Irkupru u riżoluzzjoni ta’ kontropartijiet ċentrali
SOMMARJU TA’:
Ir-Regolament (UE) 2021/23 dwar qafas għall-irkupru u r-riżoluzzjoni ta’ kontropartijiet ċentrali
X’INHU L-GĦAN TAR-REGOLAMENT?
- Ir-regolament jistabbilixxi regoli u proċeduri għall-irkupru u r-riżoluzzjoni ta’ kontropartijiet ċentrali (CCPs)*.
- Dan huwa mfassal biex jiżgura li s-CCPs ikollhom miżuri fis-seħħ biex jgħinuhom jirkupraw minn problemi finanzjarji jew li jkunu jistgħu jkomplu l-kompiti ewlenin tagħhom jekk ikunu qed ifallu, jew x’aktarx ifallu, waqt li qed isir stralċ ta’ attivitajiet oħra permezz ta’ proċeduri normali ta’ insolvenza.
- L-għan ġenerali huwa li tiġi ppreservata l-istabbiltà finanzjarja u jiġu minimizzati l-ispejjeż għall-kontribwenti ta’ kwalunkwe falliment tas-CCP.
PUNTI EWLENIN
Kull Stat Membru tal-Unjoni Ewropea (UE) għandu r-responsabbiltajiet li ġejjin.
- Ħatra ta’ awtorità ta’ riżoluzzjoni waħda jew aktar. Dawn:
- jistgħu jkunu banek ċentrali nazzjonali, ministeri jew awtoritajiet pubbliċi b’setgħat amministrattivi;
- ikollhom l-għarfien espert, ir-riżorsi, il-kapaċità operazzjonali u setgħat estensivi biex jaġixxu malajr u b’mod flessibbli;
- ikunu responsabbli għall-ippjanar tar-riżoluzzjoni, inklużi valutazzjonijiet tar-riżolvibbiltà u, fejn meħtieġ, jeżerċitaw is-setgħat ta’ riżoluzzjoni.
- Il-ħatra ta’ ministeru wieħed b’responsabbiltà ġenerali għall-eżerċizzju tal-funzjonijiet fdati f’idejn il-ministeri skont il-leġiżlazzjoni.
- L-applikazzjoni ta’ penali għall-ksur tal-leġiżlazzjoni.
L-awtoritajiet ta’ riżoluzzjoni jistabbilixxu, jimmaniġġjaw u jippresjedu kulleġġ ta’ riżoluzzjoni. Dan jinkludi l-awtoritajiet rilevanti u jipprovdi qafas biex:
- jikkondividu l-informazzjoni;
- ifasslu pjanijiet ta’ riżoluzzjoni;
- jevalwaw ir-riżolvibbiltà ta’ CCP u l-ostakli possibbli;
- jikkoordinaw informazzjoni pubblika dwar pjanijiet u strateġiji ta’ riżoluzzjoni.
L-Awtorità Ewropea tat-Titoli u s-Swieq (ESMA):
Awtoritajiet kompetenti, awtoritajiet ta’ riżoluzzjoni u ESMA:
- jikkooperaw mill-qrib biex iwettqu l-kompiti stabbiliti fir-regolament;
- jibbażaw id-deċiżjonijiet fuq prinċipji bħal:
- il-proporzjonalità fid-dawl tal-forma ġuridika, id-daqs, il-kumplessità u l-likwidità tas-CCP,
- il-ħtieġa ta’ effikaċja u puntwalità, il-ħtieġa li l-ispejjeż jinżammu baxxi u l-ħtieġa, kemm jista’ jkun, li jiġi evitat l-użu tal-finanzi pubbliċi.
L-ippjanar tal-irkupru jeħtieġ li s-CCPs ifasslu u jżommu pjan ta’ rkupru li:
- jistabbilixxi azzjonijiet, bi jew mingħajr inadempjenza, għar-restawr tal-qagħda finanzjarja soda;
- jinkludi miżuri biex jindirizzaw ir-riskji kollha possibbli, jassorbu t-telf u jirrikostitwixxu r-riżorsi finanzjarji;
- jkun fih indikaturi bbażati fuq il-profil tar-riskju ta’ CCP;
- ma jassumix aċċess għal finanzi pubbliċi jew likwidità ta’ bank ċentrali;
- jikkunsidra l-interessi tal-partijiet interessati kollha;
- jiżgura li l-membri tal-ikklirjar ma jkollhomx espożizzjoni bla limitu għas-CCP.
Huwa jeħtieġ ukoll li l-awtorità kompetenti, il-kulleġġ superviżorju u l-awtorità ta’ riżoluzzjoni jevalwaw il-pjanijiet ta’ rkupru u jikkunsidraw kwalunkwe bidla.
L-ippjanar tar-riżoluzzjoni jeħtieġ dan li ġej.
- L-awtorità ta’ riżoluzzjoni tas-CCP trid tfassal pjan ta’ riżoluzzjoni li:
- jistabbilixxi kif tuża s-setgħat ta’ riżoluzzjoni tagħha biex tassorbi t-telf u tiżgura l-kontinwità tal-funzjonijiet kritiċi tas-CCP;
- iqis l-impatt tal-pjan fuq il-membri tal-ikklerjar, is-swieq finanzjarji u s-sistema finanzjarja;
- ma jassumix aċċess għal finanzi pubbliċi jew għajnuna minn bank ċentrali;
- jagħmel suppożizzjonijiet prudenti dwar finanzi li jistgħu jkunu disponibbli.
- Is-CCPs taħt riżoluzzjoni għandhom jikkooperaw mal-awtorità ta’ riżoluzzjoni u jipprovdu l-informazzjoni meħtieġa kollha.
- Il-kulleġġ ta’ riżoluzzjoni għandu jaqbel dwar il-pjan, inkluż kwalunkwe bidla, fi żmien 4 xhur minn meta jirċeviha.
L-evalwazzjoni tar-riżolvibbiltà teħtieġ li l-awtorità ta’ riżoluzzjoni, li qed tikkoordina mal-kulleġġ ta’ riżoluzzjoni:
- tevalwa jekk CCP hijiex riżolvibbli, biex tippermettilha tkompli topera l-funzjonijiet kritiċi tagħha;
- tidentifika kwalunkwe ostaklu għar-riżolvibbiltà u tagħti struzzjonijiet lis-CCP biex tieħu azzjoni biex tneħħihom.
Miżuri ta’ intervent bikri jippermettu lil awtorità kompetenti tagħti struzzjonijiet lil CCP li hija tqis li tista’ tkun qed tiffaċċja problemi finanzjarji biex:
- tieħu azzjoni korrettiva;
- tneħħi xi wħud jew il-membri kollha tal-maniġment superjuri jew tal-bord.
L-awtoritajiet ta’ riżoluzzjoni jqisu b’mod speċjali dan li ġej meta jimplimentaw il-pjanijiet tagħhom.
- Għanijiet:
- il-kontinwità tal-funzjonijiet kritiċi tas-CCP u tar-rabtiet ewlenin tagħha ma’ infrastrutturi tas-swieq finanzjarji oħra;
- l-evitar ta’ ħsara lis-sistema finanzjarja;
- il-protezzjoni ta’ fondi pubbliċi.
- Kundizzjonijiet:
- il-falliment attwali jew probabbli ta’ CCP;
- in-nuqqas ta’ soluzzjoni alternattiva tas-settur privat;
- ir-riżoluzzjoni li tkun fl-interess pubbliku.
- Valutazzjoni:
- żewġ valutazzjonijiet biex jiġi żgurat apprezzament ġust, prudenti u realistiku tal-assi, l-obbligazzjonijiet, id-drittijiet u l-obbligi tas-CCP.
- Salvagwardji:
- azzjonisti, il-membri tal-ikklerjar u kredituri oħra ma għandhomx jitilfu aktar milli kieku l-awtorità ta’ riżoluzzjoni ma intervjenietx (prinċipju ta’ “ebda kreditur ma jmur agħar”);
- il-klijenti u l-klijenti indiretti li għalihom ingħatat telf mill-membri tal-ikklerjar tagħhom għandhom id-dritt għal sehem proporzjonat tal-kumpens li jistgħu jirċievu dawk il-membri tal-ikklerjar;
- kull persuna affettwata minn ordni ta’ miżura ta’ kriżi jew azzjoni ta’ riżoluzzjoni għandha dritt ta’ appell.
L-awtoritajiet ta’ riżoluzzjoni jistgħu japplikaw il-miżuri li ġejjin, individwalment jew flimkien.
- Allokazzjoni tal-pożizzjoni u t-telf. It-terminazzjoni ta’ kuntratti, it-tnaqqis tal-obbligi ta’ ħlas ta’ CCP lil membri tal-ikklerjar mhux inadempjenti jew ir-rekwiżit li dawn tal-aħħar jagħmlu kontribuzzjoni fi flus lis-CCP.
- Tniżżil u konverżjoni. It-tnaqqis jew il-konverżjoni tad-daqs tal-istrumenti tas-sjieda, tad-dejn jew ta’ obbligazzjonijiet mhux koperti oħra, li jeħtieġu li CCP tipprovdi u timplimenta pjan ta’ riorganizzazzjoni tan-negozju.
- Il-bejgħ ta’ negozju. Il-bejgħ ta’ sjieda jew kwalunkwe assi, drittijiet, obbligi jew obbligazzjonijiet ta’ CCP fil-proċedura ta’ riżoluzzjoni.
- CCP tranżitorja. It-trasferiment temporanju lil CCP oħra (CCP tranżitorja) ta’ sjieda jew kwalunkwe assi, drittijiet, obbligi jew obbligazzjonijiet ta’ CCP fil-proċedura ta’ riżoluzzjoni.
- Finanzjament alternattiv. Ikkuntrattar għas-self jew il-kisba ta’ forom oħra ta’ finanzjament biex jiġu indirizzati problemi temporanji tal-fluss ta’ kontanti.
L-Istati Membri jistgħu, bħala l-aħħar miżura, jekk falliment ta’ CCP jhedded kriżi sistemika, jinjettaw flus kontanti jew jeħduhom fi sjieda pubblika (għodod ta’ stabbilizzazzjoni tal-gvern), sakemm il-miżuri jkunu temporanji u jikkonformaw mar-regoli tal-UE dwar l-għajnuna mill-Istat u l-Istat Membru jkollu arranġamenti biex jirkupra l-fondi pubbliċi.
Ir-regolament jemenda dan li ġej:
Taħt il-proċedura ta’ reviżjoni:
- L-ESMA tevalwa l-ħtiġijiet tal-persunal u r-riżorsi tagħha sat-12 ta’ Frar 2024;
- il-Kummissjoni tissottometti lill-Parlament Ewropew u lill-Kunsill tal-Unjoni Ewropea rapport dwar il-leġiżlazzjoni sat-12 ta’ Frar 2026 u rapport dwar l-effettività tal-arranġamenti ta’ governanza għall-irkupru u r-riżoluzzjoni tas-CCPs fl-UE sat-12 ta’ Awwissu 2027.
Atti delegati
Il-Kummissjoni adottat seba’ atti delegati.
- Ir-Regolament Delegat (UE) 2023/840, li jissupplimenta r-Regolament (UE) 2021/23 li jistabbilixxi standards tekniċi regolatorji li jispeċifikaw il-metodoloġija għall-kalkolu u l-manutenzjoni tal-ammont addizzjonali ta’ riżorsi proprji ddedikati li diġà ġew iffinanzjati għas-CCP (ara l-Artikolu 9).
- Ir-Regolament Delegat (UE) 2023/450, li jissupplimenta r-Regolament (UE) 2021/23 li jistabbilixxi standards tekniċi regolatorji li jispeċifikaw l-ordni li fiha s-CCPs għandhom iħallsu l-kumpens lill-membri tal-ikklerjar li mhumiex inadempjenti għat-telf tagħhom, in-numru massimu ta’ snin li matulhom dawk is-CCPs għandhom jużaw sehem tal-profitti annwali tagħhom għal tali pagamenti lill-pussessuri ta’ strumenti li jirrikonoxxu talba fuq il-profitti futuri tagħhom u s-sehem massimu ta’ dawk il-profitti li se jintuża għal dawk il-pagamenti (ara l-Artikolu 20).
- Ir-Regolament Delegat (UE) 2023/451, li jispeċifika l-fatturi li għandhom jiġu kkunsidrati mill-awtorità kompetenti u l-kulleġġ superviżorju meta jivvalutaw il-pjan ta’ rkupru tas-CCPs.
- Regolament Delegat (UE) 2023/1192 li jistabbilixxi standards tekniċi regolatorji li jispeċifikaw il-kontenut tal-arranġamenti u proċeduri bil-miktub għall-funzjonament tal-kulleġġi ta’ riżoluzzjoni.
- Ir-Regolament Delegat (UE) 2023/1193 li jistabbilixxi l-istandards tekniċi regolatorji li jispeċifikaw il-kontenut tal-pjan tar-riżoluzzjoni
- Ir-Regolament Delegat (UE) 2023/1615, li jistabbilixxi l-istandards tekniċi regolatorji li jispeċifikaw il-kundizzjonijiet li taħthom il-kumpens, l-ekwivalenti fi flus ta’ tali kumpens jew kwalunkwe rikavat li jkunu dovuti skont ir-Regolament (UE) 2021/23 għandhom jiġu mogħtija lill-klijenti u lill-klijenti indiretti u l-kundizzjonijiet li skonthom it-trasferiment għandu jitqies proporzjonat.
- Ir-Regolament Delegat (UE) 2023/1616 li jistabbilixxi l-istandards tekniċi regolatorji li jispeċifikaw:
- iċ-ċirkostanzi fejn persuna tkun meqjusa li hi indipendenti mill-awtorità tar-riżoluzzjoni u mis-CCP.
- il-metodoloġija għal assessjar tal-valur tal-assi u obbligazzjonijiet ta’ CCP;
- is-separazzjoni tal-valutazzjonijiet;
- il-metodoloġija għall-kalkolu tal-buffer għal telf addizzjonali li jrid ikun inkluż fil-valutazzjonijiet proviżorji; u
- il-metodoloġija għat-twettiq tal-valutazzjoni għall-applikazzjoni tal-prinċipju “li l-ebda kreditur ma jmur agħar”.
- Ir-Regolament Delegat (UE) 2024/450 li jistabbilixxi l-istandards tekniċi regolatorji li jispeċifikaw: l-elementi minimi li jridu jkunu inklużi fi pjan tar-riorganizzazzjoni tan-negozju u l-kriterji li għandhom jiġu ssodisfati għall-approvazzjoni tiegħu mill-awtorità ta’ riżoluzzjoni.
MINN META BEDA JAPPLIKA R-REGOLAMENT?
Dan daħal fis-seħħ fil- 11 ta’ Frar 2021. Id-dispożizzjonijiet ewlenin relatati mal-ippjanar tal-irkupru ilhom japplikaw mit-12 ta’ Frar 2022 u l-biċċa l-kbira tal-bqija tar-regolament ilu japplika mit-12 ta’ Awwissu 2022.
SFOND
- Is-CCPs huma parti essenzjali mis-sistema finanzjarja billi jimmaniġġjaw ammont sinifikanti ta’ riskju tal-kontroparti u jaġixxu bħala rabta bejn diversi banek, kontropartijiet finanzjarji u kontropartijiet oħra.
- L-adozzjoni tar-regolament dwar l-infrastruttura tas-suq Ewropew, ir-Regolament (UE) Nru 648/2012, żgurat li s-CCPs għenu biex tiżdied it-trasparenza tas-suq wara l-kriżi finanzjarja tal-2008.
- Għal aktar informazzjoni, ara:
TERMINI EWLENIN
Kontraparti ċentrali. Entitá li tqiegħed lilha nnifisha bejn il-kontropartijiet għall-kuntratti nnegozjati f’suq finanzjarju wieħed jew aktar, u ssir il-bejjiegħ għal kull xerrej u x-xerrej għal kull bejjiegħ.
DOKUMENT PRINĊIPALI
Ir-Regolament (UE) 2021/23 tal-Parlament Ewropew u tal-Kunsill tas-16 ta’ Diċembru 2020 dwar qafas għall-irkupru u r-riżoluzzjoni tal-kontropartijiet ċentrali u li jemenda r-Regolamenti (UE) Nru 1095/2010, (UE) Nru 648/2012, (UE) Nru 600/2014, (UE) Nru 806/2014 u (UE) 2015/2365 u d-Direttivi 2002/47/KE, 2004/25/KE, 2007/36/KE, 2014/59/UE u (UE) 2017/1132 (ĠU L 22, 22.1.2021, pp. 1–102).
DOKUMENTI RELATATI
Ir-Regolament Delegat tal-Kummissjoni (UE) 2023/450 tal-25 ta’ Novembru 2022 lli jissupplimenta r-Regolament (UE) 2021/23 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw l-ordni li fih is-CCPs għandhom iħallsu l-kumpens imsemmi fl-Artikolu 20(1) tar-Regolament (UE) 2021/23, l-għadd massimu ta’ snin li matulhom dawn is-CCPs għandhom jużaw sehem mill-profitti annwali tagħhom għal tali pagamenti lill-pussessuri ta’ strumenti li jirrikonoxxu pretensjoni fuq il-profitti futuri tagħhom u s-sehem massimu ta’ dawn il-profitti li għandu jintuża għal dawn il-pagamenti (ĠU L 67, 3.3.2023, pp. 5–6).
Ir-Regolament Delegat tal-Kummissjoni (UE) 2023/451 tal-25 ta’ Novembru 2022 li jispeċifika l-fatturi li għandhom jiġu kkunsidrati mill-awtorità kompetenti u l-kulleġġ superviżorju meta jiġi vvalutat il-pjan ta’ rkupru tal-kontropartijiet ċentrali (ĠU L 67, 3.3.2023, pp. 7–16).
Ir-Regolament Delegat tal-Kummissjoni (UE) 2023/840 tal-25 ta’ Novembru 2022 li jissupplimenta r-Regolament (UE) 2021/23 tal-Parlament Ewropew u tal-Kunsill fir-rigward ta’ standards tekniċi regolatorji li jispeċifikaw il-metodoloġija għall-kalkolu u l-manutenzjoni tal-ammont addizzjonali ta’ riżorsi proprji ddedikati li diġà ġew iffinanzjati li għandhom jintużaw skont l-Artikolu 9(14) ta’ dak ir-Regolament (ĠU L 107, 21.4.2023, pp. 29–38).
Ir-Regolament Delegat tal-Kummissjoni (UE) 2023/1192 tal-14 ta’ Marzu 2023 li jissupplimenta r-Regolament (UE) 2021/23 tal-Parlament Ewropew u tal-Kunsill fir-rigward ta’ standards tekniċi regolatorji li jispeċifikaw il-kontenut tal-arranġamenti u l-proċeduri bil-miktub għall-funzjonament tal-kulleġġi ta’ riżoluzzjoni (ĠU L 158, 21.6.2023, pp. 31–47).
Ir-Regolament Delegat tal-Kummissjoni (UE) 2023/1193 tal-14 ta’ Marzu 2023 li jissupplimenta r-Regolament (UE) Nru 2021/23 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-kontenut tal-pjan ta’ riżoluzzjoni (ĠU L 158, 21.6.2023, pp. 48–61).
Ir-Regolament Delegat tal-Kummissjoni (UE) 2023/1615 tat-3 ta’ Mejju 2023 li jissupplimenta r-Regolament (UE) 2021/23 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw il-kundizzjonijiet li taħthom il-kumpens, l-ekwivalenti fi flus ta’ tali kumpens jew kwalunkwe rikavat li jkun dovut skont l-Artikolu 63(1) ta’ dak ir-Regolament għandhom jiġu mgħoddija lill-klijenti u lill-klijenti indiretti u l-kundizzjonijiet li skonthom it-trasferiment għandu jitqies proporzjonat (ĠU L 199, 9.8.2023, pp. 9–13).
Ir-Regolament Delegat tal-Kummissjoni (UE) 2023/1616 tat-3 ta’ Mejju 2023 li jissupplimenta r-Regolament (UE) 2021/23 tal-Parlament Ewropew u tal-Kunsill fir-rigward ta’ standards tekniċi regolatorji li jispeċifikaw iċ-ċirkostanzi li fihom persuna titqies bħala indipendenti mill-awtorità ta’ riżoluzzjoni u mill-kontroparti ċentrali, il-metodoloġija għall-valutazzjoni tal-valur tal-assi u tal-obbligazzjonijiet ta’ kontroparti ċentrali, is-separazzjoni tal-valwazzjonijiet, il-metodoloġija għall-kalkolu tal-buffer għal telf addizzjonali li għandha tiġi inkluża f’evalwazzjonijiet provviżorji, u l-metodoloġija għat-twettiq tal-evalwazzjoni għall-applikazzjoni tal-prinċipju “li l-ebda kreditur ma jmur agħar” (ĠU L 199, 9.8.2023, pp. 14–33).
Rapport tal-Kummissjoni lill-Parlament Ewropew u lill-Kunsill dwar it-trattament tal-ekwità ċentrali tal-kontroparti fl-għodda tal-valwazzjoni negattiva u tal-konverżjoni skont ir-Regolament (UE) 2021/23 (COM(2022) 393 final, 10.8.2022).
Id-Direttiva (EU) 2017/1132 tal-Parlament Ewropew u tal-Kunsill tal-14 ta’ Ġunju 2017 dwar ċerti aspetti tal-liġi dwar il-kumpaniji (kodifikazzjoni) (ĠU L 169, 30.6.2017, pp. 46–127).
Emendi suċċessivi għad-Direttiva (UE) 2017/1132 ġew inkorporati fit-test oriġinali. Din il-verżjoni konsolidata għandha valur dokumentarju biss.
Ir-Regolament (UE) 2015/2365 tal-Parlament Ewropew u tal-Kunsill tal-25 ta’ Novembru 2015 dwar it-trasparenza ta’ tranżazzjonijiet ta’ finanzjament tat-titoli u l-użu mill-ġdid u li jemenda r-Regolament (UE) Nru 648/2012 (ĠU L 337, 23.12.2015, pp. 1–34).
Ara l-verżjoni konsolidata.
Ir-Regolament (UE) Nru 600/2014 tal-Parlament Ewropew u tal-Kunsill tal-15 ta’ Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, pp. 84–148).
Ara l-verżjoni konsolidata.
Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti tal-investiment u li temenda d-Direttiva tal-Kunsill 82/891/KEE, u d-Direttivi 2001/24/EC, 2002/47/KE, 2004/25/KE, 2005/56/KE, 2007/36/KE, 2011/35/EU, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173, 12.6.2014, pp. 190–348).
Ara l-verżjoni konsolidata.
Ir-Regolament (UE) Nru 806/2014 tal-Parlament Ewropew u tal-Kunsill tal-15 ta’ Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta’ kreditu u ċerti ditti tal-investiment fil-qafas ta’ Mekkaniżmu Uniku ta’ Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, pp. 1–90).
Ara l-verżjoni konsolidata.
Ir-Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, pp. 1–59).
Ara l-verżjoni konsolidata.
Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq), li temenda d-Deċiżjoni Nru 716/2009/KE u li tħassar id-Deċiżjoni tal-Kummissjoni 2009/77/KE (ĠU L 331, 15.12.2010, pp. 84–119).
Ara l-verżjoni konsolidata.
Id-Direttiva 2007/36/KE tal-Parlament Ewropew u tal-Kunsill tal-11 ta’ Lulju 2007 dwar l-eżerċizzju ta’ ċerti drittijiet ta’ l-azzjonisti ta’ kumpanniji kkwotati (ĠU L 184, 14.7.2007, pp. 17–24).
Ara l-verżjoni konsolidata.
Id-Direttiva 2004/25/KE tal-Parlament Ewropew u tal-Kunsill tal-21 ta’ April 2004 fuq offerti ta’ xiri (ĠU L 142, 30.4.2004, pp. 12–23).
Ara l-verżjoni konsolidata.
Id-Direttiva 2002/47/KE al-Parlament Ewropew u tal-Kunsill tas-6 ta’ Ġunju 2002 dwar arranġamenti finanzjarji kollaterali (ĠU J L 168, 27.6.2002, pp. 43–50).
Ara l-verżjoni konsolidata.
l-aħħar aġġornament 28.07.2024