EUR-Lex Access to European Union law
This document is an excerpt from the EUR-Lex website
Document 02009R0479-20140901
Council Regulation (EC) No 479/2009 of 25 May 2009 on the application of the Protocol on the excessive deficit procedure annexed to the Treaty establishing the European Community (Codified version)
Consolidated text: Regolament tal-Kunsill (KE) Nru 479/2009 tal- 25 ta’ Mejju 2009 dwar l-applikazzjoni tal-Protokoll dwar il-proċedura tal-iżbilanċ eċċessiv anness mat-Trattat li jistabbilixxi l-Komunità Ewropea (Verżjoni kodifikata)
Regolament tal-Kunsill (KE) Nru 479/2009 tal- 25 ta’ Mejju 2009 dwar l-applikazzjoni tal-Protokoll dwar il-proċedura tal-iżbilanċ eċċessiv anness mat-Trattat li jistabbilixxi l-Komunità Ewropea (Verżjoni kodifikata)
2009R0479 — MT — 01.09.2014 — 002.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
REGOLAMENT TAL-KUNSILL (KE) Nru 479/2009 tal-25 ta’ Mejju 2009 dwar l-applikazzjoni tal-Protokoll dwar il-proċedura tal-iżbilanċ eċċessiv anness mat-Trattat li jistabbilixxi l-Komunità Ewropea (ĠU L 145, 10.6.2009, p.1) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
REGOLAMENT TAL-KUNSILL (UE) Nru 679/2010 tas-26 ta’ Lulju 2010 |
L 198 |
1 |
30.7.2010 |
|
|
REGOLAMENT TAL-KUMMISSJONI (UE) Nru 220/2014 tas-7 ta’ Marzu 2014 |
L 69 |
101 |
8.3.2014 |
|
REGOLAMENT TAL-KUNSILL (KE) Nru 479/2009
tal-25 ta’ Mejju 2009
dwar l-applikazzjoni tal-Protokoll dwar il-proċedura tal-iżbilanċ eċċessiv anness mat-Trattat li jistabbilixxi l-Komunità Ewropea
(Verżjoni kodifikata)
IL-KUNSILL TAL-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b’mod partikolari t-tielet sub-paragrafu tal-Artikolu 104(14) tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew ( 1 ),
Wara li kkunsidra l-opinjoni tal-Bank Ċentrali Ewropew ( 2 ),
Billi:|
(1) |
Ir-Regolament tal-Kunsill (KE) Nru 3605/93 tat-22 ta’ Novembru 1993 dwar l-applikazzjoni tal-Protokoll dwar il-proċedura tal-iżbilanċ eċċessiv anness mat-Trattat li jistabbilixxi l-Komunità Europea ( 3 ) ġie emendat kemm-il darba ( 4 ) b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat. |
|
(2) |
It-tifsira ta’ “gvern”, “żbilanċ” u “investiment” huma mniżżla fil-Protokoll dwar il-proċedura tal-iżbilanċ eċċessiv b’referenza għas-Sistema Ewropea ta’ Kontijiet Ekonomiċi Integrati (ESA) mibdula mis-Sistema Ewropea ta’ kontijiet nazzjonali u reġjonali fil-Komunità (adottata bir-Regolament tal-Kunsill (KE) Nru 2223/96 tal-25 ta’ Ġunju 1996 dwar is-sistema Ewropea tal-kontijiet nazzjonali u reġjonali fil-Komunità u minn hawn ‘il quddiem imsejħa ►M2 “ESA 2010” ◄ ) ( 5 ). Jeħtieġ li jkun hemm tifsiriet ċari b’referenza għall-kodiċijiet ta’ klassifikazzjoni tal- ►M2 ESA 2010 ◄ . Dawn it-tifsiriet jistgħu jkunu suġġetti għal reviżjoni fil-kuntest tal-armonizzazzjoni meħtieġa fl-istatistika nazzjonali jew għal raġunijiet oħra. Kwalunkwe reviżjoni tal-ESA se tiġi deċiża mill-Kunsill skont ir-regoli dwar il-kompetenza u l-proċedura stabbilita fit-Trattat. |
|
(3) |
Skond l-ESA, flussi tal-imgħax taħt kuntratti ta’ tpartit u ftehim ta’ forward rate (FRAs) għandhom jiġu kklassifikati fil-kont finanzjarju u jeħtieġu trattament speċifiku rigward id-data trasmessa taħt il-proċedura tal-iżbilanċ eċċessiv. |
|
(4) |
It-tifsira ta’ “dejn” stabbilita fil-Protokoll dwar il-proċedura tal-iżbilanċ eċċessiv teħtieġ issir usa’ permezz ta’ referenza għall-kodiċijiet ta’ klassifikazzjoni tal- ►M2 ESA 2010 ◄ . |
|
(5) |
Fil-każ ta’ derivati finanzjarji, kif definiti fl- ►M2 ESA 2010 ◄ , ma hemm l-ebda valur nominali identiku għal dak ta’ strumenti oħra ta’ dejn. Għalhekk, jeħtieġ li d-derivati finanzjarji ma jkunux inklużi mal-obbligazzjonijiet li jiffurmaw id-dejn tal-gvern għall-finijiet tal-Protokoll dwar il-proċedura tal-iżbilanċ eċċessiv. Fir-rigward tal-obbligazzjonijiet li jkunu suġġetti għal ftehim li jiffissa r-rata tal-kambju, għandu jittieħed kont ta’ din ir-rata fil-konverżjoni fil-munita nazzjonali. |
|
(6) |
L- ►M2 ESA 2010 ◄ tipprovdi definizzjoni dettaljata tal-prodott gross domestiku bil-prezzijiet korrenti tas-suq, li tixraq għall-kalkolu tal-proporzjonijiet tal-iżbilanċ tal-gvern għall-prodott gross domestiku u tad-dejn tal-gvern għall-prodott gross dometiku msemmi fl-Artikolu 104 tat-Trattat. |
|
(7) |
In-nefqa konsolidata fuq l-imgħax tal-gvern hija indikatur importanti għas-sorveljanza tas-sitwazzjoni tal-istimi fl-Istati Membri. Nefqa fuq l-imgħax hija fiha nfisha marbuta intrinsikament mad-dejn tal-gvern. Id-dejn tal-gvern li jrid jiġi rappurtat lill-Kummissjoni mill-Istati Membri irid ikun konsolidat fis-settur tal-gvern. Il-livelli tad-dejn tal-gvern u tan-nefqa fuq l-imgħax għandhom ikunu konsistenti bejn xulxin. Il-metodoloġija tal- ►M2 ESA 2010 ◄ (punt 1.58) tagħraf li, għal ċerti tipi ta’ analiżi, l-aggregati konsolidati huma iktar sinifikanti minn ċifri grossi ġenerali. |
|
(8) |
Skond kif jgħid il-Protokoll dwar il-proċedura tal-iżbilanċ eċċessiv, il-Kummissjoni jenħtiġielha li tagħti dettalji ta’ statistika sabiex jintużaw f’dik il-proċedura. |
|
(9) |
Ir-rwol tal-Kummissjoni, bħala awtorità statistika, f’dak il-kuntest huwa speċifikament eżerċitat mill-Eurostat, f’isem il-Kummissjoni. Bħala d-dipartiment tal-Kummissjoni responsabbli għat-twettiq tal-kompiti tal-Kummissjoni fir-rigward tal-produzzjoni ta’ statistika Komunitarja, l-Eurostat huwa meħtieġ jesegwixxi l-kompiti tiegħu skont il-prinċipji ta’ imparzjalità, affidabbiltà, rilevanza, attwalità fin-nefqa, kunfidenzjalità statistika u trasparenza, kif stabbiliti fid-Deċiżjoni tal-Kummissjoni 97/281/KE tal-21 ta’ April 1997 dwar ir-rwol tal-Eurostat rigward il-produzzjoni tal-istatistika Komunitarja ( 6 ). L-implementazzjoni mill-awtoritajiet statistiċi nazzjonali u Komunitarji tar-Rakkomandazzjoni tal-Kummissjoni tal-25 ta’ Mejju 2005 dwar l-indipendenza, l-integrità u r-responsabbiltà tal-awtoritajiet nazzjonali u Komunitarji għandha ssaħħaħ il-prinċipju tal-indipendenza professjonali, l-adegwatezza tar-riżorsi u l-kwalità ta’ data statistika. |
|
(10) |
L-Eurostat huwa responsabbli, f’isem il-Kummissjoni, għall-valutazzjoni tal-kwalità tad-data u għall-fornitura tad-data li tintuża fil-kuntest tal-proċedura tal-iżbilanċ eċċessiv, skont id-Deċiżjoni tal-Kummissjoni 97/281/KE. |
|
(11) |
Għandu jiġi stabbilit djalogu permanenti bejn il-Kummissjoni u l-awtoritajiet statistiċi tal-Istati Membri sabiex tiġi żgurata l-kwalità kemm tad-data rappurtata mill-Istati Membri kif ukoll tal-kontijiet tas-settur tal-gvern li fuqhom tkun ibbażata, miġbura skont l- ►M2 ESA 2010 ◄ . |
|
(12) |
Jeħtieġ li jkun hemm regoli dettaljati biex jitħejjew fil-ħin u regolarment ir-rapporti mill-Istati Membri lill-Kummissjoni (Eurostat) dwar l-iżbilanċi tagħhom, ippjanati u attwali, u ta’ kemm ikun id-dejn tagħhom. |
|
(13) |
Konformement mal-Artikolu 104ċ(2) u (3) tat-Trattat, il-Kummissjoni għandha ssegwi l-iżvilupp tas-sitwazzjoni baġitarja u d-daqs akkumulat ta’ dejn governattiv fl-Istati Membri u teżamina l-konformità mad-dixxiplina baġitarja skont kriterji relatati ma’ żbilanċi tal-gvern u ma’ dejn tal-gvern. Jekk Stat Membru ma jissodisfax ir-rekwiżiti taħt wieħed jew iż-żewġ kriterji, ikun jeħtieġ li l-Kummissjoni tqis il-fatturi rilevanti kollha. Il-Kummissjoni jkollha teżamina jekk ikunx hemm riskju ta’ żbilanċ eċċessiv fi Stat Membru, |
ADOTTA DAN IR-REGOLAMENT:
KAPITOLU I
DEFINIZZJONIJIET
Artikolu 1
1. ►M2 Għall-iskopijiet tal-Protokoll dwar il-proċedura ta' defiċit eċċessiv u ta' dan ir-Regolament, it-termini fil-paragrafi 2 sa 6 huma definiti skont ir-Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea ta' kontijiet nazzjonali u reġjonali fl-Unjoni Ewropea (minn hawn 'il quddiem imsejħa l-ESA 2010). Il-kodiċijiet ta' bejn il-parentesi jirreferu għal ESA 2010. ◄
2. “Gvern” tfisser is-settur tal-gvern ġenerali (S.13), jiġifieri l-“gvern ċentrali” (S.1311), gvern statali (S.1312), gvern lokali (S.1313) u fondi ta’ sigurtà soċjali (S.1314), bl-esklużjoni ta’ ħidmiet kummerċjali, kif definiti fl- ►M2 ESA 2010 ◄ .
It-tħollija barra ta’ ħidmiet kummerċjali tfisser li s-settur tal-gvern ġenerali (S.13) jikkomprendi biss dawk l-unitajiet istituzzjonali li jipproduċu servizzi mhux tas-suq bħala l-attivitá ewlenija tagħhom.
3. “Żbilanċ tal-gvern (bilanċ favorevoli)” tfisser is-self missellef nett (self misluf nett) ( ►M2 B.9 ◄ ) tas-settur “gvern ġenerali” (S.13), kif definit fl- ►M2 ESA 2010 ◄ . L-imgħax kompriż fl-isbilanċ tal-gvern huwa l-imgħax ( ►M2 D.41 ◄ ), kif definit fl- ►M2 ESA 2010 ◄ .
4. “Investiment tal-gvern” tfisser il-formazzjoni ta’ kapital gross fiss (P.51) fis-settur tal-“gvern ġenerali” (S.13), kif definit fl- ►M2 ESA 2010 ◄ .
5. “Dejn tal-gvern” tfisser id-dejn totali gross bil-valur nominali li jifdal fl-aħħar tas-sena tas-settur “gvern ġenerali” (S.13), minbarra dawk l-obbligazzjonijiet li l-assi finanzjarji korrespondenti tagħhom huma miżmuma mis-settur gvern ġenerali (S.13).
Id-dejn tal-gvern jikkonsisti mill-obbligazzjonijiet tal-amministrazzjoni pubblika fil-kategoriji li ġejjin: valuta u depożiti (AF.2); titoli ta' dejn (AF.3) u self (AF. 4), kif definit fl-ESA 2010.
Il-valur nominali ta’ obbligazzjonijiet li jibqgħu fl-aħħar tas-sena huwa l-valur fuq il-wiċċ.
Il-valur nominali ta’ obbligazzjonijiet magħquda ma’ indiċi jikkorrespondi għall-valur fuq il-wiċċ tagħha aġġustat bil-bidla relatata mal-indiċi fil-valur tal-kapital prinċipali milħuq sal-aħħar tas-sena.
Obbligazzjonijiet denominati f’muniti barranin, jew skambjati minn munita barranija permezz ta’ ftehim kontrattwali għal munita barranija oħra jew iktar għandhom jiġu konvertiti f’dawn il-muniti barranin l-oħra bir-rata miftiehma f’dawn il- kuntratti u għandhom jinqalbu fil-munita nazzjonali fuq bażi tar-rata ta’ kambju rappreżentattiva tas-suq li tipprevali fl-aħħar jum tax-xogħol ta’ kull sena.
Obbligazzjonijiet denominati fil-munita nazzjonali u skambjati permezz ta’ ftehimijiet kontrattwali għal munita barranija għandhom jiġu konvertiti fil-munita barranija bir-rata miftiehma f’dawn il-kuntratti u għandhom jinqalbu fil-munita nazzjonali fuq bażi tar-rata rappreżentattiva tal-kambju tas-suq kif tipprevali fl-aħħar jum tax-xogħol ta’ kull sena.
Obbligazzjonijiet denominati f’munita barranija u skambjati permezz ta’ ftehim kontrattwali għal munita nazzjonali għandhom jiġu konvertiti fil-munita nazzjonali skont ir-rata miftiehma f’dawn il-kuntratti.
6. “Prodott gross domestiku” tfisser il-prodott grossdomestiku fil-prezzijiet kurrenti tas-suq (PGD mp) (B.1*g), kif definit fl- ►M2 ESA 2010 ◄ .
Artikolu 2
1. “L-iżbilanċ ippjanat tal-gvern u ċ-ċifri tal-livell ta’ dejn tal-gvern” tfisser dawk iċ-ċifri stabbiliti għas-sena kurrenti mill-Istati Membri. Huma għandhom ikunu l-previżjonijiet uffiċjali l-iktar reċenti, b’kont meħud tad-deċiżjonijiet l-iktar reċenti dwar il-budget u tal-iżviluppi u l-prospetti ekonomiċi. Huma għandhom ikunu prodotti fl-iqsar żmien possibbli qabel l-iskadenza tat-terminu perentorju għar-rappurtar.
2. “Iċ-ċifri attwali tal-iżbilanċ tal-gvern u tal-livell ta’ dejn tal-gvern” tfisser ir-riżultati stmati, provviżorji, semi-finalizzati jew finali għal sena li tkun għaddiet. Id-data ppjanata flimkien mad-data attwali għandhom jiffurmaw serje kronoloġika konsistenti fir-rigward tad-definizzjonijiet u l-kunċetti.
Artikolu 2a
“Aċċess” ifisser li d-dokumenti rilevanti u informazzjoni oħra għandhom jiġu pprovduti meta jintalbu, jew immedjatament jew fil-pront kemm jista’ jkun kif inhu konsistenti maż-żmien meħtieġ biex tinġabar l-informazzjoni mitluba.
KAPITOLU II
REGOLI U PUBBLIKAZZJONI TA’ RAPPORTI
Artikolu 3
1. L-Istati Membri għandhom jirrappurtaw lill-Kummissjoni (l-Eurostat) l-iżbilanċi ppjanati u attwali tal-gvern u l-livelli ta’ dejn tal-gvern tagħhom darbtejn fis-sena, l-ewwel darba qabel l-1 ta’ April tas-sena kurrenti (sena n) u t-tieni darba qabel l-1 ta’ Ottubru tas-sena n.
L-Istati Membri għandhom jinformaw lill-Kummissjoni (l-Eurostat) liema Awtoritajiet Nazzjonali jkunu responsabbli għar-rappurtar fil-proċedura tal-iżbilanċ eċċessiv.
2. Qabel l-1 ta’ April tas-sena n, l-Istati Membri għandhom:
(a) jirrappurtaw lill-Kummissjoni (Eurostat) l-iżbilanċ ippjanat tal-gvern tagħhom għas-sena n, stima aġġornata tal-iżbilanċ attwali tal-gvern tagħhom għas-sena n–1 u l-iżbilanċi attwali tal-gvern tagħhom għas-snin n–2, n–3 u n–4;
(b) fl-istess waqt jipprovdu lill-Kummissjoni (Eurostat) d-data ppjanata minnhom għas-sena n u d-data attwali għas-snin n–1, n–2, n–3 u n–4 tal-iżbilanċi korrispondenti fl-estimi fil-kontijiet pubbliċi tagħhom skont id-definizzjoni mogħtija l-aktar prominenza f’pajjiżhom u skont iċ-ċifri li jispjegaw it-transizzjoni bejn l-iżbilanċ fl-estimi fil-kontijiet pubbliċi u l-iżbilanċ tal-gvern tagħhom għas-sub-settur S.1311;
(ċ) fl-istess waqt jipprovdu lill-Kummissjoni (Eurostat) d-data attwali tagħhom għas-snin n–1, n–2, n–3 u n–4 tal-bilanċi operattivi korrispondenti tagħhom u biċ-ċifri li jispjegaw it-transizzjoni bejn il-bilanċi operattivi ta’ kull sub-settur tal-gvern u l-iżbilanċ tal-gvern tagħhom għas-sub-setturi S.1312, S.1313 u S.1314;
(d) jirrappurtaw lill-Kummissjoni (Eurostat) il-livell ippjanat minnhom tad-dejn tal-gvern fl-aħħar tas-sena n u l-livelli tagħhom tad-dejn attwali tal-gvern fl-aħħar tas-snin n–1, n–2, n–3 u n–4;
(e) fl-istess waqt jipprovdu lill-Kummissjoni (Eurostat), għas-snin n–1, n–2, n–3 u n–4, iċ-ċifri li jispjegaw il-kontribut tal-iżbilanċ tal-gvern u fatturi oħra rilevanti għall-varjazzjoni fil-livell tad-dejn tal-gvern tagħhom għal kull subsettur.
3. Qabel l-1 ta’ Ottubru tas-sena n, l-Istati Membri għandhom jirrappurtaw lill-Kummissjoni (Eurostat):
(a) l-iżbilanċ ippjanat tal-gvern aġġornat minnhom għas-sena n u l-iżbilanċi attwali tal-gvern tagħhom għas-snin n–1, n–2, n–3 u n–4 u għandhom jikkonformaw mar-rekwiżiti punti (b) u (c) tal-paragrafu 2;
(b) il-livell ippjanat tad-dejn tal-gvern aġġornat minnhom fl-aħħar tas-sena n u l-livelli tad-dejn attwali tal-gvern tagħhom fl-aħħar tas-snin n–1, n–2, n–3 u n–4, u għandhom jikkonformaw mar-rekwiżiti punt (e) tal-paragrafu 2.
4. Iċ-ċifri tal-iżbilanċ ippjanat tal-gvern kif rappurtat lill-Kummissjoni (l-Eurostat) skont il-paragrafi 2 u 3 għandhom jintwerew fil-munita nazzjonali u skont is-snin tal-estimi.
Iċ-ċifri tal-iżbilanċ attwali tal-gvern u tal-livell tad- dejn attwali tal-gvern kif rappurtati lill-Kummissjoni (l-Eurostat) skont il-paragrafi 2 u 3 għandhom jintwerew fil-munita nazzjonali u skont is-snin kalendarji, ħlief għall-istimi aġġornati għas-sena n-1, li tista’ tintwera skont is-snin tal-estimi.
Meta is-sena tal-estimi ma tkunx taqbel mas-sena kalendarja, l-latati Membri għandhom ukoll jirrappurtaw lill-Kummissjoni (l-Eurostat) ċ-ċifri tagħhom tad-dejn attwali tal-gvern u kemm kien id-dejn attwali tal-gvern għas-sentejn tal-estimi qabel is-sena kurrenti tal-estimi.
Artikolu 4
L-Istati Membri għandhom, skont il-proċedura stabbilita fl-Artikolu 3(1), (2) u (3), jagħtu lill-Kummissjoni (l-Eurostat) iċ-ċifri tan-nefqa tal-gvern tagħhom f’investimenti u nefqa fuq l-imgħax (konsolidata).
Artikolu 5
L-Istati Membri għandhom jagħtu lill-Kummissjoni (Eurostat) tbassir dwar il-prodott gross domestiku tagħhom għas-sena n u l-ammont attwali tal-prodott gross domestiku tagħhom għas-snin n-1, n-2, n-3 u n-4, fl-istess żmien kif imsemmi fl-Artikolu 3(1).
Artikolu 6
1. L-Istati Membri għandhom jinfurmaw lill-Kummissjoni (l-Eurostat), hekk kif issir disponibbli, b’kull reviżjoni ewlenija fiċ-ċifri, li jkunu diġà rappurtati, tal-iżbilanċ u tad-dejn attwali u ppjanati tal-gvern.
2. Ir-reviżjonijiet ewlenien fiċ-ċifri attwali tal-iżbilanċ u tad-dejn diġà rappurtati għandhom jiġu dokumentati adegwatament. F’kull każ, ir-reviżjonijiet li bihom jiġu maqbuża l-valuri ta’ referenza kif speċifikati fil-Protokoll dwar il-proċedura tal-iżbilanċ eċċessiv, jew ir-reviżjonijiet li jfissru li d-data ta’ Stat Membru ma għadhomx jaqbżu l-valuri ta’ referenza, għandhom jiġu rappurtati u dokumentati adegwatament.
Artikolu 7
L-Istati Membri għandhom jippubblikaw id-data attwali tal-iżbilanċ u tad-dejn u data oħra tas-snin ta’ qabel rappurtati lill-Kummissjoni (l-Eurostat) skont l-Artikoli 3 sa 6.
KAPITOLU III
KWALITÀ TAD-DATA
Artikolu 8
1. Il-Kummissjoni (l-Eurostat) għandha regolarment tivvaluta l-kwalità kemm tad-data attwali rappurtata mill-Istati Membri kif ukoll tal-kontijiet tas-settur tal-gvern li fuqhom tkun ibbażata, miġbura skont l- ►M2 ESA 2010 ◄ (minn hawn ‘il quddiem imsejħa “kontijiet tal-gvern”). Il-kwalità tad-data attwali tfisser konformità mar-regoli tal-kontabilità, kompletezza, affidabbiltà, puntwalità, u konsistenza tad-data statistika. Il-valutazzjoni ser tiffoka fuq oqsma speċifikati fl-inventarji tal-Istati Membri bħad-delimitazzjoni tas-settur tal-gvern, il-klassifikazzjoni tat-transazzjonijiet u tal-obbligazzjonijiet tal-gvern, u ż-żmien ta’ reġistrazzjoni.
2. L-Istati Membri għandhom jipprovdu lill-Kummissjoni (Eurostat), fil-pront kemm jista’ jkun, l-informazzjoni dwar l-istatistika rilevanti mitluba għall-ħtiġijiet tal-valutazzjoni tal-kwalità tad-data, mingħajr preġudizzju għad-dispożizzjonijiet tar-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea ( 7 ) fir-rigward tal-kunfidenzjalità statistika.
L-informazzjoni dwar l-istatistika imsemmija fl-ewwel subparagrafu għandha tkun limitata għall-informazzjoni strettament meħtieġa biex tiġi kontrollata l-konformità mar-regoli tal-Awtorità Superviżorja Ewropea (ESA). B’mod partikolari, “informazzjoni dwar l-istatistika” tfisser:
(a) data minn kontijiet nazzjonali;
(b) inventarji;
(c) tabelli ta’ notifika tal-PŻE (proċedura ta’ żbilanċ eċċessiv);
(d) kwestjonarji u kjarifiki addizzjonali relatati man-notifiki.
Il-format tal-kwestjonarji għandu jiġi ddefinit mill-Kummissjoni (Eurostat) wara konsultazzjoni tal-Kumitat tal-Istatistika Monetarja, Finanzjarja u tal-Bilanċ tal-Ħlasijiet (minn hawn ‘il quddiem imsejjaħ is-CMFB).
3. Il-Kummissjoni (l-Eurostat) għandha tirrapporta regolarment lill-Parlament Ewropew u lill-Kunsill dwar il-kwalità tad-data attwali rappurtata mill-Istati Membri. Ir-rapport għandu jindirizza l-valutazzjoni ġenerali tad-data attwali rappurtata mill-Istati Membri fir-rigward tal-konformità mar-regoli tal-kontabilità, tal-kompletezza, tal-affidabbiltà, tal-puntwalità, u tal-konsistenza tad-data.
Artikolu 9
1. L-Istati Membri għandhom jipprovdu lill-Kummissjoni (l-Eurostat) b’inventarju dettaljat tal-metodi, proċeduri u sorsi użati sabiex tinġabar id-data tal-iżbilanċ u tad-dejn attwali u tal-kontijiet tal-gvern li fuqhom tkun ibbażata.
2. L-inventarji għandhom jitħejjew skont linji gwida adottati mill-Kummissjoni (l-Eurostat) wara konsultazzjoni mas-CMFB.
3. L-inventarji għandhom jiġu aġġornati wara reviżjonijiet fil-metodi, fil-proċeduri u fis-sorsi adottati mill-Istati Membri sabiex tinġabar id-data statistika tagħhom.
4. L-Istati Membri għandhom jagħmlu l-inventarji tagħhom pubbliċi.
5. Il-kwistjonijiet imsemmija fil-paragrafi 1, 2 u 3 jistgħu jiġu ttrattati fiż-żjarat imsemmija fl-Artikolu 11.
Artikolu 10
1. Fl-eventwalità ta’ dubju rigward l-implementazzjoni korretta tar-regoli ta’ kontabbiltà tal- ►M2 ESA 2010 ◄ , l-Istat Membru konċernat għandu jitlob kjarifika mill-Kummissjoni (l-Eurostat). Il-Kummissjoni (l-Eurostat) għandha minnufih teżamina l-kwistjoni u tikkomunika l-kjarifika tagħha lill-Istat Membru konċernat u, meta xieraq, lis-CMFB.
2. Għal każijiet li, fil-fehma tal-Kummissjoni jew tal-Istat Membru konċernat, ikunu komplessi jew ta’ interess ġenerali, il-Kummissjoni (l-Eurostat) għandha tieħu deċiżjoni wara li tikkonsulta lis-CMFB. Il-Kummissjoni (l-Eurostat) għandha tagħmel id-deċiżjonijiet pubbliċi, flimkien mal-opinjoni tas-CMFB, mingħajr preġudizzju għad-dispożizzjonijiet relattivi għall-kunfidenzjalità tal-istatistika tar-Regolament (KE) Nru 322/97.
Artikolu 11
1. Il-Kummissjoni (Eurostat) għandha tiżgura djalogu permanenti mal-awtoritajiet tal-istatistika tal-Istati Membri. Għal dan il-għan, il-Kummissjoni (Eurostat) għandha twettaq fl-Istati Membri kollha żjarat regolari ta’ djalogu, kif ukoll żjarat metodoloġiċi possibbli.
2. Meta torganizza żjarat ta’ djalogu u dawk metodoloġiċi, il-Kummissjoni (Eurostat) għandha tittrasmetti l-konklużjonijiet proviżorji tagħha lill-Istati Membri konċernati għall-kummenti tagħhom.
Artikolu 11a
Iż-żjarat ta’ djalogu huma intiżi biex jirrevedu d-data attwali rappurtata konformement mal-Artikolu 8, biex jiġu eżaminati kwistjonijiet metodoloġiċi, biex jiġu diskussi proċessi ta’ statistika u sorsi deskritti fl-inventarji, u biex tiġi valutata l-konformità mar-regoli tal-kontabbiltà. Iż-żjarat ta’ djalogu għandhom jintużaw sabiex jiġu identifikati riskji jew problemi potenzjali fir-rigward tal-kwalità tad-data rappurtata.
Artikolu 11b
1. Iż-żjarat metodoloġiċi huma maħsuba sabiex jiġu sorveljati l-proċessi u vverifikati l-kontijiet li jiġġustifikaw id-data rrappurtata u sabiex jitfasslu konklużjonijiet dettaljati dwar il-kwalità tad-data rrappurtata, kif deskritt fl-Artikolu 8(1).
2. Iż-żjarat metodoloġiċi għandhom isiru biss f’każijiet eċċezzjonali fejn riskji jew problemi sinifikanti fir-rigward tal-kwalità tad-data ikunu ġew identifikati b’mod ċar.
3. Għall-finijiet ta’ dan ir-Regolament, jista’ jitqies li hemm riskji sinifikanti jew problemi bil-kwalità tad-data notifikata minn Stat Membru f’każijiet bħal:
(a) ikun hemm reviżjonijiet frekwenti u mdaqqsa tal-iżbilanċ jew id-dejn li mhumiex spjegati b’mod ċar jew adatt;
(b) l-Istat Membru kkonċernat ma jkunx qed jibgħat lill-Kummissjoni (Eurostat) l-informazzjoni dwar l-istatistika kollha mitluba fil-kuntest taċ-ċikli għal kjarifiki tan-Notifika dwar l-EDP jew bħala konsegwenza ta’ żjara ta’ djalogu, fil-perijodu maqbul bejniethom u ma jkunx spjega b’mod ċar jew adatt ir-raġuni għad-dewmien jew in-nuqqas ta’ rispons;
(c) l-Istat Membru kkonċernat jibdel, unilateralment u mingħajr spjegazzjoni ċara, is-sorsi u l-metodi għall-istima tal-iżbilanċ u d-djun tal-amministrazzjoni pubblika stabbilit fl-Inventarju b’effett materjali fuq l-estimi;
(d) ikun hemm kwistjonijiet metodoloġiċi pendenti li x’aktarx ikollhom effett materjali fuq l-istatistika tad-dejn jew tal-iżbilanċ li ma jkunux issolvew bejn l-Istati Membri u l-Kummissjoni (Eurostat) li jirriżultaw miċ-ċikli għal kjarifiki jew iż-żjarat ta’ djalogu preċedenti, li jwasslu għal riżervi mill-Kummissjoni (Eurostat) f’żewġ notifiki sussegwenti dwar l-EDP;
(e) ikun hemm aġġustamenti għall-fluss tal-istokk persistenti u eċċezzjonalment għoljin li ma jkunux spjegati b’mod ċar.
4. Waqt li tieħu kont prinċipalment tal-kriterji msemmijin fil-paragrafu 3, il-Kummissjoni (Eurostat), wara li tinforma lis-CMFB, għandha tiddeċiedi twettaq żjara metodoloġika.
5. Il-Kummissjoni għandha tipprovdi lill-Kumitat Ekonomiku u Finanzjarju bl-informazzjoni sħiħa dwar ir-raġunijiet li wasslu għaż-żjarat metodoloġiċi.
Artikolu 12
1. L-Istati Membri huma mistennija jipprovdu, fuq it-talba tal-Kummissjoni (Eurostat), u fuq bażi volontarja, l-assistenza ta’ esperti fil-kontabbiltà nazzjonali, inkluż għat-tħejjija u t-twettiq taż-żjarat metodoloġiċi. Fl-eżerċizzju tal-kompiti tagħhom, dawn l-esperti għandhom jipprovdu għarfien espert indipendenti. Għandha tkun kostitwita lista ta’ dawn l-esperti tal-kontabbiltà nazzjonali abbażi ta’ proposti mibgħuta lill-Kummissjoni (Eurostat) mill-awtoritajiet nazzjonali responsabbli għar-rappurtar tal-iżbilanċ eċċessiv.
Il-Kummissjoni għandha tistabbilixxi r-regoli u l-proċeduri relatati mal-għażla tal-esperti, b’kont meħud ta’ distribuzzjoni adegwata ta’ esperti fl-Istati Membri kollha u rotazzjoni adegwata ta’ esperti bejn l-Istati Membri, l-arranġamenti ta’ ħidma tagħhom u d-dettalji finanzjarji. Il-Kummissjoni għandha tikkondividi mal-Istati Membri l-ispiża sħiħa li saret mill-Istati Membri għall-assistenza tal-esperti nazzjonali tagħhom.
2. Fil-qafas taż-żjarat metodoloġiċi, il-Kummissjoni (Eurostat) għandu jkollha d-dritt ta’ aċċess għall-kontijiet tal-entitajiet kollha tal-gvern f’livelli ċentrali, tal-istat, lokali u tas-sigurtà soċjali, inkluż l-għoti ta’ informazzjoni sottostanti dettaljata eżistenti ta’ kontabbiltà u dik baġitarja.
F’dan il-kuntest, informazzjoni ta’ kontabbiltà u dik baġitarja tinkludi:
— transazzjonijiet u karti tal-bilanċ
— stħarriġ statistiku rilevanti u kwestjonarji tal-amministrazzjoni pubblika u informazzjoni ulterjuri relatata, bħal dokumenti analitiċi
— informazzjoni mill-awtoritajiet rilevanti nazzjonali, reġjonali u lokali dwar l-eżekuzzjoni tal-baġit tas-sottosetturi kollha tal-amministrazzjoni pubblika
— il-kontijiet ta’ korpi extra-baġitarji, korporazzjonijiet u istituzzjonijiet mhux ta’ profitt u korpi simili oħrajn li huma parti mis-settur tal-amministrazzjoni pubblika fil-kontijiet nazzjonali
— il-kontijiet tal-fondi tas-sigurtà soċjali.
L-Istati Membri għandhom jieħdu l-miżuri kollha meħtieġa sabiex jiffaċilitaw iż-żjarat metodoloġiċi. Dawn iż-żjarat jistgħu jitwettqu fl-awtoritajiet nazzjonali involuti fir-rappurtar ta’ proċedura ta’ żbilanċ eċċessiv, kif ukoll fis-servizzi kollha involuti direttament jew indirettament fil-produzzjoni tal-kontijiet u d-dejn tal-gvern. Fiż-żewġ każijiet, l-Istituti Nazzjonali tal-Istatistika bħala koordinaturi nazzjonali f’konformità mal-Artikolu 5(1) tar-Regolament (KE) Nru 223/2009, għandhom jappoġġaw lill-Kummissjoni (Eurostat) fl-organizzazzjoni u l-koordinazzjoni taż-żjarat. L-Istati Membri għandhom jiżguraw li dawk is-servizzi u l-awtoritajiet nazzjonali, u fejn meħtieġ, l-awtoritajiet nazzjonali tagħhom li jkollhom responsabbiltà funzjonali għall-kontroll tal-kontijiet pubbliċi, jipprovdu lil uffiċjali tal-Kummissjoni jew lil esperti oħra msemmija fil-paragrafu 1 bl-assistenza meħtieġa sabiex iwettqu dmirijiethom, inkluż billi jagħmlu disponibbli d-dokumenti sabiex tiġi ġustifikata d-data attwali rrappurtata dwar l-iżbilanċ u d-dejn u l-kontijiet tal-gvern sottostanti. Ir-rekords kunfidenzjali tas-sistema statistika nazzjonali kif ukoll data kunfidenzjali oħra għandhom jiġu pprovduti lill-Kummissjoni (Eurostat) għall-fini ta’ valutazzjoni tal-kwalità tagħhom biss. L-esperti tal-kontabbiltà nazzjonali li jassistu lill-Kummissjoni (Eurostat) fil-qafas taż-żjarat metodoloġiċi għandhom jiffirmaw impenn biex jirrispettaw il-kunfidenzjalità qabel ma jsir aċċess għal dawk ir-rekords jew data kunfidenzjali.
3. Il-Kummissjoni (l-Eurostat) għandha tiżgura li l-uffiċjali u l-esperti li jipparteċipaw f’dawn iż-żjarat jissodisfaw kull garanzija fir-rigward ta’ kompetenza teknika, indipendenza professjonali u l-osservanza tal-kunfidenzjalità.
Artikolu 13
Il-Kummissjoni (l-Eurostat) għandha tirrapporta lill-Kumitat Ekonomiku u Finanzjarju dwar il-konklużjonijiet taż-żjarat ta’ djalogu u metodoloġiċi, inkluż kull kumment dwarhom magħmul mill-Istat Membru konċernat. Dawn ir-rapporti flimkien ma’ kull kumment mill-Istat Membru konċernat, wara li jkunu ġew trasmessi lill-Kumitat Ekonomiku u Finanzjarju, għandhom isiru pubbliċi, mingħajr preġudizzju għad-dispożizzjonijiet dwar il-kunfidenzjalità statistika fir-Regolament tal-Kunsill (KE) Nru 322/97.
KAPITOLU IV
FORNITURA TA’ DATA MILL-KUMMISSJONI
(L-EUROSTAT)
Artikolu 14
1. Il-Kummissjoni (l-Eurostat) għandha tipprovdi d-data attwali dwar l-iżbilanċ u d-dejn tal-gvern għall-applikazzjoni tal-Protokoll dwar il-proċedura tal-iżbilanċ eċċessiv, fi żmien tliet ġimgħat wara l-iskadenza tat-termini perentorji tar-rappurtar imsemmija fl-Artikolu 3(1) jew wara r-reviżjonijiet kif imsemmija fl-Artikolu 6(1). Dik il-fornitura ta’ data għandha titwettaq permezz ta’ pubblikazzjoni.
2. Il-Kummissjoni (l-Eurostat) ma għandhiex tittardja l-fornitura tad-data attwali tal-iżbilanċ u d-dejn tal-gvern tal-Istati Membri meta Stat Membru ma jkunx irrapporta d-data proprja tiegħu.
Artikolu 15
1. Il-Kummissjoni (l-Eurostat) tista’ tesprimi riżerva dwar il-kwalità tad-data attwali rappurtata mill-Istati Membri. Mhux aktar tard minn tlett ijiem ta’ xogħol qabel id-data ppjanata għall-pubblikazzjoni, il-Kummissjoni (l-Eurostat) għandha tikkomunika lill-Istat Membru konċernat u lill-President tal-Kumitat Ekonomiku u Finanzjarju r-riżerva li jkollha l-ħsieb li tesprimi u tagħmel pubblika. Fejn il-kwistjoni tiġi solvuta wara l-pubblikazzjoni tad-data u tar-riżerva, l-irtirar tar-riżerva għandu jsir pubbliku immedjatament wara.
2. Il-Kummissjoni (l-Eurostat) tista’ temenda d-data attwali rappurtata mill-Istati Membri u tipprovdi data emendata u ġustifikazzjoni għall-emenda fejn ikun hemm prova li d-data attwali rappurtata mill-Istati Membri mhijiex konformi mar-rekwiżiti tal-Artikolu 8(1). Mhux aktar tard minn tlett ijiem ta’ xogħol qabel id-data ppjanata għall-pubblikazzjoni, il-Kummissjoni (l-Eurostat) għandha tikkomunika lill-Istat Membru konċernat u lill-President tal-Kumitat Ekonomiku u Finanzjarju d-data emendata u l-ġustifikazzjoni għall-emenda.
KAPITOLU V
DISPOŻIZZJONIJIET ĠENERALI
Artikolu 16
1. L-Istati Membri għandhom jiżguraw li d-data attwali rappurtata lill-Kummissjoni (Eurostat) tkun ipprovduta f’konformità mal-prinċipji stabbiliti bl-Artikolu 2 tar-Regolament (KE) Nru 223/2009. F’dan ir-rigward, ir-responsabbiltà tal-awtoritajiet tal-istatistika nazzjonali tkun li jiżguraw il-konformità tad-data rappurtata mal-Artikolu 1 ta’ dan ir-Regolament u mar-regoli sottostanti ta’ kontabbiltà tal- ►M2 ESA 2010 ◄ . L-Istati Membri għandhom jiżguraw li l-awtoritajiet tal-istatistika nazzjonali jkunu pprovduti b’aċċess għall-informazzjoni rilevanti kollha meħtieġa għat-twettiq ta’ dawn il-kompiti.
2. L-Istati Membri għandhom jieħdu l-miżuri adatti sabiex jiżguraw li l-Istituzzjonijiet u l-uffiċjali responsabbli għar-rappurtar tad-data attwali lill-Kummissjoni (Eurostat) u għar-rappurtar tal-kontijiet sottostanti tal-gvern, ikunu affidabbli u jaġixxu f’konformità mal-prinċipji stabbiliti fl-Artikolu 2 tar-Regolament (KE) Nru 223/2009.
Artikolu 17
Fl-eventwalità ta’ reviżjoni tal- ►M2 ESA 2010 ◄ jew ta’ emenda fil-metodoloġija tagħha deċiża mill-Parlament Ewropew u mill-Kunsill jew mill-Kummissjoni skont ir-regoli ta’ kompetenza u ta’ proċedura stabbiliti fit-Trattat u fir-Regolament (KE) Nru 2223/96, il-Kummissjoni għandha tintroduċi r-referenzi l-ġodda għall- ►M2 ESA 2010 ◄ fl-Artikoli 1 u 3 ta’ dan ir-Regolament.
Artikolu 18
Ir-Regolament (KE) Nru 3605/93 hu b’dan imħassar.
Ir-referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skont it-tabella ta’ korrelazzjoni li tinsab fl-Anness II.
Artikolu 19
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu fil-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS I
Regolament imħassar flimkien mal-emendi suċċessivi tiegħu
|
Regolament tal-Kunsill (KE) Nru 3605/93 |
(ĠU L 332, 31.12.1993, p. 7) |
|
Regolament tal-Kunsill (KE) Nru 475/2000 |
(ĠU L 58, 3.3.2000, p. 1) |
|
Regolament tal-Kummissjoni (KE) Nru 351/2002 |
(ĠU L 55, 26.2.2002, p. 23) |
|
Regolament tal-Kunsill (KE) Nru 2103/2005 |
(ĠU L 337, 22.12.2005, p. 1) |
ANNESS II
TABELLA TA’ KORRELAZZJONI
|
Regolament (KE) Nru 3605/93 |
Dan ir-Regolament |
|
Sezzjoni 1 |
Kapitolu I |
|
Artikolu 1(1) sa (5) |
Artikolu 1(1) sa (5) |
|
Artikolu 2 |
Artikolu 1(6) |
|
Artikolu 3 |
Artikolu 2 |
|
Sezzjoni 2 |
Kapitolu II |
|
Artikolu 4(1) |
Artikolu 3(1) |
|
Artikolu 4(2), l-ewwel sal-ħames inċiż |
Artikolu 3(2), il-punti (a) sa (e) |
|
Artikolu 4(3), l-ewwel u t-tieni inċiż |
Artikolu 3(3), il-punti (a) u (b) |
|
Artikolu 4(4) |
Artikolu 3(4) |
|
Artikolu 5 |
Artikolu 4 |
|
Artikolu 6 |
Artikolu 5 |
|
Artikolu 7 |
Artikolu 6 |
|
Artikolu 8 |
Artikolu 7 |
|
Sezzjoni 2a |
Kapitolu III |
|
Artikolu 8a(1) |
Artikolu 8(1) |
|
Artikolu 8a(2), l-ewwel subparagrafu |
Artikolu 8(2), l-ewwel subparagrafu |
|
Artikolu 8a(2), it-tieni subparagrafu, l-ewwel sar-raba’ inċiż |
Artikolu 8(2), it-tieni subparagrafu, punti (a) sa (d) |
|
Artikolu 8(a)(2), it-tielet subparagrafu |
Artikolu 8(2), it-tielet subparagrafu |
|
Artikolu 8(a)(3) |
Artikolu 8(3) |
|
Artikolu 8b |
Artikolu 9 |
|
Artikolu 8ċ |
Artikolu 10 |
|
Artikolu 8d, l-ewwel paragrafu, l-ewwel u t-tieni sentenza |
Artikolu 11(1) |
|
Artikolu 8d, l-ewwel paragrafu, it-tielet sentenza |
Artikolu 11(3), it-tielet subparagrafu |
|
Artikolu 8d, it-tieni paragrafu, l-ewwel u t-tieni sentenza |
Artikolu 11(2) |
|
Artikolu 8d, it-tieni paragrafu, it-tielet sentenza |
Artikolu 11(3), it-tieni subparagrafu |
|
Artikolu 8d, it-tieni paragrafu, ir-raba’ u l-ħames sentenza |
Artikolu 11(3), l-ewwel subparagrafu |
|
Artikolu 8d, it-tielet paragrafu |
Artikolu 11(4) |
|
Artikolu 8e |
Artikolu 12 |
|
Artikolu 8f |
Artikolu 13 |
|
Sezzjoni 2b |
Kapitolu IV |
|
Artikolu 8 g |
Artikolu 14 |
|
Artikolu 8h |
Artikolu 15 |
|
Sezzjoni 2ċ |
Kapitolu V |
|
Artikolu 8i |
Artikolu 16 |
|
Artikolu 8j |
Artikolu 17 |
|
— |
Artikolu 18 |
|
— |
Artikolu 19 |
|
— |
Anness I |
|
— |
Anness II |
( 1 ) Opinjoni tal-21 ta’ Ottubru 2008 (għadha mhijiex pubblikata fil-Ġurnal Uffiċjali).
( 2 ) ĠU C 88, 9.4.2008, p. 1.
( 3 ) ĠU L 332, 31.12.1993, p. 7.
( 4 ) Ara l-Anness I.
( 5 ) ĠU L 310, 30.11.1996, p. 1.
( 6 ) ĠU L 112, 29.4.1997, p. 56.
( 7 ) ĠU L 87, 31.3.2009, p. 164.