EUR-Lex Access to European Union law
This document is an excerpt from the EUR-Lex website
Document 32014R0298
Commission Regulation (EU) No 298/2014 of 21 March 2014 amending Annex II to Regulation (EC) No 1333/2008 of the European Parliament and of the Council and the Annex to Commission Regulation (EU) No 231/2012 as regards Magnesium dihydrogen diphosphate for use as raising agent and acidity regulator Text with EEA relevance
Regolament tal-Kummissjoni (UE) Nru 298/2014 tal- 21 ta’ Marzu 2014 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 fir-rigward tad-diidroġenudifosfat tal-manjeżju biex jintuża bħala aġent levitanti u regolatur tal-aċidità Test b’relevanza għaż-ŻEE
Regolament tal-Kummissjoni (UE) Nru 298/2014 tal- 21 ta’ Marzu 2014 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 fir-rigward tad-diidroġenudifosfat tal-manjeżju biex jintuża bħala aġent levitanti u regolatur tal-aċidità Test b’relevanza għaż-ŻEE
ĠU L 89, 25.3.2014, p. 36–40
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
25.3.2014 |
MT |
Il-Ġurnal Uffiċjali tal-Unjoni Ewropea |
L 89/36 |
REGOLAMENT TAL-KUMMISSJONI (UE) Nru 298/2014
tal-21 ta’ Marzu 2014
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill u l-Anness tar-Regolament tal-Kummissjoni (UE) Nru 231/2012 fir-rigward tad-diidroġenudifosfat tal-manjeżju biex jintuża bħala aġent levitanti u regolatur tal-aċidità
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta' Diċembru 2008 dwar l-addittivi tal-ikel (1), u b'mod partikolari l-Artikolu 10(3), l-Artikolu 14 u l-Artikolu 30(5) tiegħu,
Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2), u b'mod partikolari l-Artikolu 7(5) tiegħu,
Billi:
|
(1) |
L-Anness II tar-Regolament (KE) Nru 1333/2008 jistabbilixxi lista ta’ addittivi tal-ikel tal-Unjoni approvati għall-użu fl-ikel, u l-kundizzjonijiet tal-użu tagħhom. |
|
(2) |
Ir-Regolament tal-Kummissjoni (UE) Nru 231/2012 (3) jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008. |
|
(3) |
Il-lista tal-Unjoni u l-ispeċifikazzjonijiet jistgħu jiġu aġġornati skont il-proċedura komuni msemmija fl-Artikolu 3(1) tar-Regolament (KE) Nru 1331/2008, b’inizjattiva tal-Kummissjoni jew wara li tkun saret talba. |
|
(4) |
Fis-7 ta' April 2011 tressqet applikazzjoni għall-użu tad-diidroġenudifosfat tal-manjeżju bħala aġent levitanti u regolatur tal-aċidità f’ċerti kategoriji tal-ikel, u saret disponibbli għall-Istati Membri. |
|
(5) |
L-aċidu fosforiku — fosfati — di — tri- u l-polifosfati (E 338 -452) huma awtorizzati għall-użu fi prodotti fini tal-forn bħala aġenti levitanti. Id-difosfati (E 450), speċifikati fir-Regolament (UE) Nru 231/2012, jistgħu jintużaw bħala alternattiva għall-Fosfat tal-aluminju tas-sodju (E541) biex b’hekk jitnaqqas il-kontenut tal-aluminju fl-ikel ipproċessat. Id-difosfati speċifikati bħalissa jħallu togħma astrinġenti ("togħma-piro") u jistgħu jikkontribwixxu għall-kontenut totali ta' sodju fl-ikel. |
|
(6) |
L-ispeċifikazzjonijiet għad-diidroġenudifosfat tal-manjeżju għandhom jiġu stipulati fl-Anness tar-Regolament (UE) Nru 231/2012, peress li s-sustanza tista’ tintuża bħala alternattiva għal difosfati oħra sabiex titnaqqas it-"togħma-piro" u biex ma jiżdiedx il-livell tas-sodju fl-ikel. Għaldaqstant, l-użu tad-diidroġenudifosfat tal-manjeżju għandu jiġi awtorizzat fil-kategoriji 6.2.1: Dqiq, dqiq li jikber minnu nnifsu biss; 6.5: Taljarini; 6.6: Panuri; 7.1: Ħobż u bziezen u 7.2: Prodotti fini tal-forn. In-numru E 450 (ix) għandu jiġi assenjat lid-diidroġenudifosfat tal-manjeżju. |
|
(7) |
Sustanzi simili, b’kontenut ta' manjeżju li huwa ugwali jew ogħla meta mqabbel mad-diidroġenudifosfat tal-manjeżju, il-melħ tal-monomanjeżju u tal-manjeżju dibażiku tal-aċidu ortofosforiku (E343i; E343ii) huma diġà awtorizzati għall-użu fl-istess kategoriji tal-ikel. L-inklużjoni tad-diidroġenudifosfat tal-manjeżju bħala difosfat alternattiv fl-Anness tar-Regolament (UE) Nru 231/2012 u l-użu sussegwenti tiegħu f’oġġetti tal-ikel mhijiex se tirriżulta f’żieda fil-konsum tal-fosfru jew tal-manjeżju. Għaldaqstant, l-istabbiliment tal-ispeċifikazzjoni u tal-awtorizzazzjoni speċifika tal-użu tad-diidroġenudifosfat tal-manjeżju (E 450 (ix)) bħala aġent levitanti u regolatur tal-aċidità mhuwiex meqjus bħala ta’ tħassib għas-sikurezza. |
|
(8) |
Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel biex taġġorna l-lista tal-Unjoni ta’ addittivi tal-ikel stipulata fl-Anness II tar-Regolament (KE) Nru 1333/2008, ħlief meta l-aġġornament inkwistjoni ma jkunx mistenni li jħalli effett fuq is-saħħa tal-bniedem. Peress li l-inklużjoni tad-diidroġenudifosfat tal-manjeżju fl-Anness tar-Regolament tal-KE 231/2012 u l-awtorizzazzjoni tal-użu tad-diidroġenudifosfat tal-manjeżju (E 450 (ix)) bħala aġent levitanti mhumiex meqjusa ta' tħassib għas-sikurezza, m'hemmx għalfejn tintalab l-opinjoni tal-Awtorità Ewropea dwar is-Sigurtà fl-Ikel. |
|
(9) |
Għaldaqstant ir-Regolamenti (KE) Nru 1333/2008 u (UE) Nru 231/2012 għandhom jiġu emendati skont dan. |
|
(10) |
Il-miżuri stipulati f’dan ir-Regolament huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 huwa emendat skont l-Anness I ta’ dan ir-Regolament.
Artikolu 2
L-Anness tar-Regolament (UE) Nru 231/2012 huwa emendat skont l-Annes II ta’ dan ir-Regolament.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Marzu 2014.
Għall-Kummissjoni
Il-President
José Manuel BARROSO
(1) ĠU L 354, 31.12.2008, p. 16.
(2) ĠU L 354, 31.12.2008, p. 1.
(3) Ir-Regolament tal-Kummissjoni (UE) Nru 231/2012 tad-9 ta’ Marzu 2012 li jistabbilixxi l-ispeċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008 tal-Parlament Ewropew u tal-Kunsill (ĠU L 83, 22.3.2012, p. 1)
ANNESS I
L-Anness II tar-Regolament (KE) Nru 1333/2008 huwa emendat kif ġej:
|
(1) |
It-tabella fil-punt (l) tal-Parti C, tinbidel bit-tabella li ġejja:
|
|
(2) |
Il-Parti E tal-Anness II tar-Regolament (KE) Nru 1333/2008 hija emendata kif ġej:
|
||||||||||||||||||||||||||||||||||||||||||||||||||||||||||||||||
(1) E 450 (ix) mhuwiex inkluż”
ANNESS II
Fl-Anness tar-Regolament (UE) Nru 231/2012, tiddaħħal l-entrata li ġejja wara l-ispeċifikazzjonijiet għall-addittiv tal-ikel E 450 (vii):
|
“E 450(ix) DIIDROĠENUDIFOSFAT TAL-MANJEŻJU |
|
|
Sinonimi |
Pirofosfat tal-aċidu tal-manjeżju, diidroġenupirofosfat tal-monomanjeżju; difosfat tal-manjeżju, pirofosfat tal-manjeżju |
|
Definizzjoni |
Id-diidroġenudifosfat tal-manjeżju huwa l-melħ aċiduż tal-manjeżju tal-aċidu difosforiku. Huwa manifatturat billi tiżdied bil-mod dispersjoni bl-ilma tal-idrossidu tal-manjeżju mal-aċidu fosforiku, sakemm jintlaħaq proporzjon molari ta' madwar 1:2 bejn Mg u P. It-temperatura tinżamm taħt 60 °C matul ir-reazzjoni. Jiżdied madwar 0.1 % perossidu tal-idroġenu mat-taħlita ta' reazzjoni u s-sospensjoni magħquda tissaħħan u tiġi mitħuna. |
|
EINECS |
244-016-8 |
|
Isem kimiku |
Diidroġenudifosfat tal-monomanjeżju |
|
Formula kimika |
MgH2P2O7 |
|
Piż Molekolari: |
200,25 |
|
Test |
Il-kontenut ta' P2O5 mhux inqas minn 68,0 % u mhux aktar minn 70,5 % espress bħala P2O5 Il-kontenut ta' MgO mhux inqas minn 18,0 % u mhux iktar minn 20,5 % espress bħala MgO |
|
Deskrizzjoni |
Kristalli jew trab bojod |
|
Identifikazzjoni |
|
|
Solubbiltà |
Ftit solubbli fl-ilma, prattikament insolubbli fl-etanol |
|
Id-daqs tal-partiċella: |
Id-daqs medju ta' partiċella se jvarja bejn 10 u 50 μm |
|
Purità |
|
|
Telf fit-tqabbid |
Mhux aktar minn 12 % (800 °C, 0,5 sigħat) |
|
Fluworidu |
Mhux aktar minn 20 mg/kg (espress bħala fluworu) |
|
Aluminju |
Mhux iktar minn 50 mg/kg |
|
Arseniku |
Mhux iktar minn 1 mg/kg |
|
Kadmju |
Mhux iktar minn 1 mg/kg. |
|
Ċomb |
Mhux aktar minn 1 mg/kg” |