EUR-Lex Access to European Union law
This document is an excerpt from the EUR-Lex website
Document 32004R0596
Commission Regulation (EC) No 596/2004 of 30 March 2004 laying down detailed rules for implementing the system of export licences in the egg sector
Ir-Regolament tal-Kummissjoni (KE) Nru 596/2004 tat-30 ta’ Marzu 2004 li jniżżel regoli dettaljati għall-implementazzjoni tas-sistema tal-liċenzi ta’ esportazzjoni fis-settur tal-bajd
Ir-Regolament tal-Kummissjoni (KE) Nru 596/2004 tat-30 ta’ Marzu 2004 li jniżżel regoli dettaljati għall-implementazzjoni tas-sistema tal-liċenzi ta’ esportazzjoni fis-settur tal-bajd
ĠU L 94, 31.3.2004, p. 33–41
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO)
No longer in force, Date of end of validity: 02/01/2011; Imħassar b' 32010R1178
Official Journal L 094 , 31/03/2004 P. 0033 - 0041
Ir-Regolament tal-Kummissjoni (KE) Nru 596/2004 tat-30 ta’ Marzu 2004 li jniżżel regoli dettaljati għall-implementazzjoni tas-sistema tal-liċenzi ta’ esportazzjoni fis-settur tal-bajd IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 2771/75 tad-29 ta’ Ottubru 1975 dwar l-organizzazzjoni komuni tas-suq fil-bajd [1], kif l-aħħar emendat bir-Regolament (KE) Nru 806/2003 [2], u b’mod partikolari l-Artikoli 3(2), 8(12) u 15 ta’ dan, Wara li kkunsidrat ir-Regolament tal-Kunsill (KE) Nru 3290/94 tat-22 ta’ Diċembru 1994 dwar l-aġġustamenti u l-arranġamenti transitorji meħtieġa fis-settur ta’ l-agrikoltura sabiex jiġi implementat l-ftehim konkluż matul il-Uruguay Round tan-negozjati fil-kummerċ multilaterali [3], kif l-aħħar emendat b’Regolament (KE) Nru 1340/98 [4], u b’mod partikolari l-Artikolu 3(1) ta’ dan, Billi (1) Ir-Regolament tal-Kummissjoni (KE) Nru 1371/95 tas-16 ta’ Ġunju ta’ l-1995 li jniżżel regoli dettaljati għall-implementazzjoni tas-sistema tal-liċenzi ta’ l-esportazzjoni fis-settur tal-bajd [5] kien ġie emendat b’mod sostanzjali kemm-il darba [6]. Fl-interess taċ-ċarezza u tar-razzjonalità, ir-Regolament li ssemma għandu jkun kodifikat. (2) Ir-Regolament (KEE) Nru 2771/75 jipprovdi li l-oġġetti esportati li għalihom jiġu mitluba rifużjonijiet fuq l-esportazzjoni bl-eċċezzjoni ta’ l-esportazzjoni ta’ bajd tal-fqis, għandhom ikunu soġġetti għall-preżentazzjoni ta’ liċenza ta’ esportazzjoni bl-iffissar bil-quddiem tar-rifużjoni. Għalhekk għandhom jiġu stabbiliti regoli ta’ implementazzjoni speċifiċi għas-settur tal-bajd li għandhom, b’mod partikolari, jinkludu dispożizzjonijiet għas-sottomissjoni ta’ l-applikazzjonijiet u l-informazzjoni li għandha tidher fl-applikazzjonijiet u fil-liċenzi,b’żieda għal dawk li jkunu jinsabu fir-Regolament tal-Kummissjoni (KE) Nru 1291/2000 tad-9 ta’ Ġunju 2000 li jniżżel regoli dettaljati komuni għall-applikazzjoni tas-sistema tal-liċenzi ta’ importazzjoni u esportazzjoni u ċ-ċertifikati ta’ l-iffissar bil-quddiem għall-prodotti ta’ l-agrikoltura [7], kif l-aħħar emendat b’Regolament (KE) Nru 322/2004 [8]. (3) Sabiex tassigura l-amministrazzjoni xierqa tas-sistema, għandha tkun stabbilita r-rata tas-sigurtà għal-liċenzi ta’ esportazzjoni skond is-sistema li ssemmiet. Mħabba r-riskju ta’ l-ispekulazzjoni li tinsab fis-sistema fis-settur tal-bajd, il-liċenzi ta’ esportazzjoni mgħandhomx ikunu trasferibbli u għandhom ikunu stabbiliti kondizzjonijiet preċiżi li jirregolaw l-aċċess mill-kummerċjanti għas-sistema li ssemmiet. (4) L-Artikolu 8(12) tar-Regolament (KEE) Nru 2771/75 jipprovdi li l-osservanza ta’ l-obbligi li joriġinaw mill-ftehim konkluż matul il-Uruquay Round tan-negozjati fil-kummerċ multilaterali dwar il-volum ta’ esportazzjoni għandha tkun żgurata fuq il-bażi tal-liċenzi ta’ esportazzjoni. Għalhekk għandha tkun stabbilita skeda dettaljata għad-depożitu ta’ l-applikazzjonijiet u għall-ħruġ tal-liċenzi. (5) Barra dan, id-deċiżjoni dwar l-applikazzjonijiet għal-liċenzi ta’ esportazzjoni għandha tkun komunikata biss wara perjodu ta’ eżami. Dan il-perjodu kien jippermetti lill-Kummissjoni li tieħu stima tal-kwantitajiet li saru applikazzjoni għalihom kif ukoll l-ispiża nvoluta u, jekk xieraq, li tieħu l-miżuri speċifiċi applikabbli b’mod partikolari għall-applikazzjonijiet pendenti. Huwa fl-interess tal-kummerċjanti li jippermettu li l-applikazzjoni għal-liċenza tkun tista’ tiġi rtirata wara li jkun ġie stabbilit il-ko-effiċjent ta’ aċċettazzjoni. (6) Fil-każ ta’ applikazzjonijiet li jikkonċernaw kwantitajiet daqs jew anqas minn 25 tunnellata metrika, il-liċenza ta’ esportazzjoni għandha tinħareġ minnufih jekk il-kummerċjant jitlobha. Madankollu, dawk il-liċenzi għandhom jiġu ristretti għal operazzjonijiet kummerċjali għal perjodu qasir sabiex ma jitħalliex li wieħed ikun jista’ jaħrab mill-mekkaniżmu previst f’dan ir-Regolament. (7) Sabiex tiżgura t-tkomplija eżatta tal-kwantitajiet li għandhom ikunu esportati, għandha tkun stabbilita deroga mir-regoli dwar it-tolleranzi stabbiliti f’Regolament (KE) Nru 1291/2000. (8) Il-Kummissjoni għandha tiddisponi minn informazzjoni preċiża li tikkonċerna l-applikazzjonijiet għal-liċenzi u l-użu tal-liċenzi maħruġa, sabiex tkun tista’ tamministra din is-sistema. Fl-interess ta’ l-amministrazzjoni effiċjenti, l-avviżi mill-Istati Membri lill-Kummissjoni għandhom isiru skond mudell uniformi. (9) L-Artikolu 8(6) tar-Regolament (KEE) Nru 2771/75 jipprovdi li inkwantu għal bajd tal-fqis jistgħu jingħataw rifużjonijiet fuq l-esportazzjoni fuq il-bażi ta’ liċenza ta’ esportazzjoni ex post. Għalhekk għandhom jitniżżlu regoli ta’ implementazzjoni għal dik is-sistema bl-iskop li jiżguraw li verifika effiċjenti ta’ l-obbligi li joriġinaw fil-ftehim konkluż fil-qafas tan-negozjati ta’ l-Uruguay Round jitħarsu. Madankollu, kien jidher li mhux neċessarju li tinħtieġ li tkun depositata garanzija ta’ sigurtà fil-każ ta’ liċenzi li tkun saret applikazzjoni għalihom wara l-esportazzjoni. (10) Il-miżuri previsti f’dan ir-Regolament huma skond l-opinjoni tal-Kumitat ta’ Ġestjoni dwar il-Laħam tat-Tjur u l-Bajd, ADOTTAT DAN IR-REGOLAMENT: Artikolu 1 L-esportazzjonijiet kollha tal-prodotti fis-settur tal-bajd li għalihom tintalab rifużjoni fuq l-esportazzjoni, bl-eċċezzjoni ta’ bajd tal-fqis li jaqa’ fil-kodiċi NM 04070011 u 04070019, għandhom ikunu soġġetti għall-preżentazzjoni ta’ liċenza ta’ esportazzjoni bl-iffissar bil-quddiem tar-rifużjoni, skond id-dispożizzjonijiet ta’ l-Artikoli 2 sa 8. Artikolu 2 1. Il-liċenzi ta’ esportazzjoni għandhom ikunu validi għal 90 jum mill-ġurnata attwali tal-ħruġ tagħhom fis-sens ta’ l-Artikolu 23(2) tar-Regolament (KE) Nru 1291/2000. 2. L-applikazzjonijiet għal-liċenzi u l-liċenzi nfushom għandu jkollhom imniżżla, fit-taqsima 15, id-deskrizzjoni tal-prodott u, fit-taqsima 16, il-kodiċi tal-prodott bi 12-il ċifra tan-nomenklatura tal-prodott agrikolu għar-rifużjonijiet fuq l-esportazzjoni. 3. Il-kategoriji tal-prodotti msemmija fit-tieni paragrafu ta’ l-Artikolu 14 tar-Regolament (KE) Nru 1291/2000, kif ukoll ir-rata tas-sigurtà għal-liċenzi ta’ esportazzjoni huma mogħtija f’L-Anness I. 4. L-applikazzjonijiet għal-liċenzi u l-liċenzi nfushom għandu jkollhom imniżżla, fit-taqsima 20, mill-inqas wieħed minn dawn li ġejjin: - Reglamento (CE) no 596/2004 - Forordning (EF) Nr. 596/2004 - Verordnung (EG) Nr. 596/2004 - Κανονισμός (ΕΚ) αριθ. 596/2004 - Regulation (EK) No 596/2004 - Règlement (CE) no 596/2004 - Regolamento (CE) n. 596/2004 - Verordening (EG) Nr. 596/2004 - Regulamento (CE) n.o 596/2004 - Asetus (EY) N:o 596/2004 - Förordning (EG) Nr. 596/2004. Artikolu 3 1. L-applikazzjonijiet għal-liċenzi ta’ esportazzjoni jistgħu jkunu depożitati mal-awtoritajiet kompetenti mit-Tnejn sal-Ġimgħa ta’ kull ġimgħa. 2. L-applikanti għal-liċenzi ta’ esportazzjoni għandhom ikunu persuni naturali jew ġuridiċi li, fiż-żmien li jiġu sottomessi l-applikazzjonijiet, jistgħu jagħtu prova għas-sodisfazzjon ta’ l-awtoritajiet kompetenti fl-Istati Membri li kienu ġew imqabbda biex jaħdmu fil-kummerċ fis-settur tal-bajd għal mill-anqas 12-il xahar. Madankollu, l-istabbilimenti tal-bejgħ bl-imnut jew ir-restoranti li jbiegħu l-prodotti tagħhom lill-konsumaturi ta’ l-aħħar ma jistgħux jiddepożitaw applikazzjonijiet. 3. Il-liċenzi ta’ l-esportazzjoni jinħarġu fil-jum ta’ l-Erbgħa li jiġi wara l-perjodu taż-żmien imsemmi fil-paragrafu 1, sakemm l-ebda waħda mill-miżuri partikolari msemmija fil-paragrafu 4 ma tkun ittieħdet minn dak in-nhar mill-Kummissjoni. 4. Meta l-applikazzjonijiet għal-liċenzi ta’ esportazzjoni jikkonċernaw kwantitajiet u/jew spejjeż li jeċċedu l-modi ta’ kummerċ normali jew meta hemm riskju li dawn jistgħu jinqabżu, waqt li jittieħed kont tal-limiti msemmija fl-Artikolu 8(12) tar-Regolament (KEE) Nru 2771/75 u/jew l-ispiża korrispondenti matul il-perjodu li qed jiġi ttrattat, il-Kummissjoni tista’: (a) tiffissa persentaġġ wieħed li bih il-kwantitajiet li saru applikazzjonijiet għalihom jiġu aċċettati; (b) tiċħad l-applikazzjonijiet li għalihom għadhom ma ngħatawx liċenzi ta’ esportazzjoni; (ċ) tissospendi d-depożitar ta’ applikazzjonijiet għal-liċenzi ta’ esportazzjoni għal massimu ta’ ħamest ijiem utli. Tista’ tiġi deċiża sospensjoni għall-perjodu itwal taż-żmien skond il-proċedura pprovduta fl-Artikolu 17 tar-Regolament (KEE) Nru 2771/75. F’dawn il-każi, ma għandhomx jiġu aċċettati applikazzjonijiet għal-liċenzi ta’ esportazzjoni matul il-perjodu taż-żmien tas-sospensjoni. Dawn il-miżuri jistgħu jkunu aġġustati skond il-kategorija tal-prodott u d-destinazzjoni. 5. Meta l-kwantitajiet li saru applikazzjonijiet għalihom ma jintlaqgħux jew jiġu mnaqqsa, il-garanzija tas-sigurtà għandha tiġi rilaxxjata fil-pront għall-kwantitajiet kollha li għalihom applikazzjoni ma tkunx ġiet sodisfatta. 6. Minkejja l-paragrafu 3, meta jiġi ffissat persentaġġ wieħed ta’ aċċettazzjoni ta’ anqas minn 80 %, il-liċenza għandha tinħareġ l-aktar tard sal-11-il jum utli wara l-pubblikazzjoni ta’ dak il-persentaġġ fil-Ġurnal Uffiċjali ta’ l-Unjoni Ewropea. Matul l-għaxart ijiem utli wara l-pubblikazzjoni tiegħu, l-operatur jista’: - jew jirtira l-applikazzjoni tiegħu, f’liema każ il-garanzija tas-sigurtà tiġi rilaxxjata immedjatamet, - jew jitlob il-ħruġ immedjat tal-liċenza, f’liema każ l-awtorità kompetenti għandha toħroġha mingħajr dewmien iżda mhux qabel id-data normali tal-ħruġ għall-ġimgħa rilevanti. 7. B’deroga mill-paragrafu 3, il-Kummissjoni tista’ tiffissa ġurnata ħlief l-erbgħa għall-ħruġ ta’ liċenzi ta’ esportazzjoni meta ma jkunx possibbli li din il-ġurnata tiġi rispettata. Artikolu 4 1. Fuq talba ta’ l-operatur, l-applikazzjonijiet għal-liċenzi sa 25 tunnellata metrika ta’ prodotti mgħandhomx ikunu suġġetti għal xi miżuri speċjali kif imsemmija fl-Artikolu 3(4) u l-liċenzi li saru l-applikazzjonijiet għalihom għandhom jinħarġu b’mod immedjat. F’dawk il-każi, minkejja l-Artikolu 2(1), it-terminu tal-validità tal-liċenzi għandu jkun limitat għal ħamest ijiem utli mill-ġurnata attwali tal-ħruġ tagħhom fis-sens ta’ l-Artikolu 23(2) tar-Regolament (KE) Nru 1291/2000 u t-taqsima 20 ta’ l-applikazzjonijiet għal-liċenzi u l-liċenzi nfushom għandhom juru ta’ mill-anqas wieħed minn dawn li ġejjin: - Certificado válido durante cinco días hábiles y no utilizable para la aplicación del artículo 5 del Reglamento (CEE) no 565/80 - Licens, der er gyldig i fem arbejdsdage, og som ikke kan benyttes til at anvende artikel 5 i forordning (EØF) Nr. 565/80 - Fünf Werktage gültige und für die Anwendung von Artikel 5 der Verordnung (EWG) Nr. 565/80 nicht verwendbare Lizenz - Πιστοποιητικό που ίσχυα για πέντε εργασίας ηέρες και δεν χρησιμοποιείται για την εφαρμογή του άρθρου 5 του κανονισμού (ΕΟΚ) αριθ. 565/80 - Licence valid for five working days and not useable for application of Article 5 of Regulation (EEK) No 565/80 - Certificat valable 5 jours ouvrables et non utilisable pour l’application de l’article 5 du règlement (CEE) no 565/80 - Titolo valido cinque giorni lavorativi e non utilizzabile ai fini dell’applicazione dell’articolo 5 del regolamento (CEE) n. 565/80 - Certificaat met een geldigheidsduur van vijf werkdagen en niet te gebruiken voor de toepassing van artikel 5 van Verordening (EEG) Nr. 565/80 - Certificado de exportação válido durante cinco dias úteis, não utilizável para a aplicação do artigo 5.o do Regulamento (CEE) n.o 565/80 - Todistus on voimassa viisi työpäivää eikä sitä voi käyttää sovellettaessa asetuksen (ETY) N:o 565/80 5 artiklaa - Licensen är giltig fem arbetsdagar men gäller inte vid tillämpning av artikel 5 i förordning (EEG) Nr. 565/80. 2. Il-Kummissjoni tista’, meta neċessarju, tissospendi l-applikazzjoni ta’ dan l-Artikolu. Artikolu 5 Il-liċenzi ta’ esportazzjoni ma għandhomx ikunu trasferibbli. Artikolu 6 1. Il-kwantità esportata li taqa’ fit-tolleranza msemmija fl-Artikolu 8(4) tar-Regolament (KE) Nru 1291/2000 ma tintitolax għall-ħlas tar-rifużjoni. 2. Fit-taqsima 22 tal-liċenza, għandu jiġi indikat mill-anqas wieħed minn dawn li ġejjin: - Restitución válida por […] toneladas (cantidad por la que se expida el certificado) - Restitutionen omfatter […] t (den mængde, licensen vedrører) - Erstattung gültig für […] Tonnen (Menge, für welche die Lizenz ausgestellt wurde) - Επιστροφή ισχύουσα για […] τόνους (ποσότητα για την οποία έχει εκδοθεί το πιστοποιητικό) - Refund valid for […] tonnes (quantity for which the licence is issued) - Restitution valable pour […] tonnes (quantité pour laquelle le certificat est délivré) - Restituzione valida per […] t (quantitativo per il quale il titolo è rilasciato) - Restitutie geldig voor […] ton (hoeveelheid waarvoor het certificaat wordt afgegeven) - Restituição válida para […] toneladas (quantidade relativamente à qual é emitido o certificado) - Tuki on voimassa […] tonnille (määrä, jolle todistus on myönnetty) - Ger rätt till exportbidrag för (…) ton (den kvantitet för vilken licensen utfärdats). Artikolu 7 1. Kull nhar ta’ ġimgħa mis-1.00 ta’ wara nofs in-nhar, l-Istati Membri għandhom jibgħatu lill-Kummissjoni dan li ġej b’fax fir-rigward tal-perjodu ta’ qabel: (a) l-applikazzjonijiet għal-liċenzi ta’ esportazzjoni kif imsemmija fl-Artikolu 1 iddepożitati mit-Tnejn sal-Ġimgħa ta’ l-istess ġimgħa, u jiddikjaraw jekk jaqawx fl-ambitu ta’ l-Artikolu 4 jew le; (b) il-kwantitajiet koperti mil-liċenzi ta’ esportazzjoni maħruġa fil-jum ta’ l-Erbgħa ta’ qabel, u ma jinkludux dawk maħruġa b’mod immedjat taħt l-Artikolu 4; (ċ) il-kwantitajiet koperti b’applikazzjonijiet għal-liċenzi ta’ esportazzjoni rtirati skond l-Artikolu 3(6) matul il-ġimgħa ta’ qabel. 2. In-notifika ta’ l-applikazzjonijiet imsemmija fil-paragrafu 1(a) għandha tispeċifika: (a) il-kwantità fil-piż tal-prodott għal kull kategorija msemmija fl-Artikolu 2(3); (b) l-analiżi skond id-destinazzjoni tal-kwantità għal kull kategorija fil-każ meta r-rata tar-rifużjoni tvarja skond id-destinazzjoni; (ċ) ir-rata tar-rifużjoni applikabbli; (d) l-ammont totali tar-rifużjoni ffissata minn qabel f’euro għal kull kategorija ta’ prodott. 3. L-Istati Membri għandhom jittrasmettu lill-Kummissjoni fuq bażi mensili wara t-temma tal-validità tal-liċenzi ta’ esportazzjoni l-kwantità ta’ liċenzi ta’ esportazzjoni mhux użati. 4. In-notifiki kollha msemmija fil-paragrafi 1 u 3, inklużi n-notifiki "nulli", għandhom isiru skond il-mudell stabbilit f’L-Anness II. Artikolu 8 1. Għall-bajd tal-fqis li jaqa’ taħt il-kodiċi NM bin-Nri 04070011 u 04070019, l-operaturi għandhom jiddikjaraw mal-waqt li jwettqu l-formalitajiet tad-dwana għall-oġġetti esportati, illi bi ħsiebhom jitolbu rifużjoni fuq l-esportazzjoni. 2. Mhux aktar tard minn żewġt ijiem utli wara l-esportazzjoni, l-operaturi għandhom jiddepożitaw ma’ l-awtorità kompetenti l-applikazzjoni għal-liċenza ta’ esportazzjoni ex post għall-bajd tal-fqis esportat. Fit-taqsima 20 ta’ l-applikazzjoni għal-liċenza u tal-liċenza nnifisha, għandhom ikunu indikati l-kliem ex post flimkien ma’ l-uffiċċju doganali fejn il-formalitajiet tad-dwana twettqu kif ukoll id-data ta’ l-esportazzjoni fis-sens ta’ l-Artikolu 5(1) tar-Regolament tal-Kummissjoni (KE) Nru 800/1999 [9]. B’deroga mill-Artikolu 15(2) tar-Regolament (KE) Nru 1291/2000 mgħandha tinħtieġ l-ebda garanzija ta’ sigurtà. 3. L-Istati Membri għandhom jikkomunikaw lill-Kummissjoni, kull nhar ta’ Ġimgħa mis-1 ta’ wara nofsinhar ‘l quddiem, b’fax, in-numru ta’ liċenzi ta’ esportazzjoni ex post li saru applikazzjonijiet għalihom jew l-assenza ta’ dawk l-applikazzjonijiet, matul il-ġimgħa kurrenti. In-notifiki għandhom isiru skond il-mudell stabbilit f’L-Anness II u għandhom jispeċifikaw, meta applikabbli, id-dettalji msemmija fl-Artikolu 7(2). 4. Liċenzi ta’ esportazzjoni ex post għandhom jinħarġu kull nhar ta’ Erbgħa ta’ wara, sakemm l-ebda miżura partikolari msemmija fl-Artikolu 3(4) ma tittieħed mill-Kummissjoni wara l-esportazzjoni kkonċernata. Meta jittieħdu dawk il-miżuri għandhom japplikaw għall-esportazzjonijiet li jkunu diġà saru. Din il-liċenza tintitola għall-ħlas tar-rifużjoni applikabbli fil-ġurnata ta’ l-esportazzjoni fis-sens ta’ l-Artikolu 5(1) tar-Regolament (KE) Nru 800/1999. 5. L-Artikolu 24 tar-Regolament (KE) Nru 1291/2000 mgħandux japplika għal-liċenzi ex post imsemmija fil-paragrafi 1 sa 4. Il-liċenzi għandhom jiġu ppreżentati direttament mill-parti interessata lill-aġenzija li tieħu ħsieb il-ħlas tar-rifużjonijiet fuq l-esportazzjoni. Din l-aġenzija għandha tattribwixxi u tittimbra l-liċenza. Artikolu 9 Ir-Regolament (KE) Nru 1371/95 huwa mħassar. Referenzi għar-Regolament imħassar għandhom jinftiehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni f’L-Anness V. Artikolu 10 Dan ir-Regolament għandu jidħol fis-seħħ fl-20 jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, it-30 ta’ Marzu 2004. Ghall-Kummissjoni Franz Fischler Membru tal-Kummissjoni [1] ĠU L 282, ta' l-1.11.75, p. 49. [2] ĠU L 122, tas-16.5.3, p. 1. [3] ĠU L 349, tal-31.12.94, p. 105. [4] ĠU L 184, tas-27.6.98, p. 1. [5] ĠU L 133, tas-17.6.95, p. 16. [6] Ara l-Anness IV. [7] ĠU L 152, ta' L-24.6.00, p. 1. [8] ĠU L 58, tas-26.2.4, p. 3. [9] ĠU L 102, tas-17.4.99, p. 11. -------------------------------------------------- L-ANNESS I Kodiċi tal-prodott tan-nomenklatura tal-prodott agrikolu għar-rifużjonijiet fuq l-esportazzjoni | Kategorija | Ir-Rata tal-garanzija tas-sigurtà (EUR/100 kg piż nett) | 040700119000 | 1 | — | 040700199000 | 2 | — | 040700309000 | 3 | 3 2 | 040811809100 | 4 | 10 | 040819819100040819899100 | 5 | 5 | 040891809100 | 6 | 15 | 040899809100 | 7 | 4 | -------------------------------------------------- L-ANNESS II +++++ TIFF +++++ +++++ TIFF +++++ -------------------------------------------------- L-ANNESS III Il-Baħrejn L-Eġittu Hong Kong Il-Ġappun Il-Kuwajt Il-Malasja L-Oman Il-Filippini Il-Qatar Ir-Russja Il-Korea t’Isfel It-Tajwan It-Tajlandja L-Emirati Għarab Magħquda Ir-Repubblika tal-Jemen -------------------------------------------------- L-ANNESS IV Ir-Regolament imħassar bl-emendi suċċessivi tiegħu Regolament tal-Kummissjoni (KE) Nru 1371/95 | (ĠU L 133, tas-17.6.1995, p. 16) | Regolament tal-Kummissjoni (KE) Nru 2522/95 | (ĠU L 258, tat-28.10.1995, p. 39) | Regolament tal-Kummissjoni (KE) Nru 2840/95 | (ĠU L 296, tad-9.12.1995, p. 5) | Regolament tal-Kummissjoni (KE) Nru 1157/96 | (ĠU L 153, tas-27.6.1996, p. 19) | Regolament tal-Kummissjoni (KE) Nru 1008/98 | (ĠU L 145, tal-15.5.1998, p. 6) | Regolament tal-Kummissjoni (KE) Nru 2336/1999 | (ĠU L 281, ta' l-4.11.1999, p. 16) | Regolament tal-Kummissjoni (KE) Nru 2260/2001 | (ĠU L 305, tat-22.11.2001, p. 11) | -------------------------------------------------- L-ANNESS V Tabella ta’ korrelazzjoni Regolament (KE) Nru 1371/95 | Dan ir-Regolament | L-Artikoli 1 u 2 | L-Artikoli 1 u 2 | L-Artikolu 3(1) sa (3) | L-Artikolu 3(1) sa (3) | L-Artikolu 3(4) l-ewwel inċiż | L-Artikolu 3(4)(a) | L-Artikolu 3(4) it-tieni inċiż | L-Artikolu 3(4)(b) | L-Artikolu 3(4) it-tielet inċiż | L-Artikolu 3(4)(ċ) | L-Artikolu 3(5) sa (7) | L-Artikolu 3(5) sa (7) | L-Artikolu 4 l-ewwel u t-tieni subparagrafi | L-Artikolu 4(1) | L-Artikolu 4 it-tielet subparagrafu | L-Artikolu 4(2) | L-Artikolu 5 | L-Artikolu 5 | L-Artikolu 6 l-ewwel subparagrafu | L-Artikolu 6(1) | L-Artikolu 6 it-tieni subparagrafu | L-Artikolu 6(2) | L-Artikolu 7(1) | L-Artikolu 7(1) | L-Artikolu 7(2) l-ewwel inċiż | L-Artikolu 7(2)(a) | L-Artikolu 7(2) it-tieni inċiż | L-Artikolu 7(2)(b) | L-Artikolu 7(2) it-tielet inċiż | L-Artikolu 7(2)(ċ) | L-Artikolu 7(2) ir-raba' inċiż | L-Artikolu 7(2)(d) | L-Artikolu 7(3) u (4) | L-Artikolu 7(3) u (4) | L-Artikolu 8 | _ | L-Artikolu 9 | L-Artikolu 8 | L-Artikolu 10 | _ | _ | L-Artikolu 9 | L-Artikolu 11 | L-Artikolu 10 | L-Annessi I sa III | L-Annessi I sa III | _ | L-Anness IV | _ | L-Anness V | --------------------------------------------------