EUR-Lex Access to European Union law
This document is an excerpt from the EUR-Lex website
Document C2017/346/09
Call for proposals — EACEA/27/2017 under the Erasmus+ programme — KA3 — Support for policy reform — Joint qualifications in vocational education and training (VET)
Sejħa għal proposti — EACEA/27/2017 taħt il-programm Erasmus+ — KA3 — Appoġġ għar-Riforma tal-Politika — Kwalifiki Konġunti fl-Edukazzjoni u fit-Taħriġ Vokazzjonali (ETV)
Sejħa għal proposti — EACEA/27/2017 taħt il-programm Erasmus+ — KA3 — Appoġġ għar-Riforma tal-Politika — Kwalifiki Konġunti fl-Edukazzjoni u fit-Taħriġ Vokazzjonali (ETV)
OJ C 346, 14.10.2017, p. 6–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
14.10.2017 |
MT |
Il-Ġurnal Uffiċjali tal-Unjoni Ewropea |
C 346/6 |
SEJĦA GĦAL PROPOSTI — EACEA/27/2017
taħt il-programm Erasmus+
KA3 — Appoġġ għar-Riforma tal-Politika
Kwalifiki Konġunti fl-Edukazzjoni u fit-Taħriġ Vokazzjonali (ETV)
(2017/C 346/09)
1. Objettivi
L-objettivi ġenerali tas-sejħa huma, minn naħa, li tiżdied l-impjegabbiltà taż-żgħażagħ u li jingħata kontribut għall-iżvilupp ta’ forza tax-xogħol b’ħiliet għolja, ikkwalifikata u mobbli li minnha jeħtieġ li jibbenefikaw il-kumpaniji wkoll u, min-naħa l-oħra, li jiġu sostnuti l-iżviluppi konġunti fl-ETV fl-Ewropa u li tissaħħaħ il-kwalità, ir-rilevanza u l-attraenza ta’ dawn.
L-objettiv speċifiku ta’ din is-sejħa hu li ssostni t-tħejjija jew l-istabbiliment ta’ kwalifiki konġunti tal-ETV inkluż f’livell ogħla jew it-titjib tat-tali kwalifiki eżistenti.
Jeħtieġ li l-kwalifiki transnazzjonali jinvolvu tagħlim b’saħħtu bbażat fuq ix-xogħol u komponent ta’ mobilità, jindirizzaw l-eżiti tat-tagħlim, il-garanzija tal-kwalità u r-rikonoxximent xieraq filwaqt li jużaw għodod u strumenti Ewropej rilevanti.
F’dan l-isfond ta’ qgħad għoli fost iż-żgħażagħ, ta’ spariġġ fil-ħiliet u nuqqas ta’ ħiliet kif ukoll tal-ħtieġa għal ħiliet ta’ livell ogħla f’livell settorjali, il-kwalifiki konġunti tal-ETV għandhom il-potenzjal li jindirizzaw dawn l-isfidi u jiżguraw li l-ETV iwieġbu aħjar għall-ħtiġijiet tas-suq tax-xogħol.
2. Sħubijiet eliġibbli
Is-sħubija trid tkun imsawra minn sħab minn tal-anqas żewġ pajjiżi differenti tal-Programm Erasmus+ (tal-inqas wieħed minnhom iridu ikun Stat Membru tal-Unjoni Ewropea):
— It-28 Stat Membru tal-Unjoni Ewropea: l-Awstrija, il-Belġju, il-Bulgarija, il-Kroazja, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja, ir-Renju Unit (1);
— Il-pajjiżi tal-Programm li mhumiex fl-UE: l-Eks-Repubblika Jugoslava tal-Maċedonja, l-Iżlanda, il-Liechtenstein, in-Norveġja, it-Turkija.
Barra minn hekk, is-sħubija għandha tinkludi tal-inqas tliet sħab, inklużi ż-żewġ organizzazzjonijiet li ġejjin:
— |
Fornitur tal-ETV (fil-livell sekondarju għoli, fil-livell postsekondarju mhux terzjarju jew fil-livell terzjarju); |
— |
Intrapriża (pubblika jew privata) jew kamra tal-industrija, tal-kummerċ u tas-snajja’ jew organizzazzjoni settorjali/professjonali. |
Wieħed minn dawn is-sħab jrid ikun l-organizzazzjoni li tikkoordina, li tapplika għall-għotja ta’ Erasmus+ għan-nom tal-konsorzju tal-organizzazzjonijiet sħab.
Organizzazzjonijiet parteċipanti eliġibbli oħra jinkludu:
— |
L-awtoritajiet rilevanti tal-kwalifiki jew ekwivalenti (f’livelli nazzjonali, reġjonali jew settorjali). L-involviment tat-tali organizzazzjoni minn kull wieħed mill-pajjiżi parteċipanti fil-proġett se jirrappreżenta assi fl-evalwazzjoni tal-kwalità tal-konsorzju tal-proġett u tal-arranġamenti ta’ kooperazzjoni; |
— |
L-awtoritajiet pubbliċi lokali, reġjonali jew nazzjonali; |
— |
Is-sħab soċjali (l-organizzazzjonijiet ta’ min iħaddem u l-ħaddiema); |
— |
L-istituti ta’ riċerka; |
— |
L-organizzazzjonijiet umbrella Ewropej; |
— |
Il-kunsilli tal-ħiliet tas-setturi, jew ekwivalenti; |
— |
Is-servizzi pubbliċi tal-impjiegi; |
— |
L-organizzazzjonijiet taż-żgħażagħ; |
— |
L-assoċjazzjonijiet tal-ġenituri; |
— |
Korpi rilevanti oħra. |
3. Attivitajiet u r-riżultati mistennija
L-attivitajiet iridu jibdew bejn l-1 ta’ Settembru 2018 u l-1 ta’ Novembru 2018.
Id-durata tal-proġetti hi ta’ 24 xahar.
Jeħtieġ li l-benefiċjarji jwettqu ż-żewġ attivitajiet ewlenin li ġejjin:
— |
Ifasslu jew itejbu kwalifika konġunta fl-ETV, bl-għan li jwieġbu għal ħtiġijiet konkreti ta’ ħiliet fil-pajjiżi bi sħab obbligatorji, bl-għan li din tiġi rikonoxxuta bħala kwalifika f’kull wieħed minn dawn il-pajjiżi. Jeħtieġ li l-kwalifika konġunta tkun komposta minn unitajiet identifikati ċari:
|
— |
L-istabbiliment ta’ strutturi ta’ kooperazzjoni sostenibbli biex jiġu żgurati trasparenza, komparabbiltà, sistemi xierqa ta’ garanzija tal-kwalità u r-rikonoxximent reċiproku tal-kwalifiki, filwaqt li l-impenn eżistenti jsir iktar sistematiku u mmirat. |
Matul id-durata tal-proġett iridu jinkisbu riżultati konkreti:
— |
Titfassal jew titjieb kwalifika konġunta fl-ETV
|
— |
L-istabbiliment ta’ strutturi sostenibbli ġodda ta’ kooperazzjoni
|
Trid tintwera evidenza li r-riżultati tanġibbli tal-proġett se jibqgħu jitfittxu wara li jkun intemm il-finanzjament mill-UE.
4. Kriterji tal-għoti
L-applikazzjonijiet eliġibbli se jiġu vvalutati abbażi tal-kriterji li ġejjin:
1. |
Ir-rilevanza tal-proġett (Massimu 30 punt – Limitu: minimu ta’ 16-il punt); |
2. |
Il-kwalità tat-tfassil u tal-implimentazzjoni tal-proġett (Massimu 25 punt – Limitu: minimu ta’ 13-il punt); |
3. |
Il-kwalità tal-konsorzju tal-proġett u tal-arranġamenti ta’ kooperazzjoni (Massimu 25 punt – Limitu: minimu ta’ 13-il punt); |
4. |
L-impatt u d-disseminazzjoni (Massimu 20 punt – Limitu: minimu ta’ 11-il punt) |
Biex jiġu kkunsidrati għall-finanzjament, l-applikazzjonijiet iridu jġibu tal-inqas 60 punt (minn 100 punt b’kollox), b’kunsiderazzjoni wkoll tal-limitu minimu neċessarju għal kull wieħed mill-erba’ kriterji tal-għoti.
5. Baġit
Il-baġit totali allokat għall-kofinanzjament ta’ proġetti hu stmat sa massimu ta’ EUR 6 miljun.
Ir-rata massima ta’ kofinanzjament mill-UE se tkun ta’ 80 %.
Kull għotja se tammonta għal bejn EUR 200 000 u EUR 500 000. Hu mistenni li se jiġu ffinanzjati madwar 20 proposta.
L-Aġenzija tirriżerva d-dritt li ma tqassamx il-fondi kollha disponibbli.
6. Data ta’ skadenza għall-preżentazzjoni tal-applikazzjonijiet
L-applikazzjonijiet iridu jiġu ppreżentati sa mhux iktar tard mill-31 ta’ Jannar 2018, sa nofsinhar (ħin ta’ Brussell).
L-applikazzjonijiet iridu jikkonformaw mar-rekwiżiti li ġejjin:
— |
Iridu jiġu sottomessi online permezz tal-formola ta’ applikazzjoni uffiċjali korretta (Formola elettronika); |
— |
Iridu jiġu miktuba b’waħda mil-lingwi uffiċjali tal-UE; |
— |
Deskrizzjoni dettaljata tal-proġett, dikjarazzjoni fuq l-unur u baġit stmat ibbilanċjat, ippreżentati fuq il-formoli uffiċjali, iridu jkunu mehmuża mal-applikazzjonijiet. |
In-nuqqas ta’ konformità ma’ dawk ir-rekwiżiti jwassal għaċ-ċaħda tal-applikazzjoni.
7. Dettalji sħaħ
Il-Linji Gwida tal-Applikanti flimkien mal-Formola elettronika ta’ applikazzjoni jinsabu fl-indirizz tal-Internet li ġej:
https://eacea.ec.europa.eu/erasmus-plus/funding/ka3-joint-qualifications-in-vocational-education-and-training_en
L-applikazzjonijiet iridu jkunu konformi mat-termini kollha tal-Linji Gwida.
(1) Għall-applikanti mir-Renju Unit: Jekk jogħġbok kun af li għandu jkun hemm konformità mal-kriterji ta’ eliġibbiltà għad-durata kollha tal-għotja. Jekk ir-Renju Unit joħroġ mill-UE matul il-perjodu ta’ għotja mingħajr ma jikkonkludi ftehim mal-UE li jiżgura b’mod partikolari li l-applikanti Brittaniċi jibqgħu eliġibbli, inti se tieqaf tirċievi finanzjament mill-UE (filwaqt li tkompli, sa fejn possibbli, tipparteċipa) jew tkun meħtieġ tħalli l-proġett.