This document is an excerpt from the EUR-Lex website
L-iżgurar tal-kompatibbiltà tas-sistemi ferrovjarji tal-UE
L-Unjoni Ewropea (UE) tfittex li taċċellera l-integrazzjoni tan-netwerk ferrovjarju tagħha* billi tintroduċi kundizzjonijiet u standards komuni. Dawn jgħinu sabiex jiżguraw livelli għolja ta’ sikurezza kif ukoll ta’ effikaċja.
ATT
Id-Direttiva 2008/57/KE tal-Parlament Ewropew u tal-Kunsill tas-17 ta’ Ġunju 2008 dwar l-interoperabilità tas-sistema ferrovjarja fil-Komunità (tfassil mill-ġdid).
SOMMARJU
L-Unjoni Ewropea (UE) tfittex li taċċellera l-integrazzjoni tan-netwerk ferrovjarju tagħha* billi tintroduċi kundizzjonijiet u standards komuni. Dawn jgħinu sabiex jiżguraw livelli għolja ta’ sikurezza kif ukoll ta’ effikaċja.
X'TAGĦMEL ID-DIRETTIVA?
Hija tistabbilixxi l-kundizzjonijiet li jridu jiġu ssodisfati bil-għan li tinkiseb interoperabilità** fis-sistema ferrovjarja tal-UE b’mod li jkun kompatibbli mad-Direttiva 2004/49/KE dwar is-sikurezza ferrovjarja. Dan jgħodd b’mod partikolari fir-rigward tal-proċeduri għall-awtorizzazzjoni tat-tqegħid fis-servizz tal-vetturi ferrovjarji.
Il-kundizzjonijiet jikkonċernaw id-disinn, il-kostruzzjoni, it-tqegħid fis-servizz, l-immodernizzar, it-tiġdid, l-operat u l-manutenzjoni ta’ din is-sistema. Huma jirrigwardaw ukoll il-kwalifiki professjonali u l-kundizzjonijiet tas-saħħa u s-sigurtà tal-membri tal-persunal li jħaddmuha u jmantnuha.
PUNTI EWLENIN
L-UE ssegwi l-mira tagħha ta’ sistema ferrovjarja interoperabbli - kemm dik b’veloċità għolja kif ukoll dik konvenzjonali - billi tadotta u mbagħad timplimenta standards tekniċi uniformi applikabbli fil-pajjiżi kollha tal-UE. Id-direttiva tistabbilixxi:
Il-Kummissjoni Ewropea għandha setgħat sabiex tadotta leġiżlazzjoni ulterjuri dwar aspetti speċifiċi tal-ispeċifikazzjonijiet tekniċi li jirrigwardaw l-interoperabbiltà ferrovjarja. L-aspetti indirizzati minn din il-leġiżlazzjoni jinkludu l-ispeċifikazzjonijiet tekniċi għall-vaguni u l-lokomotivi tal-merkanzija, l-aċċessibbiltà għas-sistema ferrovjarja għall-persuni b’diżabilità u b’mobbiltà mnaqqsa u s-sikurezza fil-mini.
META TAPPLIKA D-DIRETTIVA?
Mid-19 ta’ Lulju 2008.
SFOND
Din id-direttiva ħassret id-Direttiva 96/48/KE fuq l-interoperabilità tas-sistema ferrovjarja Ewropea ta’ veloċità għolja u d-Direttiva 2001/16/KE fuq l-interoperabilità tas-sistema ferrovjarja konvenzjonali Ewropea.
TERMINI EWLENIN
* Netwerk: il-linji, l-istazzjonijiet, it-terminals u l-apparat fiss li huma meħtieġa sabiex jiżguraw it-tħaddim sikur u mingħajr xkiel tas-sistema ferrovjarja.
** Interoperabilità : l-abbiltà ta’ sistema ferrovjarja li tippermetti l-moviment sikur u mhux interrott tal-ferroviji li jilħqu l-livelli meħtieġa ta’ prestazzjoni għal dawn il-linji.
*** Sottosistemi: tfisser ir-riżultat tad-diviżjoni tas-sistema ferrovjarja (l-Anness II). Dawn is-sottosistemi, li għalihom għandhom jiġu stabbiliti rekwiżiti essenzjali, jistgħu jkunu strutturali (eż. infrastruttura jew sinjalar) jew funzjonali (eż. l-immaniġġjar tat-traffiku jew il-manutenzjoni).
Għal aktar tagħrif, ara l-paġni dwar l-Interoperabbiltà fuq is-sit elettroniku tal-Kummissjoni Ewropea
REFERENZI
Att |
Dħul fis-seħħ |
Traspożizzjoni fl-Istati Membri |
Il-Ġurnal Uffiċjali |
Id-Direttiva 2008/57/KE |
19.7.2008 |
19.7.2010 |
L-emendi u l-korrezzjonijiet sussegwenti għad-Direttiva 2008/57/KE kienu inkorporati fit-test bażiku. Din il-verżjoni konsolidata hija biss għal referenza.
l-aħħar aġġornament 10.06.2015