Ftehim ta’ Shubija bejn l-Unjoni Ewropea u l-Istati Membri taghha, minn naha wahda, u l-Membri tal-Organizzazzjoni tal-Istati Afrikani, tal-Karibew u tal-Pacifiku, min-naha l-ohra (il-ftehim ta’ Samoa)

PUNTI EWLENIN

Il-ftehim jipprovdi għall-Aġenda 2030 tal-NU dwar Żvilupp Sostenibbli u l-Ftehim ta’ Pariġi bħala l-oqsfa globali li jiggwidaw is-sħubija.

L-objettivi tal-ftehim huma li:

• jippromwovu, jipproteġu u jissodisfaw id-drittijiet tal-bniedem, il-prinċipji demokratiċi, il-istat tad-drittt, u governanza tajba, u li jagħtu attenzjoni partikolari lill-ugwaljanza bejn is-sessi.
• jibnu stati u soċjetajiet paċifiċi u reżiljenti, li jindirizzaw sfidi kontinwi u emerġenti għal paċi u għas-sigurtà;
• li jrawmu żvilupp uman u soċjali, u b’mod partikolari biex jeqirdu l-faqar u jindirizzaw l-inugwaljanzi, u jassikuraw li kulħadd igawdi ħajja ta’ dinjità u li ħadd ma jitħalla jaqa’ lura, b’attenzjoni speċjali għan-nisa u l-bniet;
• li jimmobilizzaw l-investiment, jappoġġjaw il-kummerċ u jrawmu żvilupp fis-settur privat, bil-ħsieb li jiksbu tkabbir sostenibbli u inklużiv u li joħolqu impjiegi diċenti għal kulħadd;
• li jiġġieldu t-tibdil fil-klima, jipproteġu l-ambjent u jassikuraw il-ġestjoni sostenibbli tar-riżorsi naturali; u
• li jimplimentaw approċċ komprensiv u bilanċjat għal migrazzjoni ħalli jgawdu mill-benefiċċji ta’ mobilità sikura, ordnata u regolari u biex iwaqqfu l-migrazzjoni irregolari waqt li jindirizzaw il-kawżi ewlenin tagħha, b’rispett sħiħ għal-liġi internazzjonali u konformi mal-kompetenzi rispettivi tal-partijiet.

Djalogu ta’ Sħubija u azzjoni strutturata għall-ispeċifikajiet tal-partijiet huma l-għodda prinċipali biex jintlaħqu dawn l-objettivi.

Il-ftehim għandu l-għan li jiffaċilita l-adozzjoni ta’ pożizzjonijiet komuni mill-partijiet fuq ix-xena dinjija, isaħħaħ is-sħubijiet biex jippromwovu l-multilateraliżmu u l-ordni internazzjonali bbażata fuq ir-regoli bil-ħsieb li jmexxu ‘l quddiem l-azzjoni globali.

Il-ftehim jinkludi Parti Ġenerali (il-Partijiet I sa VI), li huma legalment vinkolanti fuq il-partijiet kollha, u tliet protokoll reġjonali li huma legalment vinkolanti fuq il-parti UE u fuq il-membri tal-OSAKP Afrikani, tal-Karibew u tal-Paċifiku rispettivament u li jiffukaw fuq il-bżonnijiet speċifiċi ta’ kull reġjun.

• Is-sitt prijoritajiet strateġiċi li japplikaw għall-partijiet kollha huma:
  • id-drittijiet tal-bniedem, id-demokrazija u l-governanza f’soċjetajiet iċċentrati fuq in-nies u bbażati fuq id-drittijiet.
  • paċi u sigurtà;
  • żvilupp uman u soċjali;
  • tkabbir u żvilupp inklużiv, ekonomiku u sostenibbli;
  • sostenibbilità ambjentali u tibdil fil-klima;
  • il-migrazzjoni u l-mobilità.
• It-tliet protokolli reġjonali (Afrikani, tal-Karibew u tal-Paċifiku) jirriflettu d-dinamiċi reġjonali, bi prijoritajiet strutturati għall-ispeċifikajiet u ħtiġijiet ta’ kull reġjun.
• Il-ftehim jistabbilixxi l-istituzzjonijiet konġunti li ġejjin fil-livell tal-membri tal-OSAKP u tal-parti UE.
  • il-Laqgħa għolja OSAKP-UE ta’ bejn il-Kapijiet tal-Istat jew tal-Gvern;
  • il-Kunsill tal-Ministri OSAKP-UE;
  • Kumitat tal-Uffiċjali Għolja fil-Livell ta’ Ambaxxaturi tal-OSAKP-UE; u
  • l-Assemblea Parlamentari Konġunta tal-OSAKP-UE.

Istituzzjonijiet korrispondenti konġunti għal kull protokoll reġjonali huma stabbiliti wkoll.