CAD IS AIDHM LEIS AN TEACHTAIREACHT AGUS LE HAIRTEAGAIL AN CHONARTHA MAIDIR LEIS AN MBEARTAS EACNAMAÍOCH AGUS AIRGEADAÍOCHTA?

Leagtar amach sa teachtaireacht na bearta is ceart a dhéanamh chun an chéad chéim den aontas eacnamaíoch agus airgeadaíochta (AEA), ar cuireadh tús leis an 1 Iúil 2015, a chur i gcrích go luath in 2017. D’eisigh an Coimisiún Eorpach páipéar machnaimh atá níos réamhbhreathnaithí maidir le AEA a neartú ó shin.

Baineann Airteagal 119, Airteagal 120 agus Airteagal 121 den Chonradh ar Fheidhmiú an Aontais Eorpaigh le haontas eacnamaíoch agus airgeadaíochta AE. Faoi na hairteagail seo, aontaíonn tíortha AE an méid seo a leanas a dhéanamh:

a mbeartais eacnamaíocha a chomhordú,
oibriú i dtreo choinéasú a bhfeidhmíochta eacnamaíche a bhaint amach, agus
gníomhú i gcomhréir leis na prionsabail um gheilleagar margaidh oscailte.

PRÍOMHPHOINTÍ

Éilítear sa teachtaireacht:

Seimeastar Eorpach¹athchóirithe trí bíthin:
- comhtháthú níos dlúithe a dhéanamh ar an limistéar euro agus beartais náisiúnta,
- béim níos láidre a chur ar bheartais fostaíochta agus shóisialta,
- cóinéasú eacnamaíoch a chur chun cinn trí úsáid a bhaint as tagarmharcáil agus dea-chleachtas,
- úsáid a bhaint as Cistí Struchtúracha agus Infheistíochta AE agus as cúnamh teicniúil chun tacú le hathchóirithe eacnamaíocha;
feabhas a chur ar rialachas eacnamaíoch trí:
- an chastacht a laghdú agus trédhearcacht na rialacha fioscacha a mhéadú,
- na nósanna imeachta chun míchothromaíochtaí maicreacnamaíochta a neartú,
- boird náisiúnta iomaíochais a chruthú chun saineolas neamhspleách a sholáthar,
- Bord Fioscach Eorpach comhairleach a bhunú chun feabhas a chur ar an bhfaireachas fioscach sa limistéar euro;
ionadaíocht sheachtrach níos láidre ar an euro trí thíortha an limistéir euro a spreagadh chun labhairt mar thír amháin ar an ardán idirnáisiúnta, go háirithe sa Chiste Airgeadaíochta Idirnáisiúnta;
bearta i dtreo aontas airgeadais, go sonrach trí na nithe seo a leanas:
- aontas baincéireachta a chur i gcrích,
- scéim choiteann Eorpach um árachas taiscí a fhaomhadh,
- aontas na margaí caipitil a chur i bhfeidhm;
dlisteanacht dhlítheanach níos éifeachtaí trí mhaoirseacht pharlaiminteach Eorpach ar fhorbairt AEA a neartú agus dlúthbhainteacht na bparlaimintí náisiúnta a fhorbairt.

I mí na Bealtaine 2017, ag baint leas as teachtaireacht 2015, d’fhoilsigh an Coimisiún páipéar machnaimh maidir leis an AEA a neartú. Thacaigh sé sin le 4 phrionsabal chun an t–airgeadra aonair a neartú agus i gcomhar lena chéile dul i ngleic le saincheisteanna comhleasa a théann níos faide ná na teorainneacha náisiúnta. Is iad sin:

poist, fás, cothroime shóisialta, cóinéasú eacnamaíoch agus cobhsaíocht airgeadais, arb ionann iad sin agus príomhspriocanna an AEA;
freagracht agus dlúthpháirtíocht, agus laghdú riosca agus comhroinnt riosca, a bhfuil dlúthbhaint acu lena chéile;
ballraíocht AEA, atá oscailte do gach tír AE (ach amháin an Ríocht Aontaithe (¹) agus an Danmhairg, a tharraing as) — baineann tábhacht leis an margadh aonair le haghaidh airgeadra aonair a fheidhmíonn go maith agus ní mór a shláine a choimeád;
cinnteoireacht, nach mór éirí níos trédhearcaí agus níos cuntasaí ó thaobh daonlathais de.

Tugadh chun suntais sa pháipéar an gá le dul chun cinn i 3 réimse:

fíor-aontas a chur i gcrích, go háirithe tríd an earnáil bhaincéireachta a dhéanamh níos láidre;
aontas eacnamaíoch agus fiosach níos comhtháite a bhaint amach trí fheabhas a chur ar chobhsaíocht maicreacnamaíoch sa limistéar euro;
ailtireacht an AEA a neartú trí chumais agus cinntí náisiúnta a roinnt níos mó maidir le cúrsaí an limistéir euro laistigh de chomhchreat dlíthiúil.

CÚLRA

I mí an Mheithimh 2015, thíolaic uachtaráin an Choimisiúin, Pharlaimint na hEorpa, an Bhainc Cheannais Eorpaigh, Chruinniú Mullaigh an Euro agus an Ghrúpa Euro a dtuarascáil (Tuarascáil “na gCúig uachtarán”) maidir le AEA a chur i gcrích. Tugtar tuilleadh sonraí sa teachtaireacht ar threochlár Chéim 1 a bhí ina dtuarascáil.

Tá páipéar machnaimh AEA an Choimisiúin ina chuid de shraith arna seoladh lena Pháipéar Bán maidir le todhchaí na hEorpa i mí an Mhárta 2017, ina gcuimsítear:

páipéar machnaimh maidir le gné shóisialta na hEorpa agus
páipéar machnaimh maidir le hairgeadas AE amach anseo.

Le haghaidh breis faisnéise, féach:

“Aontas eacnamaíoch agus airgeadaíochta na hEorpa a chur i gcrích: Déanann an Coimisiún bearta nithiúla chun AEA a neartú” — preaseisiúint (An Coimisiún Eorpach).

PRÍOMHDHOICIMÉID

Leagan comhdhlúite den Chonradh ar Fheidhmiú an Aontais Eorpaigh — Cuid a Trí — Beartais agus gníomhaíochtaí inmheánacha an Aontais — Teideal VIII — Beartas eacnamaíoch agus airgeadaíochta — Airteagal 119 (iar-Airteagal 4 CCE) (IO C 202, 7.6.2016, lgh. 96-97)

Leagan comhdhlúite den Chonradh ar Fheidhmiú an Aontais Eorpaigh — Cuid a Trí — Beartais agus gníomhaíochtaí inmheánacha an Aontais — Teideal VIII — Beartas eacnamaíoch agus sóisialta — Caibidil 1 — Beartas eacnamaíoch — Airteagal 120 (iar-Airteagal 98 CCE) (IO C 202, 7.6.2016, lch. 97)

Leagan comhdhlúite den Chonradh ar Fheidhmiú an Aontais Eorpaigh — Cuid a Trí — Beartais agus gníomhaíochtaí inmheánacha an Aontais — Teideal VIII — Beartas eacnamaíoch agus airgeadaíochta — Caibidil 1 — Beartas eacnamaíoch — Airteagal 121 (iar-Airteagal 99 CCE) (IO C 202, 7.6.2016, lgh. 97-98)

Teachtaireacht ón gCoimisiún chuig Parlaimint na hEorpa, chuig an gComhairle agus chuig an mBanc Ceannais Eorpach — Maidir le céimeanna chun an tAontas Eacnamaíoch agus Airgeadaíochta a chur i gcrích (COM(2015) 600 críochnaitheach, 21.10.2015)

Aontas eacnamaíoch agus airgeadaíochta a neartú

ACHOIMRE AR:

CAD IS AIDHM LEIS AN TEACHTAIREACHT AGUS LE HAIRTEAGAIL AN CHONARTHA MAIDIR LEIS AN MBEARTAS EACNAMAÍOCH AGUS AIRGEADAÍOCHTA?

PRÍOMHPHOINTÍ

CÚLRA

PRÍOMHTHÉARMAÍ

PRÍOMHDHOICIMÉID

ACHOIMRE AR:

CAD IS AIDHM LEIS AN TEACHTAIREACHT AGUS LE HAIRTEAGAIL AN CHONARTHA MAIDIR LEIS AN MBEARTAS EACNAMAÍOCH AGUS AIRGEADAÍOCHTA?

PRÍOMHPHOINTÍ

CÚLRA

PRÍOMHTHÉARMAÍ

PRÍOMHDHOICIMÉID

DOICIMÉID GHAOLMHARA