EUR-Lex Access to European Union law
This document is an excerpt from the EUR-Lex website
Document 52013DC0533
COMMUNICATION FROM THE COMMISSION TO THE EUROPEAN PARLIAMENT, THE COUNCIL, THE EUROPEAN ECONOMIC AND SOCIAL COMMITTEE AND THE COMMITTEE OF THE REGIONS Improving OLAF's governance and reinforcing procedural safeguards in investigations: A step-by-step approach to accompany the establishment of the European Public Prosecutor's Office
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI It-titjib tal-governanza tal-OLAF u t-tisħiħ tas-salvagwardji proċedurali fl-investigazzjonijiet: Approċċ pass pass li jimxi id f'id mal-istabbiliment tal-Uffiċċju tal-Prosekutur Pubbliku Ewropew
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI It-titjib tal-governanza tal-OLAF u t-tisħiħ tas-salvagwardji proċedurali fl-investigazzjonijiet: Approċċ pass pass li jimxi id f'id mal-istabbiliment tal-Uffiċċju tal-Prosekutur Pubbliku Ewropew
/* COM/2013/0533 final */
KOMUNIKAZZJONI TAL-KUMMISSJONI LILL-PARLAMENT EWROPEW, LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT TAR-REĠJUNI It-titjib tal-governanza tal-OLAF u t-tisħiħ tas-salvagwardji proċedurali fl-investigazzjonijiet: Approċċ pass pass li jimxi id f'id mal-istabbiliment tal-Uffiċċju tal-Prosekutur Pubbliku Ewropew /* COM/2013/0533 final */
KOMUNIKAZZJONI TAL-KUMMISSJONI LILL-PARLAMENT EWROPEW,
LILL-KUNSILL, LILL-KUMITAT EKONOMIKU U SOĊJALI EWROPEW U LILL-KUMITAT
TAR-REĠJUNI It-titjib tal-governanza tal-OLAF u t-tisħiħ
tas-salvagwardji proċedurali fl-investigazzjonijiet: Approċċ
pass pass li jimxi id f'id mal-istabbiliment tal-Uffiċċju
tal-Prosekutur Pubbliku Ewropew 1. Introduzzjoni: L-Uffiċċju Ewropew kontra l-Frodi ġie
stabbilit fit-28 ta’ April 1999 b'Deċiżjoni
tal-Kummissjoni sabiex tissaħħaħ l-effettività tal-azzjoni biex
jiġu miġġielda l-frodi u attivitajiet illegali oħra ta'
dannu għall-interessi tal-Komunità. Ir-Regolament tal-Kunsill (KE)
Nru 1073/1999, ir-Regolament tal-Kunsill (EURATOM) Nru 1074/1999 u
l-Ftehim Interistituzzjonali tal-25 ta’ Mejju 1999 jistipulaw
kif l-OLAF għandu jagħmel l-investigazzjonijiet. Il-Ftehim Interistituzzjonali bejn il-Parlament Ewropew,
il-Kunsill u l-Kummissjoni jiggarantixxi legalment li l-investigazzjonijiet
interni jsiru b'kundizzjonijiet ekwivalenti fit-tliet istituzzjonijiet u
fil-korpi, uffiċċji u aġenziji Komunitarji l-oħra kollha. Is-setgħat investigattivi esterni tal-OLAF huma
prinċipalment dawk li kienu mogħtija lill-Kummissjoni skont
ir-Regolamenti (KE, Euratom) Nri 2988/95 (il-protezzjoni tal-interessi
finanzjarji tal-Komunitajiet Ewropej) u 2185/96 (il-verifiki u l-ispezzjonijiet
fil-post imwettqa mill-Kummissjoni sabiex tipproteġi l-interessi
finanzjarji tal-Komunitajiet Ewropej). L-OLAF jaħdem ukoll fuq
il-bażi tar-Regolament (KE) Nru 515/97 dwar l-assistenza amministrattiva
reċiproka. Mindu nħoloq l-OLAF, il-protezzjoni tal-interessi
finanzjarji tal-Unjoni ssaħħet. L-esperjenza miksuba
maż-żmien uriet li l-governanza tal-OLAF jeħtieġ
tissaħħaħ. Il-Kummissjoni ppreżentat żewġ
proposti leġiżlattivi, l-ewwel fl-2004 u t-tieni fl-2006. Iż-żewġ
proposti ġew maħsuba biex isaħħu l-garanziji
proċedurali applikabbli fl-investigazzjonijiet tal-OLAF, peress li l-qafas
regolatorju tal-1999 ma jgħid kważi xejn dwar din il-kwistjoni. 2. Ir-Regolament rivedut tal-OLAF Fuq il-bażi tal-proposta tal-Kummissjoni ta’
Marzu 2011, u wara negozjati intensivi, ġie approvat (b'mod unanimu)
kompromess dwar ir-Regolament rivedut tal-OLAF
fil-25 ta’ Frar 2013[1]
mill-Kunsill u fit-3 ta’ Lulju 2013 mill-Parlament Ewropew[2].
Ir-regolament rivedut huwa maħsub biex tissaħħaħ
il-governanza tal-OLAF, jissaħħu d-drittijiet proċedurali
f’investigazzjonijiet interni u esterni u l-iskambju ta’ informazzjoni kemm
mal-istituzzjonijiet kif ukoll mal-awtoritajiet tal-Istati Membri. 3. Miżuri
intenzjonati li jkomplu jikkonsolidaw il-qafas legali L-istabbiliment tal-Uffiċċju tal-Prosekutur
Pubbliku Ewropew (UPPE) se jwassal għal bidla sostanzjali fil-mod kif
isiru fl-Unjoni l-investigazzjonijiet dwar frodi u attivitajiet illegali
oħra li jaffettwaw l-interessi finanzjarji tal-Unjoni Ewropea. Fil-ġejjieni, kull darba li jqumu suspetti dwar
kondotta kriminali li tkun fil-kompetenza tal-Uffiċċju tal-Prosekutur
Pubbliku Ewropew, l-investigazzjonijiet li sussegwentement isiru sejrin
jitmexxew mill-Uffiċċju tal-Prosekutur Pubbliku Ewropew bħala
korp ġudizzjarju, minflok — kif isir illum — mill-OLAF li
jagħmel investigazzjonijiet amministrattivi. Din il-bidla
naturalment se tinvolvi tisħiħ sostanzjali tal-garanziji
proċedurali għall-persuni li jkunu s-soġġett ta’
investigazzjonijiet. Skont ir-Regolament propost tal-Uffiċċju
tal-Prosekutur Pubbliku Ewropew, kull meta l-Uffiċċju tal-Prosekutur
Pubbliku Ewropew jiftaħ investigazzjoni, japplikaw il-garanziji
proċedurali msaħħa kollha tipiċi tal-investigazzjonijiet
ġudizzjarji. Għalhekk meta jkun beħsiebu jwettaq
investigazzjonijiet fil-konfront ta' membru tal-persunal ta’ istituzzjoni
tal-UE, l-Uffiċċju tal-Prosekutur Pubbliku Ewropew ikollu jitlob
l-istituzzjoni biex tneħħi l-immunità tal-individwu(i) li
għandu/hom ikun/u investigat(i) skont il-Protokoll Nru 7 tat-Trattati
(ara wkoll l-Artikolu 19 tal-proposta għal Regolament
tal-Uffiċċju tal-Prosekutur Pubbliku Ewropew). Dawn
id-dispożizzjonijiet ikunu japplikaw ukoll għall-membri
tal-Istituzzjonijiet, inkluża l-immunità ta’ Membri tal-Parlament Ewropew
u l-Membri tal-Kummissjoni. Barra minn hekk, l-Uffiċċju tal-Prosekutur
Pubbliku Ewropew se jwettaq il-miżuri investigattivi tiegħu
f’konformità mal-Artikolu 26 tal-Uffiċċju tal-Prosekutur
Pubbliku Ewropew u r-regoli ddettaljati tal-liġi kriminali nazzjonali li
tirregola l-miżura rispettiva. Għal sensiela tal-aktar miżuri
investigattivi invażivi kif propost fl-Artikolu 26 (bħal
fil-każ ta' tfittxijiet u qbid, interċezzjonijiet ta’
telekomunikazzjonijiet, investigazzjonijiet sigrieti), se jkun hemm rekwiżit
armonizzat fil-livell tal-UE biex l-Uffiċċju tal-Prosekutur Pubbliku
Ewropew jitlob minn qabel awtorizzazzjoni ġudizzjarja biex iwettaq
il-miżura intrużiva. Il-miżuri investigattivi meħuda
mill-Uffiċċju tal-Prosekutur Pubbliku Ewropew jistgħu jiġu
sottomessi għal stħarriġ ġudizzjarju mill-imħallef
nazzjonali kompetenti skont ir-regoli nazzjonali ta’ proċedura kriminali
(ara l-Artikolu 36 tal-proposta għal Regolament
tal-Uffiċċju tal-Prosekutur Pubbliku Ewropew). Il-liġi
nazzjonali tista' tipprovdi għal protezzjoni ġudizzjarja diretta
kontra att investigattiv, biex b’hekk tippermetti li ssir verifika malajr
tal-legalità tiegħu matul il-fażi investigattiva qabel ma kawża
tinġieb quddiem il-qorti. Konsegwenza tal-ħolqien fil-ġejjieni
tal-Uffiċċju tal-Prosekutur Pubbliku Ewropew hija li se jonqos
ir-rwol tal-OLAF f’rabta mal-possibbiltà ta’ kondotta kriminali li tkun
taffettwa l-interessi finanzjarji tal-UE f’materji interni (jiġifieri,
fl-istituzzjonijiet tal-UE, korpi u aġenziji tal-Unjoni). Ladarba l-Uffiċċju
tal-Prosekutur Pubbliku Ewropew ikun stabbilit, f’dawn il-każijiet, l-OLAF
se jipprovdi biss evalwazzjoni preliminari tal-allegazzjonijiet irrapportati
lilu. Mhux se jibqa' jagħmel investigazzjonijiet iżda jista' jipprovdi
assistenza lill-Uffiċċju tal-Prosekutur Pubbliku Ewropew wara talba
tiegħu (kif diġà llum jipprovdi għajnuna lill-prosekuturi
nazzjonali). Din il-bidla se tiffaċilita proċess aktar imħaffef
ta’ investigazzjoni u se tgħin biex jiġu evitati duplikazzjonijiet
ta' investigazzjonijiet amministrattivi u kriminali dwar l-istess fatti. B’dan
il-mod, iċ-ċansijiet ta’ sejbin ta' ħtija jiżdiedu. Huwa ċar li din iċ-ċaqliqa fundamentali
fl-approċċ minn investigazzjonijiet amministrattivi għal ġudizzjarji
se tkun tinvolvi wkoll bilfors għadd ta' bidliet fir-Regolament
tal-OLAF. Dawn għandhom jidħlu fis-seħħ fl-istess waqt
mar-Regolament tal-Uffiċċju tal-Prosekutur Pubbliku Ewropew.
Il-Kummissjoni se tressaq proposti leġiżlattivi għal dan il-għan
meta jkun il-waqt. Sadanittant, il-Kummissjoni tqis li jkun xieraq li
taħseb fuq titjib sistemiku ulterjuri tar-Regolament tal-OLAF,
b'żieda ma' dak li jkun inkiseb bir-riforma attwali. Dawn huma ispirati
mis-salvagwardji proċedurali proposti fir-Regolament
tal-Uffiċċju tal-Prosekutur Pubbliku Ewropew li jistgħu
jiġu trasposti, mutatis mutandis, fl-investigazzjonijiet
amministrattivi tal-OLAF. B'mod speċifiku jridu jitqiesu żewġ
elementi prinċipali, jiġifieri: ·
il-ħolqien tal-uffiċċju ta' "Kontrollur
tas-salvagwardji proċedurali" biex jagħmel verifika ta'
miżuri investigattivi fejn tidħol il-legalità, kif ukoll ·
il-provvediment ta' salvagwardji proċedurali mtejba
fejn l-OLAF ikollu l-intenzjoni jwettaq atti bħal ma huma tfittxijiet u
qbid fl-istituzzjonijiet, il-korpi, l-uffiċċji u l-aġenziji
tal-UE. L-uffiċċju ta’ "Kontrollur
tas-salvagwardji proċedurali" jkun marbut amministrattivament
mal-Kummissjoni. L-uffiċċju tal-Kontrollur ikun espressament
mogħni b'garanziji ta' indipendenza sħiħa fil-konfront tal-OLAF,
il-Kummissjoni u l-istituzzjonijiet l-oħra tal-UE bis-saħħa
tar-Regolament rivedut tal-OLAF. Il-Kontrollur tas-salvagwardji
proċedurali għandu jinħatar mill-Kummissjoni wara proċedura
li tkun tinvolvi lill-Kumitat ta' Sorveljanza, għal perjodu ta’ ħames
snin; il-persuna maħtura għandha tkun ta' formazzjoni
ġudizzjarja u tippossjedi kompetenza legali għolja fl-oqsma
tad-drittijiet fundamentali u tal-liġi kriminali. Il-persuna għandu
jkollha esklużivament il-kompitu li tissorvelja l-osservanza tal-garanziji
proċedurali applikabbli għal investigazzjonijiet tal-OLAF u
tal-ipproċessar fil-pront tal-investigazzjonijiet biex ikun evitat dewmien
bla bżonn. Hi għandha tkun tista' tintervjeni jew b'inizjattiva
tagħha stess jew wara ilment minn kull persuna soġġetta ta’
investigazzjoni. Il-Kontrollur ikun obbligat li jisma’ dawn l-ilmenti fi
proċedura qasira iżda b'konfrontazzjoni. Il-konklużjonijiet
tagħha ma jkunux formalment vinkolanti fuq id-Direttur Ġenerali
tal-OLAF, iżda l-OLAF jista' jiddeċiedi li ma jsegwix il-konklużjonijiet
tagħha biss permezz ta' nota ta' motivazzjoni mehmuża mar-rapport
finali mibgħut lill-awtoritajiet ġudizzjarji kompetenti. Id-Direttur
Ġenerali tal-OLAF ikollu dritt ġenerali li jikkonsulta l-Kontrollur
tas-salvagwardji proċedurali dwar kwalunkwe materja relatata mar-rispett
tal-garanziji proċedurali u, b’mod partikolari, f’ċerti każijiet
fejn persuna konċernata ma għandhiex tiġi mgħarrfa.
Il-Kontrollur tas-salvagwardji proċedurali għandu jkollu l-persunal
meħtieġ biex ikun jista' jwettaq mingħajr dewien id-dmirijiet
tiegħu. Din il-kariga ġdida ma tiħux post is-sistema
attwali ta' kontroll ġudizzjarju fuq l-azzjoni investigattiva tal-OLAF.
Madankollu hija tikkumplimentaha b'mod utli: l-individwi li jkunu qed jiġu
investigati mill-OLAF jibbenefikaw minn dritt ġdid ta’ rikors, li jfisser
li jkun hemm anqas każijiet fejn irregolaritajiet proċedurali li
allegatament ikunu twettqu mill-OLAF jispiċċaw taħt skrutinju
minn imħallef nazzjonali fl-istadju tal-proċess jew mill-Qorti
Ġenerali f’kawża għad-danni. Il-Kontrollur jissorvelja
l-konformità fl-investigazzjonijiet kollha li jitwettqu indipendentement
mill-OLAF tkun xi tkun in-natura tagħhom (interna/esterna, effett fuq
l-interessi finanzjarji tal-Unjoni jew le). Il-funzjoni tal-Kontrollur tas-salvagwardji proċedurali
għandha tkun distinta b’mod ċar minn dik tal-Kumitat ta’ Sorveljanza
tal-OLAF, li għandu jkompli jeżerċita l-funzjonijiet tiegħu
kif definiti fir-Regolament tal-OLAF li qed jiġi rivedut bħalissa.
Dawn jinkludu l-monitoraġġ tal-iżviluppi sistemiċi rigward
ir-rispett lejn ċerti kundizzjonijiet (bħal drittijiet
proċedurali u skadenzi raġonevoli għat-trattament ta’
każijiet) mingħajr ma jkun hemm interferenza f’investigazzjonijiet li
jkunu għaddejjin. Għal dan l-għan, il-Kontrollur tas-salvagwardji
proċedurali għandu minn żmien għal żmien jagħti
ħarsa ġenerali lill-Kumitat ta’ Sorveljanza dwar l-attivitajiet
tiegħu. It-tieni, jiddaħħlu salvagwardji
proċedurali mtejba ġodda fil-każ tal-iktar miżuri
investigattivi invażivi li l-OLAF għandu s-setgħa li jieħu
f’investigazzjonijiet interni, jiġifieri s-setgħa li jispezzjona
uffiċċji u li jieħu kopji ta’ dokumenti jew il-kontenut ta’
kwalunkwe medjum tad-dejta u jieħu l-kustodja ta’ tali dokumenti jew dejta
— setgħa simili għal dik tat-"tfittxija u l-qbid". Din hija
l-unika setgħa eżistenti tal-OLAF li funzjonalment hija komparabbli
mal-miżuri ġudizzjarji investigattivi intrużivi previsti
fl-Artikolu 26 tar-Regolament tal-Uffiċċju tal-Prosekutur
Pubbliku Ewropew. Bil-maqlub, l-OLAF ma għandu l-ebda waħda
mis-setgħat intrużivi l-oħra tal-Uffiċċju
tal-Prosekutur Pubbliku Ewropew; pereżempju ma għandu l-ebda
setgħa li jinterċetta t-telekomunikazzjonijiet. Fl-iżvilupp ta’ dawn ir-rekwiżiti proċedurali
msaħħa, ir-Regolament ikun jirrifletti d-differenza
oġġettiva bejn il-persunal tal-UE u l-membri tal-istituzzjonijiet
tagħha, jiġifieri Membri tal-Parlament Ewropew, il-President
tal-Kunsill Ewropew, il-membri tal-Kummissjoni, l-Imħallfin u l-Avukati
Ġenerali tal-qrati tal-UE, il-membri tal-Qorti tal-Awdituri u tal-korpi
deċiżjonali tal-Bank Ewropew tal-Investiment u tal-Bank Ċentrali
Ewropew. Dan huwa ġġustifikat minħabba r-responsabbiltajiet
speċjali ta’ dawn il-membri u l-modalitajiet speċjali tal-elezzjoni
jew tal-ħatra tagħhom skont it-Trattati, li jiddistingwuhom minn fost
il-persunal li d-drittijiet u l-obbligi tagħhom joħorġu
mir-Regolamenti tal-Persunal. Fejn l-OLAF ikollu l-ħsieb li juża s-setgħa
tiegħu biex jispezzjona l-uffiċċji tal-persunal u li
jieħu kopji ta’ dokumenti jew tal-kontenut ta' xi medjum ta' dejta,
għandu jkun obbligat li jikseb l-opinjoni minn qabel tal-Kontrollur
tas-salvagwardji proċedurali. Meta l-Kontrollur ikollu dubji dwar
il-proporzjonalità tal-miżura intenzjonata, l-OLAF ikun jista' jwettaqha
biss wara li jkun iddikjara r-raġunijiet dettaljati f'nota ta'
motivazzjoni li tkun mehmuża mar-rapport finali tiegħu. Meta l-OLAF ikollu l-ħsieb li juża s-setgħa
tiegħu li jispezzjona l-uffiċċji ta' xi membru ta’
istituzzjoni tal-UE u li jieħu kopji ta’ dokumenti jew kontenut ta’
kwalunkwe medjum tad-dejta, jeħtieġ li qabel jikseb awtorizzazzjoni
kważi ġudizzjarji. Ir-rwol tal-għoti ta' tali
awtorizzazzjonijiet lill-OLAF, wara talba mid-Direttur Ġenerali
tiegħu, għandu jkun fdat f'idejn persuna li jkollha l-ħiliet
meħtieġa biex tinħatar għal kariga ġudizzjarja,
idealment eks imħallef tal-Qrati tal-UE. Il-persuna tista’ tinħatar
bi proċedura speċjali interistituzzjonali għal terminu stabbilit
fir-Regolament, u tkun taħdem part-time. Hija għandha tkun assistita
mill-Kontrollur tas-salvagwardji proċedurali u mill-istaff tiegħu. 4. Konklużjoni Fil-qosor, il-Kummissjoni tqis li approċ pass pass huwa
l-aħjar mod biex tkompli tissaħħaħ il-governanza tal-OLAF u
biex jitjiebu s-salvagwardji proċedurali fl-investigazzjonijiet
tiegħu. Il-Kummissjoni tilqa’ l-fatt li, bħala l-ewwel pass,
ir-Regolament rivedut tal-OLAF issa se jidħol fis-seħħ. Bħala t-tieni pass, il-Kummissjoni tqis li jkun xieraq
li jiġi kkuntemplat titjib sistemiku ulterjuri tar-Regolament tal-OLAF, li
jkunu ispirati minn dawk is-salvagwardji proċedurali fil-proposta tal-Kummissjoni
dwar l-istabbiliment ta’ Uffiċċju tal-Prosekutur Pubbliku Ewropew li
jistgħu jiġu trasposti għall-investigazzjonijiet amministrattivi
tal-OLAF u ppromulgati anki qabel ma jiġi stabbilit l-Uffiċċju
tal-Prosekutur Pubbliku Ewropew. Żewġ elementi kruċjali ta'
titjib bħal dawn ikunu t-tisħiħ ta' stħarriġ
ġudizzjarju ta' miżuri investigattivi permezz tal-uffiċċju
l-ġdid ta' Kontrollur indipendenti tas-salvagwardji proċedurali, u
salvagwardji proċedurali mtejba għal atti simili ta' tfittxija u qbid
imwettqa mill-OLAF fl-istituzzjonijiet. Il-Kummissjoni se tipproponi wkoll
il-bidliet meħtieġa għar-Regolament tal-OLAF bħala
riżultat tal-istabbiliment tal-Uffiċċju tal-Prosekutur Pubbliku
Ewropew. Dawn għandhom jidħlu fis-seħħ fl-istess waqt
mar-Regolament tal-Uffiċċju tal-Prosekutur Pubbliku Ewropew. Dan se
jkun ifisser tibdil fis-sistema, lil hinn minn investigazzjonijiet
amministrattivi lejn dawk ġudizzjarji, u jsir tibdil sostanzjali fil-mod
kif isiru l-investigazzjonijiet dwar il-frodi u attivitajiet kriminali
oħra li jaffettwaw l-interessi finanzjarji tal-UE. Dan se jwassal
għal tisħiħ sostanzjali tas-salvagwardji proċedurali
applikabbli. DIKJARAZZJONI
FINANZJARJA LEĠIŻLATTIVA IL-QAFAS TAL-PROPOSTA/TAL-INIZJATTIVA Titolu tal-proposta/tal-inizjattiva Komunikazzjoni
mill-Kummissjoni lill-Parlament Ewropew, lill-Kunsill, lill-Kumitat Ekonomiku u
Soċjali Ewropew u lill-Kumitat tar-Reġjuni "It-titjib
tal-governanza tal-OLAF u t-tisħiħ tas-salvagwardji proċedurali
fl-investigazzjonijiet Approċċ pass-pass
li jakkumpanja l-istabbiliment tal-Uffiċċju tal-Prosekutur Pubbliku
Ewropew" Il-qasam/l-oqsma politiku(iċi) kkonċernat/i fl-istruttura
ABM/ABB[3]
Qasam Politiku: 24.01. Nefqa
amministrattiva tal-qasam ta' politika Ġlieda kontra l-frodi Natura tal-proposta/tal-inizjattiva ¨
Il-proposta/l-inizjattiva hija relatata ma' azzjoni ġdida ¨
Il-proposta/l-inizjattiva hija relatata ma' azzjoni ġdida wara
proġett pilota/azzjoni preparatorja[4] X Il-proposta/l-inizjattiva
hija marbuta mal-estensjoni ta’ azzjoni eżistenti ¨
Il-proposta/l-inizjattiva hija relatata ma' azzjoni indirizzata
mill-ġdid lejn azzjoni ġdida Objettiv/i L-objettiv/i strateġiku(iċi) pluriennali tal-Kummissjoni
fil-mira tal-proposta/l-inizjattiva Il-ġlieda kontra
l-frondi Artikolu 325 TFUE L-objettiv/i speċifiku(iċi) u l-attività/jiet ABM/ABB
ikkonċernata(i) Objettiv speċifiku
Nru 7.1a Attività/jiet ABM/ABB
konċernata(i) 24.01. Nefqa amministrattiva
tal-qasam ta' politika Ġlieda kontra l-frodi Riżultat/i u impatt mistenni Speċifika
l-effetti li għandu jkollha l-proposta/l-inizjattiva fuq
il-benefiċjarji/il-gruppi fil-mira. L-istabbiliment ta'
"Kontrollur tas-salvagwardji proċedurali" huwa mistenni li
jwassal għal: - Protezzjoni mtejba
tad-drittijiet proċedurali ta' persuni li jkunu s-soġġett ta’
investigazzjonijiet tal-OLAF. - Aktar trasparenza
f'investigazzjonijiet interni u esterni - Monitoraġġ
aħjar tal-konformità mar-rekwiżiti proċedurali
fl-investigazzjonijiet - Il-possibbiltà ta'
intervent wara ilment minn xi persuna kkonċernata minn investigazzjoni
tal-OLAF quddiem il-"Kontrollur tas-salvagwardji proċedurali". Indikaturi tar-riżultati u l-impatt Speċifika
l-indikaturi għall-monitoraġġ tal-implimentazzjoni tal-proposta/l-inizjattiva. - Ipproċessar bla telf
ta' żmien tal-ilmenti, mingħajr dewmien mhux xieraq. - L-organizzazzjon ta'
proċedura b'konfrontazzjoni li ma ddumx, li tkun indipendenti mill-OLAF Raġunijiet għall-proposta/l-inizjattiva: Rekwiżit/i li għandu(hom) jiġi(u) ssodisfat/i fi
żmien qasir jew għat-tul L-istabbiliment
tal-"Kontrollur tas-salvagwardji proċedurali" għandu
jtejjeb ir-rispett lejn id-drittijiet proċedurali ta’ persuni li jkunu
s-soġġett ta’ investigazzjonijiet interni u esterni tal-OLAF u
tgħolli r-responsabbiltà tal-OLAF. Valur miżjud tal-involviment tal-UE Il-valur miżjud
tal-"Kontrollur tas-salvagwardji proċedurali" jikkonsisti
mill-abbiltà tiegħu li jimmonitorja l-konformità mad-drittijiet
proċedurali pprovduti mir-Regolament tall-OLAF u biex jittratta fil-pront
ilmenti minn persuni kkonċernati mingħajr dewmien mhux xieraq.
Il-kontrollur se jiżgura li d-drittijiet proċedurali tal-persuni
konċernati jkunu rispettati bis-sħiħ mill-OLAF. Lezzjonijiet meħuda minn esperjenzi simili fil-passat Ir-Regolament rivedut
tal-OLAF li għandu jidħol fis-seħħ f’Ottubru 2013
jipprovdi għal sett ta’ drittijiet proċedurali għal persuni li
jkunu s-soġġett ta’ investigazzjonijiet interni u esterni tal-OLAF,
kif ukoll għax-xhieda. Il-Kummissjoni kienet introduċiet
fil-proposta preċedenti tagħha ta' emenda tar-Regolament (KE)
Nru 1073/1999 dwar investigazzjonijiet immexxija mill-OLAF-
COM(2006) 244 finali- il-kunċett ta' "Konsulent
reviżur" u fil-proposta emendata tagħha tal-2011 —
COM(2011) 135- il-kunċett ta' "proċedura ta’
reviżjoni". Iż-żewġ funzjonijiet proposti kienu
mfassla sabiex jiżguraw verifika malajr tal-konformità mad-drittijiet
proċedurali ta’ persuni li jkunu s-soġġett ta’ investigazzjonijiet
tal-OLAF. Madankollu,
iż-żewġ proposti ma kinux aċċettabbli
għal-leġiżlatur minħabba d-diffikultajiet li jiġi
rrikonċiljat livell għoli ta’ indipendenza minn OLAF
mal-ħtieġa ta' kosteffiċjenza u newtralità fil-kosti. Il-Kummissjoni issa qed
tissuġġerixxi li l-uffiċċju ta' "Kontrollur
tas-salvagwardji proċedurali" ikun marbut amministrattivament
mal-Kummissjoni. L-uffiċċju tal-Kontrollur ikun espressament
mogħni b'garanziji ta' indipendenza sħiħa fil-konfront
tal-OLAF, il-Kummissjoni u l-istituzzjonijiet l-oħra tal-UE
bis-saħħa tar-Regolament rivedut tal-OLAF. Il-Kontrollur
tas-salvagwardji proċedurali għandu jinħatar mill-Kummissjoni
wara proċedura li tkun tinvolvi lill-Kumitat ta' Sorveljanza, għal
perjodu ta’ ħames snin; il-persuna maħtura għandha tkun ta'
formazzjoni ġudizzjarja u tippossjedi kompetenza legali għolja
fl-oqsma tad-drittijiet fundamentali u tal-liġi kriminali. Il-persuna
għandu jkollha esklużivament il-kompitu li tissorvelja l-osservanza
tal-garanziji proċedurali applikabbli għal investigazzjonijiet
tal-OLAF u tal-ipproċessar fil-pront tal-investigazzjonijiet biex ikun
evitat dewmien bla bżonn. Hi għandha tkun tista' tintervjeni jew
b'inizjattiva tagħha stess jew wara ilment minn kull persuna
soġġetta ta’ investigazzjoni. Din il-funzjoni għandha
tkun separat mill-missjoni tal-Kumitat ta’ Sorveljanza tal-OLAF li se jkompli
jissorvelja l-funzjonijiet ta’ monitoraġġ ta' nuqqasijiet
sistemiċi u jappoġġja l-indipendenza tal-OLAF. Il-kompatibbiltà u s-sinerġija possibbli ma’ strumenti oħra
xierqa Ir-Regolament rivedut
tal-OLAF Fuq il-bażi tal-proposta tal-Kummissjoni ta’ Marzu 2011,
u wara negozjati intensivi, ġie approvat (b'mod unanimu) kompromess dwar
ir-Regolament rivedut tal-OLAF fil-25 ta’ Frar 2013 mill-Kunsill
u fit-3 ta’ Lulju 2013 mill-Parlament Ewropew. Ir-regolament rivedut huwa
maħsub biex tissaħħaħ il-governanza tal-OLAF,
jissaħħu d-drittijiet proċedurali f’investigazzjonijiet interni
u esterni u l-iskambju ta’ informazzjoni kemm mal-istituzzjonijiet kif ukoll
mal-awtoritajiet tal-Istati Membri. L-uffiċċju
tal-Kontrollur jikkompleta r-Regolament rivedut bi trattament indipendenti
tal-ilmenti dwar id-drittijiet mogħtija fil-verżjoni riveduta
tar-Regolament. Ir-Regolament dwar
it-twaqqif tal-Uffiċċju tal-Prosekutur Pubbliku Ewropew: L-istabbiliment
tal-Uffiċċju tal-Prosekutur Pubbliku Ewropew se jwassal għal
bidla sostanzjali fil-mod kif isiru fl-Unjoni l-investigazzjonijiet dwar frodi
u attivitajiet illegali oħra li jaffettwaw l-interessi finanzjarji
tal-Unjoni Ewropea. Fil-ġejjieni, kull
darba li jqumu suspetti dwar kondotta kriminali fil-kompetenza
tal-Uffiċċju tal-Prosekutur Pubbliku Ewropew, l-investigazzjonijiet
li jsiru jitmexxew mill-Uffiċċju tal-Prosekutur Pubbliku Ewropew
bħala korp tal-prosekuzzjoni, minflok — bħalma jiġri llum —
mill-OLAF li jwettaq investigazzjonijiet amministrattivi. Din il-bidla
naturalment se tinvolvi tisħiħ sostanzjali tal-garanziji
proċedurali għall-persuni li jkunu s-soġġett ta’
investigazzjonijiet. It-tisħiħ
tal-garanziji proċedurali ta’ persuni li jkunu s-soġġett ta’
investigazzjonijiet tal-OLAF permezz tal-istabbiliment ta' Kontrollur
tas-salvagwardji proċedurali jirrappreżenta pass ta’ tħejjija
fid-direzzjoni tal-istabbiliment tal-UPPE. Durata u impatt finanzjarju: ¨
Proposta/inizjattiva ta' tul ta' żmien limitat ¨ Proposta/inizjattiva fis-seħħ
minn [JJ/XX]SSSS sa [JJ/XX]SSSS ¨ Impatt finanzjarju minn SSSS sa SSSS X Proposta/inizjattiva b'tul
taż-żmien illimitat Implimentazzjoni
b’perjodu tal-bidu mill-2015 sal-2016, u warajh
tħaddim fl-iskala kollha. Il-mod/i ta’ ġestjoni ppjanat/i[5]
X Ġestjoni diretta
mill-Kummissjoni ¨
Ġestjoni maqsuma mal-Istati Membri ¨
Ġestjoni indiretta bil-kompiti ta’ implimentazzjoni
tal-baġit ikunu fdati lil: ¨
organizzazzjonijiet internazzjonali u l-aġenziji tagħhom
(għandhom jiġu speċifikati); ¨il-BEI
u l-Fond Ewropew tal-Investiment; ¨
korpi msemmija fl-Artikoli 208 u 209; ¨
korpi tal-liġi pubblika; ¨
korpi mmexxija minn liġi privata b'missjoni ta' servizz pubbliku sal-punt
li jipprovdu garanziji finanzjarji adegwati; ¨
korpi mmexxija minn liġi privata ta' Stat Membru li huma fdati
bl-implimentazzjoni ta' sħubija pubblika-privata u li jipprovdu garanziji
finanzjarji adegwati; ¨
persuni inkarigati biex jimplimentaw azzjonijiet speċifiċi fil-PESK
skont it-Titolu V tat-TUE, u identifikati fl-att bażiku rilevanti. Kummenti […] […] MIŻURI TA’ ĠESTJONI Ir-regoli ta’ sorveljanza u rappurtar Speċifika
l-frekwenza u l-kundizzjonijiet Il-"Kontrollur
tas-salvagwardji proċedurali" minn żmien għal żmien
għandu jagħti ħarsa ġenerali lejn l-attivitajiet
tiegħu lill-Kumitat ta' Superviżjoni tal-OLAF. Is-sistema ta’ ġestjoni u kontroll Ir-riskju(i) identifikat/i L-ipproċessar ta’ dejta
personali f'ilmenti minn persuni li jkunu s-soġġett ta’
investigazzjonijiet tal-OLAF. Il-metodu(i) tal-kontroll previst/i Kontrolli ex post mill-Qorti
Ewropea tal-Awdituri Miżuri għall-prevenzjoni ta’ frodi u irregolaritajiet: Speċifika
l-miżuri ta' prevenzjoni u ta' protezzjoni eżistenti jew dawk
previsti. L-adozzjoni ta’ regoli
għall-prevenzjoni u l-immaniġġar tal-kunflitti ta’ interessi
għal dak li jirrigwarda l-membri tal-persunal tiegħu. STIMA TAL-IMPATT FINANZJARJU
TAL-PROPOSTA/INIZJATTIVA Intestatura(i) tal-qafas finanzjarju pluriennalii u tal-linja(i)
tal-baġit tan-nefqa affettwata: Linji
tal-baġit eżistenti Fl-ordni tal-intestaturi
tal-qafas finanzjarju multiannwali u tal-linji baġitjarji. L-intestatura tal-qafas finanzjarju pluriennali: || Linja baġitjarja || Tip ta' nefqa || Kontribuzzjoni Numru Intestatura 5 – Nefqa amministrattiva || Diff./mhux diff. ([6]) || minn pajjiżi tal-EFTA[7] || minn pajjiżi kandidati[8] || minn pajjiżi terzi || fit-tifsira tal-Artikolu 21(2)(b) tar-Regolament Finanzjarju || XX.YY Il-Kummissjoni Ewropea || DIFF || LE || LE || LE || LE Linji
ġodda tal-baġit mitluba Fl-ordni
tal-intestaturi u tal-linji baġitjarji tal-qafas finanzjarju pluriennali L-intestatura tal-qafas finanzjarju pluriennali: || Linja baġitjarja || Tip ta' nefqa || Kontribuzzjoni Numru [Intestatura …...….] || Diff./mhux diff. || minn pajjiżi tal-EFTA || minn pajjiżi kandidati || minn pajjiżi terzi || fit-tifsira tal-Artikolu 21(2)(b) tar-Regolament Finanzjarju || [XX.YY.YY.YY] || || IVA/LE || IVA/LE || IVA/LE || IVA/LE Stima tal-impatt fuq in-nefqa: Sinteżi tal-impatt stmat fuq in-nefqa EUR Miljuni (sa tliet punti deċimali) Intestatura tal-qafas finanzjarju pluriennali || Numru || [Intestatura……………...……………………………………………………………….] [Korp]: <…….> || || || Sena N[9] || Sena N+1 || Sena N+2 || Sena N+3 || Daħħal l-ammont ta’ snin meħtieġa biex turi kemm idum għaddej l-impatt (ara l-punt 1.6) || TOTAL Titolu 1: || Impenji || (1) || || || || || || || || Pagamenti || (2) || || || || || || || || Titolu 2: || Impenji || (1a) || || || || || || || || Pagamenti || (2a) || || || || || || || || Titolu 3: || Impenji || (3a) || || || || || || || || || Pagamenti || (3b) || || || || || || || || TOTAL tal-approprjazzjonijiet għal [korp] <…….> || Impenji || =1+1a +3 || || || || || || || || Pagamenti || =2+2a +(3b) || || || || || || || || Intestatura tal-qafas finanzjarju pluriennali || 5 || "Nefqa amministrattiva" EUR Miljuni (sa tliet punti deċimali) || || || 2015 || 2016 || 2017 || 2018 || 2019 || 2020 || || TOTAL Kontrollur tas-salvagwardja proċedurali || Riżorsi umani || 0,262 || 0,524 || 0,524 || 0,524 || 0,524 || 0,524 || || 2,882 Nefqa amministrattiva oħra || 0,012 || 0,025 || 0,025 || 0,025 || 0,025 || 0,025 || || 0,137 TOTAL || Approprjazzjonijiet || 0,274 || 0,549 || 0,549 || 0,549 || 0,549 || 0,549 || || 3,019 TOTAL tal-approprjazzjonijiet għall-INTESTATURA 5 tal-qafas finanzjarju pluriennali || (Impenji totali = Pagamenti totali) || 0,274 || 0,549 || 0,549 || 0,549 || 0,549 || 0,549 || || 3,019 EUR Miljuni (sa tliet punti deċimali) || || || 2015 || 2016 || 2017 || 2018 || 2019 || 2020 || || TOTAL TOTAL tal-approprjazzjonijiet taħt l-INTESTATURI 1 sa 5 tal-qafas finanzjarju pluriennali || Impenji || 0,274 || 0,549 || 0,549 || 0,549 || 0,549 || 0,549 || || 3,019 Pagamenti || 0,274 || 0,549 || 0,549 || 0,549 || 0,549 || 0,549 || || 3,019 Stima tal-impatt fuq
l-approprjazzjonijiet tal-[korp] ¨ Il-proposta/l-inizjattiva ma tirrikjedix
l-użu ta' approprjazzjonijiet operattivi. ¨ Il-proposta/l-inizjattiva tirrikjedi
l-użu ta' approprjazzjonijiet operattivi, kif spjegat hawn taħt: Approprjazzonijiet ta’ impenn f’EUR miljuni (sa tliet postijiet
deċimali) Indika l-objettivi u r-riżultati ò || || || 2016 || 2017 || 2018 || 2019 || 2020 || || || TOTAL RIŻULTATI Tip[10] || Kost medju || Le || Kost || Le || Kost || Le || Kost || Le || Kost || Le || Kost || Le || Kost || Le || Kost || Nru totali || Kost totali OBJETTIV SPEĊIFIKU NRU 1[11]... || || || || || || || || || || || || || || || || - Riżultat || || || || || || || || || || || || || || || || || || - Riżultat || || || || || || || || || || || || || || || || || || - Riżultat || || || || || || || || || || || || || || || || || || Subtotal għall-objettiv speċifiku Nru 1 || || || || || || || || || || || || || || || || OBJETTIV SPEĊIFIKU NRU 2 ... || || || || || || || || || || || || || || || || - Riżultat || || || || || || || || || || || || || || || || || || Subtotal għall-objettiv speċifiku Nru 2 || || || || || || || || || || || || || || || || KOST TOTALI || || || || || || || || || || || || || || || || Stima tal-impatt fuq ir-riżorsi umani tal-[korp] Sommarju ¨ Il-proposta/inizjattiva ma tirrikjedix
l-użu ta' approprjazzjonijiet ta’ natura amministrattiva þ Il-proposta/l-inizjattiva
jeħtiġilha tuża approprjazzjonijiet ta' natura amministrattiva,
kif spjegat hawn taħt: EUR Miljuni (sa tliet punti deċimali) || 2015[12] || 2016 || 2017 || 2018 || 2019 || 2020 || || TOTAL Uffiċjali (Gradi AD) || 0,196 || 0,393 || 0,393 || 0,393 || 0,393 || 0,393 || || 2,161 Uffiċjali (Gradi AST) || 0,066 || 0,131 || 0,131 || 0,131 || 0,131 || 0,131 || || 0,721 Personal bil-kuntratt || || || || || || || || Persunal temporanju || || || || || || || || Esperti Nazzjonali Sekondati || || || || || || || || TOTAL || 0,262 || 0,524 || 0,524 || 0,524 || 0,524 || 0,524 || || 2,882 Riżorsi umani Kontrollur tas-salvagwardja proċedurali || 2015 || 2016 || 2017 || 2018 || 2019 || 2020 Postijiet fit-tabella tal-persunal (individwi) || 2 || 4 || 4 || 4 || 4 || 4 - Li minnhom AD || 1,5 || 3 || 3 || 3 || 3 || 3 - Li minnhom AST || 0,5 || 1 || 1 || 1 || 1 || 1 Persunal totali || 2 || 4 || 4 || 4 || 4 || 4 Rekwiżiti stmati tar-riżorsi umani għad-DĠ
prinċipali ¨ Il-proposta/l-inizjattiva ma
teħtieġx l-użu ta’ riżorsi umani. þ Il-proposta/l-inizjattiva
jeħtiġilha tuża r-riżorsi umani, kif spjegat hawn
taħt: || || 2015 || 2016 || 2017 || 2018 || 2019 || 2020 || || Postijiet tat-tabella tal-persunal (uffiċjali u persunal temporanju) || || XX YY Persunal KE || 2 || 4 || 4 || 4 || 4 || 4 || || || || || || || || XX 01 01 02 (Delegazzjonijiet) || || || || || || || XX 01 05 01 (Riċerka indiretta) || || || || || || || 10 01 05 01 (Riċerka diretta) || || || || || || || || || || || || || || || || Persunal estern (f'Ekwivalenti Full Time: FTE) || XX 01 02 01 (CA, SNE, INT mill-"global envelope") || || || || || || || XX 01 02 02 (CA, LA, SNE, INT u JED fid-delegazzjonijiet) || || || || || || || XX 01 04 ss || - fil-Kwartieri Ġenerali || || || || || || || - fid-delegazzjonijiet || || || || || || || XX 01 05 02 (CA, SNE, INT – Riċerka indiretta) || || || || || || || 10 01 05 02 (CA, SNE, INT- Riċerka diretta) || || || || || || || Linji baġitarji oħra (speċifika) || || || || || || || TOTAL || 2 || 4 || 4 || 4 || 4 || 4 XX hija l-qasam ta’ politika jew titolu
baġitarju kkonċernat. Ir-riżorsi
umani meħtieġa sejrin jiġu sodisfatti mill-persunal mid-DĠ
li diġà huwa assenjat għall-ġestjoni tal-azzjoni u/jew ġew
riallokati fi ħdan id-DĠ, flimkien, jekk ikun meħtieġ, ma’
kwalunkwe allokazzjoni addizzjonali li tista’ tingħata lid-DĠ ta’
ġestjoni skont il-proċedura ta’ allokazzjoni annwali u fid-dawl
tar-restrizzjonijiet baġitarji. Deskrizzjoni tal-kompiti li
jridu jitwettqu: Uffiċjali u aġenti temporanji || Monitoraġġ ta' konformità mal-garanziji proċedurali applikabbli għal investigazzjonijiet tal-OLAF u tal-ipproċessar fil-pront tal-investigazzjonijiet biex ikun evitat dewmien bla bżonn. It-trattament tal-ilmenti bi proċedura ħafifa u kontenzjuża. Għandha tiġi inkluża deskrizzjoni tal-kalkolu
tal-ispiża għall-ekwivalenti FTE fl-Anness, Taqsima 3. Kompatibbiltà mal-qafas finanzjarju multiannwali þ Il-proposta/l-inizjattiva hija
kompatibbli mal-qafas finanzjarju pluriennali attwali. ¨ Il-proposta/l-inizjattiva se tinvolvi
programmar mill-ġdid tal-intestatura rilevanti fil-qafas finanzjarju
pluriennali. o Il-proposta/l-inizjattiva
teħtieġ l-applikazzjoni tal-istrumenti ta’ flessibbiltà jew ir-reviżjoni
tal-qafas finanzjarju pluriennali[13]. Kontribuzzjonijiet minn partijiet terzi þ
Il-proposta/l-inizjattiva ma tipprovdix għal kofinanzjament minn partijiet
terzi. Il-proposta/l-inizjattiva
tipprovdi għall-kofinanzjament kif stmat hawn taħt: Approprjazzjonijiet f’miljuni ta’ EUR (sa tliet punti deċimali) || Sena N || Sena N+1 || Sena N+2 || Sena N+3 || Daħħal l-ammont ta’ snin meħtieġa biex turi kemm idum għaddej l-impatt (ara l-punt 1.6) || Total Speċifika l-korp ta’ kofinanzjament || || || || || || || || TOTAL tal-approprjazzjonijiet kofinanzjati || || || || || || || ||
Impatt stmat fuq id-dħul: þ Il-proposta/l-inizjattiva ma
għandha l-ebda impatt finanzjarju fuq id-dħul ¨ Il-proposta/l-inizjattiva għandha
l-impatt finanzjarju li ġej: ¨ fuq ir-riżorsi proprji ¨ fuq introjtu mixxellanju EUR miljuni (sa tliet punti deċimali) Il-linja tad-dħul tal-baġit: || Approprjazzjonijiet disponibbli għas-sena finanzjarja attwali || It-titolu tal-proposta/inizjattiva[14] Sena N || Sena N+1 || Sena N+2 || Sena N+3 || Daħħal l-ammont ta’ snin meħtieġa biex turi kemm idum għaddej l-impatt (ara l-punt 1.6) Artikolu …. || || || || || || || || Għal
dħul mixxellanju “assenjat”, speċifika l-linja/linji tan-nefqa
tal-baġit affettwat(i). […] Speċifika
l-metodu għall-kalkolu tal-impatt fuq id-dħul. […] [1]
Il-Pożizzjoni Nru 2/2013 tal-Kunsill fl-ewwel qari
adottata fil-25/02/2013, ĠU C 89, E/27.03.2013. [2]
P7_TA(2013)0308. [3]
ABM: immaniġġar ibbażat fuq l-attività – ABB:
ibbaġitjar ibbażat fuq l-attività. [4]
Kif imsemmi fl-Artikolu 54(2)(a) jew (b) tar-Regolament
Finanzjarju. [5]
Id-dettalji tal-metodi ta' ġestjoni u r-referenzi
għar-Regolament Finanzjarju jinsabu fis-sit tal-BudgWeb: http://www.cc.cec/budg/man/budgmanag/budgmanag_mt.html [6]
Diff. = Approprjazzjonijiet differenzjati / Mhux Diff. =
Approprjazzjonijiet mhux differenzjati. [7]
EFTA: Assoċjazzjoni Ewropea tal-Kummerċ Ħieles. [8]
Pajjiżi kandidati u, meta applikabbli, pajjiżi
kandidati potenzjali mill-Balkani tal-Punent. [9]
Is-sena N hija s-sena li fiha tibda l-implimentazzjoni
tal-proposta/inizjattiva. [10]
Ir-riżultati huma l-prodotti u servizzi li għandhom
jiġu fornuti (pereż.: l-għadd ta' skambji ta' studenti
ffinanzjat, l-għadd ta' km ta' toroq mibnija, eċċ.). [11]
Kif deskritt fil-punt 1.4.2. “Objettiv/i speċifiku(ċi)...” [12]
Matul l-ewwel sena fil-fażi tal-bidu r-reklutaġġ għandu
jiżdied b'mod progressiv, għalhekk fl-2016 se jkunu meħtieja
50 % tal-persunal. [13]
Ara l-punti 19 u 24 tal-Ftehim Interistituzzjonali
għall-perjodu 2007-2013. [14]
Fir-rigward tar-riżorsi proprji tradizzjonali (dazji doganali,
taxxi fuq iz-zokkor), l-ammonti indikati jridu jkunu ammonti netti,
jiġifieri ammonti grossi wara li minnhom jitnaqqsu 25 %
għall-ispejjeż tal-ġbir.