Beartas seirbhísí airgeadais agus cobhsaíocht airgeadais

Clúdaítear gnéithe éagsúla i mbeartas seirbhísí airgeadais AE agus iad chomh fairsing leis an méid seo a leanas:

• margadh caipitil níos comhtháite agus córas airgeadais níos éagsúlaithe (aontas na margaí caipitil) a chruthú san Aontas Eorpach;
• maoirseacht lárnach ar bhainc mhóra a dhéanann an Banc Ceannais Eorpach sa limistéar euro a rialú, mar aon le réiteach ordúil na mbanc anásta (aontas baincéireachta);
• sásraí maoirseachta agus ceanglais stuamachta, rialachais agus trédhearcachta a chur ar bun do na bainc, cosaint a fheabhsú do thaisceoirí agus teipeanna banc a rialú;
• rialacha a chur ar bun lena rialófar feidhmiú an bhonneagair mhargaidh (e.g. ionaid trádála, tithe imréitigh láir);
• feabhas a chur ar mhargadh aonair AE le haghaidh seirbhísí agus airgeadais miondíola agus íocaíochtaí, agus é a chur ag oibriú níos fearr do thomhaltóirí agus d’infheisteoirí;
• rialacha a fhorbairt chun éascaíocht a dhéanamh ar ghníomhaíochtaí cuideachtaí árachais agus cistí pinsean ar fud an Aontais Eorpaigh, a áirithiú go ndéanfaidh siad rioscaí a bhainistiú agus gur féidir leo teacht slán i dtréimhsí deacra, agus sealbhóirí polasaí a chosaint;
• rialachas na n–ionstraimí airgeadais, trádáil in urrúis agus cistí infheistíochta agus rialacha lena ndéantar seirbhísí iarthrádála níos sábháilte agus níos éifeachtaí a neartú;
• rialacha a bhunú chun cáilíocht cleachtas iniúchóireachta agus tuairiscithe cuideachtaí a neartú;
• rialacha a bhunú chun borradh a chur faoi ról an mhaoinithe maidir le geilleagar níos glaise agus níos inbhuanaithe (maoiniú inbhuanaithe) a bhaint amach;
• feabhas a chur ar éifeachtúlacht an chórais airgeadais trí úsáid teicneolaíochtaí airgeadais úra (fintech) a chorprú;
• sciúradh airgid agus maoiniú sceimhlitheoireachta a chomhrac.

Is é is cuspóir le beartas seirbhísí airgeadais AE margaí airgeadais cobhsaí, slána agus éifeachtacha a sholáthar a oibríonn i dtimpeallacht:

• ina n–áirithítear cobhsaíocht airgeadais;
• ina gcosnaítear tomhaltóirí;
• ina gcuirtear sláine an mhargaidh chun cinn;
• ina dtacaítear le hinfheistíocht, fás agus poist.

FÉACH FREISIN

• Cosaint tomhaltóirí
• An Banc Ceannais Eorpach (BCE)
• Aontas baincéireachta
• An comhrac i gcoinne na sceimhlitheoireachta
• Margadh inmheánach
• Sciúradh airgid
• An sásra réitigh aonair
• Sásra maoirseachta aonair
• Margaí airgeadais a rialaítear ar shlí níos fearr agus atá trédhearcach (achoimre)
• Plean Gníomhaíochta maidir le hAontas na Margaí Caipitil (achoimre)
• Smachtbhannaí coiriúla don drochúsáid mhargaidh (achoimre)
• Scéimeanna ráthaithe taiscí (achoimre)
• Bainc agus gnólachtaí infheistíochta atá ag loiceadh: rialacha agus nósanna imeachta (achoimre)
• Socraíocht urrús in AE a fheabhsú (achoimre)
• Árachas agus athárachas (achoimre)
• Margaí i rialachán ionstraimí airgeadais (achoimre)
• Ról an Bhainc Cheannais Eorpaigh maidir le bainc a mhaoirsiú (achoimre)
• Cumhachtaí BCE smachtbhannaí a fhorchur (achoimre)
• Cosc ar mhí–úsáid an chórais airgeadais chun críocha sciúrtha airgid agus sceimhlitheoireachta (achoimre)
• Rialacha leasaithe le haghaidh seirbhísí íocaíochta in AE (achoimre)
• Baincéireacht agus seirbhísí airgeadais (An Coimisiún Eorpach).