Strumenti legali Ewropej

It-terminu strumenti legali Ewropej jirreferi għall-istrumenti disponibbli għall-istituzzjonijiet Ewropej sabiex ikunu jistgħu jwettqu l-kompiti tagħhom. L-istrumenti elenkati fl-Artikolu 288 tat-Trattat dwar il-Funzjonament tal-Unjoni Ewropea (TFUE) huma:

• regolamenti: dawn huma vinkolanti fl-intier tagħhom u direttament applikabbli fil-pajjiżi kollha tal-UE;
• direttivi: dawn jorbtu lill-pajjiżi tal-UE mar-riżultati li għandhom jinkisbu; huma għandhom jiġu trasposti fil-qafas legali nazzjonali u b’hekk iħallu marġini għal manuvra fir-rigward tal-forma u l-mezzi tal-implimentazzjoni;
• deċiżjonijiet: dawn huma vinkolanti b’mod sħiħ fuq dawk li lilhom jiġu indirizzati;
• rakkomandazzjonijiet u opinjonijiet: dawn huma strumenti mhux vinkolanti ta’ dikjarazzjoni.

Barra minn hekk, l-Artikolu 290 tat-TFUE jintroduċi l-possibbiltà għal-leġiżlatur Ewropew li jiddelega lill-Kummissjoni s-setgħa li tadotta atti mhux leġiżlattivi ta’ ambitu ġenerali li jissupplimentaw jew jemendaw elementi mhux essenzjali tal-atti leġiżlattivi.

Minbarra l-istrumenti elenkati fl-Artikolu 288 tat-TFUE, il-prattika wasslet għall-iżvilupp ta’ serje sħiħa ta’ dokumenti uniċi: ftehimiet interistituzzjonali, riżoluzzjonijiet, konklużjonijiet, komunikazzjonijiet, green papers u white papers.

Skont il-PESK, jintużaw strumenti legali speċifiċi, bħal azzjonijiet u pożizzjonijiet tal-UE.

ARA WKOLL

• Azzjoni tal-UE (PESK)
• Ġerarkija tan-normi tal-Unjoni Ewropea (UE)
• Green Paper
• Simplifikazzjoni tal-leġiżlazzjoni
• White Paper
• Taqsira tal-EUR-Lex dwar l-atti legali tal-Unjoni Ewropea
• Taqsira tal-EUR-Lex dwar Deċiżjonijiet tal-Unjoni Ewropea
• Taqsira tal-EUR-Lex dwar ir-Regolamenti tal-Unjoni Ewropea
• Taqsira tal-EUR-Lex dwar id-Direttivi tal-Unjoni Ewropea