Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Bearta bainistíochta, caomhnaithe agus rialaithe i limistéar an Choinbhinsiúin Idir-Mheiriceánaigh um Thuinníní Teochreasacha

 

ACHOIMRE AR:

Rialachán (AE) 2021/56 lena leagtar síos bearta bainistíochta, caomhnaithe agus rialaithe is infheidhme i limistéar an Choinbhinsiúin Idir-Mheiriceánaigh um Thuinníní Teochreasacha agus lena leasaítear Rialachán (CE) Uimh. 520/2007 ón gComhairle

CAD IS AIDHM LEIS AN RIALACHÁN?

PRÍOMHPHOINTÍ

Caomhnú agus Bainistiú

  • Amanna dúnta: tá an iascaireacht dúnta d’feithlicí peas-saighne* le haghaidh tuinníní teochreasacha (tuinnín mórshúileach, tuinnín buí agus tuinnín aigéanach) ar feadh dhá thréimhse gach bliain. Ní mór do gach Ballstát AE atá rannpháirteach san iascaireacht a shonrú faoin 15 Bealtaine cé acu ceann den dá thréimhse dúnta — idir an 29 Iúil go dtí an 8 Deireadh Fómhair, nó idir an 9 Samhain go dtí an 19 Eanáir — a bheidh feidhm léi maidir lena soithí féin.
  • Dúnadh limistéar: dúntar an iascaireacht le haghaidh tuinníní teochreasacha laistigh den limistéar 96° agus 110°W agus idir 4°N agus 3°S don tréimhse idir 9 Deireadh Fómhair agus 8 Samhain.
  • Tá cosc ar threalamh iascaireachta a úsáid laistigh de 1 mhuirmhíle de bhaoi sonraí* ar ancaire nó idirghníomhú leis sa limistéar Coinbhinsiúin.
  • Feistí gníomhacha um chomhbhailiú éisc* (FADanna) teoranta do 450 in aghaidh an tsoithigh pheas-saighne. Tuairisceoidh Ballstáit faisnéis laethúil faoi gach FAD gníomhach don Choimisiún Eorpach agus cuirfear an fhaisnéis sin isteach le haga moillithe de 60 lá ar a laghad, ach le níos lú ná 90 lá idir gach tuarascáil. Ní mór d’oibreoirí shoithí iascaireachta AE aon idirghabháil le FADanna a bhailiú agus a thuairisciú.
  • Is i bport a thabharfar faoi gach trasloingsiú de speicis IATTC sa limistéar Coinbhinsiúin.

Speicis mhuirí a chosaint

  • Ní choinneofar na speicis seo a leanas ar bord, ní dhéanfar iad a thrasloingsiú, a chur i dtír, a stóráil nó a dhíol agus ní mór iad a scaoileadh go sábháilte:
    • siorcanna bána aigéanacha;
    • roic de chineál Mobulidae (lena n-áirítear roic na caille agus roic de chineál Mobula);
    • síodsiorcanna (nuair a ghabhtar iad le peaslíon saighne).
  • Ní leagfaidh soithí iascaireachta AE eangach peas-saighne ar scoil tuinníní i gcás ina bhfuil míolsiorc ann, agus ba cheart teagmhais a thuairisciú. Scaoilfidh siad na siorcanna gan mhoill (beo nó marbh) a luaithe agus is féidir gan sábháilteacht daoine a chur i mbaol.
  • Ní úsáidfidh soithí iascaireachta spiléireachta AE doruithe siorca.
  • Déanfar sonraí ar ghabhálacha síodsiorcanna agus siorcanna ceann casúir a thuairisciú do IATTC.
  • Déanfar turtair mhara a scaoileadh gan mhoill, ar bhealach a mbaineann an díobháil is lú leis gan sábháilteacht aon duine a chur i mbaol. Ní mór go mbeadh oiliúint ar duine amháin den fhoireann ar theicnicí chun turtair mhara a láimhseáil agus a scaoileadh d’fhonn a marthanas i ndiaidh a scaoilte a fheabhsú.
  • Tá bearta ann freisin a bhfuil sé mar aidhm leo éin mhara a chosaint (srianta ar dhoruithe fada a úsáid) agus deilfeanna a chosaint (soithí údaraithe amháin, agus srianta ar pheaslíonta saighní a úsáid nuair atáthar ag iascaireacht le haghaidh tuinníní buí).

Breathnóirí eolaíochta ar shoithigh spiléir

Ní mór do Bhallstáit a áirithiú go bhfuil breathnóir eolaíochta ar bord soitheach spiléir, chun 5% den iarracht iascaireachta a dhéanann soithí níos faide ná 20 méadar a chumhdach, a choinníonn taifead ar ghabhálacha speiceas éasc roghnaithe, ar chomhdhéanamh speiceas agus ar aon fhaisnéis bhitheolaíoch eile atá ar fáil chomh maith le taifead a choinneáil ar aon idirghíomhaíocht le speicis nach spriocspeicis iad, amhail turtair mhara, éin mhara agus siorcanna. Áirítear leis an rialachán seo rialacha mionsonraithe chun sábháilteacht an bhreathnóra a áirithiú.

Ceanglais maidir le soithí

  • Cuirfidh Ballstáit faisnéis mhionsonraithe ar fáil maidir le gach soitheach iascaireachta faoina ndlínse i limistéar an Choinbhinsiúin do Chlár Soithí Réigiúnacha IATTC.
  • Ní mór tobar (spás ar bord soithigh chun éisc bheo a iompar) atá séalaithe a shéalú go fisiciúil ar bhealach nach féidir baint de ionas nach mbeadh sé nasctha le haon spás eile ar an soitheach agus nach féidir é a úsáid le haghaidh cúiseanna stórála eile. Ní mór do bhreathnóirí aon chás ina n-úsáidtear tobair shéalaithe chun iasc a stóráil a thuairisciú do IATTC.

Sonraí ar ghabhálacha

Ní mór do Bhallstáit sonraí ar ghabhálacha a thuairisciú don Choimisiún go bliantúil le haghaidh speicis a chumhdaítear faoin gCoinbhinsiún, agus baineann rialacha speisialta maidir le tuairisciú ar thuinnín mórshúileach a ghabhtar le báid pheas-saighne agus le bháid bhaoite.

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 15 Feabhra 2021.

CÚLRA

Thug AE an Coinbhinsiún i gcrích in 2006 mar pháirtí conartha de chuid Choinbhinsiún na Náisiún Aontaithe maidir le Dlí na Farraige (féach achoimre).

Féach chomh maith:

PRÍOMHTHÉARMAÍ

Peaslíon saighne: líon ciorclaithe ar bith a dtarraingítear a bhun le chéile trí chorda cruinnithe ag bun an lín, a théann trí shraith fáinní feadh na téide grinnill, trínar féidir an líon a chrapadh agus a dhúnadh.
Baoithe sonraí: feistí ar snámh, agus iad ag imeacht le sruth nó ar ancaire, a úsáideann eagraíochtaí rialtais nó eagraíochtaí nó eintitis eolaíochta aitheanta chun sonraí comhshaoil a bhailiú go leictreonach, ní d’fhonn tacú le gníomhaíochtaí iascaireachta, agus ar cuireadh iad faoi bhráid Rúnaíocht IATTC.
Feiste um chomhbhailiú éisc (FAD): nithe ar ancaire, ag imeacht le sruth, ar snámh nó faoi uisce agus iad imscartha nó rianaithe ag soithí, lena n-áirítear trí bhaoithe raidió a úsáid, chun críche spriocspeiceas tuinníní a aithint le haghaidh oibríochtaí iascaireachta peas-saighne.

PRÍOMHDHOICIMÉAD

Rialachán (AE) 2021/56 ó Pharlaimint na hEorpa agus ón gComhairle an 20 Eanáir 2021 lena leagtar síos bearta bainistíochta, caomhnaithe agus rialaithe atá infheidhme i limistéar an Choinbhinsiúin Idir-Mheiriceánaigh um Thuinníní Teochreasacha agus lena leasaítear Rialachán (CE) Uimh. 520/2007 ón gComhairle (IO L 24, 26.1.2021, lgh. 1-18)

DOICIMÉID GHAOLMHARA

Rialachán (CE) Uimh. 1224/2009 ón gComhairle an 20 Samhain 2009 lena mbunaítear córas rialaithe an Aontais chun comhlíonadh rialacha an chomhbheartais iascaigh a áirithiú, lena leasaítear Rialacháin (CE) Uimh. 847/96, (CE) Uimh. 2371/2002, (CE) Uimh. 811/2004, (CE) Uimh. 768/2005, (CE) Uimh. 2115/2005, (CE) Uimh. 2166/2005, (CE) Uimh. 388/2006, (CE) Uimh. 509/2007, (CE) Uimh. 676/2007, (CE) Uimh. 1098/2007, (CE) Uimh. 1300/2008 agus (CE) Uimh. 1342/2008 agus lena n-aisghairtear Rialacháin (CEE) Uimh. 2847/93, (CE) Uimh. 1627/94 agus (CE) Uimh. 1966/2006 (IO L 343, 22.12.2009, lgh. 1-50)

Rinneadh leasuithe comhleanúnacha ar Rialachán (CE) Uimh. 1224/2009 a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (CE) Uimh. 1005/2008 ón gComhairle an 29 Meán Fómhair 2008 lena mbunaítear córas Comhphobail chun iascaireacht neamhdhleathach, neamhthuairiscthe agus neamhrialáilte a chosc, a dhíspreagadh agus a dhíothú, lena leasaítear Rialachán (CEE) Uimh. 2847/93, Rialachán (CE) Uimh. 1936/2001 agus Rialachán (CE) Uimh. 601/2004 agus lena n-aisghairtear Rialachán (CE) Uimh. 1093/94 agus Rialachán (CE) Uimh. 1447/1999 (IO L 286, 29.10.2008, lgh. 1-32)

Féach an leagan comhdhlúite.

Rialachán (CE) Uimh. 520/2007 ón gComhairle an 7 Bealtaine 2007 lena leagtar síos bearta teicniúla is infheidhme le haghaidh caomhnú stoc áirithe de speicis mhórimirceacha agus lena n-aisghairtear Rialachán (CE) Uimh. 973/2001 (IO L 123, 12.5.2007, lgh. 3-13)

Féach an leagan comhdhlúite.

Cinneadh 2006/539/CE ón gComhairle an 22 Bealtaine 2006 maidir le tabhairt i gcrích, thar ceann an Chomhphobail Eorpaigh, an Choinbhinsiúin chun an Coimisiún Idir-Mheiriceánach um Thuinníní Teochreasacha arna bhunú le Coinbhinsiún 1949 idir Stáit Aontaithe Mheiriceá agus Poblacht Chósta Ríce a Neartú (IO L 224, 16.8.2006, lgh. 22-23)

An Coinbhinsiún chun an Coimisiún Idir-Mheiriceánach um Thuinníní Teochreasacha arna bhunú le Coinbhinsiún 1949 idir Stáit Aontaithe Mheiriceá agus Poblacht Chósta Ríce a Neartú (Coinbhinsiún Antigua) (IO L 224, 16.8.2006, lgh. 24-42)

Cinneadh 2005/26/CE ón gComhairle an 25 Deireadh Fómhair 2004 maidir le síniú, thar ceann an Chomhphobail Eorpaigh, an Choinbhinsiúin chun an Coimisiún Idir-Mheiriceánach um Thuinníní Teochreasacha arna bhunú le Coinbhinsiún 1949 idir Stáit Aontaithe Mheiriceá agus Poblacht Chósta Ríce a Neartú (“Coinbhinsiún Antigua”) (IO L 15, 19.1.2005, lch. 9)

Rialachán (AE) Uimh. 1185/2003 ón gCoimisiún an 26 Meitheamh 2003 maidir le heití a bhaint de shiorcanna ar bord árthaí (IO L 167, 4.7.2003, lgh. 1-3)

Féach an leagan comhdhlúite.

Cinneadh 98/392/CE ón gComhairle an 23 Márta 1998 maidir leis an gComhphobal Eorpach do thabhairt i gcrích Choinbhinsiún na Náisiún Aontaithe an 10 Nollaig 1982 maidir le Dlí na Farraige agus an Chomhaontaithe an 28 Iúil 1994 a bhaineann le Cuid XI de a chur chun feidhme (IO L 179, 23.6.1998, lgh. 1-2)

Coinbhinsiún na Náisiún Aontaithe maidir le Dlí na Farraige agus maidir le Cuid XI de a Chur Chun Feidhme (Coinbhinsiún Bhá Montego) (IO L 179, 23.6.1998, lgh. 3-134)

Nuashonraithe 09.04.2021

Top