Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62013CN0292

Kawża C-292/13 P: Appell ippreżentat fis- 27 ta’ Mejju 2013 minn Fabryka Łożysk Tocznych-Kraśnik S.A. mis-sentenza mogħtija mill-Qorti Ġenerali (It-Tmien Awla) fit- 22 ta’ Marzu 2013 fil-Kawża T-571/10, Fabryka Łożysk Tocznych-Kraśnik S.A. vs L-Uffiċċju għall-Armonizzazzjoni fis-Suq Intern (Trade marks u Disinni) — Impexmetal

ĠU C 215, 27.7.2013, p. 11–11 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU C 215, 27.7.2013, p. 6–6 (HR)

27.7.2013   

MT

Il-Ġurnal Uffiċjali tal-Unjoni Ewropea

C 215/11

Appell ippreżentat fis-27 ta’ Mejju 2013 minn Fabryka Łożysk Tocznych-Kraśnik S.A. mis-sentenza mogħtija mill-Qorti Ġenerali (It-Tmien Awla) fit-22 ta’ Marzu 2013 fil-Kawża T-571/10, Fabryka Łożysk Tocznych-Kraśnik S.A. vs L-Uffiċċju għall-Armonizzazzjoni fis-Suq Intern (Trade marks u Disinni) — Impexmetal

(Kawża C-292/13 P)

2013/C 215/14

Lingwa tal-kawża: il-Pollakk

Partijiet

Appellanti: Fabryka Łożysk Tocznych-Kraśnik S.A. (rappreżentant: P. Borowski, avukat)

Partijiet oħra fil-proċeduri: L-Uffiċċju għall-Armonizzazzjoni fis-Suq Intern (Trade marks u Disinni), Impexmetal S.A.

Talbiet tal-appellanti

—

tannulla s-sentenza fl-intier tagħha u tilqa’ r-rikors tas-16 ta’ Diċembru 2010 fl-intier tiegħu, billi tannulla d-deċiżjoni tal-Ewwel Bord tal-Appell tal-UASI tas-6 ta’ Ottubru 2010;

—

sussidjarjament, tannulla s-sentenza fl-intier tagħha u tirrinvija l-kawża preżenti lill-Qorti Ġenerali sabiex teżaminaha mill-ġdid;

—

tikkundanna lill-partijiet l-oħra fil-proċeduri għall-ispejjeż, inklużi l-ispejjeż sostnuti mill-appellanti quddiem il-Bord tal-Appell u d-Diviżjoni tal-Oppożizzjoni tal-UASI kif ukoll fil-proċeduri quddiem il-Qorti Ġenerali.

Aggravji u argumenti prinċipali

L-appellanti tallega li l-Qorti Ġenerali kisret l-Artikolu 8(1)(b) tar-Regolament Nru 207/2009, sa fejn applikat tali artikolu għal ċirkustanzi fattwali li ma humiex previsti f’din id-dispożizzjoni.

Skont l-appellanti, din l-applikazzjoni żbaljata tal-imsemmija dispożizzjoni rriżultat mill-fatt li l-Qorti Ġenerali ddeċidiet b’mod żbaljat li t-trade mark tal-appellanti kienet simili għat-trade mark figurattiva Komunitarja preċedenti tal-intervenjenti u, għalhekk, li kien hemm probabbiltà ta’ konfużjoni min-naħa tal-pubbliku. L-appellanti sostniet li l-Qorti Ġenerali ma ħaditx inkunsiderazzjoni l-fatt li:

—

ix-xebh bejn it-trade mark ma jiġġustifikax il-fatt li din tista’ tkun is-sors ta’ probabbiltà ta’ konfużjoni;

—

it-trade mark tal-appellanti tagħmel parti mill-isem tal-kumpannija tagħha, liema isem ntuża ferm qabel ma ġiet ippreżentata l-applikazzjoni għal reġistrazzjoni;

—

din it-trade mark tikkostitwixxi s-sinjal distintiv leġittimament storiku tal-appellanti;

—

it-trade marks inkwistjoni kkoeżistew paċifikament għal żmien twil fl-istess suq.
Top