EUR-Lex Access to European Union law
This document is an excerpt from the EUR-Lex website
Document 62012CA0539
Case C-539/12: Judgment of the Court (First Chamber) of 22 May 2014 (request for a preliminary ruling from the Employment Tribunal, Leicester — United Kingdom) — Z.J.R. Lock v British Gas Trading Limited (Social policy — Organisation of working time — Directive 2003/88/EC — Right to paid annual leave — Composition of remuneration — Basic salary and commission according to turnover realised)
Kawża C-539/12: Sentenza tal-Qorti tal-Ġustizzja (L-Ewwel Awla) tat- 22 ta’ Mejju 2014 (talba għal deċiżjoni preliminari tal-Employment Tribunal, Nottingham – ir-Renju Unit) – Z.J.R. Lock vs British Gas Trading Limited et (Politika soċjali — Organizzazzjoni tal-ħin tax-xogħol — Direttiva 2003/88/KE — Dritt għal-leave annwali mħallas — Kompożizzjoni tar-remunerazzjoni — Salarju bażiku u kummissjoni skont id-dħul mill-bejgħ imwettaq)
Kawża C-539/12: Sentenza tal-Qorti tal-Ġustizzja (L-Ewwel Awla) tat- 22 ta’ Mejju 2014 (talba għal deċiżjoni preliminari tal-Employment Tribunal, Nottingham – ir-Renju Unit) – Z.J.R. Lock vs British Gas Trading Limited et (Politika soċjali — Organizzazzjoni tal-ħin tax-xogħol — Direttiva 2003/88/KE — Dritt għal-leave annwali mħallas — Kompożizzjoni tar-remunerazzjoni — Salarju bażiku u kummissjoni skont id-dħul mill-bejgħ imwettaq)
ĠU C 253, 4.8.2014, p. 8–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
4.8.2014 |
MT |
Il-Ġurnal Uffiċjali tal-Unjoni Ewropea |
C 253/8 |
Sentenza tal-Qorti tal-Ġustizzja (L-Ewwel Awla) tat-22 ta’ Mejju 2014 (talba għal deċiżjoni preliminari tal-Employment Tribunal, Nottingham – ir-Renju Unit) – Z.J.R. Lock vs British Gas Trading Limited et
(Kawża C-539/12) (1)
((Politika soċjali - Organizzazzjoni tal-ħin tax-xogħol - Direttiva 2003/88/KE - Dritt għal-leave annwali mħallas - Kompożizzjoni tar-remunerazzjoni - Salarju bażiku u kummissjoni skont id-dħul mill-bejgħ imwettaq))
2014/C 253/10
Lingwa tal-kawża: l-Ingliż
Qorti tar-rinviju
Employment Tribunal, Nottingham
Partijiet fil-kawża prinċipali
Rikorrenti: Z.J.R. Lock
Konvenuti: British Gas Trading Limited et
Suġġett
Talba għal deċiżjoni preliminari – Employment Tribunal, Leicester – Ir-Renju Unit – Interpretazzjoni tal-Artikolu 7 tad-Direttiva tal-Kunsill 93/104/KE, tat-23 ta’ Novembru 1993, dwar xi aspetti tal-organizzazzjoni tal-ħin tax-xogħol (ĠU Edizzjoni Speċjali bil-Malti, Kapitolu 5, Vol. 2, p. 197) kif emendata bid-Direttiva 2003/88/KE tal-Parlament Ewropew u tal-Kunsill, tal-4 ta’ Novembru 2003 (ĠU Edizzjoni Speċjali bil-Malti, Kapitolu 5, Vol. 4, p. 381) – Konsulent li jirċievi salarju bażiku flimkien ma’ primjums mensili skont id-dħul mill-bejgħ li jkun sar u n-numru ta’ kuntratti ta’ bejgħ konklużi, imħallsa meta jiskadi ż-żmien – Kontinwazzjoni tas-salarju bażiku matul il-leave annwali, iżda mhux tal-primjums, ħlief għal dawk marbuta mal-provvisti li jsiru qabel il-leave.
Dispożittiv
1) |
Artikolu 7(1) tad-Direttiva 2003/88/KE tal-Parlament Ewropew u tal-Kunsill, tal-4 ta’ Novembru 2003, li tikkonċerna ċerti aspetti tal-organizzazzjoni tal-ħin tax-xogħol, għandu jiġi interpretat fis-sens li jipprekludi dispożizzjonijiet u prattiki nazzjonali li jipprovdu li ħaddiem li r-remunerazzjoni tiegħu tikkonsisti, minn naħa waħda, f’salarju bażiku u, min-naħa l-oħra, f’kummissjoni li l-ammont tagħha huwa stabbilit b’riferiment għall-kuntratti konklużi mill-persuna li timpjega li huma riżultat tal-bejgħ imwettaq minn dan il-ħaddiem, għandu dritt biss, fuq il-bażi tal-leave annwali mħallas tiegħu, għal remunerazzjoni li tikkonsisti esklużivament fis-salarju bażiku tiegħu. |
2) |
Il-metodi ta’ kalkolu tal-kummissjoni li għaliha ħaddiem, bħar-rikorrent fil-kawża prinċipali, għandu dritt fuq il-bażi tal-leave annwali tiegħu għandhom jiġu evalwati mill-qorti nazzjonali, fuq il-bażi tar-regoli u tal-kriterji stabbiliti mill-ġurisprudenza tal-Qorti tal-Ġustizzja tal-Unjoni Ewropea u fid-dawl tal-għan imfittex mill-Artikolu 7 tad-Direttiva 2003/88. |