(1)

L-esperjenza akkwiżita fl-applikazzjoni tar-Regolament (KE) Nru 2295/2003 tal-Kummissjoni (2) wriet li hu neċessarju li jsiru xi preċiżjonijiet għal ċerti miżuri ta’ l-imsemmi Regolament.

(2)

Il-kolletturi jeżerċitaw attività li tippermettilhom jiġbru l-bajd fil-postijiet tal-produzzjoni u li jikkunsinjawhom fiċ-ċentri ta’ l-ippakkjar jew fi stabbilimenti oħra, kemm l-industrija ta’ l-ikel u kemm dik li mhix. Jaqbel li jiġi ppreċiżat lil liema stabbilimenti jistgħu jsiru dawn il-konsenji.

(3)

Il-garanzija tal-kwalità tal-bajd tiddependi parzjalment mill-ħinijiet ta’ ġbir tal-bajd u tal-konsenja ta’ dawn fiċ-ċentri ta’ l-ippakkjar. L-użu ta’ metodi differenti ta’ ġbir u ta’ konsenja tal-bajd mill-operaturi ekonomiċi m’għandux iwassal biex ikun preferut metodu ta’ organizzazzjoni fir-rigward ta’ ieħor. Għalhekk hu neċessarju li jkunu preċiżati l-ħinijiet applikabbli fil-każijiet differenti ta’ metodi użati.

(4)

Il-leġislazzjoni komunitarja tiddistingwi bejn l-operaturi ekonomiċi skond il-kundizzjonijiet li fihom huma jintervjenu fl-immaniġġjar ta’ prodotti ta’ oriġini annimali u ma tissottomettix għall-approvazzjoni l-istabbilimenti li jieħdu biss ħsieb ta’ l-attivitajiet ta’ trasport jew ta’ ħażna li m’għandhomx bżonn ta’ regolazzjoni tat-temperatura. Jaqbel għalhekk li jkunu sottomessi biss għar-reġistrazzjoni il-kolletturi li ma jintervjenux ħlief biex jassiguraw it-trasport tal-bajd bejn il-post tal-produzzjoni u l-istabbiliment li ser jimmaniġġja l-bajd, li jiġu preċiżati t-termini ta’ l-approvazzjoni u li jkunu stipulati l-formalitajiet speċifiċi għar-reġistrazzjoni ta’ din il-kategorija ta’ kolletturi.

(5)

Minħabba li jkun hemm telf fiżjoloġiku ta’ ilma u ta’ piż fil-bajd bejn id-data meta tbiedu u d-data li jinbiegħu lill-konsumatur finali, huwa neċessarju li jkun ippreċiżat li l-piż nett totali muri fil-ħin ta’ l-ippakkjar tal-bajd għandu mill-anqas jikkorespondi għall-piż nett totali tal-bajd meta jinbiegħu lill-konsumatur finali.

(6)

Il-konsenja lill-industrija ta’ “bajd ta’ kategorija A” tista’ ssir mingħajr ma tkun affettwata l-klassifikazzjoni f’kategoriji ta’ piż. Jaqbel għalhekk li jintalab li l-marka ta’ distinzjoni “bajd ta’ kategorija A” tkun imwaħħla fuq il-kontenituri konsenjati lill-istabbilimenti konċernati.

(7)

L-immarkar tal-bajd u ta’ l-ippakkjar kif stipulat mill-Artikoli 7 u 10 tar-Regolament (KEE) Nru 1907/90 jistgħu jsiru f’dati differenti. Jaqbel li dawn id-dati jkunu preċiżati.

(8)

Sabiex tkun evitata l-frodi fl-użu ta’ kuntratti ta’ esklussività maħsuba fl-Artikolu 8, Paragrafu 5, tar-Regolament (KE) Nru 2295/2003, jaqbel li l-Istati Membri jitħallew liberi li jiffissaw iż-żmien minimu għal dawn il-kuntratti, li jkun ta’ aktar minn xahar.

(9)

Sabiex ikun hemm traċċabilità tajba tal-prodotti f’każ ta’ trasferiment tal-bajd minn ċentru ta’ l-ippakkjar għal ieħor, jaqbel li l-ewwel ċentru ta’ l-ippakkjar jintalab jittimbra l-bajd qabel ma dawn jiġu konsenjati lit-tieni ċentru ta’ l-ippakkjar.

(10)

Il-miżuri relattivi għall-klassifikazzjoni, għall-ippakkjar u għall-konsenja lejn ċentru ta’ l-ippakkjar ieħor kif stipulati mill-Artikolu 12, Paragrafu 3, tar-Regolament (KE) Nru 2295/2003 joħolqu ċerta konfużjoni u jagħmlu xogħol doppju ma’ dawk ta’ l-Artikolu 2 ta’ l-imsemmi Regolament. Għalhekk jaqbel li jitneħħew.

(11)

Sabiex ikun permess li l-immarkar tal-bajd isir f’kundizzjonijiet identiċi jkun xi jkun il-metodu tat-trobbija, jaqbel li jkun permess, fil-każijiet kollha, l-użu ta’ kodiċi li jidhru f’punt 2.1. ta’ l-Anness mad-Direttiva 2002/4/KE tal-Kummissjoni tat-30 ta’ Jannar 2002 rigward ir-reġistrazzjoni ta’ stabbilimenti ta’ trobbija ta’ tiġieġ bajjada skond id-Direttiva 1999/74/KE tal-Kunsill (3).

(12)

Sabiex il-konsumatur ikun infurmat, fil-każ ta’ bejgħ fi kwantitajiet kbar, bit-tifsira tan-numru ta’ distinzjoni tal-produttur u tal-kodiċi użati, huwa indispensabbli li l-ispjegazzjoni tkun obbligatorja, fuq l-ippakkjar il-kbir u ppakkjar ieħor bħal per eżempju dawk fuq film tal-plastik, jew f’avviż separat.

(13)

Sabiex il-konsumatur ikun infurmat, fil-każ ta’ bejgħ ta’ bajd taħt it-titli ta’ “bajd maħsul” jew “bajd imkessaħ”, huwa neċessarju li l-bajd ikun immarkat b’mod li jippermetti li jingħarfu minn bajd mibjugħ taħt it-titlu ta’ “bajd ta’ kategorija A”, filwaqt li jkun meħtieġ li dawn il-bajd ikunu mmarkati b’indikazzjonijiet oħra stipulati għall-bajd ta’ kategorija A.

(14)

In-nuqqas ta’ mmarkar ta’ bajd destinat għall-industrija jista’ jippermetti frodi li twassal biex fuq is-suq ikun hemm ċerti gruppi ta’ bajd destinati għall-bejgħ separat ta’ bajd, li jkun fi ksur tal-leġislazzjoni komunitarja. Jaqbel li jkunu stipulati miżuri limitattivi għall-derogi stipulati għal dawn il-konsenji.

(15)

B’kunsiderazzjoni għall-obbligi internazzjonali tal-Komunità, il-bajd ta’ kategorija B impurtat minn pajjiżi terzi huwa eżenti mill-immarkar. Madankollu, b’kunsiderazzjoni għar-riskji ta’ frodi inerenti għal dan il-kummerċ fis-suq intern, jaqbel li jkunu stipulati miżuri ta’ sorveljanza li jippermettu li tkun garantita d-destinazzjoni finali tal-prodotti.

(16)

Il-leġislazzjoni komunitarja stipulat għall-importazzjoni tal-bajd minn pajjiżi terzi, f’konformità ma’ l-Artikolu 11 tar-Regolament (KEE) Nru 2092/91 tal-Kunsill ta’ l-24 ta’ Ġunju 1991 rigward il-metodu ta’ produzzjoni bijoloġika ta’ prodotti agrikoli u l-preżentazzjoni tagħha fuq il-prodotti agrikoli u l-oġġetti ta’ l-ikel (4) ir-rikonoxximent ta’ standards applikati minn uħud minn dawn il-pajjiżi terzi. Jaqbel għalhekk li jkun stipulat li l-immarkar tal-bajd jista’ jsir direttament fil-pajjiż ta’ l-oriġini konċernat, fl-istess kundizzjonijiet bħal dawk stipulati fil-livell komunitarju.

(17)

Bil-ħsieb li titjieb il-preżentazzjoni ta’ miżuri relattivi għar-reġistrazzjoni ta’ informazzjoni mitluba min-naħa tal-kategoriji differenti ta’ l-operaturi ekonomiċi, jaqbel li jerġgħu jinġabru l-obbligi stipulati fl-Artikoli 25, 26 u 27 tar-Regolament (KE) Nru 2295/2003 skond il-kategorija ta’ l-operaturi u skond it-tip ta’ l-obbligu.

(18)

L-Artikolu 6, Paragrafu 4, tar-Regolament (KEE) Nru 1907/90 jistipula li ċerti ċentri ta’ l-ippakkjar jistgħu jkunu approvati għall-ħasil tal-bajd. Il-komunikazzjoni tal-lista taċ-ċentri ta’ l-ippakkjar għalhekk għandha tinkludi din l-informazzjoni speċifika komplementari.

(19)

Ċerti derogi rigward l-eżiġenzi minimi applikabbli għall-faċilitajiet ta’ trobbija jibbenefikaw lill-stabbilimenti tat-trobbija sad-dati kif preċiżati mill-Artikolu 4 tad-Direttiva 1999/74/KE tal-Kunsill tad-19 ta’ Lulju 1999 li jistabbilixxi n-normi minimi relattivi għall-protezzjoni tat-tiġieġ bajjada (5). Dawn id-derogi madankollu ma jistgħux jistrieħu fuq obbligi stipulati mill-leġislazzjoni komunitarja applikabbli qabel, b’mod partikolari għal dawk li huma l-eżiġenzi minimi li jidhru fl-Anness II, punti c) u d), tar-Regolament (KEE) Nru 1274/91 tal-Kummissjoni tal-15 ta’ Mejju 1991 li jistabbilixxi l-kundizzjonijiet ta’ applikazzjoni tar-Regolament (KEE) Nru 1907/90 tal-Kunsill rigward ċerti standards ta’ bejgħ applikabbli għall-bajd (6), qabel il-modifika introdotta mir-Regolament (KE) Nru 1651/2001 tal-Kummissjoni (7).

(20)

Għal raġunijiet ta’ lingwa, jaqbel li jiżdiedu ċerti sinonimi Griegi ekwivalenti għall-avviżi biex jintużaw għat-turija ta’ metodi ta’ trobbija ta’ tiġieġ bajjada imsemmija fil-kolonna 2 ta’ l-Anness II.

(21)

Għal din ir-raġuni jaqbel li jiġi modifikat r-Regolament (KE) Nru 2295/2003.

(22)

Il-miżuri stipulati minn dan ir-Regolament huma konformi ma’ l-opinjoni tal-Kumitat ta’ l-immaniġġjar tal-laħam tat-tajr u tal-bajd,

1)

Fl-Artikolu 1, Paragrafu 3 hu sostitwit mit-test li ġej:

“3.   Il-kollettur jikkonsenja l-bajd lill-istabbilimenti oħra li l-kolletturi, stipulati fl-Artikolu 4, Paragrafu 1, punt a), tar-Regolament (KEE) Nru 1907/90, sa l-aktar tard il-jum ta’ xogħol li jsegwi dak li fih jirċevihom.”

2)

Fl-Artikolu 2, Paragrafu 1 hu sostitwit mit-test li ġej:

“1.   Iċ-ċentru ta’ l-ippakkjar jikklassifika u jimmarka l-bajd sa l-aktar tard it-tieni jum ta’ xogħol li jsegwi dak li fih jirċevihom. Jingħata jum ta’ xogħol supplementari għall-ippakkjar tagħhom u l-immarkar ta’ l-ippakkjar.

L-ewwel linja mhix applikabbli meta l-bajd irċevut mill-produtturi huma konsenjati, wara l-immarkar konformi ma’ l-Artikolu 8, Paragrafu 6, lejn tieni ċentru ta’ ppakkjar għall-klassifikazzjoni skond il-kwalità u l-piż, ippakkjar u mmarkar ta’ l-ippakkjar. F’dan il-każ, il-konsenja lejn it-tieni ċentru ta’ l-ippakkjar issir sa l-aktar tard il-jum ta’ xogħol li jsegwi dak li fih jirċevihom l-ewwel wieħed. Il-klassifikazzjoni tal-bajd issir sa l-aktar tard il-jum ta’ xogħol li jsegwi dak li fih jirċevihom it-tieni ċentru ta’ l-ippakkjar. It-tieni ċentru ta’ l-ippakkjar jingħata jum ta’ xogħol supplementari għall-ippakkjar tal-bajd u l-immarkar ta’ l-ippakkjar.

Meta l-ewwel ċentru ta’ l-ippakkjar jikkonsenja l-bajd lit-tieni ċentru ta’ l-ippakkjar wara li jkun għamel l-immarkar u l-klassifikazzjoni skond il-kwalità u l-piż, l-ippakkjar tal-bajd u l-immarkar ta’ l-ippakkjar isiru fi żmien jum ta’ xogħol li jsegwi dak li fih jirċevihom it-tieni ċentru.

L-Artikolu 1, Paragrafu 4, japplika għall-konsenji maħsuba fit-tieni u t-tielet linja. Fil-każ maħsub fit-tielet linja, kull kontenitur ikollu wkoll l-avviż tal-kategorija tal-piż u tal-kwalità tal-bajd.”

3)

Fl-Artikolu 3, Paragrafu 1 hu sostitwit bit-test li ġej:

“1.   Ma jistgħux ikunu approvati bħala ċentri ta’ l-ippakkjar maħsuba fl-Artikolu 5 tar-Regolament (KEE) Nru 1907/90 jew irreġistrati bħala kolletturi ħlief l-intrapriżi u l-produtturi li jissodisfaw il-kundizzjonijiet stabbiliti fil-Paragrafi 2, 3 u 4 ta’ dan l-Artikolu.”

4)

L-Artikolu 4 hu emendat kif ġej:

5)

L-Artikolu 7 hu emendat kif ġej:

6)

L’Artikolu 8 hu emendat kif ġej:

7)

Fl-Artikolu 9, il-Paragrafu 5 hu miżjud kif ġej:

“5.   Għall-bajd imkessaħ destinant għall-bejgħ separat fid-dipartimenti Franċiżi barranin, id-data tad-dewmien minimu ma tistax tkun aktar minn erbgħin jum wara dak li fih ikun tbied.”

8)

Fil-Paragrafu 2, it-tieni linja ta’ l-Artikolu 11, il-kelma “erbgħin” hi sostitwita mill-kliem “tlieta u tletin”

9)

Fl-Artikolu 12, il-Paragrafu 3 hu sostitwit mit-test li ġej:

“3.   Meta l-fornitura ta’ bajd fiċ-ċentru ta’ l-ippakkjar ma ssirx f’kontenituri, imma hi żgurata mill-istess mezzi ta’ produzzjoni stabbiliti fil-post innifsu, il-bajd għandu jkun ittimbrat b’indikazzjoni tad-data li fih jinbied fil-jum li fih jinbied.

Madankollu, l-bajd li jitbiedu f’jiem li mhux ta’ xogħol jistgħu jiġu ttimbrati l-ewwel jum ta’ xogħol li jsegwi, fl-istess ħin tal-bajd li jkun tbied dak il-jum stess, u juri d-data ta’ l-ewwel jum mhux ta’ xogħol.”

10)

L-Artikolu 13 hu emendat kif ġej:

11)

L-Artikolu 16 hu emendat kif ġej:

12)

L-Artikolu 24 hu emendat kif ġej:

13)

L-Artikolu 25 hu emendat kif ġej:

14)

Fl-Artikolu 26, Paragrafu 1, l-ewwel linja, il-punti mill-a) sa l-e) huma sostitwiti mit-test kif ġej:

15)

L-Artikolu 27 hu sostitwit mit-test kif ġej:

“Artikolu 27

Reġistrazzjoni mill-operaturi l-oħra

1.   Għall-bajd maħsuba fl-Artikoli 13, 14 u 15, il-kolletturi għandhom jippruvaw:

Huma jirreġistraw separatament, skond il-metodu ta’ tnissil, skond il-metodu ta’ l-għalf u skond il-jum il-kwantitajiet ta’ bajd li huma jikkonsenjaw liċ-ċentri ta’ l-ippakkjar, inklużi n-numri ta’ distinzjoni ta’ dawn iċ-ċentri u d-data li fiha tbiedu jew il-perjodu li fih tbiedu.

2.   Għall-bajd maħsuba fl-Artikoli 13, 14 u 15, il-kummerċjanti ta’ kwantitajiet kbar, inklużi dawk li jerġgħu ibiegħu mingħajr ma jimmanipulaw il-bajd fiżikament, iridu jippruvaw:

Barra minn hekk, il-kummerċjanti ta’ kwantitajiet kbar li jimmanipulaw dawn il-bajd fiżikament għandhom kull ġimgħa jirreġistraw l-istokk attwali.

3.   Il-kolletturi u l-kummerċjanti ta’ kwantitajiet kbar għandhom iżommu għal mill-anqas sitt xhur ir-reġistrazzjonijiet relattivi għat-transazzjonijiet kummerċjali ta’ xiri u bejgħ u inventorju ta’ stokks.

Huma jistgħu, minflok iżommu reġstri tax-xiri u l-bejgħ, iżommu l-irċevuti u n-noti ta’ konsenja ġewwa fajls, fejn ikunu indikati l-avviżi maħsuba fl-Artikoli 13, 14 u 15.

4.   Il-fabbrikanti u l-fornituri ta’ ikel iżommu rendikont ta’ konsenji magħmula lill-produtturi msemmija fl-Artikolu 25, Paragrafu 1, punt b), u jsemmu l-kompożizzjoni ta’ l-ikel konsenjat.

Huma jżommu dan ir-rendikont għal mill-anqas sitt xhur wara l-konsenja.

5.   L-intrapriżi agroalimentari, approvati f’konformità mad-Direttiva 89/437/KEE, iżommu għal perjodu ta’ mill-anqas sitt xhur, skond id-data li rċevewhom, id-dikjarazzjoni tat-taxxa tal-ġbir fuq konsenji li huma ħadu ħsieb, kompluti bl-informazzjoni li jkun hemm fuq il-kontenituri u l-ippakkjar, kif ukoll inventorju ta’ kull ġimgħa ta’ l-istokks ta’ bajd tagħhom.

6.   Ir-reġistri kollha, rendikontijiet u reġistrazzjonijiet oħra maħsuba fl-Artikoli 25 u 26 u f’dan l-Artikolu jitpoġġew, hekk kif mitluba, għad-dispożizzjoni ta’ l-awtoritajiet kompetenti.”.

16)

L-Artikolu 29 hu emendat kif ġej:

17)

Fl-ewwel linja il-punti a) u b) tal-Paragrafu 1. ta’ l-Anness III, l-element tal-frażi li ġejja jitneħħa: “mid-dati maħsuba fl-imsemmi Artikolu,”

18)

Fit-tieni kolonna ta’ l-Anness II, it-termini Griegi li ġejjin huma miżjuda:

19)

Fl-Anness III, il-Paragrafi 2 u 3 huma sostitwiti mit-test li ġej:

20)

L-Anness V li jsegwi hu miżjud:

21)

L-Anness V jsir l-Anness VI.