Códú

Is éard is códú ann an próiseas maidir le gníomh dlíthiúil (nó roinnt gníomhartha gaolmhara) agus a leasuithe uile a thabhairt le chéile in aon ghníomh nua amháin.

Féadfaidh an códú a bheith i dhá fhoirm:

• ingearach — nuair a dhéantar bunghníomh agus a leasuithe a chorprú in aon ghníomh nua amháin; nó
• cothrománach — nuair a dhéantar dhá bhunghníomh nó níos mó ina gcumhdaítear ábhair ghaolmhara, agus aon leasuithe orthu, a chumasc in aon ghníomh nua amháin.

Murab ionann is comhdhlúthú (i.e. simpliú oifigiúil ar ghníomh dlíthiúil ina gcorpraítear a leasuithe), cuirtear an gníomh nua tríd an bpróiseas reachtóireachta céanna agus tagann sé in ionad na ngníomhartha atá á chódú. Mar shampla, nuair a dhéantar gníomhartha reachtacha a chódú go hoifigiúil, ní mór an próiseas reachtach iomlán (gnáthnós imeachta reachtach nó nós imeachta reachtach speisialta) a urramú.

FÉACH FREISIN

• Comhdhlúthú
• Gníomhartha dlíthiúla
• Gníomhartha reachtacha
• Gnáthnós imeachta reachtach (comhchinnteoireacht)
• Nósanna imeachta speisialta