17.4.2015   

MT

Il-Ġurnal Uffiċjali tal-Unjoni Ewropea

L 100/1

(1)

Ir-relazzjonijiet bejn l-Unjoni Ewropea u l-Ukraina qegħdin jiżviluppaw fi ħdan il-qafas tal-Politika Ewropea tal-Viċinat (PEV) u s-Sħubija tal-Lvant. Il-Ftehim ta' Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħha, minn naħa waħda, u l-Ukraina min-naħa l-oħra (2) (il-“Ftehim ta' Assoċjazzjoni”), li jinkludi Żona ta' Kummerċ Ħieles Profonda u Komprensiva (DCFTA), ġie nnegozjat mill-2007 sal-2011. Huwa ġie inizjalat fl-2012 u ffirmat mill-Ukraina fil-21 ta' Marzu 2014 u mill-Unjoni fis-27 ta' Ġunju 2014. Mill-1 ta' Novembru 2014, partijiet importanti tal-Ftehim ta' Assoċjazzjoni ġew applikati proviżorjament fl-oqsma tar-rispett għad-drittijiet tal-bniedem, il-libertajiet fundamentali u l-istat tad-dritt, id-djalogu politiku u r-riforma, il-ġustizzja, il-libertà u s-sigurtà, u l-kooperazzjoni ekonomika u finanzjarja.

(2)

Wara li reġgħet bdiet tapplika l-Kostituzzjoni tal-Ukraina tal-2004, fil-25 ta' Mejju 2014 u s-26 ta' Ottubru 2014 rispettivament saru b'suċċess elezzjonijiet presidenzjali kif ukoll parlamentari. Wara l-formazzjoni ta' gvern ġdid fit-2 ta' Diċembru 2014 li jirrifletti l-eżitu tal-elezzjonijiet parlamentari, l-Ukraina reġgħet ikkonfermat l-impenn tagħha lejn riformi politiċi u ekonomiċi skont il-qafas provdut mill-Ftehim ta' Assoċjazzjoni u ppreżentat Pjan ta' Azzjoni li jiddeskrivi r-riformi maħsuba.

(3)

Il-vjolazzjoni tas-sovranità u l-integrità territorjali tal-Ukraina u l-kunflitt militari li rriżulta kellhom effetti dannużi fuq l-istabbiltà ekonomika u finanzjarja diġà prekarja tal-Ukraina. L-Ukraina qed tiffaċċa bilanċ tal-pagamenti diffiċli u l-pożizzjoni tal-likwidità marbuta mal-kunfidenza li qed tonqos u d-delokalizzazzjoni kapitali konkominanti, kif ukoll sitwazzjoni fiskali li sejra għall-agħar b'riżultat tal-ispejjeż baġitarji diretti tal-kunflitt, ir-reċessjoni aktar profonda milli mistenni u t-telf ta' dħul fiskali miż-żoni ġeografiċi kkontrollati mis-separatisti. Fl-istess ħin, id-dgħufijiet strutturali preeżistenti u tal-baġit u vulnerabbiltajiet finanzjarji esterni wkoll ikkontribwixxew għad-deterjorament tas-sitwazzjoni ekonomika.

(4)

F'dan il-kuntest, il-ħtiġijiet tal-finanzjament estern tal-Ukraina huma sostanzjalment akbar minn dak li kien identifikat inizjalment, u jeħtieġu għajnuna finanzjarja addizzjonali minn kredituri u donaturi internazzjonali. Fil-missjoni ta' rieżami tal-programm l-aktar reċenti tiegħu, il-Fond Monetarju Internazzjonali (FMI) identifika l-ħtieġa għal finanzjament sinifikanti lil hinn mill-fondi impenjati s'issa mill-komunità internazzjonali, li jinkludu l-għajnuna makrofinanzjarja tal-Unjoni skont id-Deċiżjoni tal-Kunsill 2002/639/KE (3), id-Deċiżjoni Nru 646/2010/UE tal-Parlament Ewropew u tal-Kunsill (4) u d-Deċiżjoni tal-Kunsill 2014/215/UE (5).

(5)

F'okkażjonijiet varji, l-Unjoni ddikjarat l-impenn tagħha li tappoġġa lill-awtoritajiet il-ġodda tal-Ukraina fil-kisba tal-miri tagħhom li jistabbilizzaw s-sitwazzjoni u jsegwu l-perkors tar-riformi. L-Unjoni ddikjarat ukoll li hija lesta tappoġġa bis-sħiħ l-isforzi tal-komunità internazzjonali u tal-istituzzjonijiet finanzjarji internazzjonali, speċjalment tal-FMI, fir-rigward ta' pakkett ta' assistenza internazzjonali mfassal biex jindirizza l-ħtiġijiet urġenti tal-Ukraina, bil-kundizzjoni ta' impenn ċar mill-Ukraina lejn ir-riformi. L-appoġġ finanzjarju mill-Unjoni lill-Ukraina huwa konsistenti mal-politika tal-Unjoni kif stabbilit fil-Politika Ewropea tal-Viċinat u fis-Sħubija tal-Lvant. Fil-konklużjonijiet tiegħu tat-18 ta' Diċembru 2014, il-Kunsill Ewropew iddikjara li, wara t-tieni żborz tal-Kummissjoni f'Diċembru 2014 ta' EUR 500 miljun f'assistenza makrofinanzjarja, l-Unjoni u l-Istati Membri tagħha jinsabu lesti biex ikomplu jiffaċilitaw u jappoġġaw il-proċess fir-riforma tal-Ukraina, flimkien ma' donaturi oħra u f'konformità mal-kundizzjonalità tal-FMI.

(6)

L-assistenza makrofinanzjarja tal-Unjoni għandha tkun strument finanzjarju eċċezzjonali ta' appoġġ mingħajr irbit u mingħajr deżinjazzjoni għall-bilanċ tal-pagamenti, li għandha l-għan li tindirizza l-ħtiġijiet finanzjarji esterni immedjati tal-benefiċjarju u għandha tirfed l-implimentazzjoni ta' programm ta' politika li fih miżuri qawwija ta' riforma strutturali u ta' aġġustament immedjat maħsuba biex itejbu l-pożizzjoni tal-bilanċ tal-pagamenti fuq perjodu qasir.

(7)

Fit-30 ta' April 2014, l-awtoritajiet tal-Ukraina u l-FMI ftiehmu fuq Arranġament ta' Riżerva ta' Drittijiet Speċjali ta' Prelevament (DSP) ta' sentejn ta' 10,976 biljun (madwar USD 17,01 biljun, 800 fil-mija tal-kwota) f'appoġġ għall-programm ta' aġġustament ekonomiku u riforma.

(8)

Fil-5 ta' Marzu 2014, fid-dawl tas-sitwazzjoni tal-bilanċ tal-pagamenti fl-Ukraina li ħżienet drastikament, il-Kummissjoni ħabbret pakkett ta' sostenn, li kien approvat mill-Kunsill Ewropew straordinarju tas-6 ta' Marzu 2014. Dak il-pakkett jinkludi għajnuna finanzjarja ta' EUR 11-il biljun għall-perjodu 2014-2020, li tinkludi sa EUR 1,565 biljun f'għotjiet għall-istess perjodu mobilizzati skont l-Istrument Ewropew tal-Viċinat, il-Faċilità ta' Investiment tal-Viċinat, l-Istrument li jikkontribwixxi għall-Istabbiltà u l-Paċi u mill-baġit tal-Politika Estera u ta' Sigurtà Komuni, kif ukoll l-assistenza makrofinanzjarja mill-Unjoni sa EUR 1,61 biljun għall-perjodu 2014-2015.

(9)

Fid-9 ta' Settembru 2014, fid-dawl tas-sitwazzjoni u l-prospetti ekonomiċi li kienu sejrin għall-agħar, l-Ukraina talbet għal aktar assistenza makrofinanzjarja mill-Unjoni. Dik it-talba ġiet imtennija f'ittra oħra fil-15 ta' Diċembru 2014.

(10)

Minħabba li l-Ukraina hija pajjiż kopert mill-PEV, għandha titqies bħala eliġibbli biex tirċievi l-assistenza makrofinanzjarja tal-Unjoni.

(11)

Minħabba li għad hemm diskrepanza residwa sinifikanti fil-finanzjament estern fil-bilanċ tal-pagamenti tal-Ukraina lil hinn mir-riżorsi pprovduti mill-FMI u istituzzjonijiet multilaterali oħrajn, l-assistenza makrofinanzjarja tal-Unjoni li se tingħata lill-Ukraina (“l-assistenza makrofinanzjarja tal-Unjoni”), fiċ-ċirkostanzi eċċezzjonali attwali qed titqies bħala reazzjoni xierqa għat-talba tal-Ukraina għal appoġġ għall-istabbilizzazzjoni ekonomika flimkien mal-programm tal-FMI. L-assistenza makrofinanzjarja tal-Unjoni tappoġġa l-aġenda tal-istabbilizzazzjoni ekonomika u tar-riforma strutturali tal-Ukraina, filwaqt li tissupplimenta r-riżorsi li huma disponibbli taħt l-arranġament finanzjarju tal-FMI.

(12)

L-assistenza makrofinanzjarja tal-Unjoni għandu jkollha l-għan li tappoġġa l-ħolqien mill-ġdid ta' sitwazzjoni finanzjarja esterna sostenibbli għall-Ukraina, u b'hekk tappoġġa l-iżvilupp ekonomiku u soċjali tagħha skont il-Ftehim ta' Assoċjazzjoni.

(13)

Id-determinazzjoni tal-ammont tal-assistenza makrofinanzjarja tal-Unjoni hija bbażata fuq valutazzjoni kwantitattiva kompleta tal-ħtiġijiet ta' finanzjament estern residwu tal-Ukraina u tqis il-kapaċità tagħha ta' awtofinanzjament bir-riżorsi proprji, partikolarment ir-riżervi internazzjonali għad-dispożizzjoni tagħha. L-assistenza makrofinanzjarja tal-Unjoni għandha tikkomplimenta l-programmi u r-riżorsi pprovduti mill-FMI u l-Bank Dinji. Id-determinazzjoni tal-ammont tal-assistenza tqis ukoll il-kontribuzzjonijiet finanzjarji mistennija mingħand donaturi multilaterali u l-ħtieġa li tiġi żgurata l-kondiviżjoni ġusta tal-piż bejn l-Unjoni u donaturi oħrajn, kif ukoll l-użu preeżistenti ta' strumenti ta' finanzjament esterni oħra tal-Unjoni fl-Ukraina u l-valur miżjud tal-involviment kumplessiv tal-Unjoni.

(14)

Il-Kummissjoni għandha tiżgura li l-assistenza makrofinanzjarja tal-Unjoni tkun legalment u sostanzjalment konformi mal-prinċipji, l-objettivi u l-miżuri ewlenin meħuda fl-oqsma differenti tal-azzjoni esterna u linji ta' politika oħra rilevanti tal-Unjoni.

(15)

L-assistenza makrofinanzjarja tal-Unjoni għandha tappoġġa l-politika esterna tal-Unjoni rigward l-Ukraina. Is-servizzi tal-Kummissjoni u s-Servizz Ewropew għall-Azzjoni Esterna għandhom jaħdmu mill-qrib matul l-operazzjoni ta' assistenza makrofinanzjarja kollha bil-għan li jikkoordinaw il-politika esterna tal-Unjoni u li jiżguraw il-konsistenza tagħha.

(16)

L-assistenza makrofinanzjarja tal-Unjoni għandha tappoġġa l-impenn tal-Ukraina lejn valuri kondiviżi mal-Unjoni, fosthom dawk tad-demokrazija, l-istat tad-dritt, il-governanza tajba, ir-rispett għad-drittijiet tal-bniedem, l-iżvilupp sostenibbli u t-tnaqqis fil-faqar, kif ukoll l-impenn tal-Ukraina lejn il-prinċipji ta' kummerċ miftuħ, ġust u bbażat fuq ir-regoli.

(17)

Prekundizzjoni għall-għoti tal-assistenza makrofinanzjarja tal-Unjoni għandha tkun li l-Ukraina tirrispetta mekkaniżmi demokratiċi effettivi — inkluża sistema parlamentari b'diversi partiti — l-istat tad-dritt u li tiggarantixxi r-rispett għad-drittijiet tal-bniedem. Barra minn hekk, l-objettivi speċifiċi tal-assistenza makrofinanzjarja tal-Unjoni jkunu li jissaħħu l-effiċjenza, it-trasparenza u r-responsabbiltà fis-sistemi tal-ġestjoni tal-finanzi pubbliċi fl-Ukraina, u li jiġu promossi r-riformi strutturali bil-għan li jappoġġaw it-tkabbir sostenibbli u inklussiv, il-ħolqien tax-xogħol u l-konsolidazzjoni fiskali. Kemm l-issodisfar tal-prekundizzjonijiet kif ukoll il-ksib ta' dawk l-objettivi jiġu mmonitorjati regolarment mill-Kummissjoni u mis-Servizz Ewropew għall-Azzjoni Esterna.

(18)

Biex ikun żgurat li l-interessi finanzjarji tal-Unjoni konnessi mal-assistenza makrofinanzjarja tal-Unjoni jiġu mħarsa b'mod effiċjenti, l-Ukraina għandha tieħu miżuri xierqa fir-rigward tal-prevenzjoni ta', u l-ġlieda kontra l-frodi, il-korruzzjoni u kwalunkwe irregolarità oħra marbuta ma' dik l-assistenza. Barra minn hekk, isir provvediment biex il-Kummissjoni twettaq kontrolli u biex il-Qorti tal-Awdituri twettaq awditi.

(19)

Ir-rilaxx tal-assistenza makrofinanzjarja tal-Unjoni huwa mingħajr preġudizzju għas-setgħat tal-Parlament Ewropew u tal-Kunsill (bħala awtorità baġitarja).

(20)

L-ammonti meħtieġa għall-provvediment tal-assistenza makrofinanzjarja tal-Unjoni għandhom ikunu konsistenti mal-approprjazzjonijiet baġitarji previsti fil-qafas finanzjarju pluriennali.

(21)

L-assistenza makrofinanzjarja tal-Unjoni għandha tiġi mmaniġġjata mill-Kummissjoni. Sabiex ikun żgurat li l-Parlament Ewropew u l-Kunsill ikunu jistgħu jsegwu l-implimentazzjoni ta' din id-Deċiżjoni, il-Kummissjoni għandha tinfurmahom regolarment bl-iżviluppi marbutin mal-għajnuna u tipprovdilhom id-dokumenti rilevanti.

(22)

Sabiex jiġu żgurati kundizzjonijiet uniformi għall-implimentazzjoni ta' din id-Deċiżjoni, il-Kummissjoni għandha tingħata setgħat ta' implimentazzjoni. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill (6).

(23)

L-assistenza makrofinanzjarja tal-Unjoni għandha tkun soġġetta għal kundizzjonijiet ta' politika ekonomika, li għandhom jiġu stabbiliti f'Memorandum ta' Qbil. Sabiex jiġu żgurati kundizzjonijiet uniformi għall-implimentazzjoni u għal raġunijiet ta' effiċjenza, il-Kummissjoni għandha tingħata s-setgħa tinnegozja dawn il-kundizzjonijiet mal-awtoritajiet Ukraini taħt is-superviżjoni tal-kumitat tar-rappreżentanti tal-Istati Membri skont ir-Regolament (UE) Nru 182/2011. Skont dak ir-Regolament bħala regola ġenerali għandha tapplika l-proċedura konsultattiva fil-każijiet kollha ħlief kif previst f'dak ir-Regolament. Meta jiġi kkunsidrat l-impatt potenzjalment importanti tal-assistenza ta' aktar minn EUR 90 miljun, huwa adatt li l-proċedura ta' eżami tintuża għal operazzjonijiet li jeċċedu dak il-limitu. Meta jitqies l-ammont ta' assistenza makrofinanzjarja tal-Unjoni lill-Ukraina, il-proċedura ta' eżami għandha tapplika għall-adozzjoni tal-Memorandum ta' Qbil, jew għal kwalunkwe tnaqqis, suspensjoni jew tħassir tal-assistenza,

(a)

il-prekundizzjoni stipulata fl-Artikolu 2;

(b)

rekord sodisfaċenti kontinwu tal-Ukraina fl-implimentazzjoni ta' programm ta' politika li fih miżuri ta' aġġustament u ta' riforma strutturali b'sodi appoġġati minn arranġament ta' kreditu mill-FMI mhux prekawzjonarju; u

(c)

l-implimentazzjoni tal-politika ekonomika u l-kundizzjonijiet finanzjarji miftiehma fil-Memorandum ta' Qbil f'perjodu ta' żmien speċifiku.

(a)

li jiżguraw li l-Ukraina tivverifika regolarment li l-finanzjament ipprovdut mill-baġit ġenerali tal-Unjoni jkun intuża kif suppost, li din tieħu miżuri xierqa biex tipprevjeni l-irregolaritajiet u l-frodi u, jekk ikun meħtieġ, tieħu azzjoni legali biex tirkupra kwalunkwe fondi pprovduti skont din id-Deċiżjoni li jkunu ġew miżapproprjati;

(b)

li jiżguraw il-protezzjoni tal-interessi finanzjarji tal-Unjoni, b'mod partikolari billi jipprevedu miżuri speċifiċi fir-rigward tal-prevenzjoni ta', u l-ġlieda kontra l-frodi, il-korruzzjoni u kwalunkwe irregolarità oħra li taffettwa l-assistenza makrofinanzjarja tal-Unjoni, f'konformità mar-Regolament tal-Kunsill (KE, Euratom) Nru 2988/95 (11), ir-Regolament tal-Kunsill (Euratom, KE) Nru 2185/96 (12) u r-Regolament (UE, Euratom) Nru 883/2013 tal-Parlament Ewropew u tal-Kunsill (13);

(c)

li jawtorizzaw espressament lill-Kummissjoni, inkluż l-Uffiċċju Ewropew Kontra l-Frodi, jew lir-rappreżentanti tiegħu biex iwettqu verifiki, inklużi spezzjonijiet fuq il-post;

(d)

li jawtorizzaw espressament lill-Kummissjoni u lill-Qorti tal-Awdituri jagħmlu awditjar matul u wara l-perjodu ta' disponibbiltà tal-assistenza makrofinanzjarja tal-Unjoni, inkluż awditjar ta' dokumenti u awditjar fuq il-post, bħal pereżempju valutazzjonijiet operazzjonali; u

(e)

li jiżguraw li l-Unjoni tkun intitolata għal ripagament bikri tas-self meta jkun stabbilit li, fir-rigward tal-maniġment tal-assistenza makrofinanzjarja tal-Unjoni, l-Ukraina wettqet kwalunkwe att ta' frodi jew ta' korruzzjoni jew kwalunkwe attività illegali li hija ta' detriment għall-interessi finanzjarji tal-Unjoni.

(a)

jeżamina l-progress li jkun sar fl-implimentazzjoni tal-assistenza makrofinanzjarja tal-Unjoni;

(b)

jivvaluta s-sitwazzjoni ekonomika u l-prospetti tal-Ukraina, kif ukoll il-progress li jkun sar fl-implimentazzjoni tal-miżuri ta' politika msemmija fl-Artikolu 3(1);

(c)

jindika r-rabta bejn il-kundizzjonijiet tal-politika ekonomika stipulati fil-Memorandum ta' Qbil, il-prestazzjoni ekonomika u fiskali attwali tal-Ukraina u d-deċiżjonijiet tal-Kummissjoni li tirrilaxxa l-pagamenti akkont tal-assistenza makrofinanzjarja tal-Unjoni.