EUR-Lex Access to European Union law
This document is an excerpt from the EUR-Lex website
Document 32015D0224
Council Decision (Euratom) 2015/224 of 10 February 2015 amending Decision 2007/198/Euratom establishing the European Joint Undertaking for ITER and the Development of Fusion Energy and conferring advantages upon it
Deċiżjoni tal-Kunsill (Euratom) 2015/224 tal- 10 ta' Frar 2015 li temenda d-Deċiżjoni 2007/198/Euratom li tistabbilixxi l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni u li tikkonferixxilha vantaġġi
Deċiżjoni tal-Kunsill (Euratom) 2015/224 tal- 10 ta' Frar 2015 li temenda d-Deċiżjoni 2007/198/Euratom li tistabbilixxi l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni u li tikkonferixxilha vantaġġi
OJ L 37, 13.2.2015, p. 8–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
13.2.2015 |
MT |
Il-Ġurnal Uffiċjali tal-Unjoni Ewropea |
L 37/8 |
DEĊIŻJONI TAL-KUNSILL (EURATOM) 2015/224
tal-10 ta' Frar 2015
li temenda d-Deċiżjoni 2007/198/Euratom li tistabbilixxi l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni u li tikkonferixxilha vantaġġi
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea tal-Enerġija Atomika, u b'mod partikolari t-tielet paragrafu tal-Artikolu 47 u l-Artikolu 50 tiegħu,
Wara li kkunsidra l-proposta tal-Kummissjoni Ewropea,
Billi:
(1) |
Id-Deċiżjoni tal-Kunsill 2007/198/Euratom (1) stabbilixxiet l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni (l-'Impriża Konġunta') biex tagħmel il-kontribuzzjoni tal-Komunità Ewropea tal-Enerġija Atomika ('Euratom') disponibbli lill-Organizzazzjoni Internazzjonali għall-Enerġija mill-Fużjoni ITER u lill-Attivitajiet ta' Approċċ Usa' mal-Ġappun, kif ukoll biex tipprepara u tikkoordina programm ta' attivitajiet bi tħejjija għall-kostruzzjoni ta' impjant dimostrattiv tal-enerġija mill-fużjoni u faċilitajiet relatati. |
(2) |
Id-Deċiżjoni 2007/198/Euratom ġiet emendata permezz tad-Deċiżjoni tal-Kunsill 2013/791/Euratom (2) biex tippermetti l-finanzjament tal-attivitajiet imwettqa mill-Impriża Konġunta matul il-perijodu 2014-2020. |
(3) |
Fil-konklużjonijiet tiegħu tat-12 ta' Lulju 2010 dwar il-Komunikazzjoni tal-Kummissjoni “L-istatus tal-ITER u triq possibbli 'l quddiem”, il-Kunsill talab lill-Kummissjoni biex teżamina u tindirizza l-mod kif il-Kummissjoni, l-Istati Membri u l-Impriża Konġunta għandhom jimplimentaw ir-responsabbiltajiet u l-kompiti tagħhom rigward l-ITER. |
(4) |
Ġiet identifikata, fid-Dokument ta' Ħidma tal-Persunal tal-Kummissjoni “Lejn ġestjoni u governanza robusti tal-proġett ITER” ippubblikat fid-9 ta' Novembru 2010, lista dettaljata ta' azzjonijiet li għandhom jittieħdu fil-livell internazzjonali, primarjament mill-Organizzazzjoni ITER, jew fil-livell Ewropew, primarjament mill-Impriża Konġunta. |
(5) |
Konsegwentement għall-adeżjoni tal-Kroazja mal-Unjoni fl-1 ta' Lulju 2013, huwa meħtieġ li jiġu emendati l-Istatuti tal-Impriża Konġunta biex il-Kroazja jkollha d-drittijiet tal-vot fil-Bord Amministrattiv tal-Impriża Konġunta. Jinħtieġu iktar emendi f'dawk l-Istatuti sabiex jitjiebu l-ġestjoni u l-amministrazzjoni tal-Impriża Konġunta. Biex jiġu kkunsidrati l-emendi fit-Trattat li jistabbilixxi l-Komunità Ewropea tal-Enerġija Atomika introdotti mit-Trattat ta' Lisbona, hemm bżonn ukoll li tiġi aġġornata r-referenza għad-dispożizzjonijiet dwar il-Qorti tal-Ġustizzja tal-Unjoni Ewropea. |
(6) |
F'konformità mal-Istatuti tal-Impriża Konġunta, il-Bord Amministrattiv tal-Impriża Konġunta approva l-emendi fid-Deċiżjoni 2007/198/Euratom proposti mill-Kummissjoni. |
(7) |
Għandu jiġi stabbilit Kumitat Amministrattiv u ta' Ġestjoni biex jipprepara l-opinjonijiet u r-rakkomandazzjonijiet għall-adozzjoni tad-dokumenti prinċipali tal-Bord Amministrattiv. Dan il-Kumitat għandu jipprovdi wkoll konsulenza jew rakkomandazzjonijiet dwar kwistjonijiet amministrattivi u finanzjarji speċifiċi fuq talba tad-Direttur jew tal-Bord Amministrattiv. Il-Bord Amministrattiv għandu jkollu s-setgħa li jiddelega kompiti lil dak il-Kumitat. Kwalunkwe Membru tal-Impriża Konġunta għandu jkollu d-dritt jinnomina rappreżentant biex iservi fuq dak il-Kumitat. |
(8) |
Għandu jiġi stabbilit Kumitat dwar l-Akkwisti u l-Kuntratti biex jagħti rakkomandazzjonijiet lid-Direttur tal-Impriża Konġunta dwar l-għoti tal-kuntratti, għotjiet u kwistjonijiet relatati. Il-membri ta' dak il-Kumitat għandhom jiġu nominati biex iservu f'kapaċità personali mill-Bord Amministrattiv. |
(9) |
Għandu jiġi stabbilit Bureau biex jgħin lill-Bord Amministrattiv fil-preparazzjoni tad-deċiżjonijiet tiegħu. Il-Bord Amministrattiv għandu jkollu s-setgħa li jiddelega kompiti lil dan il-Bureau. Il-membri tal-Bureau għandhom ikunu l-President tal-Bord Amministrattiv, il-Presidenti tal-Kumitati tal-Bord Amministrattiv, rappreżentant tal-Euratom u rappreżentant tal-Istat ospitanti ta' ITER (Franza). Il-Bord Amministrattiv għandu jkun intitolat jaħtar persuni addizzjonali fil-Bureau. |
(10) |
F'konformità mal-Artikolu 17 tat-Trattat dwar l-Unjoni Ewropea, il-Kummissjoni għandha tiżgura l-applikazzjoni tat-Trattati, u ta' miżuri adottati taħthom mill-istituzzjonijiet. Għalhekk, id-drittijiet tal-Kummissjoni għandhom jissaħħu sabiex jiżguraw li jkun hemm konsistenza bejn id-deċiżjonijiet tal-Bord Amministrattiv u l-liġi tal-Komunità. |
(11) |
Huwa kunsiljabbli li jiġu konsolidati bħala netwerk l-organizzazzjonijiet nominati fil-qasam tar-riċerka tal-fużjoni xjentifika u teknoloġika biex jipprovdu riċerka stabbli u għal terminu twil u jipprovdu appoġġ għall-iżvilupp lill-Impriża Konġunta, abbażi tal-konoxxenza u ħiliet żviluppati mill-Programm Ewropew tal-Fużjoni u ta' dawk li ser jiġu żviluppati fil-futur. |
(12) |
Jeħtieġ li jiġu kkunsidrati d-dispożizzjonijiet rilevanti tar-Regolament (UE, Euratom) Nru 966/2012 tal-Parlament Ewropew u tal-Kunsill (3) u r-Regolament ta' Delega tal-Kummissjoni (UE) Nru 1268/2012 (4), b'mod partikolari r-rwol tal-awditur intern tal-Kummissjoni bħala awditur intern tal-Impriża Konġunta. |
(13) |
Id-Deċiżjoni 2007/198/Euratom tiżgura l-finanzjament tal-attivitajiet tal-Impriża Konġunta għall-2014-2020. L-Artikolu 12(1)(a) tal-Istatuti tal-Impriża Konġunta jipprovdi biex il-kontribuzzjoni tal-Euratom issir disponibbli permezz ta' programmi ta' riċerka u taħriġ tal-Komunità, adottati taħt l-Artikolu 7 tat-Trattat li jistabbilixxi l-Komunità Ewropea tal-Enerġija Atomika. L-Artikolu 12(1)(a) għandu jiġi emendat biex jieħu kont tal-fatt li l-finanzjament għall-2014-2020 mhux ser jibqa' jkun disponibbli permezz tal-Programm Qafas tal-Euratom. |
(14) |
Huwa meħtieġ ukoll li tiġi aġġornata d-Deċiżjoni 2007/198/Euratom fir-rigward tad-dispożizzjonijiet dwar il-protezzjoni tal-interessi finanzjarji tal-Membri. |
(15) |
Id-Deċiżjoni 2007/198/Euratom għandha għalhekk tiġi emendata kif meħtieġ, |
ADOTTA DIN ID-DEĊIŻJONI:
Artikolu 1
Id-Deċiżjoni 2007/198/Euratom hija emendata kif ġej:
(1) |
l-Artikolu 5 huwa emendat kif ġej:
|
(2) |
jiddaħħal l-Artikolu li ġej: “Artikolu 5aa Protezzjoni tal-interessi finanzjarji tal-Membri L-Impriża Konġunta għandha tiżgura li l-interessi finanzjarji tal-Membri tagħha jiġu protetti b'mod adegwat billi tagħmel jew tikkummissjona kontrolli interni u esterni adegwati.” ; |
(3) |
l-Artikolu 9(3) jinbidel b'dan li ġej: “3. Il-Qorti tal-Ġustizzja tal-Unjoni Ewropea jkollha ġurisdizzjoni fl-azzjonijiet miġjuba kontra l-Impriża Konġunta, inklużi deċiżjonijiet tal-Bord Amministrattiv tagħha, taħt il-kundizzjonijiet previsti fl-Artikoli 263 u 265 tat-Trattat dwar il-Funzjonament tal-Unjoni Ewropea” ; |
(4) |
l-Anness huwa emendat skont l-Anness ta' din id-Deċiżjoni. |
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, l-10 ta' Frar 2015.
Għall-Kunsill
Il-President
E. RINKĒVIČS
(1) Deċiżjoni tal-Kunsill 2007/198/Euratom tas-27 ta' Marzu 2007 li tistabbilixxi l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni u li tikkonferixxilha vantaġġi (ĠU L 90, 30.3.2007, p. 58).
(2) Deċiżjoni tal-Kunsill 2013/791/Euratom tat-13 ta' Diċembru 2013 li temenda d-Deċiżjoni tal-Kunsill 2007/198/Euratom li tistabbilixxi l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni u li tikkonferixxilha vantaġġi (ĠU L 349, 21.12.2013, p. 100).
(3) Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1).
(4) Regolament ta' Delega tal-Kummissjoni (UE) Nru 1268/2012 tad-29 ta' Ottubru 2012 dwar ir-regoli tal-applikazzjoni tar-Regolament (UE, Euratom) Nru 966/2012 tal-Parlament Ewropew u tal-Kunsill dwar ir-regoli finanzjarji applikabbli għall-baġit ġenerali tal-Unjoni (ĠU L 362, 31.12.2012, p. 1).
ANNESS
L-Anness tad-Deċiżjoni 2007/198/Euratom huwa emendat kif ġej:
(1) |
l-Artikolu 5 huwa emendat kif ġej:
|
(2) |
l-Artikolu 6 huwa emendat kif ġej:
|
(3) |
l-Artikolu 7 jitħassar. |
(4) |
l-Artikolu 8(4) huwa emendat kif ġej:
|
(5) |
jiddaħħlu l-Artikoli 8a u 8b li ġejjin: “Artikolu 8a Kumitat Amministrattiv u ta' Ġestjoni 1. Fuq talba tad-Direttur jew tal-Bord Amministrattiv, il-Kumitat Amministrattiv u ta' Ġestjoni għandu jipprovdi konsulenza jew rakkomandazzjonijiet dwar kwistjonijiet speċifiċi marbuta mal-ippjanar amministrattiv u finanzjarju tal-Impriża Konġunta u jwettaq kwalunkwe kompitu ieħor li jista' jiġi ddelegat lilu mill-Bord Amministrattiv. 2. Il-Kumitat Amministrattiv u ta' Ġestjoni għandu, b'mod partikolari, jipprepara l-opinjonijiet u r-rakkomandazzjonijiet għall-Bord Amministrattiv dwar il-baġit, il-kontijiet annwali, il-pjan tal-proġett, il-programm ta' ħidma, il-pjan ta' stima tar-riżorsi, il-pjan ta' stabbiliment tal-persunal, il-pjan ta' politika tal-persunal u kwistjonijiet oħrajn relatati. 3. Il-Bord Amministrattiv għandu jaħtar membri tal-Kumitat Amministrattiv u ta' Ġestjoni minn fost ir-rappreżentanti b'esperjenza professjonali rilevanti fl-Amministrazzjoni u l-Ġestjoni u nominati mill-Membri. Wieħed mill-membri tal-Kumitat għandu jkun il-Euratom. 4. Il-Membri tal-Kumitat Amministrattiv u ta' Ġestjoni għandhom iwettqu dmirijiethom fl-interess ġenerali tal-Impriża Konġunta. 5. Soġġett għall-approvazzjoni minn qabel tal-Bord Amministrattiv, il-Kumitat Amministrattiv u ta' Ġestjoni għandu jadotta r-regoli ta' proċedura tiegħu. Artikolu 8b Kumitat dwar l-Akkwisti u l-Kuntratti 1. Il-Kumitat dwar l-Akkwisti u l-Kuntratti għandu jipprovdi lid-Direttur b'rakkomandazzjonijiet dwar l-istrateġiji b'rabta mal-akkwisti u l-attivitajiet tal-għotja u l-għotja u s-segwitu tal-kuntratti u kwistjonijiet oħrajn relatati. 2. Il-Bord Amministrattiv għandu jaħtar il-membri tal-Kumitat dwar l-Akkwisti u l-Kuntratti minn fost persuni ta' esperjenza professjonali rilevanti fi kwistjonijiet kuntrattwali u tal-akkwisti. Il-Membri tal-Bord Amministrattiv ma għandhomx ikunu membri tal-Kumitat dwar l-Akkwisti u l-Kuntratti. 3. Il-membri tal-Kumitat dwar l-Akkwisti u l-Kuntratti ma għandhom ikunu marbuta bl-ebda struzzjoni. Għandhom ikunu indipendenti fit-twettiq ta' dmirijiethom. 4. Soġġett għall-approvazzjoni minn qabel tal-Bord Amministrattiv, il-Kumitat dwar l-Akkwisti u l-Kuntratti għandu jadotta r-regoli ta' proċedura tiegħu.” ; |
(6) |
l-Artikolu 9 jinbidel b'dan li ġej: “Artikolu 9 Panel Konsultattiv Tekniku 1. Il-Panel Konsultattiv Tekniku għandu jikkonsulta lill-Bord Amministrattiv u lid-Direttur, kif meħtieġ, dwar l-adozzjoni u l-implimentazzjoni tal-pjan tal-proġett u l-programm ta' ħidma. 2. Il-Bord Amministrattiv għandu jaħtar il-membri tal-Panel Konsultattiv Tekniku minn fost persuni ta' esperjenza professjonali rilevanti fil-kwistjonijiet xjentifiċi u tal-inġinerija dwar il-fużjoni u l-attivitajiet assoċjati. 3. Il-membri tal-Panel Konsultattiv Tekniku ma għandhom ikunu marbuta bl-ebda struzzjoni. Għandhom ikunu indipendenti fit-twettiq ta' dmirijiethom, fl-interess ġenerali tal-Impriża Ġenerali. 4. Soġġett għall-approvazzjoni minn qabel tal-Bord Amministrattiv, il-Kumitat tal-Panel Konsultattiv Tekniku għandu jadotta r-regoli ta' proċedura tiegħu.” ; |
(7) |
jiddaħħal l-Artikolu li ġej: “Artikolu 9a Bureau 1. Il-Bureau għandu jassisti lill-Bord Amministrattiv fil-preparazzjoni tad-deċiżjonijiet tiegħu u għandu jwettaq kwalunkwe kompitu ieħor li l-Bord Amministrattiv jista' jiddelegalu. 2. Is-sħubija għandha tkun magħmula mill-President tal-Bord Amministrattiv, il-Presidenti tal-Kumitati, rappreżentant tal-Euratom u rappreżentant tal-Istat ospitanti tal-ITER. Il-Bord Amministrattiv jista' jaħtar membri addizzjonali fil-Bureau. 3. Il-President tal-Bureau għandu jkun il-President tal-Bord Amministrattiv. 4. Il-Membri tal-Bureau għandhom iwettqu dmirijiethom fl-interess ġenerali tal-Impriża Konġunta. 5. Soġġett għall-approvazzjoni minn qabel tal-Bord Amministrattiv, il-Bureau għandu jadotta r-regoli ta' proċedura tiegħu.” ; |
(8) |
l-Artikolu 11 jinbidel b'dan li ġej: “Artikolu 11 Programm ta' ħidma u pjan ta' stima tar-riżorsi Kull sena d-Direttur għandu jipprepara s-sottomissjoni tal-pjan tal-proġett lill-Bord Amministrattiv, il-pjan ta' stima tar-riżorsi u l-programm ta' ħidma annwali u l-baġit dettaljati.” ; |
(9) |
fl-Artikolu 12(1), il-punt (a) jinbidel b'dan li ġej:
; |
(10) |
l-Artikolu 14 jinbidel b'dan li ġej: “Artikolu 14 Rapport annwali Ir-rapport annwali għandu jirreġistra l-implimentazzjoni tal-programm ta' ħidma mill-Impriża Konġunta. B'mod partikolari għandu jfassal pjan għall-attivitajiet magħmula mill-Impriża Konġunta u jevalwa r-riżultati fir-rigward tal-objettivi u l-iskeda stabbiliti, ir-riskji assoċjati mal-attivitajiet imwettqa, l-użu tar-riżorsi u l-operat ġenerali tal-Impriża Konġunta. Ir-rapport annwali għandu jiġi ppreparat mid-Direttur, ivvalutat mill-Bord Amministrattiv u mibgħut mill-Bord Amministrattiv, flimkien mal-valutazzjoni tiegħu, lill-Membri, lill-Parlament Ewropew, lill-Kunsill u lill-Kummissjoni.” ; |
(11) |
fit-tieni subparagrafu tal-Artikolu 15(1), il-kliem “15 ta' Ġunju” jinbidlu bil-kliem “l-1 ta' Ġunju”; |
(12) |
jiddaħħal l-Artikolu li ġej: “Artikolu 15a Netwerking ma' organizzazzjonijiet nominati fil-qasam tar-riċerka tal-fużjoni xjentifika u teknoloġika 1. Biex tkompli bl-attivitajiet tagħha, l-Impriża Konġunta għandha tibni fuq l-għarfien u l-faċilitajiet żviluppati minn organizzazzjonijiet kompetenti tar-riċerka pubblika li jaħdmu fil-qasam tar-riċerka u l-iżvilupp tal-fużjoni. 2. Il-Bord Amministrattiv, filwaqt li jaġixxi fuq proposta mid-Direttur, għandu jfassal lista, li għandha titqiegħed għad-dispożizzjoni tal-pubbliku, tal-organizzazzjonijiet kompetenti nominati mill-Membri li jistgħu jwettqu attivitajiet ta' riċerka u ta' żvilupp biex ikomplu bil-kompiti tal-Impriża Konġunta, individwalment jew f'netwerks. Dawn l-attivitajiet jistgħu jkunu eliġibbli għal appoġġ finanzjarju mill-Impriża Konġunta. 3. L-arranġamenti ta' implimentazzjoni għall-applikazzjoni tal-paragrafi 1 u 2 ta' dan l-Artikolu għandhom jiżguraw trasparenza u kompetizzjoni fost l-organizzazzjonijiet tar-riċerka pubblika u għandhom jiġu stipulati fir-regolament finanzjarju u fir-regoli ta' implimentazzjoni tiegħu msemmija fl-Artikolu 13 u l-Anness III.” ; |
(13) |
fl-Anness I tal-Istatuti tal-Impriża Konġunta, tiddaħħal il-linja li ġejja wara l-entrata għall-Bulgarija:
; |
(14) |
l-Anness II tal-Istatuti tal-Impriża Konġunta huwa emendat kif ġej:
|
(15) |
l-Anness III tal-Istatuti tal-Impriża Konġunta huwa emendat kif ġej:
|