—

wara li kkunsidra l-abbozz ta' deċiżjoni tal-Kunsill (11523/2006) (1),

—

wara li kkunsidra t-talba għal kunsens mill-Kunsill bi qbil ma' l-Artikolu 4(2), it-tieni inċiż, tad-Deċiżjoni tal-Kunsill 97/836/KE (C6-0346/2006) (2),

—

wara li kkunsidra l-Artikoli 75(1) u 43(1) tar-Regoli ta' Proċedura tiegħu,

—

wara li kkunsidra r-rakkomandazzjoni tal-Kumitat għall-Kummerċ Internazzjonali (A6-0473/2006),

1.

Jagħti l-kunsens tiegħu għall-abbozz ta' deċiżjoni tal-Kunsill;

2.

Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill- Kummissjoni.

—

wara li kkunsidra l-abbozz ta' deċiżjoni tal-Kunsill (11522/2006) (1),

—

wara li kkunsidra t-talba għal kunsens mill-Kunsill bi qbil ma' l-Artikolu 4(2), it-tieni inċiż, tad-Deċiżjoni tal-Kunsill 97/836/KE (2) (C6-0347/2006),

—

wara li kkunsidra l-Artikoli 75(1) u 43(1) tar-Regoli ta' Proċedura tiegħu,

—

wara li kkunsidra r-rakkomandazzjoni tal-Kumitat għall-Kummerċ Internazzjonali (A6-0472/2006),

1.

Jagħti l-kunsens tiegħu għall-abbozz ta' deċiżjoni tal-Kunsill;

2.

Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni.

—

wara li kkunsidra l-proposta għal deċiżjoni tal-Kunsill (COM(2006)0422) (1),

—

wara li kkunsidra l-abbozz ta' ftehima dwar il-koperazzjoni xjentifika u teknoloġika bejn il-Komunità Ewropea u r-Repubblika tal-Korea,

—

wara li kkunsidra l-Artikoli 170 u 300(2), l-ewwel subparagrafu, tat-Trattat KE,

—

wara li kkunsidra l-Artikolu 300(3), l-ewwel subparagrafu, tat-Trattat KE, skond liema Artikolu l-Kunsill ikkonsulta l-Parlament (C6-0438/2006),

—

wara li kkunsidra r-Regoli 51, 83(7) u 43(1) tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Industrija, ir-Riċerka u l-Enerġija (A6-0470/2006),

1.

Japprova l-konklużjoni tal-ftehima;

2.

Jagħti istruzzjonijiet lill-President tiegħu sabiex jgħaddi l-pożizzjoni tiegħu lill-Kunsill u lill-Kummissjoni, u lill-gvernijiet u lill-parlamenti ta' l-Istati Membri u lill-Gvern tar-Repubblika tal-Korea.

—

wara li kkunsidra l-Artikoli 177, 178, 179, 180 u 181 tat-Trattat KE,

—

wara li kkunsidra l-Istrateġija Imġedda ta' l-UE għall-Iżvilupp Sostenibbli adottata mill-Kunsill Ewropew fi Brussel tal-15 u s-16 ta' Ġunju 2006, u l-Istrateġija ta' l-UE għall-Iżvilupp Sostenibbli adottata preċedentement mill-Kunsill Ewropew f'Gothenburg fl-2001 u d-dimensjoni esterna ta' l-Istrateġija miżjuda mill-Kunsill Ewropew f'Barċellona fl-2002,

—

wara li kkunsidra l-Pjan ta' Implimentazzjoni ta' Johannesburg adottat mis-Samit Dinji dwar l-Iżvilupp Sostenibbli (WSSD) fl-2002,

—

wara li kkunsidra l-Aġenda 21 adottata fil-Konferenza tan-Nazzjonijiet Uniti (NU) dwar l-Ambjent u l-Iżvilupp, li saret f'Rio de Janeiro fl-1992,

—

wara li kkunsidra l-Ftehima ta' Sħubija ffirmata f'Cotonou fit-23 ta' Ġunju 2000 mill-Membri tal-Grupp ta' Stati ta' l-Afrika, il-Karibew u l-Paċifiku (ACP) min-naħa u mill-Komunità Ewropea u l-Istati Membri tagħha min-naħa l-oħra (1), b'mod partikulari l-Artikoli 19, 23 u 32 tagħha,

—

wara li kkunsidra d-Dikjarazzjoni tal-Millennju adottata mill-Assemblea Ġenerali tan-NU fl-2000, l-Għanijiet ta' Żvilupp għall-Millenju (MDGs) li huma stabbiliti hemm u r-Rapport tan-NU ta' l-2005 dwar “L-Investiment fl-Iżvilupp”,

—

wara li kkunsidra d-Dikjarazzjoni ta' Pariġi dwar l-Effettività ta' l-Għajnuna adottata fit-2 ta' Marzu 2005 fil-Forum Għoli ta' Pariġi,

—

wara li kkunsidra l-Kunsens ta' Monterrey ta' l-2002 adottat fil-Konferenza tan-NU dwar il-Finanzjament għall-Iżvilupp,

—

wara li kkunsidra l-Komunikazzjoni mill-Kummissjoni li ġġib l-isem ta' L-Għajnuna ta' l-UE: L-għoti ta' aktar, b'mod aħjar u aktar malajr (COM(2006)0087), u l-Konklużjonijiet tal-Kunsill għall-Affarijiet Ġenerali u r-Relazzjonijiet Esterni tal-11 ta' April 2006, ibbażati fuqha,

—

wara li kkunsidra d-dikjarazzjoni konġunta mill-Kunsill u r-Rappreżentanti tal-Gvernijiet ta' l-Istati Membri li ltaqgħu fil-Kunsill, il-Parlament Ewropew u l-Kummissjoni dwar il-Politika ta' Żvilupp ta' l-Unjoni Ewropea: il-Kunsens Ewropew (“Il-Kunsens Ewropew dwar l-Iżvilupp”) (2) iffirmat fl-20 ta' Diċembru 2005,

—

wara li kkunsidra l-istrateġija ta' l-UE “L-UE u l-Afrika: Lejn sħubija strateġika”, adottata mill-Kunsill Ewropew fi Brussell fil-15-16 ta' Diċembru, 2005 u l-Komunikazzjoni tal-Kummissjoni li tipproponi “Sħubija bejn l-UE u l-Karibew għat-Tkabbir, l-Istabilità u l-Iżvilupp” (COM(2006)0086),

—

wara li kkunsidra l-Komunikazzjoni mill-Kummissjoni li ġġib l-isem “Dwar ir-reviżjoni ta' l-Istrateġija ta' Żvilupp Sostenibbli: Pjattaforma għall-Azzjoni” (COM(2005)0658),

—

wara li kkunsidra l-Komunikazzjoni mill-Kummissjoni li ġġib l-isem “Reviżjoni għas-sena 2005 ta' l-Istrateġija ta' l-UE għal Żvilupp Sostenibbli”: Ħarsa Lura Inizjali u Orjentazzjonijiet Futuri (COM(2005) 0037) u l-Anness tagħha (SEC(2005)0225)),

—

wara li kkunsidra l-Komunikazzjoni mill-Kummissjoni li ġġib l-isem “Il-Koerenza tal-Politika għall-Iżvilupp: It-tħaffif tal-progress biex jintlaħqu l-Għanijiet ta' l-Iżvilupp tal-Millennju” (COM(2005)0134),

—

wara li kkusidra l-Komunikazzjoni mill-Kummissjoni li ġġib l-isem “L-immaniġġjar ta' l-ilma fil-politika u l-prijoritajiet tal-koperazzjoni għall-iżvilupp ta' l-UE tal-pajjiżi li qed jiżviluppaw” (COM(2002)0132),

—

wara li kkunsidra l-Inizjattiva dwar l-Ilma ta' l-UE li tnediet fil-WSSD f'Johannesburg fl-2002,

—

wara li kkunsidra l-Inizjattiva Ewropea dwar l-Enerġija adottata fid-WSSD, u l-Komunikazzjoni mill-Kummissjoni li ġġib l-isem Dwar l-iżvilupp fil-futur ta' l-Inizjattiva ta' l-UE għall-Enerġija u l-modalitajiet għall-istabbiliment ta' Faċilità għall-Enerġija għall-pajjiżi ACP (COM(2004)0711),

—

wara li kkunsidra l-Ftehim ta' Sħubija Ekonomika bejn l-UE u s-sitt reġjuni tal-pajjiżi ACP li għandhom jidħlu fis-seħħ fl-2008,

—

wara li kkunsidra l-Programm ta' Ħidma ta' Doha, adottat mill-Kunsill Ġenerali ta' l-Organizzazzjoni Dinjija għall-Kummerċ fit-2 ta' Awissu 2004,

—

wara li kkunsidra r-rapport dwar l-erbatax-il sessjoni tal-Kummissjoni tan-NU dwar l-Iżvilupp Sostenibbli, tat-22 ta' April 2005 u tat-12 ta' Mejju 2006,

—

wara li kkunsidra l-Komunikazzjoni mis-Sur Almunia lill-membri tal-Kummissjoni li ġġib l-isem “Indikaturi ta' żvilupp sostenibbli għall-kontroll ta' l-implimentazzjoni ta' l-Istrateġija ta' l-UE għall-Iżvilupp Sostenibbli” (SEC(2005)0161),

—

wara li kkunsidra l-Komunikazzjoni mill-Kummissjoni li ġġib l-isem “Strateġija ta' l-UE għall-Afrika: Lejn patt Ewro-Afrikan biex ikun aċċellerat l-iżvilupp fl-Afrika” (COM(2005)0489),

—

wara li kkunsidra l-Komunikazzjoni mill-Kummissjoni li ġġib l-isem “It-tħaffif tal-progress lejn il-kisba ta' l-Għanijiet tal-Millennju għall-Iżvilupp — Finanzjament għall-Iżvilupp u Effikaċja ta' l-Għajnuna” (COM(2005)0133),

—

wara li kkunsidra l-Komunikazzjoni mill-Kummissjoni li ġġib l-isem “Aċċellerazzjoni tal-progress lejn l-Objettivi tal-Millennju għall-Iżvilupp: Il-kontribuzzjoni ta' l-Unjoni Ewropea” (COM(2005)0132),

—

wara li kkunsidra l-pubblikazzjoni tal-Konferenza tan-NU dwar il-Kummerċ u l-Iżvilupp li ġġib l-isem “L-iżvilupp Ekonomiku fl-Afrika — Nerġgħu nikkunsidraw l-Irwol ta' l-Investiment Barrani Dirett” ta' l-2005,

—

wara li kkunsidra r-Rapport Ekonomiku dwar l-Afrika għall-2004 li jġib l-isem “Niftħu l-Potenzjal għall-Kummerċ ta' l-Afrika” mill-Kummissjoni Ekonomika tan-NU għall-Afrika,

—

wara li kkunsidra r-rapport ta' l-Organizzazzjoni għall-Koperazzjoni Ekonomika u għall-Iżvilupp (OECD) ta' l-2001 li jġib l-isem “Il-Linji gwida DAC: Strateġiji għall-Iżvilupp Sostenibbli”,

—

wara li kkunsidra l-opinjoni tal-Kumitat Ekonomiku u Soċjali Ewropew li ġġib l-isem “Evalwazzjoni ta' l-Istrateġija ta' l-UE għall-Iżvilupp Sostenibbli” tat-28 ta' April 2004,

—

wara li kkunsidra l-Komunikazzjoni mill-Kummissjoni li ġġib l-isem “Il-Bidla fil-Klima fil-Kuntest tal-Koperazzjoni għall-Iżvilupp” (COM(2003)0085),

—

wara li kkunsidra d-Dokument ta' Ħidma tal-Kummissjoni, li jġib l-isem “L-integrazzjoni ta' fatturi ambjentali f'oqsma oħra ta' politika — bilanċ tal-proċess ta' Cardiff” (COM(2004)0394),

—

wara li kkunsidra l-Komunikazzjoni mill-Kummissjoni li ġġib l-isem “Ġlieda kontra l-Faqar Rurali: politika u approċċ tal-Komunità Ewropea għall-iżvilupp rurali u l-immaniġġjar sostenibbli tar-riżorsi naturali f'pajjiżi li qed jiżviluppaw” (COM(2002)0429),

—

wara li kkunsidra r-Rapport ta' Sintesi dwar l-'Evalwazzjoni tar-Regolamenti dwar l-Ambjent u l-Foresti 2493/2000 u 2494/2000' ta' Novembru 2004 li ġew kummissjonati mill-Unita' ta' Evalwazzjoni komuni bejn l-Uffiċju ta' Koperazzjoni għall-għajnuna Ewropea, id-Direttorat Ġenerali għall-Iżvilupp u d-Direttorat Ġenerali għall-Affarjiet Barranin,

—

wara li kkunsidra l-proposta mill-Kummissjoni għal Regolament tal-Kunsill dwar it-twaqqif ta' skema volontarja ta' liċenzji FLEGT (Infurzar tal-Liġi tal-Foresta, Governanza u Kummerċ) għall-importazzjoni fil-Komunità Ewropea (COM(2004)0515),

—

wara li kkunsidra d-Dokument ta' Ħidma tal-Kummissjoni li jġib l-isem “L-integrazzjoni ta' l-ambjent fil-koperazzjoni ekonomika u għall-iżvilupp tal-KE” (SEC(2001)0609),

—

wara li kkunsidra “Il-Linji gwida OECD għall-Intrapriżi Multinazzjonali”, 2000,

—

wara li kkunsidra r-riżoluzzjoni tiegħu tal-15 ta' Jannar 1999 dwar standards ta' l-UE għal intrapriżi Ewropej li joperaw f'pajjiżi li qed jiżviluppaw: lejn Kodiċi ta' Mġiba Ewropew (3),

—

wara li kkunsidra r-riżoluzzjoni tiegħu ta' l-1 ta' Ġunju 2006 dwar intrapriżi żgħar u ta' daqs medju f'pajjiżi li qed jiżviluppaw (4),

—

wara li kkunsidra r-riżoluzzjoni tiegħu tas-6 ta' April 2006 dwar l-effettività ta' l-għajnuna u l-korruzzjoni f'pajjiżi li qed jiżviluppaw (5),

—

wara li kkunsidra r-riżoluzzjonijiet tiegħu tat-18 ta' Jannar 2006 dwar l-aspetti ambjentali ta' l-iżvilupp sostenibbli (6) u tal-15 ta' Ġunju 2006 dwar l-istrateġija riveduta għall-iżvilupp sostenibbli (7),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Iżvilupp (A6-0474/2006),

A.

billi l-Iżvilupp Sostenibbli kif definit mir-rapport Brundtland ta' l-1987 tal-Kummissjoni Dinjija dwar l-Ambjent u l-Iżvilupp ifisser li l-bżonnijiet tal-ġenerazzjonijiet preżenti għandhom jiġu ssodisfati mingħajr ma tkun kompromessa l-ħila ta' ġenerazzjonijiet futuri li jissodisfaw il-bżonnijiet tagħhom; filwaqt li hu meħtieġ, b'mod partikulari biex tkun salvagwardjata l-kapaċità tad-dinja li ssostni l-ħajja fid-diversità kollha tagħha, ikunu rispettati l-limiti tar-riżorsi naturali tal-pjaneta u jkunu promossi l-produzzjoni u l-konsum sostenibbli sabiex tinħall ir-rabta bejn it-tkabbir ekonomiku u d-degradazzjoni ambjentali,

B.

billi l-kunċett ta' Żvilupp Sostenibbli kien objettiv fundamentali ta' l-UE mill-1997 meta kien inkorporat bħala prinċipju ta' bażi fit-Trattat, u għalhekk għandu jkun il-bażi tal-linji politiki u l-attivitajiet kollha ta' l-UE,

C.

billi l-kunċett ta' l-Iżvilupp Sostenibbli ma jqisx li kwistjonijiet soċjali, ambjentali u ekonomiċi huma kontradittorji iżda li jiddependu minn xulxin u jsaħħu lil xulxin,

D.

billi wieħed mill-objettivi ewlenin ta' l-Istrateġija mġedda ta' l-UE għall-Iżvilupp Sostenibbli huwa li jippromwovi l-Iżvilupp Sostenibbli mad-dinja kollha b'mod attiv,

E.

billi l-koperazzjoni għall-iżvilupp ta' l-UE hija mmirata biex trawwem l-iżvilupp ekonomiku, ambjentali u soċjali sostenibbli ta' pajjiżi li qed jiżviluppaw u l-integrazzjoni bla problemi u gradwali tal-pajjiżi li qed jiżviluppaw fl-ekonomija dinjija, u biex tikkontribwixxi għat-tnaqqis tal-faqar f'pajjiżi li qed jiżviluppaw,

F.

billi t-tkomplija ta' tendenzi mhux sostenibbli kemm fil-pajjiżi żviluppati kif ukoll f'dawk li qed jiżviluppaw f'ħafna oqsma bħar-riżorsi ta' l-art, it-trasport, il-bidla fil-klima, is-sajd, it-tnaqqis tal-bijodiversità jew il-konsum ta' riżorsi għandha fuq kollox effett negattiv għall-foqra fil-pajjiżi li qed jiżviluppaw,

G.

billi iktar minn biljun ruħ, l-aktar fil-pajjiżi l-inqas żviluppati (LDCs), jgħixu f'faqar kbir b'inqas minn USD1 kuljum, u bejn 1.5 u 3 biljun ruħ jgħixu taħt il-limitu tal-faqar ta' USD 2 kuljum,

H.

billi tnejn minn kull tliet persuni fqar fid-dinja jgħixu f'żoni rurali u jiddependu fuq riżorsi naturali għall-għixien tagħhom (8), il-foresti jappoġġjaw l-għixien ta' 90 % ta' aktar minn biljun persuna li jgħixu f'faqar estrem (9), u iktar minn biljun persuna madwar id-dinja, l-iktar f'komunitajiet fqar, jiddependu fuq il-ħut biex jissupplixxu ta' l-inqas 30 % tal-proteini tagħhom mill-annimali (10);

I.

billi l-flussi ta' Assistenza Uffiċjali għall-Iżvilupp (ODA) għall-Afrika huma ħafna anqas mill-massimu ta' l-1990 u huwa stmat li hemm nuqqas ta' bejn USD 20-25 biljun fis-sena,

J.

billi l-Istati Membri ta' l-UE impenjaw ruħhom li tintlaħaq il-mira ta' l-ODA ta' 0.7% tad-dħul gross nazzjonali (GNI) sa l-2015, u l-Istati Membri ġodda li jżidu l-ODA/GNI tagħhom b'0.33 % sa l-2015,

K.

billi l-qerda tal-faqar tista' twassal għal mudelli sostenibbli ta' konsum u mmaniġġjar tar-riżorsi f'pajjiżi li qed jiżviluppaw jekk magħha jsiru sforzi għal livelli aħjar ta' edukazzjoni, saħħa u kapaċità istituzzjonali; billi l-ġlieda kontra l-faqar tagħti riżultati pożittivi biss jekk ir-riżorsi ambjentali u naturali jkunu mmaniġġjati b'mod sostenibbli,

L.

billi konformità ma' standards demokratiċi, u t-twaqqif u t-tisħiħ ta' istituzzjonijiet ta' l-Istat trasparenti u effiċjenti u b'mod partikulari ta' kapaċità amministrattiva, huma kruċjali biex jiġu ttrattati b'mod effettiv l-isfidi ekonomiċi, soċjali u ambjentali f'pajjiżi li qed jiżviluppaw,

M.

billi l-korruzzjoni tfixkel l-effettività ta' l-għajnuna, u għalhekk tfixkel il-linji politiċi ta' l-UE għall-iżvilupp u hija ostaklu serju għall-iżvilupp f'pajjiżi msieħba ta' l-UE,

N.

billi jinħtieġu approċċi ġodda biex is-swieq jaħdmu biex jintlaħaq l-Iżvilupp Sostenibbli u s-settur privat għandu jaħdem biex jinħolqu soċjetajiet ġusti u sostenibbli,

O.

billi n-nuqqas ta' sistemi legali effettivi u ta' drittijiet ekonomiċi u ta' proprjetà intellettwali huwa ostaklu kbir biex jiġi stabbilit ambjent ta' investiment li jista' jwassal għal żvilupp ekonomiku sod, u b'hekk għal progress soċjali f'ħafna LDCs,

P.

billi linji politiċi ta' żvilupp sodi u għajnuna sostanzjali għall-iżvilupp huma importanti, iżda ma jbiddlu xejn fl-Iżvilupp Sostenibblli sakemm ma jissarrfux b'mod effettiv f'azzjonijiet ta' żvilupp koerenti filpajjiżi li qed jibbenefikaw u jindirizzaw b'mod sostenibbli l-opportunitajiet u t-theddid ambjentali,

Q.

billi l-pubblikazzjoni hawn fuq imsemmija li jġib l-isem “Żvilupp Ekonomiku fl-Afrika — Nerġgħu Nikkunsidraw l-Irwol ta' l-Investiment Barrani Dirett” juri li r-rabta ta' l-għajnuna mal-ħarsien ambjentali tista' tnaqqas il-faqar b'mod effettiv,

R.

billi l-qtugħ illegali ta' siġar jikkawża ħsara ambjentali, jiswa lill-gvernijiet f'pajjiżi li qed jiżviluppaw biljuni ta' dollari fi dħul mitluf, jippromwovi l-korruzzjoni, ifixkel l-istat tad-dritt u l-governanza tajba u jservi ta' finanzjament għal kunflitti bl-armi,

S.

billi 2.6 biljun ruħ, jew aktar minn 40 % tal-popolazzjoni tad-dinja, m'għandhomx aċċess għas-sanità bażika, u billi biljun ruħ jużaw għejun mhux sikuri ta' ilma tax-xorb,

T.

billi t-tkomplija tat-tniġġis, tad-degradazzjoni u tat-tnaqqis tar-riżorsi naturali tista' twassal għal sitwazzjonijiet ta' kunflitt f'ħafna pajjiżi li qed jiżviluppaw,

U.

billi l-ekonomiji ta' pajjiżi li qed jiżviluppaw jiddgħajfu minħabba tibdil fil-prezzijiet ta' l-enerġija u jbatu minn nuqqas ta' diversifikazzjoni ta' l-enerġija, u ħafna drabi dawn il-pajjiżi jonfqu porzjon sinifikanti mill-qligħ tagħhom mill-kummerċ fuq l-importazzjoni ta' enerġija, xi ħaġa li taffettwa ħażin l-iżvilupp stabbli ta' l-ekonomiji ta' dawk il-pajjiżi,

V.

billi tkabbir qawwi tal-popolazzjoni huwa wieħed mill-isfidi għall-Iżvilupp Sostenibbli minħabba l-użu ħażin ta' riżorsi naturali, u dan iwassal għal degradazzjoni ambjentali serja,

1.

Jilqa' l-fatt li l-Istrateġija Mġedda ta' l-UE għall-Iżvilupp Sostenibbli hawn fuq imsemmija ttenni l-promozzjoni ta' l-Iżvilupp Sostenibbli mad-dinja kollha bħala waħda mill-objettivi ewlenin tagħha;

2.

Jilqa' l-fatt li l-Kunsens Ewropew dwar l-Iżvilupp hawn fuq imsemmi jistabbilixxi l-qerda tal-faqar filkuntest ta' l-iżvilupp sostenibbli bħala objettiv primarju u predominanti tal-koperazzjoni għall-iżvilupp ta' l- UE;

3.

Iqis li l-promozzjoni tat-tkabbir ekonomiku sostenibbli u l-qerda tal-faqar filwaqt li jkun żgurat ilħarsien ambjentali huma fost l-isfidi l-iktar kruċjali tal-linji politiċi ta' koperazzjoni għall-iżvilupp ta' l-UE u ma jistgħux jintlaħqu mingħajr ma jitwaqqfu objettivi soċjali u ambjentali, li jinkludu l-ħarsien ta' l-ambjent u l-aċċess ġust u t-tqassim tal-benefiċċji tar-riżorsi umani;

4.

Jisħaq li bidla lejn aċċess u t-tqassim iktar ġust tar-riżorsi naturali jew ta' l-enerġija kundizzjoni bilquddiem għall-Iżvilupp Sostenibbli u element intrinsiku tad-dinjità tal-bniedem;

5.

Jilqa' l-inklużjoni tar-Regolament (KE) Nru 1905/2006 tal-Parlament Ewropew u tal-Kunsill tat-18 ta' Diċembru 2006 li jistabbilixxi strument ta' finanzjament għall-koperazzjoni fl-iżvilupp (11) ta' programm tematiku għall-ambjent u l-immaniġġjar sostenibbli tar-riżorsi naturali li tinkludi l-enerġija;

6.

Jenfasizza l-ħtieġa li jkun żgurat li t-tliet komponenti ta' l-Iżvilupp Sostenibbli, jiġifieri l-ħarsien ambjentali, l-ekwità u l-koeżjoni soċjali u l-prosperità ekonomika, jiġu integrati kif suppost u implimentati fillinji politiċi kollha ta' koperazzjoni għall-iżvilupp; iħeġġeġ lill-Kummissjoni biex tirrevedi dan il-proċess regolarment;

7.

Jitlob mekkaniżmi msaħħin għall-monitoraġġ tal-progress biex jintlaħqu l-miri stabbiliti fil-Pjan ta' Implimentazzjoni ta' Johannesburg u ta' l-MDGs hawn fuq imsemmija, bħal impenn akbar għall-Iżvilupp Sostenibbli, filwaqt li jiżgura integrazzjoni ta' l-aspetti ekonomiċi, soċjali u ambjentali ta' l-Iżvilupp Sostenibbli u l-promozzjoni ta' l-istat tad-dritt u ta' l-istituzzjonijiet pubbliċi u oħrajn;

8.

Ifakkar li l-Iżvilupp Sostenibbli huwa kwistjoni transversali li teħtieġ tisħiħ tal-koerenza politika floqsma kollha sabiex jiġi żgurat li jaħdmu bla problemi;

9.

Jisħaq li hemm bżonn aktar sforzi fil-ġlieda kontra l-iżviluppi attwali li mhux sostenibbli, b'mod partikulari dawk li jwasslu għall-emissjonijiet ta' gassijiet serra, it-tnaqqis tar-riżorsi ta' ħut u t-telf tal-bijodiversità; rigward it-telf tal-bijodiversità, iħeġġeġ lill-partijiet interessati kollha biex jieħdu l-miżuri xierqa biex filfatt jintlaħaq l-objettiv li jispiċċa t-telf tal-bijodiversità sa l-2010;

10.

Iħeġġeġ lill-Kummissjoni biex tintensifika l-isforzi tagħha biex tintegra tħassib ambjentali bħall-immaniġġjar tar-riżorsi naturali f'oqsma ewlenin tal-linji politiċi ta' żvilupp;

11.

Jistieden il-Kummissjoni biex tirranġa l-mod li bih tipprovdi l-għajnuna biex jiġi konformi ma' listrateġiji nazzjonali ta' l-Iżvilupp Sostenibbli tal-pajjiżi li lilhom tipprovdi dik l-għajnuna;

12.

Jistieden lill-UE biex tagħti parir lill-pajjiżi li qed jiżviluppaw dwar kif jiżviluppaw il-kapaċità tagħhom li jevalwaw l-impatt ambjentali tar-riżorsi naturali tagħhom u tal-linji politiċi ta' mmaniġġjar tar-riżorsi, li mbagħad tista' tiġi implimentata bħala parti minn programmi ta' koperazzjoni ma' dawk il-pajjiżi;

13.

Itenni l-importanza kritika tal-monitoraġġ ta' l-impatt ekoloġiku dinji ta' l-UE, peress li juri l-impenn ta' l-UE għall-promozzjoni ta' l-Iżvilupp Sostenibbli mad-dinja kollha;

14.

Jenfasizza l-importanza li titħares il-bijodiversità u jissuġġerixxi li dan il-ħarsien jew ikun miżjud bħala kwistjoni ewlenija fl-Istrateġija għall-Iżvilupp Sostenibbli, jew ta' l-anqas jingħata enfasi speċjali filqasam dwar l-immaniġġjar tar-riżorsi naturali;

15.

Jistieden lill-Kummissjoni biex taħdem mal-pajjiżi ACP biex tipprevjeni “dumping” illegali ta' skart tossiku kemm b'operazzjoni lokali kif ukoll b'operaturi internazzjonali li joriġinaw u joperaw fl-UE;

16.

Jenfasizza l-urġenza li tingħata għajnuna lill-pajjiżi li qed jiżviluppaw biex jadattaw għall-isfidi talbidla fil-klima u biex jieħdu l-passi neċessarji għal appoġġ imsaħħaħ għall-investiment f'teknoloġiji nodfa u effiċjenti fid-dinja li qed tiżviluppa; jirrikonoxxi wkoll l-urġenza għall-UE biex tasal u tmur lil hinn mill-miri tagħha ta' tnaqqis fl-emissjonijiet biex tgħin tillimita l-bdil perikoluż fil-klima, li jkollu impatt fuq pajjiżi li qed jiżviluppaw u bl-iktar mod serju fuq l-ifqar;

17.

Jistieden lill-UE biex tieħu l-miżuri meħtieġa biex tgħin lill-imsieħba li qed jiżviluppaw biex jonoraw l-impenji li daħlu għalihom matul in-negozjati dinjija reċenti dwar l-istrateġija ta' l-Iżvilupp Sostenibbli u b'mod partikolari fil-ġlieda kontra l-bidla fil-klima, li minnha l-persuni huma l-ewwel li jsofru (Kyoto, Monterrey, Doha, Johannesburg);

18.

Jinkoraġġixxi l-iżvilupp u t-tixrid tat-teknoloġiji ta' enerġija alternattiva u jenfasizza l-urġenza li jiżdied b'mod sostanzjali s-sehem globali tas-sorsi ta' enerġija li tiġġedded;

19.

Jistieden lill-Kummissjoni biex tniedi proġetti ma' korporazzjonijiet Ewropej speċjalizzati fl-enerġija li tiġġedded li jiffaċilitaw u jtejbu t-trasferiment u l-użu ta' sorsi ta' enerġija li m'humiex ta' ħsara għall-ambjent għall-użu individwali jew ta' kumpaniji fil-pajjiżi li qed jiżviluppaw;

20.

Jenfasizza li l-infrastrutturi jistgħu jkunu element essenzjali ta' l-Iżvilupp Sostenibbli jekk ikunu konformi mal-linji gwida ambjentali u soċjali u jistieden lill-Kummissjoni biex tassigura li l-Assessjazzjoni Strateġika Ambjentali u l-Assessjazzjoni ta' l-Impatt Ambjentali jsiru u jkunu disponibbli għall-pubbliku għal kull programm u proġett li jieħu appoġġ finanzjarju mill-EU, b'mod partikolari is-Sħubija bejn l-UE u l- Afrika dwar l-Infrastruttura proposta mill-Kummissjoni fil-Kommunikazzjoni tagħha lill-Kunsill u l-Parlament Ewropew (COM(2006)0376) li se tipprovdi appoġġ finanzjarju għal proġetti ta' infrastruttura transkonfinali, li jista' jgħin biex jingħalqu l-qsim fi proġetti reġjonali infrastrutturali u li — skond il-Kunsens Ewropew għall-Iżvilupp hawn fuq imsemmi — għandu jagħti lill-Istati Membri kollha l-opportunità li jippreżentaw proposti ta' proġetti xierqa, irrispettivament minn kwalunkwe kontribuzzjoni diretta;

21.

Jinnota li s-sostenibilità ekonomika ta' kull proġett infrastrutturali — jekk xieraq, flimkien ma' riformi f'politika ta' ħlasijiet — għandha tiġi żgurata u li s-sostenibilità ekoloġika m'għandhiex tiġi mhedda;

22.

Jirrikonoxxi n-numru ta' riżorsi ta' l-ilma komuni u bejn il-fruntieri fl-Afrika, il-vulnerabilità tarriżorzi ta' l-ilma għall-bidla fil-klima, għat-teħid żejjed, u għat-tniġġiż; jistieden il-Kummissjoni biex tippromwovi l-immaniġġjar integrat tar-riżors ta' l-ilma fi ħdan is-Sħubija bejn l-UE u l-Afrika dwar l-Infrastruttura biex tkun żgurata l-provvista ta' l-ilma għas-saħħa tal-bniedem u għas-sostenibilità ekoloġika;

23.

Jirrikonoxxi li l-impatti ambjentali u soċjali ta' proġetti kbar infrastrutturali jistgħu jkunu serji; jissuġġerixxi li l-kriterji pprovduti mill-Kummissjoni Dinjija dwar id-Digi, li tinkludi analiżi ta' għażliet u parteċipazzjoni tal-pubbliku, jiffurmaw il-bażi tat-teħid ta' deċiżjonijiet fir-rigward ta' proġetti kbar ta' digi;

24.

Jitlob żieda fis-sehem ta' l-għajnuna għall-iżvilupp għal proġetti marbuta maż-żieda ta' l-għarfien tannies dwar kwistjonijiet ambjentali u ta' saħħa;

25.

Jiddispjaċih li d-dimensjoni esterna ta' l-Istrateġija ta' l-UE għall-Iżvilupp Sostenibbli mhix marbuta iktar mill-qrib ma' kwistjonijiet ta' saħħa pubblika bħall-HIV/AIDS u t-tuberkolożi; jisħaq li dawn il-kwistjonijiet iridu jiġu ttrattati fl-UE u l-bqija tad-dinja;

26.

Jisħaq li l-involviment tas-soċjetà ċivili, ta' l-NGOs u b'mod partikulari tan-nisa fid-dibattitu u filproċess tat-teħid ta' deċiżjonijiet dwar l-Iżvilupp Sostenibbli huwa vitali biex jiżdied l-għarfien tal-pubbliku dwar il-kwistjoni; jinsisti dwar l-importanza ta' l-edukazzjoni biex jitrawmu għażliet ekoloġiċi sostenibbli, b'mod speċjali fost l-ifqar popolazzjonijiet;

27.

Jistieden il-Kummissjoni biex tagħti appoġġ għall-bini ta' kapaċità u għall-parteċipazzjoni tal-komunitajiet lokali u popli indiġeni fil-pajjiżi fil-pajjiżi li għadhom jiżviluppaw fl-aċċess, fil-kontroll u fl-immaniġġjar tar-riżorsi naturali;

28.

Jenfasizza li l-parteċipazzjoni mtejba għandha bżonn trasparenza fil-provvista ta' informazzjoni relevanti u aċċessibilità aħjar għad-dokumenti ta' l-UE;

29.

Jitlob it-twaqqif ta' indikaturi ta' l-iżvilupp sostenibbli biex jiġu applikati fir-rigward ta' linji politiċi ta' l-UE għall-iżvilupp koperattiv u għal rappurtar u mekkaniżmi ta' insegwiment aktar b'saħħithom relatati mal-bijodiversità u s-sostenibilità ambjentali;

30.

Jitlob impenn iktar serju minn Stati Membri ġodda u antiki biex jintlaħaq l-objettiv ta' kontribuzzjoni ta' 0.7% ta' l-ODA/GNI lill-koperazzjoni għall-iżvilupp;

31.

Jenfasizza l-importanza li jkun hemm kompatibiltà bejn ftehim ambjentali multilaterali bħall-Protokoll ta' Kyoto u l-qafas tad-WTO, b'mod partikulari fir-rigward l-applikazzjoni ta' l-Artikolu XX tal-Ftehima Ġenerali dwar it-Tariffi u l-Kummerċ (GATT) rigward żoni ta' eċċezzjonijiet ġenerali li saru skond miżuri bħal: (b) miżuri meħtieġa biex iħarsu l-ħajja jew is-saħħa tal-bniedem, ta' l-annimali jew tal-pjanti; u (g) miżuri marbuta mal-konservazzjoni ta' riżorsi naturali li jinħlew jekk miżuri bħal dawn jidħlu fis-seħħ flimkien ma' restrizzjonijiet fuq il-produzzjoni jew il-konsum domestiċi; jafferma mill-ġdid l-irwol ta' listudju ta' l-impatt tas-sostenibiltà ambjentali marbuta ma' proposti ta' kummerċ;

32.

Jistieden lill-USA, iċ-Ċina u l-Indja sabiex jirratifikaw il-Protokoll ta' Kjoto u, flimkien ma' l-UE, sabiex jassumu responsabilità għall-Iżvilupp Sostenibbli madwar id-dinja;

33.

Jisħaq li l-UE għandha terġa' tqis l-effett tas-sussidji għall-esportazzjoni fuq il-pajjiżi li qed jiżviluppaw, u b'mod partikolari fuq l-LDCs, u għandha żżid l-isforzi tagħha biex tabolixxihom permezz ta' negozjati kummerċjali internazzjonali;

34.

Jerġa' jtenni l-importanza li jittaffa d-dejn ta' l-LDCs li l-gvernijiet tagħhom jirrispettaw il-prinċipji tad-drittijiet tal-bniedem u l-governanza tajba;

35.

Jemmen li n-Netwerk Ewropew ta' Żvilupp Sostenibbli jista' jkun punt ta' riferiment għall-iskambju ta' esperjenzi u l-aħjar prattiki bejn l-Istati Membri permezz ta', mekkaniżmi ta' reviżjoni bejn il-pari, per eżempju;

36.

Jemmen li t-twaqqif ta' korp permanenti konsultattiv u ta' monitoraġġ dwar l-Iżvilupp Sostenibbli, li jkun jinkludi Stati Membri u rappreżentanti tas-soċjetà ċivika li jannaliżaw bir-reqqa l-integrazzjoni tal-kunċett fil-linji politiċi u programmi ta' l-UE, b'enfażi partikolari fuq il-koperazzjoni għall-iżvilupp, ikun ta' importanza kbira u kruċjali għall-appoġġ tal-Grupp ta' Ħidma Intern bejn is-Servizzi tal-Kummissjoni dwar l-Integrazzjoni Ambjentali fil-Koperazzjoni għall-Iżvilupp;

37.

Jenfasizza li pajjiżi żviluppati għandhom ikunu minn ta' l-ewwel fil-promozzjoni tal-kunċett ta' l- Iżvilupp Sostenibbli;

38.

Jenfasizza li l-Iżvilupp Sostenibbli jimxi id f'id ma' l-istituzzjonijiet sostenibbli, għalhekk huma meħtieġa miżuri konstrinġenti, bħal pereżempju r-rabta bejn tat-tnaqqis fid-dejn mar-rispett għad-drittijiet talbniedem u l-governanza tajba; jemmen li dan jista' jikkawża dinamika “donor-donor” u jikkostitwixxi koperazzjoni għall-iżvilupp ibbażata fuq il-prinċipji ta' l-ugwaljanza, is-sħubija u l-proprjetà;

39.

Jisħaq l-importanza li jissaħħu l-Intrapriżi Żgħar u ta' daqs Medju (SMEs) bħala għodda ewlenija biex ikun promoss l-iżvilupp ambjentali, soċjali u ekonomiku f'pajjiżi li qed jiżviluppaw; għalhekk jitlob għal sforzi intensifikati flimkien ma' l-awtoritajiet tal-pajjiż msieħba fit-tfassil ta' linji politiċi, programmi u proġetti li jiffavorixxu l-iżvilupp ta' SMEs, li joperaw bi qbil mal-prinċipji ta' l-Iżvilupp Sostenibbli; jtenni lproposta tiegħu biex jiġu appoġġjati u ffinanzjati istituzzjonijiet reġjonali li jippromwovu l-SMEs;

40.

Jistieden lill-Istati Membri ta' l-OECD biex jgħinu lill-pajjiżi li qed jiżviluppaw billi jżidu l-aċċess għal flussi ta' investiment u swieq meħtieġa u permezz ta' programmi ta' koperazzjoni għall-iżvilupp iktar effettivi;

41.

Jinkoraġġixxi enfasi fuq il-GDP meta jitkejjel il-progress fis-soċjetà li jrid ikun bilanċjat minn tħassib ugwali dwar l-aspetti kwalitattivi tat-tkabbir, peress li dan huwa rekwiżit bil-quddiem għall-Iżvilupp Sostenibbli;

42.

Jenfasizza l-ħtieġa għal miżuri komplementari bħal miżuri fiskali sostenibbli u akkwist pubbliku u ttnaqqis u l-eliminazzjoni progressiva ta' sussidji li joħoqlu distorzjoni fil-kummerċ u jagħmlu ħsara lillambjent;

43.

Jistieden lis-settur privat ta' pajjiżi li qed jiżviluppaw u ta' pajjiżi żviluppati biex jadattaw u jikkomettu ruħhom għal kodiċi ta' mġiba għall-kumpaniji li jiddeskrivu pubblikament l-impenn bażiku tagħhom għallobjettiv ta' l-Iżvilupp Sostenibbli;

44.

Jistieden lill-Kummissjoni biex timmoniterja u tirrapporta regolarment dwar l-effettività tal-Kodiċi ta'Mġiba għal Intrapriżi Ewropej li joperaw f'pajjiżi li qed jiżviluppaw, b'mod partikulari fir-rigward ta' l-implimentazzjoni ta' rekwiżiti għall-Iżvilupp Sostenibbli;

45.

Jilqa' l-approċċ tal-Kummissjoni li tippromwovi fuq skala internazzjonali l-kwistjonijiet ta' Responsabiltà Soċjali tal-Kumpaniji (CSR); madankollu, iħeġġeġ lill-Kummissjoni biex iżżid il-valur tas-CSR billi tfassal regoli li jorbtu iktar għal kumpaniji Ewropej li joperaw f'pajjiżi li qed jiżviluppaw, b'mod partikulari firrigward l-istandards fundamentali tax-xogħol ta' l-Organizzazzjoni Internazzjonali tax-Xogħol (ILO) u l-ħarsien ambjentali;

46.

Ifakkar lill-Kummissjoni dwar il-ħtieġa li tibbaża l-programmi ta' żvilupp tagħha fuq it-trasparenza u r-responsabiltà, peress li ħafna drabi l-korruzzjoni f'pajjiżi li qed jiżviluppaw issaħħaħ tendenzi mhux sostenibbli, pereżempju f'oqsma bħall-qtugħ illegali ta' siġar; u jenfasizza l-ħtieġa li jkun appoġġjat l-użu ta' għassiesa kontra l-korruzzjoni f'pajjiżi li qed jiżviluppaw billi jingħataw biżżejjed riżorsi għal proġetti bħal dawn;

47.

Jistieden lill-Kummissjoni biex taħdem ma' l-Istati Membri biex tidentifika u tressaq il-qorti lil dawk ħatja li jimpurtaw illegalment injam u prodotti ta' l-injam mis-sors, u tagħti appoġġ lill-Istati Membri ta' l- ACP f'azzjonijiet biex jitwaqqaf il-kummerċ u s-suq ta' tali prodotti;

48.

Itenni l-importanza ta' Investiment Barrani Dirett għal pajjiżi li qed jiżviluppaw u jinkoraġġixxi lill- Kummissjoni u lill-Istati Membri biex ifasslu l-politiki għall-iżvilupp tagħhom b'mod li jtejjeb il-qagħda kurrenti ta' l-istituzzjonijiet ekonomiċi u l-ambjent ta' investiment f'pajjiżi li qed jiżviluppaw;

49.

Jikkunsidra li l-awtoritajiet lokali f'pajjiżi li qed jiżviluppaw ma jkunux dejjem f'pożizzjoni li jipprovdu il-kwantitajiet ta' finanzjament meħtieġa biex isiru investimenti kbar fil-kostruzzjoni u l-manutenzjoni ta' netwerks infrastrutturali, per eżempju għall-provvista ta' l-ilma jew biex tipprovdi sanità, u għalhekk injezzjonijiet supplimentari ta' kapital privat biss, permezz ta' sħubija pubblika-privata, jkunu jistgħu jipprovdu l-kwantità meħtieġa ta' finanzjament;

50.

Itenni l-istedina tiegħu lill-Kummissjoni biex tagħti appoġġ b'saħħtu lill-iskema ta' liċenzjar FLEGT u lil ftehim imfassla ta' Sħubija Volontarja (VPAs); jemmen illi għandha tingħata attenzjoni partikolari biex ilpajjiżi msieħba jiġu persważi biex jiffirmaw il-VPAs u jissieħbu fl-iskema ta' liċenzjar, filwaqt li tkun evitata l-possibiltà li dawk l-imsieħba jaħarbu l-iskema billi jesportaw lil pajjiżi terzi, fejn m'hemmx skemi ta' liċenzjar;

51.

Jenfasizza l-importanza li jtejjeb id-djalogu soċjali ma' negozji lokali f'pajjiżi li qed jiżviluppaw sabiex jitrawwmu koperazzjoni u responsabilitajiet komuni sabiex ikun hemm konsum u produzzjoni sostenibbli u appoġġ għat-tagħlim f'dan ir-rigward bejn il-pajjiżi tan-nofsinhar u bejn dawk tat-tramuntana u nofsinhar;

52.

Jistieden lill-Kummissjoni biex tagħmel enfażi partikolari waqt in-negozjati għall-Ftehim ta' Sħubija Ekonomika fuq strateġiji li jrawwmu diversifikazzjoni akbar fl-esportazzjoni mill-pajjiżi ta' l-ACP u tagħti appoġġ lil mudelli ta' tkabbir u żvilupp li huma ambjentalment sostenibbli u soċjalment ġusti;

53.

Jerġa' jafferma li għal pajjiżi li qed jiżviluppaw, l-aċċess għal sorsi ta' l-enerġija huwa prijorità ewlenija; f'dan ir-rigward, jitlob li jkun promoss l-aċċess għall-enerġija permezz ta' l-Inizjattiva ta' l-UE dwar l- Enerġija u billi jkun aġġornat il-profil ta' l-effiċjenza ta' l-enerġija f'programmi ta' żvilupp;

54.

Jenfasizza illi, f'kuntest ta' tkabbir urban anarkiku, l-ilma u s-sanità urbana hija kwistjoni ta' żvilupp ewlenija, peress li prattiki tajba fil-qasam ta' governanza domokratika lokali jistgħu jinbnew madwar isservizzi pubbliċi lokali;

55.

Jistieden lil pajjiżi li qed jiżviluppaw, sabiex ikun assigurat l-isfruttament sostenibbli tar-riżorsi ta' lilma tagħhom, biex jiddeċentralizzaw l-immaniġġjar ta' l-ilma għal livel lokali sabiex jinvolvu l-utenti u lil dawk li jieħdu d-deċiżjonjiet fil-formolazzjoni tal-linji politiċi dwar l-ilma f'livell kemm jista' jkun qrib ilbżonnijiet taċ-ċittadini;

56.

Jistieden lill-awtoritajiet lokali fl-EU sabiex jiġu nkorraġuti jużaw parti mid-dħul mill-ħlasijiet ta' lutenti għall-provvista tas-servizzi ta' l-ilma u s-sanità sabiex jieħdu miżuri ta' koperazzjoni deċentralizzati biex jiffinanzjaw proġetti biex jitjieb l-aċċess għall-ilma f'pajjiżi li qed jiżviluppaw;

57.

Jistieden lill-UE sabiex tfassal strateġiji biex jinkoraġixxu triq ta' żvilupp ekonomiku u agrikolu kompatibbli maż-żamma jew it-tisħiħ ta' standard għoli ta' kwalità ta' l-ilma, mill-ilma ta' taħt l-art għall-ilma fornut lill-konsumatur finali;

58.

Iqis li huwa neċessarju li l-kunċett ta' Żvilupp Sostenibbli jiġi integrat fil-proċess ta' riċerka u innovazzjoni;

59.

Jistieden lill-partijiet kollha biex jistabbilixxu objettivi konkreti ta' żvilupp sostenibbli għaż-żmien qarib u għat-tul u biex jimmoniterjaw il-progress li sar fil-kisba ta' dawn l-objettivi;

60.

Jemmen li fl-ambitu tal-Koerenza tal-Politika għall-Iżvilupp u fir-rigward ta' l-immigrazzjoni, l-Istati Membri jaslu għal ftehima komuni biex jiffaċċjaw l-isfida ta' l-immigrazzjoni; ifakkar f'dan ir-rigward li għandha tingħata attenzjoni speċjali għall-fondi mibgħuta u għall-bidla ta' linji politiċi li jikkawżaw “braindrain” fi proċessi ta' “brain-gain”. jenfasizza li l-UE m'għandhiex tikkawża effetti ta' “brain-drain” għal tul ta' żmien li huma ta' ħsara għal pajjiżi li qed jiżviluppaw;

61.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill, lill-Kummissjoni u lill-gvernijiet ta' l-Istati Membri u tal-pajjiżi kandidati.

—

wara li kkunsidra t-Trattat li jistabbilixxi l-Komunità Ewropea, u b'mod partikulari s-subparagrafu ta' qabel ta' l-aħħar ta' l-Artikolu 272(4) tiegħu,

—

wara li kkunsidra t-Trattat li jistabbilixxi l-Komunità Ewropea ta' l-Enerġija Atomika, u b'mod partikulari l-Artikolu 177 tiegħu,

—

wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 rigward ir-Regolament Finanazjarju applikabbli ghall-bagit generali tal-Komunitajiet Ewropej (1), u b'mod partikulari l-Artikoli 37 u 38 tiegħu,

—

wara li kkunsidra l-baġit ġenerali ta' l-Unjoni Ewropea għas-sena finanzjarja 2007, kif ġie adottat b'mod finali fl-14 ta' Diċembru 2006,

—

wara li kkunsidra l-Ftehima Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba (2),

—

wara li kkunsidra l-Abbozz preliminari ta' baġit ta' emenda Nru 1/2007 ta' l-Unjoni Ewropea għas-sena finanzjarja 2007, li l-Kummissjoni ppreżentat fl-20 ta' Diċembru 2006 (SEC(2006)1776),

—

wara li kkunsidra l-Abbozz ta' baġit ta' emenda Nru 1/2007, li l-Kunsill stabbilixxa fit-30 ta' Jannar 2007 (5739/2007 — C6-0060/2007),

—

wara li kkunsidra l-Artikolu 69 u l-Anness IV tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Baġits (A6-0010/2007),

A.

peress li jinħtieġu aġġustamenti tekniċi sabiex ir-riżultat tal-laqgħa tat-trilogu tat-28 ta' Novembru 2006 jista' jkun ikkunsidrat u implimentat fil-baġit ta' l-Unjoni Ewropea għas-sena 2007,

B.

billi l-għan ta' l-abbozz ta' baġit ta' emenda Numru 1/2007 huwa li jintroduċi dawn l-aġġustamenti,

1.

Jilqa' l-Abbozz ta' baġit ta' emenda Nru 1/2007;

2.

Japprova bla emendi l-Abbozz ta' baġit ta' emenda Nru 1/2007;

3.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni.

—

wara li kkunsidra s-seduta li saret mill-Kumitat tiegħu għall-Iżvilupp fit-18 ta' Diċembru 2006,

—

wara li kkunsidra r-reżoluzzjoni tiegħu tat-28 ta' Settembru 2006 dwar ir-relazzjonijiet ekonomiċi u kummerċjali ta' l-UE ma' l-Indja (1) u r-riżoluzzjonijiet annwali tal-Parlament dwar id-Drittijiet tal-Bniedem ta' l-2000, l-2002, l-2003 u l-2005,

—

wara li kkunsidra r-Rakkomandazzjoni Ġenerali XXIX (diskriminazzjoni bbażata fuq id-dixxendenza) adottata mill-Kumitat tan-Nazzjoni Uniti (NU) għall-Qirda tad-Diskriminazzjoni Razzjali fit-22 ta' Awissu 2002 u t-48 miżura li għandhom jittieħdu mill-Istati Kontraenti,

—

wara li kkunsidra l-istudju li qed isir mis-Sotto-Kummissjoni tan-NU dwar il-Promozzjoni u l-Ħarsien tad-Drittijiet tal-Bniedem, li fih qed jiġu żviluppati abbozzi ta' Prinċipji u Linji Gwida għall-qirda tad- ’diskriminazzjoni bbażata fuq ix-xogħol u fuq id-dixxendenza’, u wara li jieħu kont tar-rapport preliminari maħruġ mir-Rapporteurs Speċjali dwar id-diskriminazzjoni bbażata fuq ix-xogħol u fuq iddixxendenza,

—

wara li kkunsidra d-dispożizzjonijiet varji fil-Kostituzzjoni ta' l-Indja għall-ħarsien u l-promozzjoni taddrittijiet tad-Daliti, li jolqtu mill-inqas 167 miljun persuna, inklużi dawk id-dispożizzjonijiet dwar ittneħħija tal-prattika li ċertu persuni ma jistgħux jintmessu, il-projbizzjoni tad-diskriminazzjoni fuq ilbażi tal-kasta, l-ugwaljanza ta' l-opportunitajiet fir-rigward ta' impjieg pubbliku u azzjoni affermattiva fl-oqsma ta' l-edukazzjoni, ta' l-impjieg, u tal-politika permezz ta' kwoti f'istituzzjonijiet immexxija mill-Istat u korpi politiċi rappreżentattivi; wara li kkunsidra wkoll il-bosta miżuri leġiżlattivi li jordnaw ittneħħija ta' wħud mill-agħar prattiki marbuta ma' l-idea li ċertu persuni ma jistgħux jintmessu u maddiskriminazzjoni bbażata fuq il-kasta, fosthom ix-xogħol sfurzat biex jitħallas id-dejn, it-tindif bl-idejn tal-latrini mingħajr sistema ta' drenaġġ u l-atroċitajiet kontra d-Daliti,

—

wara li kkunsidra l-Kummissjoni Nazzjonali tad-Drittijiet tal-Bniedem, il-Kummissjonijiet Nazzjonali u Statali għall-Kasti Skedati u l-Kummissjoni Nazzjonali Safai Karamchari (li tittratta l-problema tat-tindif bl-idejn tal-latrini mingħajr sistema ta' drenaġġ),

—

wara li kkunsidra l-Artikoli 91 u 90(4) tar-Regoli ta' Proċedura tiegħu,

A.

billi l-Indja hija l-akbar demokrazija li tiffunzjona fid-dinja, fejn kull ċittadin huwa ndaqs quddiem ilkaxxa tal-vot, l-aħħar President u Kap ta' l-Istat ta' l-Indja kien Dalit, u xi Daliti servew bħala ministri; billi jeżistu ideoloġiji Indù li jirrifjutaw id-diskriminazzjoni skond il-kasta u jqisu l-esklużjoni bħala aberrazzjoni tal-fidi tagħhom,

B.

billi l-persuni Dalit u gruppi simili jinsabu wkoll fin-Nepal, fil-Pakistan u fil-Bangladesh,

C.

billi l-Kummissjoni Nazzjonali tad-Drittijiet tal-Bniedem ta' l-Indja rrappurtat li l-implimentazzjoni ta' l- Att dwar il-Kasti Skedati u t-Tribujiet Skedati (Prevenzjoni ta' l-Atroċitajiet) għadha mhix sodisfaċenti, u billi hija ppubblikat għadd ta' rakkomandazzjonijiet biex tindirizza din il-problema,

D.

billi, minkejja s-sebgħa u għoxrin atroċità kommessi kontra d-Daliti kuljum u li huma reġistrati offiċjalment, il-pulizija spiss ma jħallux lid-Daliti jidħlu fl-għases tal-pulizija, jirrifjutaw li jirreġistraw każijiet min-naħa tad-Daliti u spiss jirrikorru għall-prattika tat-tortura bl-impunità kontra d-Dalit,

E.

billi, minkejja l-fatt li ħafna Daliti ma jirrappurtawx ir-reati minħabba li jibżgħu mit-tpattija min-naħa tal-kasti dominanti, l-istatistika uffiċjali tal-pulizija fuq l-aħħar ħames snin turi medja ta' tlettax-il Dalit maqtula kull ġimgħa, ħamest idjar tad-Daliti jew ħwejjiġhom maħruqa kull ġimgħa, sitt Daliti maħtufa kull ġimgħa, tlett Daliti nisa stuprati kuljum, ħdax-il Dalit imsawta kuljum u delitt kontra d-Daliti kull tmitax-il minuta (2),

F.

billi studju riċenti li sar fiz-zoni rurali ta' l-Indja dwar l-idea li ċertu persuni ma jistgħux jintmessu (3), u li kien ikopri 565 raħal fi 11-il Stat, sab li ħaddiema fil-qasam tas-saħħa pubblika rrifjutaw li jżuru ddjar tad-Daliti fi 33 % ta' l-irħula, li d-Daliti ma tħallewx jidħlu fl-għases tal-pulizija f'27.6 % ta' l-irħula, li t-tfal Daliti kellhom ipoġġu bilqiegħda f'post separat waqt l-ikel f'37.8 % ta' l-iskejjel tal-gvern, li d- Daliti ma tqassmitilhomx il-posta fi djarhom f'23.5 % ta' l-irħula, u li ġew miċħuda l-aċċess għas-sorsi ta' l-ilma fi 48.4 % ta' l-irħula minħabba s-segregazzjoni u l-prattika li ċertu persuni ma jistgħux jintmessu,

G.

billi nofs it-tfal Dalit ta' l-Indja mhumiex mitmugħa biżżejjed, 21 % “għandhom ħafna nqas mill-pis li suppost li jkollom”, u 12 % jmutu qabel ma jagħlqu ħames snin (4),

H.

billi l-idea li ċerti persuni ma jistgħux jintmessu għenet biex tgħolli ħafna aktar r-rata ta' tfal li ma jkomplux l-iskola u ta'l-illitteriżmu fost it-tfal Daliti meta mqabbla mar-rati fost il-popolazzjoni ġenerali, u d-differenza fir-rata tal-litteriżmu bejn id-Daliti u dawk mhux Daliti bilkemm inbidlet mill-indipendenza ta' l-Indja 'l hawn, u r-rati tal-litteriżmu fost in-nisa Dalit baqgħu baxxi ferm, u waslu sa 37.8 % fl-Indja rurali (5),

I.

billi n-nisa Daliti, li flimkien man-nisa “Tribali” huma l-ifqar fost il-fqar fl-Indja, jiffaċċjaw diskriminazzjoni doppja fuq il-bażi tal-kasta u tal-ġeneru fl-oqsma kollha tal-ħajja, huma suġġetti għal ksur gravi ta' l-integrità fiżika tagħhom, fosthom l-abbuż sesswali bl-impunità mill-kasti dominanti u huma esklużi soċjalment u sfruttati ekonomikament,

J.

billi l-Kummissjoni Nazzjonali għall-Kasti Skedati osservat nuqqas sostanzjali ta' allokazzjonijiet u nuqqas ta' nfiq ta' l-allokazzjonijiet għall-benessri u l-iżvilupp tad-Daliti fi ħdan il-Pjan Speċjali tal-gvern għall-Kasti Skedati,

K.

billi d-Daliti huma suġġetti għal xogħol sfurzat u xogħol biex jitħallas id-dejn u jsofru diskriminazzjoni f'għadd ta' swieq, fosthom is-swieq tax-xogħol, tad-djar, tal-konsumatur, tal-kapital u tal-kreditu; jitħallsu pagi aktar baxxi u huma suġġetti għal ħinijiet itwal tax-xogħol, pagi li jitħallsu tard u abbuż verbali jew fiżiku,

1.

Jilqa' d-dispożizzjonijiet varji fil-Kostituzzjoni ta' l-Indja għall-ħarsien u l-promozzjoni tad-drittijiet tad- Daliti; jinnota, madankollu, li minkejja dawn id-dispożizzjonijiet, l-implimentazzjoni tal-liġijiet li jħarsu ddrittijiet tad-Dalit tibqa' ferm inadegwata, u li l-atroċitajiet, l-idea li ċerti persuni ma jistgħux jintmessu, lillitteriżmu, l-inugwaljanza ta' l-opportunità, it-tindif tal-latrini mingħajr drenaġġ bl-idejn, ħlas ta'pagi mhux xierqa, xogħol sfurzat biex jitħallas id-dejn, xogħol mit-tfal u nuqqas ta' art jibqgħu jippersigwitaw lid-Daliti fl-Indja;

2.

Juri t-tħassib tiegħu dwar ir-rata baxxa ta' persuni li jinstabu ħatja ta' reati ta' dan it-tip u jitlob lill- Gvern ta' l-Indja sabiex itejjeb is-sistema tiegħu tal-ġustizzja kriminali biex jiffaċilita r-reġistrazzjoni ta' akkużi kontra dawk ħatja ta' reati kontra d-Daliti, biex tiżdied ir-rata ta' kundanna ta' l-awturi ta' dawn rreati, sabiex jitnaqqas b'mod sinifikanti d-dewmien tal-proċeduri tal-Qorti; u biex jieħu miżuri speċjali favur il-ħarsien tan-nisa Daliti;

3.

Jilqa' l-projbizzjoni riċenti ta' l-impjieg tat-tfal bħala sefturi domestiċi u ħaddiema f'postijiet ta' l-ikel ma' ġenb it-triq, ristoranti, ħwienet tat-te' eċċ., u jħeġġeġ lill-Gvern Indjan biex jieħu aktar passi favur ittneħħija totali ta' kull forma ta' xogħol magħmul mit-tfal;

4.

Jitlob lill-Gvern ta' l-Indja biex jieħu passi urġenti biex jiggarantixxi aċċess indaqs għad-Daliti għallgħases tal-pulizija u għall-istituzzjonijiet u l-faċilitajiet pubbliċi kollha, inklużi dawk marbuta ma' l-istruttura demokratika tiegħu bħall-bini panchayat (il-bini tal-assemblea lokali diversi) u postijiet tal-votazzjoni;

5.

Jilqa' bil-ferħ il-politika fiskali segwita mill-Kummissjoni ta' l-Ippjanar ta' l-Indja u mill-Ministeri varji fil-provvista ta' l-allokazzjonijiet baġitarji favur il-benessri u l-iżvilupp tad-Daliti, u jitlob lill-Gvern ta' l-Indja biex jiggarantixxi implimentazzjoni sħiħa u marbuta biż-żmien tal-miżuri politiċi u baġitarji kollha favur ilbenessri u l-iżvilupp tad-Daliti, fosthom l-implimentazzjoni sħiħa tal-Pjan Speċjali għall-Kasti Skedat;

6.

Iħeġġeġ lill-Gvern ta' l-Indja biex ikompli jaħdem mal-korpi rilevanti tan-NU marbuta mad-drittijiet talbniedem dwar it-tneħħija effettiva tad-diskriminazzjoni bbażata fuq il-kasta, fosthom il-Kumitat għall-Qirda tad-Diskriminazzjoni Razzjali u r-Rapporteurs Speċjali tan-NU assenjati biex jiżviluppaw Prinċipji u Linji Gwida dwar it-Tneħħija tad-Diskriminazzjoni bbażata fuq ix-Xogħol u fuq id-Dixxendenza;

7.

Jitlob lill-Gvern ta' l-Indja biex jirratifika l-Konvenzjoni tan-NU kontra t-Tortura u Trattamenti jew Kastigi Oħra Kiefra, Inumani u Degradanti u biex jieħu miżuri preventivi biex inaqqas ir-riskju li d-Daliti jiffaċċjaw it-tortura, biex jieħu miżuri legali biex jikkriminalizza t-tortura fl-Indja, biex jieħu miżuri punittivi fil-prosekuzzjoni ta' pulizija li jwettqu t-tortura, biex jipprovdi r-rijabilitazzjoni u l-kumpens, b'mod konsistenti, għall-vittmi tat-tortura u biex iwaqqaf mekkaniżmu indipendenti li jkun aċċessibbli għad-Daliti biex jilqa' l-ilmenti tal-vittmi tat-tortura;

8.

Jinnota bi tħassib in-nuqqas ta' impenn sostanzjali ta' l-UE mal-Gvern Indjan, b'mod partikulari fil- Laqgħat Għolja bejn l-UE u l-Indja, dwar il-problema vasta tad-diskriminazzjoni bbażata fuq il-kasta;

9.

Iħeġġeġ lill-Kunsill u lill-Kummissjoni biex iqajmu l-kwistjoni tad-diskriminazzjoni bbażata fuq il-kasta waqt il-Laqgħat Għolja bejn l-UE u l-Indja, u laqgħat oħra bħala parti mid-djalogi kollha politiċi, dwar iddrittijiet tal-bniedem, is-soċjetà ċivili, l-iżvilupp u l-kummerċ u biex jinfurmaw lill-kumitati konċernati dwar il-progress u r-riżultat ta' djalogi ta' dan it-tip;

10.

Iħeġġeġ lill-membri ta'l-UE tal-Kumitat ta' Azzjoni Konġunta biex jiżviluppaw djalogu dwar il-problema tad-diskriminazzjoni bbażata fuq il-kasta fil-qafas tad-diskussjonijiet tiegħu dwar id-demokrazija u ddrittijiet tal-bniedem, il-politika soċjali u ta' l-impjieg u l-koperazzjoni għall-iżvilupp;

11.

Itenni li jistenna li l-programmi ta' l-UE dwar l-iżvilupp fl-Indja jinkludu miżuri speċifiċi biex jassiguraw li minoritajiet bħad-Daliti u l-Adivasi u komunitajiet, tribujiet u kasti marġinalizzati oħra jkunu jistgħu inaqqsu d-differenza kbira meta mqabbla mal-bqija tal-popolazzjoni biex jintlaħqu l-Għanijiet tal-Millennju għall-Iżvilupp;

12.

Ifakkar it-talba tiegħu sabiex il-Kusill u l-Kummissjoni jagħtu prijorità lill-promozzjoni ta' opportunitajiet indaqs fl-impjieg f'kumpaniji privati bbażati fl-UE u sabiex jinkoraġġixxu kumpaniji bbażati fl-UE biex jimplimentaw il-'Prinċipji Ambedkar' (l-Impjieg u Prinċipji Addizzjonali dwar l-Esklużjoni Ekonomika u Soċjali Fformulati biex Jgħinu lill-Investituri Kollha Barranin fl-Asja ta' Isfel biex Jindirizzaw id-Diskriminazzjoni Bbażata fuq il-Kasta);

13.

Jilqa' l-impenn ta' l-UE favur l-iżvilupp ta' Prinċipji u Linji Gwida dwar it-Tneħħija tad-Diskriminazzjoni bbażata fuq ix-Xogħol u fuq id-Dixxendenza mis-Sotto-Kummissjoni tan-NU għall-Promozzjoni u lĦarsien tad-Drittijiet tal-Bniedem, u jħeġġeġ lill-Kummissjoni u lill-Kunsill biex ikomplu jagħtu dak l-appoġġ;

14.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lill-gvernijiet ta' l-Istati Membri, lill-President, lill-Gvern u lill-Parlament ta' l-Indja, lis-Segretarju-Ġenerali tan- NU, u lill-kapijiet tas-Sotto-Kummissjoni tan-NU għall-Promozzjoni u l-Ħarsien tad-Drittijiet tal-Bniedem, lill-Organiżżazzjoni Dinjija ta' Xogħol, lill-UNICEF, lill-Bank Dinji u lill-Fond Monetarju Internazzjonali.

—

wara li kkunsidra l-proposta għal regolament tal-Kunsill (COM(2006)0454) (1),

—

wara li kkunsidra l-Artikolu 300(2), l-ewwel sottoparagrafu tat-Trattat KE,

—

wara li kkunsidra l-Artikolu 300(3), l-ewwel sottoparagrafu, tat-Trattat KE skond liema artikolu l-Kunsill kkonsulta lill-Parlament (C6-0303/2006),

—

wara li kkunsidra l-Artikoli 51 u 83(7) tar-Regoli ta' Proċedura tiegħu,

—

wara li kkunsidra r-rapport tal-Kumitat għas-Sajd u l-opinjonijiet tal-Kumitat għall-Baġits u tal-Kumitat għall-Iżvilupp (A6-0477/2006),

1.

Japprova l-proposta għal regolament tal-Kunsill kif emendata u japprova l-konklużjoni tal-ftehima;

2.

Jagħti istruzzjonijiet lill-President tiegħu sabiex jagħaddi din il-pożizzjoni lill-Kunsill u lill-Kummissjoni, u lill-gvernijiet u lill-parlamenti ta' l-Istati Membri u lir-Repubblika tal-Gabon.

—

wara li kkunsidra r-riżoluzzjonijiet preċedenti tiegħu dwar moratorju universali għall-piena tal-mewt u partikularment ir-riżoluzzjonijiet tiegħu tat-23 ta' Ottubru 2003 (1); tas-6 ta' Mejju 1999 (2), u tat-18 ta' Gunju 1998 (3),

—

wara li kkunsidra r-riżoluzzjonijiet dwar il-moratorju għall-piena kapitali adottata minn korpi varji tan- Nazzjonijiet Uniti, inkluża l-Kummissjoni tan-NU għad-Drittijiet tal-Bniedem,

—

wara li kkunsidra d-dikjarazzjonijiet ta' l-Unjoni Ewropea li jappoġġjaw moratorju universali għall-piena kapitali u d-dikjarazzjoni dwar l-abolizzjoni tal-piena tal-mewt magħmulha fid-19 ta' Diċembru 2006 fl-Assemblea Ġenerali tan-NU, li kienet iffirmata minn 85 pajjiż mill-gruppi ġeografiċi kollha,

—

wara li kkunsidra l-Linji Gwida dwar il-politika ta' l-UE lejn pajjiżi terzi rigward il-piena tal-mewt tal- Kunsill għall-Affarijiet Ġenerali tad-29 ta' Ġunju 1998,

—

wara li kkunsidra l-Artikolu 103 tar-Regoli ta' Proċedura tiegħu,

A.

billi l-piena tal-mewt hija kastig krudil u inuman u vjolazzjoni tad-dritt għall-ħajja,

B.

billi l-abolizzjoni tal-piena tal-mewt huwa valur fundamentali ta' l-Unjoni Ewropea u huwa rekwiżit għal kull pajjiż li jixtieq jissieħeb fl-UE,

C.

billi huma inkwetat ħafna li llum f'għadd numeruż ta' pajjiżi għadhom jeżistu, jew reġgħu ġew introdutti, leġiżlazzjonijiet nazzjonali li jikkontemplaw il-piena għall-mewt u li jippermettu l-eżekuzzjoni ta' eluf ta' bnedmin kull sena,

D.

billi, fl-istess ħin, qed ikompli l-progress lejn it-tneħħija tal-piena tal-mewt fid-dinja kollha; billi t-tneħħija totali tal-piena tal-mewt fil-Liberja, fil-Messiku, fil-Filippini u fil-Moldova f'dawn l-aħħar snin u ċċaħda tal-Kungress Peruvjan ta' abbozz ta' liġi li ddaħħal il-piena tal-mewt għal reati marbutin matterroriżmu għandhom jiġu milqugħa,

E.

billi l-UE ddeċidiet, fil-qafas tal-Linji Gwida tagħha dwar il-politika ta' l-UE lejn pajjiżi terzi rigward ilpiena tal-mewt, li taħdem fi ħdan korpi internazzjonali favur l-abolizzjoni tal-piena tal-mewt,

F.

billi fid-9 ta' Jannar 2007 l-Gvern Taljan u l-Kunsill ta' l-Ewropa ddeċidew li jaħdmu flimkien sabiex jiġbru kull appoġġ possibbli għall-inizjattiva preżenti fl-Assemblea Ġenerali tan-NU għal moratorju dinji għall-eżekuzzjonijiet bil-għan li l-piena tal-mewt tiġi abolita kompletament,

G.

billi fis-27 ta' Lulju 2006 l-Kamra tad-Deputati Taljana adottat unanimament riżoluzzjoni li titlob lill- Gvern Taljan: ”illi, fl-Assemblea Ġenerali tan-Nazzjonijiet Uniti li jmiss, u wara li jiġu kkonsultati limsieħba tiegħu ta' l-UE, mingħajr madankolu ma tkun meħtieġa l-approvazzjoni unanima tagħhom, jippreżenta mozzjoni għal riżoluzzjoni dwar moratorju universali għall-piena tal-mewt sabiex tiġi abolita kompletament il-piena tal-mewt fid-dinja”; billi fit-22 ta' Jannar 2007 l-Kunsill għall-Affarijiet Ġenerali ta' l-Unjoni Ewropea qabel li l-Presidenza Ġermaniża ta' l-UE tiżen fi New York il-possibiltajiet u lmodalitajiet sabiex jerġgħu jinfetħu d-dibattitu u l-konsiderazzjoni tal-proposta għal moratorju universali għall-piena tal-mewt,

H.

filwaqt li jikkundanna l-eżekuzzjoni ta' Saddam Husseim u l-isfruttament mill-mezzi ta' komunikazzjoni tat-tgħalliq tiegħu, kif ukoll il-mod li bih dan sar;

1.

Itenni l-pożizzjoni tiegħu, kostanti għal bosta żmien, kontra l-piena tal-mewt fi kwalunkwe każ u ċirkustanza, u jesprimi għal darba oħra l-konvinzjoni tiegħu li l-abolizzjoni tal-piena tal-mewt tikkontribwixxi għas-sedqa tad-dinjità umana u għall-iżvilupp progressiv tad-drittijiet tal-bniedem;

2.

Jitlob sabiex jiġi stabbilit minnufih u bla ebda kundizzjoni moratorju internazzjonali fuq l-eżekuzzjonijiet kapitali bil-ħsieb ta' abolizzjoni universali ta' piena kapitali li dawn jiġu aboliti permezz ta' riżoluzzjoni għal dan l-iskop ta' l-Assemblea Ġenerali attwali tan-NU, li l-implimentazzjoni effettiva tagħha tkun tista' tiġi mmoniterjata mis-Segretarju Ġenerali tan-NU;

3.

Isejjaħ lill-Presidenza ta' l-UE sabiex tieħu b'urġenza azzjoni xierqa sabiex tiżgura li din ir-riżoluzzjoni tiġi ppreżentata b'urġenza lill-Assemblea Ġenerali tan-NU; isejjaħ lill-Presidenza ta' l-UE u lill-Kummissjoni sabiex iżommu l-Parlament Ewropew infurmat dwar ir-riżultati li jintlaħqu fl-Assemblea Ġenerali attwali tan-NU dwar moratorju universali għall-piena tal-mewt;

4.

Iħeġġeġ lill-istituzzjonijiet ta' l-UE u lill-Istati Membri sabiex jagħmlu l-almu tagħhom kollu, kemm politiku u kemm diplomatiku, sabiex jiżguraw is-suċċess ta' din ir-riżoluzzjoni fi ħdan l-Assemblea Ġenerali attwali tan-Nazzjonijiet Uniti;

5.

Jappoġġja bis-sħiħ l-inizjattiva tal-Kamra tad-Deputati u tal-Gvern Taljan li hija appoġġjata mill-Kunsill ta' l-Unjoni, mill-Kummissjoni Ewropea u mill-Kunsill ta' l-Ewropa;

6.

Iħeġġeġ bil-qawwa lill-Istati Membri kollha ta' l-UE biex jirratifikaw bla dewmien it-Tieni Protokoll Fakultattiv tal-Patt Internazzjonali dwar Drittijiet Civili u Politiċi, bil-għan li l-piena tal-mewt titneħħa kompletament;

7.

Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni, lis-Segretarju Ġenerali tan-NU, lill-Presidenza ta' l-Assemblea Ġenerali tan-NU u lill-Istati Membri tan-NU kollha.

—

wara li kkunsidra l-Green Paper tal-Kummissjoni (COM(2005)0637),

—

wara li kkunsidra l-istrateġija globali dwar id-dieta tajba, l-eżerċizzju fiżiku u s-saħħa, adottata mill-57 Assemblea Dinjija dwar is-Saħħa fit-22 ta' Mejju 2004,

—

wara li kkunsidra r-riżoluzzjoni tal-Kunsill ta' l-14 ta' Diċembru 2000 dwar is-saħħa u n-nutrizzjoni (1),

—

wara li kkunsidra l-konklużjonijiet tal-Kunsill għall-Impjiegi, il-Politika Soċjali, is-Saħħa u l-Affarijiet tal- Konsumatur tat-3 ta' Ġunju 2005, dwar l-obeżità, in-nutrizzjoni u l-attività fiżika,

—

wara li kkunsidra l-laqgħa informali tal-Ministri ta' l-Isports Ewropej fid-19 u l-20 ta' Settembru 2005 li fiha l-Presidenza Ingliża pproponiet il-ħolqien ta' grupp ta' ħidma dwar l-Isports u s-Saħħa,

—

wara li kkunsidra l-appell tax-xjenzjati fl-għaxar kungress internazzjonali dwar l-obeżità (ICO 2006) li sar f'Sydney bejn it-3 u t-8 ta' Settembru 2006,

—

wara li kkunsidra l-konklużjonijiet li ħarġu mill-konferenza ta' esperti ta' livell għoli, “Is-saħħa fil-Pulitiki Kollha” tal-Presidenza Fillandiża, li saret f'Kuopio fl-20 u l-21 ta' Settembru 2006,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza ta' l-Ikel u lopinjoni tal-Kumitat għad-Drittijiet tan-Nisa u l-Ugwaljanza bejn is-Sessi (A6-0450/2006),

A.

billi n-numru ta' persuni li jsoffru mill-obeżità żdied b'mod spettakolari matul dawn l-aħħar tletin sena fl-Unjoni Ewropea; billi r-rata tat-tkabbir ta' dan il-fenomenu hija bħal dik li kienet fl-Istati Uniti fil-bidu tas-snin disgħin, u billi kważi 27 % ta' l-irġiel u 38 % tan-nisa fl-Ewropa llum huma meqjusa li għandhom piż żejjed jew li jsoffru mill-obeżità,

B.

billi l-prevalenza ta' l-obeżità li dejjem qed tiżdied, speċjalment fit-tfal, mhix limitata biss għall-UE u pajjiżi sinjuri oħrajn, iżda qed tiżdied b'mod drammatiku f'diversi pajjiżi li qed jiżviluppaw,

C.

billi l-obeżità taffetwa wkoll 'l fuq minn ħames miljun tifel u tifla fl-UE 27 u billi r-rata ta' żieda hija allarmanti, b'madwar 300,000 każ ġdid fis-sena,

D.

billi studji wrew li persuni b'diżabilità huma f'riskju akbar mill-obeżità kkawżata minn numru ta' fatturi, inklużi l-bidliet patofiżjoloġiċi fil-metaboliżmu ta' l-enerġija u tal-kostituzzjoni tal-ġisem, l-atrofija muskolari u l-inattività fiżika,

E.

billi l-konsum ta' l-enerġija fost gruppi kbar tal-popolazzjoni ilu stabbli mill-ħamsinijiet 'l hawn; billi bidliet fil-modi ta' għixien wasslu safrattant għal tnaqqis, kemm fl-attività fiżika u kemm fix-xogħol fiżiku, u b'hekk naqqsu l-ammont ta' enerġija meħtieġa u ħolqu żbilanċ bejn it-talba għal enerġija u lforniment ta' enerġija,

F.

billi għadd ta' proġetti u studji kkonfermaw li fl-inċidenza ta' l-obeżità jeżistu disparitajiet prekoċi li għandhom x'jaqsmu ma' l-ambjent soċjoekonomiku, u aktar ma familja għandha mezzi finanzjarji limitati u livell ta' edukazzjoni baxx, aktar m'hi frekwenti l-marda, .

G.

billi, meta jinħoloq Pjan ta' Azzjoni ta' l-UE għall-promozzjoni ta' modi ta' ħajja tajbin għas-saħħa, għandha tingħata attenzjoni xierqa għad-drawwiet varji ta' dieta u għat-tendenzi tal-konsum li jeżistu fl-Istati Membri ,

H.

billi r-rapport ta' l-Organizzazzjoni Dinjija għas-Saħħa (WHO) ta' l-2005 dwar is-saħħa fl-Ewropa juri b'mod analitiku li numru kbir ta' mwiet u mard huwa kkawżat minn seba' fatturi prinċipali ta' riskju, li sitta minnhom (l-ipertensjoni, il-kolesterol, l-indiċi tal-massa eċċessiva tal-ġisem, il-konsum inadegwat ta' frott u ħxejjex, in-nuqqas ta' attività fiżika u l-konsum eċċessiv ta' alkoħol) huma marbutin mad-dieta u ma' l-eżerċizzju fiżiku, u billi dawn il-fatturi determinanti fuq is-saħħa għandu jsir xi ħaġa dwarhom bl-istess prijorità bil-għan li jiġi evitat numru sinifikanti ta' mwiet u ta' mard ,

I.

billi dieta tajba għas-saħħa għandha titqies bħala waħda li jkollha ċerti karatteristiċi kwantitattivi u kwalitattivi bħal m'huma l-kontenut ta' enerġija li jkun skond il-bżonnijiet individwali u dejjem bi qbil mal-prinċipji tad-dieta,

J.

billi minkejja li bil-kompetenzi li jagħtuha t-Trattati l-Unjoni għandha rwol essenzjali fil-protezzjoni talkonsumaturi rigward dieta tajba u bbilanċjata u l-konsum ta' frott u ħaxix, il-miżuri tal-Komunità fejn għandha x'taqsam il-promozzjoni ta' l-attività fiżika u l-isports, jeħtieġ li jiżdiedu ma' dawk implimentati mill-Istati Membri, ir-reġjuni u l-ibliet tagħhom,

K.

billi kkunsidra l-impatt soċjoekonomiku tal-mardiet relatati mal-problemi ta' piż żejjed diġà jammontaw għal madwar 4%u 7% tan-nefqa totali għas-saħħa ta' l-Istati Membri; billi n-nefqa ġenerali ta' l-obeżità (b'kunsiderazzjoni taż-żieda probabbli fil-qagħad, il-waqfien mix-xogħol u l-invalidità) għadha ma kellhiex evalwazzjoni xjentifika preċiża,

L.

billi 'l biċċa kbira ta' l-Istati Membri nedew politiki biex jattakkaw il-problema ta' l-obeżità u biex jgħollu l-livell tas-saħħa tal-popolazzjoni tagħhom, fejn xi wħud mill-gvernijiet ħadu ċerti miżuri ta' interdizzjoni, waqt li oħrajn għażlu miżuri ta' inkoraġġiment,

M.

billi xi Stati Membri ħadu pereżempju deċiżjoni biex jirregolaw, saħansitra li jrażżnu, il-preżenza taddistributuri awtomatiċi fl-ambjent skolastiku minħabba l-prodott fqir li joffru u l-ftit spazji li jħallu għal xorb bla zokkor, frott u ħaxix u prodotti hekk imsejħa tad-dieta,

N.

billi hu interessanti li wieħed iqis l-impenji volontarji — li jistgħu jitqiesu bħala fi stadju inizjali — mogħtija reċentement mill-produtturi Ewropej ta' xorb mhux alkoħoliku bil-ħsieb li jnaqssu l-produzzjoni kummerċjali destinata għat-tfal ta' anqas minn tnax-il sena billi jiffavorixxu aktar l-aċċess għal xorb aktar varjat fl-iskejjel, kif ukoll minn żewġ “ġganti” fis-settur tas-servizzi tal-fast-food biex jadottaw indikazzjonijiet dwar in-nutrizzjoni fuq l-ippakkjar ta' ħambergers u ċips,

O.

jilqa' b'sodisfazzjon l-inizjattivi varji li ħafna bejjiegħa Ewropej qed iniedu maħsuba sabiex jippromwovu ikel li hu tajjeb għas-saħħa, inkluż l-iżvilupp ta' firxa ta' għażliet tajbin għas-saħħa, l-ittikkettjar b'informazzjoni nutrittiva, komprensiv u faċli biex jinftiehem, u sħubijiet ma' gvernijiet, skejjel u NGOs sabiex jinxtered l-għarfien dwar il-benefiċċji ta' ikel tajjeb għas-saħħa u ta' eżerċizzju regulari,

P.

billi l-Green Paper li qed titqies tagħmel parti minn inizjattiva komprensiva f'livell Ewropew bl-iskop li tattakka l-fatturi l-aktar perikolużi għas-saħħa (fosthom id-drawwiet ta' dieta ħażina u n-nuqqas ta' attività fiżika) u li, flimkien mat-tipjip u l-konsum eċċessiv ta' l-alkoħol, huma s-sors ewlieni tal-kawża ta' mard kardjovaskulari (li huwa l-kawża prinċipali tal-mewt fost l-irġiel u n-nisa fl-Unjoni Ewropea) ta' ċerti tipi ta' kanċer, ta' mard respiratorju, ta' l-ostjoperożi u tad-dijabete tat-tip 2, li jżidu d-domanda fuq is-sistemi tas-saħħa nazzjonali,

Q.

billi r-riżultati ta' konsultazzjoni pubblika bħala frott tal-Green Paper ippreżentata fil-11 ta' Settembru 2006 mill-Kummissjoni isejjaħ għal azzjoni mill-Unjoni biex tkopri għadd ta' politiki Komunitarji li jagħtu attenzjoni partikulari għat-tfal u ż-żagħżagħ,

R.

billi jikkunsidra l-irwol attiv li l-Komunità qed tiġi mitluba li tassumi (rigward politiki komuni jew bħala attività kumplimentari għall-attivitajiet tal-25 Stat Membru), taħt forma ta' kampanji ta' informazzjoni u ta' tkattir ta' l-għarfien tal-konsumatur dwar il-problema ta' l-obeżità, l-inkoraġġiment mill-ġdid fi ħdan il-Politika ta' Agrikoltura Komuni (CAP) tal-konsum ta' frott u ħaxix, il-finanzjament ta' proġetti ta' riċerka, edukattivi u sportivi, u l-adozzjoni ta' leġiżlazzjoni ġdida jew riveduta li jkollha impatt tabilħaqq fuq is-saħħa nutrizjonali taċ-ċittadini Ewropej.

1.

Jilqa' l-impenn tal-Kummissjoni għal dieta tajba għas-saħħa (f'termini kwantitattivi u kwalitattivi) u għal attività fiżika u l-ġlieda kontra l-obeżità u l-mardiet ewlenin relatati mad-dieta; jitlob li dan jiġi meqjus bħala prijorità politika għall-Unjoni Ewropea u l-Istati Membri tagħha;

2.

Jirrikonoxxi li l-obeżità għandha diversi fatturi u għalhekk tirrikjedi approċċ olistiku li jinvolvi ħafna oqsma differenti ta' politika;

3.

Jiddispjaċih ħafna li minkejja l-azzjoni li ttieħdet minn għadd ta' Stati Membri, l-obeżità qed taffetwa b'mod kostanti taqsima dejjem tikber tal-popolazzjoni u jekk din it-tendenza tkompli, il-konsegwenzi għassaħħa pubblika, li jistgħu jiġu evitati permezz tal-miżuri xierqa, se jkunu kbar ħafna;

4.

Jagħti parir lill-Istati Membri kollha sabiex uffiċjalment jirrikonoxxu l-obeżità bħala marda kronika sabiex jiġi evitat li persuni li jsofru minn obeżità jkollhom stigma u jkunu diskriminati bi kwalunkwe mod; u jagħti parir ukoll lill-Istati Membri biex jiżguraw dawn il-persuni jkollhom aċċess għal trattament xieraq mis-sistemi tas-saħħa nazzjonali tagħhom;

5.

Jilqa' b'sodisfazzjon l-adozzjoni waqt il-Konferenza Ministerjali Ewropea tad-WHO, li saret f'Istanbul fil-15 u s-17 Novembru 2006, taċ-'Charter' dwar il-ġlieda kontra l-obeżità, jenfasizza t-twaqqif ta' qafas ambizzjuż għal azzjoni sabiex jikkontrolla l-epidemija u jistieden lill-Kummissjoni u l-Istati Membri biex ifasslu skeda għall-implimentazzjoni u prijorità mogħtija lill-azzjonijiet fi ħdan dan il-qafas;

6.

Jappoġġja mingħajr riservi t-tnedija f'Marzu 2005 tal-Pjattaforma għal Azzjoni ta' l-UE dwar id-Dieta, l-Attività Fiżika u s-Saħħa (“il-Pjattaforma”) u jilqa' b'sodisfazzjon il-metodu adottat mid-DG SANCO għal djalogu permanenti mas-setturi industrijali, l-awtoritajiet ta' l-Istati Membri u ta' l-NGOs;

7.

Jilqa' b'sodisfazzjon l-impenji volontarji diġà proposti mill-partijiet involuti tal-Pjattaforma; jenfasizza lbżonn li jkun żgurat li impenji bħal dawn magħmula fil-Pjattaforma jkunu mmoniterjati effettivament u jistieden lill-Kummissjoni biex tiżviluppa kriterji ċari għal evalwazzjoni; jenfasizza li evalwazzjoni affidabbli hija essenzjali sabiex tiżgura li l-progress jiġi mkejjel b'mod adegwat u sabiex tippermetti li fejn ikun meħtieġ jiġu kkunsidrati aktar azzjonijiet jew proposti leġiżlattivi mill-UE; jistieden lill-Kummissjoni sabiex kull sena tirrapporta lill-Parlament Ewropew dwar il-progress tal-Pjattaforma;

8.

Jitlob lill-Kummissjoni sabiex twettaq evalwazzjoni ta' l-impatt fuq il-proposti tal-politiki relevanti sabiex tiddetermina l-impatt tagħhom fuq l-objettivi għas-saħħa pubblika, l-obeżità u n-nutrizzjoni; jirrakkomanda li dan “l-eżami tas-saħħa jew ta' l-obeżità” għandu jsir b'mod partikulari fil-Politika Komuni għall- Agrikoltura, fil-programmi ta' riċerka, fil-politika għall-enerġija, fil-politika għall-ikel u r-riklamar;

9.

Josserva li filwaqt li attwalment hemm firxa wiesgħa ta' partijiet interessati involuti fil-Pjattaforma, dawn għandhom it-tendenza li jkunu konċentrati fuq il-parti ta' ’akkwist ta' l-enerġija’ tal-kwistjoni ta' lobeżità; jitlob għalhekk lill-partijiet interessati involuti fil-parti tal-'ħruq ta' l-enerġija' — bħal pereżempju lprodutturi ta' logħob tal-kompjuter, l-għaqdiet ta' l-isport u x-xandara — sabiex jinvolvu ruħhom aktar fiddibattitu u jikkunsidraw li jagħmlu impenji simili;

10.

Iqis bħala pass fid-direzzjoni t-tajba t-tendenza li tipprevali llum f'setturi differenti ta' l-industrija alimentari Ewropea li jaġixxu konkretament biex jiffukaw mill-ġdid l-offerta kummerċjali għat-tfal u biex jiġi stabbilit l-ittikkettjar nutrizjonali ta' l-ikel u x-xorb għalihom;

11.

Iħeġġeġ lill-Istati Membri sabiex jidentifikaw opportunitajiet li huma effettivi meta meqjusa l-ispejjeż sabiex isieħbu s-servizzi tagħhom tas-saħħa ma' l-industriji, b'mod li t-tnejn itejbu l-fehim tal-pazjent u lkontroll min-naħa tal-pazjenti tad-dieta tagħhom u jtaffu l-piż ekonomiku ta' l-obeżità; iqis li għandha tingħata attenzjoni partikulari għal skemi li jindirizzaw il-bżonnijiet tal-popolazzjoni f'komunitajiet li għandhom nuqqasijiet soċjali u ekonomiċi;

12.

Jistenna li fil-futur qarib jiġu mressqa mill-Kummissjoni miżuri prattiċi f'White Paper, bil-ħsieb li jitnaqqas in-numru ta' nies li għandhom piż żejjed jew li jsofru mill-obeżità sa mhux aktar tard mill-2015;

13.

Iqis li kull politika ta' prevenzjoni u ta' monitoraġġ ta' l-obeżità għandha tkun għal tul il-ħajja, millperjodu ta' qabel it-twelid sa età avvanzata. Iqis minbarra f'hekk li trid tingħata attenzjoni partikulari għattfulija, perjodu tal-ħajja meta jinkisbu parti kbira mid-drawwiet ta' dieta;

14.

Iħeġġeġ lill-Istati Membri sabiex jirrikonoxxu li l-edukazzjoni dwar in-nutrizzjoni u s-saħħa, li tibda' minn età żgħira, hija kruċjali għal prevenzjoni tal-piż żejjed u ta' l-obeżità;

15.

Jisħaq il-periklu ta' ħerqa żejda fir-rigward tal-kampanja kontra l-obeżità u jqis li għandhom jingħataw eżempji tajba lit-tfal u lill-adoloxxenti li huma vulnerabbli għall-pressjoni mill-ħbieb sabiex jiġu evitati kundizzjonijiet oħrajn relatat mad-dieta bħal m'huma l-anoreksja nervosa u l-bulimja;

16.

Iqis li l-professjonisti fil-qasam tas-saħħa għandhom irwol importanti fil-promozzjoni tal-benefiċċji għas-saħħa ta' dieta bilanċjata u ta' attività fiżika regolari u fl-identifikazzjoni ta' kwalunkwe riskju, speċjalment għal persuni b'ammont eċċessiv ta' xaħam addominali li għandhom riskju ogħla li jiżviluppaw iddijabete tat-tip 2, speċjalment mard kardjovaskulari u kundizzjonijiet mediċi oħra; jistieden lill-Istati Membri sabiex jippromwovu d-dietologu professjonist b'rikonoxximent reċiproku tal-kwalifiki professjonali u jiddefinixxu l-kundizzjonijiet ta' aċċess għal din il-professjoni kif ukoll jiżguraw taħriġ professjonali xjentifiku;

17.

Jiġbed l-attenzjoni għall-fatt li l-iskejjel huma l-post fejn it-tfal iqattgħu il-biċċa l-kbira tal-ħin tagħhom fl-ambjent ta' l-iskola, u speċjalment tal-canteens ta' l-iskejjel, għalhekk dawn għandhom jinkoraġġixxu lit-tfal żgħar sabiex jiżviluppaw il-gosti ta' l-ikel tagħhom, jipprovduhom b'kapaċitajiet bażiċi ta' tisjir u ta' tagħrif dwar l-ikel, u jippromwovu l-attività fiżika regolari u mod ta' ħajja tajjeb għas-saħħa, speċjalment sabiex dan jagħmel tajjeb għat-tnaqqis tal-ħin li qed jiġi allokat għall-edukazzjoni fiżika fl-iskejjel fl-UE; jistieden għalhekk lill-Kummissjoni sabiex tiżviluppa mekkaniżmi li jippromwovu l-aħjar prattika fl-iskejjel u li jikkunsidraw l-iktar inizjattivi effettivi biex jedukaw lit-tfal dwar drawwiet ta' ikel tajbin għas-saħħa u jipprovdu ikel ta' kwalità bbażat fuq standards għoljin ta' nutrizzjoni;

18.

Jiddeplora l-prattika tal-Gvernijiet ta' l-Istati Membri li jbiegħu il-btieħi ta' l-iskejjel għall-iżvilupp;

19.

Jistieden lill-Istati Membri biex jipprovdu fondi biżżejjed għas-servizz tat-tħejjija ta' l-ikel fl-iskejjel li jippermettu li l-iskejjel iservu ikel frisk, preferibbilment prodotti agrikoli organiċi jew reġjonali u biex jinkoraġġixxu drawwiet ta' dieta tajba minn stadju bikri;

20.

Iqis li l-Istati Membri għandhom ikunu mħeġġa jiżguraw li t-tfal ikollhom faċilitajiet biżżejjed sabiex jinvolvu ruħhom f'attivitajiet sportivi u fiżiċi fl-iskola; iħeġġeġ lill-Istati Membri u l-awtoritajiet lokali tagħhom sabiex jikkunsidraw il-promozzjoni ta' mod ta' ħajja tajjeb għas-saħħa u attiv meta jippjanaw il-lokalità ta' l-iskejjel, hekk li dawn ikunu eqreb tal-komunitajiet li jgħixu fihom, u għalhekk jippermettu li t-tfal jimxu jew imorru l-iskola bir-rota minflok ma jpoġġu bil-qiegħda f'karozza jew f'kowċ;

21.

Jitlob li l-produtturi tal-luminati ta' l-UE jimplimentaw mingħajr dewmien l-impenji li huma stipulaw fl-20 ta' Diċembru 2005 dwar il-kodiċi ta' mġieba tagħhom, speċjalment l-impenji tagħhom maħsuba biex jillimitaw l-attività kummerċjali fl-iskejjel primarji;

22.

Iqis li l-preżenza (fejn awtorizzata) ta' “vending machines” fi skejjel sekondarji għandha tkun skond irregoli ta' dieta tajba għas-saħħa;

23.

Jikkundanna l-frekwenza u l-intensità ta' kampanji fuq it-televixin maħsuba sabiex jirriklamaw u jippromwovu prodotti ta' l-ikel immirati esklussivament għat-tfal u jenfasizza li prattiki kummerċjali bħal dawn ma jħeġġux drawwiet ta' l-ikel tajjeb għas-saħħa u għalhekk għandhom ikunu mmaniġġjati f'livell Ewropew permezz ta' reviżjoni tad-Direttiva tat-Televixin mingħajr Fruntieri (2); jenfassizza wkoll li hemm provi ċari li juru li r-riklamar fuq it-TV jinfluwenza f'medda qasira ta' żmien drawwiet ta' konsum ta' tfal bejn is-2 u l-11-il sena; madankollu jqis li hawn tidħol ir-risponsabbiltà individwali u li din trid tibqa' talġenituri għaliex id-deċiżjoni finali tax-xiri hija tagħhom; madanakollu, jinnota li stħarriġ juri li maġġoranza ta' ġenituri jridu restrizzjonijiet ċari dwar il-promozzjoni ta' ikel għat-tfal li mhux tajjeb għas-saħħa;

24.

Jistieden lill-Kummissjoni biex tistabbilixxi fi ħdan il-Pjattaforma impenji voluntarji jew li jirregolaw lilhom infushom, sabiex itemmu l-promozzjoni ta' ikel b'livell għoli ta' xaħam, zokkor u melħ fost it-tfal u jħeġġeġ lill-Kummissjoni sabiex tressaq proposti leġiżlattivi fil-każ li l-impenji ta' awto-regolamentazzjoni ma jwasslux għal bidla;

25.

Jinnota li forom ġodda ta' riklamar fost it-tfal, bħal messaġġi bil-mobajl, logħbiet “on-line” u “sponsorships” ta' playgrounds m'għandhomx ikunu eżenti minn kunsiderazzjonijiet bħal dawn.

26.

Iqis li huwa indispensabbli li jiġi konkretizzat “gentleman's agreement” bejn il-Kummissjoni u l-industriji tal-midja Ewropej li jeżiġi indikazzjonijiet obbligatorji għal produzzjonijiet destinati għat-tfal fuq għamliet ta' midja differenti — televixin, ċinema, Internet, logħob bil-vidjow — ta' tagħrif dwar is-saħħa u llogħob li jqajjem għarfien aħjar fost iż-żagħżagħ Ewropej ta' l-importanza tal-prattika ta' l-isports u talkonsum tal-frott u l-ħaxix biex wieħed jibqa' b'saħħtu;

27.

Jirrikonoxxi l-irwol ta' l-Awtorità Ewropea għas-Sikurezza ta' l-Ikel fl-għoti ta' pariri u rakkomandazzjonijiet dwar dieta;

28.

Huwa tal-parir li l-midja (TV, radju, Internet) għadha aktar minn qabel għodda pedagoġika essenzjali għat-trawwim tas-saħħa nutrittiva li għandha tagħti pariri prattiċi lill-konsumaturi biex tgħinhom isibu bilanċ tajjeb bejn il-konsum ta' kuljum ta' kaloriji u l-użu ta' l-enerġija u li fl-aħħarnett tiżguralhom għażla ħielsa;

29.

Iqis li r-Regolament (KE) Nru 1924/2006 tal-Parlament Ewropew u tal-Kunsill ta' l-20 ta' Diċembru 2006 dwar stqarrijiet dwar nutrizzjoni u saħħa magħmula fuq prodotti ta' l-ikel (3) jagħtu twissija qawwija u sa fl-aħħar se tipprovdi lill-konsumatur b'informazzjoni onesta, affidabbli u konsistenti rigward karatteristiċi ta' nutrizzjoni tal-prodotti ta' l-ikel, b'mod partikolari dawk li fihom ammonti kbar ta' zokkor, melħ u ċerti xaħmijiet; jinnota li l-implimentazzjoni ta' dak ir-Regolament għandu jsir b'mod li jibqa' jinkoraġġixxi u jippermetti li kumpaniji ta' l-ikel u x-xorb iġeddu u jtejbu l-prodotti tagħhom; għalhekk iqis li fil-kuntest ta' dak ir-Regolament, meta wieħed iqis l-iktar dejta riċenti disponibbli, it-twaqqif ta' profili ta' nutrijenti mill-Awtorità Ewropea għas-Sikurezza ta' l-Ikel għandu jingħata prijorità kbira u jiġi implimentat b'kollaborazzjoni mill-qrib ma' NGOs tal-konsumaturi u operaturi ta' l-ikel, inklużi l-bejjiegħa bl-imnut;

30.

Jinnota t-tħassib dejjem jikber tal-pubbliku u tax-xjenza dwar l-impatt ta' tip ta' xaħam artifiċjali trans (trans-fats) fuq is-saħħa tal-bniedem u jinnota l-attività minn ċerti awtoritajiet nazzjonali (il-Kanada u d- Danimarka) u reġjonali (New York City) sabiex ineħħu dan it-tip ta' xaħam mhux saturat mid-dieta talbniemen; jitlob li l-UE tieħu azzjoni biex jitnaqqas il-konsum ta' xaħam mhux saturat;

31.

Iqis li d-Direttiva tal-Kunsill 90/496/KEE ta' l-24 ta' Settembru 1990 dwar it-tikketti ta' nutrizzjoni fuq il-prodotti ta' l-ikel (4) jeħtieġ li tkun riveduta mingħajr dewmien sabiex tinkludi, bħala minimu, rekwiżit li jkun jindika l-preżenza u l-kwantita ta' nutrijenti u n-natura tax-xaħmijiet sabiex jintlaħqu l-objettivi li jinvolvu s-simplifikazzjoni u l-armonizzazzjoni tal-leġiżlazzjoni Ewropea, b'konformità mar-rakkomandazzjonijiet imressqa mir-rappreżentanti ta' l-industrija u l-assoċjazzjonijiet tal-konsumatur;

32.

Jieħu interess qawwi f'sistemi ta' ttikkettjar (signposting) ta' l-ikel imdaħħla f'diversi Stati Membri minn kumpaniji ta' l-ikel, bejjiegħa bl-imnut jew organi pubbliċi sabiex jissimplifikaw il-messaġġi dwar nutrizzjoni; jirrikonoxxi l-valur ta' sistemi ta' ttikkettjar bħal dawn, kif ukoll logos dwar għażliet tajba għas-saħħa meta dawn ikunu milqugħa mill-konsumaturi u jkunu faċli biex jintużaw; ifakkar li r-riċerka tikkonferma li skemi li jindikaw livelli ta' nutrijenti permezz ta' element interpretattiv huma ta' l-aktar għajnuna għall-konsumaturi fid-deċiżjoni tiegħu għal għażliet aktar tajbin għas-saħħa; jistieden lill-Kummissjoni biex tuża din l-esperjenza u din ir-riċerka sabiex tiżviluppa u tintroduċi skema ta' ttikkettjar fl-Ewropa kollha u jinnota li messaġġ konsistenti għall-konsumaturi jitlob ċertu grad ta' armonizzazzjoni f'dan ilqasam u li messaġġi bħal dawn għandhom ikollhom bażi xjentifika;

33.

Jemmen li formulazzjoni mill-ġdid ta' prodott hija għodda qawwija għat-tnaqqis ta' xaħam, zokkor u melħ fid-dieti tagħna u jilqa' b'sodisfazzjon il-passi meħuda minn xi ftit produtturi u bejjiegħa sabiex jimxu f'din id-direzzjoni; jinnota li sa llum 5 % biss mit-total ta' impenji volontarji magħmula fi ħdan il-Pjattaforma huma relatati ma' l-iżvilupp ta' prodott; jistieden lill-Kummissjoni, Stati Membri, manifatturi, bejjiegħa blimnut u kejterers biex iżidu l-isforzi tagħhom sabiex jiżguraw li manifatturi, bejjiegħa bl-imnut u l-kejterers inaqqsu l-livelli ta' xaħam, zokkor u melħ fl-ikel; jitlob lill-produtturi sabiex jużaw formulazzjoni mill-ġdid ta' prodotti mhux biss biex iniedu linji ġodda, xi drabi bi prezz ogħla, iżda sabiex jagħtu prijorità lit-tnaqqis tax-xaħam, taz-zokkor u tal-melħ li hemm fi prodotti ta' kuljum;

34.

Jenfasizza l-importanza li l-individwu jingħata s-setgħa li jagħmel għażliet infurmati dwar x'għandu jiekol u kemm għandu jagħmel eżerċizzju fiżiku;

35.

Iqis li huwa kruċjali li l-promozzjoni ta' dieta tajba u ta' l-attività fiżika jkollha prijorità politika, mhux biss għad-DG SANCO, imma wkoll għad-direttorati ġenerali tal-Kummissjoni ta' l-Agrikoltura, l-Impiegi, it-Trasport, ir-Riċerka, l-Edukazzjoni u l-Isports li jwettqu politiki jew programmi Komunitarji li jkollhom impatt fuq is-saħħa nutrizzjonali; jitlob lill-Kummissjoni sabiex twettaq evalwazzjoni ta' l-impatt fuq il-proposti tal-politiki relevanti sabiex tiddetermina l-impatt tagħhom fuq il-miri ta' saħħa pubblika u ta' nutrizzjoni, b'mod partikolari għall-CAP;

36.

Jilqa' b'sodisfazzjon li l-programm t'azzjoni attwali Komunitarju fil-qasam tas-saħħa pubblika (2003-2008) jipprovdi l-finanzjament ta' diversi proġetti dwar l-obeżità u jqis li finanzjament għal-perjodu ta' żmien fit-tul irid ikun disponibbli u jrid ikun hemm enfasi fuq it-tieni programm (2007-2013) għall-promozzjoni ta' stil ta' ħajja sana fost it-tfal u fost iż-żgħażagħ u persuni b'diżabbiltà.

37.

Jenfasizza li kampanji ta' informazzjoni mhumiex l-aħjar mezz biex jintlaħqu gruppi soċjoekonomiċi żvantaġġati; iqis li l-azzjonijiet għandhom ikunu adattati għal bżonnijiet lokali u jkunu bbażati fuq il-komunità, għandhom jiġu stabbiliti kuntatti diretti u għandu jkun hemm koperazzjoni mill-qrib bejn l-iskejjel lokali, l-iskejjel għat-tfal żgħar (kindergartens), it-tobba, it-tobba tat-tfal u s-servizzi tas-saħħa lokali; jinnota li l-evalwazzjoni ta' attivitajiet bħal dawn hija vitali sabiex wieħed jifhem jekk dawn humiex qed ikollhom leffett mixtieq;

38.

Jitlob li l-Fondi Strutturali jintużaw f'investiment infrastrutturali f'żoni żvantaġġati soċjo-ekonomikament sabiex jiffaċilitaw l-attività fiżika u t-trasport sikur (bħal korsiji għar-roti) u jinkoraġġixxi logħob filberaħ f'ambjent sikur; jinkoraġġixxi fl-istess waqt lill-Istati Membri biex jinvestu f'objettivi bħal dawn;

39.

Jitlob lill-Kummissjoni (flimkien mal-Ministeri kkonċernati fl-Istati Membri u fir-reġjuni) biex jikkontribwixxu għal programmi “sport fl-iskola” fi stabbilimenti li jservu u jintużaw bi prova;

40.

Iħeġġeġ lill-Kummissjoni sabiex tevalwa kemm in-nuqqas ta' ikel sustanzjuż u n-nuqqas ta' mobilità huma problema fost l-anzjani u sabiex tikkunsidra x'miżuri aktar hemm bżonn li jittieħdu sabiex dan ilgrupp importanti fil-komunità, li xi drabi jintesa, jingħata l-għajnuna;

41.

Jistieden lill-Istati Membri u lil min iħaddem biex iħeġġu lill-impjegati tagħhom, speċjalment lin-nisa li għandhom xogħol monotonu li jista' jwassal għal mard kroniku, sabiex jipparteċipaw f'attivitajiet fiżiċi u eżerċizzju ”keep-fit’;

42.

Jirrikonoxxi l-irwol li għandu min iħaddem fil-promozzjoni ta' stili ta' ħajja tajbin għas-saħħa fost limpjegati tiegħu; jinnota li s-saħħa tal-ħaddiema (u b'konsegwenza l-produttività), għandha tkun parti millistrateġija ta' responsabilità soċjali korporattiva ta' l-impriżi; jirrikonoxxi l-Alleanza Ewropea mwaqqfa riċentiment għar-Responsabbiltà Soċjali Korporattiva sabiex tippromwovi l-iskambju ta' prattiki tajbin f'dan ilqasam;

43.

Huwa konxju ta' l-appell, magħmul mill-komunità xjentifika fl-10 Kungress Internazzjonali dwar l-Obeżità, favur l-intensifikazzjoni ta' riċerka biex tinftiehem aħjar l-interazzjoni bejn fatturi ġenetiċi u fatturi ta' modi ta' ħajja li jnisslu l-marda;

44.

Jilqa' f'dan ir-rigward il-finanzjament mill-Komunità tad-9 proġetti integrati taħt il-prijorità tematika “il-kwalità u s-sigurtà alimentari” tas-sitt Programm ta' Qafas għar-Riċerka u l-Iżvilupp li jaħseb għal metodi ġodda għall-ġlieda kontra l-obeżità billi jikkonċentra pereżempju fuq ċerta età partikolari, jew billi jistudja linterazzjoni bejn il-fatturi ġenetiċi u l-fatturi ta' l-imġieba u ta' l-istat ta' saħħa;

45.

B'konnessjoni mas-Seba' Programm Qafas għar-Riċerka u l-Iżvilupp, jitlob sabiex titkompla l-attività kontra l-obeżità, mhux biss biex jinkiseb benefiċċju mill-koperazzjoni transnazzjonali bejn riċerkaturi floqsma tematiċi tad-dieta, ta' l-agrikoltura u tal-bijoteknoloġija, iżda wkoll għaliex din għandha tkun meqjusa bħal suġġett ta' riċerka ta' interess komuni għal għadd ta' dixxiplini;

46.

Jenfasizza l-importanza li jkun hemm sett ta' indikaturi li jistgħu jitqabblu dwar l-istejtus tas-saħħa (inklużi dejta dwar konsum ta' l-ikel, attività fiżika u obeżità), speċjalment indikaturi li jkunu skond l-età u lklassi soċjo-ekonomika;

47.

Huwa mħasseb ħafna bit-tnaqqis fil-konsum ta' frott u ħaxix fl-Ewropa, li jolqot l-aktar lill-familji Ewropej li għandhom dħul finanzjarju baxx, minħabba l-prezzijiet għoljin ta' dawn il-prodotti u minħabba li qed tingħata informazzjoni fqira ħafna dwar il-veru siwi nutrittiv tagħhom;

48.

Jistieden lill-Kummissjoni biex tipproponi politika u qafas regolatorju li jagħmel disponibbli l-aqwa sorsi ta' nutrijenti u ta' komponenti oħra ta' l-ikel li huma ta' benefiċċju u li jagħti lill-konsumaturi Ewropej għażla ta' kif jiksbu u jżommu l-aqwa nutrizzjoni adattata għal mod ta' ħajja u saħħa individwali tagħhom;

49.

Huwa mħasseb dwar rapporti li l-kontenut nutrittiv ta' frott u ħxejjex imkabbra fl-Ewropa naqas f'dawn l-aħħar għexieren ta' snin u jistieden lill-Kummissjoni u lill-Kunsill biex jieħdu l-passi neċessarji għal reviżjoni tal-CAP ta' l-2008 sabiex il-valur nutrittiv ta' l-ikel jitqies bħala kriterju importanti u sabiex isaħħu l-produzzjoni ta' ikel ta' kwalità u inċentivi ta' nutrizzjoni tajbin għas-saħħa fil-qafas tal-politiki għall-iżvilupp rurali;

50.

Jappella biex ikun hemm koerenza akbar mill-Unjoni Ewropea bejn il-CAP u l-politiki dwar is-saħħa mnedija mill-Unjoni Ewropea u jitlob lill-Kummissjoni biex tiżgura li sussidji Ewropej mogħtija lil ċerti setturi industrijali ma jservu qatt biex jiffinanzjaw kampanji li jirriklamaw b'mod favorevoli prodotti mimlijin kaloriji;

51.

Iqis bħala essenzjali riforma ta' l-Organizzazzjoni Komuni tas-Swieq tal-frott u l-ħaxix li fost għanijiet oħra tinkludi l-istimulazzjoni mill-ġdid tal-konsum ta' dawn it-tipi ta' ikel ta' valur għoli għad-dieta; barra minn hekk, jemmen li politika ta' inċentivi (li tinkludi prezzijiet irħas, tnaqqis fiskali u tipi oħra ta' sussidji, tkun preferibbli minn sistema li tistrieħ fuq aktar tassazzjoni fuq prodotti kaloriċi (“fat tax”) li fl-aħħar millaħħar tippenalizza l-aktar lill-familji Ewropej l-anqas sinjuri;

52.

Jistieden lid-WHO sabiex tippreżenta l-opinjonijiet attwali tagħha dwar l-obeżità lill-Parlament Ewropew;

53.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni, lill-parlamenti nazzjonali u l-gvernijiet ta' l-Istati Membri u pajjiżi kandidati u lid-WHO.

—

wara li kkunsidra t-tieni paragrafu ta' l-Artikolu 192 tat-Trattat KE,

—

wara li kkunsidra l-Artikoli 39 u 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Affarijiet Legali (A6-0405/2006),

A.

billi fl-Ewropa hemm diverġenza dwar il-perijodi ta' preskrizzjoni, dwar meta tibda d-dekorrenza tażżmien, id-data ta' l-għarfien, il-possibilità li tiġi interrotta jew imwaqfa d-dekorrenza taż-żmien, it-tressiq ta' l-evidenza u d-dikjarazzjoni tad-difiża dwar l-iskadenza tal-perijodu ta' preskrizzjoni,

B.

billi l-punt ta' din id-diverġenza jista' jwassal għal konsegwenzi mhux mixtieqa għall-vittmi ta' aċċidenti f'tilwim transkonfinali, għax ifixkel lil individwi midruba fl-eżerċitar tad-drittijiet tagħhom fi Stati Membri oħra, u potenzjalment f'xi każi fl-Istat tagħhom stess ukoll, u jinħtiġilhom jirrikorru għal liġi barranija,

C.

billi, b'mod partikulari, il-kwistjonijiet li ġejjin iqumu minħabba aċċidenti transnazzjonali: f'ċerti pajjiżi persuni taħt l-età u persuni b'diżabbilità ma jingħataw l-ebda protezzjoni speċjali fir-rigward tad-dekorrenza taż-żmien għall-finijiet ta' preskrizzjoni, u għalhekk jistgħu jitilfu d-dritt li jitolbu kumpens li f'każ ieħor kien ikollhom kieku jkunu weġġgħu fi Stat Membru li mhux dak tagħhom; f'ċerti pajjiżi l-uniku mod biex titwaqqaf id-dekorrenza taż-żmien għall-finijiet ta' preskrizzjoni huwa permezz tal-ħruġ u lgħoti ta' notifika: f'tilwim transkonfinali, approċċ bħal dan jista' jwassal għal problemi għax in-negozjati żgur li jieħdu iżjed fit-tul, u l-inabbilità li jitwaqqaf iż-żmien ta' preskrizzjoni tista' tpoġġi lill-vittma filqagħda żvantaġġjuża li jkollha ġġorr spejjeż kunsiderevoli fi stadju bikri billi toħroġ u tagħti notifika qabel ma jkun possibbli li jiġu konklużi n-negozjati,

D.

billi, minħabba d-diverġenzi rigward il-perijodi ta' preskrizzjoni f'każi transnazzjonali ta' korriment personali, jista' jkun xieraq li jiġu stipulati xi prinċipji limitati għall-punti essenzjali,

E.

billi l-kundizzjoni fl-Artikolu 39(2), li l-ebda proposta m'għandha tkun fi tħejjija, hija rispettata kif jixraq,

1.

Jistieden lill-Kummissjoni sabiex tagħmel inkjesta dwar l-effetti ta' l-eżistenza ta' perijodi ta' preskrizzjoni differenti fuq is-suq intern, u b'mod partikulari fuq iċ-ċittadini li jeżerċitaw il-libertajiet tagħhom skond it-Trattat. B'mod partikulari, dan l-istudju għandu jipprova jikkwantifika n-numru ta' każi ta' korriment personali li jinvolvu element transkonfinali u jevalwa kwalunkwe diffikultà u/jew tbatija kkawżata lill-partijiet midruba bħala riżultat tad-diverġenza tal-perijodi ta' preskrizzjoni, billi jiġu kkunsidrati l-kwistjonijiet imsemmija fil-premessa B;

2.

Jistieden lill-Kummissjoni biex tfassal rapport dwar il-perijodi ta' preskrizzjoni wara l-evalwazzjoni ta' l-istudju, li għandu jittratta b'mod partikulari għażliet li jvarjaw minn armonizzazzjoni limitata tal-perijodi ta' preskrizzjoni sa l-użu tar-regola dwar il-kunflitti ta' liġijiet;

3.

Jitlob lill-Kummissjoni, fejn ikun xieraq, fid-dawl ta' l-inkjesta magħmula kif imsemmi fil-paragrafu 1 u wara li tkun ikkonsultat il-Parlament, li tressaq lill-Parlament, skond l-Artikolu 65(c) u tat-tieni inċiż ta' l-Artikolu 67(5) tat-Trattat KE, proposta leġiżlattiva dwar il-perijodi ta' preskrizzjoni rigward talbiet ta' korriment personali u aċċidenti fatali f'tilwim transkonfinali, fil-waqt li ssegwi r-rakkomandazzjonijiet dettaljati stabbiliti fl-Anness hawn taħt;

4.

Jikkonferma li r-rakkomandazzjonijiet stabbiliti fl-Anness hawn taħt jirrispettaw il-prinċipju tas-sussidjarjetà u d-drittijiet fundamentali taċ-ċittadini; jistieden lill-Kummissjoni biex tivverifika bir-reqqa li l-prinċipju tas-sussidjarjetà u kunsiderazzjonijiet ta' proporzjonalità jkunu infurzata b'mod rigoruż; jagħti l-parir li tingħata attenzjoni partikulari biex jiġi aċċertat li tintgħażel l-inqas forma ta' leġiżlazzjoni invadenti u sabiex jiġi kkunsidrat, pereżempju, jekk il-problema tistax tissolva bl-aħjar mod bl-introduzzjoni tal-prinċipju talpajjiż ta' l-oriġini;

5.

Iqis li l-proposta mitluba m'għandux ikollha xi implikazzjonijiet finanzjarji;

6.

Jagħti istruzzjonijiet lill-President tiegħu biex jgħaddi din ir-riżoluzzjoni tal-Parlament u r-rakkomandazzjonijiet dettaljati mehmużin magħha lill-Kunsill u lill-Kummissjoni u lill-parlamenti u lill-gvernijiet ta' l-Istati Membri.

—

waqt li jafferma mill-ġdid il-prinċipji stabbiliti fl-Artikoli 2, 3(2), 13, 137(1)(i) u 141 tat-Trattat li jistabbilixxi l-Kommunitajiet Ewropej,

—

wara li kkunsidra l-Karta tad-Drittijiet Fundamentali ta' l-Unjoni Ewropea proklamata fl-2000, u b'mod partikulari l-Artikolu 23 tagħha,

—

wara li kkunsidra l-Konvenzjoni Ewropea għall-Ħarsien tad-Drittijiet tal-Bniedem u tal-Libertajiet Fundamentali ta' l-1950,

—

wara li kkunsidra d-Dikjarazzjoni Universali tan-Nazzjonijiet Uniti (NU) dwar id-Drittijiet tal-Bniedem ta' l-10 ta' Diċembru 1948,

—

wara li kkunsidra l-Għanijiet tal-Millennju tal-NU għall-Iżvilupp (MDGs), b'mod partikulari MDG3 dwar il-promozzjoni ta' l-ugwaljanza bejn il-ġeneri u t-trawwim tas-setgħat (empowerment) tan-nisa bħala prerekwiżit għal, fost affarijiet oħra, il-kisba ta' l-ugwaljanza fil-livelli kollha ta' edukazzjoni u fl-oqsma kollha tax-xogħol,

—

wara li kkunsidra r-Raba' Konferenza Dinjija tal-NU dwar in-Nisa li saret f'Beijing f'Settembru 1995, id- Dikjarazzjoni u l-Pjattaforma għal Azzjoni adottati f'Beijing, kif ukoll id-dokumenti sussegwenti li rriżultaw minnhom li ġew adottati fis-Sessjonijiet Speċjali suċċessivi tan-NU Beijing + 5 u tal-Beijing + 10 dwar azzjonijiet u inizjattivi addizzjonali biex jiġu implimentati d-Dikjarazzjoni ta' Beijing adottata fid-9 ta' Ġunju 2000 u u l-Pjattaforma ta' Azzjoni adottata fil-11 ta' Marzu 2005,

—

wara li kkunsidra l-Protokoll Mhux Obbligatorju tal-Konvenzjoni tan-Nazzjonijiet Uniti dwar l-Eliminazzjoni ta' kull forma ta' Diskriminazzjoni kontra n-Nisa (CEDAW), adottata fl-1999, li jipprovdi li individwi jew gruppi ta' individwi, taħt il-ġurisdizzjoni ta' Stat Aderenti, li jiddikjaraw li huma vittmi ta' ksur ta' kwalunkwe d-dritt mniżżel fil-Konvenzjoni minn dak l-Istat Aderenti jista' jippreżenta kommunikazzjonijiet lill-Kumitat għall-Eliminazzjoni tad-Diskriminazzjoni kontra n-Nisa,

—

wara li kkunsidra r-Rapporti ta' Monitoraġġ Globali dwar l-Edukazzjoni għall-Kulħadd ta' l-Organiżżazzjoni dwar Edukazzjoni, Xjenza u Kultura tal-NU (UNESCO) għas-snin 2003/2004, 2005 u 2006,

—

wara li kkunsidra r-rakkomandazzjonijiet tal-Kunsill ta' l-Ewropa, u b'mod partikulari ir-riżoluzzjoni u lpjanta' azzjoni tiegħu adottat fis-Sitt Konferenza Ministerjali Ewropea dwar l- Ugwaljanza bejn in-Nisa u l-Irġiel li saret fi Stokkolma fit-8 u d-9 ta' Ġunju 2006,

—

wara li kkunsidra r-Rakkomandazzjoni Nru 2006/143/KE tal-Parlament Ewropew u tal-Kunsill tal-15 ta' Frar 2006 dwar Koperazzjoni Ewropea ulterjuri fl-assikurazzjoni tal-kwalità fl-edukazzjoni għolja (1),

—

wara li kkunsidra r-Rakkomandazzjoni Nru 98/561/KE tal-Kunsill ta' l-24 ta' Settembru 1998 dwar koperazzjoni Ewropea fl-assikurazzjoni tal-kwalità fl-edukazzjoni għolja (2),

—

wara li kkunsidra r-riżoluzzjonijiet tiegħu tat-28 ta' April 2005 dwar is-sitwazzjoni tar-Roma fl-Unjoni Ewropea (3) u ta' l-1 ta' Ġunju 2006 dwar is-sitwazzjoni tan-nisa Roma fl-Unjoni Ewropea (4),

—

wara li kkunsidra l-komunikazzjoni tal-Kummissjoni ta' l-4 ta' Lulju 2006 intitolata “Lejn strateġija ta' l- Unjoni Ewropea dwar id-Drittijiet tat-Tfal” (COM(2006)0367),

—

wara li kkunsidra l-komunikazzjoni tal-Kummissjoni ta' l-1 ta' Marzu 2006 bit-titolu “Pjan Direzzjonali għall-ugwaljanza bejn l-irġiel u n-nisa 2006-2010” (COM(2006)0092),

—

wara li kkunsidra l-komunikazzjoni tal-Kummissjoni ta' l-1 ta' Ġunju 2005 bit-titlu “In-Non-diskriminazzjoni u opportunitajiet indaqs għal kulħadd — Strateġija qafas” (COM(2005)0224),

—

wara li kkunsidra l-komunikazzjonijiet tal-Kummissjoni ta' d-19 ta' Frar 2004 (COM(2004)0115) u l-14 ta' Frar 2005 (COM(2005)0044) dwar l-ugwaljanza bejn l-irġiel u n-nisa,

—

wara li kkunsidra l-komunikazzjoni tal-Kummissjoni tal-5 ta' Frar 2003 bit-titolu “L-irwol ta' l-universitajiet fl-Ewropa ta' l-għarfien” (COM(2003)0058),

—

wara li kkunsidra l-komunikazzjoni tal-Kummissjoni tas-7 ta' Ġunju 2000 bit-titolu “Lejn strateġija qafas tal-Komunità dwar l-ugwaljanza bejn is-sessi (2001-2005)” (COM(2000)0335),

—

wara li kkunsidra d-Dikjarazzjoni magħmula mill-Ministri responsabbli għall-Ugwaljanza bejn is-Sessi ta'l-Unjoni Ewropea fil-Konferenza tal-Ministri għall-Ugwaljanza bejn is-Sessi li saret fil-Lussemburgu fl- 4 ta' Frar 2005,

—

wara li kkunsidra d-Dikjarazzjoni dwar id-Deċennju ta' Inklużjoni tar-Roma 2005-2015, iffirmata f'Sofia fit-2 ta' Frar 2005 mill-Prim Ministri ta'l-Istati parteċipanti ta'l-Ewropa Ċentrali u tax-Xlokk,

—

wara li kkunsidra d-Dikjarazzjoni ta' Ateni li saret fil-Laqgħa Għolja Ewropea ta' l-1992 dwar in-Nisa fis-Setgħa, li tistqarr li “n-nisa jirrappreżentaw nofs it-talent u l-ħiliet potenzjali ta' l-umanità”,

—

wara li kkunsidra r-rapporti u d-diskors tal-Kumitat għall-Kultura u l-Edukazzjoni u tal-l-Kumitat għad- Drittijiet tan-Nisa u l-Ugwaljanza bejn is-Sessi,

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għad-Drittijiet tan-Nisa u l-Ugwaljanza bejn is-Sessi (A6-0416/2006),

A.

billi l-istatistiċi mill-Istati Membri jindikaw li proporzjon aktar baxx ta' nisa minn irġiel jiksbu kwalifiki post-terzjarji, u billi huwa rappurtat ukoll li numru iżgħar ta' nisa qed jiddedikaw ħin għat-tagħlim matul il-ħajja kollha fis-sistemi varji minħabba diversi restrizzjonijiet relatati mal-ġeneru,

B.

billi x-xogħol tad-dar u tal-familja għadu jsir l-aktar min-nisa, u b'riżultat ta' dan, il-ħin disponibbli lilhom għal aktar taħriġ u għat-tagħlim matul il-ħajja kollha huwa limitat,

C.

billi l-aċċess għall-edukazzjoni, u b'mod partikulari l-edukazzjoni għolja, huwa speċjalment diffiċli għal żgħażagħ minn familji bi dħul baxx, li jwassal għal tisħiħ tal-preferenza tradizzjonali lejn l-edukazzjoni tas-subien,

D.

billi l-progress sinifikanti li sar fl-ugwaljanza bejn il-ġeneri fl-edukazzjoni huwa prinċipalment relatat ma' żviluppi kwantitattivi pożittivi, jiġifieri żieda fin-numru ta' nisa li jiksbu aċċess għall-livelli kollha ta' edukazzjoni, mingħajr żviluppi kwalitattivi korrispondenti rigward l-għażla ta' korsijiet u speċjalizzazzjoni, l-aktar minħabba l-perċezzjonijiet soċjali u l-irwoli tradizzjonali tas-sessi,

E.

billi l-edukazzjoni hija valur importanti Ewropew, dritt fundamentali, u strument ewlieni għall-inklużjoni soċjali; billi l-preġudizzji kontra n-nisa edukati għadhom jeżistu fis-soċjetà, u billi n-nisa edukati għad għandhom opportunitajiet limitati biex jilħqu l-potenzjal fil-ħajja professjonali u pubblika,

F.

billi f'ċerti kulturi għadhom jeżistu preġudizzji tradizzjonali u reliġjużi li jillimitaw l-aċċess tal-bniet u tat-tfajliet għall-edukazzjoni,

G.

Billi l-media b'mod ripetut tipperpetwa l-isterjotipi tal-ġeneri, u b'hekk issaħħaħ l-immaġni tradizzjonali tan-nisa, minflok mudelli li jispiraw ammirazzjoni u li huwa ta' min jimitahom, bħal Maria Skłodowska- Curie,

H.

billi l-aċċess għall-edukazzjoni għal bniet u tfajliet minn minoranzi nazzjonali, speċjalment dawk millminoranza Roma, jew għal bniet u tfajliet minn gruppi immigranti huwa partikularment limitat, u huwa sikwit karatterizzat minn diskriminazzjoni u segregazzjoni fl-iskejjel, inkluż ukoll fir-rigward ta' programmi ta' tagħlim rimedjali, fejn ir-riżorsi huma limitati, il-ħaddiema mhux motivati jew imħarrġa, l-infrastruttura fqira u programmi edukattivi kif ukoll metodi ta' ttestjar inadegwati,

I.

billi ħafna Stati Membri għandhom nuqqas ta' baġits edukattivi b'fondi adegwati, u billi fl-istess ħin ħafna mill-għalliema huma nisa,

1.

Jiġbed l-attenzjoni li l-edukazzjoni u t-taħriġ tal-bniet u n-nisa huwa dritt uman u element essenzjali għat-tgawdija sħiħa tad-drittijiet soċjali, ekonomiċi, kulturali u politiċi l-oħra kollha;

2.

Jilqa' l-fatt li medja ta' tmienja minn kull għaxar t'ibniet li jistudjaw fi skejjel ta' edukazzjoni għolja fl- Istati Membri jispiċċaw l-istudji tagħhom u li l-istatistiċi jindikaw opportunitajiet indaqs għaż-żewġ sessi firrigward tal-kisba ta' edukazzjoni għolja u livell ogħla ta' motivazzjoni fost in-nisa meta ma jkunux ristretti minħabba raġunijiet ta' ġeneru;

3.

Jiġbed l-attenzjoni li fl-edukazzjoni u fir-riċerka, in-nisa jgħaddu l-irġiel bħala numru ta' gradwati (59 %), madankollu il-preżenza tagħhom tonqos b'mod konsistenti mal-avvanz fil-karriera, minn 43 % ta' dottorati għal 15 % biss ta' professuri;

4.

Jilqa' b'sodisfazzjoni il-fatt li ttieħdu diversi passi prattiċi bħala parti mill-Proġett tal-Millennju tan-NU sabiex titnaqqas l-inugwaljanza bejn il-ġeneri fir-rigward ta' l-aċċess għall-edukazzjoni, u li l-kwistjoni ta' aċċess ugwali għall-edukazzjoni għaż-żewġ sessi qed tiġi diskussa b'mod miftuħ fl-Istati Membri;

5.

Jilqa' r-riforma tas-sistema edukattiva ta' l-università li tirriżulta mill-istrateġija ta' Liżbona u li hija relatata b'mod partikulari mat-tagħlim matul il-ħajja kollha, li jipprovdi lit-tfajliet bl-opportunità li jkomplu l-edukazzjoni tagħhom;

6.

Jilqa' r-rapport tal-Kummissjoni dwar il-kwalità ta' l-edukazzjoni skolastika, ippubblikat fl-2000, li janalizza 16-il indikatur, inkluż l-aċċess għall-edukazzjoni mill-perspettiva tal-ġeneru;

7.

Jilqa' l-ħolqien ta' Istitut għall-Ugwaljanza bejn il-Ġeneri, li l-attivitajiet tiegħu għandhom jinkludu lmonitoraġġ tas-sitwazzjoni fir-rigward ta' l-aċċess għall-edukazzjoni għaż-żewġ sessi fl-Istati Membri individwali madwar il-dinja kollha;

8.

Jirrakomanda li l-politika fil-qasam ta' l-aċċess indaqs għall-edukazzjoni tiġi evalwata fuq il-bażi ta' valutazzjoni ta' statistiċi differenzjati skond il-ġeneru, sabiex jidhru u jissolvew l-inugwaljanzi li għadhom jeżistu għall-kisba ta' l-aċċess u għall-kisba ta' ċerti kwalifiki akkademiċi għolja, anke fil-livell post-terzjarju u fir-riċerka xjentifika, kif ukoll fil-qasam tat-tagħlim matul il-ħajja kollha;

9.

Jitlob lill-Istati Membri sabiex jiffaċilitaw l-aċċess għall-edukazzjoni għal nisa u rġiel li qed jieħdu ħsieb it-tfal, u għall-ġenituri li interrompew il-proċess tal-kisba ta' kwalifiki sabiex ikollhom it-tfal;

10.

Jirrakkomanda djalogu ma' l-imsieħba soċjali, bil-għan li jimmotivahom sabiex joħolqu kundizzjonijiet favorevoli għal titjib fl-aċċess għall-edukazzjoni u t-tagħlim matul il-ħajja kollha għal nisa li interrompew it-taħriġ tagħhom u għal nisa li m'għandhomx ħafna kwalifiki.

11.

Jirreferi għall-fatt li d-differenza fil-pagi bejn l-irġiel u n-nisa tibqa' ta' livell inaċċettabliment għoli, u mhux qed turi sinjali sinjifikanti li ser tonqos; jiġbed l-attenzjoni għall-fatt li bħala medja, in-nisa jaqalgħu 15 % inqas mill-irgiel, u dan huwa r-riżultat sew ta' nuqqas ta' konformità ma' leġiżlazzjoni dwar pagi indaqs kif ukoll ta' numru ta' inugwaljanzi strutturali bħas-segregazzjoni tas-suq tax-xogħol, differenzi fixxejriet tax-xogħol, l-aċċess għall-edukazzjoni u t-taħriġ, sistemi preġudikati ta' evalwazzjoni u ta' ħlas, u sterjotipar;

12.

Jistieden lill-Kummissjoni u lill-Istati Membri sabiex jużaw il-mezzi kollha disponibbli sabiex jeqirdu l-isterjotipi komuni li jiddiskriminaw kontra n-nisa fil-post tax-xogħol, xi ħaġa li hija evidenti b'mod partikulari fil-qasam tax-xjenza u tat-teknoloġija, fejn in-nisa għandhom rappreżentanza verament fqira, u sabiex tingħata attenzjoni partikulari lill-kwistjonijiet tal-ġeneru u biex id-data tiġi monitorjata u evalwata b'mod regolari;

13.

Jistieden lill-Istati Membri sabiex jinkoraġġixxu l-aċċess tan-nisa f'pożizzjonijiet ta' responsabil?ità u ta' teħid ta' deċiżjonijiet f'intrapriżi pubbliċi kif ukoll privati, u sabiex jagħtu attenzjoni partikulari lill-pożizzjonijiet akkademiċi;

14.

Jinkoraġġixxi lill-Kummissjoni sabiex tippromwovi l-prinċipji ta' l-ugwaljanza u ta' aċċess indaqs għall-edukazzjoni għall-bniet fir-relazzjonijiet tagħha ma' pajjiżi terzi, u b'mod partikulari fil-politiki tagħha ta' viċinat u għajnuna għall-iżvilupp;

15.

Iħeġġeġ lill-Istati Membri sabiex isaħħu l-pożizzjoni ta' għalliema nisa f'livelli ogħla tas-sistema edukattiva u f'ċentri tat-teħid tad-deċiżjonijiet dwar kwistjonijiet edukattivi, fejn il-kollegi maskili tagħhom għadhom fil-maġġoranza;

16.

Jisħaq dwar il-bżonn li ssir riforma tas-sillabu fil-livelli kollha ta' l-edukazzjoni u fil-kontenut talkotba ta' l-iskola; jirrakkomanda li t-taħriġ ta' l-għalliema u ta' ħaddiema edukattivi oħra jkun dirett lejn lilħuq tar-rekwiżiti ta' politika bilanċjata dwar il-ġeneri, u li kwistjonijiet tal-politika tal-ġeneri jsiru parti mittaħriġ ta' l-għalliema fil-fakultajiet fejn jitħarrġu l-għalliema u fakultajiet oħra;

17.

Jirrakkomanda li l-Kummissjoni u l-Istati Membri jwettqu politika għall-minoranzi nazzjonali, etniċi u kulturali, u inkluża wkoll il-minoranza Roma, li tippermetti aċċess għal edukazzjoni ta' kwalità u kundizzjoni indaqs fl-edukazzjoni għas-subien u l-bniet, inklużi programmi pre-skolari u programmi fil-livell zero, u li tingħata attenzjoni partikulari lil approċċ multikulturali li jiffaċilita l-integrazzjoni ta' tfajliet u bniet minn minoranzi u minn gruppi immigranti fis-sistema edukattiva regolari, bil-għan li tiġi missielta d-diskriminazzjoni doppja;

18.

Jitlob lill-Kunsill, lill-Kummissjoni u lill-Istati Membri biex jieħdu kull azzjoni meħtieġa biex iħarsu ddrittijiet ta' l-immigranti nisa u l-immigranti bniet u biex jiġġieldu d-diskriminazzjoni li dawn jiffaċċjaw filkomunità ta' oriġini tagħhom, billi jiċħdu kull xorta ta' relattiviżmu kulturali u reliġjuż li jista' jikser iddrittjiet fundamentali tan-nisa;

19.

Jirrakkomanda li l-Istati Membri jappoġġaw it-trawwim ta' kuxjenza dwar l-aċċess indaqs għall-edukazzjoni fil-livelli kollha, b'mod partikulari fost komunitajiet vulnerabbli, bl-għan li tiġi eliminata kull forma ta' preġudizzju li jaffettwa l-aċċess għall-edukazzjoni tal-bniet u tat-tfajliet;

20.

Jirrakkomanda lill-Istati Membri sabiex jadattaw il-programmi ta' studji tagħhom għall-bżonnijiet ta' żgħażagħ b'impjiegi, u ta' dawk il-persuni, b'mod partikulari bniet u nisa, li jieħdu ħsieb tfal żgħar jew li qegħdin fuq leave tal-maternità; iqis li l-possibilitajiet tekniċi attwali jagħmluha possibbli li jinstabu soluzzjonijiet xierqa;

21.

Jitlob għal aktar sforzi sabiex jintgħarfu individwi żgħażagħ, b'mod partikulari bniet jew tfajliet li jkunu tajbin ħafna fil-konjizzjoni, kif ukoll dawk li jbatu minn diffikultajiet tat-tagħlim, bħad-dyslexia, dyspraxia, dyscalculia u ADHD, u biex jiġu pprovduti b'appoġġ aħjar;

22.

Jistieden lill-Istati Membri sabiex jevalwaw mill-ġdid il-metodi ta' ttestjar li jintużaw meta t-tfal, b'mod speċjali t-tfal Roma, jitpoġġew fi skejjel rimedjali;

23.

Jilqa' l-implimentazzjoni u l-użu ta' programmi edukattivi ffinanzjati mill-fondi ta' l-UE, kif ukoll minn sorsi oħra li jinkludu s-settur li l-għan tiegħu m'huwiex il-profitt, għal benefiċċju ta' l-edukazzjoni ta' bniet u tfajliet minn familji li huma soċjalment żvantaġġati; b'mod partikulari, jilqa' l-użu ta' programmi u fondi ta' appoġġ eżistenti, kif ukoll it-tiftixa għal forom ġodda ta' finanzjament; fl-istess ħin, jenfasizza lħtieġa li fl-Istati Membri kollha, isir investiment ħafna ikbar fl-edukazzjoni taż-żgħażagħ bil-ħsieb talġejjieni;

24.

Jipproponi li fil-baġit tagħhom, l-Istati Membri jużaw l-istrument ta' bbaġitjar li jieħu kont tal-ġeneru, u b'hekk ipattu għal inġustizzji speċifiċi relatati mal-ġeneri, li fuq kollox ser ikunu ta' benefiċċju għall-qasam ta' l-edukazzjoni;

25.

Jirrakkomanda li l-Istati Membri joħolqu u jimmonitorjaw politiki edukattivi nazzjonali li jippermettu lill-bniet kollha, kif ukoll lis-subien, sabiex jidħlu, jibqgħu u jtemmu l-edukazzjoni obbligatorja, filwaqt li jiżguraw li jibqgħu l-iskola sakemm jilħqu l-età minima legali sabiex jidħlu fis-suq tax-xogħol;

26.

Jiġbed l-attenzjoni dwar il-ħtieġa vitali ta' evalwazzjoni preċiża ta' data statistika dwar kwistjonijiet relatati mal-ġeneri, kif ukoll ma' aspetti oħra ta' diskriminazzjoni multipla bħalma hi l-etniċità, b'mod partikulari minħabba li mhux dejjem teżisti data statistika differenzjata skond il-ġeneri fir-rigward tat-tfal u tażżgħażagħ; ifakkar li dan huwa wieħed mill-komptiti, ta' l-Istitut ġdid għall-Ugwaljanza tal-Ġeneri;

27.

Jistieden lill-Istati Membri biex jinkoraġġixxu l-preżentazzjoni pożittiva tal-kategoriji tal-ġeneri filmedia billi jippreżentaw immaġni dinjituża tan-nisa u ta'l-irġiel, li tkun ħielsa mill-preġudizzju u l-kunċetti mgħawġa li jispiċċaw jissottovalutaw jew inaqqsu mill-valur ta' wieħed mis-sessi jew tat-tnejn li huma;

28.

Jiġbed l-attenzjoni dwar il-ħtieġa li jiġu adattati teknoloġiji ġodda fil-qasam ta' taħriġ dwar il-ħtiġijiet ta' l-edukazzjoni tan-nisa, pereżempju l-possibilità ta' tagħlim mill-bogħod bl-użu tat-teknoloġija talkompjuters;

29.

Jistieden lill-Istati Membri u lill-Kummissjoni sabiex bħala parti mill-istrateġija ta' Liżbona, jieħdu passi sabiex tintemm il-qasma diġitali skond il-ġeneri, bil-għan li tikber is-soċjetà ta' l-informatika permezz ta' miżuri għall-promozzjoni ta' l-ugwaljanza bejn l-irġiel u n-nisa u azzjonijiet li jipprovdu aċċess aktar faċli għan-nisa, billi tingħata spinta lill-kisba ta' kapaċitajiet elettroniċi, billi jiġu mwettqa programmi li jipprovdu għal azzjonijiet speċifiċi sabiex jiġu inklużi nisa minn gruppi vulnerabbli u jpattu għall-iżbilanċi bejn zoni urbani u dawk rurali;

30.

Jirrakkomanda lill-Istati Membri li jiżviluppaw programmi aktar flessibbli ta' tagħlim matul il-ħajja kollha, sabiex in-nisa li jaħdmu u l-ommijiet ikunu jistgħu ikomplu l-edukazzjoni tagħhom fi programmi li jaqblu ma' l-iskeda tagħhom, u b'hekk jippermettu lin-nisa li jkollhom aċċess akbar għall-edukazzjoni u lopportunità li jipparteċipaw fi programmi edukattivi alternattivi sabiex ikunu jistgħu isiru aktar indipendenti u jkunu jistgħu jipparteċipaw fis-soċjetà b'mod sinjifikanti, u b'hekk jippromwovu aktar l-ugwaljanza bejn ilġeneri;

31.

Jagħti istruzzjonijiet lill-President tiegħu sabiex jgħaddi din ir-riżoluzzjoni lill-Kunsill u lill-Kummissjoni.

—

wara li kkunsidra l-Komunikazzjoni mill-Kummissjoni lill-Kunsill, lill-Parlament Ewropew u lill-Kumitat Ekonomiku u Soċjali Ewropew tad-29 ta' Mejju 2006 bl-isem “ir-Relazzjonijiet ta' l-UE mal-Gżejjer tal-Paċifiku — Strateġija għal Sħubija Msaħħa” (COM(2006)0248),

—

wara li kkunsidra l-konklużjonijiet tal-Kunsill dwar Strateġija ta' l-UE għall-Paċifiku adottata mill-Kunsill għall-Affarijiet Ġenerali fis-17 ta' Lulju 2006,

—

wara li kkunsidra l-Ftehima ta' Sħubija bejn il-Gruppi ta' Stati ta' l-Afrika, tal-Karibew u tal-Paċifiku (ACP) u l-Komunita? Ewropea ffirmata f'Kotonu fit-23 ta' Ġunju 2000 (il-’Ftehima ta' Kotonu’), (1)

—

wara li kkunsidra l-Artikolu 89 (1) tal-Ftehima ta' Kotonou, li jipprovdi li “dispożizzjonijiet u miżuri speċifiċi għandhom jiġu stabbiliti sabiex jappoġġjaw l-Istati gżejjer ta' l-ACP fl-isforzi tagħhom sabiex jegħlbu d-diffikultajiet naturali u ġeografiċi u ostakli oħra li jxekklu l-iżvilupp tagħhom sabiex jgħinuhom iżidu r-rati ta' l-iżvilupp rispettivi tagħhom”,

—

wara li kkunsidra r-rapport mill-Proġett tal-Millenju tan-NU: “Ninvestu fl-Iżvilupp: Pjan Prattiku biex jinkisbu l-Objettivi tal-Millennju għall-Iżvilupp”,

—

wara li kkunsidra l-istqarrija Konġunta tal-Kunsill u tar-rappreżentanti tal-gvernijiet ta' l-Istati Membri li ltaqgħu fi ħdan il-Kunsill, tal-Parlament Ewropew u tal-Kummissjoni dwar il-Politika ta' Żvilupp ta' l-Unjoni Ewropea, “Il-Konsensus Ewropew” (2),

—

wara li kkunsidra d-Dikjarazzjoni ta' Pariġi dwar l-Effettività ta' l-Għajnuna approvata fit-2 ta' Marzu 2005 mill-Ministri ta' pajjiżi żviluppati u ta' dawk li qed jiżviluppaw responsabbli biex jippromwovu liżvilupp u mill-Kapijiet ta' istituzzjonijiet għall-iżvilupp multilaterali u bilaterali,

—

wara li kkunsidra r-riżoluzzjoni tiegħu tat-23 ta' Marzu 2006 dwar l-impatt fuq l-iżvilupp tal-Ftehimiet dwar Sħubija Ekonomika (EPAs) (3),

—

wara li kkunsidra l-Artikolu 45 tar-Regoli ta' Proċedura tiegħu,

—

wara li kkunsidra r-rapport tal-Kumitat għall-Iżvilupp (A6-0325/2006),

A.

Wara li kkunsidra l-involviment storiku tal-pajjiżi Ewropej fir-reġjun tal-Paċifiku,

B.

Billi l-biċċa l-kbira tal-pajjiżi tal-gżejjer tal-Paċifiku ħadu l-indipendenza relattivament reċentement,

C.

Billi l-UE għandha preżenza sinifikanti fir-reġjun minħabba t-Territorji Barranin tal-Kaledonja l-Ġdida, tal-Polineżja Franċiża, Wallis u Futuna (Franza) u l-Gżejjer Pitcairn (Renju Unit),

D.

billi l-Moviment għal Paċifiku Mingħajr Nukleari u Indipendenti(NFIP) qiegħed jagħmel kampanji biex jitwaqqaf l-ittestjar nukleari fir-reġjun u għar-rispett tad-dinjità tal-popli indiġeni tiegħu.

E.

Billi l-UE hija donatur sostanzjali għar-reġjun, billi b'kollox tat għajnuna, mid-dħul ta' l-ewwel pajjiżi gżejjer tal-Paċifiku sa l-ewwel Konvenzjoni ta' Lomé fl-1975, li tisboq il-EUR 1.8 biljun,

F.

Wara li kkunsidra l-adozzjoni tal-Pjan tal-Paċifiku mis-16-il pajjiż membru tal-Forum tal-Gżejjer tal-Paċifiku, li għandu l-għan li jsaħħaħ il-koperazzjoni u l-integrazzjoni reġjonali, billi jiffoka fuq it-tkabbir ekonomiku, l-iżvilupp sostenibbli, it-tmexxija tajba u s-sigurtà permezz tar-reġjonaliżmu, u li jagħti lopportunità li jitkattru r-relazzjonijiet ta' bejn l-UE u l-Paċifiku,

G.

G Billi l-pajjiżi gżejjer tal-Paċifiku jiffaċċjaw problemi sinifikanti li jiġu minn tkabbir tal-popolazzjoni għoli, provvista mhux biżżejjed ta' xogħol tas-sengħa, tkabbir ekonomiku baxx, tensjonijiet etniċi, diskrepanzi soċjo-ekonomiċi, fallimenti tal-governanza u l-impatt ta' tendenzi ekonomiċi globali, li jqajjmu tħassib dwar aktar żidiet fil-faqar u l-instabilità fir-reġjun,

H.

Billi r-reġjun tal-Paċifiku għandu ħafna riżorsi naturali, madankollu għandu sistemi ta' pussess ta' art kumplikati ħafna li f'xi każijiet jistgħu jkunu ostakli għall-iżvilupp,

I.

Billi l-Istati ta' l-ACP tal-Paċifiku huma demokraziji totali, bl-eċċezzjoni tat-Tonga li hija monarkija kostituzzjonali,

1.

Jilqa' l-inizjattiva tal-Kummissjoni sabiex tiżviluppa l-ewwel strateġija ta' l-UE għall-Paċifiku wara 30 sena ta' koperazzjoni, li ssegwi mill-iffirmar ta' l-ewwel Konvenzjoni ta' Lomé fl-1975 u l-Ftehima ta' Kotonou f'Ġunju ta' l-2000;

2.

Jenfasizza li, bħala donatur ewlieni lir-reġjun, l-UE għandha l-opportunità li toħloq strateġija li għandha tappoġġja lill-pajjiżi tal-Paċifiku sabiex jilħqu l-Għanijiet tal-Millennju għall-Iżvilupp (MDGs);

3.

Jenfasizza l-eteroġeneità tar-reġjun u għalhekk jappella għall-flessibiltà fl-istrateġija tal-Kummissjoni sabiex jiġi żgurat li l-għajnuna għall-iżvilupp tingħata skond il-prijoritajiet nazzjonali u reġjonali, u b'hekk jinkiseb benefiċċju massimu kemm għall-pajjiżi l-aktar żviluppati u kif ukoll għal dawk l-inqas żviluppati fil-Paċifiku;

4.

Jaqbel mal-fehma tal-Kummissjoni li hemm bżonn ta' djalogu politiku mtejjeb fil-Forum tal-Gżejjer tal-Paċifiku, li l-kapijiet tagħhom adottaw ftehima ġdida li tistabbilixxi l-Forum bħala organizzazzjoni intergovernattiva skond il-liġi internazzjonali; fl-istess ħin, jenfasizza li kull żieda fid-djalogu fuq il-livell reġjonali għandha wkoll tindirizza l-bżonnijiet tal-pajjiżi l-aktar foqra tar-reġjun;

5.

Jisħaq li kull strateġija għandha tindirizza b'mod suffiċjenti l-bżonnijiet ta' żvilupp tal-pajjiżi gzejjer tal-Paċifiku kollha, speċjalment l-aktar foqra, sabiex jiġu appoġġjati l-isforzi tagħhom biex jilħqu l-MDGs;

6.

Jagħraf li r-reġjun tal-Paċifiku għandu abbundanza ta' riżorsi naturali, b'mod speċjali is-sajd, il-minerali u l-foresti, u li f'ħafna pajjiżi tar-reġjun, l-agrikoltura u t-turiżmu huma l-apoġġ prinċipali ta' l-ekonomija; għalhekk, jisħaq li l-iżvilupp ekoloġikament u ekonomikament sostenibbli għandu jkun fil-qalba ta' kwalunkwe strateġija relatata ma' dawn is-setturi fundamentali; jenfasizza li l-isfruttar tar-riżorsi naturali għandu jikkontribwixxi għall-ġenerazzjoni ta' dħul għall-popolazzjoni kollha tal-pajjiżi gżejjer tal-Paċifiku u jappoġġja b'mod partikolari t-tnaqqis tal-faqar;

7.

Jagħraf l-importanza ta' l-għajnuna finanzjarja ta' l-Unjoni Ewropea li tħeġġeġ l-iżvilupp tas-sajd lokali fir-reġjun, li huwa sors ta' dħul maġġuri għall-pajjiżi gżejjer tal-Paċifiku u b'mod speċjali għal stati li għandhom dħul gross nazzjonali aktar baxx bħalma huma l-Kiribati, il-Gżejjer Marshall, il-Micronesia u Tuvalu;

8.

Jenfasizza l-importanza ta' tmexxija tajba fis-settur tas-sajd sabiex ikunu skoraġġuti s-sajd żejjed u ttekniki tas-sajd distruttivi u sabiex jiġi evitat li l-perikli għall-ambjent jeqirdu l-ħajja tal-baħar, b'mod partikolari fil-każ tas-sajd għat-tonn, fejn il-Paċifiku għandu waħda miż-żoni tas-sajd l-aktar għonja fid-dinja;

9.

Ifaħħar l-approċċ reġjonali li ħadu l-pajjiżi gżejjer tal-Paċifiku għall-immaniġġjar tas-sajd għat-tonn firreġjun tagħhom, u jinkuraġġixxi lill-UE biex tinnegozja kwalunkwe ftehima dwar it-tonn mar-reġjon kollu, aktar milli ma' Stati individwali;

10.

Jagħraf l-importanza li jiġi impost ħlas ta' liċenzji għas-sajd tat-tonn estensiv fiż-Żoni Ekonomikament Esklussivi (EEZs) tal-pajjiżi fir-reġjun, li huma sors ewlieni ta' dħul għall-pajjiżi tal-Gżejjer tal-Paċifiku, speċjalment il-pajjiżi bi dħul baxx bħal ma huma l-Kiribati, il-Gżejjer Marshall, il-Mikronesja, u t-Tuvalu; madankollu, jinsab imħasseb dwar in-numru baxx ta' qabdiet attwalment ipproċessati fl-EEZs u t-tnaqqis fil-qligħ b'riżultat ta' dan;

11.

Jilqa' l-proposta tal-Kummissjoni sabiex iżżid l-isforzi biex tippromwovi t-tmexxija sostenibbli tas-sajd billi tappoġġja il-monitoraġġ, il-kontroll u s-sistemi ta' sorveljanza tar-reġjun, u sabiex issaħħaħ il-kapaċità li tikkumbatti s-sajd illegali, mhux irrappurtat u mhux irregolat;

12.

Jistieden lill-Unjoni Ewropea u l-Istati gżejjer tar-reġjun tal-Paċifiku biex jappoġġjaw il-pjan ta' azzjoni internazzjonali ta' l-Organizzazzjoni għall-Ikel u l-Agrikoltura (FAO) kontra s-sajd illegali, irregolat u mhux rappurtat (IUU); iqis li din għandha tkun prijorita? meta jiġu konklużi ftehimiet dwar is-sajd ma' pajjiżi terzi;

13.

Jistieden lill-Unjoni Ewropea u lill-pajjiżi gżejjer tal-Paċifiku biex jikkollaboraw mill-viċin sabiex jiġi eliminat is-sajd IUU fir-reġjun, u biex jagħmlu kull sforz biex jikkonformaw ma' l-obbligi tagħhom bħala stati tal-port u/jew tal-bandiera;

14.

Jirrakkomanda li aktar pajjiżi gżejjer tal-Paċifiku żviluppati jkomplu jiżviluppaw operazzjonijiet ta' pproċessar lokali, u b'hekk joħolqu aktar impjiegi, u jesploraw il-possibiltà li l-Bank Ewropew għall-Investiment jagħti self b'imgħax baxx lil intrapriżi żgħar u ta' daqs medju tal-Paċifiku sabiex tiżdied il-kapaċità ta' lipproċessar, u jinħolqu flotot nazzjonali sabiex iġibu aktar dħul lir-reġjun; jilqa' l-evalwazzjoni tar-riżorsi talħut u tal-kapaċitajiet ta' sajd mwettqa mill-Aġenzija tas-Sajd tal-Forum tal-Ġżejjer Tal-Paċifiku (FFA), jitlob, fejn hemm skop għal żieda fil-kapaċità, sabiex il-flotot lokali jiġu estiżi;

15.

Jitlob lill-Kummissjoni biex twettaq evalwazzjoni ekoloġika u ta' l-impatt soċjali ta' attivitajiet illegali u attivitajiet industrijali li jinvolvu l-qtugħ illegali tas-siġar fuq skala kbira u l-kummerċ relatat tagħhom filpajjiżi tal-Paċifiku;

16.

Jitlob lill-Kummissjoni biex tiffoka fuq l-implimentazzjoni rapida tal-Konvenzjoni dwar id-Diversità Bijoloġika u ftehimiet relatati, speċjalment il-programm ta' ħidma dwar żoni protetti, li huwa strument effettiv biex tiġi evitata qerda ulterjuri jew degradazzjoni tal-foresta u ta' l-ekosistemi tal-baħar fir-reġjun tal-Paċifiku;

17.

Jitlob lill-Kummissjoni biex iżżid l-appoġġ għal immaniġġjar responsabbli ekoloġikament u soċjalment u għall-implimentazzjoni ta' sistemi ta' min joqgħod fuqhom li jistgħu jipprovdu garanziji kredibbli lill-konsumaturi Ewropej li l-prodotti ta' l-injam li jinbiegħu fis-suq ta' l-UE ikunu magħmula minn sorsi ta' l-injam sostenibbli; jenfasizza l-importanza li tiġi mċaqilqa l-paradigma mill-attivitajiet industrijali li jinvolvu l-qtugħ illegali tas-siġar fuq skala kbira għal proġetti ta' forestrija ekoloġika biex jiġi ġenerat dħul għallkomunitajiet lokali u appoġġ biex jittaffa l-faqar;

18.

Japprova l-Konvenzjoni dwar il-Konservazzjoni u l-Immaniġġjar ta' Stokkijiet ta' Ħut Migratorju fl-Oċean tal-Paċifiku Ċentrali u tal-Punent iffirmata f'Settembru ta' l-2000 bil-għan li tintlaħaq is-sostenibiltà fit-tul tas-sajd tat-tonn, bħala sinjal ta' koperazzjoni bejn il-pajjiżi tal-gżejjer Paċifiku u n-nazzjonijiet tas-sajd f'ilmjiet imbiegħda;

19.

Jenfasizza li hemm bżonn ta' investiment sostanzjalment akbar fl-immaniġġjar ta' depożiti minerali, sors vitali ta' kambju barrani kemm għall-pajjiżi gżejjer tal-Paċifiku l-aktar żviluppati kif ukoll għal dawk inqas żviluppati, sabiex jiġi evitat it-tnaqqis prematur tar-riżorsi, kif ġara fin-Nauru matul 50 sena ta' imminar kontinwu tal-fosfat;

20.

Jistieden lill-Kummissjoni sabiex tiżgura, b'kollaborazzjoni mal-pajjiżi tal-gżejjer tal-Paċifiku, li l-gvernijiet differenti jiżvelaw kompletament fir-rapporti finanzjarji annwali li jippubblikaw, it-taxxi u d-dazji kollha mħallsa mill-kumpaniji taż-żejt, tal-minjieri u tal-gass fir-reġjun;

21.

Jiġbed l-attenzjoni għall-importanza ekonomika li t-turiżmu għandu għar-reġjun, peress li wieħed mill-aħjar kwalitajiet tal-gżejjer tal-Paċifiku huwa l-pajsaġġ idilliku tagħhom; jenfasizza li kull inkoraġġiment għat-turiżmu fir-reġjun għandu jimxi id f'id ma' aktar pussess lokali tas-servizzi tat-turiżmu, sabiex tiġi żgurata s-sostenibiltà tas-settur tat-turiżmu u sabiex jiġu massimizzati l-benefiċċji għall-ekonomija lokali;

22.

Jitlob li jkunu projbiti t-testijiet nukleari kollha, u jaraha essenzjali li r-reġjun kollu għandu jsir ħieles min-Nukleari u li l-ħsara lill-ambjent, lill-ekosistemi u lis-saħħa pubblika kkawżata mit-test nukleari għandha titranġa;

23.

Jagħraf il-benefiċċji li t-twaqqif tas-servizzi tal-linji ta' l-ajru bi prezzijiet baxxi ġab lill-ekonomiji talgżejjer tal-Paċifiku, u jitlob li jiġi eliminat ix-xkiel għall-politika ta' “open skies” filwaqt li t-trasport bl-ajru jiġi żviluppat b'mod razzjonali sabiex jiġu minimizzati l-emmissjonijiet u impatti ambjentali oħrajn ta' aktar vjaġġar bl-ajru;

24.

Jisħaq li fil-biċċa l-kbira tal-każi huma biss l-aktar pajjiżi għonja b'infrastruttura aktar żviluppata u b'konnessjonijiet bl-ajru aktar frekwenti li jiġbdu numri sinifikanti ta' turisti kull sena; jenfasizza li f'dawn ilkażi l-għajnuna għall-iżvilupp għandha tkompli tiġi użata sabiex tiffinanzja l-infrastruttura u tinkoraġġixxi tturiżmu sostenibbli;

25.

Jitlob lill-Kummissjoni biex tagħmel enfasi, fi proġetti implimentati taħt l-għaxar Fond Ewropew għall-Iżvilupp, fuq appoġġ għas-sitemi ta' l-edukazzjoni u ta' taħriġ tekniku ta' l-Istati fir-reġjun li l-iżvilupp tagħhom qed jiġi mxekkel minn nuqqasijiet f'dan il-qasam;

26.

Jagħraf l-importanza ta' l-agrikoltura bħala sors primarju ta' dħul, inkluż id-dħul mill-esportazzjoni, u bħala mezz ta' għajxien, u ta' l-impieg fir-reġjun;

27.

Jenfasizza li l-globalizzazzjoni, flimkien ma' telf mill-aċċess preferenzjali għas-suq ta' l-UE, x'aktarx ikollhom impatt ekonomiku profond fuq ir-reġjun, speċjalment fuq il-Fiġi;

28.

Jisħaq li f'pajjiżi inqas żviluppati li jgħixu l-aktar fuq l-agrikoltura bħala mezz ta' għajxien, għandu jkun hemm tranżizzjoni gradwali mill-produzzjoni ta' uċuħ ewlenin għal dik tal-produzzjoni ta' uċuħ għallqligħ sabiex jipprovdi aktar prodotti agrikoli għall-esportazzjoni, u li l-vijabilità tat-twaqqif ta' l-ipproċessar ta' l-ikel u tas-servizzi ta' l-ippakkjar għandhom ikunu eżaminati;

29.

Jisħaq li x-xogħol tas-sengħa huwa prerekwiżit importanti għat-tkabbir ekonomiku tal-pajjiżi tal-Paċifiku u għalhekk jitlob lill-Kummissjoni biex tappoġġja oqfsa ta' politika nazzjonali li għndhom l-għan li jipprovdu faċilitajiet għal taħriġ vokazzjonali u taħriġ biex jappoġġja l-industriji lokali fil-pajjiżi gżejjer tal-Paċifiku;

30.

Jisħaq fuq l-importanza tal-kummerċ intra-reġjonali u l-kummerċ bejn ir-reġjun tal-Paċifiku u l-UE, anke skond arranġamenti kummerċjali reġjonali bħal ma huma l-Ftehimiet ta' Kummerċ tal-Pajjiżi tal-Gżejjer tal-Paċifiku (PICTA), il-Ftehima tal-Paċifiku għal Relazzjonijiet Ekonomiċi iktar fil-qrib (PACER) li hi proposta, u l-Ftehima dwar Sħubija Ekonomika (EPA), bħala mezz li tiżdied il-prosperità ekonomika fir-reġjun;

31.

Minħabba l-ispejjeż ta' l-immaniġġjar u l-amministrazzjoni ta' ftehimiet kummerċjali ta' dan it-tip, inkluża l-implimentazzjoni ta' l-Istrateġija għall-Paċifiku mill-pajjiżi gzejjer tal-Paċifiku u organizzazzjonijiet reġjonali bħas-Segretarjat tal-Forum Paċifiku, jitlob lill-Kummissjoni biex tipprovdi għajnuna finanzjarja u teknika għall-implimentazzjoni f'waqtha u effettiva ta' ftehimiet bħal dawn;

32.

Japprova l-evalwazzjoni tal-Kummissjoni dwar is-sinifikat ta' parteċipanti reġjonali ewlenin bħal ma huma l-Awstralja, New Zealand, l-Istati Uniti u l-Ġappun, peress li huma kontributuri importanti għar-reġjun tal-Paċifiku u msieħba kummerċjali miegħu, u li r-relazzjonijiet bilaterali bejn l-UE u dawn il-pajjiżi għandhom jitjiebu minħabba aktar involviment fil-Paċifiku;

33.

Japprova l-evalwazzjoni tal-Kummissjoni li tindika li koordinazzjoni għall-provvediment ta' l-għajnuna aktar mill-qrib ma' l-imsieħba l-oħra fir-reġjun, bħal ma huma l-Awstralja u New Zealand, għandha żżid l-effettività tat-twassil ta' l-għajnuna;

34.

Jenfasizza li r-reġjun tal-Paċifiku huwa wieħed li għandu sinifikat geo-politiku, u jesprimi tħassib li rivalitajiet interstatali jistgħu jrawmu għajnuna ta' kwalità baxxa, u marbuta mal-politika, għad-detriment ta' żvilupp aktar fit-tul, tas-sostenibilità tar-riżorsi u tal-governanza tajba;

35.

Jistieden lill-Kummissjoni sabiex tirrikonoxxi li s-sitemi ta' pussess ta' art, speċjalment f'Papwa Ginea Ġdida, il-Gżejjer Solomon, Vanwatu u l-Kaledonja l-Ġdida (Territorju Barrani ta' Franza) huma kumplikati ħafna u huma ostakli reali għall-iżvilupp; għalhekk iħeġġeġ lill-Kummissjoni biex tappoġġja l-inizjattivi nazzjonali dwar riforma ta' l-art imwettqa minn dawk il-pajjiżi u dak it-territorju;

36.

Jistieden lill-Kummissjoni sabiex tibda politiki biex tattakka t-tixrid mgħaġġel ta' l-HIV/AIDS fir-reġjun, li qed jikber ħafna fil-pajjiżi bħall-Papwa Ginea Ġdida;

37.

Jiġbed l-attenzjoni għall-erba' pajjiżi fir-reġjun li huma affettwati mill-malarja, il-Papwa Ginea Ġdida, il-Gżejjer Solomon, Vanwatu u Timor tal-Lvant; iħeġġeġ lill-Kummissjoni biex tiżviluppa programmi sabiex tegħleb din il-problema, filwaqt li tassigura li jkun hemm protezzjoni xierqa mill-malarja, pereżempju, billi jkunu provduti filoxxi tas-sodda għal kontra l-malarja lill-pajjiżi milquta;

38.

Jisħaq li, sabiex ikun żgurat it-twassil effiċjenti ta' l-għajnuna, hija vitali l-governanza tajba mar-reġjun tal-Paċifiku kollu sabiex wieħed jimpedixxi l-korruzzjoni, wieħed mill-ostakli prinċipali li jfixklu milli jintlaħqu l-MDGs, kif ukoll biex jinkiseb żvilupp sostenibbli; jisħaq li għandhom jitwaqqfu istituzzjonijiet nazzjonali u proċeduri trasparenti u b'saħħithom sabiex l-għajnuna għall-iżvilupp tilħaq lir-riċevituri intenzjonati fir-reġjun;

39.

Jaqbel ma' l-opinjoni tal-Kummissjoni li l-instabilità u l-kunflitt politiku jista' jkun devastanti għalliżvilupp ekonomiku tar-reġjun, speċjalment fi dħul mitluf mit-turiżmu u mill-qerda ta' infrastruttura ekonomika;

40.

Jenfasizza li l-isħubija msaħħa bejn l-UE u l-pajjiżi gzejjer tal-Paċifiku għandha tiġi riflessa f'appoġġ akbar għall-parlamenti ta' l-istati konċernati bil-ħsieb li jissaħħu l-kapaċitajiet u l-irwol tagħhom fit-trawwim ta' stabilità politika reġjonali;

41.

Jiġbed l-attenzjoni għall-vulnerabilità ta' l-istati tal-gżejjer tal-Paċifiku għad-diżastri naturali u l-effetti devastanti li jkollhom fuq l-ekonomiji tagħhom; għalhekk japprova s-sejħa tal-Kummissjoni għat-twaqqif ta' programm reġjonali għal preparazzjoni f'każ ta' diżastri;

42.

Japprova l-opinjoni tal-Kummissjoni li l-istati tal-gżejjer tal-Paċifiku għandhom interess kbir li jagħmlu xi ħaġa dwar il-bidla fil-klima, minħabba l-effett potenzjali li għandhom fuq ir-reġjun il-livelli talbaħar li jogħlew; jieħu nota tal-Qafas ta' Azzjoni tal-Gżejjer tal-Paċifiku dwar it-Tibdil fil-Klima 2006-2015 bħala mekkaniżmu reġjonali biex ikunu appoġġjati reazzjonijiet għat-tibdil fil-klima, u jitlob għal żieda fiddjalogu bejn l-UE u r-reġjun tal-Paċifiku bil-ħsieb li jsir xi ħaġa dwar it-tibdil fil-klima u tħassib relatat;

43.

Jiġbed l-attenzjoni għas-sitwazzjoni kurrenti f'Timor tal-Lvant li f'dawn l-aħħar ġimgħat kien imfarrak bil-vjolenza u jesprimi t-tama li l-Kummissjoni, b'ħidma mill-qrib mal-komunità internazzjonali, tgħin lillmexxejja tat-Timor tal-Lvant biex jindirizzaw il-problemi bażiċi li jikkontribwixxu għall-kriżi, inklużi lbżonn ta' stabilità politika, ir-rikonċiljazzjoni fost sezzjonijiet differenti tas-soċjetà u l-faqar;

44.

Jilqa' l-konklużjonijiet tal-Kunsill dwar Strateġija ta' l-UE għall-Paċifiku tas-17 ta' Lulju 2006 u l-enfasi tagħhom dwar l-eradikazzjoni tal-faqar, il-kisba ta' l-MDGs, l-iżvilupp ta' riżorsi umani u l-kwistjonijiet ta' saħħa; madankollu, jiddeplora li l-Kunsill adotta l-konklużjonijiet tiegħu mingħajr ma stenna lill-Parlament jesprimi l-pożizzjoni tiegħu;

45.

Jagħti istruzzjoni lill-President tiegħu sabiex iressaq din ir-riżoluzzjoni lill-Kunsill, lill-Kummissjoni, lill-gvernijiet u l-parlamenti ta' l-Istati Membri ta' l-UE u lill-gvernijiet u l-parlamenti ta' l-istati tal-gżejjer tal-Paċifiku.

—

wara li kkunsidra l-Artikolu 192, it-tieni paragrafu, tat-Trattat KE,

—

wara li kkunsidra l-Artikoli 39 u 45 tar-Regoli ta' Proċedura tiegħu,

—

wara li kkunsidra l-komunikazzjoni tal-Kummissjoni tal-21 ta' Mejju 2003 lill-Kunsill u lill-Parlament Ewropew intitolata “Il-modernizzazzjoni tal-liġi tal-kumpaniji u t-titjib tal-governanza tal-kumpanija fl- Unjoni Ewropea — Pjan ta' Azzjoni” (COM(2003)0284),

—

wara li kkunsidra s-seduta ta' smigħ pubblika mill-Kummissjoni dwar il-prijoritajiet futuri tal-pjan ta' azzjoni għall-modernizzazzjoni tal-liġi tal-kumpaniji u tal-governanza tal-kumpanija u r-riżultati tagħha,

—

wara li kkunsidra r-rapport tal-Kumitat għall-Affarijiet Legali (A6-0434/2006),

A.

billi l-kundizzjoni fl-Artikolu 39(2), li l-ebda proposta m'għandha tkun fi tħejjija, titwettaq kif xieraq,

B.

billi s-seduta ta' smigħ pubblika fil-Kumitat għall-Affarjiet Legali tal-Parlament Ewropew tat-22 ta' Ġunju 2006 enfasizzat il-ħtieġa għat-twaqqif tal-Kumpanija Privata Ewropea bħala forma ġuridika għall-intrapriżi żgħar u ta' daqs medju li joperaw f'negozju transkonfinali,

C.

billi kumpanija privata Ewropea (EPC) għandha tkun tista' tiġi mwaqqfa fit-territorju tal-Komunita' minn persuna jew persuni fiżiċi jew ġuridiċi li mhux bilfors ikunu residenti fi Stat Membru, skond il-ligi u lproċeduri Komunitarji li għandhom ikunu stabbliti f'regolament,

D.

billi EPC għandu jkollha personalità ġuridika u r-responsabbilta' tagħha għal djun lejn il-kredituri għandha tkun limitata sa l-assi tagħha,

E.

billi l-EPC toffri lill-kumpaniji għażla volontarja addizzjonali, flimkien ma' għamliet nazzjonali, firrigward tal-forma li jistgħu jieħdu,

F.

billi l-EPC għandha tkun kapaċi tagħżel bejn struttura monistika jew dualistika,

G.

billi l-EPC għandha tkun reġistrata fl-Istat fejn jinsab is-sit tagħha, fir-reġistru adegwat skond id-dispożizzjonijiet nazzjonali mwaqqfa permezz tad-Direttiva 68/151/KEE, flimkien ma' indirizz tan-negozju li lejh tista' ssir notifika, filwaqt li jitqiesu l-mekkaniżmi għall-evalwazzjoni tal-korrettezza fil-kontenut u lawtentiċità ta' l-att tat-twaqqif tal-kumanija,

H.

billi l-acquis communautaire relevanti li jipprovdi għal informazzjoni, konsultazzjoni u drittijiet ta' parteċipazzjoni għall-impjegati transkonfinali, kif ukoll li jissalvagwardja drittijiet ta' parteċipazzjoni diġa? eżistenti ta' l-impjegati (id-Direttivi 94/45/KE u 2005/56/KE) għandu jkun preservat bis-sħiħ, u billi, konsegwentament, l-konverżjoni ta' kumpanija bi drittijiet għall-immaniġġjar konġunt ta' l-impjegati, għall-informazzjoni u għall-konsultazzjoni f'EPC m'għandhiex tirriżulta fit-telf ta' dawk id-drittijiet eżistenti,

1.

Jitlob lill-Kummissjoni biex tippreżenta lill-Parlament, matul is-sena 2007, proposta leġiżlattiva dwar il-istatut tal-kumpanija privata Ewropea, ibbażata fuq l-Artikolu 308 tat-Trattat KE, u jitlob sabiex din ilproposta tiġi mfassla fil-qafas tal-konsultazzjonijiet interistituzzjonali u li ssegwi r-rakkomandazzjonijiet dettaljati stabbiliti fl-Anness hawn taħt;

2.

Jikkonferma li r-rakkomandazzjonijiet jirrispettaw il-prinċipju tas-sussidjarjetà u d-drittijiet fundamentali taċ-ċittadini;

3.

Iqis li l-proposta mitluba n'għandhiex ikollha implikazzjonijiet finanzjarji;

4.

Jagħti istruzzjonijiet lill-President tiegħu biex jgħaddi din ir-riżoluzzjoni u r-rakkomandazzjonijiet dettaljati annessi magħha lill-Kunsill u lill-Kummissjoni u lill-parlamenti u lill-gvernijiet ta' l-Istati Membri.