Irtirar mill-Unjoni Ewropea

L-Artikolu 50 tat-Trattat dwar l-Unjoni Ewropea jipprovdi għal mekkaniżmu għall-irtirar volontarju u territorjali ta’ pajjiż mill-Unjoni Ewropea (UE).

Stat Membru tal-UE li jkun jixtieq jirtira għandu jinnotifika lill-Kunsill tal-Ewropa bl-intenzjoni tiegħu li jagħmel dan. Il-Kunsill tal-Ewropa mbagħad ikun meħtieġ jipprovdi linji gwida għall-konklużjoni ta’ ftehim li jistabbilixxi l-arranġamenti għall-ħruġ ta’ dak il-pajjiż.

Dan il-ftehim huwa konkluż f’isem l-UE mill-Kunsill tal-Unjoni Ewropea, li jaġixxi b’maġġoranza kkwalifikata, wara li jkun kiseb il-kunsens tal-Parlament Ewropew.

It-Trattati tal-UE jieqfu japplikaw għall-pajjiż partikolari mid-data tad-dħul fis-seħħ tal-ftehim, jew sentejn wara n-notifika tal-irtirar. Il-Kunsill Ewropew jista’ jiddeċiedi li jestendi dak il-perjodu.

Kull pajjiż li jkun irtira mill-UE jista’ japplika biex jerġa’ jissieħeb. Ikun meħtieġ li jgħaddi mill-proċedura tal-adeżjoni.

ARA WKOLL

• Il-kriterji tal-adeżjoni (kriterji ta’ Copenhagen)
• Il-Kunsill tal-Unjoni Ewropea
• Il-Kunsill Ewropew
• Il-Parlament Ewropew
• L-Unjoni Ewropea
• L-Istati Membri
• Maġġoranza kwalifikata
• Trattati
• It-Trattat dwar l-Unjoni Ewropea (TUE) (sommarju)
• It-Trattat dwar il-Funzjonament tal-Unjoni Ewropea (TFUE) (sommarju).