8.5.2007   

MT

Il-Ġurnal Uffiċjali ta’ l-Unjoni Ewropea

154

(1)

Ir-Rakkomandazzjoni tal-Kummissjoni 2002/201/KE ta' l-4 ta' Marzu 2002 dwar it-tnaqqis tal-preżenza tad-dijossini, il-furani u l-PCBs fl-oġġetti ta' l-għalf u fl-oġġetti ta' l-ikel (1) huwa parti minn strateġija globali għat-tnaqqis tad-dijossini, l-furani u l-PCBs fl-ambjent, fl-għalf u fl-ikel. Il-għan tagħha huwa li tirrakkomanda livelli ta' azzjoni u biż-żmien, livelli li huma mmirati għall-għalf u l-ikel.

(2)

Minkejja li, minn punt tossikoloġiku, kull livell għandu japplika għad-dijossini u PCBs li jixbħu lid-dijossini, il-livelli massimi fl-oġġetti ta' l-ikel ġew stipolati fl-2001 għad-dijossini biss u mhux għall-PCBs li jixbħu lid-dijossini mir-Regolament tal-Kummissjoni (KE) Nru 466/2001 li jistipola livelli massimi għall-ċerti kontaminanti fl-oġġetti ta' l-ikel (2) fid-dawl tad-data limitata ħafna li kien hemm disponibbli dwar il-prevalenza tal-PCBs li jixbħu lid-dijossini. Bl-istess mod livelli massimi ta' oġġetti ta' l-għalf ienu ġew stipolati fl-2001 għad-dijossini biss u mhux għall-PCBs li jixbħu lid-dijossini mid-Direttiva 2002/32/KE tal-Parlament Ewropew u tal-Kunsill tas-7 ta' Mejju 2002 dwar sustanzi mhux mixtieqa fl-għalf għall-bhejjem (3).

(3)

Skond ir-Regolament (KE) Nru 466/2001, il-Kummissjoni għandha tirrevedi d-dispożizzjonijiet fir-rigward tad-dijossini fl-ikel għall-ewwel darba sa l-aħħar ta' l-2004 fid-dawl tad-data l-ġdida dwar il-preżenza tad-dijossini u l-PCBs li jixbħu lid-dijossini, b' mod partikolari bil-viżjoni għall-inklużjoni tal-PCBs li jixbħu lid-dijossini fil-livelli li għandhom jiġu stipola'i. Id-Direttiva 2002/32/KE fiha klawsola ta' reviżjoni simili fir-rigward tad-dijossini fl-oġġetti ta' l-għalf.

(4)

Fl-istess ħin iktar data dwar il-preżenza tal-PCBs li jixbħu lid-dijossini fl-għalf u fl-ikel saret disponibbli. Bħala konsegwenza, il-livelli massismi ġew stipolati għas-somma tad-dijossini u l-PCBs li jixbħu lid-dijossini li huma espressi bħala ekwivalenzi ta' tossiċità ta' l-Organizzazzjoni Dinjija tas-Saħħa (WHO), permezz tat-TEFs tal-WHO billi dan huwa l-approċċ l-iktar xieraq minn punt tossikoloġiku. Sabiex ikun aċċertat tranżizzjoni mingħajr tfixkil, il-livelli massimi eżistenti għad-dijossini għandhom jinżammu applikabbli għall-perjodu ta' tranżizzjoni flimkien ma' livelli ġoddi stipolati għad-dijossini u għall-PCBs li jixbħu d-dijossini.

(5)

Livelli ta' azzjoni għad-dijossini ġew stipolati mir-Rakkomandazzjoni tal-Kummissjoni 2002/201/KE ta' l-4 ta' Marzu 2002 dwar it-tnaqqis tal-preżenza tad-dijossini, tal-furani u l-PCBs fl-oġġetti ta' l-għalf u fl-oġġetti ta' l-ikel sabiex jistimolaw approċċ proattiv għat-tnaqqis tal-preżenza tad-dijossini u tal-PCBs li jixbħu lid-dijossini fl-ikel u fl-għalf. Dawn il-livelli ta' azzjoni huma mezz għall-awtoritajiet kompetenti u għall-operaturi biex jenfasizzaw dawk il-każijiet fejn huwa xieraq li jiġu identifikati s-sorsi tal-kontaminazzjoni u jittieħdu miżuri għat-tnaqqis jew l-eliminazzjoni tagħha. Billi s-sorsi tad-dijossini u tal-PCBs li jixbħu lid-dijossini huma differenti, huwa xieraq li jiġu ddeterminati livelli ta' azzjoni differenti għad-dijossini minn naħa waħda u għall-PCBs li jixbħu lid-dijossini minn naħa l-oħra. Jixraq għalhekk li tiġi mibdula r-Rakkomandazzjoni tal-Kummissjoni 2002/201/KE.

(6)

Barra minn hekk, il-livelli ta' azzjoni għandhom jiġu aġġustati perjodikament skond it-tendenza ta' tnaqqis tal-preżenza tad-dijossini u l-PCBs li jixbħu lid-dijossini u l-approċċ attiv segwit biex titnaqqas b' mod gradwali il-preżenza tagħhom fl-oġġetti ta' l-għalf u fl-oġġetti ta' l-ikel.

(7)

Id-Direttiva 2002/32/KE tipprovdi għall-possibbiltà li jiġu stipolati l-livelli ta' azzjoni. Huwa għalhekk xieraq li jiġu trasferiti l-livelli ta' azzjoni għad-dijossini u l-PCBs li jixbħu lid-dijossini fl-oġġetti ta' l-għalf fid-Direttiva 2002/32/KE.

(8)

Il-livelli fil-mira jindikaw il-livelli ta' kontaminazzjoni li għandhom jitlaħqu fl-għalf u fl-ikel sabiex fl-aħħar l-esponiment għall-bniedem lill-maġġoranza tal-popolazzjoni tal-Komunità jitbaxxa sat-TWI għad-dijossini u l-PCBs li jixbħu lid-dijossini stipolat mill-Kumitat Permanenti ta' l-Ikel (SCF). Dawn għandhom jiġu stipolati fid-dawl ta' informazzjoni iktar preċiża dwar l-impatt tal-miżuri ambjentali u l-miżuri li huma direzzjonati lejn is-sors fil-livell ta' l-għalf u l-ikel dwar it-tnaqqis tal-preċenza tad-dijossini u l-PCBs li jixbħu lid-dijossini fil-materjali ta' l-għalf differenti, fl-oġġetti ta' l-għalf u l-oġġetti ta' l-ikel. Minħabba li d-determinazzjoni ta' dawn il-livelli kkonċernati tinvolvi l-konsiderazzjoni ta' bosta xaħamturi differenti, l-iffisar ta' dawn il-livelli mixtieqa għanu jiġi pospost sa l-aħħar tas-sena 2008.

(1)

Li l-Istati Membri jwettqu, proporzjonalment mal-produzzjoni tagħhom, l-użu u l-konsum tal-materjali ta' l-għalf, l-oġġetti ta' l-għalf u l-oġġetti ta' l-ikel monitoraġġ bl-inzertaturi għall-preżenza ta' dijossini u PCBs li jixbħu lid-dijossini u — jekk huwa possibli- PCBs li ma jixbħux lid-dijossini fil-materjal ta' l-għalf, fl-oġġetti ta' l-għalf u fl-oġġetti ta' l-ikel. Dan il-monitoraġġ għandu jitwettaq skond ir-Rakkomandazzjoni tal-Kummissjoni 2004/704/KE tal-11 ta' Ottubru 2004 dwar il-monitoraġġ ta' l-ivelli fl-isfond tad-dijossini u PCBs li jixbħu lid-dijossini fl-oġġetti ta' l-għalf (4) u r-Rakkomandazzjoni tal-Kummissjoni 2004/705/KE tal-11 ta' Ottubru 2004 dwar il-monitoraġġ tal-livelli ta' sfond tad-dijossini u l-PCBs li jixbħu lid-dijossini fl-oġġetti ta' l-ikel (5).

(2)

Li fil-każ ta' nuqqas ta' konformità mad-dispożizzjonijiet preċedenti tad-Direttiva 2002/32/KE u r-Regolament (KE) Nru 466/2001, u (soġġett għall-punt 3) fil-każ fejn il-livelli tad-dijossini u/jew tad-dijossini li jixbħu lill-PCBs jaqbżu l-livelli ta' azzjoni speċifikati fl-Anness I ta' din ir-Rakkomandazzjoni fir-rigward ta' l-oġġetti ta' l-ikel u fl-Anness II tad-Direttiva 2002/32/KE fir-rigward ta' l-oġġetti ta' l-għalf

(3)

Li l-Istati Membri li fihom il-livelli ta' sfond tad-dijossini u tal-PCBs li jixbħu lid-dijossini huma partikolarment għoljin jiffissaw livelli ta' azzjoni nazzjonali għall-produzzjoi domestika tagħhom tal-materjali ta' l-għalf, l-oġġetti ta' l-għalf u l-oġġetti ta' l-ikel, sabiex għal bejn wieħed u ieħor 5 % tar-riżultati miksuba fil-monitoraġġ li jissemma fil-punt (1), issir investigazzjoni biex jiġi identifikat is-sors tal-kontaminazzjoni.

(4)

Dak l-Istat Membru għandu jinforma lill-Kummissjoni u l-Istati Membri dwar l-iskoperti tiegħu, ir-riżultati ta' l-investigazzjonijiet tiegħu u l-miżuri li ttieħdu biexinaqqas jew jelimina s-sors tal-kontaminazzjoni.

(5)

Li Stati Membri jittrażmettu l-informazzjoni li tissemma fil-punt (4) sa mhux iktar tard mill-31 ta' Marzu ta kull sena għall-oġġetti ta' l-ikel u bħala parti minn rapport annwali li għandu jitressaq lill-Kummissjoni skond l-Artikolu 22(2) tad-Direttiva tal-Kunsill 95/53/KE (6) għall-oġġetti ta' l-għalf, ħlief fejn l-informazzjoni hija ta' rilevanza immedjata għall-Istati Membri l-oħrajn li għal dak il-każ għandha tiġi trażmessa mill-ewwel. Wara l-implimentazzjoni tal-pjanijiet multi annwali li jissmemewfl-Artikoli 41 u 42 tar-Regolament (KE) 882/2004 tal-Parlament Ewropew u tal-Kunsill tad-29 ta' April 2004 dwar kontrolli uffiċjali li saru biex ikun aċċertat il-verifikar tal-konformità mal-lioġijiet dwar l-għalf u l-ikel, regoli tal-benesseri ta' l-annimali u tas-saħħa ta' l-annimali (7), l-informazzjoni tista' tiġi trażmessa bħala parti mir-rapport annwali li għandu jitressaq lill-Kummissjoni skond l-Artikolu 44 tar-Regolament (KE) 882/2004. Rakkomandazzjoni tal-Kummissjoni 2002/201/KE hija hawnhekk revokata mill-14 ta' Novembru 2006.