tar-Regolament (UE) Nru 1308/2013 jistgħu jkunu membri ta’ grupp ta’ produtturi, jekk ikollhom interess speċifiku fil-prodotti koperti mill-grupp ta’ produtturi. Dawk il-membri ma għandhomx jikkontrollaw il-grupp ta’ produtturi.

3.   Grupp ta’ produtturi jista’ jeżerċita b’mod partikolari l-kompiti li ġejjin:

1.   L-applikazzjonijiet għar-reġistrazzjoni ta’ speċjalità tradizzjonali garantita jistgħu jiġu sottomessi biss minn grupp ta’ produtturi applikant. Grupp ta’ produtturi applikant għandu jkun assoċjazzjoni, irrispettivament mill-forma legali tagħha, magħmula minn produtturi tal-istess prodott li ismu huwa propost għar-reġistrazzjoni jew ta’ produttur wieħed fejn il-persuna kkonċernata tkun l-uniku produttur li lest li jissottometti applikazzjoni. Diversi gruppi ta’ produtturi applikanti minn Stati Membri differenti jew minn pajjiżi terzi jistgħu jippreżentaw applikazzjoni konġunta għar-reġistrazzjoni. Korpi pubbliċi u partijiet oħra interessati jistgħu jgħinu fit-tħejjija tal-applikazzjoni u fil-proċedura relatata.

2.   Applikazzjoni għar-reġistrazzjoni ta’ isem bħala speċjalità tradizzjonali garantita għandha tinkludi:

3.   Meta l-applikazzjoni titħejja minn grupp ta’ produtturi stabbiliti fi Stat Membru, l-applikazzjoni għandha tiġi indirizzata lill-awtoritajiet ta’ dak l-Istat Membru. L-Istat Membru għandu jeżamina l-applikazzjoni sabiex jivverifika li tissodisfa l-kundizzjonijiet tal-kriterji ta’ eliġibbiltà msemmija fl-Artikolu 53. Bħala parti minn dak l-eżami, l-Istat Membru għandu jwettaq proċedura nazzjonali ta’ oppożizzjoni. Jekk l-Istat Membru jqis li r-rekwiżiti ta’ dan il-Kapitolu jkunu ssodisfati, jista’ jieħu deċiżjoni favorevoli u jissottometti applikazzjoni għar-reġistrazzjoni fl-istadju tal-Unjoni kif imsemmi fl-Artikolu 58.

4.   L-Istat Membru għandu jiżgura li kwalunkwe persuna fiżika jew ġuridika li jkollha interess leġittimu jkollha l-opportunità li tikkontesta d-deċiżjoni tiegħu. L-Istat Membru għandu jiżgura wkoll li deċiżjoni favorevoli u l-ispeċifikazzjoni tal-prodott korrispondenti jiġu ppubblikati, u għandu jipprovdi aċċess elettroniku għall-ispeċifikazzjoni tal-prodott.

1.   Applikazzjoni għar-reġistrazzjoni fl-istadju tal-Unjoni ta’ speċjalità tradizzjonali garantita għandha tinkludi l-ispeċifikazzjoni tal-prodott kif prevista fl-Artikolu 54; u:

2.   Id-dokumenti msemmija fil-paragrafu 1 għandhom jiġu abbozzati f’waħda mil-lingwi uffiċjali tal-Unjoni.

3.   Applikazzjoni konġunta għandha tinkludi l-ispeċifikazzjoni tal-prodott kif prevista fl-Artikolu 54 u, jekk rilevanti, id-dikjarazzjoni msemmija fil-paragrafu 1, il-punt (b), ta’ dan l-Artikolu mill-Istati Membri jew il-pajjiżi terzi kollha kkonċernati. Il-proċeduri nazzjonali relatati, inkluż l-istadju ta’ oppożizzjoni, għandhom jitwettqu fl-Istati Membri kollha kkonċernati.

4.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-proċeduri, il-forma u l-preżentazzjoni tal-applikazzjonijiet għar-reġistrazzjoni, inkluż applikazzjonijiet għar-reġistrazzjoni ta’ speċjalità tradizzjonali garantita li tikkonċerna aktar minn territorju nazzjonali wieħed. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Applikazzjoni għar-reġistrazzjoni ta’ speċjalità tradizzjonali garantita fl-istadju tal-Unjoni għandha tiġi ppreżentata lill-Kummissjoni b’mod elettroniku, permezz ta’ sistema diġitali. Wara talba minn tal-anqas Stat Membru wieħed, il-Kummissjoni għandha tadatta s-sistema diġitali biex tagħmilha tajba għall-użu fil-parti nazzjonali tal-proċedura għar-reġistrazzjoni ta’ speċjalità tradizzjonali garantita minn kwalunkwe Stat Membru li jixtieq dan.

2.   Meta l-applikazzjoni għar-reġistrazzjoni titħejja minn applikant stabbilit f’pajjiż terz, l-applikazzjoni għandha tiġi sottomessa lill-Kummissjoni, direttament minn applikant, jiġifieri grupp ta’ produtturi jew produttur wieħed, jew permezz tal-awtoritajiet tal-pajjiż terz ikkonċernat.

3.   Applikazzjoni konġunta għar-reġistrazzjoni msemmija fl-Artikolu 56(1) għandha tiġi sottomessa minn:

4.   L-ismijiet li għalihom ġew sottomessi applikazzjonijiet għar-reġistrazzjoni fl-istadju tal-Unjoni għandhom jiġu ppubblikati mill-Kummissjoni permezz tas-sistema diġitali msemmija fil-paragrafu 1.

1.   Il-Kummissjoni għandha teżamina kwalunkwe applikazzjoni li tirċievi f’konformità mal-Artikolu 58(1), (2) u (3) sabiex tivverifika li jkun fiha l-informazzjoni meħtieġa u li ma jkun fiha ebda żball evidenti, b’kont meħud tal-eżitu tal-proċedura ta’ eżami u ta’ oppożizzjoni mwettqa mill-Istat Membru kkonċernat. Tali eżami għandu jqis l-eżitu tal-istadju nazzjonali tal-proċedura mwettqa mill-Istat Membru kkonċernat.

2.   L-eżami ma għandux jaqbeż perjodu ta’ sitt xhur mill-jum li fih tasal l-applikazzjoni. Il-Kummissjoni tista’ titlob lill-applikant kwalunkwe informazzjoni supplimentari jew modifika meħtieġa. Meta l-Kummissjoni tindirizza tali talba lill-applikant, il-perjodu ta’ eżami ma għandux jaqbeż perjodu ta’ ħames xhur mill-jum meta l-Kummissjoni tirċievi t-tweġiba tal-applikant.

3.   Fil-każ li l-Kummissjoni ma tikkonkludix l-eżami msemmi fil-paragrafu 2 fl-iskadenzi preskritti, hija għandha tinforma lill-applikant bil-miktub bir-raġunijiet għad-dewmien filwaqt li tindika ż-żmien stmat meħtieġ biex dan jiġi konkluż, li ma għandux ikun iktar minn xahar.

4.   Meta, abbażi tal-eżami mwettaq f’konformità mal-paragrafu 1 ta’ dan l-Artikolu, il-Kummissjoni tqis li l-kundizzjonijiet stabbiliti fl-Artikoli 53, 54, 56 u 57 ikunu ssodisfati, għandha tippubblika l-ispeċifikazzjoni tal-prodott f’Il-Ġurnal Uffiċjali tal-Unjoni Ewropea.

1.   L-Istati Membri għandhom iżommu lill-Kummissjoni infurmata dwar kwalunkwe proċediment nazzjonali amministrattiv jew ġudizzjarju li jista’ jippreġudika r-reġistrazzjoni ta’ speċjalità tradizzjonali garantita.

2.   Il-Kummissjoni għandha tkun eżentata mill-obbligu li tirrispetta l-iskadenzi għat-twettiq tal-eżami msemmija fl-Artikolu 59(2) u li tinforma lill-Istat Membru bir-raġunijiet għad-dewmien meta tirċievi komunikazzjoni minn Stat Membru, rigward applikazzjoni għar-reġistrazzjoni f’konformità mal-Artikolu 56, li:

3.   L-eżenzjoni għandu jkollha effett sakemm il-Kummissjoni tiġi infurmata mill-Istat Membru li l-applikazzjoni oriġinali tkun ġiet stabbilita mill-ġdid jew li l-Istat Membru qed jirtira t-talba tiegħu għal sospensjoni.

4.   Jekk id-deċiżjoni favorevoli ta’ Stat Membru msemmija fl-Artikolu 56(3) tkun ġiet invalidata kollha jew parti minnha b’deċiżjoni finali meħuda minn qorti nazzjonali, l-Istat Membru għandu jqis azzjoni xierqa bħall-irtirar jew il-modifika tal-applikazzjoni għar-reġistrazzjoni fl-istadju tal-Unjoni, kif meħtieġ.

1.   Fi żmien tliet xhur mid-data tal-pubblikazzjoni tal-ispeċifikazzjoni tal-prodott f’Il-Ġurnal Uffiċjali tal-Unjoni Ewropea f’konformità mal-Artikolu 59(4), l-awtoritajiet ta’ Stat Membru jew ta’ pajjiż terz, jew persuna fiżika jew ġuridika li jkollha interess leġittimu u li tkun stabbilita jew residenti f’pajjiż terz, tista’ tippreżenta oppożizzjoni lill-Kummissjoni.

2.   Kwalunkwe persuna fiżika jew ġuridika li jkollha interess leġittimu u li tkun stabbilita jew residenti fi Stat Membru differenti minn dak li minnu tkun ġiet sottomessa l-applikazzjoni għar-reġistrazzjoni fl-istadju tal-Unjoni, tista’ tippreżenta oppożizzjoni lill-Istat Membru li fih tkun stabbilita jew residenti, f’limitu ta’ żmien li jippermetti lil dak l-Istat Membru jeżamina dik l-oppożizzjoni u jiddeċiedi jekk jippreżentahiex lill-Kummissjoni f’konformità mal-paragrafu 1. L-Istati Membri jistgħu jispeċifikaw dak il-limitu ta’ żmien fil-leġiżlazzjoni nazzjonali tagħhom.

3.   Oppożizzjoni għandha tiddikjara li hija topponi r-reġistrazzjoni ta’ speċjalità tradizzjonali garantita. Oppożizzjoni li ma tkunx tinkludi dik id-dikjarazzjoni għandha tkun nulla.

4.   Il-Kummissjoni għandha tivverifika l-ammissibbiltà tal-oppożizzjoni. Jekk il-Kummissjoni tqis li l-oppożizzjoni hija ammissibbli, hija għandha, fi żmien ħames xhur mid-data tal-pubblikazzjoni msemmija fl-Artikolu 59(4) tal-ispeċifikazzjoni tal-prodott f’Il-Ġurnal Uffiċjali tal-Unjoni Ewropea, tistieden lill-opponent u lill-applikant biex jidħlu f’konsultazzjonijiet xierqa għal perjodu raġonevoli li ma għandux jaqbeż it-tliet xhur. Il-Kummissjoni għandha tibgħat lill-applikant l-oppożizzjoni u d-dokumenti kollha pprovduti mill-opponent. Fi kwalunkwe waqt matul dak il-perjodu, il-Kummissjoni tista’, fuq talba tal-applikant, testendi l-iskadenza għall-konsultazzjonijiet għal darba b’massimu ta’ tliet xhur.

5.   L-opponent u l-applikant għandhom jibdew konsultazzjonijiet mingħajr dewmien żejjed. Huma għandhom jipprovdu l-informazzjoni rilevanti lil xulxin biex jivvalutaw jekk l-applikazzjoni għar-reġistrazzjoni tikkonformax mal-kundizzjonijiet ta’ dan il-Kapitolu.

6.   Fi żmien xahar minn tmiem il-konsultazzjonijiet imsemmija fil-paragrafu 4, l-applikant għandu jinnotifika lill-Kummissjoni bir-riżultat tal-konsultazzjonijiet, inkluż l-informazzjoni kollha skambjata, jekk intlaħaqx ftehim ma’ wieħed mill-opponenti jew mal-opponenti kollha, u dwar kwalunkwe tibdil konsegwenti fl-applikazzjoni. L-opponent jista’ wkoll jinnotifika lill-Kummissjoni bil-pożizzjoni tiegħu fi tmiem il-konsultazzjonijiet.

7.   Meta, wara li jintemmu l-konsultazzjonijiet, l-ispeċifikazzjoni tal-prodott ippubblikata f’konformità mal-Artikolu 59(4) tkun ġiet immodifikata, il-Kummissjoni għandha tirrepeti l-eżami tagħha tal-applikazzjoni għar-reġistrazzjoni kif modifikata. Meta l-applikazzjoni tkun ġiet immodifikata b’mod sostanzjali, u l-Kummissjoni tqis li l-applikazzjoni modifikata tissodisfa l-kundizzjonijiet għar-reġistrazzjoni, hija għandha terġa’ tippubblika l-ispeċifikazzjoni tal-prodott f’konformità ma’ dak il-paragrafu.

8.   Id-dokumenti msemmija f’dan l-Artikolu għandhom jiġu abbozzati b’waħda mil-lingwi uffiċjali tal-Unjoni.

9.   l-Kummissjoni għandha tiffinalizza l-valutazzjoni tagħha tal-applikazzjoni għar-reġistrazzjoni fl-istadju tal-Unjoni, filwaqt li tqis kwalunkwe talba għal perjodi tranżizzjonali, l-eżitu tal-proċedura ta’ oppożizzjoni u kwalunkwe kwistjoni oħra li tirriżulta sussegwentement għall-eżami tagħha li tista’ timplika bidla fl-ispeċifikazzjoni tal-prodott.

10.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistipulaw proċeduri u skadenzi dettaljati għall-proċedura ta’ oppożizzjoni.

11.   Il-Kummissjoni għandha, permezz ta’ atti ta’ implimentazzjoni, tistabbilixxi l-format u l-preżentazzjoni tal-oppożizzjonijiet u tipprevedi l-esklużjoni jew l-anonimizzazzjoni tad-data personali. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Oppożizzjoni ppreżentata f’konformità mal-Artikolu 61 għandha tkun ammissibbli biss jekk l-opponent juri li:

2.   L-ammissibbiltà ta’ oppożizzjoni għandha tiġi vvalutata fir-rigward tat-territorju tal-Unjoni.

1.   Għal prodotti li d-denominazzjoni tagħhom tikkonsisti minn jew tinkludi isem li jikser l-Artikolu 68, il-Kummissjoni tista’, permezz ta’ atti ta’ implimentazzjoni, tagħti perjodu tranżizzjonali ta’ mhux aktar minn ħames snin biex tippermetti t-tkomplija tal-użu tad-denominazzjoni li taħtha jkunu ġew kummerċjalizzati dawk il-prodotti, dment li oppożizzjoni ammissibbli, f’konformità mal-Artikolu 56(3) jew l-Artikolu 61, għall-applikazzjoni għar-reġistrazzjoni tal-ispeċjalità tradizzjonali garantita li l-protezzjoni tagħha tinkiser, turi li dik id-denominazzjoni tkun intużat legalment fis-suq intern għal mill-inqas ħames snin qabel id-data tal-pubblikazzjoni tal-ispeċifikazzjoni tal-prodott imsemmija fl-Artikolu 59(4).

2.   L-atti ta’ implimentazzjoni msemmija fil-paragrafu 1 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 88 (2) , ħlief dawk fejn tiġi ppreżentata oppożizzjoni ammissibbli f’konformità mal-Artikolu 56(3), li għandhom jiġu adottati mingħajr ma tiġi applikata dik il-proċedura ta’ eżami.

1.   Meta, abbażi tal-informazzjoni li tikseb il-Kummissjoni mill-eżami mwettaq f’konformità mal-Artikolu 59, il-Kummissjoni tqis li kwalunkwe waħda mill-kundizzjonijiet imsemmija f’dak l-Artikolu ma tkunx issodisfata, hija għandha, permezz ta’ atti ta’ implimentazzjoni, tirrifjuta l-applikazzjoni għar-reġistrazzjoni. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

2.   Fin-nuqqas ta’ oppożizzjoni ammissibbli, il-Kummissjoni għandha, permezz ta’ atti ta’ implimentazzjoni u mingħajr ma tapplika l-proċedura msemmija fl-Artikolu 88(2), tirreġistra l-ispeċjalità tradizzjonali garantita.

3.   Meta l-Kummissjoni tirċievi oppożizzjoni ammissibbli, hija għandha, wara l-proċedura msemmija fl-Artikolu 61 u filwaqt li tqis ir-riżultati tagħha:

4.   L-atti ta’ implimentazzjoni dwar ir-reġistrazzjoni ta’ speċjalità tradizzjonali garantita għandhom jipprevedu kwalunkwe kundizzjoni applikabbli għar-reġistrazzjoni u għall-pubblikazzjoni mill-ġdid għall-informazzjoni tal-ispeċifikazzjoni tal-prodott ippubblikata f’konformità mal-Artikolu 59(4) u modifikata wara l-proċedura ta’ oppożizzjoni fil-każ ta’ modifiki għajr dawk imsemmija fl-Artikolu 61(7).

5.   Ir-regolamenti ta’ implimentazzjoni tal-Kummissjoni dwar ir-reġistrazzjoni u d-deċiżjonijiet ta’ implimentazzjoni tal-Kummissjoni dwar ir-rifjut għandhom jiġu ppubblikati f’Il-Ġurnal Uffiċjali tal-Unjoni Ewropea, is-serje L.

1.   Il-Kummissjoni għandha, permezz ta’ atti ta’ implimentazzjoni u mingħajr l-applikazzjoni tal-proċedura msemmija fl-Artikolu 88(2), tistabbilixxi u tipprovdi għaż-żamma ta’ reġistru tal-Unjoni aċċessibbli għall-pubbliku tal-ispeċjalitajiet tradizzjonali garantiti. Il-fajls li jiddaħħlu f’dak ir-reġistru wara t-13 ta’ Mejju 2024 għandhom ikunu f’format li jinqara mill-magni kif definit fl-Artikolu 2, il-punt (13), tad-Direttiva (UE) 2019/1024.

2.   Il-Kummissjoni għandha żżomm, f’forma diġitali jew stampata, id-dokumentazzjoni relatata mar-reġistrazzjoni ta’ speċjalità tradizzjonali garantita. Fil-każ ta’ kanċellazzjoni tar-reġistrazzjoni, il-Kummissjoni għandha żżomm id-dokumentazzjoni għal 10 snin wara dan.

3.   Il-Kummissjoni għandha, permezz ta’ atti ta’ implimentazzjoni, li jispeċifikaw il-kontenut u l-preżentazzjoni tar-reġistru tal-Unjoni tal-ispeċjalitajiet tradizzjonali garantiti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Grupp ta’ produtturi ta’ prodott li ismu huwa speċjalità tradizzjonali garantita rreġistrata jista’ japplika għall-approvazzjoni ta’ emenda għall-ispeċifikazzjoni tal-prodott . L-applikazzjonijiet għandhom jiddeskrivu u jagħtu r-raġunijiet għall-emendi mitluba.

2.   Il-proċedura għall-emenda tal-ispeċifikazzjoni tal-prodott għandha ssegwi, mutatis mutandis, il-proċedura stabbilita fl-Artikoli 56 sa 64.

3.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu r-regoli dwar il-proċedura għall-emenda tal-ispeċifikazzjoni tal-prodott.

4.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-proċeduri, il-forma u l-preżentazzjoni ta’ applikazzjoni għall-emenda tal-ispeċifikazzjoni tal-prodott. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Il-Kummissjoni tista’, fuq inizjattiva tagħha stess jew fuq talba debitament sostanzjata minn Stat Membru, pajjiż terz jew kwalunkwe persuna fiżika jew ġuridika li jkollha interess leġittimu u stabbilita jew residenti f’pajjiż terz, permezz ta’ atti ta’ implimentazzjoni, tikkanċella r-reġistrazzjoni ta’ speċjalità tradizzjonali garantita fil-każijiet li ġejjin:

2.   Il-Kummissjoni tista’ wkoll, permezz ta’ atti ta’ implimentazzjoni, tikkanċella reġistrazzjoni fuq talba tal-produtturi tal-prodott kummerċjalizzat taħt l-isem irreġistrat.

3.   L-Artikoli 56 sa 62 u l-Artikolu 64 għandhom japplikaw mutatis mutandis għall-proċedura ta’ kanċellazzjoni.

L-oppożizzjonijiet għandhom ikunu ammissibbli biss jekk juru l-kontinwazzjoni ta’ dipendenza kummerċjali fuq l-isem irreġistrat minn persuna fiżika jew ġuridika interessata.

4.   Qabel ma tadotta l-atti ta’ implimentazzjoni msemmija fil-paragrafi 1 u 2, il-Kummissjoni għandha tikkonsulta l-awtoritajiet tal-Istat Membru kkonċernat, l-awtoritajiet tal-pajjiż terz ikkonċernat jew, meta jkun possibbli, il-produttur tal-pajjiż terz li oriġinarjament kien applika għar-reġistrazzjoni tal-ispeċjalità tradizzjonali garantita, ħlief jekk il-kanċellazzjoni tintalab direttament minn dawk l-applikanti oriġinali. Il-perjodu ta’ konsultazzjoni għandu jkun ta’ mill-inqas xahar.

5.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-proċeduri, il-forma u l-preżentazzjoni tat-talbiet għall-kanċellazzjoni ta’ reġistrazzjoni ta’ speċjalità tradizzjonali garantita.

6.   L-atti ta’ implimentazzjoni msemmija fil-paragrafi 1, 2 u 5 ta’ dan l-Artikolu għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   L-ispeċjalitajiet tradizzjonali garantiti rreġistrati għandhom ikunu protetti kontra kwalunkwe użu ħażin, imitazzjoni jew evokazzjoni, anke jekk l-isem protett jiġi tradott, inkluż fir-rigward ta’ prodotti użati bħala ingredjenti, jew kontra kwalunkwe prattika oħra li tista’ tiżgwida lill-konsumatur.

2.   L-ismijiet użati għal prodotti agrikoli u oġġetti tal-ikel fil-livell nazzjonali ma għandhomx jagħtu lok għal konfużjoni ma’ speċjalitajiet tradizzjonali garantiti rreġistrati.

3.   Il-protezzjoni msemmija fil-paragrafu 1 għandha tapplika wkoll għall-prodotti mibjugħa permezz ta’ bejgħ mill-bogħod, bħall-kummerċ elettroniku.

4.   Il-Kummissjoni tista’, permezz ta’ atti ta’ implimentazzjoni, tistabbilixxi rekwiżiti proċedurali għall-protezzjoni tal-ispeċjalitajiet tradizzjonali garantiti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

5.   Il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu regoli addizzjonali dwar l-użu ta’ speċjalitajiet tradizzjonali garantiti bl-isem ta’ prodotti pproċessati b’referenza għall-użu ta’ ingredjenti komparabbli u l-kriterji għall-għoti ta’ karatteristiċi essenzjali lill-prodotti pproċessati.

1.   Għandu jiġi stabbilit simbolu tal-Unjoni għall-prodotti indikati bħala speċjalità tradizzjonali garantita. L-indikazzjoni “speċjalità tradizzjonali garantita”, it-taqsira “STG”, u s-simbolu tal-Unjoni li jirreferu għall-ispeċjalità tradizzjonali garantita jistgħu jintużaw biss b’rabta ma’ prodotti manifatturati f’konformità mal-ispeċifikazzjoni tal-prodott rilevanti. Jistgħu jintużaw ukoll għal skopijiet ta’ informazzjoni u edukattivi, dment li dak l-użu ma jwassalx biex il-konsumatur jitqarraq. L-indikazzjoni “speċjalità tradizzjonali garantita” jew it-taqsira korrispondenti “STG” tista’ tidher fuq it-tikketta.

2.   Fil-każ ta’ prodotti li joriġinaw fl-Unjoni li jiġu kkummerċjalizzati bħala speċjalità tradizzjonali garantita rreġistrati f’konformità ma’ dan ir-Regolament, is-simbolu tal-Unjoni msemmi fil-paragrafu 2 għandu jidher fuq it-tikketta u l-materjali tar-reklamar flimkien mal-isem irreġistrat fl-istess kamp viżiv. Ir-rekwiżiti tat-tikkettar stipulati fl-Artikolu 13(1) tar-Regolament (UE) Nru 1169/2011 għall-preżentazzjoni ta’ dettalji obbligatorji għandhom japplikaw għall-ispeċjalità tradizzjonali garantita rreġistrata.

3.   Is-simbolu tal-Unjoni jista’ jintuża fuq it-tikketta tal-ispeċjalitajiet tradizzjonali garantiti li jiġu prodotti barra mill-Unjoni.

4.   Il-Kummissjoni għandha, permezz ta’ atti ta’ implimentazzjoni, tispeċifika l-karatteristiċi tekniċi tas-simbolu tal-Unjoni kif ukoll ir-regoli tekniċi dwar l-użu tagħhom u l-użu tal-indikazzjoni u t-taqsira fuq il-prodotti kkummerċjalizzati taħt speċjalità tradizzjonali garantita, inkluż verżjonijiet lingwistiċi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Isem irreġistrat bħala speċjalità tradizzjonali garantita jista’ jintuża minn kwalunkwe operatur li jikkummerċjalizza prodott li jkun konformi mal-ispeċifikazzjoni tal-prodott korrispondenti.

2.   L-Istati Membri għandhom jiżguraw li l-operaturi jkunu koperti mill-verifika tal-konformità mal-ispeċifikazzjoni tal-prodott stabbilita skont l-Artikolu 72.

1.   Il-kontrolli tal-ispeċjalitajiet tradizzjonali garantiti jfissru:

2.   Għall-finijiet ta’ dan il-Kapitolu, l-infurzar jinkludi kwalunkwe azzjoni li għandha l-għan li tiżgura l-konformità mal-Artikoli 68, 69 u 70 ta’ dan ir-Regolament.

3.   L-awtoritajiet kompetenti, il-korpi delegati u l-persuni fiżiċi li lilhom ikunu ġew iddelegati ċerti kompiti ta’ kontroll uffiċjali għandhom jikkonformaw mar-rekwiżiti rispettivi stabbiliti fir-Regolament (UE) 2017/625.

4.   Kull operatur li jixtieq jipparteċipa fi kwalunkwe attività soġġetta għal obbligu wieħed jew aktar previsti fl-ispeċifikazzjoni tal-prodott ta’ prodott identifikat bħala speċjalità tradizzjonali garantita għandu jinnotifika lill-awtoritajiet kompetenti, lill-korpi delegati jew lill-persuni fiżiċi msemmija fil-paragrafu 6, il-punti (a) u (b).

L-Istati Membri għandhom ifasslu u jżommu aġġornata lista ta’ operaturi li jwettqu attivitajiet soġġetti għal obbligu wieħed jew aktar previsti fl-ispeċifikazzjoni tal-prodott ta’ prodott identifikat minn speċjalità tradizzjonali garantita mdaħħla fir-reġistru tal-Unjoni ta’ speċjalitajiet tradizzjonali garantiti fir-territorju tagħhom.

5.   Il-produtturi għandhom ikunu responsabbli għall-kontrolli proprji li jiżguraw il-konformità mal-ispeċifikazzjoni tal-prodott ta’ prodotti identifikati minn speċjalitajiet tradizzjonali garantiti qabel ma l-prodott jiġi introdott fis-suq.

6.   Minbarra l-kontrolli proprji msemmija fil-paragrafu 5, qabel l-introduzzjoni fis-suq ta’ prodott identifikat minn speċjalità tradizzjonali garantita u li joriġina fl-Unjoni, il-verifika tal-konformità mal-ispeċifikazzjoni tal-prodott għandha titwettaq minn:

7.   Fir-rigward tal-ispeċjalitajiet tradizzjonali garantiti li jidentifikaw prodotti li joriġinaw f’pajjiż terz, il-verifika tal-konformità mal-ispeċifikazzjoni tal-prodott qabel l-introduzzjoni tal-prodott fis-suq għandha titwettaq minn:

Il-kostijiet tal-verifika tal-konformità mal-ispeċifikazzjoni tal-prodott jistgħu jitħallsu mill-operaturi li jkunu suġġetti għal dawk il-kontrolli. L-Istati Membri jistgħu jitolbu tariffa biex ikopru l-kostijiet tagħhom tal-verifika tal-konformità mal-ispeċifikazzjoni tal-prodott.

8.   L-Istati Membri għandhom jippubblikaw l-ismijiet u l-indirizzi tal-awtoritajiet kompetenti, il-korpi delegati u l-persuni fiżiċi msemmija fil-paragrafu 6 għal kull prodott identifikat minn speċjalità tradizzjonali garantita u jżommu dik l-informazzjoni aġġornata.

9.   Il-Kummissjoni għandha tippubblika l-ismijiet u l-indirizzi tal-awtoritajiet kompetenti u tal-korpi taċ-ċertifikazzjoni tal-prodotti msemmija fil-paragrafu 7 u taġġorna dik l-informazzjoni regolarment.

10.   Il-Kummissjoni tista’ tistabbilixxi portal diġitali fejn l-isem u l-indirizz tal-awtoritajiet kompetenti, korpi delegati u korpi taċ-ċertifikazzjoni tal-prodotti, u persuni fiżiċi msemmija fil-paragrafi 6 u 7 jiġu ppubblikati.

11.   Il-Kummissjoni għandha tadotta atti ta’ implimentazzjoni dwar il-komunikazzjoni li għandha ssir mill-pajjiżi terzi lill-Kummissjoni, inkluż dwar l-ismijiet u l-indirizzi tal-awtoritajiet kompetenti u tal-korpi taċ-ċertifikazzjoni tal-prodotti. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

12.   Il-Kummissjoni tista’, permezz ta’ atti ta’ implimentazzjoni, mingħajr ma tapplika l-proċedura msemmija fl-Artikolu 88 (2) , tistabbilixxi l-mezzi li bihom għandhom jiġu ppubblikati l-isem u l-indirizz tal-awtoritajiet kompetenti u tal-korpi delegati msemmija f’dan l-Artikolu.

1.   Il-korpi delegati msemmija fl-Artikolu 72(6), il-punt (b), u l-korpi taċ-ċertifikazzjoni tal-prodotti msemmija fl-Artikolu 72(7), il-punt (b), għandhom jikkonformaw ma’ kwalunkwe wieħed mill-istandards li ġejjin, u jiġu akkreditati f’konformità ma’ dan, kif rilevanti għall-kompiti delegati:

2.   L-akkreditazzjoni msemmija fil-paragrafu 1 għandha ssir minn korp nazzjonali ta’ akkreditazzjoni rikonoxxut f’konformità mar-Regolament (KE) Nru 765/2008, li jkun firmatarju ta’ Ftehim Multilaterali fil-qafas tal-Kooperazzjoni Ewropea għall-Akkreditazzjoni li jkopri l-istandards imsemmija fil-paragrafu 1, jew minn korp ta’ akkreditazzjoni barra l-Unjoni li jkun firmatarju ta’ Arranġament ta’ Rikonoxximent Multilaterali tal-Forum Internazzjonali għall-Akkreditazzjoni jew ta’ Arranġament ta’ Rikonoxximent Reċiproku tal-Kooperazzjoni Internazzjonali għall-Akkreditazzjoni tal-Laboratorji li jkopri l-istandards imsemmija fil-paragrafu 1.

1.   L-Istati Membri għandhom jaħtru awtorità kompetenti waħda jew aktar responsabbli għall-verifika ta’, u għal azzjonijiet ta’ infurzar fuq, l-użu ta’ speċjalità tradizzjonali garantita wara li l-prodott identifikat minn speċjalità tradizzjonali garantita jkun ġie introdott fis-suq, li jinkludi operazzjonijiet bħall-ħżin, it-tranżitu, id-distribuzzjoni jew l-offerta għall-bejgħ, inkluż fil-kummerċ elettroniku. Dawk l-awtoritajiet jistgħu jkunu l-istess bħall-awtoritajiet kompetenti msemmija fl-Artikolu 72(6), il-punt (a). Il-verifika tal-użu tal-ispeċjalitajiet tradizzjonali garantiti għandha ssir fuq il-bażi ta’ analiżi tar-riskju.

2.   L-awtoritajiet imsemmija fil-paragrafu 1 għandhom jiżguraw il-konformità mal-ispeċifikazzjoni tal-prodott għall-ispeċjalità tradizzjonali garantita kkonċernata.

3.   L-Istati Membri għandhom jieħdu passi amministrattivi u ġudizzjarji xierqa biex jipprevjenu jew iwaqqfu l-użu ta’ ismijiet ta’ prodotti jew servizzi li jiġu prodotti, ipprovduti jew ikkummerċjalizzati fit-territorju tagħhom, jew li jkunu maħsuba għall-esportazzjoni lejn pajjiżi terzi, u li jiksru l-protezzjoni tal-ispeċjalitajiet tradizzjonali garantiti prevista fl-Artikolu 68.

4.   L-awtorità jew awtoritajiet maħtura f’konformità mal-paragrafu 1 għandhom jiffaċilitaw l-iskambju ta’ informazzjoni fost id-dipartimenti, l-aġenziji u l-korpi rilevanti, bħall-pulizija, l-aġenziji kontra l-falsifikazzjoni, id-dwana, l-uffiċċji tal-proprjetà intellettwali, l-awtoritajiet tal-liġi dwar l-ikel u l-ispetturi tal-bejgħ bl-imnut, biex jiżguraw infurzar effiċjenti.

1.   Kwalunkwe informazzjoni relatata mar-reklamar, il-promozzjoni u l-bejgħ ta’ prodotti li tkun aċċessibbli għal persuni stabbiliti fl-Unjoni u li tikser il-protezzjoni ta’ speċjalità tradizzjonali garantita prevista fl-Artikolu 68 ta’ dan ir-Regolament għandha titqies bħala kontenut illegali kif definit fl-Artikolu 3, il-punt (h), tar-Regolament (UE) 2022/2065.

2.   L-awtoritajiet ġudizzjarji jew amministrattivi nazzjonali rilevanti tal-Istati Membri jistgħu, f’konformità mal-Artikolu 9 tar-Regolament (UE) 2022/2065, joħorġu ordni biex jaġixxu kontra l-kontenut illegali imsemmi fil-paragrafu 1 ta’ dan l-Artikolu.

1.   L-Istati Membri għandhom jassistu lil xulxin għall-fini tat-twettiq tal-kontrolli u l-infurzar previsti f’dan il-Kapitolu f’konformità mat-Titolu IV tar-Regolament (UE) 2017/625.

2.   Il-Kummissjoni tista’, permezz ta’ atti ta’ implimentazzjoni, tistabbilixxi regoli dettaljati dwar in-natura u t-tip tal-informazzjoni li għandha tiġi skambjata fost l-Istati Membri u l-metodi għall-iskambju ta’ dik l-informazzjoni għall-fini ta’ kontrolli u infurzar skont dan il-Kapitolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   Operatur li l-prodott tiegħu, wara l-verifika tal-konformità msemmija fl-Artikolu 72, jinstab li jikkonforma mal-ispeċifikazzjoni tal-prodott ta’ speċjalità tradizzjonali garantita protetta skont dan ir-Regolament għandu, fuq talba, u skont is-sistema applikata fl-Istat Membru kkonċernat, ikun intitolat għal:

2.   L-attestazzjoni tal-konformità u l-entrata fil-lista msemmija fil-paragrafu 1, il-punti (a) u (b) rispettivament, għandhom jiġu aġġornati perjodikament, fuq il-bażi ta’ valutazzjoni tar-riskju.

3.   Operatur li ma jibqax jingħata l-attestazzjoni tal-konformità jew li jkun tneħħa mil-lista, ma għandux ikompli juri jew juża l-attestazzjoni tal-konformità jew l-entrata fil-lista.

4.   Il-Kummissjoni għandha, permezz ta’ atti ta’ implimentazzjoni, tistabbilixxi regoli dettaljati dwar il-forma u l-kontenut tal-attestazzjoni tal-konformità u l-entrata fil-lista, kif ukoll dwar iċ-ċirkostanzi li fihom, u l-forom li fihom, dawn għandhom isiru disponibbli mill-operaturi jew min-negozjanti għall-kontroll jew matul in-negozju, inkluż fil-każ ta’ attestazzjoni ekwivalenti li tikkonċerna prodotti li joriġinaw f’pajjiżi terzi. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

1.   L-Istati Membri jistgħu jżommu regoli nazzjonali dwar termini tal-kwalità mhux obbligatorji u skemi li mhumiex koperti minn dan ir-Regolament, dment li tali regoli jikkonformaw mal-liġi tal-Unjoni.

2.   Il-Kummissjoni tista’ tistabbilixxi sistema diġitali għall-inklużjoni tat-termini u l-iskemi msemmija fil-paragrafu 1, u tagħti appoġġ għaliha, bil-għan li trawwem għarfien dwar il-prodotti u l-iskemi madwar l-Unjoni. Il-Kummissjoni tista’, permezz ta’ atti ta’ implimentazzjoni, tistabbilixxi d-dettalji tekniċi, meħtieġa għan-notifika tat-termini tal-kwalità mhux obbligatorji. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88 (2) .

1.   It-termini tal-kwalità mhux obbligatorji għandhom jissodisfaw il-kriterji li ġejjin:

2.   Termini tal-kwalità mhux obbligatorji li jiddeskrivu l-kwalitajiet tekniċi tal-prodott bil-għan li jimplimentaw standards obbligatorji tal-kummerċjalizzazzjoni u li mhumiex maħsuba biex jinfurmaw lill-konsumaturi dwar dawk il-kwalitajiet tal-prodott għandhom jaqgħu barra mill-kamp ta’ applikazzjoni ta’ dan il-Kapitolu.

3.   It-termini tal-kwalità mhux obbligatorji għandhom jeskludu termini riżervati mhux obbligatorji li jappoġġaw u jikkomplementaw standards speċifiċi tal-kummerċjalizzazzjoni determinati fuq il-bażi tas-settur jew tal-kategorija tal-prodott.

4.   Sabiex jitqies il-karattru speċifiku ta’ ċerti setturi kif ukoll tal-aspettattivi tal-konsumatur, il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu regoli dettaljati dwar il-kriterji msemmija fil-paragrafu 1 ta’ dan l-Artikolu.

5.   Il-Kummissjoni tista’, permezz ta’ atti ta’ implimentazzjoni, tistabbilixxi regoli dwar forom, proċeduri jew dettalji tekniċi oħra meħtieġa għall-applikazzjoni ta’ dan il-Kapitolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

6.   Meta tadotta atti delegati u ta’ implimentazzjoni f’konformità mal-paragrafi 4 u 5, il-Kummissjoni għandha tqis kwalunkwe standard internazzjonali rilevanti.

1.   It-terminu “prodott tal-muntanja” għandu jiġi stabbilit bħala terminu tal-kwalità mhux obbligatorju. Dan għandu jiġi riżervat bħala terminu kompost. Dan għandu jintuża biss biex jiddeskrivi prodotti maħsuba għall-konsum mill-bniedem elenkati fl-Anness I tat-TFUE li fir-rigward tagħhom:

2.   Għall-finijiet ta’ dan l-Artikolu, iż-żoni muntanjużi fl-Unjoni huma dawk delimitati skont l-Artikolu 32(2) tar-Regolament (UE) Nru 1305/2013 tal-Parlament Ewropew u tal-Kunsill (30).

Għal prodotti ta’ pajjiżi terzi, iż-żoni muntanjużi għandhom jinkludu żoni uffiċjalment identifikati bħala żoni muntanjużi mill-pajjiż terz ikkonċernat jew li jissodisfaw kriterji ekwivalenti għal dawk stipulati fl-Artikolu 32(2) tar-Regolament (UE) Nru 1305/2013.

3.   F’każijiet debitament ġustifikati u sabiex jitqiesu r-restrizzjonijiet naturali li jolqtu l-produzzjoni agrikola f’żoni muntanjużi, il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament billi jistabbilixxu derogi mill-kundizzjonijiet imsemmija fil-paragrafu 1 ta’ dan l-Artikolu, b’mod partikolari l-kundizzjonijiet li taħthom il-materja prima jew l-għalf jistgħu jiġu minn barra ż-żoni muntanjużi, il-kundizzjonijiet li taħthom l-ipproċessar tal-prodotti jitħalla jsir barra miż-żoni muntanjużi f’żona ġeografika li tkun trid tiġi ddefinita, u d-definizzjoni ta’ dik iż-żona ġeografika.

4.   Biex jitqiesu r-restrizzjonijiet naturali li jolqtu l-produzzjoni agrikola f’żoni muntanjużi, il-Kummissjoni hi mogħtija s-setgħa li tadotta atti delegati f’konformità mal-Artikolu 87 li jissupplimentaw dan ir-Regolament b’rabta mal-istabbiliment tal-metodi ta’ produzzjoni u kriterji oħra rilevanti għall-applikazzjoni tat-terminu tal-kwalità mhux obbligatorju msemmi fil-paragrafu 1 ta’ dan l-Artikolu.

1.   Terminu tal-kwalità mhux obbligatorju jista’ jintuża biss biex jiddeskrivi prodotti li jikkonformaw mal-kundizzjonijiet tal-użu korrispondenti.

2.   Id-dispożizzjonijiet ta’ dan il-Kapitolu għandhom ikunu mingħajr preġudizzju għall-applikazzjoni tar-regoli tal-Unjoni jew dawk nazzjonali li jirregolaw il-proprjetà intellettwali, u b’mod partikolari dawk li jikkonċernaw denominazzjonijiet ta’ oriġini u indikazzjonijiet ġeografiċi u trademarks, u d-drittijiet mogħtija taħt dawk ir-regoli.

3.   Il-Kummissjoni tista’, permezz ta’ atti ta’ implimentazzjoni, tistabbilixxi regoli għall-użu ta’ termini tal-kwalità mhux obbligatorji. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 88(2).

4.   L-Istati Membri għandhom iwettqu kontrolli, abbażi ta’ analiżi tar-riskju, biex jiżguraw il-konformità mar-rekwiżiti ta’ dan il-Kapitolu u, fil-każ ta’ ksur, għandhom jimponu penali amministrattivi xierqa.