Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32016R1615

Regolament ta' Implimentazzjoni tal-Kummissjoni (UE) 2016/1615 tat-8 ta' Settembru 2016 li jemenda ir-Regolament ta' Implimentazzjoni tal-Kummissjoni (UE) 2016/559 li jawtorizza ftehimiet u deċiżjonijiet dwar l-ippjanar tal-produzzjoni fis-settur tal-ħalib u tal-prodotti tal-ħalib

C/2016/5661

ĠU L 242, 9.9.2016, p. 17–18 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_impl/2016/1615/oj

9.9.2016   

MT

Il-Ġurnal Uffiċjali tal-Unjoni Ewropea

L 242/17

REGOLAMENT TA' IMPLIMENTAZZJONI TAL-KUMMISSJONI (UE) 2016/1615

tat-8 ta' Settembru 2016

li jemenda ir-Regolament ta' Implimentazzjoni tal-Kummissjoni (UE) 2016/559 li jawtorizza ftehimiet u deċiżjonijiet dwar l-ippjanar tal-produzzjoni fis-settur tal-ħalib u tal-prodotti tal-ħalib

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari t-tieni subparagrafu tal-Artikolu 222(3) tiegħu,

Billi:

(1)

Minbarra serje ta' miżuri eċċezzjonali biex tiġi indirizzata s-sitwazzjoni diffiċli tas-suq fis-settur tal-ħalib u tal-prodotti tal-ħalib fuq il-bażi tal-Artikolu 219 tar-Regolament (UE) Nru 1308/2013, il-Kummissjoni awtorizzat ftehimiet u deċiżjonijiet volontarji dwar l-ippjanar tal-produzzjoni fis-settur tal-ħalib u tal-prodotti tal-ħalib sabiex l-organizzazzjonijiet tal-produtturi rikonoxxuti, l-assoċjazzjonijiet tagħhom u l-organizzazzjonijiet interprofessjonali rikonoxxuti skont ir-Regolament ta' Implimentazzjoni tal-Kummissjoni (UE) 2016/559 (2) u fil-każ ta' kooperattivi u forom oħra ta' organizzazzjonijiet tal-produtturi fis-settur tal-ħalib u l-prodotti tal-ħalib skont ir-Regolament ta' Delega tal-Kummissjoni (UE) 2016/558 (3) għal perjodu ta' sitt xhur li jibda mit-13 ta' April 2016.

(2)

L-ebda ftehim jew deċiżjoni konġunta ma ġiet rappurtata s'issa, peress li dan is-settur jeħtieġ iż-żmien biex jorganizza ruħu ħalli juża dan l-istrument il-ġdid, filwaqt li s-settur tal-ħalib għadu jħabbat wiċċu ma' żbilanċ serju ħafna fis-suq minħabba l-iżbilanċ bejn il-provvista u d-domanda madwar id-dinja kollha, fejn għandha rwol l-estensjoni sa tmiem l-2017 tal-projbizzjoni Russa fuq l-importazzjoni ta' prodotti agrikoli u oġġetti tal-ikel li joriġinaw mill-Unjoni.

(3)

Il-prezzijiet tal-ħalib mal-ħruġ mill-azjenda agrikola naqsu bi 8 % fl-2015 u bi 15 % oħra fl-ewwel ħames xhur tal-2016. F'Mejju 2016, il-medja tal-prezzijiet tal-ħalib fl-Unjoni kienet ta' 22 % anqas mill-medja tal-aħħar ħames snin. B'mod parallel, id-distakk bejn l-Istati Membri kompla jikber, b'xi Stati Membri jirrappurtaw prezzijiet 30 % inqas mill-medja tal-Unjoni. Fuq il-bażi ta' analiżi tas-suq disponibbli, l-ebda tnaqqis sinifikanti fil-volumi tal-produzzjoni ma hu mistenni sa tmiem l-2017.

(4)

Sabiex is-settur tal-ħalib u l-prodotti tal-ħalib jiġi mgħejjun isib bilanċ ġdid fl-iżbilanċ prevalenti ħafna fis-suq u biex jiġu akkumpanjati l-aġġustamenti meħtieġa wara li tiskadi l-kwota tal-ħalib, huwa xieraq li jiġu awtorizzati l-ftehimiet u d-deċiżjonijiet volontarji msemmija fl-implimentazzjoni tar-Regolament (UE) 2016/559 u tar-Regolament (UE) 2016/558 għal perjodu ulterjuri ta' sitt xhur. Billi l-kundizzjonijiet kif ukoll il-kamp ta' applikazzjoni ġeografiku u tal-kontenut imsemmija fl-Artikolu 222(1) tar-Regolament (UE) Nru 1308/2013 u l-obbligi ta' notifika rilevanti diġà ġew speċifikati fl-applikazzjoni tar-Regolament (UE) 2016/559, huwa xieraq li jiġi emendat dak ir-Regolament ta' Implimentazzjoni.

(5)

Għaldaqstant, ir-Regolament ta' Implimentazzjoni (UE) 2016/559 għandu jiġi emendat skont dan.

(6)

Minħabba l-ammont kbir ta' żbilanċ fis-suq u l-bżonn li jiġu żgurati l-kontinwità u ċ-ċertezza legali, dan ir-Regolament għandu jidħol fis-seħħ l-għada tal-pubblikazzjoni tiegħu.

(7)

Il-miżuri previsti f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

ADOTTAT DAN IR-REGOLAMENT:

Artikolu 1

Ir-Regolament ta' Implimentazzjoni (UE) 2016/559 huwa emendat kif ġej:

(1)

L-Artikolu 1 huwa mibdul b'dan li ġej:

“Artikolu 1

Mingħajr preġudizzju għall-Artikolu 152(3)(b)(i) u l-Artikolu 209(1) tar-Regolament (UE) Nru 1308/2013, l-organizzazzjonijiet tal-produtturi rikonoxxuti, l-assoċjazzjonijiet tagħhom u l-organizzazzjonijiet interprofessjonali rikonoxxuti fis-settur tal-ħalib u l-prodotti tal-ħalib huma hawnhekk awtorizzati:

(a)

matul perjodu ta' sitt xhur li jibda fit-13 ta' April 2016 jew it-13 ta' Ottubru 2016 li jikkonkludu ftehim konġunt volontarj u jieħdu deċiżjonijiet komuni b'validità li tintemm sa mhux aktar tard mit-12 ta' Ottubru 2016 jew it-12 ta' April 2017, rispettivament, dwar l-ippjanar tal-volum tal-ħalib li għandu jiġi prodott; jew

(b)

li tiġi estiża l-validità ta' tali ftehimiet jew deċiżjonijiet konklużi jew mittieħda matul il-perjodu li jibda mit-13 ta' April 2016 għal perjodu li ma jaqbiżx it-12 ta' April 2017.”

(2)

L-Artikolu 4 huwa emendat kif ġej:

(a)

Il-paragrafu 2 huwa sostitwit b'dan li ġej:

“2.   Sa mhux aktar tard minn 25 jum wara tmiem kull perjodu ta' sitt xhur imsemmi fl-Artikolu 1, l-organizzazzjonijiet tal-produtturi, l-assoċjazzjonijiet jew l-organizzazzjonijiet interprofessjonali kkonċernati għandhom jikkomunikaw il-volum tal-produzzjoni attwalment kopert mill-ftehimiet jew mid-deċiżjonijiet lill-awtorità kompetenti msemmija fil-paragrafu 1 ta' dan l-Artikolu.”

(b)

Fil-paragrafu 3, il-punt (b) huwa ssostitwit b'dan li ġej:

“(b)

sa mhux aktar tard minn 30 jum wara tmiem kull perjodu ta' sitt xhur imsemmi fl-Artikolu 1, ħarsa ġenerali lejn il-ftehimiet u d-deċiżjonijiet implimentati matul dak il-perjodu.”

Artikolu 2

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-8 ta' Settembru 2016.

Għall-Kummissjoni

Il-President

Jean-Claude JUNCKER

(1)  ĠU L 347, 20.12.2013, p. 671.

(2)  Ir-Regolament ta' Implimentazzjoni tal-Kummissjoni (UE) 2016/559 tal-11 ta' April 2016 li jawtorizza ftehimiet u deċiżjonijiet dwar l-ippjanar tal-produzzjoni fis-settur tal-ħalib u tal-prodotti tal-ħalib (ĠU L 96, 12.4.2016, p. 20).

(3)  Ir-Regolament Delegat tal-Kummissjoni (UE) 2016/558 tal-11 ta' April 2016 li jawtorizzaw ftehimiet u deċiżjonijiet ta' kooperattivi u ta' tipi oħra ta' organizzazzjonijiet tal-produtturi fis-settur tal-ħalib u tal-prodotti tal-ħalib dwar l-ippjanar tal-produzzjoni (ĠU L 96, 12.4.2016, p. 18).

Top